Bibles en langues anciennes
Traductions anciennes
Traductions modernes

Biblia Hebraica Stuttgartensia Lamentations 2, 9

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
אֵיכָה֩ יָעִ֨יב בְּאַפֹּ֤ו׀ אֲדֹנָי֙ אֶת־בַּת־צִיֹּ֔ון הִשְׁלִ֤יךְ מִשָּׁמַ֨יִם֙ אֶ֔רֶץ תִּפְאֶ֖רֶת יִשְׂרָאֵ֑ל וְלֹא־זָכַ֥ר הֲדֹם־רַגְלָ֖יו בְּיֹ֥ום אַפֹּֽו׃ ס

ʼéykáh֩ yáʻi֨yb bĕ̇ʼapò֤̇w׀ ʼàdònáy֙ ʼeţ־bȧţ־ẕiyò̇֔wn hişĕ̌li֤ykĕ mişá̇̌ma֨yim֙ ʼe֔reẕ ţi̇pĕʼe֖reţ yişĕ̂ráʼé֑l wĕlòʼ־záka֥r hàdòm־ragĕlá֖yw bĕ̇yò֥wm ʼapòֽ̇w׃ s

2
בִּלַּ֨ע אֲדֹנָ֜י לֹא חָמַ֗ל אֵ֚ת כָּל־נְאֹ֣ות יַעֲקֹ֔ב הָרַ֧ס בְּעֶבְרָתֹ֛ו מִבְצְרֵ֥י בַת־יְהוּדָ֖ה הִגִּ֣יעַ לָאָ֑רֶץ חִלֵּ֥ל מַמְלָכָ֖ה וְשָׂרֶֽיהָ׃ ס

bi̇lȧ֨ʻ ʼàdòná֜y lòʼ ẖáma֗l ʼé֚ţ ká̇l־nĕʼò֣wţ yaʻàqò֔b hára֧s bĕ̇ʻebĕráţò֛w mibĕẕĕré֥y baţ־yĕhẇdá֖h higi֣̇yʻa láʼá֑reẕ ẖilé֥̇l mamĕláká֖h wĕşá̂reֽyhá׃ s

3
גָּדַ֣ע בָּֽחֳרִי־אַ֗ף כֹּ֚ל קֶ֣רֶן יִשְׂרָאֵ֔ל הֵשִׁ֥יב אָחֹ֛ור יְמִינֹ֖ו מִפְּנֵ֣י אֹויֵ֑ב וַיִּבְעַ֤ר בְּיַעֲקֹב֙ כְּאֵ֣שׁ לֶֽהָבָ֔ה אָכְלָ֖ה סָבִֽיב׃ ס

gá̇da֣ʻ báֽ̇ẖoriy־ʼa֗p kò֚̇l qe֣ren yişĕ̂ráʼé֔l héşǐ֥yb ʼáẖò֛wr yĕmiynò֖w mipĕ̇né֣y ʼòwyé֑b wayi̇bĕʻa֤r bĕ̇yaʻàqòb֙ kĕ̇ʼé֣ş̌ leֽhábá֔h ʼákĕlá֖h sábiֽyb׃ s

4
דָּרַ֨ךְ קַשְׁתֹּ֜ו כְּאֹויֵ֗ב נִצָּ֤ב יְמִינֹו֙ כְּצָ֔ר וַֽיַּהֲרֹ֔ג כֹּ֖ל מַחֲמַדֵּי־עָ֑יִן בְּאֹ֨הֶל֙ בַּת־צִיֹּ֔ון שָׁפַ֥ךְ כָּאֵ֖שׁ חֲמָתֹֽו׃ ס

dá̇ra֨kĕ qaşĕ̌ţò̇֜w kĕ̇ʼòwyé֗b niẕá֤̇b yĕmiynòw֙ kĕ̇ẕá֔r waֽyȧhàrò֔g kò֖̇l maẖàmadé̇y־ʻá֑yin bĕ̇ʼò֨hel֙ bȧţ־ẕiyò̇֔wn şá̌pa֥kĕ ká̇ʼé֖ş̌ ẖàmáţòֽw׃ s

