Bibles en langues anciennes
Traductions anciennes
Traductions modernes

Biblia Hebraica Stuttgartiensia Deutéronome 33

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וְזֹ֣את הַבְּרָכָ֗ה אֲשֶׁ֨ר בֵּרַ֥ךְ מֹשֶׁ֛ה אִ֥ישׁ הָאֱלֹהִ֖ים אֶת־בְּנֵ֣י יִשְׂרָאֵ֑ל לִפְנֵ֖י מֹותֹֽו׃

wĕzò֣ʼţ habĕ̇ráká֗h ʼàşě֨r bé̇ra֥kĕ mòşě֛h ʼi֥yş̌ háʼèlòhi֖ym ʼeţ־bĕ̇né֣y yişĕ̂ráʼé֑l lipĕné֖y mòwţòֽw׃

2
וַיֹּאמַ֗ר יְהוָ֞ה מִסִּינַ֥י בָּא֙ וְזָרַ֤ח מִשֵּׂעִיר֙ לָ֔מֹו הֹופִ֨יעַ֙ מֵהַ֣ר פָּארָ֔ן וְאָתָ֖ה מֵרִבְבֹ֣ת קֹ֑דֶשׁ מִֽימִינֹ֕ו אֵשְׁדָּת לָֽמֹו׃

wayò̇ʼma֗r yĕhwá֞h misi̇yna֥y bá̇ʼ֙ wĕzára֤ẖ mişé̇̂ʻiyr֙ lá֔mòw hòwpi֨yʻa֙ méha֣r pá̇ʼrá֔n wĕʼáţá֖h méribĕbò֣ţ qò֑deş̌ miֽymiynò֕w ʼéşĕ̌dá̇ţ láֽmòw׃

3
אַ֚ף חֹבֵ֣ב עַמִּ֔ים כָּל־קְדֹשָׁ֖יו בְּיָדֶ֑ךָ וְהֵם֙ תֻּכּ֣וּ לְרַגְלֶ֔ךָ יִשָּׂ֖א מִדַּבְּרֹתֶֽיךָ׃

ʼa֚p ẖòbé֣b ʻami̇֔ym ká̇l־qĕdòşá֖̌yw bĕ̇yáde֑ká wĕhém֙ ţu̇k֣̇ẇ lĕragĕle֔ká yişá֖̇̂ʼ midȧbĕ̇ròţeֽyká׃

4
תֹּורָ֥ה צִוָּה־לָ֖נוּ מֹשֶׁ֑ה מֹורָשָׁ֖ה קְהִלַּ֥ת יַעֲקֹֽב׃

ţò̇wrá֥h ẕiwá̇h־lá֖nẇ mòşě֑h mòwráşá֖̌h qĕhilȧ֥ţ yaʻàqòֽb׃

5
וַיְהִ֥י בִישֻׁר֖וּן מֶ֑לֶךְ בְּהִתְאַסֵּף֙ רָ֣אשֵׁי עָ֔ם יַ֖חַד שִׁבְטֵ֥י יִשְׂרָאֵֽל׃

wayĕhi֥y biyşǔr֖ẇn me֑lekĕ bĕ̇hiţĕʼasé̇p֙ rá֣ʼşé̌y ʻá֔m ya֖ẖad şǐbĕté֥y yişĕ̂ráʼéֽl׃

6
יְחִ֥י רְאוּבֵ֖ן וְאַל־יָמֹ֑ת וִיהִ֥י מְתָ֖יו מִסְפָּֽר׃ ס

yĕẖi֥y rĕʼẇbé֖n wĕʼal־yámò֑ţ wiyhi֥y mĕţá֖yw misĕpáֽ̇r׃ s

7
וְזֹ֣את לִֽיהוּדָה֮ וַיֹּאמַר֒ שְׁמַ֤ע יְהוָה֙ קֹ֣ול יְהוּדָ֔ה וְאֶל־עַמֹּ֖ו תְּבִיאֶ֑נּוּ יָדָיו֙ רָ֣ב לֹ֔ו וְעֵ֥זֶר מִצָּרָ֖יו תִּהְיֶֽה׃ ס

