Bibles en langues anciennes
Traductions anciennes
Traductions modernes

Biblia Hebraica Stuttgartensia Amos 5, 19

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
שִׁמְע֞וּ אֶת־הַדָּבָ֣ר הַזֶּ֗ה אֲשֶׁ֨ר אָנֹכִ֜י נֹשֵׂ֧א עֲלֵיכֶ֛ם קִינָ֖ה בֵּ֥ית יִשְׂרָאֵֽל׃

şǐmĕʻ֞ẇ ʼeţ־hadá̇bá֣r hazė֗h ʼàşě֨r ʼánòki֜y nòşé֧̂ʼ ʻàléyke֛m qiyná֖h bé֥̇yţ yişĕ̂ráʼéֽl׃

2
נָֽפְלָה֙ לֹֽא־תֹוסִ֣יף ק֔וּם בְּתוּלַ֖ת יִשְׂרָאֵ֑ל נִטְּשָׁ֥ה עַל־אַדְמָתָ֖הּ אֵ֥ין מְקִימָֽהּ׃

náֽpĕláh֙ lòֽʼ־ţòwsi֣yp q֔ẇm bĕ̇ţẇla֖ţ yişĕ̂ráʼé֑l nitĕ̇şá֥̌h ʻal־ʼadĕmáţá֖ḣ ʼé֥yn mĕqiymáֽḣ׃

3
כִּ֣י כֹ֤ה אָמַר֙ אֲדֹנָ֣י יְהוִ֔ה הָעִ֛יר הַיֹּצֵ֥את אֶ֖לֶף תַּשְׁאִ֣יר מֵאָ֑ה וְהַיֹּוצֵ֥את מֵאָ֛ה תַּשְׁאִ֥יר עֲשָׂרָ֖ה לְבֵ֥ית יִשְׂרָאֵֽל׃ ס

ki֣̇y kò֤h ʼámar֙ ʼàdòná֣y yĕhwi֔h háʻi֛yr hayò̇ẕé֥ʼţ ʼe֖lep ţȧşĕ̌ʼi֣yr méʼá֑h wĕhayò̇wẕé֥ʼţ méʼá֛h ţȧşĕ̌ʼi֥yr ʻàşá̂rá֖h lĕbé֥yţ yişĕ̂ráʼéֽl׃ s

4
כִּ֣י כֹ֥ה אָמַ֛ר יְהוָ֖ה לְבֵ֣ית יִשְׂרָאֵ֑ל דִּרְשׁ֖וּנִי וִֽחְיֽוּ׃

ki֣̇y kò֥h ʼáma֛r yĕhwá֖h lĕbé֣yţ yişĕ̂ráʼé֑l di̇rĕş֖̌ẇniy wiֽẖĕyֽẇ׃

5
וְאַֽל־תִּדְרְשׁוּ֙ בֵּֽית־אֵ֔ל וְהַגִּלְגָּל֙ לֹ֣א תָבֹ֔אוּ וּבְאֵ֥ר שֶׁ֖בַע לֹ֣א תַעֲבֹ֑רוּ כִּ֤י הַגִּלְגָּל֙ גָּלֹ֣ה יִגְלֶ֔ה וּבֵֽית־אֵ֖ל יִהְיֶ֥ה לְאָֽוֶן׃

wĕʼaֽl־ţi̇dĕrĕş̌ẇ֙ béֽ̇yţ־ʼé֔l wĕhagi̇lĕgá̇l֙ lò֣ʼ ţábò֔ʼẇ ẇbĕʼé֥r şě֖baʻ lò֣ʼ ţaʻàbò֑rẇ ki֤̇y hagi̇lĕgá̇l֙ gá̇lò֣h yigĕle֔h ẇbéֽyţ־ʼé֖l yihĕye֥h lĕʼáֽwen׃

6
דִּרְשׁ֥וּ אֶת־יְהוָ֖ה וִֽחְי֑וּ פֶּן־יִצְלַ֤ח כָּאֵשׁ֙ בֵּ֣ית יֹוסֵ֔ף וְאָכְלָ֥ה וְאֵין־מְכַבֶּ֖ה לְבֵֽית־אֵֽל׃

di̇rĕş֥̌ẇ ʼeţ־yĕhwá֖h wiֽẖĕy֑ẇ pėn־yiẕĕla֤ẖ ká̇ʼéş̌֙ bé֣̇yţ yòwsé֔p wĕʼákĕlá֥h wĕʼéyn־mĕkabė֖h lĕbéֽyţ־ʼéֽl׃

