Bibles en langues anciennes
Traductions anciennes
Traductions modernes

Biblia Hebraica Stuttgartensia Genèse 14, 21

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיְהִ֗י בִּימֵי֙ אַמְרָפֶ֣ל מֶֽלֶךְ־שִׁנְעָ֔ר אַרְיֹ֖וךְ מֶ֣לֶךְ אֶלָּסָ֑ר כְּדָרְלָעֹ֨מֶר֙ מֶ֣לֶךְ עֵילָ֔ם וְתִדְעָ֖ל מֶ֥לֶךְ גֹּויִֽם׃

wayĕhi֗y bi̇yméy֙ ʼamĕrápe֣l meֽlekĕ־şǐnĕʻá֔r ʼarĕyò֖wkĕ me֣lekĕ ʼelá̇sá֑r kĕ̇dárĕláʻò֨mer֙ me֣lekĕ ʻéylá֔m wĕţidĕʻá֖l me֥lekĕ gò̇wyiֽm׃

2
עָשׂ֣וּ מִלְחָמָ֗ה אֶת־בֶּ֨רַע֙ מֶ֣לֶךְ סְדֹ֔ם וְאֶת־בִּרְשַׁ֖ע מֶ֣לֶךְ עֲמֹרָ֑ה שִׁנְאָ֣ב׀ מֶ֣לֶךְ אַדְמָ֗ה וְשֶׁמְאֵ֨בֶר֙ מֶ֣לֶךְ צְבֹיִים וּמֶ֥לֶךְ בֶּ֖לַע הִיא־צֹֽעַר׃

ʻáş֣̂ẇ milĕẖámá֗h ʼeţ־bė֨raʻ֙ me֣lekĕ sĕdò֔m wĕʼeţ־bi̇rĕşǎ֖ʻ me֣lekĕ ʻàmòrá֑h şǐnĕʼá֣b׀ me֣lekĕ ʼadĕmá֗h wĕşěmĕʼé֨ber֙ me֣lekĕ ẕĕbòyiym ẇme֥lekĕ bė֖laʻ hiyʼ־ẕòֽʻar׃

3
כָּל־אֵ֨לֶּה֙ חָֽבְר֔וּ אֶל־עֵ֖מֶק הַשִּׂדִּ֑ים ה֖וּא יָ֥ם הַמֶּֽלַח׃

ká̇l־ʼé֨lėh֙ ẖáֽbĕr֔ẇ ʼel־ʻé֖meq haşi̇̂di֑̇ym h֖ẇʼ yá֥m hamėֽlaẖ׃

4
שְׁתֵּ֤ים עֶשְׂרֵה֙ שָׁנָ֔ה עָבְד֖וּ אֶת־כְּדָרְלָעֹ֑מֶר וּשְׁלֹשׁ־עֶשְׂרֵ֥ה שָׁנָ֖ה מָרָֽדוּ׃

şĕ̌ţé֤̇ym ʻeşĕ̂réh֙ şá̌ná֔h ʻábĕd֖ẇ ʼeţ־kĕ̇dárĕláʻò֑mer ẇşĕ̌lòş̌־ʻeşĕ̂ré֥h şá̌ná֖h máráֽdẇ׃

5
וּבְאַרְבַּע֩ עֶשְׂרֵ֨ה שָׁנָ֜ה בָּ֣א כְדָרְלָעֹ֗מֶר וְהַמְּלָכִים֙ אֲשֶׁ֣ר אִתֹּ֔ו וַיַּכּ֤וּ אֶת־רְפָאִים֙ בְּעַשְׁתְּרֹ֣ת קַרְנַ֔יִם וְאֶת־הַזּוּזִ֖ים בְּהָ֑ם וְאֵת֙ הָֽאֵימִ֔ים בְּשָׁוֵ֖ה קִרְיָתָֽיִם׃

