Bibles en langues anciennes
Traductions anciennes
Traductions modernes

Biblia Hebraica Stuttgartensia 2 Samuel 7, 29

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיְהִ֕י כִּי־יָשַׁ֥ב הַמֶּ֖לֶךְ בְּבֵיתֹ֑ו וַיהוָ֛ה הֵנִֽיחַ־לֹ֥ו מִסָּבִ֖יב מִכָּל־אֹיְבָֽיו׃

wayĕhi֕y ki̇y־yáşǎ֥b hamė֖lekĕ bĕ̇béyţò֑w wayhwá֛h héniֽyẖa־lò֥w misá̇bi֖yb miká̇l־ʼòyĕbáֽyw׃

2
וַיֹּ֤אמֶר הַמֶּ֨לֶךְ֙ אֶל־נָתָ֣ן הַנָּבִ֔יא רְאֵ֣ה נָ֔א אָנֹכִ֥י יֹושֵׁ֖ב בְּבֵ֣ית אֲרָזִ֑ים וַֽאֲרֹון֙ הָֽאֱלֹהִ֔ים יֹשֵׁ֖ב בְּתֹ֥וךְ הַיְרִיעָֽה׃

wayò֤̇ʼmer hamė֨lekĕ֙ ʼel־náţá֣n haná̇bi֔yʼ rĕʼé֣h ná֔ʼ ʼánòki֥y yòwşé֖̌b bĕ̇bé֣yţ ʼàrázi֑ym waֽʼàròwn֙ háֽʼèlòhi֔ym yòşé֖̌b bĕ̇ţò֥wkĕ hayĕriyʻáֽh׃

3
וַיֹּ֤אמֶר נָתָן֙ אֶל־הַמֶּ֔לֶךְ כֹּ֛ל אֲשֶׁ֥ר בִּֽלְבָבְךָ֖ לֵ֣ךְ עֲשֵׂ֑ה כִּ֥י יְהוָ֖ה עִמָּֽךְ׃ ס

wayò֤̇ʼmer náţán֙ ʼel־hamė֔lekĕ kò֛̇l ʼàşě֥r biֽ̇lĕbábĕká֖ lé֣kĕ ʻàşé֑̂h ki֥̇y yĕhwá֖h ʻimáֽ̇kĕ׃ s

4
וַיְהִ֖י בַּלַּ֣יְלָה הַה֑וּא וַֽיְהִי֙ דְּבַר־יְהוָ֔ה אֶל־נָתָ֖ן לֵאמֹֽר׃

wayĕhi֖y bȧlȧ֣yĕláh hah֑ẇʼ waֽyĕhiy֙ dĕ̇bar־yĕhwá֔h ʼel־náţá֖n léʼmòֽr׃

5
לֵ֤ךְ וְאָֽמַרְתָּ֙ אֶל־עַבְדִּ֣י אֶל־דָּוִ֔ד כֹּ֖ה אָמַ֣ר יְהוָ֑ה הַאַתָּ֛ה תִּבְנֶה־לִּ֥י בַ֖יִת לְשִׁבְתִּֽי׃

lé֤kĕ wĕʼáֽmarĕţá̇֙ ʼel־ʻabĕdi֣̇y ʼel־dá̇wi֔d kò֖̇h ʼáma֣r yĕhwá֑h haʼaţá֛̇h ţi̇bĕneh־li֥̇y ba֖yiţ lĕşǐbĕţiֽ̇y׃

6
כִּ֣י לֹ֤א יָשַׁ֨בְתִּי֙ בְּבַ֔יִת לְ֠מִיֹּום הַעֲלֹתִ֞י אֶת־בְּנֵ֤י יִשְׂרָאֵל֙ מִמִּצְרַ֔יִם וְעַ֖ד הַיֹּ֣ום הַזֶּ֑ה וָאֶֽהְיֶה֙ מִתְהַלֵּ֔ךְ בְּאֹ֖הֶל וּבְמִשְׁכָּֽן׃

ki֣̇y lò֤ʼ yáşǎ֨bĕţi̇y֙ bĕ̇ba֔yiţ lĕ֠miyò̇wm haʻàlòţi֞y ʼeţ־bĕ̇né֤y yişĕ̂ráʼél֙ mimi̇ẕĕra֔yim wĕʻa֖d hayò֣̇wm hazė֑h wáʼeֽhĕyeh֙ miţĕhalé̇֔kĕ bĕ̇ʼò֖hel ẇbĕmişĕ̌káֽ̇n׃

