Bibles en langues anciennes
Traductions anciennes
Traductions modernes

Biblia Hebraica Stuttgartensia Jérémie 41, 13

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיְהִ֣י׀ בַּחֹ֣דֶשׁ הַשְּׁבִיעִ֗י בָּ֣א יִשְׁמָעֵ֣אל בֶּן־נְתַנְיָ֣ה בֶן־אֱלִישָׁמָ֣ע מִזֶּ֣רַע הַ֠מְּלוּכָה וְרַבֵּ֨י הַמֶּ֜לֶךְ וַעֲשָׂרָ֨ה אֲנָשִׁ֥ים אִתֹּ֛ו אֶל־גְּדַלְיָ֥הוּ בֶן־אֲחִיקָ֖ם הַמִּצְפָּ֑תָה וַיֹּ֨אכְלוּ שָׁ֥ם לֶ֛חֶם יַחְדָּ֖ו בַּמִּצְפָּֽה׃

wayĕhi֣y׀ bȧẖò֣deş̌ haşĕ̇̌biyʻi֗y bá֣̇ʼ yişĕ̌máʻé֣ʼl bėn־nĕţanĕyá֣h ben־ʼèliyşá̌má֣ʻ mizė֣raʻ ha֠mĕ̇lẇkáh wĕrabé̇֨y hamė֜lekĕ waʻàşá̂rá֨h ʼànáşǐ֥ym ʼiţò֛̇w ʼel־gĕ̇dalĕyá֥hẇ ben־ʼàẖiyqá֖m hami̇ẕĕpá֑̇ţáh wayò̇֨ʼkĕlẇ şá֥̌m le֛ẖem yaẖĕdá֖̇w bȧmi̇ẕĕpáֽ̇h׃

2
וַיָּקָם֩ יִשְׁמָעֵ֨אל בֶּן־נְתַנְיָ֜ה וַעֲשֶׂ֥רֶת הָאֲנָשִׁ֣ים׀ אֲשֶׁר־הָי֣וּ אִתֹּ֗ו וַ֠יַּכּוּ אֶת־גְּדַלְיָ֨הוּ בֶן־אֲחִיקָ֧ם בֶּן־שָׁפָ֛ן בַּחֶ֖רֶב וַיָּ֣מֶת אֹתֹ֑ו אֲשֶׁר־הִפְקִ֥יד מֶֽלֶךְ־בָּבֶ֖ל בָּאָֽרֶץ׃

wayá̇qám֩ yişĕ̌máʻé֨ʼl bėn־nĕţanĕyá֜h waʻàşê֥reţ háʼànáşǐ֣ym׀ ʼàşěr־háy֣ẇ ʼiţò̇֗w wa֠yȧk̇ẇ ʼeţ־gĕ̇dalĕyá֨hẇ ben־ʼàẖiyqá֧m bėn־şá̌pá֛n bȧẖe֖reb wayá֣̇meţ ʼòţò֑w ʼàşěr־hipĕqi֥yd meֽlekĕ־bá̇be֖l bá̇ʼáֽreẕ׃

3
וְאֵ֣ת כָּל־הַיְּהוּדִ֗ים אֲשֶׁר־הָי֨וּ אִתֹּ֤ו אֶת־גְּדַלְיָ֨הוּ֙ בַּמִּצְפָּ֔ה וְאֶת־הַכַּשְׂדִּ֖ים אֲשֶׁ֣ר נִמְצְאוּ־שָׁ֑ם אֵ֚ת אַנְשֵׁ֣י הַמִּלְחָמָ֔ה הִכָּ֖ה יִשְׁמָעֵֽאל׃

wĕʼé֣ţ ká̇l־hayĕ̇hẇdi֗ym ʼàşěr־háy֨ẇ ʼiţò֤̇w ʼeţ־gĕ̇dalĕyá֨hẇ֙ bȧmi̇ẕĕpá̇֔h wĕʼeţ־hakȧşĕ̂di֖̇ym ʼàşě֣r nimĕẕĕʼẇ־şá֑̌m ʼé֚ţ ʼanĕşé֣̌y hami̇lĕẖámá֔h hiká֖̇h yişĕ̌máʻéֽʼl׃