5
הָיָ֨ה אֲדֹנָ֤י׀ כְּאֹויֵב֙ בִּלַּ֣ע יִשְׂרָאֵ֔ל בִּלַּע֙ כָּל־אַרְמְנֹותֶ֔יהָ שִׁחֵ֖ת מִבְצָרָ֑יו וַיֶּ֨רֶב֙ בְּבַת־יְהוּדָ֔ה תַּאֲנִיָּ֖ה וַאֲנִיָּֽה׃ ס

háyá֨h ʼàdòná֤y׀ kĕ̇ʼòwyéb֙ bi̇lȧ֣ʻ yişĕ̂ráʼé֔l bi̇lȧʻ֙ ká̇l־ʼarĕmĕnòwţe֔yhá şǐẖé֖ţ mibĕẕárá֑yw wayė֨reb֙ bĕ̇baţ־yĕhẇdá֔h ţȧʼàniyá֖̇h waʼàniyáֽ̇h׃ s

6
וַיַּחְמֹ֤ס כַּגַּן֙ שֻׂכֹּ֔ו שִׁחֵ֖ת מֹועֲדֹ֑ו שִׁכַּ֨ח יְהוָ֤ה׀ בְּצִיֹּון֙ מֹועֵ֣ד וְשַׁבָּ֔ת וַיִּנְאַ֥ץ בְּזַֽעַם־אַפֹּ֖ו מֶ֥לֶךְ וְכֹהֵֽן׃ ס

wayȧẖĕmò֤s kȧgȧn֙ şûkò̇֔w şǐẖé֖ţ mòwʻàdò֑w şǐkȧ֨ẖ yĕhwá֤h׀ bĕ̇ẕiyò̇wn֙ mòwʻé֣d wĕşǎbá̇֔ţ wayi̇nĕʼa֥ẕ bĕ̇zaֽʻam־ʼapò֖̇w me֥lekĕ wĕkòhéֽn׃ s

7
זָנַ֨ח אֲדֹנָ֤י׀ מִזְבְּחֹו֙ נִאֵ֣ר מִקְדָּשֹׁ֔ו הִסְגִּיר֙ בְּיַד־אֹויֵ֔ב חֹומֹ֖ת אַרְמְנֹותֶ֑יהָ קֹ֛ול נָתְנ֥וּ בְּבֵית־יְהוָ֖ה כְּיֹ֥ום מֹועֵֽד׃ ס

zána֨ẖ ʼàdòná֤y׀ mizĕbĕ̇ẖòw֙ niʼé֣r miqĕdá̇şò̌֔w hisĕgi̇yr֙ bĕ̇yad־ʼòwyé֔b ẖòwmò֖ţ ʼarĕmĕnòwţe֑yhá qò֛wl náţĕn֥ẇ bĕ̇béyţ־yĕhwá֖h kĕ̇yò֥wm mòwʻéֽd׃ s

8
חָשַׁ֨ב יְהוָ֤ה׀ לְהַשְׁחִית֙ חֹומַ֣ת בַּת־צִיֹּ֔ון נָ֣טָה קָ֔ו לֹא־הֵשִׁ֥יב יָדֹ֖ו מִבַּלֵּ֑עַ וַיַּֽאֲבֶל־חֵ֥ל וְחֹומָ֖ה יַחְדָּ֥ו אֻמְלָֽלוּ׃ ס

ẖáşǎ֨b yĕhwá֤h׀ lĕhaşĕ̌ẖiyţ֙ ẖòwma֣ţ bȧţ־ẕiyò̇֔wn ná֣táh qá֔w lòʼ־héşǐ֥yb yádò֖w mibȧlé֑̇ʻa wayȧֽʼàbel־ẖé֥l wĕẖòwmá֖h yaẖĕdá֥̇w ʼumĕláֽlẇ׃ s

9
טָבְע֤וּ בָאָ֨רֶץ֙ שְׁעָרֶ֔יהָ אִבַּ֥ד וְשִׁבַּ֖ר בְּרִיחֶ֑יהָ מַלְכָּ֨הּ וְשָׂרֶ֤יהָ בַגֹּויִם֙ אֵ֣ין תֹּורָ֔ה גַּם־נְבִיאֶ֕יהָ לֹא־מָצְא֥וּ חָזֹ֖ון מֵיְהוָֽה׃ ס

tábĕʻ֤ẇ báʼá֨reẕ֙ şĕ̌ʻáre֔yhá ʼibȧ֥d wĕşǐbȧ֖r bĕ̇riyẖe֑yhá malĕká̇֨ḣ wĕşá̂re֤yhá bagò̇wyim֙ ʼé֣yn ţò̇wrá֔h gȧm־nĕbiyʼe֕yhá lòʼ־máẕĕʼ֥ẇ ẖázò֖wn méyĕhwáֽh׃ s

