Bibles en langues anciennes
Traductions anciennes
Traductions modernes

Biblia Hebraica Stuttgartensia Jérémie 25

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
הַדָּבָ֞ר אֲשֶׁר־הָיָ֤ה עַֽל־יִרְמְיָ֨הוּ֙ עַל־כָּל־עַ֣ם יְהוּדָ֔ה בַּשָּׁנָה֙ הָֽרְבִעִ֔ית לִיהֹויָקִ֥ים בֶּן־יֹאשִׁיָּ֖הוּ מֶ֣לֶךְ יְהוּדָ֑ה הִ֗יא הַשָּׁנָה֙ הָרִ֣אשֹׁנִ֔ית לִנְבֽוּכַדְרֶאצַּ֖ר מֶ֥לֶךְ בָּבֶֽל׃

hadá̇bá֞r ʼàşěr־háyá֤h ʻaֽl־yirĕmĕyá֨hẇ֙ ʻal־ká̇l־ʻa֣m yĕhẇdá֔h bȧşá̇̌náh֙ háֽrĕbiʻi֔yţ liyhòwyáqi֥ym bėn־yòʼşǐyá֖̇hẇ me֣lekĕ yĕhẇdá֑h hi֗yʼ haşá̇̌náh֙ hári֣ʼşò̌ni֔yţ linĕbֽẇkadĕreʼẕȧ֖r me֥lekĕ bá̇beֽl׃

2
אֲשֶׁ֨ר דִּבֶּ֜ר יִרְמְיָ֤הוּ הַנָּבִיא֙ עַל־כָּל־עַ֣ם יְהוּדָ֔ה וְאֶ֛ל כָּל־יֹשְׁבֵ֥י יְרוּשָׁלִַ֖ם לֵאמֹֽר׃

ʼàşě֨r di̇bė֜r yirĕmĕyá֤hẇ haná̇biyʼ֙ ʻal־ká̇l־ʻa֣m yĕhẇdá֔h wĕʼe֛l ká̇l־yòşĕ̌bé֥y yĕrẇşá̌lia֖m léʼmòֽr׃

3
מִן־שְׁלֹ֣שׁ עֶשְׂרֵ֣ה שָׁנָ֡ה לְיֹאשִׁיָּ֣הוּ בֶן־אָמֹון֩ מֶ֨לֶךְ יְהוּדָ֜ה וְעַ֣ד׀ הַיֹּ֣ום הַזֶּ֗ה זֶ֚ה שָׁלֹ֤שׁ וְעֶשְׂרִים֙ שָׁנָ֔ה הָיָ֥ה דְבַר־יְהוָ֖ה אֵלָ֑י וָאֲדַבֵּ֧ר אֲלֵיכֶ֛ם אַשְׁכֵּ֥ים וְדַבֵּ֖ר וְלֹ֥א שְׁמַעְתֶּֽם׃

min־şĕ̌lò֣ş̌ ʻeşĕ̂ré֣h şá̌ná֡h lĕyòʼşǐyá֣̇hẇ ben־ʼámòwn֩ me֨lekĕ yĕhẇdá֜h wĕʻa֣d׀ hayò֣̇wm hazė֗h ze֚h şá̌lò֤ş̌ wĕʻeşĕ̂riym֙ şá̌ná֔h háyá֥h dĕbar־yĕhwá֖h ʼélá֑y wáʼàdabé֧̇r ʼàléyke֛m ʼaşĕ̌ké֥̇ym wĕdabé֖̇r wĕlò֥ʼ şĕ̌maʻĕţėֽm׃

4
וְשָׁלַח֩ יְהוָ֨ה אֲלֵיכֶ֜ם אֶֽת־כָּל־עֲבָדָ֧יו הַנְּבִאִ֛ים הַשְׁכֵּ֥ם וְשָׁלֹ֖חַ וְלֹ֣א שְׁמַעְתֶּ֑ם וְלֹֽא־הִטִּיתֶ֥ם אֶֽת־אָזְנְכֶ֖ם לִשְׁמֹֽעַ׃

wĕşá̌laẖ֩ yĕhwá֨h ʼàléyke֜m ʼeֽţ־ká̇l־ʻàbádá֧yw hanĕ̇biʼi֛ym haşĕ̌ké֥̇m wĕşá̌lò֖ẖa wĕlò֣ʼ şĕ̌maʻĕţė֑m wĕlòֽʼ־hiti̇yţe֥m ʼeֽţ־ʼázĕnĕke֖m lişĕ̌mòֽʻa׃

