Bibles in ancient languages
Old translations
Modern translations

Septante Lamentations 5

Pentateuch
Historical books
Poetical Writings
Prophetic Books
Chapter
Verses
1
Μνήσθητι, κύριε, ὅ τι ἐγενήθη ἡμῖν· ἐπίβλεψον καὶ ἰδὲ τὸν ὀνειδισμὸν ἡμῶν.

Mnḗsthēti, kýrie, hó ti egenḗthē hēmîn: epíblepson kaì idè tòn oneidismòn hēmō̂n.

2
κληρονομία ἡμῶν μετεστράϕη ἀλλοτρίοις, οἱ οἶκοι ἡμῶν ξένοις.

klēronomía hēmō̂n metestráphē allotríois, hoi oîkoi hēmō̂n xénois.

3
ὀρϕανοὶ ἐγενήθημεν, οὐχ ὑπάρχει πατήρ· μητέρες ἡμῶν ὡς αἱ χῆραι.

orphanoì egenḗthēmen, ouch hypárchei patḗr: mētéres hēmō̂n hōs hai chē̂rai.

4
ἐξ ἡμερῶν ἡμῶν ξύλα ἡμῶν ἐν ἀλλάγματι ἦλθεν.

ex hēmerō̂n hēmō̂n xýla hēmō̂n en allágmati ē̂lthen.

5
ἐπὶ τὸν τράχηλον ἡμῶν ἐδιώχθημεν· ἐκοπιάσαμεν, οὐκ ἀνεπαύθημεν.

epì tòn tráchēlon hēmō̂n ediṓchthēmen: ekopiásamen, ouk anepaúthēmen.

6
Αἴγυπτος ἔδωκεν χεῖρα, Ασσουρ εἰς πλησμονὴν αὐτῶν.

Aígyptos édōken cheîra, Assour eis plēsmonḕn autō̂n.

7
οἱ πατέρες ἡμῶν ἥμαρτον, οὐχ ὑπάρχουσιν· ἡμεῖς τὰ ἀνομήματα αὐτῶν ὑπέσχομεν.

hoi patéres hēmō̂n hḗmarton, ouch hypárchousin: hēmeîs tà anomḗmata autō̂n hypéschomen.

8
δοῦλοι ἐκυρίευσαν ἡμῶν, λυτρούμενος οὐκ ἔστιν ἐκ τῆς χειρὸς αὐτῶν.

doûloi ekyríeusan hēmō̂n, lytroúmenos ouk éstin ek tē̂s cheiròs autō̂n.

9
ἐν ταῖς ψυχαῖς ἡμῶν εἰσοίσομεν ἄρτον ἡμῶν ἀπὸ προσώπου ῥομϕαίας τῆς ἐρήμου.

en taîs psychaîs hēmō̂n eisoísomen árton hēmō̂n apò prosṓpou rhomphaías tē̂s erḗmou.

10
τὸ δέρμα ἡμῶν ὡς κλίβανος ἐπελειώθη, συνεσπάσθησαν ἀπὸ προσώπου καταιγίδων λιμοῦ.

tò dérma hēmō̂n hōs klíbanos epeleiṓthē, synespásthēsan apò prosṓpou kataigídōn limoû.

11
γυναῖκας ἐν Σιων ἐταπείνωσαν, παρθένους ἐν πόλεσιν Ιουδα.

gynaîkas en Siōn etapeínōsan, parthénous en pólesin Iouda.

12
ἄρχοντες ἐν χερσὶν αὐτῶν ἐκρεμάσθησαν, πρεσβύτεροι οὐκ ἐδοξάσθησαν.

árchontes en chersìn autō̂n ekremásthēsan, presbýteroi ouk edoxásthēsan.

13
ἐκλεκτοὶ κλαυθμὸν ἀνέλαβον, καὶ νεανίσκοι ἐν ξύλῳ ἠσθένησαν.

eklektoì klauthmòn anélabon, kaì neanískoi en xýlōi ēsthénēsan.

14
καὶ πρεσβῦται ἀπὸ πύλης κατέπαυσαν, ἐκλεκτοὶ ἐκ ψαλμῶν αὐτῶν κατέπαυσαν.

kaì presbŷtai apò pýlēs katépausan, eklektoì ek psalmō̂n autō̂n katépausan.

15
κατέλυσεν χαρὰ καρδίας ἡμῶν, ἐστράϕη εἰς πένθος ὁ χορὸς ἡμῶν.

katélysen charà kardías hēmō̂n, estráphē eis pénthos ho choròs hēmō̂n.

16
ἔπεσεν ὁ στέϕανος τῆς κεϕαλῆς ἡμῶν· οὐαὶ δὴ ἡμῖν, ὅτι ἡμάρτομεν.

épesen ho stéphanos tē̂s kephalē̂s hēmō̂n: ouaì dḕ hēmîn, hóti hēmártomen.

17
περὶ τούτου ἐγενήθη ὀδυνηρὰ ἡ καρδία ἡμῶν, περὶ τούτου ἐσκότασαν οἱ ὀϕθαλμοὶ ἡμῶν·

perì toútou egenḗthē odynērà hē kardía hēmō̂n, perì toútou eskótasan hoi ophthalmoì hēmō̂n:

18
ἐπ’ ὄρος Σιων, ὅτι ἠϕανίσθη, ἀλώπεκες διῆλθον ἐν αὐτῇ.

ep’ óros Siōn, hóti ēphanísthē, alṓpekes diē̂lthon en autē̂i.

19
σὺ δέ, κύριε, εἰς τὸν αἰῶνα κατοικήσεις, ὁ θρόνος σου εἰς γενεὰν καὶ γενεάν.

sỳ dé, kýrie, eis tòn aiō̂na katoikḗseis, ho thrónos sou eis geneàn kaì geneán.

20
ἵνα τί εἰς νεῖκος ἐπιλήσῃ ἡμῶν, καταλείψεις ἡμᾶς εἰς μακρότητα ἡμερῶν;

hína tí eis neîkos epilḗsēi hēmō̂n, kataleípseis hēmâs eis makrótēta hēmerō̂n?

21
ἐπίστρεψον ἡμᾶς, κύριε, πρὸς σέ, καὶ ἐπιστραϕησόμεθα· καὶ ἀνακαίνισον ἡμέρας ἡμῶν καθὼς ἔμπροσθεν.

epístrepson hēmâs, kýrie, pròs sé, kaì epistraphēsómetha: kaì anakaínison hēméras hēmō̂n kathṑs émprosthen.

22
ὅτι ἀπωθούμενος ἀπώσω ἡμᾶς, ὠργίσθης ἐϕ’ ἡμᾶς ἕως σϕόδρα.

hóti apōthoúmenos apṓsō hēmâs, ōrgísthēs eph’ hēmâs héōs sphódra.