Bibles en langues anciennes
Traductions anciennes
Traductions modernes

Biblia Hebraica Stuttgartensia Deutéronome 27, 16

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיְצַ֤ו מֹשֶׁה֙ וְזִקְנֵ֣י יִשְׂרָאֵ֔ל אֶת־הָעָ֖ם לֵאמֹ֑ר שָׁמֹר֙ אֶת־כָּל־הַמִּצְוָ֔ה אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיֹּֽום׃

wayĕẕa֤w mòşěh֙ wĕziqĕné֣y yişĕ̂ráʼé֔l ʼeţ־háʻá֖m léʼmò֑r şá̌mòr֙ ʼeţ־ká̇l־hami̇ẕĕwá֔h ʼàşě֧r ʼánòki֛y mĕẕawė֥h ʼeţĕke֖m hayòֽ̇wm׃

2
וְהָיָ֗ה בַּיֹּום֮ אֲשֶׁ֣ר תַּעַבְר֣וּ אֶת־הַיַּרְדֵּן֒ אֶל־הָאָ֕רֶץ אֲשֶׁר־יְהוָ֥ה אֱלֹהֶ֖יךָ נֹתֵ֣ן לָ֑ךְ וַהֲקֵמֹתָ֤ לְךָ֙ אֲבָנִ֣ים גְּדֹלֹ֔ות וְשַׂדְתָּ֥ אֹתָ֖ם בַּשִּֽׂיד׃

wĕháyá֗h bȧyò̇wm֮ ʼàşě֣r ţȧʻabĕr֣ẇ ʼeţ־hayȧrĕdé̇n֒ ʼel־háʼá֕reẕ ʼàşěr־yĕhwá֥h ʼèlòhe֖yká nòţé֣n lá֑kĕ wahàqémòţá֤ lĕká֙ ʼàbáni֣ym gĕ̇dòlò֔wţ wĕşâdĕţá֥̇ ʼòţá֖m bȧşiֽ̇̂yd׃

3
וְכָתַבְתָּ֣ עֲלֵיהֶ֗ן אֶֽת־כָּל־דִּבְרֵ֛י הַתֹּורָ֥ה הַזֹּ֖את בְּעָבְרֶ֑ךָ לְמַ֡עַן אֲשֶׁר֩ תָּבֹ֨א אֶל־הָאָ֜רֶץ אֲֽשֶׁר־יְהוָ֥ה אֱלֹהֶ֣יךָ׀ נֹתֵ֣ן לְךָ֗ אֶ֣רֶץ זָבַ֤ת חָלָב֙ וּדְבַ֔שׁ כַּאֲשֶׁ֥ר דִּבֶּ֛ר יְהוָ֥ה אֱלֹהֵֽי־אֲבֹתֶ֖יךָ לָֽךְ׃

wĕkáţabĕţá֣̇ ʻàléyhe֗n ʼeֽţ־ká̇l־di̇bĕré֛y haţò̇wrá֥h hazò֖̇ʼţ bĕ̇ʻábĕre֑ká lĕma֡ʻan ʼàşěr֩ ţá̇bò֨ʼ ʼel־háʼá֜reẕ ʼàֽşěr־yĕhwá֥h ʼèlòhe֣yká׀ nòţé֣n lĕká֗ ʼe֣reẕ zába֤ţ ẖáláb֙ ẇdĕba֔ş̌ kȧʼàşě֥r di̇bė֛r yĕhwá֥h ʼèlòhéֽy־ʼàbòţe֖yká láֽkĕ׃

4
וְהָיָה֮ בְּעָבְרְכֶ֣ם אֶת־הַיַּרְדֵּן֒ תָּקִ֜ימוּ אֶת־הָאֲבָנִ֣ים הָאֵ֗לֶּה אֲשֶׁ֨ר אָנֹכִ֜י מְצַוֶּ֥ה אֶתְכֶ֛ם הַיֹּ֖ום בְּהַ֣ר עֵיבָ֑ל וְשַׂדְתָּ֥ אֹותָ֖ם בַּשִּֽׂיד׃

wĕháyáh֮ bĕ̇ʻábĕrĕke֣m ʼeţ־hayȧrĕdé̇n֒ ţá̇qi֜ymẇ ʼeţ־háʼàbáni֣ym háʼé֗lėh ʼàşě֨r ʼánòki֜y mĕẕawė֥h ʼeţĕke֛m hayò֖̇wm bĕ̇ha֣r ʻéybá֑l wĕşâdĕţá֥̇ ʼòwţá֖m bȧşiֽ̇̂yd׃

