Bibles en langues anciennes
Traductions anciennes
Traductions modernes

Biblia Hebraica Stuttgartensia Juges 16, 25

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיֵּ֥לֶךְ שִׁמְשֹׁ֖ון עַזָּ֑תָה וַיַּרְא־שָׁם֙ אִשָּׁ֣ה זֹונָ֔ה וַיָּבֹ֖א אֵלֶֽיהָ׃

wayé֥̇lekĕ şǐmĕşò֖̌wn ʻazá֑̇ţáh wayȧrĕʼ־şá̌m֙ ʼişá֣̇̌h zòwná֔h wayá̇bò֖ʼ ʼéleֽyhá׃

2
לַֽעַזָּתִ֣ים׀ לֵאמֹ֗ר בָּ֤א שִׁמְשֹׁון֙ הֵ֔נָּה וַיָּסֹ֛בּוּ וַיֶּאֶרְבוּ־לֹ֥ו כָל־הַלַּ֖יְלָה בְּשַׁ֣עַר הָעִ֑יר וַיִּתְחָרְשׁ֤וּ כָל־הַלַּ֨יְלָה֙ לֵאמֹ֔ר עַד־אֹ֥ור הַבֹּ֖קֶר וַהֲרְגְנֻֽהוּ׃

laֽʻazá̇ţi֣ym׀ léʼmò֗r bá֤̇ʼ şǐmĕşò̌wn֙ hé֔ná̇h wayá̇sò֛ḃẇ wayėʼerĕbẇ־lò֥w kál־halȧ֖yĕláh bĕ̇şǎ֣ʻar háʻi֑yr wayi̇ţĕẖárĕş֤̌ẇ kál־halȧ֨yĕláh֙ léʼmò֔r ʻad־ʼò֥wr habò֖̇qer wahàrĕgĕnuֽhẇ׃

3
וַיִּשְׁכַּ֣ב שִׁמְשֹׁון֮ עַד־חֲצִ֣י הַלַּיְלָה֒ וַיָּ֣קָם׀ בַּחֲצִ֣י הַלַּ֗יְלָה וַיֶּאֱחֹ֞ז בְּדַלְתֹ֤ות שַֽׁעַר־הָעִיר֙ וּבִשְׁתֵּ֣י הַמְּזוּזֹ֔ות וַיִּסָּעֵם֙ עִֽם־הַבְּרִ֔יחַ וַיָּ֖שֶׂם עַל־כְּתֵפָ֑יו וַֽיַּעֲלֵם֙ אֶל־רֹ֣אשׁ הָהָ֔ר אֲשֶׁ֖ר עַל־פְּנֵ֥י חֶבְרֹֽון׃ פ

wayi̇şĕ̌kȧ֣b şǐmĕşò̌wn֮ ʻad־ẖàẕi֣y halȧyĕláh֒ wayá֣̇qám׀ bȧẖàẕi֣y halȧ֗yĕláh wayėʼèẖò֞z bĕ̇dalĕţò֤wţ şǎֽʻar־háʻiyr֙ ẇbişĕ̌ţé֣̇y hamĕ̇zẇzò֔wţ wayi̇sá̇ʻém֙ ʻiֽm־habĕ̇ri֔yẖa wayá֖̇şêm ʻal־kĕ̇ţépá֑yw waֽyȧʻàlém֙ ʼel־rò֣ʼş̌ háhá֔r ʼàşě֖r ʻal־pĕ̇né֥y ẖebĕròֽwn׃ p

4
וַֽיְהִי֙ אַחֲרֵי־כֵ֔ן וַיֶּאֱהַ֥ב אִשָּׁ֖ה בְּנַ֣חַל שֹׂרֵ֑ק וּשְׁמָ֖הּ דְּלִילָֽה׃

waֽyĕhiy֙ ʼaẖàréy־ké֔n wayėʼèha֥b ʼişá֖̇̌h bĕ̇na֣ẖal şò̂ré֑q ẇşĕ̌má֖ḣ dĕ̇liyláֽh׃

