Bibles en langues anciennes
Traductions anciennes
Traductions modernes

Biblia Hebraica Stuttgartensia Amos 1, 5

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
דִּבְרֵ֣י עָמֹ֔וס אֲשֶׁר־הָיָ֥ה בַנֹּקְדִ֖ים מִתְּקֹ֑ועַ אֲשֶׁר֩ חָזָ֨ה עַל־יִשְׂרָאֵ֜ל בִּימֵ֣י׀ עֻזִּיָּ֣ה מֶֽלֶךְ־יְהוּדָ֗ה וּבִימֵ֞י יָרָבְעָ֤ם בֶּן־יֹואָשׁ֙ מֶ֣לֶךְ יִשְׂרָאֵ֔ל שְׁנָתַ֖יִם לִפְנֵ֥י הָרָֽעַשׁ׃

di̇bĕré֣y ʻámò֔ws ʼàşěr־háyá֥h banò̇qĕdi֖ym miţĕ̇qò֑wʻa ʼàşěr֩ ẖázá֨h ʻal־yişĕ̂ráʼé֜l bi̇ymé֣y׀ ʻuzi̇yá֣̇h meֽlekĕ־yĕhẇdá֗h ẇbiymé֞y yárábĕʻá֤m bėn־yòwʼáş̌֙ me֣lekĕ yişĕ̂ráʼé֔l şĕ̌náţa֖yim lipĕné֥y háráֽʻaş̌׃

2
וַיֹּאמַ֓ר׀ יְהוָה֙ מִצִּיֹּ֣ון יִשְׁאָ֔ג וּמִירוּשָׁלִַ֖ם יִתֵּ֣ן קֹולֹ֑ו וְאָֽבְלוּ֙ נְאֹ֣ות הָרֹעִ֔ים וְיָבֵ֖שׁ רֹ֥אשׁ הַכַּרְמֶֽל׃ פ

wayò̇ʼma֓r׀ yĕhwáh֙ miẕi̇yò֣̇wn yişĕ̌ʼá֔g ẇmiyrẇşá̌lia֖m yiţé֣̇n qòwlò֑w wĕʼáֽbĕlẇ֙ nĕʼò֣wţ háròʻi֔ym wĕyábé֖ş̌ rò֥ʼş̌ hakȧrĕmeֽl׃ p

3
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י דַמֶּ֔שֶׂק וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־דּוּשָׁ֛ם בַּחֲרֻצֹ֥ות הַבַּרְזֶ֖ל אֶת־הַגִּלְעָֽד׃

kò֚̇h ʼáma֣r yĕhwá֔h ʻal־şĕ̌lòşá̌h֙ pi̇şĕ̌ʻé֣y damė֔şêq wĕʻal־ʼarĕbá̇ʻá֖h lò֣ʼ ʼàşǐybe֑ṅẇ ʻal־ḋẇşá֛̌m bȧẖàruẕò֥wţ habȧrĕze֖l ʼeţ־hagi̇lĕʻáֽd׃

4
וְשִׁלַּ֥חְתִּי אֵ֖שׁ בְּבֵ֣ית חֲזָאֵ֑ל וְאָכְלָ֖ה אַרְמְנֹ֥ות בֶּן־הֲדָֽד׃

wĕşǐlȧ֥ẖĕţi̇y ʼé֖ş̌ bĕ̇bé֣yţ ẖàzáʼé֑l wĕʼákĕlá֖h ʼarĕmĕnò֥wţ bėn־hàdáֽd׃

5
וְשָֽׁבַרְתִּי֙ בְּרִ֣יחַ דַּמֶּ֔שֶׂק וְהִכְרַתִּ֤י יֹושֵׁב֙ מִבִּקְעַת־אָ֔וֶן וְתֹומֵ֥ךְ שֵׁ֖בֶט מִבֵּ֣ית עֶ֑דֶן וְגָל֧וּ עַם־אֲרָ֛ם קִ֖ירָה אָמַ֥ר יְהוָֽה׃ פ

wĕşáֽ̌barĕţi̇y֙ bĕ̇ri֣yẖa dȧmė֔şêq wĕhikĕraţi֤̇y yòwşé̌b֙ mibi̇qĕʻaţ־ʼá֔wen wĕţòwmé֥kĕ şé֖̌bet mibé֣̇yţ ʻe֑den wĕgál֧ẇ ʻam־ʼàrá֛m qi֖yráh ʼáma֥r yĕhwáֽh׃ p