5
לֵאמֹ֗ר שֽׁוּבוּ־נָ֞א אִ֣ישׁ מִדַּרְכֹּ֤ו הָֽרָעָה֙ וּמֵרֹ֣עַ מַעַלְלֵיכֶ֔ם וּשְׁבוּ֙ עַל־הָ֣אֲדָמָ֔ה אֲשֶׁ֨ר נָתַ֧ן יְהוָ֛ה לָכֶ֖ם וְלַאֲבֹֽותֵיכֶ֑ם לְמִן־עֹולָ֖ם וְעַד־עֹולָֽם׃

léʼmò֗r şֽ̌ẇbẇ־ná֞ʼ ʼi֣yş̌ midȧrĕkò֤̇w háֽráʻáh֙ ẇmérò֣ʻa maʻalĕléyke֔m ẇşĕ̌bẇ֙ ʻal־há֣ʼàdámá֔h ʼàşě֨r náţa֧n yĕhwá֛h láke֖m wĕlaʼàbòֽwţéyke֑m lĕmin־ʻòwlá֖m wĕʻad־ʻòwláֽm׃

6
וְאַל־תֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים לְעָבְדָ֖ם וּלְהִשְׁתַּחֲוֹ֣ת לָהֶ֑ם וְלֹֽא־תַכְעִ֤יסוּ אֹותִי֙ בְּמַעֲשֵׂ֣ה יְדֵיכֶ֔ם וְלֹ֥א אָרַ֖ע לָכֶֽם׃

wĕʼal־ţé̇lĕk֗ẇ ʼaֽẖàréy֙ ʼèlòhi֣ym ʼàẖéri֔ym lĕʻábĕdá֖m ẇlĕhişĕ̌ţȧẖàwò֣ţ láhe֑m wĕlòֽʼ־ţakĕʻi֤ysẇ ʼòwţiy֙ bĕ̇maʻàşé֣̂h yĕdéyke֔m wĕlò֥ʼ ʼára֖ʻ lákeֽm׃

7
וְלֹֽא־שְׁמַעְתֶּ֥ם אֵלַ֖י נְאֻם־יְהוָ֑ה לְמַ֧עַן הִכְעִסוּנִי בְּמַעֲשֵׂ֥ה יְדֵיכֶ֖ם לְרַ֥ע לָכֶֽם׃ ס

wĕlòֽʼ־şĕ̌maʻĕţė֥m ʼéla֖y nĕʼum־yĕhwá֑h lĕma֧ʻan hikĕʻisẇniy bĕ̇maʻàşé֥̂h yĕdéyke֖m lĕra֥ʻ lákeֽm׃ s

8
לָכֵ֕ן כֹּ֥ה אָמַ֖ר יְהוָ֣ה צְבָאֹ֑ות יַ֕עַן אֲשֶׁ֥ר לֹֽא־שְׁמַעְתֶּ֖ם אֶת־דְּבָרָֽי׃

láké֕n kò֥̇h ʼáma֖r yĕhwá֣h ẕĕbáʼò֑wţ ya֕ʻan ʼàşě֥r lòֽʼ־şĕ̌maʻĕţė֖m ʼeţ־dĕ̇báráֽy׃

9
הִנְנִ֣י שֹׁלֵ֡חַ וְלָקַחְתִּי֩ אֶת־כָּל־מִשְׁפְּחֹ֨ות צָפֹ֜ון נְאֻם־יְהוָ֗ה וְאֶל־נְבֽוּכַדְרֶאצַּ֣ר מֶֽלֶךְ־בָּבֶל֮ עַבְדִּי֒ וַהֲבִ֨אֹתִ֜ים עַל־הָאָ֤רֶץ הַזֹּאת֙ וְעַל־יֹ֣שְׁבֶ֔יהָ וְעַ֛ל כָּל־הַגֹּויִ֥ם הָאֵ֖לֶּה סָבִ֑יב וְהַ֣חֲרַמְתִּ֔ים וְשַׂמְתִּים֙ לְשַׁמָּ֣ה וְלִשְׁרֵקָ֔ה וּלְחָרְבֹ֖ות עֹולָֽם׃