5
וַיַּעֲל֨וּ אֵלֶ֜יהָ סַרְנֵ֣י פְלִשְׁתִּ֗ים וַיֹּ֨אמְרוּ לָ֜הּ פַּתִּ֣י אֹותֹ֗ו וּרְאִי֙ בַּמֶּה֙ כֹּחֹ֣ו גָדֹ֔ול וּבַמֶּה֙ נ֣וּכַל לֹ֔ו וַאֲסַרְנֻ֖הוּ לְעַנֹּתֹ֑ו וַאֲנַ֨חְנוּ֙ נִתַּן־לָ֔ךְ אִ֕ישׁ אֶ֥לֶף וּמֵאָ֖ה כָּֽסֶף׃

wayȧʻàl֨ẇ ʼéle֜yhá sarĕné֣y pĕlişĕ̌ţi̇֗ym wayò̇֨ʼmĕrẇ lá֜ḣ pȧţi֣̇y ʼòwţò֗w ẇrĕʼiy֙ bȧmėh֙ kò̇ẖò֣w gádò֔wl ẇbamėh֙ n֣ẇkal lò֔w waʼàsarĕnu֖hẇ lĕʻanò̇ţò֑w waʼàna֨ẖĕnẇ֙ niţȧn־lá֔kĕ ʼi֕yş̌ ʼe֥lep ẇméʼá֖h káֽ̇sep׃

6
וַתֹּ֤אמֶר דְּלִילָה֙ אֶל־שִׁמְשֹׁ֔ון הַגִּֽידָה־נָּ֣א לִ֔י בַּמֶּ֖ה כֹּחֲךָ֣ גָדֹ֑ול וּבַמֶּ֥ה תֵאָסֵ֖ר לְעַנֹּותֶֽךָ׃

waţò֤̇ʼmer dĕ̇liyláh֙ ʼel־şǐmĕşò̌֔wn hagiֽ̇ydáh־ná֣̇ʼ li֔y bȧmė֖h kò̇ẖàká֣ gádò֑wl ẇbamė֥h ţéʼásé֖r lĕʻanò̇wţeֽká׃

7
וַיֹּ֤אמֶר אֵלֶ֨יהָ֙ שִׁמְשֹׁ֔ון אִם־יַאַסְרֻ֗נִי בְּשִׁבְעָ֛ה יְתָרִ֥ים לַחִ֖ים אֲשֶׁ֣ר לֹא־חֹרָ֖בוּ וְחָלִ֥יתִי וְהָיִ֖יתִי כְּאַחַ֥ד הָאָדָֽם׃

wayò֤̇ʼmer ʼéle֨yhá֙ şǐmĕşò̌֔wn ʼim־yaʼasĕru֗niy bĕ̇şǐbĕʻá֛h yĕţári֥ym laẖi֖ym ʼàşě֣r lòʼ־ẖòrá֖bẇ wĕẖáli֥yţiy wĕháyi֖yţiy kĕ̇ʼaẖa֥d háʼádáֽm׃

8
וַיַּעֲלוּ־לָ֞הּ סַרְנֵ֣י פְלִשְׁתִּ֗ים שִׁבְעָ֛ה יְתָרִ֥ים לַחִ֖ים אֲשֶׁ֣ר לֹא־חֹרָ֑בוּ וַתַּאַסְרֵ֖הוּ בָּהֶֽם׃

wayȧʻàlẇ־lá֞ḣ sarĕné֣y pĕlişĕ̌ţi̇֗ym şǐbĕʻá֛h yĕţári֥ym laẖi֖ym ʼàşě֣r lòʼ־ẖòrá֑bẇ waţȧʼasĕré֖hẇ bá̇heֽm׃