6
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י עַזָּ֔ה וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־הַגְלֹותָ֛ם גָּל֥וּת שְׁלֵמָ֖ה לְהַסְגִּ֥יר לֶאֱדֹֽום׃

kò֚̇h ʼáma֣r yĕhwá֔h ʻal־şĕ̌lòşá̌h֙ pi̇şĕ̌ʻé֣y ʻazá̇֔h wĕʻal־ʼarĕbá̇ʻá֖h lò֣ʼ ʼàşǐybe֑ṅẇ ʻal־hagĕlòwţá֛m gá̇l֥ẇţ şĕ̌lémá֖h lĕhasĕgi֥̇yr leʼèdòֽwm׃

7
וְשִׁלַּ֥חְתִּי אֵ֖שׁ בְּחֹומַ֣ת עַזָּ֑ה וְאָכְלָ֖ה אַרְמְנֹתֶֽיהָ׃

wĕşǐlȧ֥ẖĕţi̇y ʼé֖ş̌ bĕ̇ẖòwma֣ţ ʻazá֑̇h wĕʼákĕlá֖h ʼarĕmĕnòţeֽyhá׃

8
וְהִכְרַתִּ֤י יֹושֵׁב֙ מֵֽאַשְׁדֹּ֔וד וְתֹומֵ֥ךְ שֵׁ֖בֶט מֵֽאַשְׁקְלֹ֑ון וַהֲשִׁיבֹ֨ותִי יָדִ֜י עַל־עֶקְרֹ֗ון וְאָֽבְדוּ֙ שְׁאֵרִ֣ית פְּלִשְׁתִּ֔ים אָמַ֖ר אֲדֹנָ֥י יְהוִֽה׃ פ

wĕhikĕraţi֤̇y yòwşé̌b֙ méֽʼaşĕ̌dò̇֔wd wĕţòwmé֥kĕ şé֖̌bet méֽʼaşĕ̌qĕlò֑wn wahàşǐybò֨wţiy yádi֜y ʻal־ʻeqĕrò֗wn wĕʼáֽbĕdẇ֙ şĕ̌ʼéri֣yţ pĕ̇lişĕ̌ţi̇֔ym ʼáma֖r ʼàdòná֥y yĕhwiֽh׃ p

9
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵי־צֹ֔ר וְעַל־אַרְבָּעָ֖ה לֹ֣א אֲשִׁיבֶ֑נּוּ עַֽל־הַסְגִּירָ֞ם גָּל֤וּת שְׁלֵמָה֙ לֶאֱדֹ֔ום וְלֹ֥א זָכְר֖וּ בְּרִ֥ית אַחִֽים׃

kò֚̇h ʼáma֣r yĕhwá֔h ʻal־şĕ̌lòşá̌h֙ pi̇şĕ̌ʻéy־ẕò֔r wĕʻal־ʼarĕbá̇ʻá֖h lò֣ʼ ʼàşǐybe֑ṅẇ ʻaֽl־hasĕgi̇yrá֞m gá̇l֤ẇţ şĕ̌lémáh֙ leʼèdò֔wm wĕlò֥ʼ zákĕr֖ẇ bĕ̇ri֥yţ ʼaẖiֽym׃

