Bibles en langues anciennes
Traductions anciennes
Traductions modernes

Biblia Hebraica Stuttgartensia 2 Rois 12, 11

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
בֶּן־שֶׁ֥בַע שָׁנִ֖ים יְהֹואָ֥שׁ בְּמָלְכֹֽו׃ פ

bėn־şě֥baʻ şá̌ni֖ym yĕhòwʼá֥ş̌ bĕ̇málĕkòֽw׃ p

2
בִּשְׁנַת־שֶׁ֤בַע לְיֵהוּא֙ מָלַ֣ךְ יְהֹואָ֔שׁ וְאַרְבָּעִ֣ים שָׁנָ֔ה מָלַ֖ךְ בִּירֽוּשָׁלִָ֑ם וְשֵׁ֣ם אִמֹּ֔ו צִבְיָ֖ה מִבְּאֵ֥ר שָֽׁבַע׃

bi̇şĕ̌naţ־şě֤baʻ lĕyéhẇʼ֙ mála֣kĕ yĕhòwʼá֔ş̌ wĕʼarĕbá̇ʻi֣ym şá̌ná֔h mála֖kĕ bi̇yrֽẇşá̌liá֑m wĕşé֣̌m ʼimò̇֔w ẕibĕyá֖h mibĕ̇ʼé֥r şáֽ̌baʻ׃

3
וַיַּ֨עַשׂ יְהֹואָ֧שׁ הַיָּשָׁ֛ר בְּעֵינֵ֥י יְהוָ֖ה כָּל־יָמָ֑יו אֲשֶׁ֣ר הֹורָ֔הוּ יְהֹויָדָ֖ע הַכֹּהֵֽן׃

wayȧ֨ʻaş̂ yĕhòwʼá֧ş̌ hayá̇şá֛̌r bĕ̇ʻéyné֥y yĕhwá֖h ká̇l־yámá֑yw ʼàşě֣r hòwrá֔hẇ yĕhòwyádá֖ʻ hakò̇héֽn׃

4
רַ֥ק הַבָּמֹ֖ות לֹא־סָ֑רוּ עֹ֥וד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֹֽות׃

ra֥q habá̇mò֖wţ lòʼ־sá֑rẇ ʻò֥wd háʻá֛m mĕzabĕ̇ẖi֥ym ẇֽmĕqatĕ̇ri֖ym bȧbá̇mòֽwţ׃

5
וַיֹּ֨אמֶר יְהֹואָ֜שׁ אֶל־הַכֹּהֲנִ֗ים כֹּל֩ כֶּ֨סֶף הַקֳּדָשִׁ֜ים אֲשֶׁר־יוּבָ֤א בֵית־יְהוָה֙ כֶּ֣סֶף עֹובֵ֔ר אִ֕ישׁ כֶּ֥סֶף נַפְשֹׁ֖ות עֶרְכֹּ֑ו כָּל־כֶּ֗סֶף אֲשֶׁ֤ר יַֽעֲלֶה֙ עַ֣ל לֶב־אִ֔ישׁ לְהָבִ֖יא בֵּ֥ית יְהוָֽה׃

wayò̇֨ʼmer yĕhòwʼá֜ş̌ ʼel־hakò̇hàni֗ym kò̇l֩ kė֨sep haqȯdáşǐ֜ym ʼàşěr־yẇbá֤ʼ béyţ־yĕhwáh֙ kė֣sep ʻòwbé֔r ʼi֕yş̌ kė֥sep napĕşò֖̌wţ ʻerĕkò֑̇w ká̇l־kė֗sep ʼàşě֤r yaֽʻàleh֙ ʻa֣l leb־ʼi֔yş̌ lĕhábi֖yʼ bé֥̇yţ yĕhwáֽh׃