wĕzò֣ʼţ liֽyhẇdáh֮ wayò̇ʼmar֒ şĕ̌ma֤ʻ yĕhwáh֙ qò֣wl yĕhẇdá֔h wĕʼel־ʻamò֖̇w ţĕ̇biyʼe֑ṅẇ yádáyw֙ rá֣b lò֔w wĕʻé֥zer miẕá̇rá֖yw ţi̇hĕyeֽh׃ s

8
וּלְלֵוִ֣י אָמַ֔ר תֻּמֶּ֥יךָ וְאוּרֶ֖יךָ לְאִ֣ישׁ חֲסִידֶ֑ךָ אֲשֶׁ֤ר נִסִּיתֹו֙ בְּמַסָּ֔ה תְּרִיבֵ֖הוּ עַל־מֵ֥י מְרִיבָֽה׃

ẇlĕléwi֣y ʼáma֔r ţu̇mė֥yká wĕʼẇre֖yká lĕʼi֣yş̌ ẖàsiyde֑ká ʼàşě֤r nisi̇yţòw֙ bĕ̇masá̇֔h ţĕ̇riybé֖hẇ ʻal־mé֥y mĕriybáֽh׃

9
הָאֹמֵ֞ר לְאָבִ֤יו וּלְאִמֹּו֙ לֹ֣א רְאִיתִ֔יו וְאֶת־אֶחָיו֙ לֹ֣א הִכִּ֔יר וְאֶת־בָּנֹו לֹ֣א יָדָ֑ע כִּ֤י שָֽׁמְרוּ֙ אִמְרָתֶ֔ךָ וּבְרִֽיתְךָ֖ יִנְצֹֽרוּ׃

háʼòmé֞r lĕʼábi֤yw ẇlĕʼimò̇w֙ lò֣ʼ rĕʼiyţi֔yw wĕʼeţ־ʼeẖáyw֙ lò֣ʼ hiki̇֔yr wĕʼeţ־bá̇nòw lò֣ʼ yádá֑ʻ ki֤̇y şáֽ̌mĕrẇ֙ ʼimĕráţe֔ká ẇbĕriֽyţĕká֖ yinĕẕòֽrẇ׃

10
יֹור֤וּ מִשְׁפָּטֶ֨יךָ֙ לְיַעֲקֹ֔ב וְתֹורָתְךָ֖ לְיִשְׂרָאֵ֑ל יָשִׂ֤ימוּ קְטֹורָה֙ בְּאַפֶּ֔ךָ וְכָלִ֖יל עַֽל־מִזְבְּחֶֽךָ׃

yòwr֤ẇ mişĕ̌pá̇te֨yká֙ lĕyaʻàqò֔b wĕţòwráţĕká֖ lĕyişĕ̂ráʼé֑l yáşî֤ymẇ qĕtòwráh֙ bĕ̇ʼapė֔ká wĕkáli֖yl ʻaֽl־mizĕbĕ̇ẖeֽká׃

11
בָּרֵ֤ךְ יְהוָה֙ חֵילֹ֔ו וּפֹ֥עַל יָדָ֖יו תִּרְצֶ֑ה מְחַ֨ץ מָתְנַ֧יִם קָמָ֛יו וּמְשַׂנְאָ֖יו מִן־יְקוּמֽוּן׃ ס

bá̇ré֤kĕ yĕhwáh֙ ẖéylò֔w ẇpò֥ʻal yádá֖yw ţi̇rĕẕe֑h mĕẖa֨ẕ máţĕna֧yim qámá֛yw ẇmĕşânĕʼá֖yw min־yĕqẇmֽẇn׃ s