hinĕni֣y şò̌lé֡ẖa wĕláqaẖĕţi̇y֩ ʼeţ־ká̇l־mişĕ̌pĕ̇ẖò֨wţ ẕápò֜wn nĕʼum־yĕhwá֗h wĕʼel־nĕbֽẇkadĕreʼẕȧ֣r meֽlekĕ־bá̇bel֮ ʻabĕdi̇y֒ wahàbi֨ʼòţi֜ym ʻal־háʼá֤reẕ hazò̇ʼţ֙ wĕʻal־yò֣şĕ̌be֔yhá wĕʻa֛l ká̇l־hagò̇wyi֥m háʼé֖lėh sábi֑yb wĕha֣ẖàramĕţi̇֔ym wĕşâmĕţi̇ym֙ lĕşǎmá֣̇h wĕlişĕ̌réqá֔h ẇlĕẖárĕbò֖wţ ʻòwláֽm׃

10
וְהַאֲבַדְתִּ֣י מֵהֶ֗ם קֹ֤ול שָׂשֹׂון֙ וְקֹ֣ול שִׂמְחָ֔ה קֹ֥ול חָתָ֖ן וְקֹ֣ול כַּלָּ֑ה קֹ֥ול רֵחַ֖יִם וְאֹ֥ור נֵֽר׃

wĕhaʼàbadĕţi֣̇y méhe֗m qò֤wl şá̂şò̂wn֙ wĕqò֣wl şîmĕẖá֔h qò֥wl ẖáţá֖n wĕqò֣wl kȧlá֑̇h qò֥wl réẖa֖yim wĕʼò֥wr néֽr׃

11
וְהָֽיְתָה֙ כָּל־הָאָ֣רֶץ הַזֹּ֔את לְחָרְבָּ֖ה לְשַׁמָּ֑ה וְעָ֨בְד֜וּ הַגֹּויִ֥ם הָאֵ֛לֶּה אֶת־מֶ֥לֶךְ בָּבֶ֖ל שִׁבְעִ֥ים שָׁנָֽה׃

wĕháֽyĕţáh֙ ká̇l־háʼá֣reẕ hazò̇֔ʼţ lĕẖárĕbá֖̇h lĕşǎmá֑̇h wĕʻá֨bĕd֜ẇ hagò̇wyi֥m háʼé֛lėh ʼeţ־me֥lekĕ bá̇be֖l şǐbĕʻi֥ym şá̌náֽh׃

12
וְהָיָ֣ה כִמְלֹ֣אות שִׁבְעִ֣ים שָׁנָ֡ה אֶפְקֹ֣ד עַל־מֶֽלֶךְ־בָּבֶל֩ וְעַל־הַגֹּ֨וי הַה֧וּא נְאֻם־יְהוָ֛ה אֶת־עֲוֹנָ֖ם וְעַל־אֶ֣רֶץ כַּשְׂדִּ֑ים וְשַׂמְתִּ֥י אֹתֹ֖ו לְשִֽׁמְמֹ֥ות עֹולָֽם׃

wĕháyá֣h kimĕlò֣ʼwţ şǐbĕʻi֣ym şá̌ná֡h ʼepĕqò֣d ʻal־meֽlekĕ־bá̇bel֩ wĕʻal־hagò̇֨wy hah֧ẇʼ nĕʼum־yĕhwá֛h ʼeţ־ʻàwòná֖m wĕʻal־ʼe֣reẕ kȧşĕ̂di֑̇ym wĕşâmĕţi֥̇y ʼòţò֖w lĕşǐֽmĕmò֥wţ ʻòwláֽm׃

