Bibles en langues anciennes
Traductions anciennes
Traductions modernes

Biblia Hebraica Stuttgartensia Ézéchiel 24, 27

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיְהִי֩ דְבַר־יְהוָ֨ה אֵלַ֜י בַּשָּׁנָ֤ה הַתְּשִׁיעִית֙ בַּחֹ֣דֶשׁ הָעֲשִׂירִ֔י בֶּעָשֹׂ֥ור לַחֹ֖דֶשׁ לֵאמֹֽר׃

wayĕhiy֩ dĕbar־yĕhwá֨h ʼéla֜y bȧşá̇̌ná֤h haţĕ̇şǐyʻiyţ֙ bȧẖò֣deş̌ háʻàşîyri֔y bėʻáşò֥̂wr laẖò֖deş̌ léʼmòֽr׃

2
בֶּן־אָדָ֗ם כְּתֹוב לְךָ֙ אֶת־שֵׁ֣ם הַיֹּ֔ום אֶת־עֶ֖צֶם הַיֹּ֣ום הַזֶּ֑ה סָמַ֤ךְ מֶֽלֶךְ־בָּבֶל֙ אֶל־יְר֣וּשָׁלִַ֔ם בְּעֶ֖צֶם הַיֹּ֥ום הַזֶּֽה׃

bėn־ʼádá֗m kĕ̇ţòwb lĕká֙ ʼeţ־şé֣̌m hayò̇֔wm ʼeţ־ʻe֖ẕem hayò֣̇wm hazė֑h sáma֤kĕ meֽlekĕ־bá̇bel֙ ʼel־yĕr֣ẇşá̌lia֔m bĕ̇ʻe֖ẕem hayò֥̇wm hazėֽh׃

3
וּמְשֹׁ֤ל אֶל־בֵּית־הַמֶּ֨רִי֙ מָשָׁ֔ל וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהוִ֑ה שְׁפֹ֤ת הַסִּיר֙ שְׁפֹ֔ת וְגַם־יְצֹ֥ק בֹּ֖ו מָֽיִם׃

ẇmĕşò֤̌l ʼel־bé̇yţ־hamė֨riy֙ máşá̌֔l wĕʼámarĕţá֣̇ ʼàléyhe֔m kò֥̇h ʼáma֖r ʼàdòná֣y yĕhwi֑h şĕ̌pò֤ţ hasi̇yr֙ şĕ̌pò֔ţ wĕgam־yĕẕò֥q bò֖̇w máֽyim׃

4
אֱסֹ֤ף נְתָחֶ֨יהָ֙ אֵלֶ֔יהָ כָּל־נֵ֥תַח טֹ֖וב יָרֵ֣ךְ וְכָתֵ֑ף מִבְחַ֥ר עֲצָמִ֖ים מַלֵּֽא׃

ʼèsò֤p nĕţáẖe֨yhá֙ ʼéle֔yhá ká̇l־né֥ţaẖ tò֖wb yáré֣kĕ wĕkáţé֑p mibĕẖa֥r ʻàẕámi֖ym maléֽ̇ʼ׃

5
מִבְחַ֤ר הַצֹּאן֙ לָקֹ֔וחַ וְגַ֛ם דּ֥וּר הָעֲצָמִ֖ים תַּחְתֶּ֑יהָ רַתַּ֣ח רְתָחֶ֔יהָ גַּם־בָּשְׁל֥וּ עֲצָמֶ֖יהָ בְּתֹוכָֽהּ׃ ס

mibĕẖa֤r haẕò̇ʼn֙ láqò֔wẖa wĕga֛m ḋ֥ẇr háʻàẕámi֖ym ţȧẖĕţė֑yhá raţȧ֣ẖ rĕţáẖe֔yhá gȧm־bá̇şĕ̌l֥ẇ ʻàẕáme֖yhá bĕ̇ţòwkáֽḣ׃ s