10
יֵשְׁב֨וּ לָאָ֤רֶץ יִדְּמוּ֙ זִקְנֵ֣י בַת־צִיֹּ֔ון הֶֽעֱל֤וּ עָפָר֙ עַל־רֹאשָׁ֔ם חָגְר֖וּ שַׂקִּ֑ים הֹורִ֤ידוּ לָאָ֨רֶץ֙ רֹאשָׁ֔ן בְּתוּלֹ֖ת יְרוּשָׁלִָֽם׃ ס

yéşĕ̌b֨ẇ láʼá֤reẕ yidĕ̇mẇ֙ ziqĕné֣y baţ־ẕiyò̇֔wn heֽʻèl֤ẇ ʻápár֙ ʻal־ròʼşá̌֔m ẖágĕr֖ẇ şâqi֑̇ym hòwri֤ydẇ láʼá֨reẕ֙ ròʼşá̌֔n bĕ̇ţẇlò֖ţ yĕrẇşá̌láֽim׃ s

11
כָּל֨וּ בַדְּמָעֹ֤ות עֵינַי֙ חֳמַרְמְר֣וּ מֵעַ֔י נִשְׁפַּ֤ךְ לָאָ֨רֶץ֙ כְּבֵדִ֔י עַל־שֶׁ֖בֶר בַּת־עַמִּ֑י בֵּֽעָטֵ֤ף עֹולֵל֙ וְיֹונֵ֔ק בִּרְחֹבֹ֖ות קִרְיָֽה׃ ס

ká̇l֨ẇ badĕ̇máʻò֤wţ ʻéynay֙ ẖomarĕmĕr֣ẇ méʻa֔y nişĕ̌pȧ֤kĕ láʼá֨reẕ֙ kĕ̇bédi֔y ʻal־şě֖ber bȧţ־ʻami֑̇y béֽ̇ʻáté֤p ʻòwlél֙ wĕyòwné֔q bi̇rĕẖòbò֖wţ qirĕyáֽh׃ s

12
לְאִמֹּתָם֙ יֹֽאמְר֔וּ אַיֵּ֖ה דָּגָ֣ן וָיָ֑יִן בְּהִֽתְעַטְּפָ֤ם כֶּֽחָלָל֙ בִּרְחֹבֹ֣ות עִ֔יר בְּהִשְׁתַּפֵּ֣ךְ נַפְשָׁ֔ם אֶל־חֵ֖יק אִמֹּתָֽם׃ ס

lĕʼimò̇ţám֙ yòֽʼmĕr֔ẇ ʼayé֖̇h dá̇gá֣n wáyá֑yin bĕ̇hiֽţĕʻatĕ̇pá֤m kėֽẖálál֙ bi̇rĕẖòbò֣wţ ʻi֔yr bĕ̇hişĕ̌ţȧpé֣̇kĕ napĕşá̌֔m ʼel־ẖé֖yq ʼimò̇ţáֽm׃ s

13
מָֽה־אֲעִידֵ֞ךְ מָ֣ה אֲדַמֶּה־לָּ֗ךְ הַבַּת֙ יְר֣וּשָׁלִַ֔ם מָ֤ה אַשְׁוֶה־לָּךְ֙ וַאֲנַֽחֲמֵ֔ךְ בְּתוּלַ֖ת בַּת־צִיֹּ֑ון כִּֽי־גָדֹ֥ול כַּיָּ֛ם שִׁבְרֵ֖ךְ מִ֥י יִרְפָּא־לָֽךְ׃ ס

máֽh־ʼàʻiydé֞kĕ má֣h ʼàdamėh־lá̇֗kĕ habȧţ֙ yĕr֣ẇşá̌lia֔m má֤h ʼaşĕ̌weh־lá̇kĕ֙ waʼànaֽẖàmé֔kĕ bĕ̇ţẇla֖ţ bȧţ־ẕiyò֑̇wn kiֽ̇y־gádò֥wl kȧyá֛̇m şǐbĕré֖kĕ mi֥y yirĕpá̇ʼ־láֽkĕ׃ s

