Bibles in ancient languages
Old translations
Modern translations

Septante Michée 5

Pentateuch
Historical books
Poetical Writings
Prophetic Books
Chapter
Verses
1
Καὶ σύ, Βηθλεεμ οἶκος τοῦ Εϕραθα, ὀλιγοστὸς εἶ τοῦ εἶναι ἐν χιλιάσιν Ιουδα· ἐκ σοῦ μοι ἐξελεύσεται τοῦ εἶναι εἰς ἄρχοντα ἐν τῷ Ισραηλ, καὶ αἱ ἔξοδοι αὐτοῦ ἀπ’ ἀρχῆς ἐξ ἡμερῶν αἰῶνος.

Kaì sý, Bēthleem oîkos toû Ephratha, oligostòs eî toû eînai en chiliásin Iouda: ek soû moi exeleúsetai toû eînai eis árchonta en tō̂i Israēl, kaì hai éxodoi autoû ap’ archē̂s ex hēmerō̂n aiō̂nos.
2
διὰ τοῦτο δώσει αὐτοὺς ἕως καιροῦ τικτούσης τέξεται, καὶ οἱ ἐπίλοιποι τῶν ἀδελϕῶν αὐτῶν ἐπιστρέψουσιν ἐπὶ τοὺς υἱοὺς Ισραηλ.

dià toûto dṓsei autoùs héōs kairoû tiktoúsēs téxetai, kaì hoi epíloipoi tō̂n adelphō̂n autō̂n epistrépsousin epì toùs hyioùs Israēl.
3
καὶ στήσεται καὶ ὄψεται καὶ ποιμανεῖ τὸ ποίμνιον αὐτοῦ ἐν ἰσχύι κυρίου, καὶ ἐν τῇ δόξῃ τοῦ ὀνόματος κυρίου τοῦ θεοῦ αὐτῶν ὑπάρξουσιν· διότι νῦν μεγαλυνθήσεται ἕως ἄκρων τῆς γῆς.

kaì stḗsetai kaì ópsetai kaì poimaneî tò poímnion autoû en ischýi kyríou, kaì en tē̂i dóxēi toû onómatos kyríou toû theoû autō̂n hypárxousin: dióti nŷn megalynthḗsetai héōs ákrōn tē̂s gē̂s.
4
καὶ ἔσται αὕτη εἰρήνη· ὅταν ’Ασσύριος ἐπέλθῃ ἐπὶ τὴν γῆν ὑμῶν καὶ ὅταν ἐπιβῇ ἐπὶ τὴν χώραν ὑμῶν, καὶ ἐπεγερθήσονται ἐπ’ αὐτὸν ἑπτὰ ποιμένες καὶ ὀκτὼ δήγματα ἀνθρώπων·

kaì éstai haútē eirḗnē: hótan ’Assýrios epélthēi epì tḕn gē̂n hymō̂n kaì hótan epibē̂i epì tḕn chṓran hymō̂n, kaì epegerthḗsontai ep’ autòn heptà poiménes kaì oktṑ dḗgmata anthrṓpōn:
5
καὶ ποιμανοῦσιν τὸν Ασσουρ ἐν ῥομϕαίᾳ καὶ τὴν γῆν τοῦ Νεβρωδ ἐν τῇ τάϕρῳ αὐτῆς· καὶ ῥύσεται ἐκ τοῦ Ασσουρ, ὅταν ἐπέλθῃ ἐπὶ τὴν γῆν ὑμῶν καὶ ὅταν ἐπιβῇ ἐπὶ τὰ ὅρια ὑμῶν.

kaì poimanoûsin tòn Assour en rhomphaíāi kaì tḕn gē̂n toû Nebrōd en tē̂i táphrōi autē̂s: kaì rhýsetai ek toû Assour, hótan epélthēi epì tḕn gē̂n hymō̂n kaì hótan epibē̂i epì tà hória hymō̂n.
6
καὶ ἔσται τὸ ὑπόλειμμα τοῦ Ιακωβ ἐν τοῖς ἔθνεσιν ἐν μέσῳ λαῶν πολλῶν ὡς δρόσος παρὰ κυρίου πίπτουσα καὶ ὡς ἄρνες ἐπὶ ἄγρωστιν, ὅπως μὴ συναχθῇ μηδεὶς μηδὲ ὑποστῇ ἐν υἱοῖς ἀνθρώπων.