6
לָכֵ֞ן כֹּה־אָמַ֣ר׀ אֲדֹנָ֣י יְהֹוִ֗ה אֹוי֮ עִ֣יר הַדָּמִים֒ סִ֚יר אֲשֶׁ֣ר חֶלְאָתָ֣ה בָ֔הּ וְחֶ֨לְאָתָ֔הּ לֹ֥א יָצְאָ֖ה מִמֶּ֑נָּה לִנְתָחֶ֤יהָ לִנְתָחֶ֨יהָ֙ הֹוצִיאָ֔הּ לֹא־נָפַ֥ל עָלֶ֖יהָ גֹּורָֽל׃

láké֞n kò̇h־ʼáma֣r׀ ʼàdòná֣y yĕhòwi֗h ʼòwy֮ ʻi֣yr hadá̇miym֒ si֚yr ʼàşě֣r ẖelĕʼáţá֣h bá֔ḣ wĕẖe֨lĕʼáţá֔ḣ lò֥ʼ yáẕĕʼá֖h mimė֑ná̇h linĕţáẖe֤yhá linĕţáẖe֨yhá֙ hòwẕiyʼá֔ḣ lòʼ־nápa֥l ʻále֖yhá gò̇wráֽl׃

7
כִּ֤י דָמָהּ֙ בְּתֹוכָ֣הּ הָיָ֔ה עַל־צְחִ֥יחַ סֶ֖לַע שָׂמָ֑תְהוּ לֹ֤א שְׁפָכַ֨תְהוּ֙ עַל־הָאָ֔רֶץ לְכַסֹּ֥ות עָלָ֖יו עָפָֽר׃

ki֤̇y dámáḣ֙ bĕ̇ţòwká֣ḣ háyá֔h ʻal־ẕĕẖi֥yẖa se֖laʻ şá̂má֑ţĕhẇ lò֤ʼ şĕ̌páka֨ţĕhẇ֙ ʻal־háʼá֔reẕ lĕkasò֥̇wţ ʻálá֖yw ʻápáֽr׃

8
לְהַעֲלֹ֤ות חֵמָה֙ לִנְקֹ֣ם נָקָ֔ם נָתַ֥תִּי אֶת־דָּמָ֖הּ עַל־צְחִ֣יחַ סָ֑לַע לְבִלְתִּ֖י הִכָּסֹֽות׃ פ

lĕhaʻàlò֤wţ ẖémáh֙ linĕqò֣m náqá֔m náţa֥ţi̇y ʼeţ־dá̇má֖ḣ ʻal־ẕĕẖi֣yẖa sá֑laʻ lĕbilĕţi֖̇y hiká̇sòֽwţ׃ p

9
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה אֹ֖וי עִ֣יר הַדָּמִ֑ים גַּם־אֲנִ֖י אַגְדִּ֥יל הַמְּדוּרָֽה׃

láké֗n kò֤̇h ʼámar֙ ʼàdòná֣y yĕhwi֔h ʼò֖wy ʻi֣yr hadá̇mi֑ym gȧm־ʼàni֖y ʼagĕdi֥̇yl hamĕ̇dẇráֽh׃

10
הַרְבֵּ֤ה הָעֵצִים֙ הַדְלֵ֣ק הָאֵ֔שׁ הָתֵ֖ם הַבָּשָׂ֑ר וְהַרְקַח֙ הַמֶּרְקָחָ֔ה וְהָעֲצָמֹ֖ות יֵחָֽרוּ׃

harĕbé֤̇h háʻéẕiym֙ hadĕlé֣q háʼé֔ş̌ háţé֖m habá̇şá֑̂r wĕharĕqaẖ֙ hamėrĕqáẖá֔h wĕháʻàẕámò֖wţ yéẖáֽrẇ׃

11
וְהַעֲמִידֶ֥הָ עַל־גֶּחָלֶ֖יהָ רֵקָ֑ה לְמַ֨עַן תֵּחַ֜ם וְחָ֣רָה נְחֻשְׁתָּ֗הּ וְנִתְּכָ֤ה בְתֹוכָהּ֙ טֻמְאָתָ֔הּ תִּתֻּ֖ם חֶלְאָתָֽהּ׃

wĕhaʻàmiyde֥há ʻal־gėẖále֖yhá réqá֑h lĕma֨ʻan ţé̇ẖa֜m wĕẖá֣ráh nĕẖuşĕ̌ţá̇֗ḣ wĕniţĕ̇ká֤h bĕţòwkáḣ֙ tumĕʼáţá֔ḣ ţi̇ţu֖̇m ẖelĕʼáţáֽḣ׃