14
נְבִיאַ֗יִךְ חָ֤זוּ לָךְ֙ שָׁ֣וְא וְתָפֵ֔ל וְלֹֽא־גִלּ֥וּ עַל־עֲוֹנֵ֖ךְ לְהָשִׁ֣יב שְׁבִיתֵךְ וַיֶּ֣חֱזוּ לָ֔ךְ מַשְׂאֹ֥ות שָׁ֖וְא וּמַדּוּחִֽים׃ ס

nĕbiyʼa֗yikĕ ẖá֤zẇ lákĕ֙ şá֣̌wĕʼ wĕţápé֔l wĕlòֽʼ־gil֥̇ẇ ʻal־ʻàwòné֖kĕ lĕháşǐ֣yb şĕ̌biyţékĕ wayė֣ẖèzẇ lá֔kĕ maşĕ̂ʼò֥wţ şá֖̌wĕʼ ẇmaḋẇẖiֽym׃ s

15
סָֽפְק֨וּ עָלַ֤יִךְ כַּפַּ֨יִם֙ כָּל־עֹ֣בְרֵי דֶ֔רֶךְ שָֽׁרְקוּ֙ וַיָּנִ֣עוּ רֹאשָׁ֔ם עַל־בַּ֖ת יְרוּשָׁלִָ֑ם הֲזֹ֣את הָעִ֗יר שֶׁיֹּֽאמְרוּ֙ כְּלִ֣ילַת יֹ֔פִי מָשֹׂ֖ושׂ לְכָל־הָאָֽרֶץ׃ ס

sáֽpĕq֨ẇ ʻála֤yikĕ kȧpȧ֨yim֙ ká̇l־ʻò֣bĕréy de֔rekĕ şáֽ̌rĕqẇ֙ wayá̇ni֣ʻẇ ròʼşá̌֔m ʻal־bȧ֖ţ yĕrẇşá̌liá֑m hàzò֣ʼţ háʻi֗yr şěyòֽ̇ʼmĕrẇ֙ kĕ̇li֣ylaţ yò֔piy máşò֖̂wş̂ lĕkál־háʼáֽreẕ׃ s

16
פָּצ֨וּ עָלַ֤יִךְ פִּיהֶם֙ כָּל־אֹ֣ויְבַ֔יִךְ שָֽׁרְקוּ֙ וַיַּֽחַרְקוּ־שֵׁ֔ן אָמְר֖וּ בִּלָּ֑עְנוּ אַ֣ךְ זֶ֥ה הַיֹּ֛ום שֶׁקִּוִּינֻ֖הוּ מָצָ֥אנוּ רָאִֽינוּ׃ ס

pá̇ẕ֨ẇ ʻála֤yikĕ pi̇yhem֙ ká̇l־ʼò֣wyĕba֔yikĕ şáֽ̌rĕqẇ֙ wayȧֽẖarĕqẇ־şé̌֔n ʼámĕr֖ẇ bi̇lá֑̇ʻĕnẇ ʼa֣kĕ ze֥h hayò֛̇wm şěqi̇wi̇ynu֖hẇ máẕá֥ʼnẇ ráʼiֽynẇ׃ s

17
עָשָׂ֨ה יְהוָ֜ה אֲשֶׁ֣ר זָמָ֗ם בִּצַּ֤ע אֶמְרָתֹו֙ אֲשֶׁ֣ר צִוָּ֣ה מִֽימֵי־קֶ֔דֶם הָרַ֖ס וְלֹ֣א חָמָ֑ל וַיְשַׂמַּ֤ח עָלַ֨יִךְ֙ אֹויֵ֔ב הֵרִ֖ים קֶ֥רֶן צָרָֽיִךְ׃ ס

ʻáşá̂֨h yĕhwá֜h ʼàşě֣r zámá֗m bi̇ẕȧ֤ʻ ʼemĕráţòw֙ ʼàşě֣r ẕiwá֣̇h miֽyméy־qe֔dem hára֖s wĕlò֣ʼ ẖámá֑l wayĕşâmȧ֤ẖ ʻála֨yikĕ֙ ʼòwyé֔b héri֖ym qe֥ren ẕáráֽyikĕ׃ s

18
צָעַ֥ק לִבָּ֖ם אֶל־אֲדֹנָ֑י חֹומַ֣ת בַּת־צִ֠יֹּון הֹורִ֨ידִי כַנַּ֤חַל דִּמְעָה֙ יֹומָ֣ם וָלַ֔יְלָה אַֽל־תִּתְּנִ֤י פוּגַת֙ לָ֔ךְ אַל־תִּדֹּ֖ם בַּת־עֵינֵֽךְ׃ ס