ẇbĕʼarĕbȧʻ֩ ʻeşĕ̂ré֨h şá̌ná֜h bá֣̇ʼ kĕdárĕláʻò֗mer wĕhamĕ̇lákiym֙ ʼàşě֣r ʼiţò̇֔w wayȧk֤̇ẇ ʼeţ־rĕpáʼiym֙ bĕ̇ʻaşĕ̌ţĕ̇rò֣ţ qarĕna֔yim wĕʼeţ־hażẇzi֖ym bĕ̇há֑m wĕʼéţ֙ háֽʼéymi֔ym bĕ̇şá̌wé֖h qirĕyáţáֽyim׃

6
וְאֶת־הַחֹרִ֖י בְּהַרְרָ֣ם שֵׂעִ֑יר עַ֚ד אֵ֣יל פָּארָ֔ן אֲשֶׁ֖ר עַל־הַמִּדְבָּֽר׃

wĕʼeţ־haẖòri֖y bĕ̇harĕrá֣m şé̂ʻi֑yr ʻa֚d ʼé֣yl pá̇ʼrá֔n ʼàşě֖r ʻal־hami̇dĕbáֽ̇r׃

7
וַ֠יָּשֻׁבוּ וַיָּבֹ֜אוּ אֶל־עֵ֤ין מִשְׁפָּט֙ הִ֣וא קָדֵ֔שׁ וַיַּכּ֕וּ אֶֽת־כָּל־שְׂדֵ֖ה הָעֲמָלֵקִ֑י וְגַם֙ אֶת־הָ֣אֱמֹרִ֔י הַיֹּשֵׁ֖ב בְּחַֽצְצֹ֥ן תָּמָֽר׃

wa֠yá̇şǔbẇ wayá̇bò֜ʼẇ ʼel־ʻé֤yn mişĕ̌pá̇t֙ hi֣wʼ qádé֔ş̌ wayȧk̇֕ẇ ʼeֽţ־ká̇l־şĕ̂dé֖h háʻàmáléqi֑y wĕgam֙ ʼeţ־há֣ʼèmòri֔y hayò̇şé֖̌b bĕ̇ẖaֽẕĕẕò֥n ţá̇máֽr׃

8
וַיֵּצֵ֨א מֶֽלֶךְ־סְדֹ֜ם וּמֶ֣לֶךְ עֲמֹרָ֗ה וּמֶ֤לֶךְ אַדְמָה֙ וּמֶ֣לֶךְ צְבֹיִים וּמֶ֥לֶךְ בֶּ֖לַע הִוא־צֹ֑עַר וַיַּֽעַרְכ֤וּ אִתָּם֙ מִלְחָמָ֔ה בְּעֵ֖מֶק הַשִּׂדִּֽים׃

wayé̇ẕé֨ʼ meֽlekĕ־sĕdò֜m ẇme֣lekĕ ʻàmòrá֗h ẇme֤lekĕ ʼadĕmáh֙ ẇme֣lekĕ ẕĕbòyiym ẇme֥lekĕ bė֖laʻ hiwʼ־ẕò֑ʻar wayȧֽʻarĕk֤ẇ ʼiţá̇m֙ milĕẖámá֔h bĕ̇ʻé֖meq haşi̇̂diֽ̇ym׃

9
אֵ֣ת כְּדָרְלָעֹ֜מֶר מֶ֣לֶךְ עֵילָ֗ם וְתִדְעָל֙ מֶ֣לֶךְ גֹּויִ֔ם וְאַמְרָפֶל֙ מֶ֣לֶךְ שִׁנְעָ֔ר וְאַרְיֹ֖וךְ מֶ֣לֶךְ אֶלָּסָ֑ר אַרְבָּעָ֥ה מְלָכִ֖ים אֶת־הַחֲמִשָּֽׁה׃

