Bibles en langues anciennes
Traductions anciennes
Traductions modernes

Biblia Hebraica Stuttgartensia 2 Chroniques 26, 23

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיִּקְח֞וּ כָּל־עַ֤ם יְהוּדָה֙ אֶת־עֻזִּיָּ֔הוּ וְה֕וּא בֶּן־שֵׁ֥שׁ עֶשְׂרֵ֖ה שָׁנָ֑ה וַיַּמְלִ֣יכוּ אֹתֹ֔ו תַּ֖חַת אָבִ֥יו אֲמַצְיָֽהוּ׃

wayi̇qĕẖ֞ẇ ká̇l־ʻa֤m yĕhẇdáh֙ ʼeţ־ʻuzi̇yá̇֔hẇ wĕh֕ẇʼ bėn־şé֥̌ş̌ ʻeşĕ̂ré֖h şá̌ná֑h wayȧmĕli֣ykẇ ʼòţò֔w ţȧ֖ẖaţ ʼábi֥yw ʼàmaẕĕyáֽhẇ׃

2
ה֚וּא בָּנָ֣ה אֶת־אֵילֹ֔ות וַיְשִׁיבֶ֖הָ לִֽיהוּדָ֑ה אַחֲרֵ֥י שְׁכַֽב־הַמֶּ֖לֶךְ עִם־אֲבֹתָֽיו׃ פ

h֚ẇʼ bá̇ná֣h ʼeţ־ʼéylò֔wţ wayĕşǐybe֖há liֽyhẇdá֑h ʼaẖàré֥y şĕ̌kaֽb־hamė֖lekĕ ʻim־ʼàbòţáֽyw׃ p

3
בֶּן־שֵׁ֨שׁ עֶשְׂרֵ֤ה שָׁנָה֙ עֻזִּיָּ֣הוּ בְמָלְכֹ֔ו וַחֲמִשִּׁ֤ים וּשְׁתַּ֨יִם֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו יְכִילְיָה מִן־יְרוּשָׁלִָֽם׃

bėn־şé̌֨ş̌ ʻeşĕ̂ré֤h şá̌náh֙ ʻuzi̇yá֣̇hẇ bĕmálĕkò֔w waẖàmişi֤̇̌ym ẇşĕ̌ţȧ֨yim֙ şá̌ná֔h mála֖kĕ bi̇yrẇşá̌liá֑m wĕşé֣̌m ʼimò̇֔w yĕkiylĕyáh min־yĕrẇşá̌láֽim׃

4
וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה אֲמַצְיָ֥הוּ אָבִֽיו׃

wayȧ֥ʻaş̂ hayá̇şá֖̌r bĕ̇ʻéyné֣y yĕhwá֑h kĕ̇kò֥l ʼàşěr־ʻáşá֖̂h ʼàmaẕĕyá֥hẇ ʼábiֽyw׃

5
וַיְהִי֙ לִדְרֹ֣שׁ אֱלֹהִ֔ים בִּימֵ֣י זְכַרְיָ֔הוּ הַמֵּבִ֖ין בִּרְאֹ֣ת הָאֱלֹהִ֑ים וּבִימֵי֙ דָּרְשֹׁ֣ו אֶת־יְהוָ֔ה הִצְלִיחֹ֖ו הָאֱלֹהִֽים׃ ס

wayĕhiy֙ lidĕrò֣ş̌ ʼèlòhi֔ym bi̇ymé֣y zĕkarĕyá֔hẇ hamé̇bi֖yn bi̇rĕʼò֣ţ háʼèlòhi֑ym ẇbiyméy֙ dá̇rĕşò֣̌w ʼeţ־yĕhwá֔h hiẕĕliyẖò֖w háʼèlòhiֽym׃ s

6
וַיֵּצֵא֙ וַיִּלָּ֣חֶם בַּפְּלִשְׁתִּ֔ים וַיִּפְרֹ֞ץ אֶת־חֹ֣ומַת גַּ֗ת וְאֵת֙ חֹומַ֣ת יַבְנֵ֔ה וְאֵ֖ת חֹומַ֣ת אַשְׁדֹּ֑וד וַיִּבְנֶ֣ה עָרִ֔ים בְּאַשְׁדֹּ֖וד וּבַפְּלִשְׁתִּֽים׃

wayé̇ẕéʼ֙ wayi̇lá֣̇ẖem bȧpĕ̇lişĕ̌ţi̇֔ym wayi̇pĕrò֞ẕ ʼeţ־ẖò֣wmaţ gȧ֗ţ wĕʼéţ֙ ẖòwma֣ţ yabĕné֔h wĕʼé֖ţ ẖòwma֣ţ ʼaşĕ̌dò֑̇wd wayi̇bĕne֣h ʻári֔ym bĕ̇ʼaşĕ̌dò֖̇wd ẇbapĕ̇lişĕ̌ţiֽ̇ym׃