7
בְּכֹ֥ל אֲשֶֽׁר־הִתְהַלַּכְתִּי֮ בְּכָל־בְּנֵ֣י יִשְׂרָאֵל֒ הֲדָבָ֣ר דִּבַּ֗רְתִּי אֶת־אַחַד֙ שִׁבְטֵ֣י יִשְׂרָאֵ֔ל אֲשֶׁ֣ר צִוִּ֗יתִי לִרְעֹ֛ות אֶת־עַמִּ֥י אֶת־יִשְׂרָאֵ֖ל לֵאמֹ֑ר לָ֛מָּה לֹֽא־בְנִיתֶ֥ם לִ֖י בֵּ֥ית אֲרָזִֽים׃

bĕ̇kò֥l ʼàşěֽr־hiţĕhalȧkĕţi̇y֮ bĕ̇kál־bĕ̇né֣y yişĕ̂ráʼél֒ hàdábá֣r di̇bȧ֗rĕţi̇y ʼeţ־ʼaẖad֙ şǐbĕté֣y yişĕ̂ráʼé֔l ʼàşě֣r ẕiwi̇֗yţiy lirĕʻò֛wţ ʼeţ־ʻami֥̇y ʼeţ־yişĕ̂ráʼé֖l léʼmò֑r lá֛má̇h lòֽʼ־bĕniyţe֥m li֖y bé֥̇yţ ʼàráziֽym׃

8
וְ֠עַתָּה כֹּֽה־תֹאמַ֞ר לְעַבְדִּ֣י לְדָוִ֗ד כֹּ֤ה אָמַר֙ יְהוָ֣ה צְבָאֹ֔ות אֲנִ֤י לְקַחְתִּ֨יךָ֙ מִן־הַנָּוֶ֔ה מֵאַחַ֖ר הַצֹּ֑אן לִֽהְיֹ֣ות נָגִ֔יד עַל־עַמִּ֖י עַל־יִשְׂרָאֵֽל׃

wĕ֠ʻaţá̇h kòֽ̇h־ţòʼma֞r lĕʻabĕdi֣̇y lĕdáwi֗d kò֤̇h ʼámar֙ yĕhwá֣h ẕĕbáʼò֔wţ ʼàni֤y lĕqaẖĕţi̇֨yká֙ min־haná̇we֔h méʼaẖa֖r haẕò֑̇ʼn liֽhĕyò֣wţ nági֔yd ʻal־ʻami֖̇y ʻal־yişĕ̂ráʼéֽl׃

9
וָאֶהְיֶ֣ה עִמְּךָ֗ בְּכֹל֙ אֲשֶׁ֣ר הָלַ֔כְתָּ וָאַכְרִ֥תָה אֶת־כָּל־אֹיְבֶ֖יךָ מִפָּנֶ֑יךָ וְעָשִׂ֤תִֽי לְךָ֙ שֵׁ֣ם גָּדֹ֔ול כְּשֵׁ֥ם הַגְּדֹלִ֖ים אֲשֶׁ֥ר בָּאָֽרֶץ׃

wáʼehĕye֣h ʻimĕ̇ká֗ bĕ̇kòl֙ ʼàşě֣r hála֔kĕţá̇ wáʼakĕri֥ţáh ʼeţ־ká̇l־ʼòyĕbe֖yká mipá̇ne֑yká wĕʻáşî֤ţiֽy lĕká֙ şé֣̌m gá̇dò֔wl kĕ̇şé֥̌m hagĕ̇dòli֖ym ʼàşě֥r bá̇ʼáֽreẕ׃

10
וְשַׂמְתִּ֣י מָ֠קֹום לְעַמִּ֨י לְיִשְׂרָאֵ֤ל וּנְטַעְתִּיו֙ וְשָׁכַ֣ן תַּחְתָּ֔יו וְלֹ֥א יִרְגַּ֖ז עֹ֑וד וְלֹֽא־יֹסִ֤יפוּ בְנֵֽי־עַוְלָה֙ לְעַנֹּותֹ֔ו כַּאֲשֶׁ֖ר בָּרִאשֹׁונָֽה׃

wĕşâmĕţi֣̇y má֠qòwm lĕʻami̇֨y lĕyişĕ̂ráʼé֤l ẇnĕtaʻĕţi̇yw֙ wĕşá̌ka֣n ţȧẖĕţá̇֔yw wĕlò֥ʼ yirĕgȧ֖z ʻò֑wd wĕlòֽʼ־yòsi֤ypẇ bĕnéֽy־ʻawĕláh֙ lĕʻanò̇wţò֔w kȧʼàşě֖r bá̇riʼşò̌wnáֽh׃

