Bibles en langues anciennes
Traductions anciennes
Traductions modernes

Biblia Hebraica Stuttgartensia Juges 20, 11

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיֵּצְאוּ֮ כָּל־בְּנֵ֣י יִשְׂרָאֵל֒ וַתִּקָּהֵ֨ל הָעֵדָ֜ה כְּאִ֣ישׁ אֶחָ֗ד לְמִדָּן֙ וְעַד־בְּאֵ֣ר שֶׁ֔בַע וְאֶ֖רֶץ הַגִּלְעָ֑ד אֶל־יְהוָ֖ה הַמִּצְפָּֽה׃

wayé̇ẕĕʼẇ֮ ká̇l־bĕ̇né֣y yişĕ̂ráʼél֒ waţi̇qá̇hé֨l háʻédá֜h kĕ̇ʼi֣yş̌ ʼeẖá֗d lĕmidá̇n֙ wĕʻad־bĕ̇ʼé֣r şě֔baʻ wĕʼe֖reẕ hagi̇lĕʻá֑d ʼel־yĕhwá֖h hami̇ẕĕpáֽ̇h׃

2
וַיִּֽתְיַצְּב֞וּ פִּנֹּ֣ות כָּל־הָעָ֗ם כֹּ֚ל שִׁבְטֵ֣י יִשְׂרָאֵ֔ל בִּקְהַ֖ל עַ֣ם הָאֱלֹהִ֑ים אַרְבַּ֨ע מֵאֹ֥ות אֶ֛לֶף אִ֥ישׁ רַגְלִ֖י שֹׁ֥לֵֽף חָֽרֶב׃ פ

wayiֽ̇ţĕyaẕĕ̇b֞ẇ pi̇nò֣̇wţ ká̇l־háʻá֗m kò֚̇l şǐbĕté֣y yişĕ̂ráʼé֔l bi̇qĕha֖l ʻa֣m háʼèlòhi֑ym ʼarĕbȧ֨ʻ méʼò֥wţ ʼe֛lep ʼi֥yş̌ ragĕli֖y şò֥̌léֽp ẖáֽreb׃ p

3
וַֽיִּשְׁמְעוּ֙ בְּנֵ֣י בִנְיָמִ֔ן כִּֽי־עָל֥וּ בְנֵֽי־יִשְׂרָאֵ֖ל הַמִּצְפָּ֑ה וַיֹּֽאמְרוּ֙ בְּנֵ֣י יִשְׂרָאֵ֔ל דַּבְּר֕וּ אֵיכָ֥ה נִהְיְתָ֖ה הָרָעָ֥ה הַזֹּֽאת׃

waֽyi̇şĕ̌mĕʻẇ֙ bĕ̇né֣y binĕyámi֔n kiֽ̇y־ʻál֥ẇ bĕnéֽy־yişĕ̂ráʼé֖l hami̇ẕĕpá֑̇h wayòֽ̇ʼmĕrẇ֙ bĕ̇né֣y yişĕ̂ráʼé֔l dȧbĕ̇r֕ẇ ʼéyká֥h nihĕyĕţá֖h háráʻá֥h hazòֽ̇ʼţ׃

4
וַיַּ֜עַן הָאִ֣ישׁ הַלֵּוִ֗י אִ֛ישׁ הָאִשָּׁ֥ה הַנִּרְצָחָ֖ה וַיֹּאמַ֑ר הַגִּבְעָ֨תָה֙ אֲשֶׁ֣ר לְבִנְיָמִ֔ן בָּ֛אתִי אֲנִ֥י וּפִֽילַגְשִׁ֖י לָלֽוּן׃

wayȧ֜ʻan háʼi֣yş̌ halé̇wi֗y ʼi֛yş̌ háʼişá֥̇̌h hani̇rĕẕáẖá֖h wayò̇ʼma֑r hagi̇bĕʻá֨ţáh֙ ʼàşě֣r lĕbinĕyámi֔n bá֛̇ʼţiy ʼàni֥y ẇpiֽylagĕşǐ֖y lálֽẇn׃

5
וַיָּקֻ֤מוּ עָלַי֙ בַּעֲלֵ֣י הַגִּבְעָ֔ה וַיָּסֹ֧בּוּ עָלַ֛י אֶת־הַבַּ֖יִת לָ֑יְלָה אֹותִי֙ דִּמּ֣וּ לַהֲרֹ֔ג וְאֶת־פִּילַגְשִׁ֥י עִנּ֖וּ וַתָּמֹֽת׃

wayá̇qu֤mẇ ʻálay֙ bȧʻàlé֣y hagi̇bĕʻá֔h wayá̇sò֧ḃẇ ʻála֛y ʼeţ־habȧ֖yiţ lá֑yĕláh ʼòwţiy֙ di̇ṁ֣ẇ lahàrò֔g wĕʼeţ־pi̇ylagĕşǐ֥y ʻiṅ֖ẇ waţá̇mòֽţ׃

6
וָֽאֹחֵ֤ז בְּפִֽילַגְשִׁי֙ וָֽאֲנַתְּחֶ֔הָ וָֽאֲשַׁלְּחֶ֔הָ בְּכָל־שְׂדֵ֖ה נַחֲלַ֣ת יִשְׂרָאֵ֑ל כִּ֥י עָשׂ֛וּ זִמָּ֥ה וּנְבָלָ֖ה בְּיִשְׂרָאֵֽל׃

wáֽʼòẖé֤z bĕ̇piֽylagĕşǐy֙ wáֽʼànaţĕ̇ẖe֔há wáֽʼàşǎlĕ̇ẖe֔há bĕ̇kál־şĕ̂dé֖h naẖàla֣ţ yişĕ̂ráʼé֑l ki֥̇y ʻáş֛̂ẇ zimá֥̇h ẇnĕbálá֖h bĕ̇yişĕ̂ráʼéֽl׃