7
וַיַּעְזְרֵ֨הוּ הָֽאֱלֹהִ֜ים עַל־פְּלִשְׁתִּ֧ים וְעַל־הָעַרְבִיִּים הַיֹּשְׁבִ֥ים בְּגוּר־בָּ֖עַל וְהַמְּעוּנִֽים׃

wayȧʻĕzĕré֨hẇ háֽʼèlòhi֜ym ʻal־pĕ̇lişĕ̌ţi֧̇ym wĕʻal־háʻarĕbiyi̇ym hayò̇şĕ̌bi֥ym bĕ̇gẇr־bá֖̇ʻal wĕhamĕ̇ʻẇniֽym׃

8
וַיִּתְּנ֧וּ הָֽעַמֹּונִ֛ים מִנְחָ֖ה לְעֻזִּיָּ֑הוּ וַיֵּ֤לֶךְ שְׁמֹו֙ עַד־לְבֹ֣וא מִצְרַ֔יִם כִּ֥י הֶחֱזִ֖יק עַד־לְמָֽעְלָה׃

wayi̇ţĕ̇n֧ẇ háֽʻamò̇wni֛ym minĕẖá֖h lĕʻuzi̇yá֑̇hẇ wayé֤̇lekĕ şĕ̌mòw֙ ʻad־lĕbò֣wʼ miẕĕra֔yim ki֥̇y heẖèzi֖yq ʻad־lĕmáֽʻĕláh׃

9
וַיִּ֨בֶן עֻזִּיָּ֤הוּ מִגְדָּלִים֙ בִּיר֣וּשָׁלִַ֔ם עַל־שַׁ֧עַר הַפִּנָּ֛ה וְעַל־שַׁ֥עַר הַגַּ֖יְא וְעַל־הַמִּקְצֹ֑ועַ וַֽיְחַזְּקֵֽם׃

wayi̇֨ben ʻuzi̇yá֤̇hẇ migĕdá̇liym֙ bi̇yr֣ẇşá̌lia֔m ʻal־şǎ֧ʻar hapi̇ná֛̇h wĕʻal־şǎ֥ʻar hagȧ֖yĕʼ wĕʻal־hami̇qĕẕò֑wʻa waֽyĕẖazĕ̇qéֽm׃

10
וַיִּ֨בֶן מִגְדָּלִ֜ים בַּמִּדְבָּ֗ר וַיַּחְצֹב֙ בֹּרֹ֣ות רַבִּ֔ים כִּ֤י מִקְנֶה־רַּב֙ הָ֣יָה לֹ֔ו וּבַשְּׁפֵלָ֖ה וּבַמִּישֹׁ֑ור אִכָּרִ֣ים וְכֹֽרְמִ֗ים בֶּהָרִים֙ וּבַכַּרְמֶ֔ל כִּֽי־אֹהֵ֥ב אֲדָמָ֖ה הָיָֽה׃ ס

wayi̇֨ben migĕdá̇li֜ym bȧmi̇dĕbá̇֗r wayȧẖĕẕòb֙ bò̇rò֣wţ rabi̇֔ym ki֤̇y miqĕneh־rȧb֙ há֣yáh lò֔w ẇbaşĕ̇̌pélá֖h ẇbami̇yşò֑̌wr ʼiká̇ri֣ym wĕkòֽrĕmi֗ym bėháriym֙ ẇbakȧrĕme֔l kiֽ̇y־ʼòhé֥b ʼàdámá֖h háyáֽh׃ s