12
לְבִנְיָמִ֣ן אָמַ֔ר יְדִ֣יד יְהֹוָ֔ה יִשְׁכֹּ֥ן לָבֶ֖טַח עָלָ֑יו חֹפֵ֤ף עָלָיו֙ כָּל־הַיֹּ֔ום וּבֵ֥ין כְּתֵיפָ֖יו שָׁכֵֽן׃ ס

lĕbinĕyámi֣n ʼáma֔r yĕdi֣yd yĕhòwá֔h yişĕ̌kò֥̇n lábe֖taẖ ʻálá֑yw ẖòpé֤p ʻáláyw֙ ká̇l־hayò̇֔wm ẇbé֥yn kĕ̇ţéypá֖yw şá̌kéֽn׃ s

13
וּלְיֹוסֵ֣ף אָמַ֔ר מְבֹרֶ֥כֶת יְהֹוָ֖ה אַרְצֹ֑ו מִמֶּ֤גֶד שָׁמַ֨יִם֙ מִטָּ֔ל וּמִתְּהֹ֖ום רֹבֶ֥צֶת תָּֽחַת׃

ẇlĕyòwsé֣p ʼáma֔r mĕbòre֥keţ yĕhòwá֖h ʼarĕẕò֑w mimė֤ged şá̌ma֨yim֙ mitá̇֔l ẇmiţĕ̇hò֖wm ròbe֥ẕeţ ţáֽ̇ẖaţ׃

14
וּמִמֶּ֖גֶד תְּבוּאֹ֣ת שָׁ֑מֶשׁ וּמִמֶּ֖גֶד גֶּ֥רֶשׁ יְרָחִֽים׃

ẇmimė֖ged ţĕ̇bẇʼò֣ţ şá֑̌meş̌ ẇmimė֖ged gė֥reş̌ yĕráẖiֽym׃

15
וּמֵרֹ֖אשׁ הַרְרֵי־קֶ֑דֶם וּמִמֶּ֖גֶד גִּבְעֹ֥ות עֹולָֽם׃

ẇmérò֖ʼş̌ harĕréy־qe֑dem ẇmimė֖ged gi̇bĕʻò֥wţ ʻòwláֽm׃

16
וּמִמֶּ֗גֶד אֶ֚רֶץ וּמְלֹאָ֔הּ וּרְצֹ֥ון שֹׁכְנִ֖י סְנֶ֑ה תָּבֹ֨ואתָה֙ לְרֹ֣אשׁ יֹוסֵ֔ף וּלְקָדְקֹ֖ד נְזִ֥יר אֶחָֽיו׃

ẇmimė֗ged ʼe֚reẕ ẇmĕlòʼá֔ḣ ẇrĕẕò֥wn şò̌kĕni֖y sĕne֑h ţá̇bò֨wʼţáh֙ lĕrò֣ʼş̌ yòwsé֔p ẇlĕqádĕqò֖d nĕzi֥yr ʼeẖáֽyw׃

17
בְּכֹ֨ור שֹׁורֹ֜ו הָדָ֣ר לֹ֗ו וְקַרְנֵ֤י רְאֵם֙ קַרְנָ֔יו בָּהֶ֗ם עַמִּ֛ים יְנַגַּ֥ח יַחְדָּ֖ו אַפְסֵי־אָ֑רֶץ וְהֵם֙ רִבְבֹ֣ות אֶפְרַ֔יִם וְהֵ֖ם אַלְפֵ֥י מְנַשֶּֽׁה׃ ס

bĕ̇kò֨wr şò̌wrò֜w hádá֣r lò֗w wĕqarĕné֤y rĕʼém֙ qarĕná֔yw bá̇he֗m ʻami֛̇ym yĕnagȧ֥ẖ yaẖĕdá֖̇w ʼapĕséy־ʼá֑reẕ wĕhém֙ ribĕbò֣wţ ʼepĕra֔yim wĕhé֖m ʼalĕpé֥y mĕnaşėֽ̌h׃ s