11
וּלְמִן־הַיֹּ֗ום אֲשֶׁ֨ר צִוִּ֤יתִי שֹֽׁפְטִים֙ עַל־עַמִּ֣י יִשְׂרָאֵ֔ל וַהֲנִיחֹ֥תִי לְךָ֖ מִכָּל־אֹיְבֶ֑יךָ וְהִגִּ֤יד לְךָ֙ יְהוָ֔ה כִּי־בַ֖יִת יַעֲשֶׂה־לְּךָ֥ יְהוָֽה׃

ẇlĕmin־hayò̇֗wm ʼàşě֨r ẕiwi֤̇yţiy şòֽ̌pĕtiym֙ ʻal־ʻami֣̇y yişĕ̂ráʼé֔l wahàniyẖò֥ţiy lĕká֖ miká̇l־ʼòyĕbe֑yká wĕhigi֤̇yd lĕká֙ yĕhwá֔h ki̇y־ba֖yiţ yaʻàşêh־lĕ̇ká֥ yĕhwáֽh׃

12
כִּ֣י׀ יִמְלְא֣וּ יָמֶ֗יךָ וְשָֽׁכַבְתָּ֙ אֶת־אֲבֹתֶ֔יךָ וַהֲקִימֹתִ֤י אֶֽת־זַרְעֲךָ֙ אַחֲרֶ֔יךָ אֲשֶׁ֥ר יֵצֵ֖א מִמֵּעֶ֑יךָ וַהֲכִינֹתִ֖י אֶת־מַמְלַכְתֹּֽו׃

ki֣̇y׀ yimĕlĕʼ֣ẇ yáme֗yká wĕşáֽ̌kabĕţá̇֙ ʼeţ־ʼàbòţe֔yká wahàqiymòţi֤y ʼeֽţ־zarĕʻàká֙ ʼaẖàre֔yká ʼàşě֥r yéẕé֖ʼ mimé̇ʻe֑yká wahàkiynòţi֖y ʼeţ־mamĕlakĕţòֽ̇w׃

13
ה֥וּא יִבְנֶה־בַּ֖יִת לִשְׁמִ֑י וְכֹנַנְתִּ֛י אֶת־כִּסֵּ֥א מַמְלַכְתֹּ֖ו עַד־עֹולָֽם׃

h֥ẇʼ yibĕneh־bȧ֖yiţ lişĕ̌mi֑y wĕkònanĕţi֛̇y ʼeţ־ki̇sé֥̇ʼ mamĕlakĕţò֖̇w ʻad־ʻòwláֽm׃

14
אֲנִי֙ אֶהְיֶה־לֹּ֣ו לְאָ֔ב וְה֖וּא יִהְיֶה־לִּ֣י לְבֵ֑ן אֲשֶׁר֙ בְּהַ֣עֲוֹתֹ֔ו וְהֹֽכַחְתִּיו֙ בְּשֵׁ֣בֶט אֲנָשִׁ֔ים וּבְנִגְעֵ֖י בְּנֵ֥י אָדָֽם׃

ʼàniy֙ ʼehĕyeh־lò֣̇w lĕʼá֔b wĕh֖ẇʼ yihĕyeh־li֣̇y lĕbé֑n ʼàşěr֙ bĕ̇ha֣ʻàwòţò֔w wĕhòֽkaẖĕţi̇yw֙ bĕ̇şé֣̌bet ʼànáşǐ֔ym ẇbĕnigĕʻé֖y bĕ̇né֥y ʼádáֽm׃

15
וְחַסְדִּ֖י לֹא־יָס֣וּר מִמֶּ֑נּוּ כַּאֲשֶׁ֤ר הֲסִרֹ֨תִי֙ מֵעִ֣ם שָׁא֔וּל אֲשֶׁ֥ר הֲסִרֹ֖תִי מִלְּפָנֶֽיךָ׃

wĕẖasĕdi֖̇y lòʼ־yás֣ẇr mimė֑ṅẇ kȧʼàşě֤r hàsirò֨ţiy֙ méʻi֣m şá̌ʼ֔ẇl ʼàşě֥r hàsirò֖ţiy milĕ̇páneֽyká׃

