Bibles en langues anciennes
Traductions anciennes
Traductions modernes

Biblia Hebraica Stuttgartiensia Ecclésiaste 2

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
אָמַ֤רְתִּֽי אֲנִי֙ בְּלִבִּ֔י לְכָה־נָּ֛א אֲנַסְּכָ֛ה בְשִׂמְחָ֖ה וּרְאֵ֣ה בְטֹ֑וב וְהִנֵּ֥ה גַם־ה֖וּא הָֽבֶל׃

ʼáma֤rĕţiֽ̇y ʼàniy֙ bĕ̇libi̇֔y lĕkáh־ná֛̇ʼ ʼànasĕ̇ká֛h bĕşîmĕẖá֖h ẇrĕʼé֣h bĕtò֑wb wĕhiné֥̇h gam־h֖ẇʼ háֽbel׃

2
לִשְׂחֹ֖וק אָמַ֣רְתִּי מְהֹולָ֑ל וּלְשִׂמְחָ֖ה מַה־זֹּ֥ה עֹשָֽׂה׃

lişĕ̂ẖò֖wq ʼáma֣rĕţi̇y mĕhòwlá֑l ẇlĕşîmĕẖá֖h mah־zò֥̇h ʻòşáֽ̂h׃

3
תַּ֣רְתִּי בְלִבִּ֔י לִמְשֹׁ֥וךְ בַּיַּ֖יִן אֶת־בְּשָׂרִ֑י וְלִבִּ֞י נֹהֵ֤ג בַּֽחָכְמָה֙ וְלֶאֱחֹ֣ז בְּסִכְל֔וּת עַ֣ד אֲשֶׁר־אֶרְאֶ֗ה אֵי־זֶ֨ה טֹ֜וב לִבְנֵ֤י הָאָדָם֙ אֲשֶׁ֤ר יַעֲשׂוּ֙ תַּ֣חַת הַשָּׁמַ֔יִם מִסְפַּ֖ר יְמֵ֥י חַיֵּיהֶֽם׃

ţȧ֣rĕţi̇y bĕlibi̇֔y limĕşò֥̌wkĕ bȧyȧ֖yin ʼeţ־bĕ̇şá̂ri֑y wĕlibi̇֞y nòhé֤g bȧֽẖákĕmáh֙ wĕleʼèẖò֣z bĕ̇sikĕl֔ẇţ ʻa֣d ʼàşěr־ʼerĕʼe֗h ʼéy־ze֨h tò֜wb libĕné֤y háʼádám֙ ʼàşě֤r yaʻàş̂ẇ֙ ţȧ֣ẖaţ haşá̇̌ma֔yim misĕpȧ֖r yĕmé֥y ẖayé̇yheֽm׃

4
הִגְדַּ֖לְתִּי מַעֲשָׂ֑י בָּנִ֤יתִי לִי֙ בָּתִּ֔ים נָטַ֥עְתִּי לִ֖י כְּרָמִֽים׃

higĕdȧ֖lĕţi̇y maʻàşá֑̂y bá̇ni֤yţiy liy֙ bá̇ţi̇֔ym náta֥ʻĕţi̇y li֖y kĕ̇rámiֽym׃

5
עָשִׂ֣יתִי לִ֔י גַּנֹּ֖ות וּפַרְדֵּסִ֑ים וְנָטַ֥עְתִּי בָהֶ֖ם עֵ֥ץ כָּל־פֶּֽרִי׃

ʻáşî֣yţiy li֔y gȧnò֖̇wţ ẇparĕdé̇si֑ym wĕnáta֥ʻĕţi̇y báhe֖m ʻé֥ẕ ká̇l־pėֽriy׃

6
עָשִׂ֥יתִי לִ֖י בְּרֵכֹ֣ות מָ֑יִם לְהַשְׁקֹ֣ות מֵהֶ֔ם יַ֖עַר צֹומֵ֥חַ עֵצִֽים׃

ʻáşî֥yţiy li֖y bĕ̇rékò֣wţ má֑yim lĕhaşĕ̌qò֣wţ méhe֔m ya֖ʻar ẕòwmé֥ẖa ʻéẕiֽym׃

7
קָנִ֨יתִי֙ עֲבָדִ֣ים וּשְׁפָחֹ֔ות וּבְנֵי־בַ֖יִת הָ֣יָה לִ֑י גַּ֣ם מִקְנֶה֩ בָקָ֨ר וָצֹ֤אן הַרְבֵּה֙ הָ֣יָה לִ֔י מִכֹּ֛ל שֶֽׁהָי֥וּ לְפָנַ֖י בִּירוּשָׁלִָֽם׃