9
וְהָאֹרֵ֗ב יֹשֵׁ֥ב לָהּ֙ בַּחֶ֔דֶר וַתֹּ֣אמֶר אֵלָ֔יו פְּלִשְׁתִּ֥ים עָלֶ֖יךָ שִׁמְשֹׁ֑ון וַיְנַתֵּק֙ אֶת־הַיְתָרִ֔ים כַּאֲשֶׁ֨ר יִנָּתֵ֤ק פְּתִֽיל־הַנְּעֹ֨רֶת֙ בַּהֲרִיחֹ֣ו אֵ֔שׁ וְלֹ֥א נֹודַ֖ע כֹּחֹֽו׃

wĕháʼòré֗b yòşé֥̌b láḣ֙ bȧẖe֔der waţò֣̇ʼmer ʼélá֔yw pĕ̇lişĕ̌ţi֥̇ym ʻále֖yká şǐmĕşò֑̌wn wayĕnaţé̇q֙ ʼeţ־hayĕţári֔ym kȧʼàşě֨r yiná̇ţé֤q pĕ̇ţiֽyl־hanĕ̇ʻò֨reţ֙ bȧhàriyẖò֣w ʼé֔ş̌ wĕlò֥ʼ nòwda֖ʻ kò̇ẖòֽw׃

10
וַתֹּ֤אמֶר דְּלִילָה֙ אֶל־שִׁמְשֹׁ֔ון הִנֵּה֙ הֵתַ֣לְתָּ בִּ֔י וַתְּדַבֵּ֥ר אֵלַ֖י כְּזָבִ֑ים עַתָּה֙ הַגִּֽידָה־נָּ֣א לִ֔י בַּמֶּ֖ה תֵּאָסֵֽר׃

waţò֤̇ʼmer dĕ̇liyláh֙ ʼel־şǐmĕşò̌֔wn hiné̇h֙ héţa֣lĕţá̇ bi̇֔y waţĕ̇dabé֥̇r ʼéla֖y kĕ̇zábi֑ym ʻaţá̇h֙ hagiֽ̇ydáh־ná֣̇ʼ li֔y bȧmė֖h ţé̇ʼáséֽr׃

11
וַיֹּ֣אמֶר אֵלֶ֔יהָ אִם־אָסֹ֤ור יַאַסְר֨וּנִי֙ בַּעֲבֹתִ֣ים חֲדָשִׁ֔ים אֲשֶׁ֛ר לֹֽא־נַעֲשָׂ֥ה בָהֶ֖ם מְלָאכָ֑ה וְחָלִ֥יתִי וְהָיִ֖יתִי כְּאַחַ֥ד הָאָדָֽם׃

wayò֣̇ʼmer ʼéle֔yhá ʼim־ʼásò֤wr yaʼasĕr֨ẇniy֙ bȧʻàbòţi֣ym ẖàdáşǐ֔ym ʼàşě֛r lòֽʼ־naʻàşá֥̂h báhe֖m mĕláʼká֑h wĕẖáli֥yţiy wĕháyi֖yţiy kĕ̇ʼaẖa֥d háʼádáֽm׃

12
וַתִּקַּ֣ח דְּלִילָה֩ עֲבֹתִ֨ים חֲדָשִׁ֜ים וַתַּאַסְרֵ֣הוּ בָהֶ֗ם וַתֹּ֤אמֶר אֵלָיו֙ פְּלִשְׁתִּ֤ים עָלֶ֨יךָ֙ שִׁמְשֹׁ֔ון וְהָאֹרֵ֖ב יֹשֵׁ֣ב בֶּחָ֑דֶר וַֽיְנַתְּקֵ֛ם מֵעַ֥ל זְרֹעֹתָ֖יו כַּחֽוּט׃

waţi̇qȧ֣ẖ dĕ̇liyláh֩ ʻàbòţi֨ym ẖàdáşǐ֜ym waţȧʼasĕré֣hẇ báhe֗m waţò֤̇ʼmer ʼéláyw֙ pĕ̇lişĕ̌ţi֤̇ym ʻále֨yká֙ şǐmĕşò̌֔wn wĕháʼòré֖b yòşé֣̌b bėẖá֑der waֽyĕnaţĕ̇qé֛m méʻa֥l zĕròʻòţá֖yw kȧẖֽẇt׃

