Bibles en langues anciennes
Traductions anciennes
Traductions modernes

Biblia Hebraica Stuttgartensia Ézéchiel 29, 7

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
בַּשָּׁנָה֙ הָעֲשִׂירִ֔ית בָּעֲשִׂרִ֕י בִּשְׁנֵ֥ים עָשָׂ֖ר לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃

bȧşá̇̌náh֙ háʻàşîyri֔yţ bá̇ʻàşîri֕y bi̇şĕ̌né֥ym ʻáşá֖̂r laẖò֑deş̌ háyá֥h dĕbar־yĕhwá֖h ʼéla֥y léʼmòֽr׃

2
בֶּן־אָדָ֕ם שִׂ֣ים פָּנֶ֔יךָ עַל־פַּרְעֹ֖ה מֶ֣לֶךְ מִצְרָ֑יִם וְהִנָּבֵ֣א עָלָ֔יו וְעַל־מִצְרַ֖יִם כֻּלָּֽהּ׃

bėn־ʼádá֕m şî֣ym pá̇ne֔yká ʻal־pȧrĕʻò֖h me֣lekĕ miẕĕrá֑yim wĕhiná̇bé֣ʼ ʻálá֔yw wĕʻal־miẕĕra֖yim ku̇láֽ̇ḣ׃

3
דַּבֵּ֨ר וְאָמַרְתָּ֜ כֹּֽה־אָמַ֣ר׀ אֲדֹנָ֣י יְהוִ֗ה הִנְנִ֤י עָלֶ֨יךָ֙ פַּרְעֹ֣ה מֶֽלֶךְ־מִצְרַ֔יִם הַתַּנִּים֙ הַגָּדֹ֔ול הָרֹבֵ֖ץ בְּתֹ֣וךְ יְאֹרָ֑יו אֲשֶׁ֥ר אָמַ֛ר לִ֥י יְאֹרִ֖י וַאֲנִ֥י עֲשִׂיתִֽנִי׃

dȧbé̇֨r wĕʼámarĕţá̇֜ kòֽ̇h־ʼáma֣r׀ ʼàdòná֣y yĕhwi֗h hinĕni֤y ʻále֨yká֙ pȧrĕʻò֣h meֽlekĕ־miẕĕra֔yim haţȧni̇ym֙ hagá̇dò֔wl háròbé֖ẕ bĕ̇ţò֣wkĕ yĕʼòrá֑yw ʼàşě֥r ʼáma֛r li֥y yĕʼòri֖y waʼàni֥y ʻàşîyţiֽniy׃

4
וְנָתַתִּ֤י חַחִיִּים בִּלְחָיֶ֔יךָ וְהִדְבַּקְתִּ֥י דְגַת־יְאֹרֶ֖יךָ בְּקַשְׂקְשֹׂתֶ֑יךָ וְהַעֲלִיתִ֨יךָ֙ מִתֹּ֣וךְ יְאֹרֶ֔יךָ וְאֵת֙ כָּל־דְּגַ֣ת יְאֹרֶ֔יךָ בְּקַשְׂקְשֹׂתֶ֖יךָ תִּדְבָּֽק׃

wĕnáţaţi֤̇y ẖaẖiyi̇ym bi̇lĕẖáye֔yká wĕhidĕbȧqĕţi֥̇y dĕgaţ־yĕʼòre֖yká bĕ̇qaşĕ̂qĕşò̂ţe֑yká wĕhaʻàliyţi֨yká֙ miţò֣̇wkĕ yĕʼòre֔yká wĕʼéţ֙ ká̇l־dĕ̇ga֣ţ yĕʼòre֔yká bĕ̇qaşĕ̂qĕşò̂ţe֖yká ţi̇dĕbáֽ̇q׃

5
וּנְטַשְׁתִּ֣יךָ הַמִּדְבָּ֗רָה אֹותְךָ֙ וְאֵת֙ כָּל־דְּגַ֣ת יְאֹרֶ֔יךָ עַל־פְּנֵ֤י הַשָּׂדֶה֙ תִּפֹּ֔ול לֹ֥א תֵאָסֵ֖ף וְלֹ֣א תִקָּבֵ֑ץ לְחַיַּ֥ת הָאָ֛רֶץ וּלְעֹ֥וף הַשָּׁמַ֖יִם נְתַתִּ֥יךָ לְאָכְלָֽה׃

ẇnĕtaşĕ̌ţi֣̇yká hami̇dĕbá̇֗ráh ʼòwţĕká֙ wĕʼéţ֙ ká̇l־dĕ̇ga֣ţ yĕʼòre֔yká ʻal־pĕ̇né֤y haşá̇̂deh֙ ţi̇pò̇֔wl lò֥ʼ ţéʼásé֖p wĕlò֣ʼ ţiqá̇bé֑ẕ lĕẖayȧ֥ţ háʼá֛reẕ ẇlĕʻò֥wp haşá̇̌ma֖yim nĕţaţi֥̇yká lĕʼákĕláֽh׃