7
הַהֹפְכִ֥ים לְלַעֲנָ֖ה מִשְׁפָּ֑ט וּצְדָקָ֖ה לָאָ֥רֶץ הִנִּֽיחוּ׃

hahòpĕki֥ym lĕlaʻàná֖h mişĕ̌pá֑̇t ẇẕĕdáqá֖h láʼá֥reẕ hiniֽ̇yẖẇ׃

8
עֹשֵׂ֨ה כִימָ֜ה וּכְסִ֗יל וְהֹפֵ֤ךְ לַבֹּ֨קֶר֙ צַלְמָ֔וֶת וְיֹ֖ום לַ֣יְלָה הֶחְשִׁ֑יךְ הַקֹּורֵ֣א לְמֵֽי־הַיָּ֗ם וַֽיִּשְׁפְּכֵ֛ם עַל־פְּנֵ֥י הָאָ֖רֶץ יְהוָ֥ה שְׁמֹֽו׃ ס

ʻòşé̂֨h kiymá֜h ẇkĕsi֗yl wĕhòpé֤kĕ labò̇֨qer֙ ẕalĕmá֔weţ wĕyò֖wm la֣yĕláh heẖĕşǐ֑ykĕ haqò̇wré֣ʼ lĕméֽy־hayá̇֗m waֽyi̇şĕ̌pĕ̇ké֛m ʻal־pĕ̇né֥y háʼá֖reẕ yĕhwá֥h şĕ̌mòֽw׃ s

9
הַמַּבְלִ֥יג שֹׁ֖ד עַל־עָ֑ז וְשֹׁ֖ד עַל־מִבְצָ֥ר יָבֹֽוא׃

hamȧbĕli֥yg şò֖̌d ʻal־ʻá֑z wĕşò֖̌d ʻal־mibĕẕá֥r yábòֽwʼ׃

10
שָׂנְא֥וּ בַשַּׁ֖עַר מֹוכִ֑יחַ וְדֹבֵ֥ר תָּמִ֖ים יְתָעֵֽבוּ׃

şá̂nĕʼ֥ẇ başȧ֖̌ʻar mòwki֑yẖa wĕdòbé֥r ţá̇mi֖ym yĕţáʻéֽbẇ׃

11
לָ֠כֵן יַ֣עַן בֹּושַׁסְכֶ֞ם עַל־דָּ֗ל וּמַשְׂאַת־בַּר֙ תִּקְח֣וּ מִמֶּ֔נּוּ בָּתֵּ֥י גָזִ֛ית בְּנִיתֶ֖ם וְלֹא־תֵ֣שְׁבוּ בָ֑ם כַּרְמֵי־חֶ֣מֶד נְטַעְתֶּ֔ם וְלֹ֥א תִשְׁתּ֖וּ אֶת־יֵינָֽם׃

lá֠kén ya֣ʻan bò̇wşǎsĕke֞m ʻal־dá̇֗l ẇmaşĕ̂ʼaţ־bȧr֙ ţi̇qĕẖ֣ẇ mimė֔ṅẇ bá̇ţé֥̇y gázi֛yţ bĕ̇niyţe֖m wĕlòʼ־ţé֣şĕ̌bẇ bá֑m kȧrĕméy־ẖe֣med nĕtaʻĕţė֔m wĕlò֥ʼ ţişĕ̌ţ֖̇ẇ ʼeţ־yéynáֽm׃

12
כִּ֤י יָדַ֨עְתִּי֙ רַבִּ֣ים פִּשְׁעֵיכֶ֔ם וַעֲצֻמִ֖ים חַטֹּֽאתֵיכֶ֑ם צֹרְרֵ֤י צַדִּיק֙ לֹ֣קְחֵי כֹ֔פֶר וְאֶבְיֹונִ֖ים בַּשַּׁ֥עַר הִטּֽוּ׃

ki֤̇y yáda֨ʻĕţi̇y֙ rabi֣̇ym pi̇şĕ̌ʻéyke֔m waʻàẕumi֖ym ẖatòֽ̇ʼţéyke֑m ẕòrĕré֤y ẕadi̇yq֙ lò֣qĕẖéy kò֔per wĕʼebĕyòwni֖ym bȧşȧ֥̌ʻar hiṫֽẇ׃