13
וְהֵבֵאיתִי עַל־הָאָ֣רֶץ הַהִ֔יא אֶת־כָּל־דְּבָרַ֖י אֲשֶׁר־דִּבַּ֣רְתִּי עָלֶ֑יהָ אֵ֤ת כָּל־הַכָּתוּב֙ בַּסֵּ֣פֶר הַזֶּ֔ה אֲשֶׁר־נִבָּ֥א יִרְמְיָ֖הוּ עַל־כָּל־הַגֹּויִֽם׃

wĕhébéʼyţiy ʻal־háʼá֣reẕ hahi֔yʼ ʼeţ־ká̇l־dĕ̇bára֖y ʼàşěr־di̇bȧ֣rĕţi̇y ʻále֑yhá ʼé֤ţ ká̇l־haká̇ţẇb֙ bȧsé֣̇per hazė֔h ʼàşěr־nibá֥̇ʼ yirĕmĕyá֖hẇ ʻal־ká̇l־hagò̇wyiֽm׃

14
כִּ֣י עָֽבְדוּ־בָ֤ם גַּם־הֵ֨מָּה֙ גֹּויִ֣ם רַבִּ֔ים וּמְלָכִ֖ים גְּדֹולִ֑ים וְשִׁלַּמְתִּ֥י לָהֶ֛ם כְּפָעֳלָ֖ם וּכְמַעֲשֵׂ֥ה יְדֵיהֶֽם׃ ס

ki֣̇y ʻáֽbĕdẇ־bá֤m gȧm־hé֨má̇h֙ gò̇wyi֣m rabi̇֔ym ẇmĕláki֖ym gĕ̇dòwli֑ym wĕşǐlȧmĕţi֥̇y láhe֛m kĕ̇páʻolá֖m ẇkĕmaʻàşé֥̂h yĕdéyheֽm׃ s

15
כִּ֣י כֹה֩ אָמַ֨ר יְהוָ֜ה אֱלֹהֵ֤י יִשְׂרָאֵל֙ אֵלַ֔י קַ֠ח אֶת־כֹּ֨וס הַיַּ֧יִן הַחֵמָ֛ה הַזֹּ֖את מִיָּדִ֑י וְהִשְׁקִיתָ֤ה אֹתֹו֙ אֶת־כָּל־הַגֹּויִ֔ם אֲשֶׁ֧ר אָנֹכִ֛י שֹׁלֵ֥חַ אֹותְךָ֖ אֲלֵיהֶֽם׃

ki֣̇y kòh֩ ʼáma֨r yĕhwá֜h ʼèlòhé֤y yişĕ̂ráʼél֙ ʼéla֔y qa֠ẖ ʼeţ־kò̇֨ws hayȧ֧yin haẖémá֛h hazò֖̇ʼţ miyá̇di֑y wĕhişĕ̌qiyţá֤h ʼòţòw֙ ʼeţ־ká̇l־hagò̇wyi֔m ʼàşě֧r ʼánòki֛y şò̌lé֥ẖa ʼòwţĕká֖ ʼàléyheֽm׃

16
וְשָׁת֕וּ וְהִֽתְגֹּֽעֲשׁ֖וּ וְהִתְהֹלָ֑לוּ מִפְּנֵ֣י הַחֶ֔רֶב אֲשֶׁ֛ר אָנֹכִ֥י שֹׁלֵ֖חַ בֵּינֹתָֽם׃

wĕşá̌ţ֕ẇ wĕhiֽţĕgòֽ̇ʻàş֖̌ẇ wĕhiţĕhòlá֑lẇ mipĕ̇né֣y haẖe֔reb ʼàşě֛r ʼánòki֥y şò̌lé֖ẖa bé̇ynòţáֽm׃

17
וָאֶקַּ֥ח אֶת־הַכֹּ֖וס מִיַּ֣ד יְהוָ֑ה וָֽאַשְׁקֶה֙ אֶת־כָּל־הַגֹּויִ֔ם אֲשֶׁר־שְׁלָחַ֥נִי יְהוָ֖ה אֲלֵיהֶֽם׃

wáʼeqȧ֥ẖ ʼeţ־hakò֖̇ws miyȧ֣d yĕhwá֑h wáֽʼaşĕ̌qeh֙ ʼeţ־ká̇l־hagò̇wyi֔m ʼàşěr־şĕ̌láẖa֥niy yĕhwá֖h ʼàléyheֽm׃

18
אֶת־יְרוּשָׁלִַ֨ם֙ וְאֶת־עָרֵ֣י יְהוּדָ֔ה וְאֶת־מְלָכֶ֖יהָ אֶת־שָׂרֶ֑יהָ לָתֵ֨ת אֹתָ֜ם לְחָרְבָּ֧ה לְשַׁמָּ֛ה לִשְׁרֵקָ֥ה וְלִקְלָלָ֖ה כַּיֹּ֥ום הַזֶּֽה׃

