Bibles en langues anciennes
Traductions anciennes
Traductions modernes

Biblia Hebraica Stuttgartensia 2 Samuel 1

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיְהִ֗י אַֽחֲרֵי֙ מֹ֣ות שָׁא֔וּל וְדָוִ֣ד שָׁ֔ב מֵהַכֹּ֖ות אֶת־הָעֲמָלֵ֑ק וַיֵּ֧שֶׁב דָּוִ֛ד בְּצִקְלָ֖ג יָמִ֥ים שְׁנָֽיִם׃

wayĕhi֗y ʼaֽẖàréy֙ mò֣wţ şá̌ʼ֔ẇl wĕdáwi֣d şá̌֔b méhakò֖̇wţ ʼeţ־háʻàmálé֑q wayé֧̇şěb dá̇wi֛d bĕ̇ẕiqĕlá֖g yámi֥ym şĕ̌náֽyim׃

2
וַיְהִ֣י׀ בַּיֹּ֣ום הַשְּׁלִישִׁ֗י וְהִנֵּה֩ אִ֨ישׁ בָּ֤א מִן־הַֽמַּחֲנֶה֙ מֵעִ֣ם שָׁא֔וּל וּבְגָדָ֣יו קְרֻעִ֔ים וַאֲדָמָ֖ה עַל־רֹאשֹׁ֑ו וַיְהִי֙ בְּבֹאֹ֣ו אֶל־דָּוִ֔ד וַיִּפֹּ֥ל אַ֖רְצָה וַיִּשְׁתָּֽחוּ׃

wayĕhi֣y׀ bȧyò֣̇wm haşĕ̇̌liyşǐ֗y wĕhiné̇h֩ ʼi֨yş̌ bá֤̇ʼ min־haֽmȧẖàneh֙ méʻi֣m şá̌ʼ֔ẇl ẇbĕgádá֣yw qĕruʻi֔ym waʼàdámá֖h ʻal־ròʼşò֑̌w wayĕhiy֙ bĕ̇bòʼò֣w ʼel־dá̇wi֔d wayi̇pò֥̇l ʼa֖rĕẕáh wayi̇şĕ̌ţáֽ̇ẖẇ׃

3
וַיֹּ֤אמֶר לֹו֙ דָּוִ֔ד אֵ֥י מִזֶּ֖ה תָּבֹ֑וא וַיֹּ֣אמֶר אֵלָ֔יו מִמַּחֲנֵ֥ה יִשְׂרָאֵ֖ל נִמְלָֽטְתִּי׃

wayò֤̇ʼmer lòw֙ dá̇wi֔d ʼé֥y mizė֖h ţá̇bò֑wʼ wayò֣̇ʼmer ʼélá֔yw mimȧẖàné֥h yişĕ̂ráʼé֖l nimĕláֽtĕţi̇y׃

4
וַיֹּ֨אמֶר אֵלָ֥יו דָּוִ֛ד מֶה־הָיָ֥ה הַדָּבָ֖ר הַגֶּד־נָ֣א לִ֑י וַ֠יֹּאמֶר אֲשֶׁר־נָ֨ס הָעָ֜ם מִן־הַמִּלְחָמָ֗ה וְגַם־הַרְבֵּ֞ה נָפַ֤ל מִן־הָעָם֙ וַיָּמֻ֔תוּ וְגַ֗ם שָׁא֛וּל וִיהֹונָתָ֥ן בְּנֹ֖ו מֵֽתוּ׃

wayò̇֨ʼmer ʼélá֥yw dá̇wi֛d meh־háyá֥h hadá̇bá֖r hagėd־ná֣ʼ li֑y wa֠yò̇ʼmer ʼàşěr־ná֨s háʻá֜m min־hami̇lĕẖámá֗h wĕgam־harĕbé̇֞h nápa֤l min־háʻám֙ wayá̇mu֔ţẇ wĕga֗m şá̌ʼ֛ẇl wiyhòwnáţá֥n bĕ̇nò֖w méֽţẇ׃

