Bibles en langues anciennes
Traductions anciennes
Traductions modernes

Biblia Hebraica Stuttgartensia Isaïe 61, 8

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
ר֛וּחַ אֲדֹנָ֥י יְהוִ֖ה עָלָ֑י יַ֡עַן מָשַׁח֩ יְהוָ֨ה אֹתִ֜י לְבַשֵּׂ֣ר עֲנָוִ֗ים שְׁלָחַ֨נִי֙ לַחֲבֹ֣שׁ לְנִשְׁבְּרֵי־לֵ֔ב לִקְרֹ֤א לִשְׁבוּיִם֙ דְּרֹ֔ור וְלַאֲסוּרִ֖ים פְּקַח־קֹֽוחַ׃

r֛ẇẖa ʼàdòná֥y yĕhwi֖h ʻálá֑y ya֡ʻan máşǎẖ֩ yĕhwá֨h ʼòţi֜y lĕbaşé֣̇̂r ʻànáwi֗ym şĕ̌láẖa֨niy֙ laẖàbò֣ş̌ lĕnişĕ̌bĕ̇réy־lé֔b liqĕrò֤ʼ lişĕ̌bẇyim֙ dĕ̇rò֔wr wĕlaʼàsẇri֖ym pĕ̇qaẖ־qòֽwẖa׃
2
לִקְרֹ֤א שְׁנַת־רָצֹון֙ לַֽיהוָ֔ה וְיֹ֥ום נָקָ֖ם לֵאלֹהֵ֑ינוּ לְנַחֵ֖ם כָּל־אֲבֵלִֽים׃

liqĕrò֤ʼ şĕ̌naţ־ráẕòwn֙ laֽyhwá֔h wĕyò֥wm náqá֖m léʼlòhé֑ynẇ lĕnaẖé֖m ká̇l־ʼàbéliֽym׃
3
לָשׂ֣וּם׀ לַאֲבֵלֵ֣י צִיֹּ֗ון לָתֵת֩ לָהֶ֨ם פְּאֵ֜ר תַּ֣חַת אֵ֗פֶר שֶׁ֤מֶן שָׂשֹׂון֙ תַּ֣חַת אֵ֔בֶל מַעֲטֵ֣ה תְהִלָּ֔ה תַּ֖חַת ר֣וּחַ כֵּהָ֑ה וְקֹרָ֤א לָהֶם֙ אֵילֵ֣י הַצֶּ֔דֶק מַטַּ֥ע יְהוָ֖ה לְהִתְפָּאֵֽר׃

láş֣̂ẇm׀ laʼàbélé֣y ẕiyò̇֗wn láţéţ֩ láhe֨m pĕ̇ʼé֜r ţȧ֣ẖaţ ʼé֗per şě֤men şá̂şò̂wn֙ ţȧ֣ẖaţ ʼé֔bel maʻàté֣h ţĕhilá̇֔h ţȧ֖ẖaţ r֣ẇẖa ké̇há֑h wĕqòrá֤ʼ láhem֙ ʼéylé֣y haẕė֔deq matȧ֥ʻ yĕhwá֖h lĕhiţĕpá̇ʼéֽr׃
4
וּבָנוּ֙ חָרְבֹ֣ות עֹולָ֔ם שֹׁמְמֹ֥ות רִֽאשֹׁנִ֖ים יְקֹומֵ֑מוּ וְחִדְּשׁוּ֙ עָ֣רֵי חֹ֔רֶב שֹׁמְמֹ֖ות דֹּ֥ור וָדֹֽור׃

ẇbánẇ֙ ẖárĕbò֣wţ ʻòwlá֔m şò̌mĕmò֥wţ riֽʼşò̌ni֖ym yĕqòwmé֑mẇ wĕẖidĕ̇ş̌ẇ֙ ʻá֣réy ẖò֔reb şò̌mĕmò֖wţ dò֥̇wr wádòֽwr׃
5
וְעָמְד֣וּ זָרִ֔ים וְרָע֖וּ צֹאנְכֶ֑ם וּבְנֵ֣י נֵכָ֔ר אִכָּרֵיכֶ֖ם וְכֹרְמֵיכֶֽם׃

wĕʻámĕd֣ẇ zári֔ym wĕráʻ֖ẇ ẕòʼnĕke֑m ẇbĕné֣y néká֔r ʼiká̇réyke֖m wĕkòrĕméykeֽm׃
6
וְאַתֶּ֗ם כֹּהֲנֵ֤י יְהוָה֙ תִּקָּרֵ֔אוּ מְשָׁרְתֵ֣י אֱלֹהֵ֔ינוּ יֵאָמֵ֖ר לָכֶ֑ם חֵ֤יל גֹּויִם֙ תֹּאכֵ֔לוּ וּבִכְבֹודָ֖ם תִּתְיַמָּֽרוּ׃

wĕʼaţė֗m kò̇hàné֤y yĕhwáh֙ ţi̇qá̇ré֔ʼẇ mĕşá̌rĕţé֣y ʼèlòhé֔ynẇ yéʼámé֖r láke֑m ẖé֤yl gò̇wyim֙ ţò̇ʼké֔lẇ ẇbikĕbòwdá֖m ţi̇ţĕyamáֽ̇rẇ׃
7
תַּ֤חַת בָּשְׁתְּכֶם֙ מִשְׁנֶ֔ה וּכְלִמָּ֖ה יָרֹ֣נּוּ חֶלְקָ֑ם לָכֵ֤ן בְּאַרְצָם֙ מִשְׁנֶ֣ה יִירָ֔שׁוּ שִׂמְחַ֥ת עֹולָ֖ם תִּהְיֶ֥ה לָהֶֽם׃