13
וַתֹּ֨אמֶר דְּלִילָ֜ה אֶל־שִׁמְשֹׁ֗ון עַד־הֵ֜נָּה הֵתַ֤לְתָּ בִּי֙ וַתְּדַבֵּ֤ר אֵלַי֙ כְּזָבִ֔ים הַגִּ֣ידָה לִּ֔י בַּמֶּ֖ה תֵּאָסֵ֑ר וַיֹּ֣אמֶר אֵלֶ֔יהָ אִם־תַּאַרְגִ֗י אֶת־שֶׁ֛בַע מַחְלְפֹ֥ות רֹאשִׁ֖י עִם־הַמַּסָּֽכֶת׃

waţò̇֨ʼmer dĕ̇liylá֜h ʼel־şǐmĕşò̌֗wn ʻad־hé֜ná̇h héţa֤lĕţá̇ bi̇y֙ waţĕ̇dabé֤̇r ʼélay֙ kĕ̇zábi֔ym hagi֣̇ydáh li̇֔y bȧmė֖h ţé̇ʼásé֑r wayò֣̇ʼmer ʼéle֔yhá ʼim־ţȧʼarĕgi֗y ʼeţ־şě֛baʻ maẖĕlĕpò֥wţ ròʼşǐ֖y ʻim־hamȧsáֽ̇keţ׃

14
וַתִּתְקַע֙ בַּיָּתֵ֔ד וַתֹּ֣אמֶר אֵלָ֔יו פְּלִשְׁתִּ֥ים עָלֶ֖יךָ שִׁמְשֹׁ֑ון וַיִּיקַץ֙ מִשְּׁנָתֹ֔ו וַיִּסַּ֛ע אֶת־הַיְתַ֥ד הָאֶ֖רֶג וְאֶת־הַמַּסָּֽכֶת׃

waţi̇ţĕqaʻ֙ bȧyá̇ţé֔d waţò֣̇ʼmer ʼélá֔yw pĕ̇lişĕ̌ţi֥̇ym ʻále֖yká şǐmĕşò֑̌wn wayi̇yqaẕ֙ mişĕ̇̌náţò֔w wayi̇sȧ֛ʻ ʼeţ־hayĕţa֥d háʼe֖reg wĕʼeţ־hamȧsáֽ̇keţ׃

15
וַתֹּ֣אמֶר אֵלָ֗יו אֵ֚יךְ תֹּאמַ֣ר אֲהַבְתִּ֔יךְ וְלִבְּךָ֖ אֵ֣ין אִתִּ֑י זֶ֣ה שָׁלֹ֤שׁ פְּעָמִים֙ הֵתַ֣לְתָּ בִּ֔י וְלֹא־הִגַּ֣דְתָּ לִּ֔י בַּמֶּ֖ה כֹּחֲךָ֥ גָדֹֽול׃

waţò֣̇ʼmer ʼélá֗yw ʼé֚ykĕ ţò̇ʼma֣r ʼàhabĕţi̇֔ykĕ wĕlibĕ̇ká֖ ʼé֣yn ʼiţi֑̇y ze֣h şá̌lò֤ş̌ pĕ̇ʻámiym֙ héţa֣lĕţá̇ bi̇֔y wĕlòʼ־higȧ֣dĕţá̇ li̇֔y bȧmė֖h kò̇ẖàká֥ gádòֽwl׃

16
וַ֠יְהִי כִּֽי־הֵצִ֨יקָה לֹּ֧ו בִדְבָרֶ֛יהָ כָּל־הַיָּמִ֖ים וַתְּאַֽלֲצֵ֑הוּ וַתִּקְצַ֥ר נַפְשֹׁ֖ו לָמֽוּת׃

wa֠yĕhiy kiֽ̇y־héẕi֨yqáh lò֧̇w bidĕbáre֛yhá ká̇l־hayá̇mi֖ym waţĕ̇ʼaֽlàẕé֑hẇ waţi̇qĕẕa֥r napĕşò֖̌w lámֽẇţ׃

