Bibles en langues anciennes
Traductions anciennes
Traductions modernes

Biblia Hebraica Stuttgartensia 2 Chroniques 10

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיֵּ֥לֶךְ רְחַבְעָ֖ם שְׁכֶ֑מָה כִּ֥י שְׁכֶ֛ם בָּ֥אוּ כָל־יִשְׂרָאֵ֖ל לְהַמְלִ֥יךְ אֹתֹֽו׃

wayé֥̇lekĕ rĕẖabĕʻá֖m şĕ̌ke֑máh ki֥̇y şĕ̌ke֛m bá֥̇ʼẇ kál־yişĕ̂ráʼé֖l lĕhamĕli֥ykĕ ʼòţòֽw׃

2
וַיְהִ֞י כִּשְׁמֹ֨עַ יָרָבְעָ֤ם בֶּן־נְבָט֙ וְה֣וּא בְמִצְרַ֔יִם אֲשֶׁ֣ר בָּרַ֔ח מִפְּנֵ֖י שְׁלֹמֹ֣ה הַמֶּ֑לֶךְ וַיָּ֥שָׁב יָרָבְעָ֖ם מִמִּצְרָֽיִם׃

wayĕhi֞y ki̇şĕ̌mò֨ʻa yárábĕʻá֤m bėn־nĕbát֙ wĕh֣ẇʼ bĕmiẕĕra֔yim ʼàşě֣r bá̇ra֔ẖ mipĕ̇né֖y şĕ̌lòmò֣h hamė֑lekĕ wayá֥̇şá̌b yárábĕʻá֖m mimi̇ẕĕráֽyim׃

3
וַֽיִּשְׁלְחוּ֙ וַיִּקְרְאוּ־לֹ֔ו וַיָּבֹ֥א יָרָבְעָ֖ם וְכָל־יִשְׂרָאֵ֑ל וַֽיְדַבְּר֔וּ אֶל־רְחַבְעָ֖ם לֵאמֹֽר׃

waֽyi̇şĕ̌lĕẖẇ֙ wayi̇qĕrĕʼẇ־lò֔w wayá̇bò֥ʼ yárábĕʻá֖m wĕkál־yişĕ̂ráʼé֑l waֽyĕdabĕ̇r֔ẇ ʼel־rĕẖabĕʻá֖m léʼmòֽr׃

4
אָבִ֖יךָ הִקְשָׁ֣ה אֶת־עֻלֵּ֑נוּ וְעַתָּ֡ה הָקֵל֩ מֵעֲבֹדַ֨ת אָבִ֜יךָ הַקָּשָׁ֗ה וּמֵעֻלֹּ֧ו הַכָּבֵ֛ד אֲשֶׁר־נָתַ֥ן עָלֵ֖ינוּ וְנַֽעַבְדֶֽךָּ׃

ʼábi֖yká hiqĕşá֣̌h ʼeţ־ʻulé֑̇nẇ wĕʻaţá̇֡h háqél֩ méʻàbòda֨ţ ʼábi֜yká haqá̇şá̌֗h ẇméʻulò֧̇w haká̇bé֛d ʼàşěr־náţa֥n ʻálé֖ynẇ wĕnaֽʻabĕdeֽká̇׃

5
וַיֹּ֣אמֶר אֲלֵהֶ֗ם עֹ֛וד שְׁלֹ֥שֶׁת יָמִ֖ים וְשׁ֣וּבוּ אֵלָ֑י וַיֵּ֖לֶךְ הָעָֽם׃ ס

wayò֣̇ʼmer ʼàléhe֗m ʻò֛wd şĕ̌lò֥şěţ yámi֖ym wĕş֣̌ẇbẇ ʼélá֑y wayé֖̇lekĕ háʻáֽm׃ s

6
וַיִּוָּעַ֞ץ הַמֶּ֣לֶךְ רְחַבְעָ֗ם אֶת־הַזְּקֵנִים֙ אֲשֶׁר־הָי֣וּ עֹֽמְדִ֗ים לִפְנֵי֙ שְׁלֹמֹ֣ה אָבִ֔יו בִּֽהְיֹתֹ֥ו חַ֖י לֵאמֹ֑ר אֵ֚יךְ אַתֶּ֣ם נֹֽועָצִ֔ים לְהָשִׁ֥יב לָֽעָם־הַזֶּ֖ה דָּבָֽר׃

wayi̇wá̇ʻa֞ẕ hamė֣lekĕ rĕẖabĕʻá֗m ʼeţ־hazĕ̇qéniym֙ ʼàşěr־háy֣ẇ ʻòֽmĕdi֗ym lipĕnéy֙ şĕ̌lòmò֣h ʼábi֔yw biֽ̇hĕyòţò֥w ẖa֖y léʼmò֑r ʼé֚ykĕ ʼaţė֣m nòֽwʻáẕi֔ym lĕháşǐ֥yb láֽʻám־hazė֖h dá̇báֽr׃