ʼeţ־yĕrẇşá̌lia֨m֙ wĕʼeţ־ʻáré֣y yĕhẇdá֔h wĕʼeţ־mĕláke֖yhá ʼeţ־şá̂re֑yhá láţé֨ţ ʼòţá֜m lĕẖárĕbá֧̇h lĕşǎmá֛̇h lişĕ̌réqá֥h wĕliqĕlálá֖h kȧyò֥̇wm hazėֽh׃

19
אֶת־פַּרְעֹ֧ה מֶֽלֶךְ־מִצְרַ֛יִם וְאֶת־עֲבָדָ֥יו וְאֶת־שָׂרָ֖יו וְאֶת־כָּל־עַמֹּֽו׃

ʼeţ־pȧrĕʻò֧h meֽlekĕ־miẕĕra֛yim wĕʼeţ־ʻàbádá֥yw wĕʼeţ־şá̂rá֖yw wĕʼeţ־ká̇l־ʻamòֽ̇w׃

20
וְאֵת֙ כָּל־הָעֶ֔רֶב וְאֵ֕ת כָּל־מַלְכֵ֖י אֶ֣רֶץ הָע֑וּץ וְאֵ֗ת כָּל־מַלְכֵי֙ אֶ֣רֶץ פְּלִשְׁתִּ֔ים וְאֶת־אַשְׁקְלֹ֤ון וְאֶת־עַזָּה֙ וְאֶת־עֶקְרֹ֔ון וְאֵ֖ת שְׁאֵרִ֥ית אַשְׁדֹּֽוד׃

wĕʼéţ֙ ká̇l־háʻe֔reb wĕʼé֕ţ ká̇l־malĕké֖y ʼe֣reẕ háʻ֑ẇẕ wĕʼé֗ţ ká̇l־malĕkéy֙ ʼe֣reẕ pĕ̇lişĕ̌ţi̇֔ym wĕʼeţ־ʼaşĕ̌qĕlò֤wn wĕʼeţ־ʻazá̇h֙ wĕʼeţ־ʻeqĕrò֔wn wĕʼé֖ţ şĕ̌ʼéri֥yţ ʼaşĕ̌dòֽ̇wd׃

21
אֶת־אֱדֹ֥ום וְאֶת־מֹואָ֖ב וְאֶת־בְּנֵ֥י עַמֹּֽון׃

ʼeţ־ʼèdò֥wm wĕʼeţ־mòwʼá֖b wĕʼeţ־bĕ̇né֥y ʻamòֽ̇wn׃

22
וְאֵת֙ כָּל־מַלְכֵי־צֹ֔ר וְאֵ֖ת כָּל־מַלְכֵ֣י צִידֹ֑ון וְאֵת֙ מַלְכֵ֣י הָאִ֔י אֲשֶׁ֖ר בְּעֵ֥בֶר הַיָּֽם׃

wĕʼéţ֙ ká̇l־malĕkéy־ẕò֔r wĕʼé֖ţ ká̇l־malĕké֣y ẕiydò֑wn wĕʼéţ֙ malĕké֣y háʼi֔y ʼàşě֖r bĕ̇ʻé֥ber hayáֽ̇m׃

23
וְאֶת־דְּדָ֤ן וְאֶת־תֵּימָא֙ וְאֶת־בּ֔וּז וְאֵ֖ת כָּל־קְצוּצֵ֥י פֵאָֽה׃

wĕʼeţ־dĕ̇dá֤n wĕʼeţ־ţé̇ymáʼ֙ wĕʼeţ־ḃ֔ẇz wĕʼé֖ţ ká̇l־qĕẕẇẕé֥y péʼáֽh׃

24
וְאֵ֖ת כָּל־מַלְכֵ֣י עֲרָ֑ב וְאֵת֙ כָּל־מַלְכֵ֣י הָעֶ֔רֶב הַשֹּׁכְנִ֖ים בַּמִּדְבָּֽר׃

wĕʼé֖ţ ká̇l־malĕké֣y ʻàrá֑b wĕʼéţ֙ ká̇l־malĕké֣y háʻe֔reb haşò̇̌kĕni֖ym bȧmi̇dĕbáֽ̇r׃