17
וַיַּגֶּד־לָ֣הּ אֶת־כָּל־לִבֹּ֗ו וַיֹּ֤אמֶר לָהּ֙ מֹורָה֙ לֹֽא־עָלָ֣ה עַל־רֹאשִׁ֔י כִּֽי־נְזִ֧יר אֱלֹהִ֛ים אֲנִ֖י מִבֶּ֣טֶן אִמִּ֑י אִם־גֻּלַּ֨חְתִּי֙ וְסָ֣ר מִמֶּ֣נִּי כֹחִ֔י וְחָלִ֥יתִי וְהָיִ֖יתִי כְּכָל־הָאָדָֽם׃

wayȧgėd־lá֣ḣ ʼeţ־ká̇l־libò̇֗w wayò֤̇ʼmer láḣ֙ mòwráh֙ lòֽʼ־ʻálá֣h ʻal־ròʼşǐ֔y kiֽ̇y־nĕzi֧yr ʼèlòhi֛ym ʼàni֖y mibė֣ten ʼimi֑̇y ʼim־gu̇lȧ֨ẖĕţi̇y֙ wĕsá֣r mimė֣ni̇y kòẖi֔y wĕẖáli֥yţiy wĕháyi֖yţiy kĕ̇kál־háʼádáֽm׃

18
וַתֵּ֣רֶא דְּלִילָ֗ה כִּֽי־הִגִּ֣יד לָהּ֮ אֶת־כָּל־לִבֹּו֒ וַתִּשְׁלַ֡ח וַתִּקְרָא֩ לְסַרְנֵ֨י פְלִשְׁתִּ֤ים לֵאמֹר֙ עֲל֣וּ הַפַּ֔עַם כִּֽי־הִגִּ֥יד לָהּ אֶת־כָּל־לִבֹּ֑ו וְעָל֤וּ אֵלֶ֨יהָ֙ סַרְנֵ֣י פְלִשְׁתִּ֔ים וַיַּעֲל֥וּ הַכֶּ֖סֶף בְּיָדָֽם׃

waţé֣̇reʼ dĕ̇liylá֗h kiֽ̇y־higi֣̇yd láḣ֮ ʼeţ־ká̇l־libò̇w֒ waţi̇şĕ̌la֡ẖ waţi̇qĕráʼ֩ lĕsarĕné֨y pĕlişĕ̌ţi֤̇ym léʼmòr֙ ʻàl֣ẇ hapȧ֔ʻam kiֽ̇y־higi֥̇yd láḣ ʼeţ־ká̇l־libò֑̇w wĕʻál֤ẇ ʼéle֨yhá֙ sarĕné֣y pĕlişĕ̌ţi̇֔ym wayȧʻàl֥ẇ hakė֖sep bĕ̇yádáֽm׃

19
וַתְּיַשְּׁנֵ֨הוּ֙ עַל־בִּרְכֶּ֔יהָ וַתִּקְרָ֣א לָאִ֔ישׁ וַתְּגַלַּ֕ח אֶת־שֶׁ֖בַע מַחְלְפֹ֣ות רֹאשֹׁ֑ו וַתָּ֨חֶל֙ לְעַנֹּותֹ֔ו וַיָּ֥סַר כֹּחֹ֖ו מֵעָלָֽיו׃

waţĕ̇yaşĕ̇̌né֨hẇ֙ ʻal־bi̇rĕkė֔yhá waţi̇qĕrá֣ʼ láʼi֔yş̌ waţĕ̇galȧ֕ẖ ʼeţ־şě֖baʻ maẖĕlĕpò֣wţ ròʼşò֑̌w waţá̇֨ẖel֙ lĕʻanò̇wţò֔w wayá֥̇sar kò̇ẖò֖w méʻáláֽyw׃

20
וַתֹּ֕אמֶר פְּלִשְׁתִּ֥ים עָלֶ֖יךָ שִׁמְשֹׁ֑ון וַיִּקַ֣ץ מִשְּׁנָתֹ֗ו וַיֹּ֨אמֶר֙ אֵצֵ֞א כְּפַ֤עַם בְּפַ֨עַם֙ וְאִנָּעֵ֔ר וְהוּא֙ לֹ֣א יָדַ֔ע כִּ֥י יְהוָ֖ה סָ֥ר מֵעָלָֽיו׃

waţò̇֕ʼmer pĕ̇lişĕ̌ţi֥̇ym ʻále֖yká şǐmĕşò֑̌wn wayi̇qa֣ẕ mişĕ̇̌náţò֗w wayò̇֨ʼmer֙ ʼéẕé֞ʼ kĕ̇pa֤ʻam bĕ̇pa֨ʻam֙ wĕʼiná̇ʻé֔r wĕhẇʼ֙ lò֣ʼ yáda֔ʻ ki֥̇y yĕhwá֖h sá֥r méʻáláֽyw׃