ţȧ֤ẖaţ bá̇şĕ̌ţĕ̇kem֙ mişĕ̌ne֔h ẇkĕlimá֖̇h yárò֣ṅẇ ẖelĕqá֑m láké֤n bĕ̇ʼarĕẕám֙ mişĕ̌ne֣h yiyrá֔ş̌ẇ şîmĕẖa֥ţ ʻòwlá֖m ţi̇hĕye֥h láheֽm׃
8
כִּ֣י אֲנִ֤י יְהוָה֙ אֹהֵ֣ב מִשְׁפָּ֔ט שֹׂנֵ֥א גָזֵ֖ל בְּעֹולָ֑ה וְנָתַתִּ֤י פְעֻלָּתָם֙ בֶּאֱמֶ֔ת וּבְרִ֥ית עֹולָ֖ם אֶכְרֹ֥ות לָהֶֽם׃

ki֣̇y ʼàni֤y yĕhwáh֙ ʼòhé֣b mişĕ̌pá̇֔t şò̂né֥ʼ gázé֖l bĕ̇ʻòwlá֑h wĕnáţaţi֤̇y pĕʻulá̇ţám֙ bėʼème֔ţ ẇbĕri֥yţ ʻòwlá֖m ʼekĕrò֥wţ láheֽm׃
9
וְנֹודַ֤ע בַּגֹּויִם֙ זַרְעָ֔ם וְצֶאֱצָאֵיהֶ֖ם בְּתֹ֣וךְ הָעַמִּ֑ים כָּל־רֹֽאֵיהֶם֙ יַכִּיר֔וּם כִּ֛י הֵ֥ם זֶ֖רַע בֵּרַ֥ךְ יְהוָֽה׃ ס

wĕnòwda֤ʻ bȧgò̇wyim֙ zarĕʻá֔m wĕẕeʼèẕáʼéyhe֖m bĕ̇ţò֣wkĕ háʻami֑̇ym ká̇l־ròֽʼéyhem֙ yaki̇yr֔ẇm ki֛̇y hé֥m ze֖raʻ bé̇ra֥kĕ yĕhwáֽh׃ s
10
שֹׂ֧ושׂ אָשִׂ֣ישׂ בַּֽיהוָ֗ה תָּגֵ֤ל נַפְשִׁי֙ בֵּֽאלֹהַ֔י כִּ֤י הִלְבִּישַׁ֨נִי֙ בִּגְדֵי־יֶ֔שַׁע מְעִ֥יל צְדָקָ֖ה יְעָטָ֑נִי כֶּֽחָתָן֙ יְכַהֵ֣ן פְּאֵ֔ר וְכַכַּלָּ֖ה תַּעְדֶּ֥ה כֵלֶֽיהָ׃

şò֧̂wş̂ ʼáşî֣yş̂ bȧֽyhwá֗h ţá̇gé֤l napĕşǐy֙ béֽ̇ʼlòha֔y ki֤̇y hilĕbi̇yşǎ֨niy֙ bi̇gĕdéy־ye֔şǎʻ mĕʻi֥yl ẕĕdáqá֖h yĕʻátá֑niy kėֽẖáţán֙ yĕkahé֣n pĕ̇ʼé֔r wĕkakȧlá֖̇h ţȧʻĕdė֥h kéleֽyhá׃
11
כִּ֤י כָאָ֨רֶץ֙ תֹּוצִ֣יא צִמְחָ֔הּ וּכְגַנָּ֖ה זֵרוּעֶ֣יהָ תַצְמִ֑יחַ כֵּ֣ן׀ אֲדֹנָ֣י יְהוִ֗ה יַצְמִ֤יחַ צְדָקָה֙ וּתְהִלָּ֔ה נֶ֖גֶד כָּל־הַגֹּויִֽם׃

ki֤̇y káʼá֨reẕ֙ ţò̇wẕi֣yʼ ẕimĕẖá֔ḣ ẇkĕganá֖̇h zérẇʻe֣yhá ţaẕĕmi֑yẖa ké֣̇n׀ ʼàdòná֣y yĕhwi֗h yaẕĕmi֤yẖa ẕĕdáqáh֙ ẇţĕhilá̇֔h ne֖ged ká̇l־hagò̇wyiֽm׃