7
הִנֵּ֥ה כֻלְּכֶ֖ם בְּנֵ֣י יִשְׂרָאֵ֑ל הָב֥וּ לָכֶ֛ם דָּבָ֥ר וְעֵצָ֖ה הֲלֹֽם׃

hiné֥̇h kulĕ̇ke֖m bĕ̇né֣y yişĕ̂ráʼé֑l háb֥ẇ láke֛m dá̇bá֥r wĕʻéẕá֖h hàlòֽm׃

8
וַיָּ֨קָם֙ כָּל־הָעָ֔ם כְּאִ֥ישׁ אֶחָ֖ד לֵאמֹ֑ר לֹ֤א נֵלֵךְ֙ אִ֣ישׁ לְאָהֳלֹ֔ו וְלֹ֥א נָס֖וּר אִ֥ישׁ לְבֵיתֹֽו׃

wayá̇֨qám֙ ká̇l־háʻá֔m kĕ̇ʼi֥yş̌ ʼeẖá֖d léʼmò֑r lò֤ʼ nélékĕ֙ ʼi֣yş̌ lĕʼáholò֔w wĕlò֥ʼ nás֖ẇr ʼi֥yş̌ lĕbéyţòֽw׃

9
וְעַתָּ֕ה זֶ֣ה הַדָּבָ֔ר אֲשֶׁ֥ר נַעֲשֶׂ֖ה לַגִּבְעָ֑ה עָלֶ֖יהָ בְּגֹורָֽל׃

wĕʻaţá̇֕h ze֣h hadá̇bá֔r ʼàşě֥r naʻàşê֖h lagi̇bĕʻá֑h ʻále֖yhá bĕ̇gòwráֽl׃

10
וְלָקַ֣חְנוּ עֲשָׂרָה֩ אֲנָשִׁ֨ים לַמֵּאָ֜ה לְכֹ֣ל׀ שִׁבְטֵ֣י יִשְׂרָאֵ֗ל וּמֵאָ֤ה לָאֶ֨לֶף֙ וְאֶ֣לֶף לָרְבָבָ֔ה לָקַ֥חַת צֵדָ֖ה לָעָ֑ם לַעֲשֹׂ֗ות לְבֹואָם֙ לְגֶ֣בַע בִּנְיָמִ֔ן כְּכָל־הַ֨נְּבָלָ֔ה אֲשֶׁ֥ר עָשָׂ֖ה בְּיִשְׂרָאֵֽל׃

wĕláqa֣ẖĕnẇ ʻàşá̂ráh֩ ʼànáşǐ֨ym lamé̇ʼá֜h lĕkò֣l׀ şǐbĕté֣y yişĕ̂ráʼé֗l ẇméʼá֤h láʼe֨lep֙ wĕʼe֣lep lárĕbábá֔h láqa֥ẖaţ ẕédá֖h láʻá֑m laʻàşò̂֗wţ lĕbòwʼám֙ lĕge֣baʻ bi̇nĕyámi֔n kĕ̇kál־ha֨nĕ̇bálá֔h ʼàşě֥r ʻáşá֖̂h bĕ̇yişĕ̂ráʼéֽl׃

11
וַיֵּֽאָסֵ֞ף כָּל־אִ֤ישׁ יִשְׂרָאֵל֙ אֶל־הָעִ֔יר כְּאִ֥ישׁ אֶחָ֖ד חֲבֵרִֽים׃ פ

wayéֽ̇ʼásé֞p ká̇l־ʼi֤yş̌ yişĕ̂ráʼél֙ ʼel־háʻi֔yr kĕ̇ʼi֥yş̌ ʼeẖá֖d ẖàbériֽym׃ p

12
וַֽיִּשְׁלְח֞וּ שִׁבְטֵ֤י יִשְׂרָאֵל֙ אֲנָשִׁ֔ים בְּכָל־שִׁבְטֵ֥י בִנְיָמִ֖ן לֵאמֹ֑ר מָ֚ה הָרָעָ֣ה הַזֹּ֔את אֲשֶׁ֥ר נִהְיְתָ֖ה בָּכֶֽם׃

waֽyi̇şĕ̌lĕẖ֞ẇ şǐbĕté֤y yişĕ̂ráʼél֙ ʼànáşǐ֔ym bĕ̇kál־şǐbĕté֥y binĕyámi֖n léʼmò֑r má֚h háráʻá֣h hazò̇֔ʼţ ʼàşě֥r nihĕyĕţá֖h bá̇keֽm׃

13
וְעַתָּ֡ה תְּנוּ֩ אֶת־הָאֲנָשִׁ֨ים בְּנֵֽי־בְלִיַּ֜עַל אֲשֶׁ֤ר בַּגִּבְעָה֙ וּנְמִיתֵ֔ם וּנְבַעֲרָ֥ה רָעָ֖ה מִיִּשְׂרָאֵ֑ל וְלֹ֤א אָבוּ֙ בִּנְיָמִ֔ן לִשְׁמֹ֕עַ בְּקֹ֖ול אֲחֵיהֶ֥ם בְּנֵֽי־יִשְׂרָאֵֽל׃

wĕʻaţá̇֡h ţĕ̇nẇ֩ ʼeţ־háʼànáşǐ֨ym bĕ̇néֽy־bĕliyȧ֜ʻal ʼàşě֤r bȧgi̇bĕʻáh֙ ẇnĕmiyţé֔m ẇnĕbaʻàrá֥h ráʻá֖h miyi̇şĕ̂ráʼé֑l wĕlò֤ʼ ʼábẇ֙ bi̇nĕyámi֔n lişĕ̌mò֕ʻa bĕ̇qò֖wl ʼàẖéyhe֥m bĕ̇néֽy־yişĕ̂ráʼéֽl׃