11
וַיְהִ֣י לְעֻזִּיָּ֡הוּ חַיִל֩ עֹשֵׂ֨ה מִלְחָמָ֜ה יֹוצְאֵ֧י צָבָ֣א לִגְד֗וּד בְּמִסְפַּר֙ פְּקֻדָּתָ֔ם בְּיַד֙ יְעוּאֵל הַסֹּופֵ֔ר וּמַעֲשֵׂיָ֖הוּ הַשֹּׁוטֵ֑ר עַ֚ל יַד־חֲנַנְיָ֔הוּ מִשָּׂרֵ֖י הַמֶּֽלֶךְ׃

wayĕhi֣y lĕʻuzi̇yá̇֡hẇ ẖayil֩ ʻòşé̂֨h milĕẖámá֜h yòwẕĕʼé֧y ẕábá֣ʼ ligĕd֗ẇd bĕ̇misĕpȧr֙ pĕ̇qudá̇ţá֔m bĕ̇yad֙ yĕʻẇʼél hasò̇wpé֔r ẇmaʻàşé̂yá֖hẇ haşò̇̌wté֑r ʻa֚l yad־ẖànanĕyá֔hẇ mişá̇̂ré֖y hamėֽlekĕ׃

12
כֹּ֠ל מִסְפַּ֞ר רָאשֵׁ֤י הָאָבֹות֙ לְגִבֹּ֣ורֵי חָ֔יִל אַלְפַּ֖יִם וְשֵׁ֥שׁ מֵאֹֽות׃

kò̇֠l misĕpȧ֞r ráʼşé֤̌y háʼábòwţ֙ lĕgibò֣̇wréy ẖá֔yil ʼalĕpȧ֖yim wĕşé֥̌ş̌ méʼòֽwţ׃

13
וְעַל־יָדָם֩ חֵ֨יל צָבָ֜א שְׁלֹ֧שׁ מֵאֹ֣ות אֶ֗לֶף וְשִׁבְעַ֤ת אֲלָפִים֙ וַחֲמֵ֣שׁ מֵאֹ֔ות עֹושֵׂ֥י מִלְחָמָ֖ה בְּכֹ֣חַ חָ֑יִל לַעְזֹ֥ר לַמֶּ֖לֶךְ עַל־הָאֹויֵֽב׃

wĕʻal־yádám֩ ẖé֨yl ẕábá֜ʼ şĕ̌lò֧ş̌ méʼò֣wţ ʼe֗lep wĕşǐbĕʻa֤ţ ʼàlápiym֙ waẖàmé֣ş̌ méʼò֔wţ ʻòwşé֥̂y milĕẖámá֖h bĕ̇kò֣ẖa ẖá֑yil laʻĕzò֥r lamė֖lekĕ ʻal־háʼòwyéֽb׃

14
וַיָּכֶן֩ לָהֶ֨ם עֻזִּיָּ֜הוּ לְכָל־הַצָּבָ֗א מָגִנִּ֤ים וּרְמָחִים֙ וְכֹ֣ובָעִ֔ים וְשִׁרְיֹנֹ֖ות וּקְשָׁתֹ֑ות וּלְאַבְנֵ֖י קְלָעִֽים׃

wayá̇ken֩ láhe֨m ʻuzi̇yá̇֜hẇ lĕkál־haẕá̇bá֗ʼ mágini֤̇ym ẇrĕmáẖiym֙ wĕkò֣wbáʻi֔ym wĕşǐrĕyònò֖wţ ẇqĕşá̌ţò֑wţ ẇlĕʼabĕné֖y qĕláʻiֽym׃

15
וַיַּ֣עַשׂ׀ בִּירוּשָׁלִַ֨ם חִשְּׁבֹנֹ֜ות מַחֲשֶׁ֣בֶת חֹושֵׁ֗ב לִהְיֹ֤ות עַל־הַמִּגְדָּלִים֙ וְעַל־הַפִּנֹּ֔ות לִירֹוא֙ בַּֽחִצִּ֔ים וּבָאֲבָנִ֖ים גְּדֹלֹ֑ות וַיֵּצֵ֤א שְׁמֹו֙ עַד־לְמֵ֣רָחֹ֔וק כִּֽי־הִפְלִ֥יא לְהֵעָזֵ֖ר עַ֥ד כִּֽי־חָזָֽק׃

wayȧ֣ʻaş̂׀ bi̇yrẇşá̌lia֨m ẖişĕ̇̌bònò֜wţ maẖàşě֣beţ ẖòwşé̌֗b lihĕyò֤wţ ʻal־hami̇gĕdá̇liym֙ wĕʻal־hapi̇nò̇֔wţ liyròwʼ֙ bȧֽẖiẕi̇֔ym ẇbáʼàbáni֖ym gĕ̇dòlò֑wţ wayé̇ẕé֤ʼ şĕ̌mòw֙ ʻad־lĕmé֣ráẖò֔wq kiֽ̇y־hipĕli֥yʼ lĕhéʻázé֖r ʻa֥d kiֽ̇y־ẖázáֽq׃