kaì éstai tò hypóleimma toû Iakōb en toîs éthnesin en mésōi laō̂n pollō̂n hōs drósos parà kyríou píptousa kaì hōs árnes epì ágrōstin, hópōs mḕ synachthē̂i mēdeìs mēdè hypostē̂i en hyioîs anthrṓpōn.
7
καὶ ἔσται τὸ ὑπόλειμμα τοῦ Ιακωβ ἐν τοῖς ἔθνεσιν ἐν μέσῳ λαῶν πολλῶν ὡς λέων ἐν κτήνεσιν ἐν τῷ δρυμῷ καὶ ὡς σκύμνος ἐν ποιμνίοις προβάτων, ὃν τρόπον ὅταν διέλθῃ καὶ διαστείλας ἁρπάσῃ καὶ μὴ ᾖ ὁ ἐξαιρούμενος.

kaì éstai tò hypóleimma toû Iakōb en toîs éthnesin en mésōi laō̂n pollō̂n hōs léōn en ktḗnesin en tō̂i drymō̂i kaì hōs skýmnos en poimníois probátōn, hòn trópon hótan diélthēi kaì diasteílas harpásēi kaì mḕ ē̂i ho exairoúmenos.
8
ὑψωθήσεται ἡ χείρ σου ἐπὶ τοὺς θλίβοντάς σε, καὶ πάντες οἱ ἐχθροί σου ἐξολεθρευθήσονται.

hypsōthḗsetai hē cheír sou epì toùs thlíbontás se, kaì pántes hoi echthroí sou exolethreuthḗsontai.
9
Καὶ ἔσται ἐν ἐκείνῃ τῇ ἡμέρᾳ, λέγει κύριος, ἐξολεθρεύσω τοὺς ἵππους σου ἐκ μέσου σου καὶ ἀπολῶ τὰ ἅρματά σου

Kaì éstai en ekeínēi tē̂i hēmérāi, légei kýrios, exolethreúsō toùs híppous sou ek mésou sou kaì apolō̂ tà hármatá sou
10
καὶ ἐξολεθρεύσω τὰς πόλεις τῆς γῆς σου καὶ ἐξαρῶ πάντα τὰ ὀχυρώματά σου·

kaì exolethreúsō tàs póleis tē̂s gē̂s sou kaì exarō̂ pánta tà ochyrṓmatá sou:
11
καὶ ἐξαρῶ τὰ ϕάρμακά σου ἐκ τῶν χειρῶν σου, καὶ ἀποϕθεγγόμενοι οὐκ ἔσονται ἐν σοί·

kaì exarō̂ tà phármaká sou ek tō̂n cheirō̂n sou, kaì apophthengómenoi ouk ésontai en soí:
12
καὶ ἐξολεθρεύσω τὰ γλυπτά σου καὶ τὰς στήλας σου ἐκ μέσου σου, καὶ οὐκέτι μὴ προσκυνήσῃς τοῖς ἔργοις τῶν χειρῶν σου·

kaì exolethreúsō tà glyptá sou kaì tàs stḗlas sou ek mésou sou, kaì oukéti mḕ proskynḗsēis toîs érgois tō̂n cheirō̂n sou:
13
καὶ ἐκκόψω τὰ ἄλση σου ἐκ μέσου σου καὶ ἀϕανιῶ τὰς πόλεις σου·

kaì ekkópsō tà álsē sou ek mésou sou kaì aphaniō̂ tàs póleis sou:
14
καὶ ποιήσω ἐν ὀργῇ καὶ ἐν θυμῷ ἐκδίκησιν ἐν τοῖς ἔθνεσιν, ἀνθ’ ὧν οὐκ εἰσήκουσαν.

kaì poiḗsō en orgē̂i kaì en thymō̂i ekdíkēsin en toîs éthnesin, anth’ hō̂n ouk eisḗkousan.