6
יִקְח֤וּ לָהֶם֙ הַכֹּ֣הֲנִ֔ים אִ֖ישׁ מֵאֵ֣ת מַכָּרֹ֑ו וְהֵ֗ם יְחַזְּקוּ֙ אֶת־בֶּ֣דֶק הַבַּ֔יִת לְכֹ֛ל אֲשֶׁר־יִמָּצֵ֥א שָׁ֖ם בָּֽדֶק׃ פ

yiqĕẖ֤ẇ láhem֙ hakò֣̇hàni֔ym ʼi֖yş̌ méʼé֣ţ maká̇rò֑w wĕhé֗m yĕẖazĕ̇qẇ֙ ʼeţ־bė֣deq habȧ֔yiţ lĕkò֛l ʼàşěr־yimá̇ẕé֥ʼ şá֖̌m báֽ̇deq׃ p

7
וַיְהִ֗י בִּשְׁנַ֨ת עֶשְׂרִ֧ים וְשָׁלֹ֛שׁ שָׁנָ֖ה לַמֶּ֣לֶךְ יְהֹואָ֑שׁ לֹֽא־חִזְּק֥וּ הַכֹּהֲנִ֖ים אֶת־בֶּ֥דֶק הַבָּֽיִת׃

wayĕhi֗y bi̇şĕ̌na֨ţ ʻeşĕ̂ri֧ym wĕşá̌lò֛ş̌ şá̌ná֖h lamė֣lekĕ yĕhòwʼá֑ş̌ lòֽʼ־ẖizĕ̇q֥ẇ hakò̇hàni֖ym ʼeţ־bė֥deq habáֽ̇yiţ׃

8
וַיִּקְרָא֩ הַמֶּ֨לֶךְ יְהֹואָ֜שׁ לִיהֹויָדָ֤ע הַכֹּהֵן֙ וְלַכֹּ֣הֲנִ֔ים וַיֹּ֣אמֶר אֲלֵהֶ֔ם מַדּ֛וּעַ אֵינְכֶ֥ם מְחַזְּקִ֖ים אֶת־בֶּ֣דֶק הַבָּ֑יִת וְעַתָּ֗ה אַל־תִּקְחוּ־כֶ֨סֶף֙ מֵאֵ֣ת מַכָּֽרֵיכֶ֔ם כִּֽי־לְבֶ֥דֶק הַבַּ֖יִת תִּתְּנֻֽהוּ׃

wayi̇qĕráʼ֩ hamė֨lekĕ yĕhòwʼá֜ş̌ liyhòwyádá֤ʻ hakò̇hén֙ wĕlakò֣̇hàni֔ym wayò֣̇ʼmer ʼàléhe֔m maḋ֛ẇʻa ʼéynĕke֥m mĕẖazĕ̇qi֖ym ʼeţ־bė֣deq habá֑̇yiţ wĕʻaţá̇֗h ʼal־ţi̇qĕẖẇ־ke֨sep֙ méʼé֣ţ makáֽ̇réyke֔m kiֽ̇y־lĕbe֥deq habȧ֖yiţ ţi̇ţĕ̇nuֽhẇ׃

9
וַיֵּאֹ֖תוּ הַכֹּֽהֲנִ֑ים לְבִלְתִּ֤י קְחַת־כֶּ֨סֶף֙ מֵאֵ֣ת הָעָ֔ם וּלְבִלְתִּ֥י חַזֵּ֖ק אֶת־בֶּ֥דֶק הַבָּֽיִת׃

wayé̇ʼò֖ţẇ hakòֽ̇hàni֑ym lĕbilĕţi֤̇y qĕẖaţ־kė֨sep֙ méʼé֣ţ háʻá֔m ẇlĕbilĕţi֥̇y ẖazé֖̇q ʼeţ־bė֥deq habáֽ̇yiţ׃