16
וּכְחֶזְקָתֹ֗ו גָּבַ֤הּ לִבֹּו֙ עַד־לְהַשְׁחִ֔ית וַיִּמְעַ֖ל בַּיהוָ֣ה אֱלֹהָ֑יו וַיָּבֹא֙ אֶל־הֵיכַ֣ל יְהוָ֔ה לְהַקְטִ֖יר עַל־מִזְבַּ֥ח הַקְּטֹֽרֶת׃

ẇkĕẖezĕqáţò֗w gá̇ba֤ḣ libò̇w֙ ʻad־lĕhaşĕ̌ẖi֔yţ wayi̇mĕʻa֖l bȧyhwá֣h ʼèlòhá֑yw wayá̇bòʼ֙ ʼel־héyka֣l yĕhwá֔h lĕhaqĕti֖yr ʻal־mizĕbȧ֥ẖ haqĕ̇tòֽreţ׃

17
וַיָּבֹ֥א אַחֲרָ֖יו עֲזַרְיָ֣הוּ הַכֹּהֵ֑ן וְעִמֹּ֞ו כֹּהֲנִ֧ים׀ לַיהוָ֛ה שְׁמֹונִ֖ים בְּנֵי־חָֽיִל׃

wayá̇bò֥ʼ ʼaẖàrá֖yw ʻàzarĕyá֣hẇ hakò̇hé֑n wĕʻimò̇֞w kò̇hàni֧ym׀ layhwá֛h şĕ̌mòwni֖ym bĕ̇néy־ẖáֽyil׃

18
וַיַּעַמְד֞וּ עַל־עֻזִּיָּ֣הוּ הַמֶּ֗לֶךְ וַיֹּ֤אמְרוּ לֹו֙ לֹא־לְךָ֣ עֻזִּיָּ֗הוּ לְהַקְטִיר֙ לַֽיהוָ֔ה כִּ֣י לַכֹּהֲנִ֧ים בְּנֵי־אַהֲרֹ֛ן הַמְקֻדָּשִׁ֖ים לְהַקְטִ֑יר צֵ֤א מִן־הַמִּקְדָּשׁ֙ כִּ֣י מָעַ֔לְתָּ וְלֹֽא־לְךָ֥ לְכָבֹ֖וד מֵיְהוָ֥ה אֱלֹהִֽים׃

wayȧʻamĕd֞ẇ ʻal־ʻuzi̇yá֣̇hẇ hamė֗lekĕ wayò֤̇ʼmĕrẇ lòw֙ lòʼ־lĕká֣ ʻuzi̇yá̇֗hẇ lĕhaqĕtiyr֙ laֽyhwá֔h ki֣̇y lakò̇hàni֧ym bĕ̇néy־ʼahàrò֛n hamĕqudá̇şǐ֖ym lĕhaqĕti֑yr ẕé֤ʼ min־hami̇qĕdá̇ş̌֙ ki֣̇y máʻa֔lĕţá̇ wĕlòֽʼ־lĕká֥ lĕkábò֖wd méyĕhwá֥h ʼèlòhiֽym׃

19
וַיִּזְעַף֙ עֻזִּיָּ֔הוּ וּבְיָדֹ֥ו מִקְטֶ֖רֶת לְהַקְטִ֑יר וּבְזַעְפֹּ֣ו עִם־הַכֹּהֲנִ֗ים וְ֠הַצָּרַעַת זָרְחָ֨ה בְמִצְחֹ֜ו לִפְנֵ֤י הַכֹּֽהֲנִים֙ בְּבֵ֣ית יְהוָ֔ה מֵעַ֖ל לְמִזְבַּ֥ח הַקְּטֹֽרֶת׃

wayi̇zĕʻap֙ ʻuzi̇yá̇֔hẇ ẇbĕyádò֥w miqĕte֖reţ lĕhaqĕti֑yr ẇbĕzaʻĕpò֣̇w ʻim־hakò̇hàni֗ym wĕ֠haẕá̇raʻaţ zárĕẖá֨h bĕmiẕĕẖò֜w lipĕné֤y hakòֽ̇hàniym֙ bĕ̇bé֣yţ yĕhwá֔h méʻa֖l lĕmizĕbȧ֥ẖ haqĕ̇tòֽreţ׃