5
וַיֹּ֣אמֶר דָּוִ֔ד אֶל־הַנַּ֖עַר הַמַּגִּ֣יד לֹ֑ו אֵ֣יךְ יָדַ֔עְתָּ כִּי־מֵ֥ת שָׁא֖וּל וִיהֹֽונָתָ֥ן בְּנֹֽו׃

wayò֣̇ʼmer dá̇wi֔d ʼel־hanȧ֖ʻar hamȧgi֣̇yd lò֑w ʼé֣ykĕ yáda֔ʻĕţá̇ ki̇y־mé֥ţ şá̌ʼ֖ẇl wiyhòֽwnáţá֥n bĕ̇nòֽw׃

6
וַיֹּ֜אמֶר הַנַּ֣עַר׀ הַמַּגִּ֣יד לֹ֗ו נִקְרֹ֤א נִקְרֵ֨יתִי֙ בְּהַ֣ר הַגִּלְבֹּ֔עַ וְהִנֵּ֥ה שָׁא֖וּל נִשְׁעָ֣ן עַל־חֲנִיתֹ֑ו וְהִנֵּ֥ה הָרֶ֛כֶב וּבַעֲלֵ֥י הַפָּרָשִׁ֖ים הִדְבִּקֻֽהוּ׃

wayò̇֜ʼmer hanȧ֣ʻar׀ hamȧgi֣̇yd lò֗w niqĕrò֤ʼ niqĕré֨yţiy֙ bĕ̇ha֣r hagi̇lĕbò̇֔ʻa wĕhiné֥̇h şá̌ʼ֖ẇl nişĕ̌ʻá֣n ʻal־ẖàniyţò֑w wĕhiné֥̇h háre֛keb ẇbaʻàlé֥y hapá̇ráşǐ֖ym hidĕbi̇quֽhẇ׃

7
וַיִּ֥פֶן אַחֲרָ֖יו וַיִּרְאֵ֑נִי וַיִּקְרָ֣א אֵלָ֔י וָאֹמַ֖ר הִנֵּֽנִי׃

wayi֥̇pen ʼaẖàrá֖yw wayi̇rĕʼé֑niy wayi̇qĕrá֣ʼ ʼélá֔y wáʼòma֖r hinéֽ̇niy׃

8
וַיֹּ֥אמֶר לִ֖י מִי־אָ֑תָּה וַיֹּאמֶר אֵלָ֔יו עֲמָלֵקִ֖י אָנֹֽכִי׃

wayò֥̇ʼmer li֖y miy־ʼá֑ţá̇h wayò̇ʼmer ʼélá֔yw ʻàmáléqi֖y ʼánòֽkiy׃

9
וַיֹּ֣אמֶר אֵלַ֗י עֲמָד־נָ֤א עָלַי֙ וּמֹ֣תְתֵ֔נִי כִּ֥י אֲחָזַ֖נִי הַשָּׁבָ֑ץ כִּֽי־כָל־עֹ֥וד נַפְשִׁ֖י בִּֽי׃

wayò֣̇ʼmer ʼéla֗y ʻàmád־ná֤ʼ ʻálay֙ ẇmò֣ţĕţé֔niy ki֥̇y ʼàẖáza֖niy haşá̇̌bá֑ẕ kiֽ̇y־kál־ʻò֥wd napĕşǐ֖y biֽ̇y׃

10
וָאֶעֱמֹ֤ד עָלָיו֙ וַאֲמֹ֣תְתֵ֔הוּ כִּ֣י יָדַ֔עְתִּי כִּ֛י לֹ֥א יִֽחְיֶ֖ה אַחֲרֵ֣י נִפְלֹ֑ו וָאֶקַּ֞ח הַנֵּ֣זֶר׀ אֲשֶׁ֣ר עַל־רֹאשֹׁ֗ו וְאֶצְעָדָה֙ אֲשֶׁ֣ר עַל־זְרֹעֹ֔ו וָאֲבִיאֵ֥ם אֶל־אֲדֹנִ֖י הֵֽנָּה׃

wáʼeʻèmò֤d ʻáláyw֙ waʼàmò֣ţĕţé֔hẇ ki֣̇y yáda֔ʻĕţi̇y ki֛̇y lò֥ʼ yiֽẖĕye֖h ʼaẖàré֣y nipĕlò֑w wáʼeqȧ֞ẖ hané֣̇zer׀ ʼàşě֣r ʻal־ròʼşò̌֗w wĕʼeẕĕʻádáh֙ ʼàşě֣r ʻal־zĕròʻò֔w wáʼàbiyʼé֥m ʼel־ʼàdòni֖y héֽná̇h׃

