Bibles in ancient languages
Old translations
Modern translations

Septante Sirach 9

Pentateuch
Historical books
Poetical Writings
Prophetic Books
Chapter
Verses
1
Μὴ ζήλου γυναῖκα τοῦ κόλπου σου μηδὲ διδάξῃς ἐπὶ σεαυτὸν παιδείαν πονηράν.

Mḕ zḗlou gynaîka toû kólpou sou mēdè didáxēis epì seautòn paideían ponērán.

2
μὴ δῷς γυναικὶ τὴν ψυχήν σου ἐπιβῆναι αὐτὴν ἐπὶ τὴν ἰσχύν σου.

mḕ dō̂is gynaikì tḕn psychḗn sou epibē̂nai autḕn epì tḕn ischýn sou.

3
μὴ ὑπάντα γυναικὶ ἑταιριζομένῃ, μήποτε ἐμπέσῃς εἰς τὰς παγίδας αὐτῆς.

mḕ hypánta gynaikì hetairizoménēi, mḗpote empésēis eis tàs pagídas autē̂s.

4
μετὰ ψαλλούσης μὴ ἐνδελέχιζε, μήποτε ἁλῷς ἐν τοῖς ἐπιχειρήμασιν αὐτῆς.

metà psalloúsēs mḕ endeléchize, mḗpote halō̂is en toîs epicheirḗmasin autē̂s.

5
παρθένον μὴ καταμάνθανε, μήποτε σκανδαλισθῇς ἐν τοῖς ἐπιτιμίοις αὐτῆς.

parthénon mḕ katamánthane, mḗpote skandalisthē̂is en toîs epitimíois autē̂s.

6
μὴ δῷς πόρναις τὴν ψυχήν σου, ἵνα μὴ ἀπολέσῃς τὴν κληρονομίαν σου.

mḕ dō̂is pórnais tḕn psychḗn sou, hína mḕ apolésēis tḕn klēronomían sou.

7
μὴ περιβλέπου ἐν ῥύμαις πόλεως καὶ ἐν ταῖς ἐρήμοις αὐτῆς μὴ πλανῶ.

mḕ periblépou en rhýmais póleōs kaì en taîs erḗmois autē̂s mḕ planō̂.

8
ἀπόστρεψον ὀϕθαλμὸν ἀπὸ γυναικὸς εὐμόρϕου καὶ μὴ καταμάνθανε κάλλος ἀλλότριον· ἐν κάλλει γυναικὸς πολλοὶ ἐπλανήθησαν, καὶ ἐκ τούτου ϕιλία ὡς πῦρ ἀνακαίεται.

apóstrepson ophthalmòn apò gynaikòs eumórphou kaì mḕ katamánthane kállos allótrion: en kállei gynaikòs polloì eplanḗthēsan, kaì ek toútou philía hōs pŷr anakaíetai.

9
μετὰ ὑπάνδρου γυναικὸς μὴ κάθου τὸ σύνολον καὶ μὴ συμβολοκοπήσῃς μετ’ αὐτῆς ἐν οἴνῳ, μήποτε ἐκκλίνῃ ἡ ψυχή σου ἐπ’ αὐτὴν καὶ τῷ πνεύματί σου ὀλίσθῃς εἰς ἀπώλειαν.

metà hypándrou gynaikòs mḕ káthou tò sýnolon kaì mḕ symbolokopḗsēis met’ autē̂s en oínōi, mḗpote ekklínēi hē psychḗ sou ep’ autḕn kaì tō̂i pneúmatí sou olísthēis eis apṓleian.

10
Μὴ ἐγκαταλίπῃς ϕίλον ἀρχαῖον, ὁ γὰρ πρόσϕατος οὐκ ἔστιν ἔϕισος αὐτῷ· οἶνος νέος ϕίλος νέος· ἐὰν παλαιωθῇ, μετ’ εὐϕροσύνης πίεσαι αὐτόν.

Mḕ enkatalípēis phílon archaîon, ho gàr prósphatos ouk éstin éphisos autō̂i: oînos néos phílos néos: eàn palaiōthē̂i, met’ euphrosýnēs píesai autón.

11
μὴ ζηλώσῃς δόξαν ἁμαρτωλοῦ· οὐ γὰρ οἶδας τί ἔσται ἡ καταστροϕὴ αὐτοῦ.

mḕ zēlṓsēis dóxan hamartōloû: ou gàr oîdas tí éstai hē katastrophḕ autoû.

12
μὴ εὐδοκήσῃς ἐν εὐδοκίᾳ ἀσεβῶν· μνήσθητι ὅτι ἕως ᾅδου οὐ μὴ δικαιωθῶσιν.

mḕ eudokḗsēis en eudokíāi asebō̂n: mnḗsthēti hóti héōs hā́idou ou mḕ dikaiōthō̂sin.

13
μακρὰν ἄπεχε ἀπὸ ἀνθρώπου, ὃς ἔχει ἐξουσίαν τοῦ ϕονεύειν, καὶ οὐ μὴ ὑποπτεύσῃς ϕόβον θανάτου· κἂν προσέλθῃς, μὴ πλημμελήσῃς, ἵνα μὴ ἀϕέληται τὴν ζωήν σου· ἐπίγνωθι ὅτι ἐν μέσῳ παγίδων διαβαίνεις καὶ ἐπὶ ἐπάλξεων πόλεως περιπατεῖς.

makràn ápeche apò anthrṓpou, hòs échei exousían toû phoneúein, kaì ou mḕ hypopteúsēis phóbon thanátou: kàn prosélthēis, mḕ plēmmelḗsēis, hína mḕ aphélētai tḕn zōḗn sou: epígnōthi hóti en mésōi pagídōn diabaíneis kaì epì epálxeōn póleōs peripateîs.

14
κατὰ τὴν ἰσχύν σου στόχασαι τοὺς πλησίον καὶ μετὰ σοϕῶν συμβουλεύου.

katà tḕn ischýn sou stóchasai toùs plēsíon kaì metà sophō̂n symbouleúou.

15
μετὰ συνετῶν ἔστω ὁ διαλογισμός σου καὶ πᾶσα διήγησίς σου ἐν νόμῳ ὑψίστου.

metà synetō̂n éstō ho dialogismós sou kaì pâsa diḗgēsís sou en nómōi hypsístou.

16
ἄνδρες δίκαιοι ἔστωσαν σύνδειπνοί σου, καὶ ἐν ϕόβῳ κυρίου ἔστω τὸ καύχημά σου.

ándres díkaioi éstōsan sýndeipnoí sou, kaì en phóbōi kyríou éstō tò kaúchēmá sou.

17
ἐν χειρὶ τεχνιτῶν ἔργον ἐπαινεσθήσεται, καὶ ὁ ἡγούμενος λαοῦ σοϕὸς ἐν λόγῳ αὐτοῦ.

en cheirì technitō̂n érgon epainesthḗsetai, kaì ho hēgoúmenos laoû sophòs en lógōi autoû.

18
ϕοβερὸς ἐν πόλει αὐτοῦ ἀνὴρ γλωσσώδης, καὶ ὁ προπετὴς ἐν λόγῳ αὐτοῦ μισηθήσεται.

phoberòs en pólei autoû anḕr glōssṓdēs, kaì ho propetḕs en lógōi autoû misēthḗsetai.