16
וְנֶאְמַ֨ן בֵּיתְךָ֧ וּמַֽמְלַכְתְּךָ֛ עַד־עֹולָ֖ם לְפָנֶ֑יךָ כִּֽסְאֲךָ֔ יִהְיֶ֥ה נָכֹ֖ון עַד־עֹולָֽם׃

wĕneʼĕma֨n bé̇yţĕká֧ ẇmaֽmĕlakĕţĕ̇ká֛ ʻad־ʻòwlá֖m lĕpáne֑yká kiֽ̇sĕʼàká֔ yihĕye֥h nákò֖wn ʻad־ʻòwláֽm׃

17
כְּכֹל֙ הַדְּבָרִ֣ים הָאֵ֔לֶּה וּכְכֹ֖ל הַחִזָּיֹ֣ון הַזֶּ֑ה כֵּ֛ן דִּבֶּ֥ר נָתָ֖ן אֶל־דָּוִֽד׃ ס

kĕ̇kòl֙ hadĕ̇bári֣ym háʼé֔lėh ẇkĕkò֖l haẖizá̇yò֣wn hazė֑h ké֛̇n di̇bė֥r náţá֖n ʼel־dá̇wiֽd׃ s

18
וַיָּבֹא֙ הַמֶּ֣לֶךְ דָּוִ֔ד וַיֵּ֖שֶׁב לִפְנֵ֣י יְהוָ֑ה וַיֹּ֗אמֶר מִ֣י אָנֹכִ֞י אֲדֹנָ֤י יְהוִה֙ וּמִ֣י בֵיתִ֔י כִּ֥י הֲבִיאֹתַ֖נִי עַד־הֲלֹֽם׃

wayá̇bòʼ֙ hamė֣lekĕ dá̇wi֔d wayé֖̇şěb lipĕné֣y yĕhwá֑h wayò̇֗ʼmer mi֣y ʼánòki֞y ʼàdòná֤y yĕhwih֙ ẇmi֣y béyţi֔y ki֥̇y hàbiyʼòţa֖niy ʻad־hàlòֽm׃

19
וַתִּקְטַן֩ עֹ֨וד זֹ֤את בְּעֵינֶ֨יךָ֙ אֲדֹנָ֣י יְהוִ֔ה וַתְּדַבֵּ֛ר גַּ֥ם אֶל־בֵּֽית־עַבְדְּךָ֖ לְמֵֽרָחֹ֑וק וְזֹ֛את תֹּורַ֥ת הָאָדָ֖ם אֲדֹנָ֥י יְהוִֽה׃

waţi̇qĕtan֩ ʻò֨wd zò֤ʼţ bĕ̇ʻéyne֨yká֙ ʼàdòná֣y yĕhwi֔h waţĕ̇dabé֛̇r gȧ֥m ʼel־béֽ̇yţ־ʻabĕdĕ̇ká֖ lĕméֽráẖò֑wq wĕzò֛ʼţ ţò̇wra֥ţ háʼádá֖m ʼàdòná֥y yĕhwiֽh׃

20
וּמַה־יֹּוסִ֥יף דָּוִ֛ד עֹ֖וד לְדַבֵּ֣ר אֵלֶ֑יךָ וְאַתָּ֛ה יָדַ֥עְתָּ אֶֽת־עַבְדְּךָ֖ אֲדֹנָ֥י יְהוִֽה׃

ẇmah־yò̇wsi֥yp dá̇wi֛d ʻò֖wd lĕdabé֣̇r ʼéle֑yká wĕʼaţá֛̇h yáda֥ʻĕţá̇ ʼeֽţ־ʻabĕdĕ̇ká֖ ʼàdòná֥y yĕhwiֽh׃