11
וַיַּחֲזֵ֥ק דָּוִ֛ד בִּבְגָדֹו וַיִּקְרָעֵ֑ם וְגַ֥ם כָּל־הָאֲנָשִׁ֖ים אֲשֶׁ֥ר אִתֹּֽו׃

wayȧẖàzé֥q dá̇wi֛d bi̇bĕgádòw wayi̇qĕráʻé֑m wĕga֥m ká̇l־háʼànáşǐ֖ym ʼàşě֥r ʼiţòֽ̇w׃

12
וַֽיִּסְפְּדוּ֙ וַיִּבְכּ֔וּ וַיָּצֻ֖מוּ עַד־הָעָ֑רֶב עַל־שָׁא֞וּל וְעַל־יְהֹונָתָ֣ן בְּנֹ֗ו וְעַל־עַ֤ם יְהוָה֙ וְעַל־בֵּ֣ית יִשְׂרָאֵ֔ל כִּ֥י נָפְל֖וּ בֶּחָֽרֶב׃ ס

waֽyi̇sĕpĕ̇dẇ֙ wayi̇bĕk̇֔ẇ wayá̇ẕu֖mẇ ʻad־háʻá֑reb ʻal־şá̌ʼ֞ẇl wĕʻal־yĕhòwnáţá֣n bĕ̇nò֗w wĕʻal־ʻa֤m yĕhwáh֙ wĕʻal־bé֣̇yţ yişĕ̂ráʼé֔l ki֥̇y nápĕl֖ẇ bėẖáֽreb׃ s

13
וַיֹּ֣אמֶר דָּוִ֗ד אֶל־הַנַּ֨עַר֙ הַמַּגִּ֣יד לֹ֔ו אֵ֥י מִזֶּ֖ה אָ֑תָּה וַיֹּ֕אמֶר בֶּן־אִ֛ישׁ גֵּ֥ר עֲמָלֵקִ֖י אָנֹֽכִי׃

wayò֣̇ʼmer dá̇wi֗d ʼel־hanȧ֨ʻar֙ hamȧgi֣̇yd lò֔w ʼé֥y mizė֖h ʼá֑ţá̇h wayò̇֕ʼmer bėn־ʼi֛yş̌ gé֥̇r ʻàmáléqi֖y ʼánòֽkiy׃

14
וַיֹּ֥אמֶר אֵלָ֖יו דָּוִ֑ד אֵ֚יךְ לֹ֣א יָרֵ֔אתָ לִשְׁלֹ֨חַ֙ יָֽדְךָ֔ לְשַׁחֵ֖ת אֶת־מְשִׁ֥יחַ יְהוָֽה׃

wayò֥̇ʼmer ʼélá֖yw dá̇wi֑d ʼé֚ykĕ lò֣ʼ yáré֔ʼţá lişĕ̌lò֨ẖa֙ yáֽdĕká֔ lĕşǎẖé֖ţ ʼeţ־mĕşǐ֥yẖa yĕhwáֽh׃

15
וַיִּקְרָ֣א דָוִ֗ד לְאַחַד֙ מֵֽהַנְּעָרִ֔ים וַיֹּ֖אמֶר גַּ֣שׁ פְּגַע־בֹּ֑ו וַיַּכֵּ֖הוּ וַיָּמֹֽת׃

wayi̇qĕrá֣ʼ dáwi֗d lĕʼaẖad֙ méֽhanĕ̇ʻári֔ym wayò֖̇ʼmer gȧ֣ş̌ pĕ̇gaʻ־bò֑̇w wayȧké֖̇hẇ wayá̇mòֽţ׃