14
וַיֵּאָסְפ֧וּ בְנֵֽי־בִנְיָמִ֛ן מִן־הֶעָרִ֖ים הַגִּבְעָ֑תָה לָצֵ֥את לַמִּלְחָמָ֖ה עִם־בְּנֵ֥י יִשְׂרָאֵֽל׃

wayé̇ʼásĕp֧ẇ bĕnéֽy־binĕyámi֛n min־heʻári֖ym hagi̇bĕʻá֑ţáh láẕé֥ʼţ lami̇lĕẖámá֖h ʻim־bĕ̇né֥y yişĕ̂ráʼéֽl׃

15
וַיִּתְפָּֽקְדוּ֩ בְנֵ֨י בִנְיָמִ֜ן בַּיֹּ֤ום הַהוּא֙ מֵהֶ֣עָרִ֔ים עֶשְׂרִ֨ים וְשִׁשָּׁ֥ה אֶ֛לֶף אִ֖ישׁ שֹׁ֣לֵֽף חָ֑רֶב לְ֠בַד מִיֹּשְׁבֵ֤י הַגִּבְעָה֙ הִתְפָּ֣קְד֔וּ שְׁבַ֥ע מֵאֹ֖ות אִ֥ישׁ בָּחֽוּר׃

wayi̇ţĕpáֽ̇qĕdẇ֩ bĕné֨y binĕyámi֜n bȧyò֤̇wm hahẇʼ֙ méhe֣ʻári֔ym ʻeşĕ̂ri֨ym wĕşǐşá֥̇̌h ʼe֛lep ʼi֖yş̌ şò֣̌léֽp ẖá֑reb lĕ֠bad miyò̇şĕ̌bé֤y hagi̇bĕʻáh֙ hiţĕpá֣̇qĕd֔ẇ şĕ̌ba֥ʻ méʼò֖wţ ʼi֥yş̌ bá̇ẖֽẇr׃

16
מִכֹּ֣ל׀ הָעָ֣ם הַזֶּ֗ה שְׁבַ֤ע מֵאֹות֙ אִ֣ישׁ בָּח֔וּר אִטֵּ֖ר יַד־יְמִינֹ֑ו כָּל־זֶ֗ה קֹלֵ֧עַ בָּאֶ֛בֶן אֶל־הַֽשַּׂעֲרָ֖ה וְלֹ֥א יַחֲטִֽא׃ פ

mikò֣̇l׀ háʻá֣m hazė֗h şĕ̌ba֤ʻ méʼòwţ֙ ʼi֣yş̌ bá̇ẖ֔ẇr ʼité֖̇r yad־yĕmiynò֑w ká̇l־ze֗h qòlé֧ʻa bá̇ʼe֛ben ʼel־haֽşȧ̂ʻàrá֖h wĕlò֥ʼ yaẖàtiֽʼ׃ p

17
וְאִ֨ישׁ יִשְׂרָאֵ֜ל הִתְפָּֽקְד֗וּ לְבַד֙ מִבִּנְיָמִ֔ן אַרְבַּ֨ע מֵאֹ֥ות אֶ֛לֶף אִ֖ישׁ שֹׁ֣לֵֽף חָ֑רֶב כָּל־זֶ֖ה אִ֥ישׁ מִלְחָמָֽה׃

wĕʼi֨yş̌ yişĕ̂ráʼé֜l hiţĕpáֽ̇qĕd֗ẇ lĕbad֙ mibi̇nĕyámi֔n ʼarĕbȧ֨ʻ méʼò֥wţ ʼe֛lep ʼi֖yş̌ şò֣̌léֽp ẖá֑reb ká̇l־ze֖h ʼi֥yş̌ milĕẖámáֽh׃

18
וַיָּקֻ֜מוּ וַיַּעֲל֣וּ בֵֽית־אֵל֮ וַיִּשְׁאֲל֣וּ בֵאלֹהִים֒ וַיֹּֽאמְרוּ֙ בְּנֵ֣י יִשְׂרָאֵ֔ל מִ֚י יַעֲלֶה־לָּ֣נוּ בַתְּחִלָּ֔ה לַמִּלְחָמָ֖ה עִם־בְּנֵ֣י בִנְיָמִ֑ן וַיֹּ֥אמֶר יְהוָ֖ה יְהוּדָ֥ה בַתְּחִלָּֽה׃

wayá̇qu֜mẇ wayȧʻàl֣ẇ béֽyţ־ʼél֮ wayi̇şĕ̌ʼàl֣ẇ béʼlòhiym֒ wayòֽ̇ʼmĕrẇ֙ bĕ̇né֣y yişĕ̂ráʼé֔l mi֚y yaʻàleh־lá֣̇nẇ baţĕ̇ẖilá̇֔h lami̇lĕẖámá֖h ʻim־bĕ̇né֣y binĕyámi֑n wayò֥̇ʼmer yĕhwá֖h yĕhẇdá֥h baţĕ̇ẖiláֽ̇h׃