10
וַיִּקַּ֞ח יְהֹויָדָ֤ע הַכֹּהֵן֙ אֲרֹ֣ון אֶחָ֔ד וַיִּקֹּ֥ב חֹ֖ר בְּדַלְתֹּ֑ו וַיִּתֵּ֣ן אֹתֹו֩ אֵ֨צֶל הַמִּזְבֵּ֜חַ בַּיָּמִין בְּבֹֽוא־אִישׁ֙ בֵּ֣ית יְהוָ֔ה וְנָֽתְנוּ־שָׁ֤מָּה הַכֹּֽהֲנִים֙ שֹׁמְרֵ֣י הַסַּ֔ף אֶת־כָּל־הַכֶּ֖סֶף הַמּוּבָ֥א בֵית־יְהוָֽה׃

wayi̇qȧ֞ẖ yĕhòwyádá֤ʻ hakò̇hén֙ ʼàrò֣wn ʼeẖá֔d wayi̇qò֥̇b ẖò֖r bĕ̇dalĕţò֑̇w wayi̇ţé֣̇n ʼòţòw֩ ʼé֨ẕel hami̇zĕbé̇֜ẖa bȧyá̇miyn bĕ̇bòֽwʼ־ʼiyş̌֙ bé֣̇yţ yĕhwá֔h wĕnáֽţĕnẇ־şá֤̌má̇h hakòֽ̇hàniym֙ şò̌mĕré֣y hasȧ֔p ʼeţ־ká̇l־hakė֖sep haṁẇbá֥ʼ béyţ־yĕhwáֽh׃

11
וַֽיְהִי֙ כִּרְאֹותָ֔ם כִּֽי־רַ֥ב הַכֶּ֖סֶף בָּֽאָרֹ֑ון וַיַּ֨עַל סֹפֵ֤ר הַמֶּ֨לֶךְ֙ וְהַכֹּהֵ֣ן הַגָּדֹ֔ול וַיָּצֻ֨רוּ֙ וַיִּמְנ֔וּ אֶת־הַכֶּ֖סֶף הַנִּמְצָ֥א בֵית־יְהוָֽה׃

waֽyĕhiy֙ ki̇rĕʼòwţá֔m kiֽ̇y־ra֥b hakė֖sep báֽ̇ʼárò֑wn wayȧ֨ʻal sòpé֤r hamė֨lekĕ֙ wĕhakò̇hé֣n hagá̇dò֔wl wayá̇ẕu֨rẇ֙ wayi̇mĕn֔ẇ ʼeţ־hakė֖sep hani̇mĕẕá֥ʼ béyţ־yĕhwáֽh׃

12
וְנָתְנוּ֙ אֶת־הַכֶּ֣סֶף הַֽמְתֻכָּ֔ן עַל־יַד עֹשֵׂ֣י הַמְּלָאכָ֔ה הַפְּקֻדִים בֵּ֣ית יְהוָ֑ה וַיֹּוצִיאֻ֜הוּ לְחָרָשֵׁ֤י הָעֵץ֙ וְלַבֹּנִ֔ים הָעֹשִׂ֖ים בֵּ֥ית יְהוָֽה׃

wĕnáţĕnẇ֙ ʼeţ־hakė֣sep haֽmĕţuká̇֔n ʻal־yad ʻòşé֣̂y hamĕ̇láʼká֔h hapĕ̇qudiym bé֣̇yţ yĕhwá֑h wayò̇wẕiyʼu֜hẇ lĕẖáráşé֤̌y háʻéẕ֙ wĕlabò̇ni֔ym háʻòşî֖ym bé֥̇yţ yĕhwáֽh׃

13
וְלַגֹּֽדְרִים֙ וּלְחֹצְבֵ֣י הָאֶ֔בֶן וְלִקְנֹ֤ות עֵצִים֙ וְאַבְנֵ֣י מַחְצֵ֔ב לְחַזֵּ֖ק אֶת־בֶּ֣דֶק בֵּית־יְהוָ֑ה וּלְכֹ֛ל אֲשֶׁר־יֵצֵ֥א עַל־הַבַּ֖יִת לְחָזְקָֽה׃

wĕlagòֽ̇dĕriym֙ ẇlĕẖòẕĕbé֣y háʼe֔ben wĕliqĕnò֤wţ ʻéẕiym֙ wĕʼabĕné֣y maẖĕẕé֔b lĕẖazé֖̇q ʼeţ־bė֣deq bé̇yţ־yĕhwá֑h ẇlĕkò֛l ʼàşěr־yéẕé֥ʼ ʻal־habȧ֖yiţ lĕẖázĕqáֽh׃