ẕáʻa֥q libá֖̇m ʼel־ʼàdòná֑y ẖòwma֣ţ bȧţ־ẕi֠yò̇wn hòwri֨ydiy kanȧ֤ẖal di̇mĕʻáh֙ yòwmá֣m wála֔yĕláh ʼaֽl־ţi̇ţĕ̇ni֤y pẇgaţ֙ lá֔kĕ ʼal־ţi̇dò֖̇m bȧţ־ʻéynéֽkĕ׃ s

19
ק֣וּמִי׀ רֹ֣נִּי בַלַּיִל לְרֹאשׁ֙ אַשְׁמֻרֹ֔ות שִׁפְכִ֤י כַמַּ֨יִם֙ לִבֵּ֔ךְ נֹ֖כַח פְּנֵ֣י אֲדֹנָ֑י שְׂאִ֧י אֵלָ֣יו כַּפַּ֗יִךְ עַל־נֶ֨פֶשׁ֙ עֹֽולָלַ֔יִךְ הָעֲטוּפִ֥ים בְּרָעָ֖ב בְּרֹ֥אשׁ כָּל־חוּצֹֽות׃ ס

q֣ẇmiy׀ rò֣ni̇y balȧyil lĕròʼş̌֙ ʼaşĕ̌murò֔wţ şǐpĕki֤y kamȧ֨yim֙ libé̇֔kĕ nò֖kaẖ pĕ̇né֣y ʼàdòná֑y şĕ̂ʼi֧y ʼélá֣yw kȧpȧ֗yikĕ ʻal־ne֨peş̌֙ ʻòֽwlála֔yikĕ háʻàtẇpi֥ym bĕ̇ráʻá֖b bĕ̇rò֥ʼş̌ ká̇l־ẖẇẕòֽwţ׃ s

20
רְאֵ֤ה יְהוָה֙ וְֽהַבִּ֔יטָה לְמִ֖י עֹולַ֣לְתָּ כֹּ֑ה אִם־תֹּאכַ֨לְנָה נָשִׁ֤ים פִּרְיָם֙ עֹלֲלֵ֣י טִפֻּחִ֔ים אִם־יֵהָרֵ֛ג בְּמִקְדַּ֥שׁ אֲדֹנָ֖י כֹּהֵ֥ן וְנָבִֽיא׃ ס

rĕʼé֤h yĕhwáh֙ wĕֽhabi̇֔ytáh lĕmi֖y ʻòwla֣lĕţá̇ kò֑̇h ʼim־ţò̇ʼka֨lĕnáh náşǐ֤ym pi̇rĕyám֙ ʻòlàlé֣y tipu̇ẖi֔ym ʼim־yéháré֛g bĕ̇miqĕdȧ֥ş̌ ʼàdòná֖y kò̇hé֥n wĕnábiֽyʼ׃ s

21
שָׁכְב֨וּ לָאָ֤רֶץ חוּצֹות֙ נַ֣עַר וְזָקֵ֔ן בְּתוּלֹתַ֥י וּבַחוּרַ֖י נָפְל֣וּ בֶחָ֑רֶב הָרַ֨גְתָּ֙ בְּיֹ֣ום אַפֶּ֔ךָ טָבַ֖חְתָּ לֹ֥א חָמָֽלְתָּ׃ ס

şá̌kĕb֨ẇ láʼá֤reẕ ẖẇẕòwţ֙ na֣ʻar wĕzáqé֔n bĕ̇ţẇlòţa֥y ẇbaẖẇra֖y nápĕl֣ẇ beẖá֑reb hára֨gĕţá̇֙ bĕ̇yò֣wm ʼapė֔ká tába֖ẖĕţá̇ lò֥ʼ ẖámáֽlĕţá̇׃ s

22
תִּקְרָא֩ כְיֹ֨ום מֹועֵ֤ד מְגוּרַי֙ מִסָּבִ֔יב וְלֹ֥א הָיָ֛ה בְּיֹ֥ום אַף־יְהוָ֖ה פָּלִ֣יט וְשָׂרִ֑יד אֲשֶׁר־טִפַּ֥חְתִּי וְרִבִּ֖יתִי אֹיְבִ֥י כִלָּֽם׃ פ

ţi̇qĕráʼ֩ kĕyò֨wm mòwʻé֤d mĕgẇray֙ misá̇bi֔yb wĕlò֥ʼ háyá֛h bĕ̇yò֥wm ʼap־yĕhwá֖h pá̇li֣yt wĕşá̂ri֑yd ʼàşěr־tipȧ֥ẖĕţi̇y wĕribi֖̇yţiy ʼòyĕbi֥y kiláֽ̇m׃ p