16
וַיֹּ֤אמֶר אֵלָיו֙ דָּוִ֔ד דָּמֵיךָ עַל־רֹאשֶׁ֑ךָ כִּ֣י פִ֗יךָ עָנָ֤ה בְךָ֙ לֵאמֹ֔ר אָנֹכִ֥י מֹתַ֖תִּי אֶת־מְשִׁ֥יחַ יְהוָֽה׃ ס

wayò֤̇ʼmer ʼéláyw֙ dá̇wi֔d dá̇méyká ʻal־ròʼşě֑ká ki֣̇y pi֗yká ʻáná֤h bĕká֙ léʼmò֔r ʼánòki֥y mòţa֖ţi̇y ʼeţ־mĕşǐ֥yẖa yĕhwáֽh׃ s

17
וַיְקֹנֵ֣ן דָּוִ֔ד אֶת־הַקִּינָ֖ה הַזֹּ֑את עַל־שָׁא֖וּל וְעַל־יְהֹונָתָ֥ן בְּנֹֽו׃

wayĕqòné֣n dá̇wi֔d ʼeţ־haqi̇yná֖h hazò֑̇ʼţ ʻal־şá̌ʼ֖ẇl wĕʻal־yĕhòwnáţá֥n bĕ̇nòֽw׃

18
וַיֹּ֕אמֶר לְלַמֵּ֥ד בְּנֵֽי־יְהוּדָ֖ה קָ֑שֶׁת הִנֵּ֥ה כְתוּבָ֖ה עַל־סֵ֥פֶר הַיָּשָֽׁר׃

wayò̇֕ʼmer lĕlamé֥̇d bĕ̇néֽy־yĕhẇdá֖h qá֑şěţ hiné֥̇h kĕţẇbá֖h ʻal־sé֥per hayá̇şáֽ̌r׃

19
הַצְּבִי֙ יִשְׂרָאֵ֔ל עַל־בָּמֹותֶ֖יךָ חָלָ֑ל אֵ֖יךְ נָפְל֥וּ גִבֹּורִֽים׃

haẕĕ̇biy֙ yişĕ̂ráʼé֔l ʻal־bá̇mòwţe֖yká ẖálá֑l ʼé֖ykĕ nápĕl֥ẇ gibò̇wriֽym׃

20
אַל־תַּגִּ֣ידוּ בְגַ֔ת אַֽל־תְּבַשְּׂר֖וּ בְּחוּצֹ֣ת אַשְׁקְלֹ֑ון פֶּן־תִּשְׂמַ֨חְנָה֙ בְּנֹ֣ות פְּלִשְׁתִּ֔ים פֶּֽן־תַּעֲלֹ֖זְנָה בְּנֹ֥ות הָעֲרֵלִֽים׃

ʼal־ţȧgi֣̇ydẇ bĕga֔ţ ʼaֽl־ţĕ̇başĕ̇̂r֖ẇ bĕ̇ẖẇẕò֣ţ ʼaşĕ̌qĕlò֑wn pėn־ţi̇şĕ̂ma֨ẖĕnáh֙ bĕ̇nò֣wţ pĕ̇lişĕ̌ţi̇֔ym pėֽn־ţȧʻàlò֖zĕnáh bĕ̇nò֥wţ háʻàréliֽym׃

21
הָרֵ֣י בַגִּלְבֹּ֗עַ אַל־טַ֧ל וְאַל־מָטָ֛ר עֲלֵיכֶ֖ם וּשְׂדֵ֣י תְרוּמֹ֑ת כִּ֣י שָׁ֤ם נִגְעַל֙ מָגֵ֣ן גִּבֹּורִ֔ים מָגֵ֣ן שָׁא֔וּל בְּלִ֖י מָשִׁ֥יחַ בַּשָּֽׁמֶן׃

háré֣y bagi̇lĕbò̇֗ʻa ʼal־ta֧l wĕʼal־mátá֛r ʻàléyke֖m ẇşĕ̂dé֣y ţĕrẇmò֑ţ ki֣̇y şá֤̌m nigĕʻal֙ mágé֣n gi̇bò̇wri֔ym mágé֣n şá̌ʼ֔ẇl bĕ̇li֖y máşǐ֥yẖa bȧşáֽ̇̌men׃

