Bibles in ancient languages
Old translations
Modern translations

Septante Siracide 5:7

Pentateuch
Historical books
Poetical Writings
Prophetic Books
Chapter
Verses
1
Μὴ ἔπεχε ἐπὶ τοῖς χρήμασίν σου καὶ μὴ εἴπῃς Αὐτάρκη μοί ἐστιν.

Mḕ épeche epì toîs chrḗmasín sou kaì mḕ eípēis Autárkē moí estin.

2
μὴ ἐξακολούθει τῇ ψυχῇ σου καὶ τῇ ἰσχύι σου πορεύεσθαι ἐν ἐπιθυμίαις καρδίας σου·

mḕ exakoloúthei tē̂i psychē̂i sou kaì tē̂i ischýi sou poreúesthai en epithymíais kardías sou:

3
καὶ μὴ εἴπῃς Τίς με δυναστεύσει; ὁ γὰρ κύριος ἐκδικῶν ἐκδικήσει.

kaì mḕ eípēis Tís me dynasteúsei? ho gàr kýrios ekdikō̂n ekdikḗsei.

4
μὴ εἴπῃς ῞Ημαρτον, καὶ τί μοι ἐγένετο; ὁ γὰρ κύριός ἐστιν μακρόθυμος.

mḕ eípēis ῞Ēmarton, kaì tí moi egéneto? ho gàr kýriós estin makróthymos.

5
περὶ ἐξιλασμοῦ μὴ ἄϕοβος γίνου προσθεῖναι ἁμαρτίαν ἐϕ’ ἁμαρτίαις·

perì exilasmoû mḕ áphobos gínou prostheînai hamartían eph’ hamartíais:

6
καὶ μὴ εἴπῃς ‘Ο οἰκτιρμὸς αὐτοῦ πολύς, τὸ πλῆθος τῶν ἁμαρτιῶν μου ἐξιλάσεται· ἔλεος γὰρ καὶ ὀργὴ παρ’ αὐτῷ, καὶ ἐπὶ ἁμαρτωλοὺς καταπαύσει ὁ θυμὸς αὐτοῦ.

kaì mḕ eípēis ‘O oiktirmòs autoû polýs, tò plē̂thos tō̂n hamartiō̂n mou exilásetai: éleos gàr kaì orgḕ par’ autō̂i, kaì epì hamartōloùs katapaúsei ho thymòs autoû.

7
μὴ ἀνάμενε ἐπιστρέψαι πρὸς κύριον καὶ μὴ ὑπερβάλλου ἡμέραν ἐξ ἡμέρας· ἐξάπινα γὰρ ἐξελεύσεται ὀργὴ κυρίου, καὶ ἐν καιρῷ ἐκδικήσεως ἐξολῇ.

mḕ anámene epistrépsai pròs kýrion kaì mḕ hyperbállou hēméran ex hēméras: exápina gàr exeleúsetai orgḕ kyríou, kaì en kairō̂i ekdikḗseōs exolē̂i.

8
Μὴ ἔπεχε ἐπὶ χρήμασιν ἀδίκοις· οὐδὲν γὰρ ὠϕελήσει σε ἐν ἡμέρᾳ ἐπαγωγῆς.

Mḕ épeche epì chrḗmasin adíkois: oudèn gàr ōphelḗsei se en hēmérāi epagōgē̂s.

9
μὴ λίκμα ἐν παντὶ ἀνέμῳ καὶ μὴ πορεύου ἐν πάσῃ ἀτραπῷ· οὕτως ὁ ἁμαρτωλὸς ὁ δίγλωσσος.

mḕ líkma en pantì anémōi kaì mḕ poreúou en pásēi atrapō̂i: hoútōs ho hamartōlòs ho díglōssos.

10
ἴσθι ἐστηριγμένος ἐν συνέσει σου, καὶ εἷς ἔστω σου ὁ λόγος.

ísthi estērigménos en synései sou, kaì heîs éstō sou ho lógos.

11
Γίνου ταχὺς ἐν ἀκροάσει σου καὶ ἐν μακροθυμίᾳ ϕθέγγου ἀπόκρισιν.

Gínou tachỳs en akroásei sou kaì en makrothymíāi phthéngou apókrisin.

12
εἰ ἔστιν σοι σύνεσις, ἀποκρίθητι τῷ πλησίον· εἰ δὲ μή, ἡ χείρ σου ἔστω ἐπὶ τῷ στόματί σου.

ei éstin soi sýnesis, apokríthēti tō̂i plēsíon: ei dè mḗ, hē cheír sou éstō epì tō̂i stómatí sou.

13
δόξα καὶ ἀτιμία ἐν λαλιᾷ, καὶ γλῶσσα ἀνθρώπου πτῶσις αὐτῷ.

dóxa kaì atimía en laliā̂i, kaì glō̂ssa anthrṓpou ptō̂sis autō̂i.

14
Μὴ κληθῇς ψίθυρος καὶ τῇ γλώσσῃ σου μὴ ἐνέδρευε ἐπὶ γὰρ τῷ κλέπτῃ ἐστὶν αἰσχύνη καὶ κατάγνωσις πονηρὰ ἐπὶ διγλώσσου.

Mḕ klēthē̂is psíthyros kaì tē̂i glṓssēi sou mḕ enédreue epì gàr tō̂i kléptēi estìn aischýnē kaì katágnōsis ponērà epì diglṓssou.

15
ἐν μεγάλῳ καὶ ἐν μικρῷ μὴ ἀγνόει καὶ ἀντὶ ϕίλου μὴ γίνου ἐχθρός· ὄνομα γὰρ πονηρὸν αἰσχύνην καὶ ὄνειδος κληρονομήσει· οὕτως ὁ ἁμαρτωλὸς ὁ δίγλωσσος.

en megálōi kaì en mikrō̂i mḕ agnóei kaì antì phílou mḕ gínou echthrós: ónoma gàr ponēròn aischýnēn kaì óneidos klēronomḗsei: hoútōs ho hamartōlòs ho díglōssos.