4
וַיְהִ֛י בַּיֹּ֥ום הַשֵּׁנִ֖י לְהָמִ֣ית אֶת־גְּדַלְיָ֑הוּ וְאִ֖ישׁ לֹ֥א יָדָֽע׃

wayĕhi֛y bȧyò֥̇wm haşé̇̌ni֖y lĕhámi֣yţ ʼeţ־gĕ̇dalĕyá֑hẇ wĕʼi֖yş̌ lò֥ʼ yádáֽʻ׃

5
וַיָּבֹ֣אוּ אֲ֠נָשִׁים מִשְּׁכֶ֞ם מִשִּׁלֹ֤ו וּמִשֹּֽׁמְרֹון֙ שְׁמֹנִ֣ים אִ֔ישׁ מְגֻלְּחֵ֥י זָקָ֛ן וּקְרֻעֵ֥י בְגָדִ֖ים וּמִתְגֹּֽדְדִ֑ים וּמִנְחָ֤ה וּלְבֹונָה֙ בְּיָדָ֔ם לְהָבִ֖יא בֵּ֥ית יְהוָֽה׃

wayá̇bò֣ʼẇ ʼà֠náşǐym mişĕ̇̌ke֞m mişi̇̌lò֤w ẇmişòֽ̇̌mĕròwn֙ şĕ̌mòni֣ym ʼi֔yş̌ mĕgulĕ̇ẖé֥y záqá֛n ẇqĕruʻé֥y bĕgádi֖ym ẇmiţĕgòֽ̇dĕdi֑ym ẇminĕẖá֤h ẇlĕbòwnáh֙ bĕ̇yádá֔m lĕhábi֖yʼ bé֥̇yţ yĕhwáֽh׃

6
וַ֠יֵּצֵא יִשְׁמָעֵ֨אל בֶּן־נְתַנְיָ֤ה לִקְרָאתָם֙ מִן־הַמִּצְפָּ֔ה הֹלֵ֥ךְ הָלֹ֖ךְ וּבֹכֶ֑ה וַֽיְהִי֙ כִּפְגֹ֣שׁ אֹתָ֔ם וַיֹּ֣אמֶר אֲלֵיהֶ֔ם בֹּ֖אוּ אֶל־גְּדַלְיָ֥הוּ בֶן־אֲחִיקָֽם׃ ס

wa֠yé̇ẕéʼ yişĕ̌máʻé֨ʼl bėn־nĕţanĕyá֤h liqĕráʼţám֙ min־hami̇ẕĕpá̇֔h hòlé֥kĕ hálò֖kĕ ẇbòke֑h waֽyĕhiy֙ ki̇pĕgò֣ş̌ ʼòţá֔m wayò֣̇ʼmer ʼàléyhe֔m bò֖̇ʼẇ ʼel־gĕ̇dalĕyá֥hẇ ben־ʼàẖiyqáֽm׃ s

7
וַיְהִ֕י כְּבֹואָ֖ם אֶל־תֹּ֣וךְ הָעִ֑יר וַיִּשְׁחָטֵ֞ם יִשְׁמָעֵ֤אל בֶּן־נְתַנְיָה֙ אֶל־תֹּ֣וךְ הַבֹּ֔ור ה֖וּא וְהָאֲנָשִׁ֥ים אֲשֶׁר־אִתֹּֽו׃

wayĕhi֕y kĕ̇bòwʼá֖m ʼel־ţò֣̇wkĕ háʻi֑yr wayi̇şĕ̌ẖáté֞m yişĕ̌máʻé֤ʼl bėn־nĕţanĕyáh֙ ʼel־ţò֣̇wkĕ habò̇֔wr h֖ẇʼ wĕháʼànáşǐ֥ym ʼàşěr־ʼiţòֽ̇w׃