18
וְלִזְבוּלֻ֣ן אָמַ֔ר שְׂמַ֥ח זְבוּלֻ֖ן בְּצֵאתֶ֑ךָ וְיִשָּׂשכָ֖ר בְּאֹהָלֶֽיךָ׃

wĕlizĕbẇlu֣n ʼáma֔r şĕ̂ma֥ẖ zĕbẇlu֖n bĕ̇ẕéʼţe֑ká wĕyişá̇̂şká֖r bĕ̇ʼòháleֽyká׃

19
עַמִּים֙ הַר־יִקְרָ֔אוּ שָׁ֖ם יִזְבְּח֣וּ זִבְחֵי־צֶ֑דֶק כִּ֣י שֶׁ֤פַע יַמִּים֙ יִינָ֔קוּ וּשְׂפוּנֵ֖י טְמ֥וּנֵי חֹֽול׃ ס

ʻami̇ym֙ har־yiqĕrá֔ʼẇ şá֖̌m yizĕbĕ̇ẖ֣ẇ zibĕẖéy־ẕe֑deq ki֣̇y şě֤paʻ yami̇ym֙ yiyná֔qẇ ẇşĕ̂pẇné֖y tĕm֥ẇnéy ẖòֽwl׃ s

20
וּלְגָ֣ד אָמַ֔ר בָּר֖וּךְ מַרְחִ֣יב גָּ֑ד כְּלָבִ֣יא שָׁכֵ֔ן וְטָרַ֥ף זְרֹ֖ועַ אַף־קָדְקֹֽד׃

ẇlĕgá֣d ʼáma֔r bá̇r֖ẇkĕ marĕẖi֣yb gá֑̇d kĕ̇lábi֣yʼ şá̌ké֔n wĕtára֥p zĕrò֖wʻa ʼap־qádĕqòֽd׃

21
וַיַּ֤רְא רֵאשִׁית֙ לֹ֔ו כִּי־שָׁ֛ם חֶלְקַ֥ת מְחֹקֵ֖ק סָפ֑וּן וַיֵּתֵא֙ רָ֣אשֵׁי עָ֔ם צִדְקַ֤ת יְהוָה֙ עָשָׂ֔ה וּמִשְׁפָּטָ֖יו עִם־יִשְׂרָאֵֽל׃ ס

wayȧ֤rĕʼ réʼşǐyţ֙ lò֔w ki̇y־şá֛̌m ẖelĕqa֥ţ mĕẖòqé֖q sáp֑ẇn wayé̇ţéʼ֙ rá֣ʼşé̌y ʻá֔m ẕidĕqa֤ţ yĕhwáh֙ ʻáşá̂֔h ẇmişĕ̌pá̇tá֖yw ʻim־yişĕ̂ráʼéֽl׃ s

22
וּלְדָ֣ן אָמַ֔ר דָּ֖ן גּ֣וּר אַרְיֵ֑ה יְזַנֵּ֖ק מִן־הַבָּשָֽׁן׃

ẇlĕdá֣n ʼáma֔r dá֖̇n ġ֣ẇr ʼarĕyé֑h yĕzané֖̇q min־habá̇şáֽ̌n׃

23
וּלְנַפְתָּלִ֣י אָמַ֔ר נַפְתָּלִי֙ שְׂבַ֣ע רָצֹ֔ון וּמָלֵ֖א בִּרְכַּ֣ת יְהוָ֑ה יָ֥ם וְדָרֹ֖ום יְרָֽשָׁה׃ ס

ẇlĕnapĕţá̇li֣y ʼáma֔r napĕţá̇liy֙ şĕ̂ba֣ʻ ráẕò֔wn ẇmálé֖ʼ bi̇rĕkȧ֣ţ yĕhwá֑h yá֥m wĕdárò֖wm yĕráֽşá̌h׃ s

24
וּלְאָשֵׁ֣ר אָמַ֔ר בָּר֥וּךְ מִבָּנִ֖ים אָשֵׁ֑ר יְהִ֤י רְצוּי֙ אֶחָ֔יו וְטֹבֵ֥ל בַּשֶּׁ֖מֶן רַגְלֹֽו׃

