Bibles in ancient languages
Old translations
Modern translations

Septante Lévitique 21

Pentateuch
Historical books
Poetical Writings
Prophetic Books
Chapter
Verses
1
Καὶ εἶπεν κύριος πρὸς Μωυσῆν λέγων Εἰπὸν τοῖς ἱερεῦσιν τοῖς υἱοῖς Ααρων καὶ ἐρεῖς πρὸς αὐτούς ’Εν ταῖς ψυχαῖς οὐ μιανθήσονται ἐν τῷ ἔθνει αὐτῶν

Kaì eîpen kýrios pròs Mōysē̂n légōn Eipòn toîs hiereûsin toîs hyioîs Aarōn kaì ereîs pròs autoús ’En taîs psychaîs ou mianthḗsontai en tō̂i éthnei autō̂n
2
ἀλλ’ ἢ ἐν τῷ οἰκείῳ τῷ ἔγγιστα αὐτῶν, ἐπὶ πατρὶ καὶ μητρὶ καὶ υἱοῖς καὶ θυγατράσιν, ἐπ’ ἀδελϕῷ

all’ ḕ en tō̂i oikeíōi tō̂i éngista autō̂n, epì patrì kaì mētrì kaì hyioîs kaì thygatrásin, ep’ adelphō̂i
3
καὶ ἐπ’ ἀδελϕῇ παρθένῳ τῇ ἐγγιζούσῃ αὐτῷ τῇ μὴ ἐκδεδομένῃ ἀνδρί, ἐπὶ τούτοις μιανθήσεται.

kaì ep’ adelphē̂i parthénōi tē̂i engizoúsēi autō̂i tē̂i mḕ ekdedoménēi andrí, epì toútois mianthḗsetai.
4
οὐ μιανθήσεται ἐξάπινα ἐν τῷ λαῷ αὐτοῦ εἰς βεβήλωσιν αὐτοῦ.

ou mianthḗsetai exápina en tō̂i laō̂i autoû eis bebḗlōsin autoû.
5
καὶ ϕαλάκρωμα οὐ ξυρηθήσεσθε τὴν κεϕαλὴν ἐπὶ νεκρῷ καὶ τὴν ὄψιν τοῦ πώγωνος οὐ ξυρήσονται καὶ ἐπὶ τὰς σάρκας αὐτῶν οὐ κατατεμοῦσιν ἐντομίδας.

kaì phalákrōma ou xyrēthḗsesthe tḕn kephalḕn epì nekrō̂i kaì tḕn ópsin toû pṓgōnos ou xyrḗsontai kaì epì tàs sárkas autō̂n ou katatemoûsin entomídas.
6
ἅγιοι ἔσονται τῷ θεῷ αὐτῶν καὶ οὐ βεβηλώσουσιν τὸ ὄνομα τοῦ θεοῦ αὐτῶν· τὰς γὰρ θυσίας κυρίου δῶρα τοῦ θεοῦ αὐτῶν αὐτοὶ προσϕέρουσιν καὶ ἔσονται ἅγιοι.

hágioi ésontai tō̂i theō̂i autō̂n kaì ou bebēlṓsousin tò ónoma toû theoû autō̂n: tàs gàr thysías kyríou dō̂ra toû theoû autō̂n autoì prosphérousin kaì ésontai hágioi.
7
γυναῖκα πόρνην καὶ βεβηλωμένην οὐ λήμψονται καὶ γυναῖκα ἐκβεβλημένην ἀπὸ ἀνδρὸς αὐτῆς· ἅγιός ἐστιν τῷ κυρίῳ θεῷ αὐτοῦ.

gynaîka pórnēn kaì bebēlōménēn ou lḗmpsontai kaì gynaîka ekbeblēménēn apò andròs autē̂s: hágiós estin tō̂i kyríōi theō̂i autoû.
8
καὶ ἁγιάσει αὐτόν, τὰ δῶρα κυρίου τοῦ θεοῦ ὑμῶν οὗτος προσϕέρει· ἅγιος ἔσται, ὅτι ἅγιος ἐγὼ κύριος ὁ ἁγιάζων αὐτούς.