7
וַיְדַבְּר֨וּ אֵלָ֜יו לֵאמֹ֗ר אִם־תִּֽהְיֶ֨ה לְטֹ֜וב לְהָעָ֤ם הַזֶּה֙ וּרְצִיתָ֔ם וְדִבַּרְתָּ֥ אֲלֵהֶ֖ם דְּבָרִ֣ים טֹובִ֑ים וְהָי֥וּ לְךָ֛ עֲבָדִ֖ים כָּל־הַיָּמִֽים׃

wayĕdabĕ̇r֨ẇ ʼélá֜yw léʼmò֗r ʼim־ţiֽ̇hĕye֨h lĕtò֜wb lĕháʻá֤m hazėh֙ ẇrĕẕiyţá֔m wĕdibȧrĕţá֥̇ ʼàléhe֖m dĕ̇bári֣ym tòwbi֑ym wĕháy֥ẇ lĕká֛ ʻàbádi֖ym ká̇l־hayá̇miֽym׃

8
וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֣ר יְעָצֻ֑הוּ וַיִּוָּעַ֗ץ אֶת־הַיְלָדִים֙ אֲשֶׁ֣ר גָּדְל֣וּ אִתֹּ֔ו הָעֹמְדִ֖ים לְפָנָֽיו׃

waֽyȧʻàzò֛b ʼeţ־ʻàẕa֥ţ hazĕ̇qéni֖ym ʼàşě֣r yĕʻáẕu֑hẇ wayi̇wá̇ʻa֗ẕ ʼeţ־hayĕládiym֙ ʼàşě֣r gá̇dĕl֣ẇ ʼiţò̇֔w háʻòmĕdi֖ym lĕpánáֽyw׃

9
וַיֹּ֣אמֶר אֲלֵהֶ֗ם מָ֚ה אַתֶּ֣ם נֹֽועָצִ֔ים וְנָשִׁ֥יב דָּבָ֖ר אֶת־הָעָ֣ם הַזֶּ֑ה אֲשֶׁ֨ר דִּבְּר֤וּ אֵלַי֙ לֵאמֹ֔ר הָקֵל֙ מִן־הָעֹ֔ל אֲשֶׁר־נָתַ֥ן אָבִ֖יךָ עָלֵֽינוּ׃

wayò֣̇ʼmer ʼàléhe֗m má֚h ʼaţė֣m nòֽwʻáẕi֔ym wĕnáşǐ֥yb dá̇bá֖r ʼeţ־háʻá֣m hazė֑h ʼàşě֨r di̇bĕ̇r֤ẇ ʼélay֙ léʼmò֔r háqél֙ min־háʻò֔l ʼàşěr־náţa֥n ʼábi֖yká ʻáléֽynẇ׃

10
וַיְדַבְּר֣וּ אִתֹּ֗ו הַיְלָדִים֙ אֲשֶׁ֨ר גָּדְל֣וּ אִתֹּו֮ לֵאמֹר֒ כֹּֽה־תֹאמַ֡ר לָעָם֩ אֲשֶׁר־דִּבְּר֨וּ אֵלֶ֜יךָ לֵאמֹ֗ר אָבִ֨יךָ֙ הִכְבִּ֣יד אֶת־עֻלֵּ֔נוּ וְאַתָּ֖ה הָקֵ֣ל מֵעָלֵ֑ינוּ כֹּ֚ה תֹּאמַ֣ר אֲלֵהֶ֔ם קָֽטָנִּ֥י עָבָ֖ה מִמָּתְנֵ֥י אָבִֽי׃

wayĕdabĕ̇r֣ẇ ʼiţò̇֗w hayĕládiym֙ ʼàşě֨r gá̇dĕl֣ẇ ʼiţò̇w֮ léʼmòr֒ kòֽ̇h־ţòʼma֡r láʻám֩ ʼàşěr־di̇bĕ̇r֨ẇ ʼéle֜yká léʼmò֗r ʼábi֨yká֙ hikĕbi֣̇yd ʼeţ־ʻulé̇֔nẇ wĕʼaţá֖̇h háqé֣l méʻálé֑ynẇ kò֚̇h ţò̇ʼma֣r ʼàléhe֔m qáֽtáni֥̇y ʻábá֖h mimá̇ţĕné֥y ʼábiֽy׃