ʼé֣ţ kĕ̇dárĕláʻò֜mer me֣lekĕ ʻéylá֗m wĕţidĕʻál֙ me֣lekĕ gò̇wyi֔m wĕʼamĕrápel֙ me֣lekĕ şǐnĕʻá֔r wĕʼarĕyò֖wkĕ me֣lekĕ ʼelá̇sá֑r ʼarĕbá̇ʻá֥h mĕláki֖ym ʼeţ־haẖàmişáֽ̇̌h׃

10
וְעֵ֣מֶק הַשִׂדִּ֗ים בֶּֽאֱרֹ֤ת בֶּאֱרֹת֙ חֵמָ֔ר וַיָּנֻ֛סוּ מֶֽלֶךְ־סְדֹ֥ם וַעֲמֹרָ֖ה וַיִּפְּלוּ־שָׁ֑מָּה וְהַנִּשְׁאָרִ֖ים הֶ֥רָה נָּֽסוּ׃

wĕʻé֣meq haşîdi̇֗ym bėֽʼèrò֤ţ bėʼèròţ֙ ẖémá֔r wayá̇nu֛sẇ meֽlekĕ־sĕdò֥m waʻàmòrá֖h wayi̇pĕ̇lẇ־şá֑̌má̇h wĕhani̇şĕ̌ʼári֖ym he֥ráh náֽ̇sẇ׃

11
וַ֠יִּקְחוּ אֶת־כָּל־רְכֻ֨שׁ סְדֹ֧ם וַעֲמֹרָ֛ה וְאֶת־כָּל־אָכְלָ֖ם וַיֵּלֵֽכוּ׃

wa֠yi̇qĕẖẇ ʼeţ־ká̇l־rĕku֨ş̌ sĕdò֧m waʻàmòrá֛h wĕʼeţ־ká̇l־ʼákĕlá֖m wayé̇léֽkẇ׃

12
וַיִּקְח֨וּ אֶת־לֹ֧וט וְאֶת־רְכֻשֹׁ֛ו בֶּן־אֲחִ֥י אַבְרָ֖ם וַיֵּלֵ֑כוּ וְה֥וּא יֹשֵׁ֖ב בִּסְדֹֽם׃

wayi̇qĕẖ֨ẇ ʼeţ־lò֧wt wĕʼeţ־rĕkuşò֛̌w bėn־ʼàẖi֥y ʼabĕrá֖m wayé̇lé֑kẇ wĕh֥ẇʼ yòşé֖̌b bi̇sĕdòֽm׃

13
וַיָּבֹא֙ הַפָּלִ֔יט וַיַּגֵּ֖ד לְאַבְרָ֣ם הָעִבְרִ֑י וְהוּא֩ שֹׁכֵ֨ן בְּאֵֽלֹנֵ֜י מַמְרֵ֣א הָאֱמֹרִ֗י אֲחִ֤י אֶשְׁכֹּל֙ וַאֲחִ֣י עָנֵ֔ר וְהֵ֖ם בַּעֲלֵ֥י בְרִית־אַבְרָֽם׃

wayá̇bòʼ֙ hapá̇li֔yt wayȧgé֖̇d lĕʼabĕrá֣m háʻibĕri֑y wĕhẇʼ֩ şò̌ké֨n bĕ̇ʼéֽlòné֜y mamĕré֣ʼ háʼèmòri֗y ʼàẖi֤y ʼeşĕ̌kò̇l֙ waʼàẖi֣y ʻáné֔r wĕhé֖m bȧʻàlé֥y bĕriyţ־ʼabĕráֽm׃