21
וַיֹּאחֲז֣וּהוּ פְלִשְׁתִּ֔ים וַֽיְנַקְּר֖וּ אֶת־עֵינָ֑יו וַיֹּורִ֨ידוּ אֹותֹ֜ו עַזָּ֗תָה וַיַּאַסְר֨וּהוּ֙ בַּֽנְחֻשְׁתַּ֔יִם וַיְהִ֥י טֹוחֵ֖ן בְּבֵ֥ית הָאֲסִירִים

wayò̇ʼẖàz֣ẇhẇ pĕlişĕ̌ţi̇֔ym waֽyĕnaqĕ̇r֖ẇ ʼeţ־ʻéyná֑yw wayò̇wri֨ydẇ ʼòwţò֜w ʻazá̇֗ţáh wayȧʼasĕr֨ẇhẇ֙ bȧֽnĕẖuşĕ̌ţȧ֔yim wayĕhi֥y tòwẖé֖n bĕ̇bé֥yţ háʼàsiyriym

22
וַיָּ֧חֶל שְׂעַר־רֹאשֹׁ֛ו לְצַמֵּ֖חַ כַּאֲשֶׁ֥ר גֻּלָּֽח׃ פ

wayá֧̇ẖel şĕ̂ʻar־ròʼşò֛̌w lĕẕamé֖̇ẖa kȧʼàşě֥r gu̇láֽ̇ẖ׃ p

23
וְסַרְנֵ֣י פְלִשְׁתִּ֗ים נֶֽאֱסְפוּ֙ לִזְבֹּ֧חַ זֶֽבַח־גָּדֹ֛ול לְדָגֹ֥ון אֱלֹהֵיהֶ֖ם וּלְשִׂמְחָ֑ה וַיֹּ֣אמְר֔וּ נָתַ֤ן אֱלֹהֵ֨ינוּ֙ בְּיָדֵ֔נוּ אֵ֖ת שִׁמְשֹׁ֥ון אֹויְבֵֽינוּ׃

wĕsarĕné֣y pĕlişĕ̌ţi̇֗ym neֽʼèsĕpẇ֙ lizĕbò֧̇ẖa zeֽbaẖ־gá̇dò֛wl lĕdágò֥wn ʼèlòhéyhe֖m ẇlĕşîmĕẖá֑h wayò֣̇ʼmĕr֔ẇ náţa֤n ʼèlòhé֨ynẇ֙ bĕ̇yádé֔nẇ ʼé֖ţ şǐmĕşò֥̌wn ʼòwyĕbéֽynẇ׃

24
וַיִּרְא֤וּ אֹתֹו֙ הָעָ֔ם וַֽיְהַלְל֖וּ אֶת־אֱלֹהֵיהֶ֑ם כִּ֣י אָמְר֗וּ נָתַ֨ן אֱלֹהֵ֤ינוּ בְיָדֵ֨נוּ֙ אֶת־אֹ֣ויְבֵ֔נוּ וְאֵת֙ מַחֲרִ֣יב אַרְצֵ֔נוּ וַאֲשֶׁ֥ר הִרְבָּ֖ה אֶת־חֲלָלֵֽינוּ׃

wayi̇rĕʼ֤ẇ ʼòţòw֙ háʻá֔m waֽyĕhalĕl֖ẇ ʼeţ־ʼèlòhéyhe֑m ki֣̇y ʼámĕr֗ẇ náţa֨n ʼèlòhé֤ynẇ bĕyádé֨nẇ֙ ʼeţ־ʼò֣wyĕbé֔nẇ wĕʼéţ֙ maẖàri֣yb ʼarĕẕé֔nẇ waʼàşě֥r hirĕbá֖̇h ʼeţ־ẖàláléֽynẇ׃

