Bibles en langues anciennes
Traductions anciennes
Traductions modernes

Biblia Hebraica Stuttgartensia Ézéchiel 10, 20

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וָאֶרְאֶ֗ה וְהִנֵּ֤ה אֶל־הָרָקִ֨יעַ֙ אֲשֶׁר֙ עַל־רֹ֣אשׁ הַכְּרֻבִ֔ים כְּאֶ֣בֶן סַפִּ֔יר כְּמַרְאֵ֖ה דְּמ֣וּת כִּסֵּ֑א נִרְאָ֖ה עֲלֵיהֶֽם׃

wáʼerĕʼe֗h wĕhiné֤̇h ʼel־háráqi֨yʻa֙ ʼàşěr֙ ʻal־rò֣ʼş̌ hakĕ̇rubi֔ym kĕ̇ʼe֣ben sapi̇֔yr kĕ̇marĕʼé֖h dĕ̇m֣ẇţ ki̇sé֑̇ʼ nirĕʼá֖h ʻàléyheֽm׃

2
וַיֹּ֜אמֶר אֶל־הָאִ֣ישׁ׀ לְבֻ֣שׁ הַבַּדִּ֗ים וַיֹּ֡אמֶר בֹּא֩ אֶל־בֵּינֹ֨ות לַגַּלְגַּ֜ל אֶל־תַּ֣חַת לַכְּר֗וּב וּמַלֵּ֨א חָפְנֶ֤יךָ גַֽחֲלֵי־אֵשׁ֙ מִבֵּינֹ֣ות לַכְּרֻבִ֔ים וּזְרֹ֖ק עַל־הָעִ֑יר וַיָּבֹ֖א לְעֵינָֽי׃

wayò̇֜ʼmer ʼel־háʼi֣yş̌׀ lĕbu֣ş̌ habȧdi̇֗ym wayò̇֡ʼmer bò̇ʼ֩ ʼel־bé̇ynò֨wţ lagȧlĕgȧ֜l ʼel־ţȧ֣ẖaţ lakĕ̇r֗ẇb ẇmalé̇֨ʼ ẖápĕne֤yká gaֽẖàléy־ʼéş̌֙ mibé̇ynò֣wţ lakĕ̇rubi֔ym ẇzĕrò֖q ʻal־háʻi֑yr wayá̇bò֖ʼ lĕʻéynáֽy׃

3
וְהַכְּרֻבִ֗ים עֹֽמְדִ֛ים מִימִ֥ין לַבַּ֖יִת בְּבֹאֹ֣ו הָאִ֑ישׁ וְהֶעָנָ֣ן מָלֵ֔א אֶת־הֶחָצֵ֖ר הַפְּנִימִֽית׃

wĕhakĕ̇rubi֗ym ʻòֽmĕdi֛ym miymi֥yn labȧ֖yiţ bĕ̇bòʼò֣w háʼi֑yş̌ wĕheʻáná֣n málé֔ʼ ʼeţ־heẖáẕé֖r hapĕ̇niymiֽyţ׃

4
וַיָּ֤רָם כְּבֹוד־יְהוָה֙ מֵעַ֣ל הַכְּר֔וּב עַ֖ל מִפְתַּ֣ן הַבָּ֑יִת וַיִּמָּלֵ֤א הַבַּ֨יִת֙ אֶת־הֶ֣עָנָ֔ן וְהֶֽחָצֵר֙ מָֽלְאָ֔ה אֶת־נֹ֖גַהּ כְּבֹ֥וד יְהוָֽה׃

wayá֤̇rám kĕ̇bòwd־yĕhwáh֙ méʻa֣l hakĕ̇r֔ẇb ʻa֖l mipĕţȧ֣n habá֑̇yiţ wayi̇má̇lé֤ʼ habȧ֨yiţ֙ ʼeţ־he֣ʻáná֔n wĕheֽẖáẕér֙ máֽlĕʼá֔h ʼeţ־nò֖gaḣ kĕ̇bò֥wd yĕhwáֽh׃

5
וְקֹול֙ כַּנְפֵ֣י הַכְּרוּבִ֔ים נִשְׁמַ֕ע עַד־הֶחָצֵ֖ר הַחִיצֹנָ֑ה כְּקֹ֥ול אֵל־שַׁדַּ֖י בְּדַבְּרֹֽו׃

wĕqòwl֙ kȧnĕpé֣y hakĕ̇rẇbi֔ym nişĕ̌ma֕ʻ ʻad־heẖáẕé֖r haẖiyẕòná֑h kĕ̇qò֥wl ʼél־şǎdȧ֖y bĕ̇dabĕ̇ròֽw׃