11
וְעַתָּ֗ה אָבִי֙ הֶעְמִ֤יס עֲלֵיכֶם֙ עֹ֣ל כָּבֵ֔ד וַאֲנִ֖י אֹסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשֹּׁוטִ֔ים וַאֲנִ֖י בָּֽעֲקְרַבִּֽים׃ ס

wĕʻaţá̇֗h ʼábiy֙ heʻĕmi֤ys ʻàléykem֙ ʻò֣l ká̇bé֔d waʼàni֖y ʼòsi֣yp ʻaֽl־ʻulĕ̇ke֑m ʼábi֗y yisȧ֤r ʼeţĕkem֙ bȧşò̇̌wti֔ym waʼàni֖y báֽ̇ʻàqĕrabiֽ̇ym׃ s

12
וַיָּבֹ֨א יָרָבְעָ֧ם וְכָל־הָעָ֛ם אֶל־רְחַבְעָ֖ם בַּיֹּ֣ום הַשְּׁלִשִׁ֑י כַּאֲשֶׁ֨ר דִּבֶּ֤ר הַמֶּ֨לֶךְ֙ לֵאמֹ֔ר שׁ֥וּבוּ אֵלַ֖י בַּיֹּ֥ום הַשְּׁלִשִֽׁי׃

wayá̇bò֨ʼ yárábĕʻá֧m wĕkál־háʻá֛m ʼel־rĕẖabĕʻá֖m bȧyò֣̇wm haşĕ̇̌lişǐ֑y kȧʼàşě֨r di̇bė֤r hamė֨lekĕ֙ léʼmò֔r ş֥̌ẇbẇ ʼéla֖y bȧyò֥̇wm haşĕ̇̌lişǐֽy׃

13
וַיַּעֲנֵ֥ם הַמֶּ֖לֶךְ קָשָׁ֑ה וַֽיַּעֲזֹב֙ הַמֶּ֣לֶךְ רְחַבְעָ֔ם אֵ֖ת עֲצַ֥ת הַזְּקֵנִֽים׃

wayȧʻàné֥m hamė֖lekĕ qáşá֑̌h waֽyȧʻàzòb֙ hamė֣lekĕ rĕẖabĕʻá֔m ʼé֖ţ ʻàẕa֥ţ hazĕ̇qéniֽym׃

14
וַיְדַבֵּ֣ר אֲלֵהֶ֗ם כַּעֲצַ֤ת הַיְלָדִים֙ לֵאמֹ֔ר אַכְבִּיד֙ אֶֽת־עֻלְּכֶ֔ם וַאֲנִ֖י אֹסִ֣יף עָלָ֑יו אָבִ֗י יִסַּ֤ר אֶתְכֶם֙ בַּשֹּׁוטִ֔ים וַאֲנִ֖י בָּעֲקְרַבִּֽים׃

wayĕdabé֣̇r ʼàléhe֗m kȧʻàẕa֤ţ hayĕládiym֙ léʼmò֔r ʼakĕbi̇yd֙ ʼeֽţ־ʻulĕ̇ke֔m waʼàni֖y ʼòsi֣yp ʻálá֑yw ʼábi֗y yisȧ֤r ʼeţĕkem֙ bȧşò̇̌wti֔ym waʼàni֖y bá̇ʻàqĕrabiֽ̇ym׃

15
וְלֹֽא־שָׁמַ֥ע הַמֶּ֖לֶךְ אֶל־הָעָ֑ם כִּֽי־הָיְתָ֤ה נְסִבָּה֙ מֵעִ֣ם הָֽאֱלֹהִ֔ים לְמַעַן֩ הָקִ֨ים יְהוָ֜ה אֶת־דְּבָרֹ֗ו אֲשֶׁ֤ר דִּבֶּר֙ בְּיַד֙ אֲחִיָּ֣הוּ הַשִּֽׁלֹונִ֔י אֶל־יָרָבְעָ֖ם בֶּן־נְבָֽט׃

wĕlòֽʼ־şá̌ma֥ʻ hamė֖lekĕ ʼel־háʻá֑m kiֽ̇y־háyĕţá֤h nĕsibá̇h֙ méʻi֣m háֽʼèlòhi֔ym lĕmaʻan֩ háqi֨ym yĕhwá֜h ʼeţ־dĕ̇bárò֗w ʼàşě֤r di̇bėr֙ bĕ̇yad֙ ʼàẖiyá֣̇hẇ haşiֽ̇̌lòwni֔y ʼel־yárábĕʻá֖m bėn־nĕbáֽt׃

