Bibles in ancient languages
Old translations
Modern translations

Septante Siracide 34

Pentateuch
Historical books
Poetical Writings
Prophetic Books
Chapter
Verses
1
Κεναὶ ἐλπίδες καὶ ψευδεῖς ἀσυνέτῳ ἀνδρί, καὶ ἐνύπνια ἀναπτεροῦσιν ἄϕρονας.

Kenaì elpídes kaì pseudeîs asynétōi andrí, kaì enýpnia anapteroûsin áphronas.

2
ὡς δρασσόμενος σκιᾶς καὶ διώκων ἄνεμον οὕτως ὁ ἐπέχων ἐνυπνίοις·

hōs drassómenos skiâs kaì diṓkōn ánemon hoútōs ho epéchōn enypníois:

3
τοῦτο κατὰ τούτου ὅρασις ἐνυπνίων, κατέναντι προσώπου ὁμοίωμα προσώπου.

toûto katà toútou hórasis enypníōn, katénanti prosṓpou homoíōma prosṓpou.

4
ἀπὸ ἀκαθάρτου τί καθαρισθήσεται; καὶ ἀπὸ ψευδοῦς τί ἀληθεύσει;

apò akathártou tí katharisthḗsetai? kaì apò pseudoûs tí alētheúsei?

5
μαντεῖαι καὶ οἰωνισμοὶ καὶ ἐνύπνια μάταιά ἐστιν, καὶ ὡς ὠδινούσης ϕαντάζεται καρδία·

manteîai kaì oiōnismoì kaì enýpnia mátaiá estin, kaì hōs ōdinoúsēs phantázetai kardía:

6
ἐὰν μὴ παρὰ ὑψίστου ἀποσταλῇ ἐν ἐπισκοπῇ, μὴ δῷς εἰς αὐτὰ τὴν καρδίαν σου·

eàn mḕ parà hypsístou apostalē̂i en episkopē̂i, mḕ dō̂is eis autà tḕn kardían sou:

7
πολλοὺς γὰρ ἐπλάνησεν τὰ ἐνύπνια, καὶ ἐξέπεσον ἐλπίζοντες ἐπ’ αὐτοῖς.

polloùs gàr eplánēsen tà enýpnia, kaì exépeson elpízontes ep’ autoîs.

8
ἄνευ ψεύδους συντελεσθήσεται νόμος, καὶ σοϕία στόματι πιστῷ τελείωσις.

áneu pseúdous syntelesthḗsetai nómos, kaì sophía stómati pistō̂i teleíōsis.

9
’Ανὴρ πεπλανημένος ἔγνω πολλά, καὶ ὁ πολύπειρος ἐκδιηγήσεται σύνεσιν·

’Anḕr peplanēménos égnō pollá, kaì ho polýpeiros ekdiēgḗsetai sýnesin:

10
ὃς οὐκ ἐπειράθη, ὀλίγα οἶδεν, ὁ δὲ πεπλανημένος πληθυνεῖ πανουργίαν.

hòs ouk epeiráthē, olíga oîden, ho dè peplanēménos plēthyneî panourgían.

11
πολλὰ ἑώρακα ἐν τῇ ἀποπλανήσει μου, καὶ πλείονα τῶν λόγων μου σύνεσίς μου·

pollà heṓraka en tē̂i apoplanḗsei mou, kaì pleíona tō̂n lógōn mou sýnesís mou:

12
πλεονάκις ἕως θανάτου ἐκινδύνευσα καὶ διεσώθην τούτων χάριν.

pleonákis héōs thanátou ekindýneusa kaì diesṓthēn toútōn chárin.

13
πνεῦμα ϕοβουμένων κύριον ζήσεται· ἡ γὰρ ἐλπὶς αὐτῶν ἐπὶ τὸν σῴζοντα αὐτούς.

pneûma phobouménōn kýrion zḗsetai: hē gàr elpìs autō̂n epì tòn sṓizonta autoús.

14
ὁ ϕοβούμενος κύριον οὐδὲν εὐλαβηθήσεται καὶ οὐ μὴ δειλιάσῃ, ὅτι αὐτὸς ἐλπὶς αὐτοῦ.

ho phoboúmenos kýrion oudèn eulabēthḗsetai kaì ou mḕ deiliásēi, hóti autòs elpìs autoû.

15
ϕοβουμένου τὸν κύριον μακαρία ἡ ψυχή· τίνι ἐπέχει; καὶ τίς αὐτοῦ στήριγμα;

phobouménou tòn kýrion makaría hē psychḗ: tíni epéchei? kaì tís autoû stḗrigma?