21
בַּעֲב֤וּר דְּבָֽרְךָ֙ וּֽכְלִבְּךָ֔ עָשִׂ֕יתָ אֵ֥ת כָּל־הַגְּדוּלָּ֖ה הַזֹּ֑את לְהֹודִ֖יעַ אֶת־עַבְדֶּֽךָ׃

bȧʻàb֤ẇr dĕ̇báֽrĕká֙ ẇֽkĕlibĕ̇ká֔ ʻáşî֕yţá ʼé֥ţ ká̇l־hagĕ̇dẇlá֖̇h hazò֑̇ʼţ lĕhòwdi֖yʻa ʼeţ־ʻabĕdėֽká׃

22
עַל־כֵּ֥ן גָּדַ֖לְתָּ אֲדֹנָ֣י יְהוִ֑ה כִּֽי־אֵ֣ין כָּמֹ֗וךָ וְאֵ֤ין אֱלֹהִים֙ זֽוּלָתֶ֔ךָ בְּכֹ֥ל אֲשֶׁר־שָׁמַ֖עְנוּ בְּאָזְנֵֽינוּ׃

ʻal־ké֥̇n gá̇da֖lĕţá̇ ʼàdòná֣y yĕhwi֑h kiֽ̇y־ʼé֣yn ká̇mò֗wká wĕʼé֤yn ʼèlòhiym֙ zֽẇláţe֔ká bĕ̇kò֥l ʼàşěr־şá̌ma֖ʻĕnẇ bĕ̇ʼázĕnéֽynẇ׃

23
וּמִ֤י כְעַמְּךָ֙ כְּיִשְׂרָאֵ֔ל גֹּ֥וי אֶחָ֖ד בָּאָ֑רֶץ אֲשֶׁ֣ר הָלְכֽוּ־אֱ֠לֹהִים לִפְדֹּֽות־לֹ֨ו לְעָ֜ם וְלָשׂ֧וּם לֹ֣ו שֵׁ֗ם וְלַעֲשֹׂ֨ות לָכֶ֜ם הַגְּדוּלָּ֤ה וְנֹֽרָאֹות֙ לְאַרְצֶ֔ךָ מִפְּנֵ֣י עַמְּךָ֗ אֲשֶׁ֨ר פָּדִ֤יתָ לְּךָ֙ מִמִּצְרַ֔יִם גֹּויִ֖ם וֵאלֹהָֽיו׃

ẇmi֤y kĕʻamĕ̇ká֙ kĕ̇yişĕ̂ráʼé֔l gò֥̇wy ʼeẖá֖d bá̇ʼá֑reẕ ʼàşě֣r hálĕkֽẇ־ʼè֠lòhiym lipĕdòֽ̇wţ־lò֨w lĕʻá֜m wĕláş֧̂ẇm lò֣w şé̌֗m wĕlaʻàşò̂֨wţ láke֜m hagĕ̇dẇlá֤̇h wĕnòֽráʼòwţ֙ lĕʼarĕẕe֔ká mipĕ̇né֣y ʻamĕ̇ká֗ ʼàşě֨r pá̇di֤yţá lĕ̇ká֙ mimi̇ẕĕra֔yim gò̇wyi֖m wéʼlòháֽyw׃

24
וַתְּכֹ֣ונֵֽן לְ֠ךָ אֶת־עַמְּךָ֙ יִשְׂרָאֵ֧ל׀ לְךָ֛ לְעָ֖ם עַד־עֹולָ֑ם וְאַתָּ֣ה יְהוָ֔ה הָיִ֥יתָ לָהֶ֖ם לֵאלֹהִֽים׃ ס

waţĕ̇kò֣wnéֽn lĕ֠ká ʼeţ־ʻamĕ̇ká֙ yişĕ̂ráʼé֧l׀ lĕká֛ lĕʻá֖m ʻad־ʻòwlá֑m wĕʼaţá֣̇h yĕhwá֔h háyi֥yţá láhe֖m léʼlòhiֽym׃ s

25
וְעַתָּה֙ יְהוָ֣ה אֱלֹהִ֔ים הַדָּבָ֗ר אֲשֶׁ֨ר דִּבַּ֤רְתָּ עַֽל־עַבְדְּךָ֙ וְעַל־בֵּיתֹ֔ו הָקֵ֖ם עַד־עֹולָ֑ם וַעֲשֵׂ֖ה כַּאֲשֶׁ֥ר דִּבַּֽרְתָּ׃

wĕʻaţá̇h֙ yĕhwá֣h ʼèlòhi֔ym hadá̇bá֗r ʼàşě֨r di̇bȧ֤rĕţá̇ ʻaֽl־ʻabĕdĕ̇ká֙ wĕʻal־bé̇yţò֔w háqé֖m ʻad־ʻòwlá֑m waʻàşé֖̂h kȧʼàşě֥r di̇bȧֽrĕţá̇׃