5
וּבָנִ֤יתָ שָּׁם֙ מִזְבֵּ֔חַ לַיהוָ֖ה אֱלֹהֶ֑יךָ מִזְבַּ֣ח אֲבָנִ֔ים לֹא־תָנִ֥יף עֲלֵיהֶ֖ם בַּרְזֶֽל׃

ẇbáni֤yţá şá̇̌m֙ mizĕbé̇֔ẖa layhwá֖h ʼèlòhe֑yká mizĕbȧ֣ẖ ʼàbáni֔ym lòʼ־ţáni֥yp ʻàléyhe֖m bȧrĕzeֽl׃

6
אֲבָנִ֤ים שְׁלֵמֹות֙ תִּבְנֶ֔ה אֶת־מִזְבַּ֖ח יְהוָ֣ה אֱלֹהֶ֑יךָ וְהַעֲלִ֤יתָ עָלָיו֙ עֹולֹ֔ת לַיהוָ֖ה אֱלֹהֶֽיךָ׃

ʼàbáni֤ym şĕ̌lémòwţ֙ ţi̇bĕne֔h ʼeţ־mizĕbȧ֖ẖ yĕhwá֣h ʼèlòhe֑yká wĕhaʻàli֤yţá ʻáláyw֙ ʻòwlò֔ţ layhwá֖h ʼèlòheֽyká׃

7
וְזָבַחְתָּ֥ שְׁלָמִ֖ים וְאָכַ֣לְתָּ שָּׁ֑ם וְשָׂ֣מַחְתָּ֔ לִפְנֵ֖י יְהוָ֥ה אֱלֹהֶֽיךָ׃

wĕzábaẖĕţá֥̇ şĕ̌lámi֖ym wĕʼáka֣lĕţá̇ şá֑̇̌m wĕşá֣̂maẖĕţá̇֔ lipĕné֖y yĕhwá֥h ʼèlòheֽyká׃

8
וְכָתַבְתָּ֣ עַל־הָאֲבָנִ֗ים אֶֽת־כָּל־דִּבְרֵ֛י הַתֹּורָ֥ה הַזֹּ֖את בַּאֵ֥ר הֵיטֵֽב׃ ס

wĕkáţabĕţá֣̇ ʻal־háʼàbáni֗ym ʼeֽţ־ká̇l־di̇bĕré֛y haţò̇wrá֥h hazò֖̇ʼţ bȧʼé֥r héytéֽb׃ s

9
וַיְדַבֵּ֤ר מֹשֶׁה֙ וְהַכֹּהֲנִ֣ים הַלְוִיִּ֔ם אֶ֥ל כָּל־יִשְׂרָאֵ֖ל לֵאמֹ֑ר הַסְכֵּ֤ת׀ וּשְׁמַע֙ יִשְׂרָאֵ֔ל הַיֹּ֤ום הַזֶּה֙ נִהְיֵ֣יתָֽ לְעָ֔ם לַיהוָ֖ה אֱלֹהֶֽיךָ׃

wayĕdabé֤̇r mòşěh֙ wĕhakò̇hàni֣ym halĕwiyi̇֔m ʼe֥l ká̇l־yişĕ̂ráʼé֖l léʼmò֑r hasĕké֤̇ţ׀ ẇşĕ̌maʻ֙ yişĕ̂ráʼé֔l hayò֤̇wm hazėh֙ nihĕyé֣yţáֽ lĕʻá֔m layhwá֖h ʼèlòheֽyká׃

10
וְשָׁ֣מַעְתָּ֔ בְּקֹ֖ול יְהוָ֣ה אֱלֹהֶ֑יךָ וְעָשִׂ֤יתָ אֶת־מצותו וְאֶת־חֻקָּ֔יו אֲשֶׁ֛ר אָנֹכִ֥י מְצַוְּךָ֖ הַיֹּֽום׃ ס

wĕşá֣̌maʻĕţá̇֔ bĕ̇qò֖wl yĕhwá֣h ʼèlòhe֑yká wĕʻáşî֤yţá ʼeţ־mẕwţw wĕʼeţ־ẖuqá̇֔yw ʼàşě֛r ʼánòki֥y mĕẕawĕ̇ká֖ hayòֽ̇wm׃ s