14
וַיִּשְׁמַ֣ע אַבְרָ֔ם כִּ֥י נִשְׁבָּ֖ה אָחִ֑יו וַיָּ֨רֶק אֶת־חֲנִיכָ֜יו יְלִידֵ֣י בֵיתֹ֗ו שְׁמֹנָ֤ה עָשָׂר֙ וּשְׁלֹ֣שׁ מֵאֹ֔ות וַיִּרְדֹּ֖ף עַד־דָּֽן׃

wayi̇şĕ̌ma֣ʻ ʼabĕrá֔m ki֥̇y nişĕ̌bá֖̇h ʼáẖi֑yw wayá̇֨req ʼeţ־ẖàniyká֜yw yĕliydé֣y béyţò֗w şĕ̌mòná֤h ʻáşá̂r֙ ẇşĕ̌lò֣ş̌ méʼò֔wţ wayi̇rĕdò֖̇p ʻad־dáֽ̇n׃

15
וַיֵּחָלֵ֨ק עֲלֵיהֶ֧ם׀ לַ֛יְלָה ה֥וּא וַעֲבָדָ֖יו וַיַּכֵּ֑ם וַֽיִּרְדְּפֵם֙ עַד־חֹובָ֔ה אֲשֶׁ֥ר מִשְּׂמֹ֖אל לְדַמָּֽשֶׂק׃

wayé̇ẖálé֨q ʻàléyhe֧m׀ la֛yĕláh h֥ẇʼ waʻàbádá֖yw wayȧké֑̇m waֽyi̇rĕdĕ̇pém֙ ʻad־ẖòwbá֔h ʼàşě֥r mişĕ̇̂mò֖ʼl lĕdamáֽ̇şêq׃

16
וַיָּ֕שֶׁב אֵ֖ת כָּל־הָרְכֻ֑שׁ וְגַם֩ אֶת־לֹ֨וט אָחִ֤יו וּרְכֻשֹׁו֙ הֵשִׁ֔יב וְגַ֥ם אֶת־הַנָּשִׁ֖ים וְאֶת־הָעָֽם׃

wayá̇֕şěb ʼé֖ţ ká̇l־hárĕku֑ş̌ wĕgam֩ ʼeţ־lò֨wt ʼáẖi֤yw ẇrĕkuşò̌w֙ héşǐ֔yb wĕga֥m ʼeţ־haná̇şǐ֖ym wĕʼeţ־háʻáֽm׃

17
וַיֵּצֵ֣א מֶֽלֶךְ־סְדֹם֮ לִקְרָאתֹו֒ אַחֲרֵ֣י שׁוּבֹ֗ו מֵֽהַכֹּות֙ אֶת־כְּדָר־לָעֹ֔מֶר וְאֶת־הַמְּלָכִ֖ים אֲשֶׁ֣ר אִתֹּ֑ו אֶל־עֵ֣מֶק שָׁוֵ֔ה ה֖וּא עֵ֥מֶק הַמֶּֽלֶךְ׃

wayé̇ẕé֣ʼ meֽlekĕ־sĕdòm֮ liqĕráʼţòw֒ ʼaẖàré֣y ş̌ẇbò֗w méֽhakò̇wţ֙ ʼeţ־kĕ̇dár־láʻò֔mer wĕʼeţ־hamĕ̇láki֖ym ʼàşě֣r ʼiţò֑̇w ʼel־ʻé֣meq şá̌wé֔h h֖ẇʼ ʻé֥meq hamėֽlekĕ׃

18
וּמַלְכִּי־צֶ֨דֶק֙ מֶ֣לֶךְ שָׁלֵ֔ם הֹוצִ֖יא לֶ֣חֶם וָיָ֑יִן וְה֥וּא כֹהֵ֖ן לְאֵ֥ל עֶלְיֹֽון׃

ẇmalĕki̇y־ẕe֨deq֙ me֣lekĕ şá̌lé֔m hòwẕi֖yʼ le֣ẖem wáyá֑yin wĕh֥ẇʼ kòhé֖n lĕʼé֥l ʻelĕyòֽwn׃