12
תְּאֻנִ֖ים הֶלְאָ֑ת וְלֹֽא־תֵצֵ֤א מִמֶּ֨נָּה֙ רַבַּ֣ת חֶלְאָתָ֔הּ בְּאֵ֖שׁ חֶלְאָתָֽהּ׃

ţĕ̇ʼuni֖ym helĕʼá֑ţ wĕlòֽʼ־ţéẕé֤ʼ mimė֨ná̇h֙ rabȧ֣ţ ẖelĕʼáţá֔ḣ bĕ̇ʼé֖ş̌ ẖelĕʼáţáֽḣ׃

13
בְּטֻמְאָתֵ֖ךְ זִמָּ֑ה יַ֤עַן טִֽהַרְתִּיךְ֙ וְלֹ֣א טָהַ֔רְתְּ מִטֻּמְאָתֵךְ֙ לֹ֣א תִטְהֲרִי־עֹ֔וד עַד־הֲנִיחִ֥י אֶת־חֲמָתִ֖י בָּֽךְ׃

bĕ̇tumĕʼáţé֖kĕ zimá֑̇h ya֤ʻan tiֽharĕţi̇ykĕ֙ wĕlò֣ʼ táha֔rĕţĕ̇ mitu̇mĕʼáţékĕ֙ lò֣ʼ ţitĕhàriy־ʻò֔wd ʻad־hàniyẖi֥y ʼeţ־ẖàmáţi֖y báֽ̇kĕ׃

14
אֲנִ֨י יְהוָ֤ה דִּבַּ֨רְתִּי֙ בָּאָ֣ה וְעָשִׂ֔יתִי לֹֽא־אֶפְרַ֥ע וְלֹא־אָח֖וּס וְלֹ֣א אֶנָּחֵ֑ם כִּדְרָכַ֤יִךְ וְכַעֲלִילֹותַ֨יִךְ֙ שְׁפָט֔וּךְ נְאֻ֖ם אֲדֹנָ֥י יְהֹוִֽה׃ פ

ʼàni֨y yĕhwá֤h di̇bȧ֨rĕţi̇y֙ bá̇ʼá֣h wĕʻáşî֔yţiy lòֽʼ־ʼepĕra֥ʻ wĕlòʼ־ʼáẖ֖ẇs wĕlò֣ʼ ʼená̇ẖé֑m ki̇dĕráka֤yikĕ wĕkaʻàliylòwţa֨yikĕ֙ şĕ̌pát֔ẇkĕ nĕʼu֖m ʼàdòná֥y yĕhòwiֽh׃ p

15
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

16
בֶּן־אָדָ֕ם הִנְנִ֨י לֹקֵ֧חַ מִמְּךָ֛ אֶת־מַחְמַ֥ד עֵינֶ֖יךָ בְּמַגֵּפָ֑ה וְלֹ֤א תִסְפֹּד֙ וְלֹ֣א תִבְכֶּ֔ה וְלֹ֥וא תָבֹ֖וא דִּמְעָתֶֽךָ׃

bėn־ʼádá֕m hinĕni֨y lòqé֧ẖa mimĕ̇ká֛ ʼeţ־maẖĕma֥d ʻéyne֖yká bĕ̇magé̇pá֑h wĕlò֤ʼ ţisĕpò̇d֙ wĕlò֣ʼ ţibĕkė֔h wĕlò֥wʼ ţábò֖wʼ di̇mĕʻáţeֽká׃

17
הֵאָנֵ֣ק׀ דֹּ֗ם מֵתִים֙ אֵ֣בֶל לֹֽא־תַֽעֲשֶׂ֔ה פְאֵֽרְךָ֙ חֲבֹ֣ושׁ עָלֶ֔יךָ וּנְעָלֶ֖יךָ תָּשִׂ֣ים בְּרַגְלֶ֑יךָ וְלֹ֤א תַעְטֶה֙ עַל־שָׂפָ֔ם וְלֶ֥חֶם אֲנָשִׁ֖ים לֹ֥א תֹאכֵֽל׃

héʼáné֣q׀ dò̇֗m méţiym֙ ʼé֣bel lòֽʼ־ţaֽʻàşê֔h pĕʼéֽrĕká֙ ẖàbò֣wş̌ ʻále֔yká ẇnĕʻále֖yká ţá̇şî֣ym bĕ̇ragĕle֑yká wĕlò֤ʼ ţaʻĕteh֙ ʻal־şá̂pá֔m wĕle֥ẖem ʼànáşǐ֖ym lò֥ʼ ţòʼkéֽl׃

