Bibles en langues anciennes
Traductions anciennes
Traductions modernes

Biblia Hebraica Stuttgartensia Deutéronome 5, 29

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיִּקְרָ֣א מֹשֶׁה֮ אֶל־כָּל־יִשְׂרָאֵל֒ וַיֹּ֣אמֶר אֲלֵהֶ֗ם שְׁמַ֤ע יִשְׂרָאֵל֙ אֶת־הַחֻקִּ֣ים וְאֶת־הַמִּשְׁפָּטִ֔ים אֲשֶׁ֧ר אָנֹכִ֛י דֹּבֵ֥ר בְּאָזְנֵיכֶ֖ם הַיֹּ֑ום וּלְמַדְתֶּ֣ם אֹתָ֔ם וּשְׁמַרְתֶּ֖ם לַעֲשֹׂתָֽם׃

wayi̇qĕrá֣ʼ mòşěh֮ ʼel־ká̇l־yişĕ̂ráʼél֒ wayò֣̇ʼmer ʼàléhe֗m şĕ̌ma֤ʻ yişĕ̂ráʼél֙ ʼeţ־haẖuqi֣̇ym wĕʼeţ־hami̇şĕ̌pá̇ti֔ym ʼàşě֧r ʼánòki֛y dò̇bé֥r bĕ̇ʼázĕnéyke֖m hayò֑̇wm ẇlĕmadĕţė֣m ʼòţá֔m ẇşĕ̌marĕţė֖m laʻàşò̂ţáֽm׃

2
יְהוָ֣ה אֱלֹהֵ֗ינוּ כָּרַ֥ת עִמָּ֛נוּ בְּרִ֖ית בְּחֹרֵֽב׃

yĕhwá֣h ʼèlòhé֗ynẇ ká̇ra֥ţ ʻimá֛̇nẇ bĕ̇ri֖yţ bĕ̇ẖòréֽb׃

3
לֹ֣א אֶת־אֲבֹתֵ֔ינוּ כָּרַ֥ת יְהוָ֖ה אֶת־הַבְּרִ֣ית הַזֹּ֑את כִּ֣י אִתָּ֗נוּ אֲנַ֨חְנוּ אֵ֥לֶּה פֹ֛ה הַיֹּ֖ום כֻּלָּ֥נוּ חַיִּֽים׃

lò֣ʼ ʼeţ־ʼàbòţé֔ynẇ ká̇ra֥ţ yĕhwá֖h ʼeţ־habĕ̇ri֣yţ hazò֑̇ʼţ ki֣̇y ʼiţá̇֗nẇ ʼàna֨ẖĕnẇ ʼé֥lėh pò֛h hayò֖̇wm ku̇lá֥̇nẇ ẖayiֽ̇ym׃

4
פָּנִ֣ים׀ בְּפָנִ֗ים דִּבֶּ֨ר יְהוָ֧ה עִמָּכֶ֛ם בָּהָ֖ר מִתֹּ֥וךְ הָאֵֽשׁ׃

pá̇ni֣ym׀ bĕ̇páni֗ym di̇bė֨r yĕhwá֧h ʻimá̇ke֛m bá̇há֖r miţò֥̇wkĕ háʼéֽş̌׃

5
אָ֠נֹכִי עֹמֵ֨ד בֵּין־יְהוָ֤ה וּבֵֽינֵיכֶם֙ בָּעֵ֣ת הַהִ֔וא לְהַגִּ֥יד לָכֶ֖ם אֶת־דְּבַ֣ר יְהוָ֑ה כִּ֤י יְרֵאתֶם֙ מִפְּנֵ֣י הָאֵ֔שׁ וְלֹֽא־עֲלִיתֶ֥ם בָּהָ֖ר לֵאמֹֽר׃ ס