19
וַֽיְבָרְכֵ֖הוּ וַיֹּאמַ֑ר בָּר֤וּךְ אַבְרָם֙ לְאֵ֣ל עֶלְיֹ֔ון קֹנֵ֖ה שָׁמַ֥יִם וָאָֽרֶץ׃

waֽyĕbárĕké֖hẇ wayò̇ʼma֑r bá̇r֤ẇkĕ ʼabĕrám֙ lĕʼé֣l ʻelĕyò֔wn qòné֖h şá̌ma֥yim wáʼáֽreẕ׃

20
וּבָרוּךְ֙ אֵ֣ל עֶלְיֹ֔ון אֲשֶׁר־מִגֵּ֥ן צָרֶ֖יךָ בְּיָדֶ֑ךָ וַיִּתֶּן־לֹ֥ו מַעֲשֵׂ֖ר מִכֹּֽל׃

ẇbárẇkĕ֙ ʼé֣l ʻelĕyò֔wn ʼàşěr־migé֥̇n ẕáre֖yká bĕ̇yáde֑ká wayi̇ţėn־lò֥w maʻàşé֖̂r mikòֽ̇l׃

21
וַיֹּ֥אמֶר מֶֽלֶךְ־סְדֹ֖ם אֶל־אַבְרָ֑ם תֶּן־לִ֣י הַנֶּ֔פֶשׁ וְהָרְכֻ֖שׁ קַֽח־לָֽךְ׃

wayò֥̇ʼmer meֽlekĕ־sĕdò֖m ʼel־ʼabĕrá֑m ţėn־li֣y hanė֔peş̌ wĕhárĕku֖ş̌ qaֽẖ־láֽkĕ׃

22
וַיֹּ֥אמֶר אַבְרָ֖ם אֶל־מֶ֣לֶךְ סְדֹ֑ם הֲרִימֹ֨תִי יָדִ֤י אֶל־יְהוָה֙ אֵ֣ל עֶלְיֹ֔ון קֹנֵ֖ה שָׁמַ֥יִם וָאָֽרֶץ׃

wayò֥̇ʼmer ʼabĕrá֖m ʼel־me֣lekĕ sĕdò֑m hàriymò֨ţiy yádi֤y ʼel־yĕhwáh֙ ʼé֣l ʻelĕyò֔wn qòné֖h şá̌ma֥yim wáʼáֽreẕ׃

23
אִם־מִחוּט֙ וְעַ֣ד שְׂרֹֽוךְ־נַ֔עַל וְאִם־אֶקַּ֖ח מִכָּל־אֲשֶׁר־לָ֑ךְ וְלֹ֣א תֹאמַ֔ר אֲנִ֖י הֶעֱשַׁ֥רְתִּי אֶת־אַבְרָֽם׃

ʼim־miẖẇt֙ wĕʻa֣d şĕ̂ròֽwkĕ־na֔ʻal wĕʼim־ʼeqȧ֖ẖ miká̇l־ʼàşěr־lá֑kĕ wĕlò֣ʼ ţòʼma֔r ʼàni֖y heʻèşǎ֥rĕţi̇y ʼeţ־ʼabĕráֽm׃

24
בִּלְעָדַ֗י רַ֚ק אֲשֶׁ֣ר אָֽכְל֣וּ הַנְּעָרִ֔ים וְחֵ֨לֶק֙ הָֽאֲנָשִׁ֔ים אֲשֶׁ֥ר הָלְכ֖וּ אִתִּ֑י עָנֵר֙ אֶשְׁכֹּ֣ל וּמַמְרֵ֔א הֵ֖ם יִקְח֥וּ חֶלְקָֽם׃ ס

bi̇lĕʻáda֗y ra֚q ʼàşě֣r ʼáֽkĕl֣ẇ hanĕ̇ʻári֔ym wĕẖé֨leq֙ háֽʼànáşǐ֔ym ʼàşě֥r hálĕk֖ẇ ʼiţi֑̇y ʻánér֙ ʼeşĕ̌kò֣̇l ẇmamĕré֔ʼ hé֖m yiqĕẖ֥ẇ ẖelĕqáֽm׃ s