26
וְיִגְדַּ֨ל שִׁמְךָ֤ עַד־עֹולָם֙ לֵאמֹ֔ר יְהוָ֣ה צְבָאֹ֔ות אֱלֹהִ֖ים עַל־יִשְׂרָאֵ֑ל וּבֵית֙ עַבְדְּךָ֣ דָוִ֔ד יִהְיֶ֥ה נָכֹ֖ון לְפָנֶֽיךָ׃

wĕyigĕdȧ֨l şǐmĕká֤ ʻad־ʻòwlám֙ léʼmò֔r yĕhwá֣h ẕĕbáʼò֔wţ ʼèlòhi֖ym ʻal־yişĕ̂ráʼé֑l ẇbéyţ֙ ʻabĕdĕ̇ká֣ dáwi֔d yihĕye֥h nákò֖wn lĕpáneֽyká׃

27
כִּֽי־אַתָּה֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל גָּלִ֜יתָה אֶת־אֹ֤זֶן עַבְדְּךָ֙ לֵאמֹ֔ר בַּ֖יִת אֶבְנֶה־לָּ֑ךְ עַל־כֵּ֗ן מָצָ֤א עַבְדְּךָ֙ אֶת־לִבֹּ֔ו לְהִתְפַּלֵּ֣ל אֵלֶ֔יךָ אֶת־הַתְּפִלָּ֖ה הַזֹּֽאת׃

kiֽ̇y־ʼaţá̇h֩ yĕhwá֨h ẕĕbáʼò֜wţ ʼèlòhé֣y yişĕ̂ráʼé֗l gá̇li֜yţáh ʼeţ־ʼò֤zen ʻabĕdĕ̇ká֙ léʼmò֔r bȧ֖yiţ ʼebĕneh־lá֑̇kĕ ʻal־ké̇֗n máẕá֤ʼ ʻabĕdĕ̇ká֙ ʼeţ־libò̇֔w lĕhiţĕpȧlé֣̇l ʼéle֔yká ʼeţ־haţĕ̇pilá֖̇h hazòֽ̇ʼţ׃

28
וְעַתָּ֣ה׀ אֲדֹנָ֣י יְהוִ֗ה אַתָּה־הוּא֙ הָֽאֱלֹהִ֔ים וּדְבָרֶ֖יךָ יִהְי֣וּ אֱמֶ֑ת וַתְּדַבֵּר֙ אֶֽל־עַבְדְּךָ֔ אֶת־הַטֹּובָ֖ה הַזֹּֽאת׃

wĕʻaţá֣̇h׀ ʼàdòná֣y yĕhwi֗h ʼaţá̇h־hẇʼ֙ háֽʼèlòhi֔ym ẇdĕbáre֖yká yihĕy֣ẇ ʼème֑ţ waţĕ̇dabé̇r֙ ʼeֽl־ʻabĕdĕ̇ká֔ ʼeţ־hatò̇wbá֖h hazòֽ̇ʼţ׃

29
וְעַתָּ֗ה הֹואֵל֙ וּבָרֵךְ֙ אֶת־בֵּ֣ית עַבְדְּךָ֔ לִהְיֹ֥ות לְעֹולָ֖ם לְפָנֶ֑יךָ כִּֽי־אַתָּ֞ה אֲדֹנָ֤י יְהוִה֙ דִּבַּ֔רְתָּ וּמִבִּרְכָ֣תְךָ֔ יְבֹרַ֥ךְ בֵּֽית־עַבְדְּךָ֖ לְעֹולָֽם׃ פ

wĕʻaţá̇֗h hòwʼél֙ ẇbárékĕ֙ ʼeţ־bé֣̇yţ ʻabĕdĕ̇ká֔ lihĕyò֥wţ lĕʻòwlá֖m lĕpáne֑yká kiֽ̇y־ʼaţá̇֞h ʼàdòná֤y yĕhwih֙ di̇bȧ֔rĕţá̇ ẇmibi̇rĕká֣ţĕká֔ yĕbòra֥kĕ béֽ̇yţ־ʻabĕdĕ̇ká֖ lĕʻòwláֽm׃ p