kaì hagiásei autón, tà dō̂ra kyríou toû theoû hymō̂n hoûtos prosphérei: hágios éstai, hóti hágios egṑ kýrios ho hagiázōn autoús.
9
καὶ θυγάτηρ ἀνθρώπου ἱερέως ἐὰν βεβηλωθῇ τοῦ ἐκπορνεῦσαι, τὸ ὄνομα τοῦ πατρὸς αὐτῆς αὐτὴ βεβηλοῖ· ἐπὶ πυρὸς κατακαυθήσεται.

kaì thygátēr anthrṓpou hieréōs eàn bebēlōthē̂i toû ekporneûsai, tò ónoma toû patròs autē̂s autḕ bebēloî: epì pyròs katakauthḗsetai.
10
Καὶ ὁ ἱερεὺς ὁ μέγας ἀπὸ τῶν ἀδελϕῶν αὐτοῦ, τοῦ ἐπικεχυμένου ἐπὶ τὴν κεϕαλὴν τοῦ ἐλαίου τοῦ χριστοῦ καὶ τετελειωμένου ἐνδύσασθαι τὰ ἱμάτια, τὴν κεϕαλὴν οὐκ ἀποκιδαρώσει καὶ τὰ ἱμάτια οὐ διαρρήξει

Kaì ho hiereùs ho mégas apò tō̂n adelphō̂n autoû, toû epikechyménou epì tḕn kephalḕn toû elaíou toû christoû kaì teteleiōménou endýsasthai tà himátia, tḕn kephalḕn ouk apokidarṓsei kaì tà himátia ou diarrḗxei
11
καὶ ἐπὶ πάσῃ ψυχῇ τετελευτηκυίᾳ οὐκ εἰσελεύσεται, ἐπὶ πατρὶ αὐτοῦ οὐδὲ ἐπὶ μητρὶ αὐτοῦ οὐ μιανθήσεται·

kaì epì pásēi psychē̂i teteleutēkyíāi ouk eiseleúsetai, epì patrì autoû oudè epì mētrì autoû ou mianthḗsetai:
12
καὶ ἐκ τῶν ἁγίων οὐκ ἐξελεύσεται καὶ οὐ βεβηλώσει τὸ ἡγιασμένον τοῦ θεοῦ αὐτοῦ, ὅτι τὸ ἅγιον ἔλαιον τὸ χριστὸν τοῦ θεοῦ ἐπ’ αὐτῷ· ἐγὼ κύριος.

kaì ek tō̂n hagíōn ouk exeleúsetai kaì ou bebēlṓsei tò hēgiasménon toû theoû autoû, hóti tò hágion élaion tò christòn toû theoû ep’ autō̂i: egṑ kýrios.
13
οὗτος γυναῖκα παρθένον ἐκ τοῦ γένους αὐτοῦ λήμψεται·

hoûtos gynaîka parthénon ek toû génous autoû lḗmpsetai:
14
χήραν δὲ καὶ ἐκβεβλημένην καὶ βεβηλωμένην καὶ πόρνην, ταύτας οὐ λήμψεται, ἀλλ’ ἢ παρθένον ἐκ τοῦ γένους αὐτοῦ λήμψεται γυναῖκα·

chḗran dè kaì ekbeblēménēn kaì bebēlōménēn kaì pórnēn, taútas ou lḗmpsetai, all’ ḕ parthénon ek toû génous autoû lḗmpsetai gynaîka:
15
καὶ οὐ βεβηλώσει τὸ σπέρμα αὐτοῦ ἐν τῷ λαῷ αὐτοῦ· ἐγὼ κύριος ὁ ἁγιάζων αὐτόν.

kaì ou bebēlṓsei tò spérma autoû en tō̂i laō̂i autoû: egṑ kýrios ho hagiázōn autón.
16
Καὶ ἐλάλησεν κύριος πρὸς Μωυσῆν λέγων

Kaì elálēsen kýrios pròs Mōysē̂n légōn
17
Εἰπὸν Ααρων ῎Ανθρωπος ἐκ τοῦ γένους σου εἰς τὰς γενεὰς ὑμῶν, τίνι ἐὰν ᾖ ἐν αὐτῷ μῶμος, οὐ προσελεύσεται προσϕέρειν τὰ δῶρα τοῦ θεοῦ αὐτοῦ.