14
אַךְ֩ לֹ֨א יֵעָשֶׂ֜ה בֵּ֣ית יְהוָ֗ה סִפֹּ֥ות כֶּ֨סֶף֙ מְזַמְּרֹ֤ות מִזְרָקֹות֙ חֲצֹ֣צְרֹ֔ות כָּל־כְּלִ֥י זָהָ֖ב וּכְלִי־כָ֑סֶף מִן־הַכֶּ֖סֶף הַמּוּבָ֥א בֵית־יְהוָֽה׃

ʼakĕ֩ lò֨ʼ yéʻáşê֜h bé֣̇yţ yĕhwá֗h sipò֥̇wţ kė֨sep֙ mĕzamĕ̇rò֤wţ mizĕráqòwţ֙ ẖàẕò֣ẕĕrò֔wţ ká̇l־kĕ̇li֥y záhá֖b ẇkĕliy־ká֑sep min־hakė֖sep haṁẇbá֥ʼ béyţ־yĕhwáֽh׃

15
כִּֽי־לְעֹשֵׂ֥י הַמְּלָאכָ֖ה יִתְּנֻ֑הוּ וְחִזְּקוּ־בֹ֖ו אֶת־בֵּ֥ית יְהוָֽה׃

kiֽ̇y־lĕʻòşé֥̂y hamĕ̇láʼká֖h yiţĕ̇nu֑hẇ wĕẖizĕ̇qẇ־bò֖w ʼeţ־bé֥̇yţ yĕhwáֽh׃

16
וְלֹ֧א יְחַשְּׁב֣וּ אֶת־הָאֲנָשִׁ֗ים אֲשֶׁ֨ר יִתְּנ֤וּ אֶת־הַכֶּ֨סֶף֙ עַל־יָדָ֔ם לָתֵ֖ת לְעֹשֵׂ֣י הַמְּלָאכָ֑ה כִּ֥י בֶאֱמֻנָ֖ה הֵ֥ם עֹשִֽׂים׃

wĕlò֧ʼ yĕẖaşĕ̇̌b֣ẇ ʼeţ־háʼànáşǐ֗ym ʼàşě֨r yiţĕ̇n֤ẇ ʼeţ־hakė֨sep֙ ʻal־yádá֔m láţé֖ţ lĕʻòşé֣̂y hamĕ̇láʼká֑h ki֥̇y beʼèmuná֖h hé֥m ʻòşîֽym׃

17
כֶּ֤סֶף אָשָׁם֙ וְכֶ֣סֶף חַטָּאֹ֔ות לֹ֥א יוּבָ֖א בֵּ֣ית יְהוָ֑ה לַכֹּהֲנִ֖ים יִהְיֽוּ׃ פ

kė֤sep ʼáşá̌m֙ wĕke֣sep ẖatá̇ʼò֔wţ lò֥ʼ yẇbá֖ʼ bé֣̇yţ yĕhwá֑h lakò̇hàni֖ym yihĕyֽẇ׃ p

18
אָ֣ז יַעֲלֶ֗ה חֲזָאֵל֙ מֶ֣לֶךְ אֲרָ֔ם וַיִּלָּ֥חֶם עַל־גַּ֖ת וַֽיִּלְכְּדָ֑הּ וַיָּ֤שֶׂם חֲזָאֵל֙ פָּנָ֔יו לַעֲלֹ֖ות עַל־יְרוּשָׁלִָֽם׃

ʼá֣z yaʻàle֗h ẖàzáʼél֙ me֣lekĕ ʼàrá֔m wayi̇lá֥̇ẖem ʻal־gȧ֖ţ waֽyi̇lĕkĕ̇dá֑ḣ wayá֤̇şêm ẖàzáʼél֙ pá̇ná֔yw laʻàlò֖wţ ʻal־yĕrẇşá̌láֽim׃