6
וְיָֽדְעוּ֙ כָּל־יֹשְׁבֵ֣י מִצְרַ֔יִם כִּ֖י אֲנִ֣י יְהוָ֑ה יַ֧עַן הֱיֹותָ֛ם מִשְׁעֶ֥נֶת קָנֶ֖ה לְבֵ֥ית יִשְׂרָאֵֽל׃

wĕyáֽdĕʻẇ֙ ká̇l־yòşĕ̌bé֣y miẕĕra֔yim ki֖̇y ʼàni֣y yĕhwá֑h ya֧ʻan hèyòwţá֛m mişĕ̌ʻe֥neţ qáne֖h lĕbé֥yţ yişĕ̂ráʼéֽl׃

7
בְּתָפְשָׂ֨ם בְּךָ֤ בַכַּפך תֵּרֹ֔וץ וּבָקַעְתָּ֥ לָהֶ֖ם כָּל־כָּתֵ֑ף וּבְהִֽשָּׁעֲנָ֤ם עָלֶ֨יךָ֙ תִּשָּׁבֵ֔ר וְהַעֲמַדְתָּ֥ לָהֶ֖ם כָּל־מָתְנָֽיִם׃ ס

bĕ̇ţápĕşá̂֨m bĕ̇ká֤ bakȧpk ţé̇rò֔wẕ ẇbáqaʻĕţá֥̇ láhe֖m ká̇l־ká̇ţé֑p ẇbĕhiֽşá̇̌ʻàná֤m ʻále֨yká֙ ţi̇şá̇̌bé֔r wĕhaʻàmadĕţá֥̇ láhe֖m ká̇l־máţĕnáֽyim׃ s

8
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֛י מֵבִ֥יא עָלַ֖יִךְ חָ֑רֶב וְהִכְרַתִּ֥י מִמֵּ֖ךְ אָדָ֥ם וּבְהֵמָֽה׃

láké֗n kò֤̇h ʼámar֙ ʼàdòná֣y yĕhwi֔h hinĕni֛y mébi֥yʼ ʻála֖yikĕ ẖá֑reb wĕhikĕraţi֥̇y mimé֖̇kĕ ʼádá֥m ẇbĕhémáֽh׃

9
וְהָיְתָ֤ה אֶֽרֶץ־מִצְרַ֨יִם֙ לִשְׁמָמָ֣ה וְחָרְבָּ֔ה וְיָדְע֖וּ כִּֽי־אֲנִ֣י יְהוָ֑ה יַ֧עַן אָמַ֛ר יְאֹ֥ר לִ֖י וַאֲנִ֥י עָשִֽׂיתִי׃

wĕháyĕţá֤h ʼeֽreẕ־miẕĕra֨yim֙ lişĕ̌mámá֣h wĕẖárĕbá̇֔h wĕyádĕʻ֖ẇ kiֽ̇y־ʼàni֣y yĕhwá֑h ya֧ʻan ʼáma֛r yĕʼò֥r li֖y waʼàni֥y ʻáşîֽyţiy׃

10
לָכֵ֛ן הִנְנִ֥י אֵלֶ֖יךָ וְאֶל־יְאֹרֶ֑יךָ וְנָתַתִּ֞י אֶת־אֶ֣רֶץ מִצְרַ֗יִם לְחָרְבֹות֙ חֹ֣רֶב שְׁמָמָ֔ה מִמִּגְדֹּ֥ל סְוֵנֵ֖ה וְעַד־גְּב֥וּל כּֽוּשׁ׃

láké֛n hinĕni֥y ʼéle֖yká wĕʼel־yĕʼòre֑yká wĕnáţaţi̇֞y ʼeţ־ʼe֣reẕ miẕĕra֗yim lĕẖárĕbòwţ֙ ẖò֣reb şĕ̌mámá֔h mimi̇gĕdò֥̇l sĕwéné֖h wĕʻad־gĕ̇b֥ẇl kֽ̇ẇş̌׃

11
לֹ֤א תַעֲבָר־בָּהּ֙ רֶ֣גֶל אָדָ֔ם וְרֶ֥גֶל בְּהֵמָ֖ה לֹ֣א תַעֲבָר־בָּ֑הּ וְלֹ֥א תֵשֵׁ֖ב אַרְבָּעִ֥ים שָׁנָֽה׃

lò֤ʼ ţaʻàbár־bá̇ḣ֙ re֣gel ʼádá֔m wĕre֥gel bĕ̇hémá֖h lò֣ʼ ţaʻàbár־bá֑̇ḣ wĕlò֥ʼ ţéşé֖̌b ʼarĕbá̇ʻi֥ym şá̌náֽh׃