8
וַעֲשָׂרָ֨ה אֲנָשִׁ֜ים נִמְצְאוּ־בָ֗ם וַיֹּאמְר֤וּ אֶל־יִשְׁמָעֵאל֙ אַל־תְּמִתֵ֔נוּ כִּֽי־יֶשׁ־לָ֤נוּ מַטְמֹנִים֙ בַּשָּׂדֶ֔ה חִטִּ֥ים וּשְׂעֹרִ֖ים וְשֶׁ֣מֶן וּדְבָ֑שׁ וַיֶּחְדַּ֕ל וְלֹ֥א הֱמִיתָ֖ם בְּתֹ֥וךְ אֲחֵיהֶֽם׃

waʻàşá̂rá֨h ʼànáşǐ֜ym nimĕẕĕʼẇ־bá֗m wayò̇ʼmĕr֤ẇ ʼel־yişĕ̌máʻéʼl֙ ʼal־ţĕ̇miţé֔nẇ kiֽ̇y־yeş̌־lá֤nẇ matĕmòniym֙ bȧşá̇̂de֔h ẖiti֥̇ym ẇşĕ̂ʻòri֖ym wĕşě֣men ẇdĕbá֑ş̌ wayėẖĕdȧ֕l wĕlò֥ʼ hèmiyţá֖m bĕ̇ţò֥wkĕ ʼàẖéyheֽm׃

9
וְהַבֹּ֗ור אֲשֶׁר֩ הִשְׁלִ֨יךְ שָׁ֤ם יִשְׁמָעֵאל֙ אֵ֣ת׀ כָּל־פִּגְרֵ֣י הָאֲנָשִׁ֗ים אֲשֶׁ֤ר הִכָּה֙ בְּיַד־גְּדַלְיָ֔הוּ ה֗וּא אֲשֶׁ֤ר עָשָׂה֙ הַמֶּ֣לֶךְ אָסָ֔א מִפְּנֵ֖י בַּעְשָׁ֣א מֶֽלֶךְ־יִשְׂרָאֵ֑ל אֹתֹ֗ו מִלֵּ֛א יִשְׁמָעֵ֥אל בֶּן־נְתַנְיָ֖הוּ חֲלָלִֽים׃

wĕhabò̇֗wr ʼàşěr֩ hişĕ̌li֨ykĕ şá֤̌m yişĕ̌máʻéʼl֙ ʼé֣ţ׀ ká̇l־pi̇gĕré֣y háʼànáşǐ֗ym ʼàşě֤r hiká̇h֙ bĕ̇yad־gĕ̇dalĕyá֔hẇ h֗ẇʼ ʼàşě֤r ʻáşá̂h֙ hamė֣lekĕ ʼásá֔ʼ mipĕ̇né֖y bȧʻĕşá֣̌ʼ meֽlekĕ־yişĕ̂ráʼé֑l ʼòţò֗w milé֛̇ʼ yişĕ̌máʻé֥ʼl bėn־nĕţanĕyá֖hẇ ẖàláliֽym׃

10
וַיִּ֣שְׁבְּ׀ יִ֠שְׁמָעֵאל אֶת־כָּל־שְׁאֵרִ֨ית הָעָ֜ם אֲשֶׁ֣ר בַּמִּצְפָּ֗ה אֶת־בְּנֹ֤ות הַמֶּ֨לֶךְ֙ וְאֶת־כָּל־הָעָם֙ הַנִּשְׁאָרִ֣ים בַּמִּצְפָּ֔ה אֲשֶׁ֣ר הִפְקִ֗יד נְבֽוּזַרְאֲדָן֙ רַב־טַבָּחִ֔ים אֶת־גְּדַלְיָ֖הוּ בֶּן־אֲחִיקָ֑ם וַיִּשְׁבֵּם֙ יִשְׁמָעֵ֣אל בֶּן־נְתַנְיָ֔ה וַיֵּ֕לֶךְ לַעֲבֹ֖ר אֶל־בְּנֵ֥י עַמֹּֽון׃ ס

wayi֣̇şĕ̌bĕ̇׀ yi֠şĕ̌máʻéʼl ʼeţ־ká̇l־şĕ̌ʼéri֨yţ háʻá֜m ʼàşě֣r bȧmi̇ẕĕpá̇֗h ʼeţ־bĕ̇nò֤wţ hamė֨lekĕ֙ wĕʼeţ־ká̇l־háʻám֙ hani̇şĕ̌ʼári֣ym bȧmi̇ẕĕpá̇֔h ʼàşě֣r hipĕqi֗yd nĕbֽẇzarĕʼàdán֙ rab־tabá̇ẖi֔ym ʼeţ־gĕ̇dalĕyá֖hẇ bėn־ʼàẖiyqá֑m wayi̇şĕ̌bé̇m֙ yişĕ̌máʻé֣ʼl bėn־nĕţanĕyá֔h wayé̇֕lekĕ laʻàbò֖r ʼel־bĕ̇né֥y ʻamòֽ̇wn׃ s