16
οἱ ὀϕθαλμοὶ κυρίου ἐπὶ τοὺς ἀγαπῶντας αὐτόν, ὑπερασπισμὸς δυναστείας καὶ στήριγμα ἰσχύος, σκέπη ἀπὸ καύσωνος καὶ σκέπη ἀπὸ μεσημβρίας, ϕυλακὴ ἀπὸ προσκόμματος καὶ βοήθεια ἀπὸ πτώσεως,

hoi ophthalmoì kyríou epì toùs agapō̂ntas autón, hyperaspismòs dynasteías kaì stḗrigma ischýos, sképē apò kaúsōnos kaì sképē apò mesēmbrías, phylakḕ apò proskómmatos kaì boḗtheia apò ptṓseōs,

17
ἀνυψῶν ψυχὴν καὶ ϕωτίζων ὀϕθαλμούς, ἴασιν διδούς, ζωὴν καὶ εὐλογίαν.

anypsō̂n psychḕn kaì phōtízōn ophthalmoús, íasin didoús, zōḕn kaì eulogían.

18
θυσιάζων ἐξ ἀδίκου προσϕορὰ μεμωμημένη, καὶ οὐκ εἰς εὐδοκίαν δωρήματα ἀνόμων.

thysiázōn ex adíkou prosphorà memōmēménē, kaì ouk eis eudokían dōrḗmata anómōn.

19
οὐκ εὐδοκεῖ ὁ ὕψιστος ἐν προσϕοραῖς ἀσεβῶν οὐδὲ ἐν πλήθει θυσιῶν ἐξιλάσκεται ἁμαρτίας.

ouk eudokeî ho hýpsistos en prosphoraîs asebō̂n oudè en plḗthei thysiō̂n exilásketai hamartías.

20
θύων υἱὸν ἔναντι τοῦ πατρὸς αὐτοῦ ὁ προσάγων θυσίαν ἐκ χρημάτων πενήτων.

thýōn hyiòn énanti toû patròs autoû ho proságōn thysían ek chrēmátōn penḗtōn.

21
ἄρτος ἐπιδεομένων ζωὴ πτωχῶν, ὁ ἀποστερῶν αὐτὴν ἄνθρωπος αἱμάτων.

ártos epideoménōn zōḕ ptōchō̂n, ho aposterō̂n autḕn ánthrōpos haimátōn.

22
ϕονεύων τὸν πλησίον ὁ ἀϕαιρούμενος ἐμβίωσιν, καὶ ἐκχέων αἷμα ὁ ἀποστερῶν μισθὸν μισθίου.

phoneúōn tòn plēsíon ho aphairoúmenos embíōsin, kaì ekchéōn haîma ho aposterō̂n misthòn misthíou.

23
εἷς οἰκοδομῶν, καὶ εἷς καθαιρῶν· τί ὠϕέλησαν πλεῖον ἢ κόπους;

heîs oikodomō̂n, kaì heîs kathairō̂n: tí ōphélēsan pleîon ḕ kópous?

24
εἷς εὐχόμενος, καὶ εἷς καταρώμενος· τίνος ϕωνῆς εἰσακούσεται ὁ δεσπότης;

heîs euchómenos, kaì heîs katarṓmenos: tínos phōnē̂s eisakoúsetai ho despótēs?

25
βαπτιζόμενος ἀπὸ νεκροῦ καὶ πάλιν ἁπτόμενος αὐτοῦ, τί ὠϕέλησεν ἐν τῷ λουτρῷ αὐτοῦ;

baptizómenos apò nekroû kaì pálin haptómenos autoû, tí ōphélēsen en tō̂i loutrō̂i autoû?

26
οὕτως ἄνθρωπος νηστεύων ἐπὶ τῶν ἁμαρτιῶν αὐτοῦ καὶ πάλιν πορευόμενος καὶ τὰ αὐτὰ ποιῶν· τῆς προσευχῆς αὐτοῦ τίς εἰσακούσεται; καὶ τί ὠϕέλησεν ἐν τῷ ταπεινωθῆναι αὐτόν;

hoútōs ánthrōpos nēsteúōn epì tō̂n hamartiō̂n autoû kaì pálin poreuómenos kaì tà autà poiō̂n: tē̂s proseuchē̂s autoû tís eisakoúsetai? kaì tí ōphélēsen en tō̂i tapeinōthē̂nai autón?