ʼá֠nòkiy ʻòmé֨d bé̇yn־yĕhwá֤h ẇbéֽynéykem֙ bá̇ʻé֣ţ hahi֔wʼ lĕhagi֥̇yd láke֖m ʼeţ־dĕ̇ba֣r yĕhwá֑h ki֤̇y yĕréʼţem֙ mipĕ̇né֣y háʼé֔ş̌ wĕlòֽʼ־ʻàliyţe֥m bá̇há֖r léʼmòֽr׃ s

6
אָֽנֹכִי֙ יְהוָ֣ה אֱלֹהֶ֔יךָ אֲשֶׁ֧ר הֹוצֵאתִ֛יךָ מֵאֶ֥רֶץ מִצְרַ֖יִם מִבֵּ֣ית עֲבָדִֽ֑ים׃

ʼáֽnòkiy֙ yĕhwá֣h ʼèlòhe֔yká ʼàşě֧r hòwẕéʼţi֛yká méʼe֥reẕ miẕĕra֖yim mibé֣̇yţ ʻàbádiֽ֑ym׃

7
לֹ֣א יִהְיֶ֥ה־לְךָ֛֩ אֱלֹהִ֥֨ים אֲחֵרִ֖֜ים עַל־פָּנָֽ֗יַ׃

lò֣ʼ yihĕye֥h־lĕká֛֩ ʼèlòhi֥֨ym ʼàẖéri֖֜ym ʻal־pá̇náֽ֗ya׃

8
לֹֽ֣א־תַעֲשֶׂ֥ה־לְךָ֥֣ פֶ֣֨סֶל֙׀ כָּל־תְּמוּנָ֔֡ה אֲשֶׁ֤֣ר בַּשָּׁמַ֣֨יִם֙׀ מִמַּ֔֡עַל וַאֲשֶׁ֥ר֩ בָּאָ֖֨רֶץ מִתָּ֑֜חַת וַאֲשֶׁ֥ר בַּמַּ֖֣יִם׀ מִתַּ֥֣חַת לָאָֽ֗רֶץ׃

lòֽ֣ʼ־ţaʻàşê֥h־lĕká֥֣ pe֣֨sel֙׀ ká̇l־ţĕ̇mẇná֔֡h ʼàşě֤֣r bȧşá̇̌ma֣֨yim֙׀ mimȧ֔֡ʻal waʼàşě֥r֩ bá̇ʼá֖֨reẕ miţá֑̇֜ẖaţ waʼàşě֥r bȧmȧ֖֣yim׀ miţȧ֥֣ẖaţ láʼáֽ֗reẕ׃

9
לֹא־תִשְׁתַּחֲוֶ֥֣ה לָהֶ֖ם֮ וְלֹ֣א תָעָבְדֵ֑ם֒ כִּ֣י אָנֹכִ֞י יְהוָ֤ה אֱלֹהֶ֨יךָ֙ אֵ֣ל קַנָּ֔א פֹּ֠קֵד עֲוֹ֨ן אָבֹ֧ות עַל־בָּנִ֛ים וְעַל־שִׁלֵּשִׁ֥ים וְעַל־רִבֵּעִ֖ים לְשֹׂנְאָֽ֑י׃

lòʼ־ţişĕ̌ţȧẖàwe֥֣h láhe֖m֮ wĕlò֣ʼ ţáʻábĕdé֑m֒ ki֣̇y ʼánòki֞y yĕhwá֤h ʼèlòhe֨yká֙ ʼé֣l qaná̇֔ʼ pò̇֠qéd ʻàwò֨n ʼábò֧wţ ʻal־bá̇ni֛ym wĕʻal־şǐlé̇şǐ֥ym wĕʻal־ribé̇ʻi֖ym lĕşò̂nĕʼáֽ֑y׃

