Bibles en langues anciennes
Traductions anciennes
Traductions modernes

Biblia Hebraica Stuttgartensia Néhémie 5, 2

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַתְּהִ֨י צַעֲקַ֥ת הָעָ֛ם וּנְשֵׁיהֶ֖ם גְּדֹולָ֑ה אֶל־אֲחֵיהֶ֖ם הַיְּהוּדִֽים׃

waţĕ̇hi֨y ẕaʻàqa֥ţ háʻá֛m ẇnĕşé̌yhe֖m gĕ̇dòwlá֑h ʼel־ʼàẖéyhe֖m hayĕ̇hẇdiֽym׃

2
וְיֵשׁ֙ אֲשֶׁ֣ר אֹמְרִ֔ים בָּנֵ֥ינוּ וּבְנֹתֵ֖ינוּ אֲנַ֣חְנוּ רַבִּ֑ים וְנִקְחָ֥ה דָגָ֖ן וְנֹאכְלָ֥ה וְנִחְיֶֽה׃

wĕyéş̌֙ ʼàşě֣r ʼòmĕri֔ym bá̇né֥ynẇ ẇbĕnòţé֖ynẇ ʼàna֣ẖĕnẇ rabi֑̇ym wĕniqĕẖá֥h dágá֖n wĕnòʼkĕlá֥h wĕniẖĕyeֽh׃

3
וְיֵשׁ֙ אֲשֶׁ֣ר אֹמְרִ֔ים שְׂדֹתֵ֛ינוּ וּכְרָמֵ֥ינוּ וּבָתֵּ֖ינוּ אֲנַ֣חְנוּ עֹרְבִ֑ים וְנִקְחָ֥ה דָגָ֖ן בָּרָעָֽב׃

wĕyéş̌֙ ʼàşě֣r ʼòmĕri֔ym şĕ̂dòţé֛ynẇ ẇkĕrámé֥ynẇ ẇbáţé֖̇ynẇ ʼàna֣ẖĕnẇ ʻòrĕbi֑ym wĕniqĕẖá֥h dágá֖n bá̇ráʻáֽb׃

4
וְיֵשׁ֙ אֲשֶׁ֣ר אֹמְרִ֔ים לָוִ֥ינוּ כֶ֖סֶף לְמִדַּ֣ת הַמֶּ֑לֶךְ שְׂדֹתֵ֖ינוּ וּכְרָמֵֽינוּ׃

wĕyéş̌֙ ʼàşě֣r ʼòmĕri֔ym láwi֥ynẇ ke֖sep lĕmidȧ֣ţ hamė֑lekĕ şĕ̂dòţé֖ynẇ ẇkĕráméֽynẇ׃

5
וְעַתָּ֗ה כִּבְשַׂ֤ר אַחֵ֨ינוּ֙ בְּשָׂרֵ֔נוּ כִּבְנֵיהֶ֖ם בָּנֵ֑ינוּ וְהִנֵּ֣ה אֲנַ֣חְנוּ כֹ֠בְשִׁים אֶת־בָּנֵ֨ינוּ וְאֶת־בְּנֹתֵ֜ינוּ לַעֲבָדִ֗ים וְיֵ֨שׁ מִבְּנֹתֵ֤ינוּ נִכְבָּשֹׁות֙ וְאֵ֣ין לְאֵ֣ל יָדֵ֔נוּ וּשְׂדֹתֵ֥ינוּ וּכְרָמֵ֖ינוּ לַאֲחֵרִֽים׃

wĕʻaţá̇֗h ki̇bĕşâ֤r ʼaẖé֨ynẇ֙ bĕ̇şá̂ré֔nẇ ki̇bĕnéyhe֖m bá̇né֑ynẇ wĕhiné֣̇h ʼàna֣ẖĕnẇ kò֠bĕşǐym ʼeţ־bá̇né֨ynẇ wĕʼeţ־bĕ̇nòţé֜ynẇ laʻàbádi֗ym wĕyé֨ş̌ mibĕ̇nòţé֤ynẇ nikĕbá̇şò̌wţ֙ wĕʼé֣yn lĕʼé֣l yádé֔nẇ ẇşĕ̂dòţé֥ynẇ ẇkĕrámé֖ynẇ laʼàẖériֽym׃