18
וָאֲדַבֵּ֤ר אֶל־הָעָם֙ בַּבֹּ֔קֶר וַתָּ֥מָת אִשְׁתִּ֖י בָּעָ֑רֶב וָאַ֥עַשׂ בַּבֹּ֖קֶר כַּאֲשֶׁ֥ר צֻוֵּֽיתִי׃

wáʼàdabé֤̇r ʼel־háʻám֙ bȧbò̇֔qer waţá֥̇máţ ʼişĕ̌ţi֖̇y bá̇ʻá֑reb wáʼa֥ʻaş̂ bȧbò֖̇qer kȧʼàşě֥r ẕuwéֽ̇yţiy׃

19
וַיֹּאמְר֥וּ אֵלַ֖י הָעָ֑ם הֲלֹֽא־תַגִּ֥יד לָ֨נוּ֙ מָה־אֵ֣לֶּה לָּ֔נוּ כִּ֥י אַתָּ֖ה עֹשֶֽׂה׃

wayò̇ʼmĕr֥ẇ ʼéla֖y háʻá֑m hàlòֽʼ־ţagi֥̇yd lá֨nẇ֙ máh־ʼé֣lėh lá̇֔nẇ ki֥̇y ʼaţá֖̇h ʻòşêֽh׃

20
וָאֹמַ֖ר אֲלֵיהֶ֑ם דְּבַ֨ר־יְהוָ֔ה הָיָ֥ה אֵלַ֖י לֵאמֹֽר׃

wáʼòma֖r ʼàléyhe֑m dĕ̇ba֨r־yĕhwá֔h háyá֥h ʼéla֖y léʼmòֽr׃

21
אֱמֹ֣ר׀ לְבֵ֣ית יִשְׂרָאֵ֗ל כֹּֽה־אָמַר֮ אֲדֹנָ֣י יְהוִה֒ הִנְנִ֨י מְחַלֵּ֤ל אֶת־מִקְדָּשִׁי֙ גְּאֹ֣ון עֻזְּכֶ֔ם מַחְמַ֥ד עֵֽינֵיכֶ֖ם וּמַחְמַ֣ל נַפְשְׁכֶ֑ם וּבְנֵיכֶ֧ם וּבְנֹֽותֵיכֶ֛ם אֲשֶׁ֥ר עֲזַבְתֶּ֖ם בַּחֶ֥רֶב יִפֹּֽלוּ׃

ʼèmò֣r׀ lĕbé֣yţ yişĕ̂ráʼé֗l kòֽ̇h־ʼámar֮ ʼàdòná֣y yĕhwih֒ hinĕni֨y mĕẖalé֤̇l ʼeţ־miqĕdá̇şǐy֙ gĕ̇ʼò֣wn ʻuzĕ̇ke֔m maẖĕma֥d ʻéֽynéyke֖m ẇmaẖĕma֣l napĕşĕ̌ke֑m ẇbĕnéyke֧m ẇbĕnòֽwţéyke֛m ʼàşě֥r ʻàzabĕţė֖m bȧẖe֥reb yipòֽ̇lẇ׃

22
וַעֲשִׂיתֶ֖ם כַּאֲשֶׁ֣ר עָשִׂ֑יתִי עַל־שָׂפָם֙ לֹ֣א תַעְט֔וּ וְלֶ֥חֶם אֲנָשִׁ֖ים לֹ֥א תֹאכֵֽלוּ׃

waʻàşîyţe֖m kȧʼàşě֣r ʻáşî֑yţiy ʻal־şá̂pám֙ lò֣ʼ ţaʻĕt֔ẇ wĕle֥ẖem ʼànáşǐ֖ym lò֥ʼ ţòʼkéֽlẇ׃