6
וַיְהִ֗י בְּצַוֹּתֹו֙ אֶת־הָאִ֤ישׁ לְבֻֽשׁ־הַבַּדִּים֙ לֵאמֹ֔ר קַ֥ח אֵשׁ֙ מִבֵּינֹ֣ות לַגַּלְגַּ֔ל מִבֵּינֹ֖ות לַכְּרוּבִ֑ים וַיָּבֹא֙ וַֽיַּעֲמֹ֔ד אֵ֖צֶל הָאֹופָֽן׃

wayĕhi֗y bĕ̇ẕawò̇ţòw֙ ʼeţ־háʼi֤yş̌ lĕbuֽş̌־habȧdi̇ym֙ léʼmò֔r qa֥ẖ ʼéş̌֙ mibé̇ynò֣wţ lagȧlĕgȧ֔l mibé̇ynò֖wţ lakĕ̇rẇbi֑ym wayá̇bòʼ֙ waֽyȧʻàmò֔d ʼé֖ẕel háʼòwpáֽn׃

7
וַיִּשְׁלַח֩ הַכְּר֨וּב אֶת־יָדֹ֜ו מִבֵּינֹ֣ות לַכְּרוּבִ֗ים אֶל־הָאֵשׁ֙ אֲשֶׁר֙ בֵּינֹ֣ות הַכְּרֻבִ֔ים וַיִּשָּׂא֙ וַיִּתֵּ֔ן אֶל־חָפְנֵ֖י לְבֻ֣שׁ הַבַּדִּ֑ים וַיִּקַּ֖ח וַיֵּצֵֽא׃

wayi̇şĕ̌laẖ֩ hakĕ̇r֨ẇb ʼeţ־yádò֜w mibé̇ynò֣wţ lakĕ̇rẇbi֗ym ʼel־háʼéş̌֙ ʼàşěr֙ bé̇ynò֣wţ hakĕ̇rubi֔ym wayi̇şá̇̂ʼ֙ wayi̇ţé̇֔n ʼel־ẖápĕné֖y lĕbu֣ş̌ habȧdi֑̇ym wayi̇qȧ֖ẖ wayé̇ẕéֽʼ׃

8
וַיֵּרָ֖א לַכְּרֻבִ֑ים תַּבְנִית֙ יַד־אָדָ֔ם תַּ֖חַת כַּנְפֵיהֶֽם׃

wayé̇rá֖ʼ lakĕ̇rubi֑ym ţȧbĕniyţ֙ yad־ʼádá֔m ţȧ֖ẖaţ kȧnĕpéyheֽm׃

9
וָאֶרְאֶ֗ה וְהִנֵּ֨ה אַרְבָּעָ֣ה אֹופַנִּים֮ אֵ֣צֶל הַכְּרוּבִים֒ אֹופַ֣ן אֶחָ֗ד אֵ֚צֶל הַכְּר֣וּב אֶחָ֔ד וְאֹופַ֣ן אֶחָ֔ד אֵ֖צֶל הַכְּר֣וּב אֶחָ֑ד וּמַרְאֵה֙ הָאֹ֣ופַנִּ֔ים כְּעֵ֖ין אֶ֥בֶן תַּרְשִֽׁישׁ׃

wáʼerĕʼe֗h wĕhiné̇֨h ʼarĕbá̇ʻá֣h ʼòwpani̇ym֮ ʼé֣ẕel hakĕ̇rẇbiym֒ ʼòwpa֣n ʼeẖá֗d ʼé֚ẕel hakĕ̇r֣ẇb ʼeẖá֔d wĕʼòwpa֣n ʼeẖá֔d ʼé֖ẕel hakĕ̇r֣ẇb ʼeẖá֑d ẇmarĕʼéh֙ háʼò֣wpani̇֔ym kĕ̇ʻé֖yn ʼe֥ben ţȧrĕşǐֽyş̌׃

10
וּמַ֨רְאֵיהֶ֔ם דְּמ֥וּת אֶחָ֖ד לְאַרְבַּעְתָּ֑ם כַּאֲשֶׁ֛ר יִהְיֶ֥ה הָאֹופַ֖ן בְּתֹ֥וךְ הָאֹופָֽן׃

ẇma֨rĕʼéyhe֔m dĕ̇m֥ẇţ ʼeẖá֖d lĕʼarĕbȧʻĕţá֑̇m kȧʼàşě֛r yihĕye֥h háʼòwpa֖n bĕ̇ţò֥wkĕ háʼòwpáֽn׃