10
וְעֹ֤֥שֶׂה חֶ֖֨סֶד֙ לַֽאֲלָפִ֑֔ים לְאֹהֲבַ֖י וּלְשֹׁמְרֵ֥י מִצְוֹתֹו

wĕʻò֤֥şêh ẖe֖֨sed֙ laֽʼàlápi֑֔ym lĕʼòhàba֖y ẇlĕşò̌mĕré֥y miẕĕwòţòw

11
לֹ֥א תִשָּׂ֛א אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙ יְהוָ֔ה אֵ֛ת אֲשֶׁר־יִשָּׂ֥א אֶת־שְׁמֹ֖ו לַשָּֽׁוְא׃ ס

lò֥ʼ ţişá֛̇̂ʼ ʼeţ־şéֽ̌m־yĕhwá֥h ʼèlòhe֖yká laşá֑̇̌wĕʼ ki֣̇y lò֤ʼ yĕnaqėh֙ yĕhwá֔h ʼé֛ţ ʼàşěr־yişá֥̇̂ʼ ʼeţ־şĕ̌mò֖w laşáֽ̇̌wĕʼ׃ s

12
שָׁמֹ֣֛ור אֶת־יֹ֥ום֩ הַשַּׁבָּ֖֨ת לְקַדְּשֹׁ֑֜ו כַּאֲשֶׁ֥ר צִוְּךָ֖֣׀ יְהוָ֥֣ה אֱלֹהֶֽ֗יךָ׃

şá̌mò֣֛wr ʼeţ־yò֥wm֩ haşȧ̌bá֖̇֨ţ lĕqadĕ̇şò֑̌֜w kȧʼàşě֥r ẕiwĕ̇ká֖֣׀ yĕhwá֥֣h ʼèlòheֽ֗yká׃

13
שֵׁ֤֣שֶׁת יָמִ֣ים֙ תַּֽעֲבֹ֔ד֮ וְעָשִׂ֖֣יתָ כָּֿל־מְלַאכְתֶּֽךָ֒׃

şé֤֣̌şěţ yámi֣ym֙ ţȧֽʻàbò֔d֮ wĕʻáşî֖֣yţá ká̇̄l־mĕlaʼkĕţėֽká֒׃

14
וְיֹ֨ום֙ הַשְּׁבִיעִ֜֔י שַׁבָּ֖֣ת׀ לַיהוָ֖֣ה אֱלֹהֶ֑֗יךָ לֹ֣א תַעֲשֶׂ֣ה כָל־מְלָאכָ֡ה אַתָּ֣ה וּבִנְךָֽ־וּבִתֶּ֣ךָ וְעַבְדְּךָֽ־וַ֠אֲמָתֶךָ וְשֹׁורְךָ֨ וַחֲמֹֽרְךָ֜ וְכָל־בְּהֶמְתֶּ֗ךָ וְגֵֽרְךָ֙ אֲשֶׁ֣ר בִּשְׁעָרֶ֔יךָ לְמַ֗עַן יָנ֛וּחַ עַבְדְּךָ֥ וַאֲמָתְךָ֖ כָּמֹֽ֑וךָ׃

wĕyò֨wm֙ haşĕ̇̌biyʻi֜֔y şǎbá֖֣̇ţ׀ layhwá֖֣h ʼèlòhe֑֗yká lò֣ʼ ţaʻàşê֣h kál־mĕláʼká֡h ʼaţá֣̇h ẇbinĕkáֽ־ẇbiţė֣ká wĕʻabĕdĕ̇káֽ־wa֠ʼàmáţeká wĕşò̌wrĕká֨ waẖàmòֽrĕká֜ wĕkál־bĕ̇hemĕţė֗ká wĕgéֽrĕká֙ ʼàşě֣r bi̇şĕ̌ʻáre֔yká lĕma֗ʻan yán֛ẇẖa ʻabĕdĕ̇ká֥ waʼàmáţĕká֖ ká̇mòֽ֑wká׃

