Bibles en langues anciennes
Traductions anciennes
Traductions modernes

Biblia Hebraica Stuttgartensia 1 Rois 17, 16

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיֹּאמֶר֩ אֵלִיָּ֨הוּ הַתִּשְׁבִּ֜י מִתֹּשָׁבֵ֣י גִלְעָד֮ אֶל־אַחְאָב֒ חַי־יְהוָ֞ה אֱלֹהֵ֤י יִשְׂרָאֵל֙ אֲשֶׁ֣ר עָמַ֣דְתִּי לְפָנָ֔יו אִם־יִהְיֶ֛ה הַשָּׁנִ֥ים הָאֵ֖לֶּה טַ֣ל וּמָטָ֑ר כִּ֖י אִם־לְפִ֥י דְבָרִֽי׃ ס

wayò̇ʼmer֩ ʼéliyá̇֨hẇ haţi̇şĕ̌bi̇֜y miţò̇şá̌bé֣y gilĕʻád֮ ʼel־ʼaẖĕʼáb֒ ẖay־yĕhwá֞h ʼèlòhé֤y yişĕ̂ráʼél֙ ʼàşě֣r ʻáma֣dĕţi̇y lĕpáná֔yw ʼim־yihĕye֛h haşá̇̌ni֥ym háʼé֖lėh ta֣l ẇmátá֑r ki֖̇y ʼim־lĕpi֥y dĕbáriֽy׃ s

2
וַיְהִ֥י דְבַר־יְהוָ֖ה אֵלָ֥יו לֵאמֹֽר׃

wayĕhi֥y dĕbar־yĕhwá֖h ʼélá֥yw léʼmòֽr׃

3
לֵ֣ךְ מִזֶּ֔ה וּפָנִ֥יתָ לְּךָ֖ קֵ֑דְמָה וְנִסְתַּרְתָּ֙ בְּנַ֣חַל כְּרִ֔ית אֲשֶׁ֖ר עַל־פְּנֵ֥י הַיַּרְדֵּֽן׃

lé֣kĕ mizė֔h ẇpáni֥yţá lĕ̇ká֖ qé֑dĕmáh wĕnisĕţȧrĕţá̇֙ bĕ̇na֣ẖal kĕ̇ri֔yţ ʼàşě֖r ʻal־pĕ̇né֥y hayȧrĕdéֽ̇n׃

4
וְהָיָ֖ה מֵהַנַּ֣חַל תִּשְׁתֶּ֑ה וְאֶת־הָעֹרְבִ֣ים צִוִּ֔יתִי לְכַלְכֶּלְךָ֖ שָֽׁם׃

wĕháyá֖h méhanȧ֣ẖal ţi̇şĕ̌ţė֑h wĕʼeţ־háʻòrĕbi֣ym ẕiwi̇֔yţiy lĕkalĕkėlĕká֖ şáֽ̌m׃

5
וַיֵּ֥לֶךְ וַיַּ֖עַשׂ כִּדְבַ֣ר יְהוָ֑ה וַיֵּ֗לֶךְ וַיֵּ֨שֶׁב֙ בְּנַ֣חַל כְּרִ֔ית אֲשֶׁ֖ר עַל־פְּנֵ֥י הַיַּרְדֵּֽן׃

wayé֥̇lekĕ wayȧ֖ʻaş̂ ki̇dĕba֣r yĕhwá֑h wayé̇֗lekĕ wayé̇֨şěb֙ bĕ̇na֣ẖal kĕ̇ri֔yţ ʼàşě֖r ʻal־pĕ̇né֥y hayȧrĕdéֽ̇n׃

6
וְהָעֹרְבִ֗ים מְבִיאִ֨ים לֹ֜ו לֶ֤חֶם וּבָשָׂר֙ בַּבֹּ֔קֶר וְלֶ֥חֶם וּבָשָׂ֖ר בָּעָ֑רֶב וּמִן־הַנַּ֖חַל יִשְׁתֶּֽה׃

wĕháʻòrĕbi֗ym mĕbiyʼi֨ym lò֜w le֤ẖem ẇbáşá̂r֙ bȧbò̇֔qer wĕle֥ẖem ẇbáşá֖̂r bá̇ʻá֑reb ẇmin־hanȧ֖ẖal yişĕ̌ţėֽh׃

