Bibles in ancient languages
Old translations
Modern translations

Septante Siracide 2

Pentateuch
Historical books
Poetical Writings
Prophetic Books
Chapter
Verses
1
Τέκνον, εἰ προσέρχῃ δουλεύειν κυρίῳ, ἑτοίμασον τὴν ψυχήν σου εἰς πειρασμόν·

Téknon, ei prosérchēi douleúein kyríōi, hetoímason tḕn psychḗn sou eis peirasmón:

2
εὔθυνον τὴν καρδίαν σου καὶ καρτέρησον καὶ μὴ σπεύσῃς ἐν καιρῷ ἐπαγωγῆς·

eúthynon tḕn kardían sou kaì kartérēson kaì mḕ speúsēis en kairō̂i epagōgē̂s:

3
κολλήθητι αὐτῷ καὶ μὴ ἀποστῇς, ἵνα αὐξηθῇς ἐπ’ ἐσχάτων σου.

kollḗthēti autō̂i kaì mḕ apostē̂is, hína auxēthē̂is ep’ eschátōn sou.

4
πᾶν, ὃ ἐὰν ἐπαχθῇ σοι, δέξαι καὶ ἐν ἀλλάγμασιν ταπεινώσεώς σου μακροθύμησον·

pân, hò eàn epachthē̂i soi, déxai kaì en allágmasin tapeinṓseṓs sou makrothýmēson:

5
ὅτι ἐν πυρὶ δοκιμάζεται χρυσὸς καὶ ἄνθρωποι δεκτοὶ ἐν καμίνῳ ταπεινώσεως.

hóti en pyrì dokimázetai chrysòs kaì ánthrōpoi dektoì en kamínōi tapeinṓseōs.

6
πίστευσον αὐτῷ, καὶ ἀντιλήμψεταί σου· εὔθυνον τὰς ὁδούς σου καὶ ἔλπισον ἐπ’ αὐτόν.

písteuson autō̂i, kaì antilḗmpsetaí sou: eúthynon tàs hodoús sou kaì élpison ep’ autón.

7
Οἱ ϕοβούμενοι τὸν κύριον, ἀναμείνατε τὸ ἔλεος αὐτοῦ καὶ μὴ ἐκκλίνητε, ἵνα μὴ πέσητε.

Hoi phoboúmenoi tòn kýrion, anameínate tò éleos autoû kaì mḕ ekklínēte, hína mḕ pésēte.

8
οἱ ϕοβούμενοι κύριον, πιστεύσατε αὐτῷ, καὶ οὐ μὴ πταίσῃ ὁ μισθὸς ὑμῶν.

hoi phoboúmenoi kýrion, pisteúsate autō̂i, kaì ou mḕ ptaísēi ho misthòs hymō̂n.

9
οἱ ϕοβούμενοι κύριον, ἐλπίσατε εἰς ἀγαθὰ καὶ εἰς εὐϕροσύνην αἰῶνος καὶ ἔλεος.

hoi phoboúmenoi kýrion, elpísate eis agathà kaì eis euphrosýnēn aiō̂nos kaì éleos.

10
ἐμβλέψατε εἰς ἀρχαίας γενεὰς καὶ ἴδετε· τίς ἐνεπίστευσεν κυρίῳ καὶ κατῃσχύνθη; ἢ τίς ἐνέμεινεν τῷ ϕόβῳ αὐτοῦ καὶ ἐγκατελείϕθη; ἢ τίς ἐπεκαλέσατο αὐτόν, καὶ ὑπερεῖδεν αὐτόν;

emblépsate eis archaías geneàs kaì ídete: tís enepísteusen kyríōi kaì katēischýnthē? ḕ tís enémeinen tō̂i phóbōi autoû kaì enkateleíphthē? ḕ tís epekalésato autón, kaì hypereîden autón?

11
διότι οἰκτίρμων καὶ ἐλεήμων ὁ κύριος καὶ ἀϕίησιν ἁμαρτίας καὶ σῴζει ἐν καιρῷ θλίψεως.

dióti oiktírmōn kaì eleḗmōn ho kýrios kaì aphíēsin hamartías kaì sṓizei en kairō̂i thlípseōs.

12
Οὐαὶ καρδίαις δειλαῖς καὶ χερσὶν παρειμέναις καὶ ἁμαρτωλῷ ἐπιβαίνοντι ἐπὶ δύο τρίβους.

Ouaì kardíais deilaîs kaì chersìn pareiménais kaì hamartōlō̂i epibaínonti epì dýo tríbous.

13
οὐαὶ καρδίᾳ παρειμένῃ, ὅτι οὐ πιστεύει· διὰ τοῦτο οὐ σκεπασθήσεται.

ouaì kardíāi pareiménēi, hóti ou pisteúei: dià toûto ou skepasthḗsetai.

14
οὐαὶ ὑμῖν τοῖς ἀπολωλεκόσιν τὴν ὑπομονήν· καὶ τί ποιήσετε ὅταν ἐπισκέπτηται ὁ κύριος;

ouaì hymîn toîs apolōlekósin tḕn hypomonḗn: kaì tí poiḗsete hótan episképtētai ho kýrios?

15
οἱ ϕοβούμενοι κύριον οὐκ ἀπειθήσουσιν ῥημάτων αὐτοῦ, καὶ οἱ ἀγαπῶντες αὐτὸν συντηρήσουσιν τὰς ὁδοὺς αὐτοῦ.

hoi phoboúmenoi kýrion ouk apeithḗsousin rhēmátōn autoû, kaì hoi agapō̂ntes autòn syntērḗsousin tàs hodoùs autoû.

16
οἱ ϕοβούμενοι κύριον ζητήσουσιν εὐδοκίαν αὐτοῦ, καὶ οἱ ἀγαπῶντες αὐτὸν ἐμπλησθήσονται τοῦ νόμου.

hoi phoboúmenoi kýrion zētḗsousin eudokían autoû, kaì hoi agapō̂ntes autòn emplēsthḗsontai toû nómou.

17
οἱ ϕοβούμενοι κύριον ἑτοιμάσουσιν καρδίας αὐτῶν καὶ ἐνώπιον αὐτοῦ ταπεινώσουσιν τὰς ψυχὰς αὐτῶν.

hoi phoboúmenoi kýrion hetoimásousin kardías autō̂n kaì enṓpion autoû tapeinṓsousin tàs psychàs autō̂n.

18
ἐμπεσούμεθα εἰς χεῖρας κυρίου καὶ οὐκ εἰς χεῖρας ἀνθρώπων· ὡς γὰρ ἡ μεγαλωσύνη αὐτοῦ, οὕτως καὶ τὸ ἔλεος αὐτοῦ.

empesoúmetha eis cheîras kyríou kaì ouk eis cheîras anthrṓpōn: hōs gàr hē megalōsýnē autoû, hoútōs kaì tò éleos autoû.