6
וַיִּ֥חַר לִ֖י מְאֹ֑ד כַּאֲשֶׁ֤ר שָׁמַ֨עְתִּי֙ אֶת־זַֽעֲקָתָ֔ם וְאֵ֖ת הַדְּבָרִ֥ים הָאֵֽלֶּה׃

wayi֥̇ẖar li֖y mĕʼò֑d kȧʼàşě֤r şá̌ma֨ʻĕţi̇y֙ ʼeţ־zaֽʻàqáţá֔m wĕʼé֖ţ hadĕ̇bári֥ym háʼéֽlėh׃

7
וַיִּמָּלֵ֨ךְ לִבִּ֜י עָלַ֗י וָאָרִ֨יבָה֙ אֶת־הַחֹרִ֣ים וְאֶת־הַסְּגָנִ֔ים וָאֹמְרָ֣ה לָהֶ֔ם מַשָּׁ֥א אִישׁ־בְּאָחִ֖יו אַתֶּ֣ם נֹשִׁ֑אים וָאֶתֵּ֥ן עֲלֵיהֶ֖ם קְהִלָּ֥ה גְדֹולָֽה׃

wayi̇má̇lé֨kĕ libi̇֜y ʻála֗y wáʼári֨ybáh֙ ʼeţ־haẖòri֣ym wĕʼeţ־hasĕ̇gáni֔ym wáʼòmĕrá֣h láhe֔m maşá֥̇̌ʼ ʼiyş̌־bĕ̇ʼáẖi֖yw ʼaţė֣m nòşǐ֑ʼym wáʼeţé֥̇n ʻàléyhe֖m qĕhilá֥̇h gĕdòwláֽh׃

8
וָאֹמְרָ֣ה לָהֶ֗ם אֲנַ֣חְנוּ קָ֠נִינוּ אֶת־אַחֵ֨ינוּ הַיְּהוּדִ֜ים הַנִּמְכָּרִ֤ים לַגֹּויִם֙ כְּדֵ֣י בָ֔נוּ וְגַם־אַתֶּ֛ם תִּמְכְּר֥וּ אֶת־אֲחֵיכֶ֖ם וְנִמְכְּרוּ־לָ֑נוּ וַֽיַּחֲרִ֔ישׁוּ וְלֹ֥א מָצְא֖וּ דָּבָֽר׃ ס

wáʼòmĕrá֣h láhe֗m ʼàna֣ẖĕnẇ qá֠niynẇ ʼeţ־ʼaẖé֨ynẇ hayĕ̇hẇdi֜ym hani̇mĕká̇ri֤ym lagò̇wyim֙ kĕ̇dé֣y bá֔nẇ wĕgam־ʼaţė֛m ţi̇mĕkĕ̇r֥ẇ ʼeţ־ʼàẖéyke֖m wĕnimĕkĕ̇rẇ־lá֑nẇ waֽyȧẖàri֔yş̌ẇ wĕlò֥ʼ máẕĕʼ֖ẇ dá̇báֽr׃ s

9
וַיֹּאמֶר לֹא־טֹ֥וב הַדָּבָ֖ר אֲשֶׁר־אַתֶּ֣ם עֹשִׂ֑ים הֲלֹ֞וא בְּיִרְאַ֤ת אֱלֹהֵ֨ינוּ֙ תֵּלֵ֔כוּ מֵחֶרְפַּ֖ת הַגֹּויִ֥ם אֹויְבֵֽינוּ׃

wayò̇ʼmer lòʼ־tò֥wb hadá̇bá֖r ʼàşěr־ʼaţė֣m ʻòşî֑ym hàlò֞wʼ bĕ̇yirĕʼa֤ţ ʼèlòhé֨ynẇ֙ ţé̇lé֔kẇ méẖerĕpȧ֖ţ hagò̇wyi֥m ʼòwyĕbéֽynẇ׃