13
לָכֵ֗ן הַמַּשְׂכִּ֛יל בָּעֵ֥ת הַהִ֖יא יִדֹּ֑ם כִּ֛י עֵ֥ת רָעָ֖ה הִֽיא׃

láké֗n hamȧşĕ̂ki֛̇yl bá̇ʻé֥ţ hahi֖yʼ yidò֑̇m ki֛̇y ʻé֥ţ ráʻá֖h hiֽyʼ׃

14
דִּרְשׁוּ־טֹ֥וב וְאַל־רָ֖ע לְמַ֣עַן תִּֽחְי֑וּ וִיהִי־כֵ֞ן יְהוָ֧ה אֱלֹהֵֽי־צְבָאֹ֛ות אִתְּכֶ֖ם כַּאֲשֶׁ֥ר אֲמַרְתֶּֽם׃

di̇rĕş̌ẇ־tò֥wb wĕʼal־rá֖ʻ lĕma֣ʻan ţiֽ̇ẖĕy֑ẇ wiyhiy־ké֞n yĕhwá֧h ʼèlòhéֽy־ẕĕbáʼò֛wţ ʼiţĕ̇ke֖m kȧʼàşě֥r ʼàmarĕţėֽm׃

15
שִׂנְאוּ־רָע֙ וְאֶ֣הֱבוּ טֹ֔וב וְהַצִּ֥יגוּ בַשַּׁ֖עַר מִשְׁפָּ֑ט אוּלַ֗י יֶֽחֱנַ֛ן יְהוָ֥ה אֱלֹהֵֽי־צְבָאֹ֖ות שְׁאֵרִ֥ית יֹוסֵֽף׃ ס

şînĕʼẇ־ráʻ֙ wĕʼe֣hèbẇ tò֔wb wĕhaẕi֥̇ygẇ başȧ֖̌ʻar mişĕ̌pá֑̇t ʼẇla֗y yeֽẖèna֛n yĕhwá֥h ʼèlòhéֽy־ẕĕbáʼò֖wţ şĕ̌ʼéri֥yţ yòwséֽp׃ s

16
לָ֠כֵן כֹּֽה־אָמַ֨ר יְהוָ֜ה אֱלֹהֵ֤י צְבָאֹות֙ אֲדֹנָ֔י בְּכָל־רְחֹבֹ֣ות מִסְפֵּ֔ד וּבְכָל־חוּצֹ֖ות יֹאמְר֣וּ הֹו־הֹ֑ו וְקָרְא֤וּ אִכָּר֙ אֶל־אֵ֔בֶל וּמִסְפֵּ֖ד אֶל־יֹ֥ודְעֵי נֶֽהִי׃

lá֠kén kòֽ̇h־ʼáma֨r yĕhwá֜h ʼèlòhé֤y ẕĕbáʼòwţ֙ ʼàdòná֔y bĕ̇kál־rĕẖòbò֣wţ misĕpé̇֔d ẇbĕkál־ẖẇẕò֖wţ yòʼmĕr֣ẇ hòw־hò֑w wĕqárĕʼ֤ẇ ʼiká̇r֙ ʼel־ʼé֔bel ẇmisĕpé֖̇d ʼel־yò֥wdĕʻéy neֽhiy׃

17
וּבְכָל־כְּרָמִ֖ים מִסְפֵּ֑ד כִּֽי־אֶעֱבֹ֥ר בְּקִרְבְּךָ֖ אָמַ֥ר יְהוָֽה׃ ס

ẇbĕkál־kĕ̇rámi֖ym misĕpé֑̇d kiֽ̇y־ʼeʻèbò֥r bĕ̇qirĕbĕ̇ká֖ ʼáma֥r yĕhwáֽh׃ s

18
הֹ֥וי הַמִּתְאַוִּ֖ים אֶת־יֹ֣ום יְהוָ֑ה לָמָּה־זֶּ֥ה לָכֶ֛ם יֹ֥ום יְהוָ֖ה הוּא־חֹ֥שֶׁךְ וְלֹא־אֹֽור׃

hò֥wy hami̇ţĕʼawi֖̇ym ʼeţ־yò֣wm yĕhwá֑h lámá̇h־zė֥h láke֛m yò֥wm yĕhwá֖h hẇʼ־ẖò֥şěkĕ wĕlòʼ־ʼòֽwr׃

19
כַּאֲשֶׁ֨ר יָנ֥וּס אִישׁ֙ מִפְּנֵ֣י הָאֲרִ֔י וּפְגָעֹ֖ו הַדֹּ֑ב וּבָ֣א הַבַּ֔יִת וְסָמַ֤ךְ יָדֹו֙ עַל־הַקִּ֔יר וּנְשָׁכֹ֖ו הַנָּחָֽשׁ׃

kȧʼàşě֨r yán֥ẇs ʼiyş̌֙ mipĕ̇né֣y háʼàri֔y ẇpĕgáʻò֖w hadò֑̇b ẇbá֣ʼ habȧ֔yiţ wĕsáma֤kĕ yádòw֙ ʻal־haqi̇֔yr ẇnĕşá̌kò֖w haná̇ẖáֽş̌׃