11
וַיִּשְׁמַע֙ יֹוחָנָ֣ן בֶּן־קָרֵ֔חַ וְכָל־שָׂרֵ֥י הַחֲיָלִ֖ים אֲשֶׁ֣ר אִתֹּ֑ו אֵ֤ת כָּל־הָֽרָעָה֙ אֲשֶׁ֣ר עָשָׂ֔ה יִשְׁמָעֵ֖אל בֶּן־נְתַנְיָֽה׃

wayi̇şĕ̌maʻ֙ yòwẖáná֣n bėn־qáré֔ẖa wĕkál־şá̂ré֥y haẖàyáli֖ym ʼàşě֣r ʼiţò֑̇w ʼé֤ţ ká̇l־háֽráʻáh֙ ʼàşě֣r ʻáşá̂֔h yişĕ̌máʻé֖ʼl bėn־nĕţanĕyáֽh׃

12
וַיִּקְחוּ֙ אֶת־כָּל־הָ֣אֲנָשִׁ֔ים וַיֵּ֣לְכ֔וּ לְהִלָּחֵ֖ם עִם־יִשְׁמָעֵ֣אל בֶּן־נְתַנְיָ֑ה וַיִּמְצְא֣וּ אֹתֹ֔ו אֶל־מַ֥יִם רַבִּ֖ים אֲשֶׁ֥ר בְּגִבְעֹֽון׃

wayi̇qĕẖẇ֙ ʼeţ־ká̇l־há֣ʼànáşǐ֔ym wayé֣̇lĕk֔ẇ lĕhilá̇ẖé֖m ʻim־yişĕ̌máʻé֣ʼl bėn־nĕţanĕyá֑h wayi̇mĕẕĕʼ֣ẇ ʼòţò֔w ʼel־ma֥yim rabi֖̇ym ʼàşě֥r bĕ̇gibĕʻòֽwn׃

13
וַיְהִ֗י כִּרְאֹ֤ות כָּל־הָעָם֙ אֲשֶׁ֣ר אֶת־יִשְׁמָעֵ֔אל אֶת־יֹֽוחָנָן֙ בֶּן־קָרֵ֔חַ וְאֵ֛ת כָּל־שָׂרֵ֥י הַחֲיָלִ֖ים אֲשֶׁ֣ר אִתֹּ֑ו וַיִּשְׂמָֽחוּ׃

wayĕhi֗y ki̇rĕʼò֤wţ ká̇l־háʻám֙ ʼàşě֣r ʼeţ־yişĕ̌máʻé֔ʼl ʼeţ־yòֽwẖánán֙ bėn־qáré֔ẖa wĕʼé֛ţ ká̇l־şá̂ré֥y haẖàyáli֖ym ʼàşě֣r ʼiţò֑̇w wayi̇şĕ̂máֽẖẇ׃

14
וַיָּסֹ֨בּוּ֙ כָּל־הָעָ֔ם אֲשֶׁר־שָׁבָ֥ה יִשְׁמָעֵ֖אל מִן־הַמִּצְפָּ֑ה וַיָּשֻׁ֨בוּ֙ וַיֵּ֣לְכ֔וּ אֶל־יֹֽוחָנָ֖ן בֶּן־קָרֵֽחַ׃

wayá̇sò֨ḃẇ֙ ká̇l־háʻá֔m ʼàşěr־şá̌bá֥h yişĕ̌máʻé֖ʼl min־hami̇ẕĕpá֑̇h wayá̇şǔ֨bẇ֙ wayé֣̇lĕk֔ẇ ʼel־yòֽwẖáná֖n bėn־qáréֽẖa׃

