Bibles en langues anciennes
Traductions anciennes
Traductions modernes

Biblia Hebraica Stuttgartensia Deutéronome 26, 7

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וְהָיָה֙ כִּֽי־תָבֹ֣וא אֶל־הָאָ֔רֶץ אֲשֶׁר֙ יְהוָ֣ה אֱלֹהֶ֔יךָ נֹתֵ֥ן לְךָ֖ נַחֲלָ֑ה וִֽירִשְׁתָּ֖הּ וְיָשַׁ֥בְתָּ בָּֽהּ׃

wĕháyáh֙ kiֽ̇y־ţábò֣wʼ ʼel־háʼá֔reẕ ʼàşěr֙ yĕhwá֣h ʼèlòhe֔yká nòţé֥n lĕká֖ naẖàlá֑h wiֽyrişĕ̌ţá֖̇ḣ wĕyáşǎ֥bĕţá̇ báֽ̇ḣ׃

2
וְלָקַחְתָּ֞ מֵרֵאשִׁ֣ית׀ כָּל־פְּרִ֣י הָאֲדָמָ֗ה אֲשֶׁ֨ר תָּבִ֧יא מֵֽאַרְצְךָ֛ אֲשֶׁ֨ר יְהוָ֧ה אֱלֹהֶ֛יךָ נֹתֵ֥ן לָ֖ךְ וְשַׂמְתָּ֣ בַטֶּ֑נֶא וְהָֽלַכְתָּ֙ אֶל־הַמָּקֹ֔ום אֲשֶׁ֤ר יִבְחַר֙ יְהוָ֣ה אֱלֹהֶ֔יךָ לְשַׁכֵּ֥ן שְׁמֹ֖ו שָֽׁם׃

wĕláqaẖĕţá̇֞ méréʼşǐ֣yţ׀ ká̇l־pĕ̇ri֣y háʼàdámá֗h ʼàşě֨r ţá̇bi֧yʼ méֽʼarĕẕĕká֛ ʼàşě֨r yĕhwá֧h ʼèlòhe֛yká nòţé֥n lá֖kĕ wĕşâmĕţá֣̇ batė֑neʼ wĕháֽlakĕţá̇֙ ʼel־hamá̇qò֔wm ʼàşě֤r yibĕẖar֙ yĕhwá֣h ʼèlòhe֔yká lĕşǎké֥̇n şĕ̌mò֖w şáֽ̌m׃

3
וּבָאתָ֙ אֶל־הַכֹּהֵ֔ן אֲשֶׁ֥ר יִהְיֶ֖ה בַּיָּמִ֣ים הָהֵ֑ם וְאָמַרְתָּ֣ אֵלָ֗יו הִגַּ֤דְתִּי הַיֹּום֙ לַיהוָ֣ה אֱלֹהֶ֔יךָ כִּי־בָ֨אתִי֙ אֶל־הָאָ֔רֶץ אֲשֶׁ֨ר נִשְׁבַּ֧ע יְהוָ֛ה לַאֲבֹתֵ֖ינוּ לָ֥תֶת לָֽנוּ׃

ẇbáʼţá֙ ʼel־hakò̇hé֔n ʼàşě֥r yihĕye֖h bȧyá̇mi֣ym háhé֑m wĕʼámarĕţá֣̇ ʼélá֗yw higȧ֤dĕţi̇y hayò̇wm֙ layhwá֣h ʼèlòhe֔yká ki̇y־bá֨ʼţiy֙ ʼel־háʼá֔reẕ ʼàşě֨r nişĕ̌bȧ֧ʻ yĕhwá֛h laʼàbòţé֖ynẇ lá֥ţeţ láֽnẇ׃

4
וְלָקַ֧ח הַכֹּהֵ֛ן הַטֶּ֖נֶא מִיָּדֶ֑ךָ וְהִ֨נִּיחֹ֔ו לִפְנֵ֕י מִזְבַּ֖ח יְהוָ֥ה אֱלֹהֶֽיךָ׃

wĕláqa֧ẖ hakò̇hé֛n hatė֖neʼ miyá̇de֑ká wĕhi֨ni̇yẖò֔w lipĕné֕y mizĕbȧ֖ẖ yĕhwá֥h ʼèlòheֽyká׃

5
וְעָנִ֨יתָ וְאָמַרְתָּ֜ לִפְנֵ֣י׀ יְהוָ֣ה אֱלֹהֶ֗יךָ אֲרַמִּי֙ אֹבֵ֣ד אָבִ֔י וַיֵּ֣רֶד מִצְרַ֔יְמָה וַיָּ֥גָר שָׁ֖ם בִּמְתֵ֣י מְעָ֑ט וַֽיְהִי־שָׁ֕ם לְגֹ֥וי גָּדֹ֖ול עָצ֥וּם וָרָֽב׃

wĕʻáni֨yţá wĕʼámarĕţá̇֜ lipĕné֣y׀ yĕhwá֣h ʼèlòhe֗yká ʼàrami̇y֙ ʼòbé֣d ʼábi֔y wayé֣̇red miẕĕra֔yĕmáh wayá֥̇gár şá֖̌m bi̇mĕţé֣y mĕʻá֑t waֽyĕhiy־şá̌֕m lĕgò֥wy gá̇dò֖wl ʻáẕ֥ẇm wáráֽb׃