12
וְנָתַתִּ֣י אֶת־אֶרֶץ֩ מִצְרַ֨יִם שְׁמָמָ֜ה בְּתֹ֣וךְ׀ אֲרָצֹ֣ות נְשַׁמֹּ֗ות וְעָרֶ֨יהָ֙ בְּתֹ֨וךְ עָרִ֤ים מָֽחֳרָבֹות֙ תִּֽהְיֶ֣יןָ שְׁמָמָ֔ה אַרְבָּעִ֖ים שָׁנָ֑ה וַהֲפִצֹתִ֤י אֶת־מִצְרַ֨יִם֙ בַּגֹּויִ֔ם וְֽזֵרִיתִ֖ים בָּאֲרָצֹֽות׃ פ

wĕnáţaţi֣̇y ʼeţ־ʼereẕ֩ miẕĕra֨yim şĕ̌mámá֜h bĕ̇ţò֣wkĕ׀ ʼàráẕò֣wţ nĕşǎmò̇֗wţ wĕʻáre֨yhá֙ bĕ̇ţò֨wkĕ ʻári֤ym máֽẖorábòwţ֙ ţiֽ̇hĕye֣yná şĕ̌mámá֔h ʼarĕbá̇ʻi֖ym şá̌ná֑h wahàpiẕòţi֤y ʼeţ־miẕĕra֨yim֙ bȧgò̇wyi֔m wĕֽzériyţi֖ym bá̇ʼàráẕòֽwţ׃ p

13
כִּ֛י כֹּ֥ה אָמַ֖ר אֲדֹנָ֣י יְהוִ֑ה מִקֵּ֞ץ אַרְבָּעִ֤ים שָׁנָה֙ אֲקַבֵּ֣ץ אֶת־מִצְרַ֔יִם מִן־הָעַמִּ֖ים אֲשֶׁר־נָפֹ֥צוּ שָֽׁמָּה׃

ki֛̇y kò֥̇h ʼáma֖r ʼàdòná֣y yĕhwi֑h miqé̇֞ẕ ʼarĕbá̇ʻi֤ym şá̌náh֙ ʼàqabé֣̇ẕ ʼeţ־miẕĕra֔yim min־háʻami֖̇ym ʼàşěr־nápò֥ẕẇ şáֽ̌má̇h׃

14
וְשַׁבְתִּי֙ אֶת־שְׁב֣וּת מִצְרַ֔יִם וַהֲשִׁבֹתִ֤י אֹתָם֙ אֶ֣רֶץ פַּתְרֹ֔וס עַל־אֶ֖רֶץ מְכֽוּרָתָ֑ם וְהָ֥יוּ שָׁ֖ם מַמְלָכָ֥ה שְׁפָלָֽה׃

wĕşǎbĕţi̇y֙ ʼeţ־şĕ̌b֣ẇţ miẕĕra֔yim wahàşǐbòţi֤y ʼòţám֙ ʼe֣reẕ pȧţĕrò֔ws ʻal־ʼe֖reẕ mĕkֽẇráţá֑m wĕhá֥yẇ şá֖̌m mamĕláká֥h şĕ̌páláֽh׃

15
מִן־הַמַּמְלָכֹות֙ תִּהְיֶ֣ה שְׁפָלָ֔ה וְלֹֽא־תִתְנַשֵּׂ֥א עֹ֖וד עַל־הַגֹּויִ֑ם וְהִ֨מְעַטְתִּ֔ים לְבִלְתִּ֖י רְדֹ֥ות בַּגֹּויִֽם׃

min־hamȧmĕlákòwţ֙ ţi̇hĕye֣h şĕ̌pálá֔h wĕlòֽʼ־ţiţĕnaşé֥̇̂ʼ ʻò֖wd ʻal־hagò̇wyi֑m wĕhi֨mĕʻatĕţi̇֔ym lĕbilĕţi֖̇y rĕdò֥wţ bȧgò̇wyiֽm׃

16
וְלֹ֣א יִֽהְיֶה־עֹוד֩ לְבֵ֨ית יִשְׂרָאֵ֤ל לְמִבְטָח֙ מַזְכִּ֣יר עָוֹ֔ן בִּפְנֹותָ֖ם אַחֲרֵיהֶ֑ם וְיָ֣דְע֔וּ כִּ֥י אֲנִ֖י אֲדֹנָ֥י יְהוִֽה׃ פ

wĕlò֣ʼ yiֽhĕyeh־ʻòwd֩ lĕbé֨yţ yişĕ̂ráʼé֤l lĕmibĕtáẖ֙ mazĕki֣̇yr ʻáwò֔n bi̇pĕnòwţá֖m ʼaẖàréyhe֑m wĕyá֣dĕʻ֔ẇ ki֥̇y ʼàni֖y ʼàdòná֥y yĕhwiֽh׃ p