11
וַיְצַ֤ו מֹשֶׁה֙ אֶת־הָעָ֔ם בַּיֹּ֥ום הַה֖וּא לֵאמֹֽר׃

wayĕẕa֤w mòşěh֙ ʼeţ־háʻá֔m bȧyò֥̇wm hah֖ẇʼ léʼmòֽr׃

12
אֵ֠לֶּה יַֽעַמְד֞וּ לְבָרֵ֤ךְ אֶת־הָעָם֙ עַל־הַ֣ר גְּרִזִ֔ים בְּעָבְרְכֶ֖ם אֶת־הַיַּרְדֵּ֑ן שִׁמְעֹון֙ וְלֵוִ֣י וִֽיהוּדָ֔ה וְיִשָּׂשכָ֖ר וְיֹוסֵ֥ף וּבִנְיָמִֽן׃

ʼé֠lėh yaֽʻamĕd֞ẇ lĕbáré֤kĕ ʼeţ־háʻám֙ ʻal־ha֣r gĕ̇rizi֔ym bĕ̇ʻábĕrĕke֖m ʼeţ־hayȧrĕdé֑̇n şǐmĕʻòwn֙ wĕléwi֣y wiֽyhẇdá֔h wĕyişá̇̂şká֖r wĕyòwsé֥p ẇbinĕyámiֽn׃

13
וְאֵ֛לֶּה יַֽעַמְד֥וּ עַל־הַקְּלָלָ֖ה בְּהַ֣ר עֵיבָ֑ל רְאוּבֵן֙ גָּ֣ד וְאָשֵׁ֔ר וּזְבוּלֻ֖ן דָּ֥ן וְנַפְתָּלִֽי׃

wĕʼé֛lėh yaֽʻamĕd֥ẇ ʻal־haqĕ̇lálá֖h bĕ̇ha֣r ʻéybá֑l rĕʼẇbén֙ gá֣̇d wĕʼáşé̌֔r ẇzĕbẇlu֖n dá֥̇n wĕnapĕţá̇liֽy׃

14
וְעָנ֣וּ הַלְוִיִּ֗ם וְאָֽמְר֛וּ אֶל־כָּל־אִ֥ישׁ יִשְׂרָאֵ֖ל קֹ֥ול רָֽם׃ ס

wĕʻán֣ẇ halĕwiyi̇֗m wĕʼáֽmĕr֛ẇ ʼel־ká̇l־ʼi֥yş̌ yişĕ̂ráʼé֖l qò֥wl ráֽm׃ s

15
אָר֣וּר הָאִ֡ישׁ אֲשֶׁ֣ר יַעֲשֶׂה֩ פֶ֨סֶל וּמַסֵּכָ֜ה תֹּועֲבַ֣ת יְהוָ֗ה מַעֲשֵׂ֛ה יְדֵ֥י חָרָ֖שׁ וְשָׂ֣ם בַּסָּ֑תֶר וְעָנ֧וּ כָל־הָעָ֛ם וְאָמְר֖וּ אָמֵֽן׃ ס

ʼár֣ẇr háʼi֡yş̌ ʼàşě֣r yaʻàşêh֩ pe֨sel ẇmasé̇ká֜h ţò̇wʻàba֣ţ yĕhwá֗h maʻàşé֛̂h yĕdé֥y ẖárá֖ş̌ wĕşá֣̂m bȧsá֑̇ţer wĕʻán֧ẇ kál־háʻá֛m wĕʼámĕr֖ẇ ʼáméֽn׃ s

16
אָר֕וּר מַקְלֶ֥ה אָבִ֖יו וְאִמֹּ֑ו וְאָמַ֥ר כָּל־הָעָ֖ם אָמֵֽן׃ ס

ʼár֕ẇr maqĕle֥h ʼábi֖yw wĕʼimò֑̇w wĕʼáma֥r ká̇l־háʻá֖m ʼáméֽn׃ s

17
אָר֕וּר מַסִּ֖יג גְּב֣וּל רֵעֵ֑הוּ וְאָמַ֥ר כָּל־הָעָ֖ם אָמֵֽן׃ ס

ʼár֕ẇr masi֖̇yg gĕ̇b֣ẇl réʻé֑hẇ wĕʼáma֥r ká̇l־háʻá֖m ʼáméֽn׃ s

18
אָר֕וּר מַשְׁגֶּ֥ה עִוֵּ֖ר בַּדָּ֑רֶךְ וְאָמַ֥ר כָּל־הָעָ֖ם אָמֵֽן׃ ס

ʼár֕ẇr maşĕ̌gė֥h ʻiwé֖̇r bȧdá֑̇rekĕ wĕʼáma֥r ká̇l־háʻá֖m ʼáméֽn׃ s

19
אָר֗וּר מַטֶּ֛ה מִשְׁפַּ֥ט גֵּר־יָתֹ֖ום וְאַלְמָנָ֑ה וְאָמַ֥ר כָּל־הָעָ֖ם אָמֵֽן׃ ס