15
וְזָכַרְתָּ֞֗ כִּ֣י־עֶ֤֥בֶד הָיִ֣֨יתָ֙׀ בְּאֶ֣רֶץ מִצְרַ֔֗יִם וַיֹּצִ֨אֲךָ֜֩ יְהוָ֤֨ה אֱלֹהֶ֤֨יךָ֙ מִשָּׁ֔ם֙ בְּיָ֤֥ד חֲזָקָ֖ה֙ וּבִזְרֹ֣עַ נְטוּיָ֑֔ה עַל־כֵּ֗ן צִוְּךָ֙ יְהוָ֣ה אֱלֹהֶ֔יךָ לַעֲשֹׂ֖ות אֶת־יֹ֥ום הַשַּׁבָּֽת׃ ס

wĕzákarĕţá̇֞֗ ki֣̇y־ʻe֤֥bed háyi֣֨yţá֙׀ bĕ̇ʼe֣reẕ miẕĕra֔֗yim wayò̇ẕi֨ʼàká֜֩ yĕhwá֤֨h ʼèlòhe֤֨yká֙ mişá̇̌֔m֙ bĕ̇yá֤֥d ẖàzáqá֖h֙ ẇbizĕrò֣ʻa nĕtẇyá֑֔h ʻal־ké̇֗n ẕiwĕ̇ká֙ yĕhwá֣h ʼèlòhe֔yká laʻàşò֖̂wţ ʼeţ־yò֥wm haşȧ̌báֽ̇ţ׃ s

16
כַּבֵּ֤ד אֶת־אָבִ֨יךָ֙ וְאֶת־אִמֶּ֔ךָ כַּאֲשֶׁ֥ר צִוְּךָ֖ יְהוָ֣ה אֱלֹהֶ֑יךָ לְמַ֣עַן׀ יַאֲרִיכֻ֣ן יָמֶ֗יךָ וּלְמַ֨עַן֙ יִ֣יטַב לָ֔ךְ עַ֚ל הָֽאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ ס

kȧbé֤̇d ʼeţ־ʼábi֨yká֙ wĕʼeţ־ʼimė֔ká kȧʼàşě֥r ẕiwĕ̇ká֖ yĕhwá֣h ʼèlòhe֑yká lĕma֣ʻan׀ yaʼàriyku֣n yáme֗yká ẇlĕma֨ʻan֙ yi֣ytab lá֔kĕ ʻa֚l háֽʼàdámá֔h ʼàşěr־yĕhwá֥h ʼèlòhe֖yká nòţé֥n láֽkĕ׃ s

17
לֹ֥֖א תִּֿרְצָֽח׃ ס

lò֥֖ʼ ţi̇̄rĕẕáֽẖ׃ s

18
וְלֹ֖֣א תִּֿנְאָֽ֑ף׃ ס

wĕlò֖֣ʼ ţi̇̄nĕʼáֽ֑p׃ s

19
וְלֹ֖֣א תִּֿגְנֹֽ֔ב׃ ס

wĕlò֖֣ʼ ţi̇̄gĕnòֽ֔b׃ s

20
וְלֹֽא־תַעֲנֶ֥ה בְרֵֽעֲךָ֖ עֵ֥ד שָֽׁוְא׃ ס

wĕlòֽʼ־ţaʻàne֥h bĕréֽʻàká֖ ʻé֥d şáֽ̌wĕʼ׃ s

21
וְלֹ֥א תַחְמֹ֖ד אֵ֣שֶׁת רֵעֶ֑ךָ סוְלֹ֨א תִתְאַוֶּ֜ה בֵּ֣ית רֵעֶ֗ךָ שָׂדֵ֜הוּ וְעַבְדֹּ֤ו וַאֲמָתֹו֙ שֹׁורֹ֣ו וַחֲמֹרֹ֔ו וְכֹ֖ל אֲשֶׁ֥ר לְרֵעֶֽךָ׃ ס

wĕlò֥ʼ ţaẖĕmò֖d ʼé֣şěţ réʻe֑ká swĕlò֨ʼ ţiţĕʼawė֜h bé֣̇yţ réʻe֗ká şá̂dé֜hẇ wĕʻabĕdò֤̇w waʼàmáţòw֙ şò̌wrò֣w waẖàmòrò֔w wĕkò֖l ʼàşě֥r lĕréʻeֽká׃ s