25
וַֽיְהִי֙ כִּי טֹוב לִבָּ֔ם וַיֹּ֣אמְר֔וּ קִרְא֥וּ לְשִׁמְשֹׁ֖ון וִישַֽׂחֶק־לָ֑נוּ וַיִּקְרְא֨וּ לְשִׁמְשֹׁ֜ון מִבֵּ֣ית הָאֲסִירִים וַיְצַחֵק֙ לִפְנֵיהֶ֔ם וַיַּעֲמִ֥ידוּ אֹותֹ֖ו בֵּ֥ין הָעַמּוּדִֽים׃

waֽyĕhiy֙ ki̇y tòwb libá̇֔m wayò֣̇ʼmĕr֔ẇ qirĕʼ֥ẇ lĕşǐmĕşò֖̌wn wiyşâֽẖeq־lá֑nẇ wayi̇qĕrĕʼ֨ẇ lĕşǐmĕşò̌֜wn mibé֣̇yţ háʼàsiyriym wayĕẕaẖéq֙ lipĕnéyhe֔m wayȧʻàmi֥ydẇ ʼòwţò֖w bé֥̇yn háʻaṁẇdiֽym׃

26
וַיֹּ֨אמֶר שִׁמְשֹׁ֜ון אֶל־הַנַּ֨עַר הַמַּחֲזִ֣יק בְּיָדֹו֮ הַנִּ֣יחָה אֹותִי֒ וַהֵימִשֵׁנִי אֶת־הָֽעַמֻּדִ֔ים אֲשֶׁ֥ר הַבַּ֖יִת נָכֹ֣ון עֲלֵיהֶ֑ם וְאֶשָּׁעֵ֖ן עֲלֵיהֶֽם׃

wayò̇֨ʼmer şǐmĕşò̌֜wn ʼel־hanȧ֨ʻar hamȧẖàzi֣yq bĕ̇yádòw֮ hani֣̇yẖáh ʼòwţiy֒ wahéymişé̌niy ʼeţ־háֽʻamu̇di֔ym ʼàşě֥r habȧ֖yiţ nákò֣wn ʻàléyhe֑m wĕʼeşá̇̌ʻé֖n ʻàléyheֽm׃

27
וְהַבַּ֗יִת מָלֵ֤א הָֽאֲנָשִׁים֙ וְהַנָּשִׁ֔ים וְשָׁ֕מָּה כֹּ֖ל סַרְנֵ֣י פְלִשְׁתִּ֑ים וְעַל־הַגָּ֗ג כִּשְׁלֹ֤שֶׁת אֲלָפִים֙ אִ֣ישׁ וְאִשָּׁ֔ה הָרֹאִ֖ים בִּשְׂחֹ֥וק שִׁמְשֹֽׁון׃

wĕhabȧ֗yiţ málé֤ʼ háֽʼànáşǐym֙ wĕhaná̇şǐ֔ym wĕşá̌֕má̇h kò֖̇l sarĕné֣y pĕlişĕ̌ţi֑̇ym wĕʻal־hagá̇֗g ki̇şĕ̌lò֤şěţ ʼàlápiym֙ ʼi֣yş̌ wĕʼişá̇̌֔h háròʼi֖ym bi̇şĕ̂ẖò֥wq şǐmĕşòֽ̌wn׃

28
וַיִּקְרָ֥א שִׁמְשֹׁ֛ון אֶל־יְהוָ֖ה וַיֹּאמַ֑ר אֲדֹנָ֣י יֱהֹוִ֡ה זָכְרֵ֣נִי נָא֩ וְחַזְּקֵ֨נִי נָ֜א אַ֣ךְ הַפַּ֤עַם הַזֶּה֙ הָאֱלֹהִ֔ים וְאִנָּקְמָ֧ה נְקַם־אַחַ֛ת מִשְּׁתֵ֥י עֵינַ֖י מִפְּלִשְׁתִּֽים׃

wayi̇qĕrá֥ʼ şǐmĕşò֛̌wn ʼel־yĕhwá֖h wayò̇ʼma֑r ʼàdòná֣y yèhòwi֡h zákĕré֣niy náʼ֩ wĕẖazĕ̇qé֨niy ná֜ʼ ʼa֣kĕ hapȧ֤ʻam hazėh֙ háʼèlòhi֔ym wĕʼiná̇qĕmá֧h nĕqam־ʼaẖa֛ţ mişĕ̇̌ţé֥y ʻéyna֖y mipĕ̇lişĕ̌ţiֽ̇ym׃