10
וְגַם־אֲנִי֙ אַחַ֣י וּנְעָרַ֔י נֹשִׁ֥ים בָּהֶ֖ם כֶּ֣סֶף וְדָגָ֑ן נַֽעַזְבָה־נָּ֖א אֶת־הַמַּשָּׁ֥א הַזֶּֽה׃

wĕgam־ʼàniy֙ ʼaẖa֣y ẇnĕʻára֔y nòşǐ֥ym bá̇he֖m kė֣sep wĕdágá֑n naֽʻazĕbáh־ná֖̇ʼ ʼeţ־hamȧşá֥̇̌ʼ hazėֽh׃

11
הָשִׁיבוּ֩ נָ֨א לָהֶ֜ם כְּהַיֹּ֗ום שְׂדֹתֵיהֶ֛ם כַּרְמֵיהֶ֥ם זֵיתֵיהֶ֖ם וּבָתֵּיהֶ֑ם וּמְאַ֨ת הַכֶּ֤סֶף וְהַדָּגָן֙ הַתִּירֹ֣ושׁ וְהַיִּצְהָ֔ר אֲשֶׁ֥ר אַתֶּ֖ם נֹשִׁ֥ים בָּהֶֽם׃

háşǐybẇ֩ ná֨ʼ láhe֜m kĕ̇hayò̇֗wm şĕ̂dòţéyhe֛m kȧrĕméyhe֥m zéyţéyhe֖m ẇbáţé̇yhe֑m ẇmĕʼa֨ţ hakė֤sep wĕhadá̇gán֙ haţi̇yrò֣wş̌ wĕhayi̇ẕĕhá֔r ʼàşě֥r ʼaţė֖m nòşǐ֥ym bá̇heֽm׃

12
וַיֹּאמְר֣וּ נָשִׁ֗יב וּמֵהֶם֙ לֹ֣א נְבַקֵּ֔שׁ כֵּ֣ן נַעֲשֶׂ֔ה כַּאֲשֶׁ֖ר אַתָּ֣ה אֹומֵ֑ר וָאֶקְרָא֙ אֶת־הַכֹּ֣הֲנִ֔ים וָֽאַשְׁבִּיעֵ֔ם לַעֲשֹׂ֖ות כַּדָּבָ֥ר הַזֶּֽה׃

wayò̇ʼmĕr֣ẇ náşǐ֗yb ẇméhem֙ lò֣ʼ nĕbaqé̇֔ş̌ ké֣̇n naʻàşê֔h kȧʼàşě֖r ʼaţá֣̇h ʼòwmé֑r wáʼeqĕráʼ֙ ʼeţ־hakò֣̇hàni֔ym wáֽʼaşĕ̌bi̇yʻé֔m laʻàşò֖̂wţ kȧdá̇bá֥r hazėֽh׃

13
גַּם־חָצְנִ֣י נָעַ֗רְתִּי וָֽאֹמְרָ֡ה כָּ֣כָה יְנַעֵ֪ר הָֽאֱלֹהִ֟ים אֶת־כָּל־הָאִישׁ֩ אֲשֶׁ֨ר לֹֽא־יָקִ֜ים אֶת־הַדָּבָ֣ר הַזֶּ֗ה מִבֵּיתֹו֙ וּמִ֣יגִיעֹ֔ו וְכָ֛כָה יִהְיֶ֥ה נָע֖וּר וָרֵ֑ק וַיֹּאמְר֨וּ כָֽל־הַקָּהָ֜ל אָמֵ֗ן וַֽיְהַלְלוּ֙ אֶת־יְהוָ֔ה וַיַּ֥עַשׂ הָעָ֖ם כַּדָּבָ֥ר הַזֶּֽה׃