22
אֶֽת־הַדְּבָרִ֣ים הָאֵ֡לֶּה דִּבֶּר֩ יְהוָ֨ה אֶל־כָּל־קְהַלְכֶ֜ם בָּהָ֗ר מִתֹּ֤וךְ הָאֵשׁ֙ הֶֽעָנָ֣ן וְהָֽעֲרָפֶ֔ל קֹ֥ול גָּדֹ֖ול וְלֹ֣א יָסָ֑ף וַֽיִּכְתְּבֵ֗ם עַל־שְׁנֵי֙ לֻחֹ֣ת אֲבָנִ֔ים וַֽיִּתְּנֵ֖ם אֵלָֽי׃

ʼeֽţ־hadĕ̇bári֣ym háʼé֡lėh di̇bėr֩ yĕhwá֨h ʼel־ká̇l־qĕhalĕke֜m bá̇há֗r miţò֤̇wkĕ háʼéş̌֙ heֽʻáná֣n wĕháֽʻàrápe֔l qò֥wl gá̇dò֖wl wĕlò֣ʼ yásá֑p waֽyi̇kĕţĕ̇bé֗m ʻal־şĕ̌néy֙ luẖò֣ţ ʼàbáni֔ym waֽyi̇ţĕ̇né֖m ʼéláֽy׃

23
וַיְהִ֗י כְּשָׁמְעֲכֶ֤ם אֶת־הַקֹּול֙ מִתֹּ֣וךְ הַחֹ֔שֶׁךְ וְהָהָ֖ר בֹּעֵ֣ר בָּאֵ֑שׁ וַתִּקְרְב֣וּן אֵלַ֔י כָּל־רָאשֵׁ֥י שִׁבְטֵיכֶ֖ם וְזִקְנֵיכֶֽם׃

wayĕhi֗y kĕ̇şá̌mĕʻàke֤m ʼeţ־haqò̇wl֙ miţò֣̇wkĕ haẖò֔şěkĕ wĕháhá֖r bò̇ʻé֣r bá̇ʼé֑ş̌ waţi̇qĕrĕb֣ẇn ʼéla֔y ká̇l־ráʼşé֥̌y şǐbĕtéyke֖m wĕziqĕnéykeֽm׃

24
וַתֹּאמְר֗וּ הֵ֣ן הֶרְאָ֜נוּ יְהוָ֤ה אֱלֹהֵ֨ינוּ֙ אֶת־כְּבֹדֹ֣ו וְאֶת־גָּדְלֹ֔ו וְאֶת־קֹלֹ֥ו שָׁמַ֖עְנוּ מִתֹּ֣וךְ הָאֵ֑שׁ הַיֹּ֤ום הַזֶּה֙ רָאִ֔ינוּ כִּֽי־יְדַבֵּ֧ר אֱלֹהִ֛ים אֶת־הָֽאָדָ֖ם וָחָֽי׃

waţò̇ʼmĕr֗ẇ hé֣n herĕʼá֜nẇ yĕhwá֤h ʼèlòhé֨ynẇ֙ ʼeţ־kĕ̇bòdò֣w wĕʼeţ־gá̇dĕlò֔w wĕʼeţ־qòlò֥w şá̌ma֖ʻĕnẇ miţò֣̇wkĕ háʼé֑ş̌ hayò֤̇wm hazėh֙ ráʼi֔ynẇ kiֽ̇y־yĕdabé֧̇r ʼèlòhi֛ym ʼeţ־háֽʼádá֖m wáẖáֽy׃

25
וְעַתָּה֙ לָ֣מָּה נָמ֔וּת כִּ֣י תֹֽאכְלֵ֔נוּ הָאֵ֥שׁ הַגְּדֹלָ֖ה הַזֹּ֑את אִם־יֹסְפִ֣ים׀ אֲנַ֗חְנוּ לִ֠שְׁמֹעַ אֶת־קֹ֨ול יְהוָ֧ה אֱלֹהֵ֛ינוּ עֹ֖וד וָמָֽתְנוּ׃

wĕʻaţá̇h֙ lá֣má̇h nám֔ẇţ ki֣̇y ţòֽʼkĕlé֔nẇ háʼé֥ş̌ hagĕ̇dòlá֖h hazò֑̇ʼţ ʼim־yòsĕpi֣ym׀ ʼàna֗ẖĕnẇ li֠şĕ̌mòʻa ʼeţ־qò֨wl yĕhwá֧h ʼèlòhé֛ynẇ ʻò֖wd wámáֽţĕnẇ׃