20
הֲלֹא־חֹ֛שֶׁךְ יֹ֥ום יְהוָ֖ה וְלֹא־אֹ֑ור וְאָפֵ֖ל וְלֹא־נֹ֥גַֽהּ לֹֽו׃

hàlòʼ־ẖò֛şěkĕ yò֥wm yĕhwá֖h wĕlòʼ־ʼò֑wr wĕʼápé֖l wĕlòʼ־nò֥gaֽḣ lòֽw׃

21
שָׂנֵ֥אתִי מָאַ֖סְתִּי חַגֵּיכֶ֑ם וְלֹ֥א אָרִ֖יחַ בְּעַצְּרֹֽתֵיכֶֽם׃

şá̂né֥ʼţiy máʼa֖sĕţi̇y ẖagé̇yke֑m wĕlò֥ʼ ʼári֖yẖa bĕ̇ʻaẕĕ̇ròֽţéykeֽm׃

22
כִּ֣י אִם־תַּעֲלוּ־לִ֥י עֹלֹ֛ות וּמִנְחֹתֵיכֶ֖ם לֹ֣א אֶרְצֶ֑ה וְשֶׁ֥לֶם מְרִיאֵיכֶ֖ם לֹ֥א אַבִּֽיט׃

ki֣̇y ʼim־ţȧʻàlẇ־li֥y ʻòlò֛wţ ẇminĕẖòţéyke֖m lò֣ʼ ʼerĕẕe֑h wĕşě֥lem mĕriyʼéyke֖m lò֥ʼ ʼabiֽ̇yt׃

23
הָסֵ֥ר מֵעָלַ֖י הֲמֹ֣ון שִׁרֶ֑יךָ וְזִמְרַ֥ת נְבָלֶ֖יךָ לֹ֥א אֶשְׁמָֽע׃

hásé֥r méʻála֖y hàmò֣wn şǐre֑yká wĕzimĕra֥ţ nĕbále֖yká lò֥ʼ ʼeşĕ̌máֽʻ׃

24
וְיִגַּ֥ל כַּמַּ֖יִם מִשְׁפָּ֑ט וּצְדָקָ֖ה כְּנַ֥חַל אֵיתָֽן׃

wĕyigȧ֥l kȧmȧ֖yim mişĕ̌pá֑̇t ẇẕĕdáqá֖h kĕ̇na֥ẖal ʼéyţáֽn׃

25
הַזְּבָחִ֨ים וּמִנְחָ֜ה הִֽגַּשְׁתֶּם־לִ֧י בַמִּדְבָּ֛ר אַרְבָּעִ֥ים שָׁנָ֖ה בֵּ֥ית יִשְׂרָאֵֽל׃

hazĕ̇báẖi֨ym ẇminĕẖá֜h hiֽgȧşĕ̌ţėm־li֧y bami̇dĕbá֛̇r ʼarĕbá̇ʻi֥ym şá̌ná֖h bé֥̇yţ yişĕ̂ráʼéֽl׃

26
וּנְשָׂאתֶ֗ם אֵ֚ת סִכּ֣וּת מַלְכְּכֶ֔ם וְאֵ֖ת כִּיּ֣וּן צַלְמֵיכֶ֑ם כֹּוכַב֙ אֱלֹ֣הֵיכֶ֔ם אֲשֶׁ֥ר עֲשִׂיתֶ֖ם לָכֶֽם׃

ẇnĕşá̂ʼţe֗m ʼé֚ţ sik֣̇ẇţ malĕkĕ̇ke֔m wĕʼé֖ţ ki̇ẏ֣ẇn ẕalĕméyke֑m kò̇wkab֙ ʼèlò֣héyke֔m ʼàşě֥r ʻàşîyţe֖m lákeֽm׃

27
וְהִגְלֵיתִ֥י אֶתְכֶ֖ם מֵהָ֣לְאָה לְדַמָּ֑שֶׂק אָמַ֛ר יְהוָ֥ה אֱלֹהֵֽי־צְבָאֹ֖ות שְׁמֹֽו׃ פ

wĕhigĕléyţi֥y ʼeţĕke֖m méhá֣lĕʼáh lĕdamá֑̇şêq ʼáma֛r yĕhwá֥h ʼèlòhéֽy־ẕĕbáʼò֖wţ şĕ̌mòֽw׃ p