gȧm־ẖáẕĕni֣y náʻa֗rĕţi̇y wáֽʼòmĕrá֡h ká֣̇káh yĕnaʻé֪r háֽʼèlòhi֟ym ʼeţ־ká̇l־háʼiyş̌֩ ʼàşě֨r lòֽʼ־yáqi֜ym ʼeţ־hadá̇bá֣r hazė֗h mibé̇yţòw֙ ẇmi֣ygiyʻò֔w wĕká֛káh yihĕye֥h náʻ֖ẇr wáré֑q wayò̇ʼmĕr֨ẇ káֽl־haqá̇há֜l ʼámé֗n waֽyĕhalĕlẇ֙ ʼeţ־yĕhwá֔h wayȧ֥ʻaş̂ háʻá֖m kȧdá̇bá֥r hazėֽh׃

14
גַּ֞ם מִיֹּ֣ום׀ אֲשֶׁר־צִוָּ֣ה אֹתִ֗י לִהְיֹ֣ות פֶּחָם֮ בְּאֶ֣רֶץ יְהוּדָה֒ מִשְּׁנַ֣ת עֶשְׂרִ֗ים וְ֠עַד שְׁנַ֨ת שְׁלֹשִׁ֤ים וּשְׁתַּ֨יִם֙ לְאַרְתַּחְשַׁ֣סְתְּא הַמֶּ֔לֶךְ שָׁנִ֖ים שְׁתֵּ֣ים עֶשְׂרֵ֑ה אֲנִ֣י וְאַחַ֔י לֶ֥חֶם הַפֶּ֖חָה לֹ֥א אָכַֽלְתִּי׃

gȧ֞m miyò֣̇wm׀ ʼàşěr־ẕiwá֣̇h ʼòţi֗y lihĕyò֣wţ pėẖám֮ bĕ̇ʼe֣reẕ yĕhẇdáh֒ mişĕ̇̌na֣ţ ʻeşĕ̂ri֗ym wĕ֠ʻad şĕ̌na֨ţ şĕ̌lòşǐ֤ym ẇşĕ̌ţȧ֨yim֙ lĕʼarĕţȧẖĕşǎ֣sĕţĕ̇ʼ hamė֔lekĕ şá̌ni֖ym şĕ̌ţé֣̇ym ʻeşĕ̂ré֑h ʼàni֣y wĕʼaẖa֔y le֥ẖem hapė֖ẖáh lò֥ʼ ʼákaֽlĕţi̇y׃

15
וְהַפַּחֹות֩ הָרִאשֹׁנִ֨ים אֲשֶׁר־לְפָנַ֜י הִכְבִּ֣ידוּ עַל־הָעָ֗ם וַיִּקְח֨וּ מֵהֶ֜ם בְּלֶ֤חֶם וָיַ֨יִן֙ אַחַר֙ כֶּֽסֶף־שְׁקָלִ֣ים אַרְבָּעִ֔ים גַּ֥ם נַעֲרֵיהֶ֖ם שָׁלְט֣וּ עַל־הָעָ֑ם וַאֲנִי֙ לֹא־עָשִׂ֣יתִי כֵ֔ן מִפְּנֵ֖י יִרְאַ֥ת אֱלֹהִֽים׃

wĕhapȧẖòwţ֩ háriʼşò̌ni֨ym ʼàşěr־lĕpána֜y hikĕbi֣̇ydẇ ʻal־háʻá֗m wayi̇qĕẖ֨ẇ méhe֜m bĕ̇le֤ẖem wáya֨yin֙ ʼaẖar֙ kėֽsep־şĕ̌qáli֣ym ʼarĕbá̇ʻi֔ym gȧ֥m naʻàréyhe֖m şá̌lĕt֣ẇ ʻal־háʻá֑m waʼàniy֙ lòʼ־ʻáşî֣yţiy ké֔n mipĕ̇né֖y yirĕʼa֥ţ ʼèlòhiֽym׃