ẇlĕʼáşé֣̌r ʼáma֔r bá̇r֥ẇkĕ mibá̇ni֖ym ʼáşé֑̌r yĕhi֤y rĕẕẇy֙ ʼeẖá֔yw wĕtòbé֥l bȧşė֖̌men ragĕlòֽw׃

25
בַּרְזֶ֥ל וּנְחֹ֖שֶׁת מִנְעָלֶ֑יךָ וּכְיָמֶ֖יךָ דָּבְאֶֽךָ׃

bȧrĕze֥l ẇnĕẖò֖şěţ minĕʻále֑yká ẇkĕyáme֖yká dá̇bĕʼeֽká׃

26
אֵ֥ין כָּאֵ֖ל יְשֻׁר֑וּן רֹכֵ֤ב שָׁמַ֨יִם֙ בְעֶזְרֶ֔ךָ וּבְגַאֲוָתֹ֖ו שְׁחָקִֽים׃

ʼé֥yn ká̇ʼé֖l yĕşǔr֑ẇn ròké֤b şá̌ma֨yim֙ bĕʻezĕre֔ká ẇbĕgaʼàwáţò֖w şĕ̌ẖáqiֽym׃

27
מְעֹנָה֙ אֱלֹ֣הֵי קֶ֔דֶם וּמִתַּ֖חַת זְרֹעֹ֣ת עֹולָ֑ם וַיְגָ֧רֶשׁ מִפָּנֶ֛יךָ אֹויֵ֖ב וַיֹּ֥אמֶר הַשְׁמֵֽד׃

mĕʻònáh֙ ʼèlò֣héy qe֔dem ẇmiţȧ֖ẖaţ zĕròʻò֣ţ ʻòwlá֑m wayĕgá֧reş̌ mipá̇ne֛yká ʼòwyé֖b wayò֥̇ʼmer haşĕ̌méֽd׃

28
וַיִּשְׁכֹּן֩ יִשְׂרָאֵ֨ל בֶּ֤טַח בָּדָד֙ עֵ֣ין יַעֲקֹ֔ב אֶל־אֶ֖רֶץ דָּגָ֣ן וְתִירֹ֑ושׁ אַף־שָׁמָ֖יו יַ֥עַרְפוּ טָֽל׃

wayi̇şĕ̌kò̇n֩ yişĕ̂ráʼé֨l bė֤taẖ bá̇dád֙ ʻé֣yn yaʻàqò֔b ʼel־ʼe֖reẕ dá̇gá֣n wĕţiyrò֑wş̌ ʼap־şá̌má֖yw ya֥ʻarĕpẇ táֽl׃

29
אַשְׁרֶ֨יךָ יִשְׂרָאֵ֜ל מִ֣י כָמֹ֗וךָ עַ֚ם נֹושַׁ֣ע בַּֽיהוָ֔ה מָגֵ֣ן עֶזְרֶ֔ךָ וַאֲשֶׁר־חֶ֖רֶב גַּאֲוָתֶ֑ךָ וְיִכָּֽחֲשׁ֤וּ אֹיְבֶ֨יךָ֙ לָ֔ךְ וְאַתָּ֖ה עַל־בָּמֹותֵ֥ימֹו תִדְרֹֽךְ׃ ס

ʼaşĕ̌re֨yká yişĕ̂ráʼé֜l mi֣y kámò֗wká ʻa֚m nòwşǎ֣ʻ bȧֽyhwá֔h mágé֣n ʻezĕre֔ká waʼàşěr־ẖe֖reb gȧʼàwáţe֑ká wĕyikáֽ̇ẖàş֤̌ẇ ʼòyĕbe֨yká֙ lá֔kĕ wĕʼaţá֖̇h ʻal־bá̇mòwţé֥ymòw ţidĕròֽkĕ׃ s