26
כִּ֣י מִ֣י כָל־בָּשָׂ֡ר אֲשֶׁ֣ר שָׁמַ֣ע קֹול֩ אֱלֹהִ֨ים חַיִּ֜ים מְדַבֵּ֧ר מִתֹּוךְ־הָאֵ֛שׁ כָּמֹ֖נוּ וַיֶּֽחִי׃

ki֣̇y mi֣y kál־bá̇şá̂֡r ʼàşě֣r şá̌ma֣ʻ qòwl֩ ʼèlòhi֨ym ẖayi̇֜ym mĕdabé֧̇r miţò̇wkĕ־háʼé֛ş̌ ká̇mò֖nẇ wayėֽẖiy׃

27
קְרַ֤ב אַתָּה֙ וּֽשֲׁמָ֔ע אֵ֛ת כָּל־אֲשֶׁ֥ר יֹאמַ֖ר יְהוָ֣ה אֱלֹהֵ֑ינוּ וְאַ֣תְּ׀ תְּדַבֵּ֣ר אֵלֵ֗ינוּ אֵת֩ כָּל־אֲשֶׁ֨ר יְדַבֵּ֜ר יְהוָ֧ה אֱלֹהֵ֛ינוּ אֵלֶ֖יךָ וְשָׁמַ֥עְנוּ וְעָשִֽׂינוּ׃

qĕra֤b ʼaţá̇h֙ ẇֽşà̌má֔ʻ ʼé֛ţ ká̇l־ʼàşě֥r yòʼma֖r yĕhwá֣h ʼèlòhé֑ynẇ wĕʼa֣ţĕ̇׀ ţĕ̇dabé֣̇r ʼélé֗ynẇ ʼéţ֩ ká̇l־ʼàşě֨r yĕdabé̇֜r yĕhwá֧h ʼèlòhé֛ynẇ ʼéle֖yká wĕşá̌ma֥ʻĕnẇ wĕʻáşîֽynẇ׃

28
וַיִּשְׁמַ֤ע יְהוָה֙ אֶת־קֹ֣ול דִּבְרֵיכֶ֔ם בְּדַבֶּרְכֶ֖ם אֵלָ֑י וַיֹּ֨אמֶר יְהוָ֜ה אֵלַ֗י שָׁ֠מַעְתִּי אֶת־קֹ֨ול דִּבְרֵ֜י הָעָ֤ם הַזֶּה֙ אֲשֶׁ֣ר דִּבְּר֣וּ אֵלֶ֔יךָ הֵיטִ֖יבוּ כָּל־אֲשֶׁ֥ר דִּבֵּֽרוּ׃

wayi̇şĕ̌ma֤ʻ yĕhwáh֙ ʼeţ־qò֣wl di̇bĕréyke֔m bĕ̇dabėrĕke֖m ʼélá֑y wayò̇֨ʼmer yĕhwá֜h ʼéla֗y şá̌֠maʻĕţi̇y ʼeţ־qò֨wl di̇bĕré֜y háʻá֤m hazėh֙ ʼàşě֣r di̇bĕ̇r֣ẇ ʼéle֔yká héyti֖ybẇ ká̇l־ʼàşě֥r di̇béֽ̇rẇ׃