19
וַיָּק֥וּמוּ בְנֵֽי־יִשְׂרָאֵ֖ל בַּבֹּ֑קֶר וַיַּֽחֲנ֖וּ עַל־הַגִּבְעָֽה׃ פ

wayá̇q֥ẇmẇ bĕnéֽy־yişĕ̂ráʼé֖l bȧbò֑̇qer wayȧֽẖàn֖ẇ ʻal־hagi̇bĕʻáֽh׃ p

20
וַיֵּצֵא֙ אִ֣ישׁ יִשְׂרָאֵ֔ל לַמִּלְחָמָ֖ה עִם־בִּנְיָמִ֑ן וַיַּעַרְכ֨וּ אִתָּ֧ם אִֽישׁ־יִשְׂרָאֵ֛ל מִלְחָמָ֖ה אֶל־הַגִּבְעָֽה׃

wayé̇ẕéʼ֙ ʼi֣yş̌ yişĕ̂ráʼé֔l lami̇lĕẖámá֖h ʻim־bi̇nĕyámi֑n wayȧʻarĕk֨ẇ ʼiţá֧̇m ʼiֽyş̌־yişĕ̂ráʼé֛l milĕẖámá֖h ʼel־hagi̇bĕʻáֽh׃

21
וַיֵּצְא֥וּ בְנֵֽי־בִנְיָמִ֖ן מִן־הַגִּבְעָ֑ה וַיַּשְׁחִ֨יתוּ בְיִשְׂרָאֵ֜ל בַּיֹּ֣ום הַה֗וּא שְׁנַ֨יִם וְעֶשְׂרִ֥ים אֶ֛לֶף אִ֖ישׁ אָֽרְצָה׃

wayé̇ẕĕʼ֥ẇ bĕnéֽy־binĕyámi֖n min־hagi̇bĕʻá֑h wayȧşĕ̌ẖi֨yţẇ bĕyişĕ̂ráʼé֜l bȧyò֣̇wm hah֗ẇʼ şĕ̌na֨yim wĕʻeşĕ̂ri֥ym ʼe֛lep ʼi֖yş̌ ʼáֽrĕẕáh׃

22
וַיִּתְחַזֵּ֥ק הָעָ֖ם אִ֣ישׁ יִשְׂרָאֵ֑ל וַיֹּסִ֨פוּ֙ לַעֲרֹ֣ךְ מִלְחָמָ֔ה בַּמָּקֹ֕ום אֲשֶׁר־עָ֥רְכוּ שָׁ֖ם בַּיֹּ֥ום הָרִאשֹֽׁון׃

wayi̇ţĕẖazé֥̇q háʻá֖m ʼi֣yş̌ yişĕ̂ráʼé֑l wayò̇si֨pẇ֙ laʻàrò֣kĕ milĕẖámá֔h bȧmá̇qò֕wm ʼàşěr־ʻá֥rĕkẇ şá֖̌m bȧyò֥̇wm háriʼşòֽ̌wn׃

23
וַיַּעֲל֣וּ בְנֵֽי־יִשְׂרָאֵ֗ל וַיִּבְכּ֣וּ לִפְנֵֽי־יְהוָה֮ עַד־הָעֶרֶב֒ וַיִּשְׁאֲל֤וּ בַֽיהוָה֙ לֵאמֹ֔ר הַאֹוסִ֗יף לָגֶ֨שֶׁת֙ לַמִּלְחָמָ֔ה עִם־בְּנֵ֥י בִנְיָמִ֖ן אָחִ֑י וַיֹּ֥אמֶר יְהוָ֖ה עֲל֥וּ אֵלָֽיו׃ פ

wayȧʻàl֣ẇ bĕnéֽy־yişĕ̂ráʼé֗l wayi̇bĕk֣̇ẇ lipĕnéֽy־yĕhwáh֮ ʻad־háʻereb֒ wayi̇şĕ̌ʼàl֤ẇ baֽyhwáh֙ léʼmò֔r haʼòwsi֗yp láge֨şěţ֙ lami̇lĕẖámá֔h ʻim־bĕ̇né֥y binĕyámi֖n ʼáẖi֑y wayò֥̇ʼmer yĕhwá֖h ʻàl֥ẇ ʼéláֽyw׃ p

24
וַיִּקְרְב֧וּ בְנֵֽי־יִשְׂרָאֵ֛ל אֶל־בְּנֵ֥י בִנְיָמִ֖ן בַּיֹּ֥ום הַשֵּׁנִֽי׃

wayi̇qĕrĕb֧ẇ bĕnéֽy־yişĕ̂ráʼé֛l ʼel־bĕ̇né֥y binĕyámi֖n bȧyò֥̇wm haşé̇̌niֽy׃

25
וַיֵּצֵא֩ בִנְיָמִ֨ן׀ לִקְרָאתָ֥ם׀ מִֽן־הַגִּבְעָה֮ בַּיֹּ֣ום הַשֵּׁנִי֒ וַיַּשְׁחִיתוּ֩ בִבְנֵ֨י יִשְׂרָאֵ֜ל עֹ֗וד שְׁמֹנַ֨ת עָשָׂ֥ר אֶ֛לֶף אִ֖ישׁ אָ֑רְצָה כָּל־אֵ֖לֶּה שֹׁ֥לְפֵי חָֽרֶב׃

wayé̇ẕéʼ֩ binĕyámi֨n׀ liqĕráʼţá֥m׀ miֽn־hagi̇bĕʻáh֮ bȧyò֣̇wm haşé̇̌niy֒ wayȧşĕ̌ẖiyţẇ֩ bibĕné֨y yişĕ̂ráʼé֜l ʻò֗wd şĕ̌mòna֨ţ ʻáşá֥̂r ʼe֛lep ʼi֖yş̌ ʼá֑rĕẕáh ká̇l־ʼé֖lėh şò֥̌lĕpéy ẖáֽreb׃