6
וַיָּרֵ֧עוּ אֹתָ֛נוּ הַמִּצְרִ֖ים וַיְעַנּ֑וּנוּ וַיִּתְּנ֥וּ עָלֵ֖ינוּ עֲבֹדָ֥ה קָשָֽׁה׃

wayá̇ré֧ʻẇ ʼòţá֛nẇ hami̇ẕĕri֖ym wayĕʻaṅ֑ẇnẇ wayi̇ţĕ̇n֥ẇ ʻálé֖ynẇ ʻàbòdá֥h qáşáֽ̌h׃

7
וַנִּצְעַ֕ק אֶל־יְהוָ֖ה אֱלֹהֵ֣י אֲבֹתֵ֑ינוּ וַיִּשְׁמַ֤ע יְהוָה֙ אֶת־קֹלֵ֔נוּ וַיַּ֧רְא אֶת־עָנְיֵ֛נוּ וְאֶת־עֲמָלֵ֖נוּ וְאֶת־לַחֲצֵֽנוּ׃

wani̇ẕĕʻa֕q ʼel־yĕhwá֖h ʼèlòhé֣y ʼàbòţé֑ynẇ wayi̇şĕ̌ma֤ʻ yĕhwáh֙ ʼeţ־qòlé֔nẇ wayȧ֧rĕʼ ʼeţ־ʻánĕyé֛nẇ wĕʼeţ־ʻàmálé֖nẇ wĕʼeţ־laẖàẕéֽnẇ׃

8
וַיֹּוצִאֵ֤נוּ יְהוָה֙ מִמִּצְרַ֔יִם בְּיָ֤ד חֲזָקָה֙ וּבִזְרֹ֣עַ נְטוּיָ֔ה וּבְמֹרָ֖א גָּדֹ֑ל וּבְאֹתֹ֖ות וּבְמֹפְתִֽים׃

wayò̇wẕiʼé֤nẇ yĕhwáh֙ mimi̇ẕĕra֔yim bĕ̇yá֤d ẖàzáqáh֙ ẇbizĕrò֣ʻa nĕtẇyá֔h ẇbĕmòrá֖ʼ gá̇dò֑l ẇbĕʼòţò֖wţ ẇbĕmòpĕţiֽym׃

9
וַיְבִאֵ֖נוּ אֶל־הַמָּקֹ֣ום הַזֶּ֑ה וַיִּתֶּן־לָ֨נוּ֙ אֶת־הָאָ֣רֶץ הַזֹּ֔את אֶ֛רֶץ זָבַ֥ת חָלָ֖ב וּדְבָֽשׁ׃

wayĕbiʼé֖nẇ ʼel־hamá̇qò֣wm hazė֑h wayi̇ţėn־lá֨nẇ֙ ʼeţ־háʼá֣reẕ hazò̇֔ʼţ ʼe֛reẕ zába֥ţ ẖálá֖b ẇdĕbáֽş̌׃

10
וְעַתָּ֗ה הִנֵּ֤ה הֵבֵ֨אתִי֙ אֶת־רֵאשִׁית֙ פְּרִ֣י הָאֲדָמָ֔ה אֲשֶׁר־נָתַ֥תָּה לִּ֖י יְהוָ֑ה וְהִנַּחְתֹּ֗ו לִפְנֵי֙ יְהוָ֣ה אֱלֹהֶ֔יךָ וְהִֽשְׁתַּחֲוִ֔יתָ לִפְנֵ֖י יְהוָ֥ה אֱלֹהֶֽיךָ׃

wĕʻaţá̇֗h hiné֤̇h hébé֨ʼţiy֙ ʼeţ־réʼşǐyţ֙ pĕ̇ri֣y háʼàdámá֔h ʼàşěr־náţa֥ţá̇h li֖̇y yĕhwá֑h wĕhinȧẖĕţò̇֗w lipĕnéy֙ yĕhwá֣h ʼèlòhe֔yká wĕhiֽşĕ̌ţȧẖàwi֔yţá lipĕné֖y yĕhwá֥h ʼèlòheֽyká׃