17
וַיְהִ֗י בְּעֶשְׂרִ֤ים וָשֶׁ֨בַע֙ שָׁנָ֔ה בָּֽרִאשֹׁ֖ון בְּאֶחָ֣ד לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃

wayĕhi֗y bĕ̇ʻeşĕ̂ri֤ym wáşě֨baʻ֙ şá̌ná֔h báֽ̇riʼşò֖̌wn bĕ̇ʼeẖá֣d laẖò֑deş̌ háyá֥h dĕbar־yĕhwá֖h ʼéla֥y léʼmòֽr׃

18
בֶּן־אָדָ֗ם נְבוּכַדְרֶאצַּ֣ר מֶֽלֶךְ־בָּ֠בֶל הֶעֱבִ֨יד אֶת־חֵילֹ֜ו עֲבֹדָ֤ה גְדֹלָה֙ אֶל־צֹ֔ר כָּל־רֹ֣אשׁ מֻקְרָ֔ח וְכָל־כָּתֵ֖ף מְרוּטָ֑ה וְ֠שָׂכָר לֹא־הָ֨יָה לֹ֤ו וּלְחֵילֹו֙ מִצֹּ֔ר עַל־הָעֲבֹדָ֖ה אֲשֶׁר־עָבַ֥ד עָלֶֽיהָ׃ ס

bėn־ʼádá֗m nĕbẇkadĕreʼẕȧ֣r meֽlekĕ־bá̇֠bel heʻèbi֨yd ʼeţ־ẖéylò֜w ʻàbòdá֤h gĕdòláh֙ ʼel־ẕò֔r ká̇l־rò֣ʼş̌ muqĕrá֔ẖ wĕkál־ká̇ţé֖p mĕrẇtá֑h wĕ֠şá̂kár lòʼ־há֨yáh lò֤w ẇlĕẖéylòw֙ miẕò̇֔r ʻal־háʻàbòdá֖h ʼàşěr־ʻába֥d ʻáleֽyhá׃ s

19
לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֥י נֹתֵ֛ן לִנְבוּכַדְרֶאצַּ֥ר מֶֽלֶךְ־בָּבֶ֖ל אֶת־אֶ֣רֶץ מִצְרָ֑יִם וְנָשָׂ֨א הֲמֹנָ֜הּ וְשָׁלַ֤ל שְׁלָלָהּ֙ וּבָזַ֣ז בִּזָּ֔הּ וְהָיְתָ֥ה שָׂכָ֖ר לְחֵילֹֽו׃

láké֗n kò֤̇h ʼámar֙ ʼàdòná֣y yĕhwi֔h hinĕni֥y nòţé֛n linĕbẇkadĕreʼẕȧ֥r meֽlekĕ־bá̇be֖l ʼeţ־ʼe֣reẕ miẕĕrá֑yim wĕnáşá̂֨ʼ hàmòná֜ḣ wĕşá̌la֤l şĕ̌láláḣ֙ ẇbáza֣z bi̇zá̇֔ḣ wĕháyĕţá֥h şá̂ká֖r lĕẖéylòֽw׃

20
פְּעֻלָּתֹו֙ אֲשֶׁר־עָ֣בַד בָּ֔הּ נָתַ֥תִּי לֹ֖ו אֶת־אֶ֣רֶץ מִצְרָ֑יִם אֲשֶׁר֙ עָ֣שׂוּ לִ֔י נְאֻ֖ם אֲדֹנָ֥י יְהוִֽה׃ ס

pĕ̇ʻulá̇ţòw֙ ʼàşěr־ʻá֣bad bá̇֔ḣ náţa֥ţi̇y lò֖w ʼeţ־ʼe֣reẕ miẕĕrá֑yim ʼàşěr֙ ʻá֣ş̂ẇ li֔y nĕʼu֖m ʼàdòná֥y yĕhwiֽh׃ s

21
בַּיֹּ֣ום הַה֗וּא אַצְמִ֤יחַ קֶ֨רֶן֙ לְבֵ֣ית יִשְׂרָאֵ֔ל וּלְךָ֛ אֶתֵּ֥ן פִּתְחֹֽון־פֶּ֖ה בְּתֹוכָ֑ם וְיָדְע֖וּ כִּי־אֲנִ֥י יְהוָֽה׃ פ

bȧyò֣̇wm hah֗ẇʼ ʼaẕĕmi֤yẖa qe֨ren֙ lĕbé֣yţ yişĕ̂ráʼé֔l ẇlĕká֛ ʼeţé֥̇n pi̇ţĕẖòֽwn־pė֖h bĕ̇ţòwká֑m wĕyádĕʻ֖ẇ ki̇y־ʼàni֥y yĕhwáֽh׃ p