26
וַיַּעֲל֣וּ כָל־בְּנֵי֩ יִשְׂרָאֵ֨ל וְכָל־הָעָ֜ם וַיָּבֹ֣אוּ בֵֽית־אֵ֗ל וַֽ וַיִּבְכּוּ֙ וַיֵּ֤שְׁבוּ שָׁם֙ לִפְנֵ֣י יְהוָ֔ה וַיָּצ֥וּמוּ בַיֹּום־הַה֖וּא עַד־הָעָ֑רֶב יַּעֲל֛וּ עֹלֹ֥ות וּשְׁלָמִ֖ים לִפְנֵ֥י יְהוָֽה׃

wayȧʻàl֣ẇ kál־bĕ̇néy֩ yişĕ̂ráʼé֨l wĕkál־háʻá֜m wayá̇bò֣ʼẇ béֽyţ־ʼé֗l waֽ wayi̇bĕk̇ẇ֙ wayé֤̇şĕ̌bẇ şá̌m֙ lipĕné֣y yĕhwá֔h wayá̇ẕ֥ẇmẇ bayò̇wm־hah֖ẇʼ ʻad־háʻá֑reb yȧʻàl֛ẇ ʻòlò֥wţ ẇşĕ̌lámi֖ym lipĕné֥y yĕhwáֽh׃

27
וַיִּשְׁאֲל֥וּ בְנֵֽי־יִשְׂרָאֵ֖ל בַּֽיהוָ֑ה וְשָׁ֗ם אֲרֹון֙ בְּרִ֣ית הָאֱלֹהִ֔ים בַּיָּמִ֖ים הָהֵֽם׃

wayi̇şĕ̌ʼàl֥ẇ bĕnéֽy־yişĕ̂ráʼé֖l bȧֽyhwá֑h wĕşá̌֗m ʼàròwn֙ bĕ̇ri֣yţ háʼèlòhi֔ym bȧyá̇mi֖ym háhéֽm׃

28
וּ֠פִינְחָס בֶּן־אֶלְעָזָ֨ר בֶּֽן־אַהֲרֹ֜ן עֹמֵ֣ד׀ לְפָנָ֗יו בַּיָּמִ֣ים הָהֵם֮ לֵאמֹר֒ הַאֹוסִ֨ף עֹ֜וד לָצֵ֧את לַמִּלְחָמָ֛ה עִם־בְּנֵֽי־בִנְיָמִ֥ן אָחִ֖י אִם־אֶחְדָּ֑ל וַיֹּ֤אמֶר יְהוָה֙ עֲל֔וּ כִּ֥י מָחָ֖ר אֶתְּנֶ֥נּוּ בְיָדֶֽךָ׃

ẇ֠piynĕẖás bėn־ʼelĕʻázá֨r bėֽn־ʼahàrò֜n ʻòmé֣d׀ lĕpáná֗yw bȧyá̇mi֣ym háhém֮ léʼmòr֒ haʼòwsi֨p ʻò֜wd láẕé֧ʼţ lami̇lĕẖámá֛h ʻim־bĕ̇néֽy־binĕyámi֥n ʼáẖi֖y ʼim־ʼeẖĕdá֑̇l wayò֤̇ʼmer yĕhwáh֙ ʻàl֔ẇ ki֥̇y máẖá֖r ʼeţĕ̇ne֥ṅẇ bĕyádeֽká׃

29
וַיָּ֤שֶׂם יִשְׂרָאֵל֙ אֹֽרְבִ֔ים אֶל־הַגִּבְעָ֖ה סָבִֽיב׃ פ

wayá֤̇şêm yişĕ̂ráʼél֙ ʼòֽrĕbi֔ym ʼel־hagi̇bĕʻá֖h sábiֽyb׃ p

30
וַיַּעֲל֧וּ בְנֵֽי־יִשְׂרָאֵ֛ל אֶל־בְּנֵ֥י בִנְיָמִ֖ן בַּיֹּ֣ום הַשְּׁלִישִׁ֑י וַיַּעַרְכ֥וּ אֶל־הַגִּבְעָ֖ה כְּפַ֥עַם בְּפָֽעַם׃

wayȧʻàl֧ẇ bĕnéֽy־yişĕ̂ráʼé֛l ʼel־bĕ̇né֥y binĕyámi֖n bȧyò֣̇wm haşĕ̇̌liyşǐ֑y wayȧʻarĕk֥ẇ ʼel־hagi̇bĕʻá֖h kĕ̇pa֥ʻam bĕ̇páֽʻam׃

31
וַיֵּצְא֤וּ בְנֵֽי־בִנְיָמִן֙ לִקְרַ֣את הָעָ֔ם הָנְתְּק֖וּ מִן־הָעִ֑יר וַיָּחֵ֡לּוּ לְהַכֹּות֩ מֵהָעָ֨ם חֲלָלִ֜ים כְּפַ֣עַם׀ בְּפַ֗עַם בַּֽמְסִלֹּות֙ אֲשֶׁ֨ר אַחַ֜ת עֹלָ֣ה בֵֽית־אֵ֗ל וְאַחַ֤ת גִּבְעָ֨תָה֙ בַּשָּׂדֶ֔ה כִּשְׁלֹשִׁ֥ים אִ֖ישׁ בְּיִשְׂרָאֵֽל׃

wayé̇ẕĕʼ֤ẇ bĕnéֽy־binĕyámin֙ liqĕra֣ʼţ háʻá֔m hánĕţĕ̇q֖ẇ min־háʻi֑yr wayá̇ẖé֡l̇ẇ lĕhakò̇wţ֩ méháʻá֨m ẖàláli֜ym kĕ̇pa֣ʻam׀ bĕ̇pa֗ʻam bȧֽmĕsilò̇wţ֙ ʼàşě֨r ʼaẖa֜ţ ʻòlá֣h béֽyţ־ʼé֗l wĕʼaẖa֤ţ gi̇bĕʻá֨ţáh֙ bȧşá̇̂de֔h ki̇şĕ̌lòşǐ֥ym ʼi֖yş̌ bĕ̇yişĕ̂ráʼéֽl׃