22
מִדַּ֣ם חֲלָלִ֗ים מֵחֵ֨לֶב֙ גִּבֹּורִ֔ים קֶ֚שֶׁת יְהֹ֣ונָתָ֔ן לֹ֥א נָשֹׂ֖וג אָחֹ֑ור וְחֶ֣רֶב שָׁא֔וּל לֹ֥א תָשׁ֖וּב רֵיקָֽם׃

midȧ֣m ẖàláli֗ym méẖé֨leb֙ gi̇bò̇wri֔ym qe֚şěţ yĕhò֣wnáţá֔n lò֥ʼ náşò֖̂wg ʼáẖò֑wr wĕẖe֣reb şá̌ʼ֔ẇl lò֥ʼ ţáş֖̌ẇb réyqáֽm׃

23
שָׁא֣וּל וִיהֹונָתָ֗ן הַנֶּאֱהָבִ֤ים וְהַנְּעִימִם֙ בְּחַיֵּיהֶ֔ם וּבְמֹותָ֖ם לֹ֣א נִפְרָ֑דוּ מִנְּשָׁרִ֣ים קַ֔לּוּ מֵאֲרָיֹ֖ות גָּבֵֽרוּ׃

şá̌ʼ֣ẇl wiyhòwnáţá֗n hanėʼèhábi֤ym wĕhanĕ̇ʻiymim֙ bĕ̇ẖayé̇yhe֔m ẇbĕmòwţá֖m lò֣ʼ nipĕrá֑dẇ minĕ̇şá̌ri֣ym qa֔l̇ẇ méʼàráyò֖wţ gá̇béֽrẇ׃

24
בְּנֹות֙ יִשְׂרָאֵ֔ל אֶל־שָׁא֖וּל בְּכֶ֑ינָה הַמַּלְבִּֽשְׁכֶ֤ם שָׁנִי֙ עִם־עֲדָנִ֔ים הַֽמַּעֲלֶה֙ עֲדִ֣י זָהָ֔ב עַ֖ל לְבוּשְׁכֶֽן׃

bĕ̇nòwţ֙ yişĕ̂ráʼé֔l ʼel־şá̌ʼ֖ẇl bĕ̇ke֑ynáh hamȧlĕbiֽ̇şĕ̌ke֤m şá̌niy֙ ʻim־ʻàdáni֔ym haֽmȧʻàleh֙ ʻàdi֣y záhá֔b ʻa֖l lĕbẇşĕ̌keֽn׃

25
אֵ֚יךְ נָפְל֣וּ גִבֹּרִ֔ים בְּתֹ֖וךְ הַמִּלְחָמָ֑ה יְהֹ֣ונָתָ֔ן עַל־בָּמֹותֶ֖יךָ חָלָֽל׃

ʼé֚ykĕ nápĕl֣ẇ gibò̇ri֔ym bĕ̇ţò֖wkĕ hami̇lĕẖámá֑h yĕhò֣wnáţá֔n ʻal־bá̇mòwţe֖yká ẖáláֽl׃

26
צַר־לִ֣י עָלֶ֗יךָ אָחִי֙ יְהֹ֣ונָתָ֔ן נָעַ֥מְתָּ לִּ֖י מְאֹ֑ד נִפְלְאַ֤תָה אַהֲבָֽתְךָ֙ לִ֔י מֵאַהֲבַ֖ת נָשִֽׁים׃

ẕar־li֣y ʻále֗yká ʼáẖiy֙ yĕhò֣wnáţá֔n náʻa֥mĕţá̇ li֖̇y mĕʼò֑d nipĕlĕʼa֤ţáh ʼahàbáֽţĕká֙ li֔y méʼahàba֖ţ náşǐֽym׃

27
אֵ֚יךְ נָפְל֣וּ גִבֹּורִ֔ים וַיֹּאבְד֖וּ כְּלֵ֥י מִלְחָמָֽה׃ פ

ʼé֚ykĕ nápĕl֣ẇ gibò̇wri֔ym wayò̇ʼbĕd֖ẇ kĕ̇lé֥y milĕẖámáֽh׃ p