15
וְיִשְׁמָעֵ֣אל בֶּן־נְתַנְיָ֗ה נִמְלַט֙ בִּשְׁמֹנָ֣ה אֲנָשִׁ֔ים מִפְּנֵ֖י יֹֽוחָנָ֑ן וַיֵּ֖לֶךְ אֶל־בְּנֵ֥י עַמֹּֽון׃ ס

wĕyişĕ̌máʻé֣ʼl bėn־nĕţanĕyá֗h nimĕlat֙ bi̇şĕ̌mòná֣h ʼànáşǐ֔ym mipĕ̇né֖y yòֽwẖáná֑n wayé֖̇lekĕ ʼel־bĕ̇né֥y ʻamòֽ̇wn׃ s

16
וַיִּקַּח֩ יֹוחָנָ֨ן בֶּן־קָרֵ֜חַ וְכָל־שָׂרֵ֧י הַחֲיָלִ֣ים אֲשֶׁר־אִתֹּ֗ו אֵ֣ת כָּל־שְׁאֵרִ֤ית הָעָם֙ אֲשֶׁ֣ר הֵ֠שִׁיב מֵאֵ֨ת יִשְׁמָעֵ֤אל בֶּן־נְתַנְיָה֙ מִן־הַמִּצְפָּ֔ה אַחַ֣ר הִכָּ֔ה אֶת־גְּדַלְיָ֖ה בֶּן־אֲחִיקָ֑ם גְּבָרִ֞ים אַנְשֵׁ֣י הַמִּלְחָמָ֗ה וְנָשִׁ֤ים וְטַף֙ וְסָ֣רִסִ֔ים אֲשֶׁ֥ר הֵשִׁ֖יב מִגִּבְעֹֽון׃

wayi̇qȧẖ֩ yòwẖáná֨n bėn־qáré֜ẖa wĕkál־şá̂ré֧y haẖàyáli֣ym ʼàşěr־ʼiţò̇֗w ʼé֣ţ ká̇l־şĕ̌ʼéri֤yţ háʻám֙ ʼàşě֣r hé֠şǐyb méʼé֨ţ yişĕ̌máʻé֤ʼl bėn־nĕţanĕyáh֙ min־hami̇ẕĕpá̇֔h ʼaẖa֣r hiká̇֔h ʼeţ־gĕ̇dalĕyá֖h bėn־ʼàẖiyqá֑m gĕ̇bári֞ym ʼanĕşé֣̌y hami̇lĕẖámá֗h wĕnáşǐ֤ym wĕtap֙ wĕsá֣risi֔ym ʼàşě֥r héşǐ֖yb migi̇bĕʻòֽwn׃

17
וַיֵּלְכ֗וּ וַיֵּֽשְׁבוּ֙ בְּגֵר֣וּת כְמֹוהֶם אֲשֶׁר־אֵ֖צֶל בֵּ֣ית לָ֑חֶם לָלֶ֖כֶת לָבֹ֥וא מִצְרָֽיִם׃

wayé̇lĕk֗ẇ wayéֽ̇şĕ̌bẇ֙ bĕ̇gér֣ẇţ kĕmòwhem ʼàşěr־ʼé֖ẕel bé֣̇yţ lá֑ẖem lále֖keţ lábò֥wʼ miẕĕráֽyim׃

18
מִפְּנֵי֙ הַכַּשְׂדִּ֔ים כִּ֥י יָרְא֖וּ מִפְּנֵיהֶ֑ם כִּֽי־הִכָּ֞ה יִשְׁמָעֵ֣אל בֶּן־נְתַנְיָ֗ה אֶת־גְּדַלְיָ֨הוּ֙ בֶּן־אֲחִיקָ֔ם אֲשֶׁר־הִפְקִ֥יד מֶֽלֶךְ־בָּבֶ֖ל בָּאָֽרֶץ׃ ס

mipĕ̇néy֙ hakȧşĕ̂di̇֔ym ki֥̇y yárĕʼ֖ẇ mipĕ̇néyhe֑m kiֽ̇y־hiká̇֞h yişĕ̌máʻé֣ʼl bėn־nĕţanĕyá֗h ʼeţ־gĕ̇dalĕyá֨hẇ֙ bėn־ʼàẖiyqá֔m ʼàşěr־hipĕqi֥yd meֽlekĕ־bá̇be֖l bá̇ʼáֽreẕ׃ s