32
וַיֹּֽאמְרוּ֙ בְּנֵ֣י בִנְיָמִ֔ן נִגָּפִ֥ים הֵ֛ם לְפָנֵ֖ינוּ כְּבָרִאשֹׁנָ֑ה וּבְנֵ֧י יִשְׂרָאֵ֣ל אָמְר֗וּ נָנ֨וּסָה֙ וּֽנְתַקְּנֻ֔הוּ מִן־הָעִ֖יר אֶל־הַֽמְסִלֹּֽות׃

wayòֽ̇ʼmĕrẇ֙ bĕ̇né֣y binĕyámi֔n nigá̇pi֥ym hé֛m lĕpáné֖ynẇ kĕ̇báriʼşò̌ná֑h ẇbĕné֧y yişĕ̂ráʼé֣l ʼámĕr֗ẇ nán֨ẇsáh֙ ẇֽnĕţaqĕ̇nu֔hẇ min־háʻi֖yr ʼel־haֽmĕsilòֽ̇wţ׃

33
וְכֹ֣ל׀ אִ֣ישׁ יִשְׂרָאֵ֗ל קָ֚מוּ מִמְּקֹומֹ֔ו וַיַּעַרְכ֖וּ בְּבַ֣עַל תָּמָ֑ר וְאֹרֵ֧ב יִשְׂרָאֵ֛ל מֵגִ֥יחַ מִמְּקֹמֹ֖ו מִמַּֽעֲרֵה־גָֽבַע׃

wĕkò֣l׀ ʼi֣yş̌ yişĕ̂ráʼé֗l qá֚mẇ mimĕ̇qòwmò֔w wayȧʻarĕk֖ẇ bĕ̇ba֣ʻal ţá̇má֑r wĕʼòré֧b yişĕ̂ráʼé֛l mégi֥yẖa mimĕ̇qòmò֖w mimȧֽʻàréh־gáֽbaʻ׃

34
וַיָּבֹאוּ֩ מִנֶּ֨גֶד לַגִּבְעָ֜ה עֲשֶׂרֶת֩ אֲלָפִ֨ים אִ֤ישׁ בָּחוּר֙ מִכָּל־יִשְׂרָאֵ֔ל וְהַמִּלְחָמָ֖ה כָּבֵ֑דָה וְהֵם֙ לֹ֣א יָדְע֔וּ כִּֽי־נֹגַ֥עַת עֲלֵיהֶ֖ם הָרָעָֽה׃ פ

wayá̇bòʼẇ֩ minė֨ged lagi̇bĕʻá֜h ʻàşêreţ֩ ʼàlápi֨ym ʼi֤yş̌ bá̇ẖẇr֙ miká̇l־yişĕ̂ráʼé֔l wĕhami̇lĕẖámá֖h ká̇bé֑dáh wĕhém֙ lò֣ʼ yádĕʻ֔ẇ kiֽ̇y־nòga֥ʻaţ ʻàléyhe֖m háráʻáֽh׃ p

35
וַיִּגֹּ֨ף יְהוָ֥ה׀ אֶֽת־בִּנְיָמִן֮ לִפְנֵ֣י יִשְׂרָאֵל֒ וַיַּשְׁחִיתוּ֩ בְנֵ֨י יִשְׂרָאֵ֤ל בְּבִנְיָמִן֙ בַּיֹּ֣ום הַה֔וּא עֶשְׂרִ֨ים וַחֲמִשָּׁ֥ה אֶ֛לֶף וּמֵאָ֖ה אִ֑ישׁ כָּל־אֵ֖לֶּה שֹׁ֥לֵף חָֽרֶב׃

wayi̇gò̇֨p yĕhwá֥h׀ ʼeֽţ־bi̇nĕyámin֮ lipĕné֣y yişĕ̂ráʼél֒ wayȧşĕ̌ẖiyţẇ֩ bĕné֨y yişĕ̂ráʼé֤l bĕ̇binĕyámin֙ bȧyò֣̇wm hah֔ẇʼ ʻeşĕ̂ri֨ym waẖàmişá֥̇̌h ʼe֛lep ẇméʼá֖h ʼi֑yş̌ ká̇l־ʼé֖lėh şò֥̌lép ẖáֽreb׃

36
וַיִּרְא֥וּ בְנֵֽי־בִנְיָמִ֖ן כִּ֣י נִגָּ֑פוּ וַיִּתְּנ֨וּ אִֽישׁ־יִשְׂרָאֵ֤ל מָקֹום֙ לְבִנְיָמִ֔ן כִּ֤י בָֽטְחוּ֙ אֶל־הָ֣אֹרֵ֔ב אֲשֶׁר שָׂ֖מוּ אֶל־הַגִּבְעָֽה׃

wayi̇rĕʼ֥ẇ bĕnéֽy־binĕyámi֖n ki֣̇y nigá֑̇pẇ wayi̇ţĕ̇n֨ẇ ʼiֽyş̌־yişĕ̂ráʼé֤l máqòwm֙ lĕbinĕyámi֔n ki֤̇y báֽtĕẖẇ֙ ʼel־há֣ʼòré֔b ʼàşěr şá֖̂mẇ ʼel־hagi̇bĕʻáֽh׃