11
בְּלֶכְתָּ֗ם אֶל־אַרְבַּ֤עַת רִבְעֵיהֶם֙ יֵלֵ֔כוּ לֹ֥א יִסַּ֖בּוּ בְּלֶכְתָּ֑ם כִּ֣י הַמָּקֹ֞ום אֲשֶׁר־יִפְנֶ֤ה הָרֹאשׁ֙ אַחֲרָ֣יו יֵלֵ֔כוּ לֹ֥א יִסַּ֖בּוּ בְּלֶכְתָּֽם׃

bĕ̇lekĕţá̇֗m ʼel־ʼarĕbȧ֤ʻaţ ribĕʻéyhem֙ yélé֔kẇ lò֥ʼ yisȧ֖ḃẇ bĕ̇lekĕţá֑̇m ki֣̇y hamá̇qò֞wm ʼàşěr־yipĕne֤h háròʼş̌֙ ʼaẖàrá֣yw yélé֔kẇ lò֥ʼ yisȧ֖ḃẇ bĕ̇lekĕţáֽ̇m׃

12
וְכָל־בְּשָׂרָם֙ וְגַבֵּהֶ֔ם וִֽידֵיהֶ֖ם וְכַנְפֵיהֶ֑ם וְהָאֹֽופַנִּ֗ים מְלֵאִ֤ים עֵינַ֨יִם֙ סָבִ֔יב לְאַרְבַּעְתָּ֖ם אֹופַנֵּיהֶֽם׃

wĕkál־bĕ̇şá̂rám֙ wĕgabé̇he֔m wiֽydéyhe֖m wĕkanĕpéyhe֑m wĕháʼòֽwpani̇֗ym mĕléʼi֤ym ʻéyna֨yim֙ sábi֔yb lĕʼarĕbȧʻĕţá֖̇m ʼòwpané̇yheֽm׃

13
לָאֹ֖ופַנִּ֑ים לָהֶ֛ם קֹורָ֥א הַגַּלְגַּ֖ל בְּאָזְנָֽי׃

láʼò֖wpani֑̇ym láhe֛m qòwrá֥ʼ hagȧlĕgȧ֖l bĕ̇ʼázĕnáֽy׃

14
וְאַרְבָּעָ֥ה פָנִ֖ים לְאֶחָ֑ד פְּנֵ֨י הָאֶחָ֜ד פְּנֵ֣י הַכְּר֗וּב וּפְנֵ֤י הַשֵּׁנִי֙ פְּנֵ֣י אָדָ֔ם וְהַשְּׁלִישִׁי֙ פְּנֵ֣י אַרְיֵ֔ה וְהָרְבִיעִ֖י פְּנֵי־נָֽשֶׁר׃

wĕʼarĕbá̇ʻá֥h páni֖ym lĕʼeẖá֑d pĕ̇né֨y háʼeẖá֜d pĕ̇né֣y hakĕ̇r֗ẇb ẇpĕné֤y haşé̇̌niy֙ pĕ̇né֣y ʼádá֔m wĕhaşĕ̇̌liyşǐy֙ pĕ̇né֣y ʼarĕyé֔h wĕhárĕbiyʻi֖y pĕ̇néy־náֽşěr׃

15
וַיֵּרֹ֖מּוּ הַכְּרוּבִ֑ים הִ֣יא הַחַיָּ֔ה אֲשֶׁ֥ר רָאִ֖יתִי בִּֽנְהַר־כְּבָֽר׃

wayé̇rò֖ṁẇ hakĕ̇rẇbi֑ym hi֣yʼ haẖayá̇֔h ʼàşě֥r ráʼi֖yţiy biֽ̇nĕhar־kĕ̇báֽr׃

16
וּבְלֶ֨כֶת֙ הַכְּרוּבִ֔ים יֵלְכ֥וּ הָאֹופַנִּ֖ים אֶצְלָ֑ם וּבִשְׂאֵ֨ת הַכְּרוּבִ֜ים אֶת־כַּנְפֵיהֶ֗ם לָרוּם֙ מֵעַ֣ל הָאָ֔רֶץ לֹא־יִסַּ֧בּוּ הָאֹופַנִּ֛ים גַּם־הֵ֖ם מֵאֶצְלָֽם׃

ẇbĕle֨keţ֙ hakĕ̇rẇbi֔ym yélĕk֥ẇ háʼòwpani֖̇ym ʼeẕĕlá֑m ẇbişĕ̂ʼé֨ţ hakĕ̇rẇbi֜ym ʼeţ־kȧnĕpéyhe֗m lárẇm֙ méʻa֣l háʼá֔reẕ lòʼ־yisȧ֧ḃẇ háʼòwpani֛̇ym gȧm־hé֖m méʼeẕĕláֽm׃