16
וְכָל־יִשְׂרָאֵ֗ל כִּ֠י לֹא־שָׁמַ֣ע הַמֶּלֶךְ֮ לָהֶם֒ וַיָּשִׁ֣יבוּ הָעָ֣ם אֶת־הַמֶּ֣לֶךְ׀ לֵאמֹ֡ר מַה־לָּנוּ֩ חֵ֨לֶק בְּדָוִ֜יד וְלֹֽא־נַחֲלָ֣ה בְּבֶן־יִשַׁ֗י אִ֤ישׁ לְאֹהָלֶ֨יךָ֙ יִשְׂרָאֵ֔ל עַתָּ֕ה רְאֵ֥ה בֵיתְךָ֖ דָּוִ֑יד וַיֵּ֥לֶךְ כָּל־יִשְׂרָאֵ֖ל לְאֹהָלָֽיו׃ ס

wĕkál־yişĕ̂ráʼé֗l ki̇֠y lòʼ־şá̌ma֣ʻ hamėlekĕ֮ láhem֒ wayá̇şǐ֣ybẇ háʻá֣m ʼeţ־hamė֣lekĕ׀ léʼmò֡r mah־lá̇nẇ֩ ẖé֨leq bĕ̇dáwi֜yd wĕlòֽʼ־naẖàlá֣h bĕ̇ben־yişǎ֗y ʼi֤yş̌ lĕʼòhále֨yká֙ yişĕ̂ráʼé֔l ʻaţá̇֕h rĕʼé֥h béyţĕká֖ dá̇wi֑yd wayé֥̇lekĕ ká̇l־yişĕ̂ráʼé֖l lĕʼòháláֽyw׃ s

17
וּבְנֵ֣י יִשְׂרָאֵ֔ל הַיֹּֽשְׁבִ֖ים בְּעָרֵ֣י יְהוּדָ֑ה וַיִּמְלֹ֥ךְ עֲלֵיהֶ֖ם רְחַבְעָֽם׃

ẇbĕné֣y yişĕ̂ráʼé֔l hayòֽ̇şĕ̌bi֖ym bĕ̇ʻáré֣y yĕhẇdá֑h wayi̇mĕlò֥kĕ ʻàléyhe֖m rĕẖabĕʻáֽm׃

18
וַיִּשְׁלַ֞ח הַמֶּ֣לֶךְ רְחַבְעָ֗ם אֶת־הֲדֹרָם֙ אֲשֶׁ֣ר עַל־הַמַּ֔ס וַיִּרְגְּמוּ־בֹ֧ו בְנֵֽי־יִשְׂרָאֵ֛ל אֶ֖בֶן וַיָּמֹ֑ת וְהַמֶּ֣לֶךְ רְחַבְעָ֗ם הִתְאַמֵּץ֙ לַֽעֲלֹ֣ות בַּמֶּרְכָּבָ֔ה לָנ֖וּס יְרוּשָׁלִָֽם׃ ס

wayi̇şĕ̌la֞ẖ hamė֣lekĕ rĕẖabĕʻá֗m ʼeţ־hàdòrám֙ ʼàşě֣r ʻal־hamȧ֔s wayi̇rĕgĕ̇mẇ־bò֧w bĕnéֽy־yişĕ̂ráʼé֛l ʼe֖ben wayá̇mò֑ţ wĕhamė֣lekĕ rĕẖabĕʻá֗m hiţĕʼamé̇ẕ֙ laֽʻàlò֣wţ bȧmėrĕká̇bá֔h lán֖ẇs yĕrẇşá̌láֽim׃ s

19
וַיִּפְשְׁע֤וּ יִשְׂרָאֵל֙ בְּבֵ֣ית דָּוִ֔יד עַ֖ד הַיֹּ֥ום הַזֶּֽה׃ ס

wayi̇pĕşĕ̌ʻ֤ẇ yişĕ̂ráʼél֙ bĕ̇bé֣yţ dá̇wi֔yd ʻa֖d hayò֥̇wm hazėֽh׃ s