37
וְהָאֹרֵ֣ב הֵחִ֔ישׁוּ וַֽיִּפְשְׁט֖וּ אֶל־הַגִּבְעָ֑ה וַיִּמְשֹׁךְ֙ הָאֹרֵ֔ב וַיַּ֥ךְ אֶת־כָּל־הָעִ֖יר לְפִי־חָֽרֶב׃

wĕháʼòré֣b héẖi֔yş̌ẇ waֽyi̇pĕşĕ̌t֖ẇ ʼel־hagi̇bĕʻá֑h wayi̇mĕşò̌kĕ֙ háʼòré֔b wayȧ֥kĕ ʼeţ־ká̇l־háʻi֖yr lĕpiy־ẖáֽreb׃

38
וְהַמֹּועֵ֗ד הָיָ֛ה לְאִ֥ישׁ יִשְׂרָאֵ֖ל עִם־הָאֹרֵ֑ב הֶ֕רֶב לְהַעֲלֹותָ֛ם מַשְׂאַ֥ת הֶעָשָׁ֖ן מִן־הָעִֽיר׃

wĕhamò̇wʻé֗d háyá֛h lĕʼi֥yş̌ yişĕ̂ráʼé֖l ʻim־háʼòré֑b he֕reb lĕhaʻàlòwţá֛m maşĕ̂ʼa֥ţ heʻáşá֖̌n min־háʻiֽyr׃

39
וַיַּהֲפֹ֥ךְ אִֽישׁ־יִשְׂרָאֵ֖ל בַּמִּלְחָמָ֑ה וּבִנְיָמִ֡ן הֵחֵל֩ לְהַכֹּ֨ות חֲלָלִ֤ים בְּאִֽישׁ־יִשְׂרָאֵל֙ כִּשְׁלֹשִׁ֣ים אִ֔ישׁ כִּ֣י אָמְר֔וּ אַךְ֩ נִגֹּ֨וף נִגָּ֥ף הוּא֙ לְפָנֵ֔ינוּ כַּמִּלְחָמָ֖ה הָרִאשֹׁנָֽה׃

wayȧhàpò֥kĕ ʼiֽyş̌־yişĕ̂ráʼé֖l bȧmi̇lĕẖámá֑h ẇbinĕyámi֡n héẖél֩ lĕhakò̇֨wţ ẖàláli֤ym bĕ̇ʼiֽyş̌־yişĕ̂ráʼél֙ ki̇şĕ̌lòşǐ֣ym ʼi֔yş̌ ki֣̇y ʼámĕr֔ẇ ʼakĕ֩ nigò̇֨wp nigá֥̇p hẇʼ֙ lĕpáné֔ynẇ kȧmi̇lĕẖámá֖h háriʼşò̌náֽh׃

40
וְהַמַּשְׂאֵ֗ת הֵחֵ֛לָּה לַעֲלֹ֥ות מִן־הָעִ֖יר עַמּ֣וּד עָשָׁ֑ן וַיִּ֤פֶן בִּנְיָמִן֙ אַחֲרָ֔יו וְהִנֵּ֛ה עָלָ֥ה כְלִיל־הָעִ֖יר הַשָּׁמָֽיְמָה׃

wĕhamȧşĕ̂ʼé֗ţ héẖé֛lá̇h laʻàlò֥wţ min־háʻi֖yr ʻaṁ֣ẇd ʻáşá֑̌n wayi֤̇pen bi̇nĕyámin֙ ʼaẖàrá֔yw wĕhiné֛̇h ʻálá֥h kĕliyl־háʻi֖yr haşá̇̌máֽyĕmáh׃

41
וְאִ֤ישׁ יִשְׂרָאֵל֙ הָפַ֔ךְ וַיִּבָּהֵ֖ל אִ֣ישׁ בִּנְיָמִ֑ן כִּ֣י רָאָ֔ה כִּֽי־נָגְעָ֥ה עָלָ֖יו הָרָעָֽה׃

wĕʼi֤yş̌ yişĕ̂ráʼél֙ hápa֔kĕ wayi̇bá̇hé֖l ʼi֣yş̌ bi̇nĕyámi֑n ki֣̇y ráʼá֔h kiֽ̇y־nágĕʻá֥h ʻálá֖yw háráʻáֽh׃

42
וַיִּפְנ֞וּ לִפְנֵ֨י אִ֤ישׁ יִשְׂרָאֵל֙ אֶל־דֶּ֣רֶךְ הַמִּדְבָּ֔ר וְהַמִּלְחָמָ֖ה הִדְבִּיקָ֑תְהוּ וַאֲשֶׁר֙ מֵהֶ֣עָרִ֔ים מַשְׁחִיתִ֥ים אֹותֹ֖ו בְּתֹוכֹֽו׃

wayi̇pĕn֞ẇ lipĕné֨y ʼi֤yş̌ yişĕ̂ráʼél֙ ʼel־dė֣rekĕ hami̇dĕbá̇֔r wĕhami̇lĕẖámá֖h hidĕbi̇yqá֑ţĕhẇ waʼàşěr֙ méhe֣ʻári֔ym maşĕ̌ẖiyţi֥ym ʼòwţò֖w bĕ̇ţòwkòֽw׃