7
וַיְהִ֛י מִקֵּ֥ץ יָמִ֖ים וַיִּיבַ֣שׁ הַנָּ֑חַל כִּ֛י לֹֽא־הָיָ֥ה גֶ֖שֶׁם בָּאָֽרֶץ׃ ס

wayĕhi֛y miqé֥̇ẕ yámi֖ym wayi̇yba֣ş̌ haná֑̇ẖal ki֛̇y lòֽʼ־háyá֥h ge֖şěm bá̇ʼáֽreẕ׃ s

8
וַיְהִ֥י דְבַר־יְהוָ֖ה אֵלָ֥יו לֵאמֹֽר׃

wayĕhi֥y dĕbar־yĕhwá֖h ʼélá֥yw léʼmòֽr׃

9
ק֣וּם לֵ֤ךְ צָרְפַ֨תָה֙ אֲשֶׁ֣ר לְצִידֹ֔ון וְיָשַׁבְתָּ֖ שָׁ֑ם הִנֵּ֨ה צִוִּ֥יתִי שָׁ֛ם אִשָּׁ֥ה אַלְמָנָ֖ה לְכַלְכְּלֶֽךָ׃

q֣ẇm lé֤kĕ ẕárĕpa֨ţáh֙ ʼàşě֣r lĕẕiydò֔wn wĕyáşǎbĕţá֖̇ şá֑̌m hiné̇֨h ẕiwi֥̇yţiy şá֛̌m ʼişá֥̇̌h ʼalĕmáná֖h lĕkalĕkĕ̇leֽká׃

10
וַיָּ֣קָם׀ וַיֵּ֣לֶךְ צָרְפַ֗תָה וַיָּבֹא֙ אֶל־פֶּ֣תַח הָעִ֔יר וְהִנֵּֽה־שָׁ֛ם אִשָּׁ֥ה אַלְמָנָ֖ה מְקֹשֶׁ֣שֶׁת עֵצִ֑ים וַיִּקְרָ֤א אֵלֶ֨יהָ֙ וַיֹּאמַ֔ר קְחִי־נָ֨א לִ֧י מְעַט־מַ֛יִם בַּכְּלִ֖י וְאֶשְׁתֶּֽה׃

wayá֣̇qám׀ wayé֣̇lekĕ ẕárĕpa֗ţáh wayá̇bòʼ֙ ʼel־pė֣ţaẖ háʻi֔yr wĕhinéֽ̇h־şá֛̌m ʼişá֥̇̌h ʼalĕmáná֖h mĕqòşě֣şěţ ʻéẕi֑ym wayi̇qĕrá֤ʼ ʼéle֨yhá֙ wayò̇ʼma֔r qĕẖiy־ná֨ʼ li֧y mĕʻat־ma֛yim bȧkĕ̇li֖y wĕʼeşĕ̌ţėֽh׃

11
וַתֵּ֖לֶךְ לָקַ֑חַת וַיִּקְרָ֤א אֵלֶ֨יהָ֙ וַיֹּאמַ֔ר לִֽקְחִי־נָ֥א לִ֛י פַּת־לֶ֖חֶם בְּיָדֵֽךְ׃

waţé֖̇lekĕ láqa֑ẖaţ wayi̇qĕrá֤ʼ ʼéle֨yhá֙ wayò̇ʼma֔r liֽqĕẖiy־ná֥ʼ li֛y pȧţ־le֖ẖem bĕ̇yádéֽkĕ׃