16
וְ֠גַם בִּמְלֶ֜אכֶת הַחֹומָ֤ה הַזֹּאת֙ הֶחֱזַ֔קְתִּי וְשָׂדֶ֖ה לֹ֣א קָנִ֑ינוּ וְכָל־נְעָרַ֔י קְבוּצִ֥ים שָׁ֖ם עַל־הַמְּלָאכָֽה׃

wĕ֠gam bi̇mĕle֜ʼkeţ haẖòwmá֤h hazò̇ʼţ֙ heẖèza֔qĕţi̇y wĕşá̂de֖h lò֣ʼ qáni֑ynẇ wĕkál־nĕʻára֔y qĕbẇẕi֥ym şá֖̌m ʻal־hamĕ̇láʼkáֽh׃

17
וְהַיְּהוּדִ֨ים וְהַסְּגָנִ֜ים מֵאָ֧ה וַחֲמִשִּׁ֣ים אִ֗ישׁ וְהַבָּאִ֥ים אֵלֵ֛ינוּ מִן־הַגֹּויִ֥ם אֲשֶׁר־סְבִיבֹתֵ֖ינוּ עַל־שֻׁלְחָנִֽי׃

wĕhayĕ̇hẇdi֨ym wĕhasĕ̇gáni֜ym méʼá֧h waẖàmişi֣̇̌ym ʼi֗yş̌ wĕhabá̇ʼi֥ym ʼélé֛ynẇ min־hagò̇wyi֥m ʼàşěr־sĕbiybòţé֖ynẇ ʻal־şǔlĕẖániֽy׃

18
וַאֲשֶׁר֩ הָיָ֨ה נַעֲשֶׂ֜ה לְיֹ֣ום אֶחָ֗ד שֹׁ֣ור אֶחָ֞ד צֹ֠אן שֵׁשׁ־בְּרֻרֹ֤ות וְצִפֳּרִים֙ נַֽעֲשׂוּ־לִ֔י וּבֵ֨ין עֲשֶׂ֧רֶת יָמִ֛ים בְּכָל־יַ֖יִן לְהַרְבֵּ֑ה וְעִם־זֶ֗ה לֶ֤חֶם הַפֶּחָה֙ לֹ֣א בִקַּ֔שְׁתִּי כִּֽי־כָֽבְדָ֥ה הָעֲבֹדָ֖ה עַל־הָעָ֥ם הַזֶּֽה׃

waʼàşěr֩ háyá֨h naʻàşê֜h lĕyò֣wm ʼeẖá֗d şò֣̌wr ʼeẖá֞d ẕò֠ʼn şé̌ş̌־bĕ̇rurò֤wţ wĕẕipȯriym֙ naֽʻàş̂ẇ־li֔y ẇbé֨yn ʻàşê֧reţ yámi֛ym bĕ̇kál־ya֖yin lĕharĕbé֑̇h wĕʻim־ze֗h le֤ẖem hapėẖáh֙ lò֣ʼ biqȧ֔şĕ̌ţi̇y kiֽ̇y־káֽbĕdá֥h háʻàbòdá֖h ʻal־háʻá֥m hazėֽh׃

19
זָכְרָה־לִּ֥י אֱלֹהַ֖י לְטֹובָ֑ה כֹּ֥ל אֲשֶׁר־עָשִׂ֖יתִי עַל־הָעָ֥ם הַזֶּֽה׃ פ

zákĕráh־li֥̇y ʼèlòha֖y lĕtòwbá֑h kò֥̇l ʼàşěr־ʻáşî֖yţiy ʻal־háʻá֥m hazėֽh׃ p