19
וַיִּקַּ֞ח יְהֹואָ֣שׁ מֶֽלֶךְ־יְהוּדָ֗ה אֵ֣ת כָּל־הַקֳּדָשִׁ֡ים אֲשֶׁר־הִקְדִּ֣ישׁוּ יְהֹושָׁפָ֣ט וִיהֹורָם֩ וַאֲחַזְיָ֨הוּ אֲבֹתָ֜יו מַלְכֵ֤י יְהוּדָה֙ וְאֶת־קֳדָשָׁ֔יו וְאֵ֣ת כָּל־הַזָּהָ֗ב הַנִּמְצָ֛א בְּאֹצְרֹ֥ות בֵּית־יְהוָ֖ה וּבֵ֣ית הַמֶּ֑לֶךְ וַיִּשְׁלַ֗ח לַֽחֲזָאֵל֙ מֶ֣לֶךְ אֲרָ֔ם וַיַּ֖עַל מֵעַ֥ל יְרוּשָׁלִָֽם׃

wayi̇qȧ֞ẖ yĕhòwʼá֣ş̌ meֽlekĕ־yĕhẇdá֗h ʼé֣ţ ká̇l־haqȯdáşǐ֡ym ʼàşěr־hiqĕdi֣̇yş̌ẇ yĕhòwşá̌pá֣t wiyhòwrám֩ waʼàẖazĕyá֨hẇ ʼàbòţá֜yw malĕké֤y yĕhẇdáh֙ wĕʼeţ־qodáşá̌֔yw wĕʼé֣ţ ká̇l־hazá̇há֗b hani̇mĕẕá֛ʼ bĕ̇ʼòẕĕrò֥wţ bé̇yţ־yĕhwá֖h ẇbé֣yţ hamė֑lekĕ wayi̇şĕ̌la֗ẖ laֽẖàzáʼél֙ me֣lekĕ ʼàrá֔m wayȧ֖ʻal méʻa֥l yĕrẇşá̌láֽim׃

20
וְיֶ֛תֶר דִּבְרֵ֥י יֹואָ֖שׁ וְכָל־אֲשֶׁ֣ר עָשָׂ֑ה הֲלֹוא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

wĕye֛ţer di̇bĕré֥y yòwʼá֖ş̌ wĕkál־ʼàşě֣r ʻáşá֑̂h hàlòwʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yĕhẇdáֽh׃

21
וַיָּקֻ֥מוּ עֲבָדָ֖יו וַיִּקְשְׁרֽוּ־קָ֑שֶׁר וַיַּכּוּ֙ אֶת־יֹואָ֔שׁ בֵּ֥ית מִלֹּ֖א הַיֹּורֵ֥ד סִלָּֽא׃

wayá̇qu֥mẇ ʻàbádá֖yw wayi̇qĕşĕ̌rֽẇ־qá֑şěr wayȧk̇ẇ֙ ʼeţ־yòwʼá֔ş̌ bé֥̇yţ milò֖̇ʼ hayò̇wré֥d siláֽ̇ʼ׃

22
וְיֹוזָבָ֣ד בֶּן־שִׁ֠מְעָת וִיהֹוזָבָ֨ד בֶּן־שֹׁמֵ֤ר׀ עֲבָדָיו֙ הִכֻּ֣הוּ וַיָּמֹ֔ת וַיִּקְבְּר֥וּ אֹתֹ֛ו עִם־אֲבֹתָ֖יו בְּעִ֣יר דָּוִ֑ד וַיִּמְלֹ֛ךְ אֲמַצְיָ֥ה בְנֹ֖ו תַּחְתָּֽיו׃ פ

wĕyòwzábá֣d bėn־şǐ֠mĕʻáţ wiyhòwzábá֨d bėn־şò̌mé֤r׀ ʻàbádáyw֙ hiku֣̇hẇ wayá̇mò֔ţ wayi̇qĕbĕ̇r֥ẇ ʼòţò֛w ʻim־ʼàbòţá֖yw bĕ̇ʻi֣yr dá̇wi֑d wayi̇mĕlò֛kĕ ʼàmaẕĕyá֥h bĕnò֖w ţȧẖĕţáֽ̇yw׃ p