12
וַתֹּ֗אמֶר חַי־יְהוָ֤ה אֱלֹהֶ֨יךָ֙ אִם־יֶשׁ־לִ֣י מָעֹ֔וג כִּ֣י אִם־מְלֹ֤א כַף־קֶ֨מַח֙ בַּכַּ֔ד וּמְעַט־שֶׁ֖מֶן בַּצַּפָּ֑חַת וְהִנְנִ֨י מְקֹשֶׁ֜שֶׁת שְׁנַ֣יִם עֵצִ֗ים וּבָ֨אתִי֙ וַעֲשִׂיתִ֨יהוּ֙ לִ֣י וְלִבְנִ֔י וַאֲכַלְנֻ֖הוּ וָמָֽתְנוּ׃

waţò̇֗ʼmer ẖay־yĕhwá֤h ʼèlòhe֨yká֙ ʼim־yeş̌־li֣y máʻò֔wg ki֣̇y ʼim־mĕlò֤ʼ kap־qe֨maẖ֙ bȧkȧ֔d ẇmĕʻat־şě֖men bȧẕȧpá֑̇ẖaţ wĕhinĕni֨y mĕqòşě֜şěţ şĕ̌na֣yim ʻéẕi֗ym ẇbá֨ʼţiy֙ waʻàşîyţi֨yhẇ֙ li֣y wĕlibĕni֔y waʼàkalĕnu֖hẇ wámáֽţĕnẇ׃

13
וַיֹּ֨אמֶר אֵלֶ֤יהָ אֵלִיָּ֨הוּ֙ אַל־תִּ֣ירְאִ֔י בֹּ֖אִי עֲשִׂ֣י כִדְבָרֵ֑ךְ אַ֣ךְ עֲשִׂי־לִ֣י מִ֠שָּׁם עֻגָ֨ה קְטַנָּ֤ה בָרִאשֹׁנָה֙ וְהֹוצֵ֣אתְ לִ֔י וְלָ֣ךְ וְלִבְנֵ֔ךְ תַּעֲשִׂ֖י בָּאַחֲרֹנָֽה׃ ס

wayò̇֨ʼmer ʼéle֤yhá ʼéliyá̇֨hẇ֙ ʼal־ţi֣̇yrĕʼi֔y bò֖̇ʼiy ʻàşî֣y kidĕbáré֑kĕ ʼa֣kĕ ʻàşîy־li֣y mi֠şá̇̌m ʻugá֨h qĕtaná֤̇h báriʼşò̌náh֙ wĕhòwẕé֣ʼţĕ li֔y wĕlá֣kĕ wĕlibĕné֔kĕ ţȧʻàşî֖y bá̇ʼaẖàrònáֽh׃ s

14
כִּ֣י כֹה֩ אָמַ֨ר יְהוָ֜ה אֱלֹהֵ֣י יִשְׂרָאֵ֗ל כַּ֤ד הַקֶּ֨מַח֙ לֹ֣א תִכְלָ֔ה וְצַפַּ֥חַת הַשֶּׁ֖מֶן לֹ֣א תֶחְסָ֑ר עַ֠ד יֹ֧ום תִּתֶּן יְהוָ֛ה גֶּ֖שֶׁם עַל־פְּנֵ֥י הָאֲדָמָֽה׃

ki֣̇y kòh֩ ʼáma֨r yĕhwá֜h ʼèlòhé֣y yişĕ̂ráʼé֗l kȧ֤d haqė֨maẖ֙ lò֣ʼ ţikĕlá֔h wĕẕapȧ֥ẖaţ haşė֖̌men lò֣ʼ ţeẖĕsá֑r ʻa֠d yò֧wm ţi̇ţėn yĕhwá֛h gė֖şěm ʻal־pĕ̇né֥y háʼàdámáֽh׃

15
וַתֵּ֥לֶךְ וַתַּעֲשֶׂ֖ה כִּדְבַ֣ר אֵלִיָּ֑הוּ וַתֹּ֧אכַל הוּא וָהִיא וּבֵיתָ֖הּ יָמִֽים׃

waţé֥̇lekĕ waţȧʻàşê֖h ki̇dĕba֣r ʼéliyá֑̇hẇ waţò֧̇ʼkal hẇʼ wáhiyʼ ẇbéyţá֖ḣ yámiֽym׃