11
וְשָׂמַחְתָּ֣ בְכָל־הַטֹּ֗וב אֲשֶׁ֧ר נָֽתַן־לְךָ֛ יְהוָ֥ה אֱלֹהֶ֖יךָ וּלְבֵיתֶ֑ךָ אַתָּה֙ וְהַלֵּוִ֔י וְהַגֵּ֖ר אֲשֶׁ֥ר בְּקִרְבֶּֽךָ׃ ס

wĕşá̂maẖĕţá֣̇ bĕkál־hatò̇֗wb ʼàşě֧r náֽţan־lĕká֛ yĕhwá֥h ʼèlòhe֖yká ẇlĕbéyţe֑ká ʼaţá̇h֙ wĕhalé̇wi֔y wĕhagé֖̇r ʼàşě֥r bĕ̇qirĕbėֽká׃ s

12
כִּ֣י תְכַלֶּ֞ה לַ֠עְשֵׂר אֶת־כָּל־מַעְשַׂ֧ר תְּבוּאָתְךָ֛ בַּשָּׁנָ֥ה הַשְּׁלִישִׁ֖ת שְׁנַ֣ת הַֽמַּעֲשֵׂ֑ר וְנָתַתָּ֣ה לַלֵּוִ֗י לַגֵּר֙ לַיָּתֹ֣ום וְלָֽאַלְמָנָ֔ה וְאָכְל֥וּ בִשְׁעָרֶ֖יךָ וְשָׂבֵֽעוּ׃

ki֣̇y ţĕkalė֞h la֠ʻĕşé̂r ʼeţ־ká̇l־maʻĕşâ֧r ţĕ̇bẇʼáţĕká֛ bȧşá̇̌ná֥h haşĕ̇̌liyşǐ֖ţ şĕ̌na֣ţ haֽmȧʻàşé֑̂r wĕnáţaţá֣̇h lalé̇wi֗y lagé̇r֙ layá̇ţò֣wm wĕláֽʼalĕmáná֔h wĕʼákĕl֥ẇ bişĕ̌ʻáre֖yká wĕşá̂béֽʻẇ׃

13
וְאָמַרְתָּ֡ לִפְנֵי֩ יְהוָ֨ה אֱלֹהֶ֜יךָ בִּעַ֧רְתִּי הַקֹּ֣דֶשׁ מִן־הַבַּ֗יִת וְגַ֨ם נְתַתִּ֤יו לַלֵּוִי֙ וְלַגֵּר֙ לַיָּתֹ֣ום וְלָאַלְמָנָ֔ה כְּכָל־מִצְוָתְךָ֖ אֲשֶׁ֣ר צִוִּיתָ֑נִי לֹֽא־עָבַ֥רְתִּי מִמִּצְוֹתֶ֖יךָ וְלֹ֥א שָׁכָֽחְתִּי׃

wĕʼámarĕţá̇֡ lipĕnéy֩ yĕhwá֨h ʼèlòhe֜yká bi̇ʻa֧rĕţi̇y haqò֣̇deş̌ min־habȧ֗yiţ wĕga֨m nĕţaţi֤̇yw lalé̇wiy֙ wĕlagé̇r֙ layá̇ţò֣wm wĕláʼalĕmáná֔h kĕ̇kál־miẕĕwáţĕká֖ ʼàşě֣r ẕiwi̇yţá֑niy lòֽʼ־ʻába֥rĕţi̇y mimi̇ẕĕwòţe֖yká wĕlò֥ʼ şá̌káֽẖĕţi̇y׃

14
לֹא־אָכַ֨לְתִּי בְאֹנִ֜י מִמֶּ֗נּוּ וְלֹא־בִעַ֤רְתִּי מִמֶּ֨נּוּ֙ בְּטָמֵ֔א וְלֹא־נָתַ֥תִּי מִמֶּ֖נּוּ לְמֵ֑ת שָׁמַ֗עְתִּי בְּקֹול֙ יְהוָ֣ה אֱלֹהָ֔י עָשִׂ֕יתִי כְּכֹ֖ל אֲשֶׁ֥ר צִוִּיתָֽנִי׃

lòʼ־ʼáka֨lĕţi̇y bĕʼòni֜y mimė֗ṅẇ wĕlòʼ־biʻa֤rĕţi̇y mimė֨ṅẇ֙ bĕ̇támé֔ʼ wĕlòʼ־náţa֥ţi̇y mimė֖ṅẇ lĕmé֑ţ şá̌ma֗ʻĕţi̇y bĕ̇qòwl֙ yĕhwá֣h ʼèlòhá֔y ʻáşî֕yţiy kĕ̇kò֖l ʼàşě֥r ẕiwi̇yţáֽniy׃