29
וַיִּלְפֹּ֨ת שִׁמְשֹׁ֜ון אֶת־שְׁנֵ֣י׀ עַמּוּדֵ֣י הַתָּ֗וֶךְ אֲשֶׁ֤ר הַבַּ֨יִת֙ נָכֹ֣ון עֲלֵיהֶ֔ם וַיִּסָּמֵ֖ךְ עֲלֵיהֶ֑ם אֶחָ֥ד בִּימִינֹ֖ו וְאֶחָ֥ד בִּשְׂמֹאלֹֽו׃

wayi̇lĕpò̇֨ţ şǐmĕşò̌֜wn ʼeţ־şĕ̌né֣y׀ ʻaṁẇdé֣y haţá̇֗wekĕ ʼàşě֤r habȧ֨yiţ֙ nákò֣wn ʻàléyhe֔m wayi̇sá̇mé֖kĕ ʻàléyhe֑m ʼeẖá֥d bi̇ymiynò֖w wĕʼeẖá֥d bi̇şĕ̂mòʼlòֽw׃

30
וַיֹּ֣אמֶר שִׁמְשֹׁ֗ון תָּמֹ֣ות נַפְשִׁי֮ עִם־פְּלִשְׁתִּים֒ וַיֵּ֣ט בְּכֹ֔חַ וַיִּפֹּ֤ל הַבַּ֨יִת֙ עַל־הַסְּרָנִ֔ים וְעַל־כָּל־הָעָ֖ם אֲשֶׁר־בֹּ֑ו וַיִּהְי֤וּ הַמֵּתִים֙ אֲשֶׁ֣ר הֵמִ֣ית בְּמֹותֹ֔ו רַבִּ֕ים מֵאֲשֶׁ֥ר הֵמִ֖ית בְּחַיָּֽיו׃

wayò֣̇ʼmer şǐmĕşò̌֗wn ţá̇mò֣wţ napĕşǐy֮ ʻim־pĕ̇lişĕ̌ţi̇ym֒ wayé֣̇t bĕ̇kò֔ẖa wayi̇pò֤̇l habȧ֨yiţ֙ ʻal־hasĕ̇ráni֔ym wĕʻal־ká̇l־háʻá֖m ʼàşěr־bò֑̇w wayi̇hĕy֤ẇ hamé̇ţiym֙ ʼàşě֣r hémi֣yţ bĕ̇mòwţò֔w rabi̇֕ym méʼàşě֥r hémi֖yţ bĕ̇ẖayáֽ̇yw׃

31
וַיֵּרְד֨וּ אֶחָ֜יו וְכָל־בֵּ֣ית אָבִיהוּ֮ וַיִּשְׂא֣וּ אֹתֹו֒ וַֽיַּעֲל֣וּ׀ וַיִּקְבְּר֣וּ אֹותֹ֗ו בֵּ֤ין צָרְעָה֙ וּבֵ֣ין אֶשְׁתָּאֹ֔ל בְּקֶ֖בֶר מָנֹ֣וחַ אָבִ֑יו וְה֛וּא שָׁפַ֥ט אֶת־יִשְׂרָאֵ֖ל עֶשְׂרִ֥ים שָׁנָֽה׃ פ

wayé̇rĕd֨ẇ ʼeẖá֜yw wĕkál־bé֣̇yţ ʼábiyhẇ֮ wayi̇şĕ̂ʼ֣ẇ ʼòţòw֒ waֽyȧʻàl֣ẇ׀ wayi̇qĕbĕ̇r֣ẇ ʼòwţò֗w bé֤̇yn ẕárĕʻáh֙ ẇbé֣yn ʼeşĕ̌ţá̇ʼò֔l bĕ̇qe֖ber mánò֣wẖa ʼábi֑yw wĕh֛ẇʼ şá̌pa֥t ʼeţ־yişĕ̂ráʼé֖l ʻeşĕ̂ri֥ym şá̌náֽh׃ p