16
כַּ֤ד הַקֶּ֨מַח֙ לֹ֣א כָלָ֔תָה וְצַפַּ֥חַת הַשֶּׁ֖מֶן לֹ֣א חָסֵ֑ר כִּדְבַ֣ר יְהוָ֔ה אֲשֶׁ֥ר דִּבֶּ֖ר בְּיַ֥ד אֵלִיָּֽהוּ׃ פ

kȧ֤d haqė֨maẖ֙ lò֣ʼ kálá֔ţáh wĕẕapȧ֥ẖaţ haşė֖̌men lò֣ʼ ẖásé֑r ki̇dĕba֣r yĕhwá֔h ʼàşě֥r di̇bė֖r bĕ̇ya֥d ʼéliyáֽ̇hẇ׃ p

17
וַיְהִ֗י אַחַר֙ הַדְּבָרִ֣ים הָאֵ֔לֶּה חָלָ֕ה בֶּן־הָאִשָּׁ֖ה בַּעֲלַ֣ת הַבָּ֑יִת וַיְהִ֤י חָלְיֹו֙ חָזָ֣ק מְאֹ֔ד עַ֛ד אֲשֶׁ֥ר לֹא־נֹֽותְרָה־בֹּ֖ו נְשָׁמָֽה׃

wayĕhi֗y ʼaẖar֙ hadĕ̇bári֣ym háʼé֔lėh ẖálá֕h bėn־háʼişá֖̇̌h bȧʻàla֣ţ habá֑̇yiţ wayĕhi֤y ẖálĕyòw֙ ẖázá֣q mĕʼò֔d ʻa֛d ʼàşě֥r lòʼ־nòֽwţĕráh־bò֖̇w nĕşá̌máֽh׃

18
וַתֹּ֨אמֶר֙ אֶל־אֵ֣לִיָּ֔הוּ מַה־לִּ֥י וָלָ֖ךְ אִ֣ישׁ הָאֱלֹהִ֑ים בָּ֧אתָ אֵלַ֛י לְהַזְכִּ֥יר אֶת־עֲוֹנִ֖י וּלְהָמִ֥ית אֶת־בְּנִֽי׃

waţò̇֨ʼmer֙ ʼel־ʼé֣liyá̇֔hẇ mah־li֥̇y wálá֖kĕ ʼi֣yş̌ háʼèlòhi֑ym bá֧̇ʼţá ʼéla֛y lĕhazĕki֥̇yr ʼeţ־ʻàwòni֖y ẇlĕhámi֥yţ ʼeţ־bĕ̇niֽy׃

19
וַיֹּ֥אמֶר אֵלֶ֖יהָ תְּנִֽי־לִ֣י אֶת־בְּנֵ֑ךְ וַיִּקָּחֵ֣הוּ מֵחֵיקָ֗הּ וַֽיַּעֲלֵ֨הוּ֙ אֶל־הָעֲלִיָּ֗ה אֲשֶׁר־הוּא֙ יֹשֵׁ֣ב שָׁ֔ם וַיַּשְׁכִּבֵ֖הוּ עַל־מִטָּתֹֽו׃

wayò֥̇ʼmer ʼéle֖yhá ţĕ̇niֽy־li֣y ʼeţ־bĕ̇né֑kĕ wayi̇qá̇ẖé֣hẇ méẖéyqá֗ḣ waֽyȧʻàlé֨hẇ֙ ʼel־háʻàliyá̇֗h ʼàşěr־hẇʼ֙ yòşé֣̌b şá̌֔m wayȧşĕ̌ki̇bé֖hẇ ʻal־mitá̇ţòֽw׃