15
הַשְׁקִיפָה֩ מִמְּעֹ֨ון קָדְשְׁךָ֜ מִן־הַשָּׁמַ֗יִם וּבָרֵ֤ךְ אֶֽת־עַמְּךָ֙ אֶת־יִשְׂרָאֵ֔ל וְאֵת֙ הָאֲדָמָ֔ה אֲשֶׁ֥ר נָתַ֖תָּה לָ֑נוּ כַּאֲשֶׁ֤ר נִשְׁבַּ֨עְתָּ֙ לַאֲבֹתֵ֔ינוּ אֶ֛רֶץ זָבַ֥ת חָלָ֖ב וּדְבָֽשׁ׃ ס

haşĕ̌qiypáh֩ mimĕ̇ʻò֨wn qádĕşĕ̌ká֜ min־haşá̇̌ma֗yim ẇbáré֤kĕ ʼeֽţ־ʻamĕ̇ká֙ ʼeţ־yişĕ̂ráʼé֔l wĕʼéţ֙ háʼàdámá֔h ʼàşě֥r náţa֖ţá̇h lá֑nẇ kȧʼàşě֤r nişĕ̌bȧ֨ʻĕţá̇֙ laʼàbòţé֔ynẇ ʼe֛reẕ zába֥ţ ẖálá֖b ẇdĕbáֽş̌׃ s

16
הַיֹּ֣ום הַזֶּ֗ה יְהוָ֨ה אֱלֹהֶ֜יךָ מְצַוְּךָ֧ לַעֲשֹׂ֛ות אֶת־הַחֻקִּ֥ים הָאֵ֖לֶּה וְאֶת־הַמִּשְׁפָּטִ֑ים וְשָׁמַרְתָּ֤ וְעָשִׂ֨יתָ֙ אֹותָ֔ם בְּכָל־לְבָבְךָ֖ וּבְכָל־נַפְשֶֽׁךָ׃

hayò֣̇wm hazė֗h yĕhwá֨h ʼèlòhe֜yká mĕẕawĕ̇ká֧ laʻàşò֛̂wţ ʼeţ־haẖuqi֥̇ym háʼé֖lėh wĕʼeţ־hami̇şĕ̌pá̇ti֑ym wĕşá̌marĕţá֤̇ wĕʻáşî֨yţá֙ ʼòwţá֔m bĕ̇kál־lĕbábĕká֖ ẇbĕkál־napĕşěֽká׃

17
אֶת־יְהוָ֥ה הֶאֱמַ֖רְתָּ הַיֹּ֑ום לִהְיֹות֩ לְךָ֨ לֵֽאלֹהִ֜ים וְלָלֶ֣כֶת בִּדְרָכָ֗יו וְלִשְׁמֹ֨ר חֻקָּ֧יו וּמִצְוֹתָ֛יו וּמִשְׁפָּטָ֖יו וְלִשְׁמֹ֥עַ בְּקֹלֹֽו׃

ʼeţ־yĕhwá֥h heʼèma֖rĕţá̇ hayò֑̇wm lihĕyòwţ֩ lĕká֨ léֽʼlòhi֜ym wĕlále֣keţ bi̇dĕráká֗yw wĕlişĕ̌mò֨r ẖuqá֧̇yw ẇmiẕĕwòţá֛yw ẇmişĕ̌pá̇tá֖yw wĕlişĕ̌mò֥ʻa bĕ̇qòlòֽw׃

18
וַֽיהוָ֞ה הֶאֱמִֽירְךָ֣ הַיֹּ֗ום לִהְיֹ֥ות לֹו֙ לְעַ֣ם סְגֻלָּ֔ה כַּאֲשֶׁ֖ר דִּבֶּר־לָ֑ךְ וְלִשְׁמֹ֖ר כָּל־מִצְוֹתָֽיו׃

waֽyhwá֞h heʼèmiֽyrĕká֣ hayò̇֗wm lihĕyò֥wţ lòw֙ lĕʻa֣m sĕgulá̇֔h kȧʼàşě֖r di̇bėr־lá֑kĕ wĕlişĕ̌mò֖r ká̇l־miẕĕwòţáֽyw׃

19
וּֽלְתִתְּךָ֣ עֶלְיֹ֗ון עַ֤ל כָּל־הַגֹּויִם֙ אֲשֶׁ֣ר עָשָׂ֔ה לִתְהִלָּ֖ה וּלְשֵׁ֣ם וּלְתִפְאָ֑רֶת וְלִֽהְיֹתְךָ֧ עַם־קָדֹ֛שׁ לַיהוָ֥ה אֱלֹהֶ֖יךָ כַּאֲשֶׁ֥ר דִּבֵּֽר׃ ס

ẇֽlĕţiţĕ̇ká֣ ʻelĕyò֗wn ʻa֤l ká̇l־hagò̇wyim֙ ʼàşě֣r ʻáşá̂֔h liţĕhilá֖̇h ẇlĕşé֣̌m ẇlĕţipĕʼá֑reţ wĕliֽhĕyòţĕká֧ ʻam־qádò֛ş̌ layhwá֥h ʼèlòhe֖yká kȧʼàşě֥r di̇béֽ̇r׃ s