ʼár֗ẇr matė֛h mişĕ̌pȧ֥t gé̇r־yáţò֖wm wĕʼalĕmáná֑h wĕʼáma֥r ká̇l־háʻá֖m ʼáméֽn׃ s

20
אָר֗וּר שֹׁכֵב֙ עִם־אֵ֣שֶׁת אָבִ֔יו כִּ֥י גִלָּ֖ה כְּנַ֣ף אָבִ֑יו וְאָמַ֥ר כָּל־הָעָ֖ם אָמֵֽן׃ ס

ʼár֗ẇr şò̌kéb֙ ʻim־ʼé֣şěţ ʼábi֔yw ki֥̇y gilá֖̇h kĕ̇na֣p ʼábi֑yw wĕʼáma֥r ká̇l־háʻá֖m ʼáméֽn׃ s

21
אָר֕וּר שֹׁכֵ֖ב עִם־כָּל־בְּהֵמָ֑ה וְאָמַ֥ר כָּל־הָעָ֖ם אָמֵֽן׃ ס

ʼár֕ẇr şò̌ké֖b ʻim־ká̇l־bĕ̇hémá֑h wĕʼáma֥r ká̇l־háʻá֖m ʼáméֽn׃ s

22
אָר֗וּר שֹׁכֵב֙ עִם־אֲחֹתֹ֔ו בַּת־אָבִ֖יו אֹ֣ו בַת־אִמֹּ֑ו וְאָמַ֥ר כָּל־הָעָ֖ם אָמֵֽן׃ ס

ʼár֗ẇr şò̌kéb֙ ʻim־ʼàẖòţò֔w bȧţ־ʼábi֖yw ʼò֣w baţ־ʼimò֑̇w wĕʼáma֥r ká̇l־háʻá֖m ʼáméֽn׃ s

23
אָר֕וּר שֹׁכֵ֖ב עִם־חֹֽתַנְתֹּ֑ו וְאָמַ֥ר כָּל־הָעָ֖ם אָמֵֽן׃ ס

ʼár֕ẇr şò̌ké֖b ʻim־ẖòֽţanĕţò֑̇w wĕʼáma֥r ká̇l־háʻá֖m ʼáméֽn׃ s

24
אָר֕וּר מַכֵּ֥ה רֵעֵ֖הוּ בַּסָּ֑תֶר וְאָמַ֥ר כָּל־הָעָ֖ם אָמֵֽן׃ ס

ʼár֕ẇr maké֥̇h réʻé֖hẇ bȧsá֑̇ţer wĕʼáma֥r ká̇l־háʻá֖m ʼáméֽn׃ s

25
אָרוּר֙ לֹקֵ֣חַ שֹׁ֔חַד לְהַכֹּ֥ות נֶ֖פֶשׁ דָּ֣ם נָקִ֑י וְאָמַ֥ר כָּל־הָעָ֖ם אָמֵֽן׃ ס

ʼárẇr֙ lòqé֣ẖa şò̌֔ẖad lĕhakò֥̇wţ ne֖peş̌ dá֣̇m náqi֑y wĕʼáma֥r ká̇l־háʻá֖m ʼáméֽn׃ s

26
אָר֗וּר אֲשֶׁ֧ר לֹא־יָקִ֛ים אֶת־דִּבְרֵ֥י הַתֹּורָֽה־הַזֹּ֖את לַעֲשֹׂ֣ות אֹותָ֑ם וְאָמַ֥ר כָּל־הָעָ֖ם אָמֵֽן׃ פ

ʼár֗ẇr ʼàşě֧r lòʼ־yáqi֛ym ʼeţ־di̇bĕré֥y haţò̇wráֽh־hazò֖̇ʼţ laʻàşò֣̂wţ ʼòwţá֑m wĕʼáma֥r ká̇l־háʻá֖m ʼáméֽn׃ p