20
וַיִּקְרָ֥א אֶל־יְהוָ֖ה וַיֹּאמַ֑ר יְהוָ֣ה אֱלֹהָ֔י הֲ֠גַם עַל־הָאַלְמָנָ֞ה אֲשֶׁר־אֲנִ֨י מִתְגֹּורֵ֥ר עִמָּ֛הּ הֲרֵעֹ֖ותָ לְהָמִ֥ית אֶת־בְּנָֽהּ׃

wayi̇qĕrá֥ʼ ʼel־yĕhwá֖h wayò̇ʼma֑r yĕhwá֣h ʼèlòhá֔y hà֠gam ʻal־háʼalĕmáná֞h ʼàşěr־ʼàni֨y miţĕgò̇wré֥r ʻimá֛̇ḣ hàréʻò֖wţá lĕhámi֥yţ ʼeţ־bĕ̇náֽḣ׃

21
וַיִּתְמֹדֵ֤ד עַל־הַיֶּ֨לֶד֙ שָׁלֹ֣שׁ פְּעָמִ֔ים וַיִּקְרָ֥א אֶל־יְהוָ֖ה וַיֹּאמַ֑ר יְהוָ֣ה אֱלֹהָ֔י תָּ֥שָׁב נָ֛א נֶֽפֶשׁ־הַיֶּ֥לֶד הַזֶּ֖ה עַל־קִרְבֹּֽו׃

wayi̇ţĕmòdé֤d ʻal־hayė֨led֙ şá̌lò֣ş̌ pĕ̇ʻámi֔ym wayi̇qĕrá֥ʼ ʼel־yĕhwá֖h wayò̇ʼma֑r yĕhwá֣h ʼèlòhá֔y ţá֥̇şá̌b ná֛ʼ neֽpeş̌־hayė֥led hazė֖h ʻal־qirĕbòֽ̇w׃

22
וַיִּשְׁמַ֥ע יְהוָ֖ה בְּקֹ֣ול אֵלִיָּ֑הוּ וַתָּ֧שָׁב נֶֽפֶשׁ־הַיֶּ֛לֶד עַל־קִרְבֹּ֖ו וַיֶּֽחִי׃

wayi̇şĕ̌ma֥ʻ yĕhwá֖h bĕ̇qò֣wl ʼéliyá֑̇hẇ waţá֧̇şá̌b neֽpeş̌־hayė֛led ʻal־qirĕbò֖̇w wayėֽẖiy׃

23
וַיִּקַּ֨ח אֵלִיָּ֜הוּ אֶת־הַיֶּ֗לֶד וַיֹּרִדֵ֤הוּ מִן־הָעֲלִיָּה֙ הַבַּ֔יְתָה וַֽיִּתְּנֵ֖הוּ לְאִמֹּ֑ו וַיֹּ֨אמֶר֙ אֵ֣לִיָּ֔הוּ רְאִ֖י חַ֥י בְּנֵֽךְ׃

wayi̇qȧ֨ẖ ʼéliyá̇֜hẇ ʼeţ־hayė֗led wayò̇ridé֤hẇ min־háʻàliyá̇h֙ habȧ֔yĕţáh waֽyi̇ţĕ̇né֖hẇ lĕʼimò֑̇w wayò̇֨ʼmer֙ ʼé֣liyá̇֔hẇ rĕʼi֖y ẖa֥y bĕ̇néֽkĕ׃

24
וַתֹּ֤אמֶר הָֽאִשָּׁה֙ אֶל־אֵ֣לִיָּ֔הוּ עַתָּה֙ זֶ֣ה יָדַ֔עְתִּי כִּ֛י אִ֥ישׁ אֱלֹהִ֖ים אָ֑תָּה וּדְבַר־יְהוָ֥ה בְּפִ֖יךָ אֱמֶֽת׃ פ

waţò֤̇ʼmer háֽʼişá̇̌h֙ ʼel־ʼé֣liyá̇֔hẇ ʻaţá̇h֙ ze֣h yáda֔ʻĕţi̇y ki֛̇y ʼi֥yş̌ ʼèlòhi֖ym ʼá֑ţá̇h ẇdĕbar־yĕhwá֥h bĕ̇pi֖yká ʼèmeֽţ׃ p