10
וְשִׁלַּ֥חְתִּי אֵ֖שׁ בְּחֹ֣ומַת צֹ֑ר וְאָכְלָ֖ה אַרְמְנֹתֶֽיהָ׃ פ

wĕşǐlȧ֥ẖĕţi̇y ʼé֖ş̌ bĕ̇ẖò֣wmaţ ẕò֑r wĕʼákĕlá֖h ʼarĕmĕnòţeֽyhá׃ p

11
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י אֱדֹ֔ום וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־רָדְפֹ֨ו בַחֶ֤רֶב אָחִיו֙ וְשִׁחֵ֣ת רַחֲמָ֔יו וַיִּטְרֹ֤ף לָעַד֙ אַפֹּ֔ו וְעֶבְרָתֹ֖ו שְׁמָ֥רָה נֶֽצַח׃

kò֚̇h ʼáma֣r yĕhwá֔h ʻal־şĕ̌lòşá̌h֙ pi̇şĕ̌ʻé֣y ʼèdò֔wm wĕʻal־ʼarĕbá̇ʻá֖h lò֣ʼ ʼàşǐybe֑ṅẇ ʻal־rádĕpò֨w baẖe֤reb ʼáẖiyw֙ wĕşǐẖé֣ţ raẖàmá֔yw wayi̇tĕrò֤p láʻad֙ ʼapò̇֔w wĕʻebĕráţò֖w şĕ̌má֥ráh neֽẕaẖ׃

12
וְשִׁלַּ֥חְתִּי אֵ֖שׁ בְּתֵימָ֑ן וְאָכְלָ֖ה אַרְמְנֹ֥ות בָּצְרָֽה׃ פ

wĕşǐlȧ֥ẖĕţi̇y ʼé֖ş̌ bĕ̇ţéymá֑n wĕʼákĕlá֖h ʼarĕmĕnò֥wţ bá̇ẕĕráֽh׃ p

13
כֹּ֚ה אָמַ֣ר יְהוָ֔ה עַל־שְׁלֹשָׁה֙ פִּשְׁעֵ֣י בְנֵֽי־עַמֹּ֔ון וְעַל־אַרְבָּעָ֖ה לֹ֣א אֲשִׁיבֶ֑נּוּ עַל־בִּקְעָם֙ הָרֹ֣ות הַגִּלְעָ֔ד לְמַ֖עַן הַרְחִ֥יב אֶת־גְּבוּלָֽם׃

kò֚̇h ʼáma֣r yĕhwá֔h ʻal־şĕ̌lòşá̌h֙ pi̇şĕ̌ʻé֣y bĕnéֽy־ʻamò̇֔wn wĕʻal־ʼarĕbá̇ʻá֖h lò֣ʼ ʼàşǐybe֑ṅẇ ʻal־bi̇qĕʻám֙ hárò֣wţ hagi̇lĕʻá֔d lĕma֖ʻan harĕẖi֥yb ʼeţ־gĕ̇bẇláֽm׃

14
וְהִצַּ֤תִּי אֵשׁ֙ בְּחֹומַ֣ת רַבָּ֔ה וְאָכְלָ֖ה אַרְמְנֹותֶ֑יהָ בִּתְרוּעָה֙ בְּיֹ֣ום מִלְחָמָ֔ה בְּסַ֖עַר בְּיֹ֥ום סוּפָֽה׃

wĕhiẕȧ֤ţi̇y ʼéş̌֙ bĕ̇ẖòwma֣ţ rabá̇֔h wĕʼákĕlá֖h ʼarĕmĕnòwţe֑yhá bi̇ţĕrẇʻáh֙ bĕ̇yò֣wm milĕẖámá֔h bĕ̇sa֖ʻar bĕ̇yò֥wm sẇpáֽh׃

15
וְהָלַ֥ךְ מַלְכָּ֖ם בַּגֹּולָ֑ה ה֧וּא וְשָׂרָ֛יו יַחְדָּ֖ו אָמַ֥ר יְהוָֽה׃ פ

wĕhála֥kĕ malĕká֖̇m bȧgò̇wlá֑h h֧ẇʼ wĕşá̂rá֛yw yaẖĕdá֖̇w ʼáma֥r yĕhwáֽh׃ p