25
וְאֵ֣ת׀ כָּל־מַלְכֵ֣י זִמְרִ֗י וְאֵת֙ כָּל־מַלְכֵ֣י עֵילָ֔ם וְאֵ֖ת כָּל־מַלְכֵ֥י מָדָֽי׃

wĕʼé֣ţ׀ ká̇l־malĕké֣y zimĕri֗y wĕʼéţ֙ ká̇l־malĕké֣y ʻéylá֔m wĕʼé֖ţ ká̇l־malĕké֥y mádáֽy׃

26
וְאֵ֣ת׀ כָּל־מַלְכֵ֣י הַצָּפֹ֗ון הַקְּרֹבִ֤ים וְהָֽרְחֹקִים֙ אִ֣ישׁ אֶל־אָחִ֔יו וְאֵת֙ כָּל־הַמַּמְלְכֹ֣ות הָאָ֔רֶץ אֲשֶׁ֖ר עַל־פְּנֵ֣י הָאֲדָמָ֑ה וּמֶ֥לֶךְ שֵׁשַׁ֖ךְ יִשְׁתֶּ֥ה אַחֲרֵיהֶֽם׃

wĕʼé֣ţ׀ ká̇l־malĕké֣y haẕá̇pò֗wn haqĕ̇ròbi֤ym wĕháֽrĕẖòqiym֙ ʼi֣yş̌ ʼel־ʼáẖi֔yw wĕʼéţ֙ ká̇l־hamȧmĕlĕkò֣wţ háʼá֔reẕ ʼàşě֖r ʻal־pĕ̇né֣y háʼàdámá֑h ẇme֥lekĕ şé̌şǎ֖kĕ yişĕ̌ţė֥h ʼaẖàréyheֽm׃

27
וְאָמַרְתָּ֣ אֲלֵיהֶ֡ם סכֹּֽה־אָמַר֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל שְׁת֤וּ וְשִׁכְרוּ֙ וּקְי֔וּ וְנִפְל֖וּ וְלֹ֣א תָק֑וּמוּ מִפְּנֵ֣י הַחֶ֔רֶב אֲשֶׁ֛ר אָנֹכִ֥י שֹׁלֵ֖חַ בֵּינֵיכֶֽם׃

wĕʼámarĕţá֣̇ ʼàléyhe֡m skòֽ̇h־ʼámar֩ yĕhwá֨h ẕĕbáʼò֜wţ ʼèlòhé֣y yişĕ̂ráʼé֗l şĕ̌ţ֤ẇ wĕşǐkĕrẇ֙ ẇqĕy֔ẇ wĕnipĕl֖ẇ wĕlò֣ʼ ţáq֑ẇmẇ mipĕ̇né֣y haẖe֔reb ʼàşě֛r ʼánòki֥y şò̌lé֖ẖa bé̇ynéykeֽm׃

28
וְהָיָ֗ה כִּ֧י יְמָאֲנ֛וּ לָקַֽחַת־הַכֹּ֥וס מִיָּדְךָ֖ לִשְׁתֹּ֑ות וְאָמַרְתָּ֣ אֲלֵיהֶ֗ם כֹּ֥ה אָמַ֛ר יְהוָ֥ה צְבָאֹ֖ות שָׁתֹ֥ו תִשְׁתּֽוּ׃

wĕháyá֗h ki֧̇y yĕmáʼàn֛ẇ láqaֽẖaţ־hakò֥̇ws miyá̇dĕká֖ lişĕ̌ţò֑̇wţ wĕʼámarĕţá֣̇ ʼàléyhe֗m kò֥̇h ʼáma֛r yĕhwá֥h ẕĕbáʼò֖wţ şá̌ţò֥w ţişĕ̌ţֽ̇ẇ׃