29
מִֽי־יִתֵּ֡ן וְהָיָה֩ לְבָבָ֨ם זֶ֜ה לָהֶ֗ם לְיִרְאָ֥ה אֹתִ֛י וְלִשְׁמֹ֥ר אֶת־כָּל־מִצְוֹתַ֖י כָּל־הַיָּמִ֑ים לְמַ֨עַן יִיטַ֥ב לָהֶ֛ם וְלִבְנֵיהֶ֖ם לְעֹלָֽם׃

miֽy־yiţé̇֡n wĕháyáh֩ lĕbábá֨m ze֜h láhe֗m lĕyirĕʼá֥h ʼòţi֛y wĕlişĕ̌mò֥r ʼeţ־ká̇l־miẕĕwòţa֖y ká̇l־hayá̇mi֑ym lĕma֨ʻan yiyta֥b láhe֛m wĕlibĕnéyhe֖m lĕʻòláֽm׃

30
לֵ֖ךְ אֱמֹ֣ר לָהֶ֑ם שׁ֥וּבוּ לָכֶ֖ם לְאָהֳלֵיכֶֽם׃

lé֖kĕ ʼèmò֣r láhe֑m ş֥̌ẇbẇ láke֖m lĕʼáholéykeֽm׃

31
וְאַתָּ֗ה פֹּה֮ עֲמֹ֣ד עִמָּדִי֒ וַאֲדַבְּרָ֣ה אֵלֶ֗יךָ אֵ֧ת כָּל־הַמִּצְוָ֛ה וְהַחֻקִּ֥ים וְהַמִּשְׁפָּטִ֖ים אֲשֶׁ֣ר תְּלַמְּדֵ֑ם וְעָשׂ֣וּ בָאָ֔רֶץ אֲשֶׁ֧ר אָנֹכִ֛י נֹתֵ֥ן לָהֶ֖ם לְרִשְׁתָּֽהּ׃

wĕʼaţá̇֗h pò̇h֮ ʻàmò֣d ʻimá̇diy֒ waʼàdabĕ̇rá֣h ʼéle֗yká ʼé֧ţ ká̇l־hami̇ẕĕwá֛h wĕhaẖuqi֥̇ym wĕhami̇şĕ̌pá̇ti֖ym ʼàşě֣r ţĕ̇lamĕ̇dé֑m wĕʻáş֣̂ẇ báʼá֔reẕ ʼàşě֧r ʼánòki֛y nòţé֥n láhe֖m lĕrişĕ̌ţáֽ̇ḣ׃

32
וּשְׁמַרְתֶּ֣ם לַעֲשֹׂ֔ות כַּאֲשֶׁ֥ר צִוָּ֛ה יְהוָ֥ה אֱלֹהֵיכֶ֖ם אֶתְכֶ֑ם לֹ֥א תָסֻ֖רוּ יָמִ֥ין וּשְׂמֹֽאל׃

ẇşĕ̌marĕţė֣m laʻàşò̂֔wţ kȧʼàşě֥r ẕiwá֛̇h yĕhwá֥h ʼèlòhéyke֖m ʼeţĕke֑m lò֥ʼ ţásu֖rẇ yámi֥yn ẇşĕ̂mòֽʼl׃

33
בְּכָל־הַדֶּ֗רֶךְ אֲשֶׁ֨ר צִוָּ֜ה יְהוָ֧ה אֱלֹהֵיכֶ֛ם אֶתְכֶ֖ם תֵּלֵ֑כוּ לְמַ֤עַן תִּֽחְיוּן֙ וְטֹ֣וב לָכֶ֔ם וְהַאֲרַכְתֶּ֣ם יָמִ֔ים בָּאָ֖רֶץ אֲשֶׁ֥ר תִּֽירָשֽׁוּן׃

bĕ̇kál־hadė֗rekĕ ʼàşě֨r ẕiwá̇֜h yĕhwá֧h ʼèlòhéyke֛m ʼeţĕke֖m ţé̇lé֑kẇ lĕma֤ʻan ţiֽ̇ẖĕyẇn֙ wĕtò֣wb láke֔m wĕhaʼàrakĕţė֣m yámi֔ym bá̇ʼá֖reẕ ʼàşě֥r ţiֽ̇yráşֽ̌ẇn׃