17
בְּעָמְדָ֣ם יַעֲמֹ֔דוּ וּבְרֹומָ֖ם יֵרֹ֣ומּוּ אֹותָ֑ם כִּ֛י ר֥וּחַ הַחַיָּ֖ה בָּהֶֽם׃

bĕ̇ʻámĕdá֣m yaʻàmò֔dẇ ẇbĕròwmá֖m yérò֣wṁẇ ʼòwţá֑m ki֛̇y r֥ẇẖa haẖayá֖̇h bá̇heֽm׃

18
וַיֵּצֵא֙ כְּבֹ֣וד יְהוָ֔ה מֵעַ֖ל מִפְתַּ֣ן הַבָּ֑יִת וַֽיַּעֲמֹ֖ד עַל־הַכְּרוּבִֽים׃

wayé̇ẕéʼ֙ kĕ̇bò֣wd yĕhwá֔h méʻa֖l mipĕţȧ֣n habá֑̇yiţ waֽyȧʻàmò֖d ʻal־hakĕ̇rẇbiֽym׃

19
וַיִּשְׂא֣וּ הַכְּרוּבִ֣ים אֶת־כַּ֠נְפֵיהֶם וַיֵּרֹ֨ומּוּ מִן־הָאָ֤רֶץ לְעֵינַי֙ בְּצֵאתָ֔ם וְהָאֹֽופַנִּ֖ים לְעֻמָּתָ֑ם וַֽיַּעֲמֹ֗ד פֶּ֣תַח שַׁ֤עַר בֵּית־יְהוָה֙ הַקַּדְמֹונִ֔י וּכְבֹ֧וד אֱלֹהֵֽי־יִשְׂרָאֵ֛ל עֲלֵיהֶ֖ם מִלְמָֽעְלָה׃

wayi̇şĕ̂ʼ֣ẇ hakĕ̇rẇbi֣ym ʼeţ־kȧ֠nĕpéyhem wayé̇rò֨wṁẇ min־háʼá֤reẕ lĕʻéynay֙ bĕ̇ẕéʼţá֔m wĕháʼòֽwpani֖̇ym lĕʻumá̇ţá֑m waֽyȧʻàmò֗d pė֣ţaẖ şǎ֤ʻar bé̇yţ־yĕhwáh֙ haqȧdĕmòwni֔y ẇkĕbò֧wd ʼèlòhéֽy־yişĕ̂ráʼé֛l ʻàléyhe֖m milĕmáֽʻĕláh׃

20
הִ֣יא הַחַיָּ֗ה אֲשֶׁ֥ר רָאִ֛יתִי תַּ֥חַת אֱלֹהֵֽי־יִשְׂרָאֵ֖ל בִּֽנְהַר־כְּבָ֑ר וָאֵדַ֕ע כִּ֥י כְרוּבִ֖ים הֵֽמָּה׃

hi֣yʼ haẖayá̇֗h ʼàşě֥r ráʼi֛yţiy ţȧ֥ẖaţ ʼèlòhéֽy־yişĕ̂ráʼé֖l biֽ̇nĕhar־kĕ̇bá֑r wáʼéda֕ʻ ki֥̇y kĕrẇbi֖ym héֽmá̇h׃

21
אַרְבָּעָ֨ה אַרְבָּעָ֤ה פָנִים֙ לְאֶחָ֔ד וְאַרְבַּ֥ע כְּנָפַ֖יִם לְאֶחָ֑ד וּדְמוּת֙ יְדֵ֣י אָדָ֔ם תַּ֖חַת כַּנְפֵיהֶֽם׃

ʼarĕbá̇ʻá֨h ʼarĕbá̇ʻá֤h pániym֙ lĕʼeẖá֔d wĕʼarĕbȧ֥ʻ kĕ̇nápa֖yim lĕʼeẖá֑d ẇdĕmẇţ֙ yĕdé֣y ʼádá֔m ţȧ֖ẖaţ kȧnĕpéyheֽm׃

22
וּדְמ֣וּת פְּנֵיהֶ֔ם הֵ֣מָּה הַפָּנִ֗ים אֲשֶׁ֤ר רָאִ֨יתִי֙ עַל־נְהַר־כְּבָ֔ר מַרְאֵיהֶ֖ם וְאֹותָ֑ם אִ֛ישׁ אֶל־עֵ֥בֶר פָּנָ֖יו יֵלֵֽכוּ׃

ẇdĕm֣ẇţ pĕ̇néyhe֔m hé֣má̇h hapá̇ni֗ym ʼàşě֤r ráʼi֨yţiy֙ ʻal־nĕhar־kĕ̇bá֔r marĕʼéyhe֖m wĕʼòwţá֑m ʼi֛yş̌ ʼel־ʻé֥ber pá̇ná֖yw yéléֽkẇ׃