23
וּפְאֵרֵכֶ֣ם עַל־רָאשֵׁיכֶ֗ם וְנַֽעֲלֵיכֶם֙ בְּרַגְלֵיכֶ֔ם לֹ֥א תִסְפְּד֖וּ וְלֹ֣א תִבְכּ֑וּ וּנְמַקֹּתֶם֙ בַּעֲוֹנֹ֣תֵיכֶ֔ם וּנְהַמְתֶּ֖ם אִ֥ישׁ אֶל־אָחִֽיו׃

ẇpĕʼéréke֣m ʻal־ráʼşé̌yke֗m wĕnaֽʻàléykem֙ bĕ̇ragĕléyke֔m lò֥ʼ ţisĕpĕ̇d֖ẇ wĕlò֣ʼ ţibĕk֑̇ẇ ẇnĕmaqò̇ţem֙ bȧʻàwònò֣ţéyke֔m ẇnĕhamĕţė֖m ʼi֥yş̌ ʼel־ʼáẖiֽyw׃

24
וְהָיָ֨ה יְחֶזְקֵ֤אל לָכֶם֙ לְמֹופֵ֔ת כְּכֹ֥ל אֲשֶׁר־עָשָׂ֖ה תַּעֲשׂ֑וּ בְּבֹאָ֕הּ וִֽידַעְתֶּ֕ם כִּ֥י אֲנִ֖י אֲדֹנָ֥י יְהוִֽה׃ ס

wĕháyá֨h yĕẖezĕqé֤ʼl lákem֙ lĕmòwpé֔ţ kĕ̇kò֥l ʼàşěr־ʻáşá֖̂h ţȧʻàş֑̂ẇ bĕ̇bòʼá֕ḣ wiֽydaʻĕţė֕m ki֥̇y ʼàni֖y ʼàdòná֥y yĕhwiֽh׃ s

25
וְאַתָּ֣ה בֶן־אָדָ֔ם הֲלֹ֗וא בְּיֹ֨ום קַחְתִּ֤י מֵהֶם֙ אֶת־מָ֣עוּזָּ֔ם מְשֹׂ֖ושׂ תִּפְאַרְתָּ֑ם אֶת־מַחְמַ֤ד עֵֽינֵיהֶם֙ וְאֶת־מַשָּׂ֣א נַפְשָׁ֔ם בְּנֵיהֶ֖ם וּבְנֹותֵיהֶֽם׃

wĕʼaţá֣̇h ben־ʼádá֔m hàlò֗wʼ bĕ̇yò֨wm qaẖĕţi֤̇y méhem֙ ʼeţ־má֣ʻẇzá̇֔m mĕşò֖̂wş̂ ţi̇pĕʼarĕţá֑̇m ʼeţ־maẖĕma֤d ʻéֽynéyhem֙ wĕʼeţ־maşá֣̇̂ʼ napĕşá̌֔m bĕ̇néyhe֖m ẇbĕnòwţéyheֽm׃

26
בַּיֹּ֣ום הַה֔וּא יָבֹ֥וא הַפָּלִ֖יט אֵלֶ֑יךָ לְהַשְׁמָע֖וּת אָזְנָֽיִם׃

bȧyò֣̇wm hah֔ẇʼ yábò֥wʼ hapá̇li֖yt ʼéle֑yká lĕhaşĕ̌máʻ֖ẇţ ʼázĕnáֽyim׃

27
בַּיֹּ֣ום הַה֗וּא יִפָּ֤תַח פִּ֨יךָ֙ אֶת־הַפָּלִ֔יט וּתְדַבֵּ֕ר וְלֹ֥א תֵֽאָלֵ֖ם עֹ֑וד וְהָיִ֤יתָ לָהֶם֙ לְמֹופֵ֔ת וְיָדְע֖וּ כִּֽי־אֲנִ֥י יְהוָֽה׃ ס

bȧyò֣̇wm hah֗ẇʼ yipá֤̇ţaẖ pi̇֨yká֙ ʼeţ־hapá̇li֔yt ẇţĕdabé̇֕r wĕlò֥ʼ ţéֽʼálé֖m ʻò֑wd wĕháyi֤yţá láhem֙ lĕmòwpé֔ţ wĕyádĕʻ֖ẇ kiֽ̇y־ʼàni֥y yĕhwáֽh׃ s