29
כִּי֩ הִנֵּ֨ה בָעִ֜יר אֲשֶׁ֧ר נִֽקְרָא־שְׁמִ֣י עָלֶ֗יהָ אָֽנֹכִי֙ מֵחֵ֣ל לְהָרַ֔ע וְאַתֶּ֖ם הִנָּקֵ֣ה תִנָּק֑וּ לֹ֣א תִנָּק֔וּ כִּ֣י חֶ֗רֶב אֲנִ֤י קֹרֵא֙ עַל־כָּל־יֹשְׁבֵ֣י הָאָ֔רֶץ נְאֻ֖ם יְהוָ֥ה צְבָאֹֽות׃

ki̇y֩ hiné̇֨h báʻi֜yr ʼàşě֧r niֽqĕráʼ־şĕ̌mi֣y ʻále֗yhá ʼáֽnòkiy֙ méẖé֣l lĕhára֔ʻ wĕʼaţė֖m hiná̇qé֣h ţiná̇q֑ẇ lò֣ʼ ţiná̇q֔ẇ ki֣̇y ẖe֗reb ʼàni֤y qòréʼ֙ ʻal־ká̇l־yòşĕ̌bé֣y háʼá֔reẕ nĕʼu֖m yĕhwá֥h ẕĕbáʼòֽwţ׃

30
וְאַתָּה֙ תִּנָּבֵ֣א אֲלֵיהֶ֔ם אֵ֥ת כָּל־הַדְּבָרִ֖ים הָאֵ֑לֶּה וְאָמַרְתָּ֣ אֲלֵיהֶ֗ם יְהוָ֞ה מִמָּרֹ֤ום יִשְׁאָג֙ וּמִמְּעֹ֤ון קָדְשֹׁו֙ יִתֵּ֣ן קֹולֹ֔ו שָׁאֹ֤ג יִשְׁאַג֙ עַל־נָוֵ֔הוּ הֵידָד֙ כְּדֹרְכִ֣ים יַֽעֲנֶ֔ה אֶ֥ל כָּל־יֹשְׁבֵ֖י הָאָֽרֶץ׃

wĕʼaţá̇h֙ ţi̇ná̇bé֣ʼ ʼàléyhe֔m ʼé֥ţ ká̇l־hadĕ̇bári֖ym háʼé֑lėh wĕʼámarĕţá֣̇ ʼàléyhe֗m yĕhwá֞h mimá̇rò֤wm yişĕ̌ʼág֙ ẇmimĕ̇ʻò֤wn qádĕşò̌w֙ yiţé֣̇n qòwlò֔w şá̌ʼò֤g yişĕ̌ʼag֙ ʻal־náwé֔hẇ héydád֙ kĕ̇dòrĕki֣ym yaֽʻàne֔h ʼe֥l ká̇l־yòşĕ̌bé֖y háʼáֽreẕ׃

31
בָּ֤א שָׁאֹון֙ עַד־קְצֵ֣ה הָאָ֔רֶץ כִּ֣י רִ֤יב לַֽיהוָה֙ בַּגֹּויִ֔ם נִשְׁפָּ֥ט ה֖וּא לְכָל־בָּשָׂ֑ר הָרְשָׁעִ֛ים נְתָנָ֥ם לַחֶ֖רֶב נְאֻם־יְהוָֽה׃ ס

bá֤̇ʼ şá̌ʼòwn֙ ʻad־qĕẕé֣h háʼá֔reẕ ki֣̇y ri֤yb laֽyhwáh֙ bȧgò̇wyi֔m nişĕ̌pá֥̇t h֖ẇʼ lĕkál־bá̇şá֑̂r hárĕşá̌ʻi֛ym nĕţáná֥m laẖe֖reb nĕʼum־yĕhwáֽh׃ s

32
כֹּ֤ה אָמַר֙ יְהוָ֣ה צְבָאֹ֔ות הִנֵּ֥ה רָעָ֛ה יֹצֵ֖את מִגֹּ֣וי אֶל־גֹּ֑וי וְסַ֣עַר גָּדֹ֔ול יֵעֹ֖ור מִיַּרְכְּתֵי־אָֽרֶץ׃

kò֤̇h ʼámar֙ yĕhwá֣h ẕĕbáʼò֔wţ hiné֥̇h ráʻá֛h yòẕé֖ʼţ migò֣̇wy ʼel־gò֑̇wy wĕsa֣ʻar gá̇dò֔wl yéʻò֖wr miyȧrĕkĕ̇ţéy־ʼáֽreẕ׃