20
וַיִּ֣פֶן אֵלָ֡יו עֲזַרְיָהוּ֩ כֹהֵ֨ן הָרֹ֜אשׁ וְכָל־הַכֹּהֲנִ֗ים וְהִנֵּה־ה֤וּא מְצֹרָע֙ בְּמִצְחֹ֔ו וַיַּבְהִל֖וּהוּ מִשָּׁ֑ם וְגַם־הוּא֙ נִדְחַ֣ף לָצֵ֔את כִּ֥י נִגְּעֹ֖ו יְהוָֽה׃

wayi֣̇pen ʼélá֡yw ʻàzarĕyáhẇ֩ kòhé֨n hárò֜ʼş̌ wĕkál־hakò̇hàni֗ym wĕhiné̇h־h֤ẇʼ mĕẕòráʻ֙ bĕ̇miẕĕẖò֔w wayȧbĕhil֖ẇhẇ mişá֑̇̌m wĕgam־hẇʼ֙ nidĕẖa֣p láẕé֔ʼţ ki֥̇y nigĕ̇ʻò֖w yĕhwáֽh׃

21
וַיְהִי֩ עֻזִּיָּ֨הוּ הַמֶּ֜לֶךְ מְצֹרָ֣ע׀ עַד־יֹ֣ום מֹותֹ֗ו וַיֵּ֜שֶׁב בֵּ֤ית הַחָפְשׁוּת מְצֹרָ֔ע כִּ֥י נִגְזַ֖ר מִבֵּ֣ית יְהוָ֑ה וְיֹותָ֤ם בְּנֹו֙ עַל־בֵּ֣ית הַמֶּ֔לֶךְ שֹׁופֵ֖ט אֶת־עַ֥ם הָאָֽרֶץ׃

wayĕhiy֩ ʻuzi̇yá̇֨hẇ hamė֜lekĕ mĕẕòrá֣ʻ׀ ʻad־yò֣wm mòwţò֗w wayé̇֜şěb bé֤̇yţ haẖápĕş̌ẇţ mĕẕòrá֔ʻ ki֥̇y nigĕza֖r mibé֣̇yţ yĕhwá֑h wĕyòwţá֤m bĕ̇nòw֙ ʻal־bé֣̇yţ hamė֔lekĕ şò̌wpé֖t ʼeţ־ʻa֥m háʼáֽreẕ׃

22
וְיֶ֨תֶר֙ דִּבְרֵ֣י עֻזִּיָּ֔הוּ הָרִאשֹׁנִ֖ים וְהָאֲחֲרֹנִ֑ים כָּתַ֛ב יְשַֽׁעְיָ֥הוּ בֶן־אָמֹ֖וץ הַנָּבִֽיא׃

wĕye֨ţer֙ di̇bĕré֣y ʻuzi̇yá̇֔hẇ háriʼşò̌ni֖ym wĕháʼàẖàròni֑ym ká̇ţa֛b yĕşǎֽʻĕyá֥hẇ ben־ʼámò֖wẕ haná̇biֽyʼ׃

23
וַיִּשְׁכַּ֨ב עֻזִּיָּ֜הוּ עִם־אֲבֹתָ֗יו וַיִּקְבְּר֨וּ אֹתֹ֤ו עִם־אֲבֹתָיו֙ בִּשְׂדֵ֤ה הַקְּבוּרָה֙ אֲשֶׁ֣ר לַמְּלָכִ֔ים כִּ֥י אָמְר֖וּ מְצֹורָ֣ע ה֑וּא וַיִּמְלֹ֛ךְ יֹותָ֥ם בְּנֹ֖ו תַּחְתָּֽיו׃ פ

wayi̇şĕ̌kȧ֨b ʻuzi̇yá̇֜hẇ ʻim־ʼàbòţá֗yw wayi̇qĕbĕ̇r֨ẇ ʼòţò֤w ʻim־ʼàbòţáyw֙ bi̇şĕ̂dé֤h haqĕ̇bẇráh֙ ʼàşě֣r lamĕ̇láki֔ym ki֥̇y ʼámĕr֖ẇ mĕẕòwrá֣ʻ h֑ẇʼ wayi̇mĕlò֛kĕ yòwţá֥m bĕ̇nò֖w ţȧẖĕţáֽ̇yw׃ p