Eipòn Aarōn ῎Anthrōpos ek toû génous sou eis tàs geneàs hymō̂n, tíni eàn ē̂i en autō̂i mō̂mos, ou proseleúsetai prosphérein tà dō̂ra toû theoû autoû.
18
πᾶς ἄνθρωπος, ᾧ ἂν ᾖ ἐν αὐτῷ μῶμος, οὐ προσελεύσεται, ἄνθρωπος χωλὸς ἢ τυϕλὸς ἢ κολοβόρριν ἢ ὠτότμητος

pâs ánthrōpos, hō̂i àn ē̂i en autō̂i mō̂mos, ou proseleúsetai, ánthrōpos chōlòs ḕ typhlòs ḕ kolobórrin ḕ ōtótmētos
19
ἢ ἄνθρωπος, ᾧ ἐστιν ἐν αὐτῷ σύντριμμα χειρὸς ἢ σύντριμμα ποδός,

ḕ ánthrōpos, hō̂i estin en autō̂i sýntrimma cheiròs ḕ sýntrimma podós,
20
ἢ κυρτὸς ἢ ἔϕηλος ἢ πτίλος τοὺς ὀϕθαλμοὺς ἢ ἄνθρωπος, ᾧ ἂν ᾖ ἐν αὐτῷ ψώρα ἀγρία ἢ λιχήν, ἢ μόνορχις,

ḕ kyrtòs ḕ éphēlos ḕ ptílos toùs ophthalmoùs ḕ ánthrōpos, hō̂i àn ē̂i en autō̂i psṓra agría ḕ lichḗn, ḕ mónorchis,
21
πᾶς, ᾧ ἐστιν ἐν αὐτῷ μῶμος, ἐκ τοῦ σπέρματος Ααρων τοῦ ἱερέως, οὐκ ἐγγιεῖ τοῦ προσενεγκεῖν τὰς θυσίας τῷ θεῷ σου· ὅτι μῶμος ἐν αὐτῷ, τὰ δῶρα τοῦ θεοῦ οὐ προσελεύσεται προσενεγκεῖν.

pâs, hō̂i estin en autō̂i mō̂mos, ek toû spérmatos Aarōn toû hieréōs, ouk engieî toû prosenenkeîn tàs thysías tō̂i theō̂i sou: hóti mō̂mos en autō̂i, tà dō̂ra toû theoû ou proseleúsetai prosenenkeîn.
22
τὰ δῶρα τοῦ θεοῦ τὰ ἅγια τῶν ἁγίων καὶ ἀπὸ τῶν ἁγίων ϕάγεται·

tà dō̂ra toû theoû tà hágia tō̂n hagíōn kaì apò tō̂n hagíōn phágetai:
23
πλὴν πρὸς τὸ καταπέτασμα οὐ προσελεύσεται καὶ πρὸς τὸ θυσιαστήριον οὐκ ἐγγιεῖ, ὅτι μῶμον ἔχει· καὶ οὐ βεβηλώσει τὸ ἅγιον τοῦ θεοῦ αὐτοῦ, ὅτι ἐγώ εἰμι κύριος ὁ ἁγιάζων αὐτούς.

plḕn pròs tò katapétasma ou proseleúsetai kaì pròs tò thysiastḗrion ouk engieî, hóti mō̂mon échei: kaì ou bebēlṓsei tò hágion toû theoû autoû, hóti egṓ eimi kýrios ho hagiázōn autoús.
24
καὶ ἐλάλησεν Μωυσῆς πρὸς Ααρων καὶ τοὺς υἱοὺς αὐτοῦ καὶ πρὸς πάντας υἱοὺς Ισραηλ.

kaì elálēsen Mōysē̂s pròs Aarōn kaì toùs hyioùs autoû kaì pròs pántas hyioùs Israēl.