33
וְהָי֞וּ חַֽלְלֵ֤י יְהוָה֙ בַּיֹּ֣ום הַה֔וּא מִקְצֵ֥ה הָאָ֖רֶץ וְעַד־קְצֵ֣ה הָאָ֑רֶץ לֹ֣א יִסָּפְד֗וּ וְלֹ֤א יֵאָֽסְפוּ֙ וְלֹ֣א יִקָּבֵ֔רוּ לְדֹ֛מֶן עַל־פְּנֵ֥י הָאֲדָמָ֖ה יִֽהְיֽוּ׃

wĕháy֞ẇ ẖaֽlĕlé֤y yĕhwáh֙ bȧyò֣̇wm hah֔ẇʼ miqĕẕé֥h háʼá֖reẕ wĕʻad־qĕẕé֣h háʼá֑reẕ lò֣ʼ yisá̇pĕd֗ẇ wĕlò֤ʼ yéʼáֽsĕpẇ֙ wĕlò֣ʼ yiqá̇bé֔rẇ lĕdò֛men ʻal־pĕ̇né֥y háʼàdámá֖h yiֽhĕyֽẇ׃

34
הֵילִ֨ילוּ הָרֹעִ֜ים וְזַעֲק֗וּ וְהִֽתְפַּלְּשׁוּ֙ אַדִּירֵ֣י הַצֹּ֔אן כִּֽי־מָלְא֥וּ יְמֵיכֶ֖ם לִטְבֹ֑וחַ וּתְפֹוצֹ֣ותִיכֶ֔ם וּנְפַלְתֶּ֖ם כִּכְלִ֥י חֶמְדָּֽה׃

héyli֨ylẇ háròʻi֜ym wĕzaʻàq֗ẇ wĕhiֽţĕpȧlĕ̇ş̌ẇ֙ ʼadi̇yré֣y haẕò̇֔ʼn kiֽ̇y־málĕʼ֥ẇ yĕméyke֖m litĕbò֑wẖa ẇţĕpòwẕò֣wţiyke֔m ẇnĕpalĕţė֖m ki̇kĕli֥y ẖemĕdáֽ̇h׃

35
וְאָבַ֥ד מָנֹ֖וס מִן־הָֽרֹעִ֑ים וּפְלֵיטָ֖ה מֵאַדִּירֵ֥י הַצֹּֽאן׃

wĕʼába֥d mánò֖ws min־háֽròʻi֑ym ẇpĕléytá֖h méʼadi̇yré֥y haẕòֽ̇ʼn׃

36
קֹ֚ול צַעֲקַ֣ת הָֽרֹעִ֔ים וִֽילְלַ֖ת אַדִּירֵ֣י הַצֹּ֑אן כִּֽי־שֹׁדֵ֥ד יְהוָ֖ה אֶת־מַרְעִיתָֽם׃

qò֚wl ẕaʻàqa֣ţ háֽròʻi֔ym wiֽylĕla֖ţ ʼadi̇yré֣y haẕò֑̇ʼn kiֽ̇y־şò̌dé֥d yĕhwá֖h ʼeţ־marĕʻiyţáֽm׃

37
וְנָדַ֖מּוּ נְאֹ֣ות הַשָּׁלֹ֑ום מִפְּנֵ֖י חֲרֹ֥ון אַף־יְהוָֽה׃

wĕnáda֖ṁẇ nĕʼò֣wţ haşá̇̌lò֑wm mipĕ̇né֖y ẖàrò֥wn ʼap־yĕhwáֽh׃

38
עָזַ֥ב כַּכְּפִ֖יר סֻכֹּ֑ו כִּֽי־הָיְתָ֤ה אַרְצָם֙ לְשַׁמָּ֔ה מִפְּנֵי֙ חֲרֹ֣ון הַיֹּונָ֔ה וּמִפְּנֵ֖י חֲרֹ֥ון אַפֹּֽו׃ פ

ʻáza֥b kȧkĕ̇pi֖yr sukò֑̇w kiֽ̇y־háyĕţá֤h ʼarĕẕám֙ lĕşǎmá̇֔h mipĕ̇néy֙ ẖàrò֣wn hayò̇wná֔h ẇmipĕ̇né֖y ẖàrò֥wn ʼapòֽ̇w׃ p