43
כִּתְּר֤וּ אֶת־בִּנְיָמִן֙ הִרְדִיפֻ֔הוּ מְנוּחָ֖ה הִדְרִיכֻ֑הוּ עַ֛ד נֹ֥כַח הַגִּבְעָ֖ה מִמִּזְרַח־שָֽׁמֶשׁ׃

ki̇ţĕ̇r֤ẇ ʼeţ־bi̇nĕyámin֙ hirĕdiypu֔hẇ mĕnẇẖá֖h hidĕriyku֑hẇ ʻa֛d nò֥kaẖ hagi̇bĕʻá֖h mimi̇zĕraẖ־şáֽ̌meş̌׃

44
וַֽיִּפְּלוּ֙ מִבִּנְיָמִ֔ן שְׁמֹנָֽה־עָשָׂ֥ר אֶ֖לֶף אִ֑ישׁ אֶת־כָּל־אֵ֖לֶּה אַנְשֵׁי־חָֽיִל׃

waֽyi̇pĕ̇lẇ֙ mibi̇nĕyámi֔n şĕ̌mònáֽh־ʻáşá֥̂r ʼe֖lep ʼi֑yş̌ ʼeţ־ká̇l־ʼé֖lėh ʼanĕşé̌y־ẖáֽyil׃

45
וַיִּפְנ֞וּ וַיָּנֻ֤סוּ הַמִּדְבָּ֨רָה֙ אֶל־סֶ֣לַע הָֽרִמֹּ֔ון וַיְעֹֽלְלֻ֨הוּ֙ בַּֽמְסִלֹּ֔ות חֲמֵ֥שֶׁת אֲלָפִ֖ים אִ֑ישׁ וַיַּדְבִּ֤יקוּ אַחֲרָיו֙ עַד־גִּדְעֹ֔ם וַיַּכּ֥וּ מִמֶּ֖נּוּ אַלְפַּ֥יִם אִֽישׁ׃

wayi̇pĕn֞ẇ wayá̇nu֤sẇ hami̇dĕbá̇֨ráh֙ ʼel־se֣laʻ háֽrimò̇֔wn wayĕʻòֽlĕlu֨hẇ֙ bȧֽmĕsilò̇֔wţ ẖàmé֥şěţ ʼàlápi֖ym ʼi֑yş̌ wayȧdĕbi֤̇yqẇ ʼaẖàráyw֙ ʻad־gi̇dĕʻò֔m wayȧk֥̇ẇ mimė֖ṅẇ ʼalĕpȧ֥yim ʼiֽyş̌׃

46
וַיְהִי֩ כָל־הַנֹּ֨פְלִ֜ים מִבִּנְיָמִ֗ן עֶשְׂרִים֩ וַחֲמִשָּׁ֨ה אֶ֥לֶף אִ֛ישׁ שֹׁ֥לֵֽף חֶ֖רֶב בַּיֹּ֣ום הַה֑וּא אֶֽת־כָּל־אֵ֖לֶּה אַנְשֵׁי־חָֽיִל׃

wayĕhiy֩ kál־hanò̇֨pĕli֜ym mibi̇nĕyámi֗n ʻeşĕ̂riym֩ waẖàmişá̇̌֨h ʼe֥lep ʼi֛yş̌ şò֥̌léֽp ẖe֖reb bȧyò֣̇wm hah֑ẇʼ ʼeֽţ־ká̇l־ʼé֖lėh ʼanĕşé̌y־ẖáֽyil׃

47
וַיִּפְנ֞וּ וַיָּנֻ֤סוּ הַמִּדְבָּ֨רָה֙ אֶל־סֶ֣לַע הָֽרִמֹּ֔ון שֵׁ֥שׁ מֵאֹ֖ות אִ֑ישׁ וַיֵּֽשְׁבוּ֙ בְּסֶ֣לַע רִמֹּ֔ון אַרְבָּעָ֖ה חֳדָשִֽׁים׃

wayi̇pĕn֞ẇ wayá̇nu֤sẇ hami̇dĕbá̇֨ráh֙ ʼel־se֣laʻ háֽrimò̇֔wn şé֥̌ş̌ méʼò֖wţ ʼi֑yş̌ wayéֽ̇şĕ̌bẇ֙ bĕ̇se֣laʻ rimò̇֔wn ʼarĕbá̇ʻá֖h ẖodáşǐֽym׃

48
וְאִ֨ישׁ יִשְׂרָאֵ֜ל שָׁ֣בוּ אֶל־בְּנֵ֤י בִנְיָמִן֙ וַיַּכּ֣וּם לְפִי־חֶ֔רֶב מֵעִ֤יר מְתֹם֙ עַד־בְּהֵמָ֔ה עַ֖ד כָּל־הַנִּמְצָ֑א גַּ֛ם כָּל־הֶעָרִ֥ים הַנִּמְצָאֹ֖ות שִׁלְּח֥וּ בָאֵֽשׁ׃ פ

wĕʼi֨yş̌ yişĕ̂ráʼé֜l şá֣̌bẇ ʼel־bĕ̇né֤y binĕyámin֙ wayȧk֣̇ẇm lĕpiy־ẖe֔reb méʻi֤yr mĕţòm֙ ʻad־bĕ̇hémá֔h ʻa֖d ká̇l־hani̇mĕẕá֑ʼ gȧ֛m ká̇l־heʻári֥ym hani̇mĕẕáʼò֖wţ şǐlĕ̇ẖ֥ẇ báʼéֽş̌׃ p