qáni֨yţiy֙ ʻàbádi֣ym ẇşĕ̌páẖò֔wţ ẇbĕnéy־ba֖yiţ há֣yáh li֑y gȧ֣m miqĕneh֩ báqá֨r wáẕò֤ʼn harĕbé̇h֙ há֣yáh li֔y mikò֛̇l şěֽháy֥ẇ lĕpána֖y bi̇yrẇşá̌láֽim׃

8
כָּנַ֤סְתִּי לִי֙ גַּם־כֶּ֣סֶף וְזָהָ֔ב וּסְגֻלַּ֥ת מְלָכִ֖ים וְהַמְּדִינֹ֑ות עָשִׂ֨יתִי לִ֜י שָׁרִ֣ים וְשָׁרֹ֗ות וְתַעֲנוּגֹ֛ת בְּנֵ֥י הָאָדָ֖ם שִׁדָּ֥ה וְשִׁדֹּֽות׃

ká̇na֤sĕţi̇y liy֙ gȧm־kė֣sep wĕzáhá֔b ẇsĕgulȧ֥ţ mĕláki֖ym wĕhamĕ̇diynò֑wţ ʻáşî֨yţiy li֜y şá̌ri֣ym wĕşá̌rò֗wţ wĕţaʻànẇgò֛ţ bĕ̇né֥y háʼádá֖m şǐdá֥̇h wĕşǐdòֽ̇wţ׃

9
וְגָדַ֣לְתִּי וְהֹוסַ֔פְתִּי מִכֹּ֛ל שֶׁהָיָ֥ה לְפָנַ֖י בִּירוּשָׁלִָ֑ם אַ֥ף חָכְמָתִ֖י עָ֥מְדָה לִּֽי׃

wĕgáda֣lĕţi̇y wĕhòwsa֔pĕţi̇y mikò֛̇l şěháyá֥h lĕpána֖y bi̇yrẇşá̌liá֑m ʼa֥p ẖákĕmáţi֖y ʻá֥mĕdáh liֽ̇y׃

10
וְכֹל֙ אֲשֶׁ֣ר שָֽׁאֲל֣וּ עֵינַ֔י לֹ֥א אָצַ֖לְתִּי מֵהֶ֑ם לֹֽא־מָנַ֨עְתִּי אֶת־לִבִּ֜י מִכָּל־שִׂמְחָ֗ה כִּֽי־לִבִּ֤י שָׂמֵ֨חַ֙ מִכָּל־עֲמָלִ֔י וְזֶֽה־הָיָ֥ה חֶלְקִ֖י מִכָּל־עֲמָלִֽי׃

wĕkòl֙ ʼàşě֣r şáֽ̌ʼàl֣ẇ ʻéyna֔y lò֥ʼ ʼáẕa֖lĕţi̇y méhe֑m lòֽʼ־mána֨ʻĕţi̇y ʼeţ־libi̇֜y miká̇l־şîmĕẖá֗h kiֽ̇y־libi֤̇y şá̂mé֨ẖa֙ miká̇l־ʻàmáli֔y wĕzeֽh־háyá֥h ẖelĕqi֖y miká̇l־ʻàmáliֽy׃

11
וּפָנִ֣יתִֽי אֲנִ֗י בְּכָל־מַעֲשַׂי֙ שֶֽׁעָשׂ֣וּ יָדַ֔י וּבֶֽעָמָ֖ל שֶׁעָמַ֣לְתִּי לַעֲשֹׂ֑ות וְהִנֵּ֨ה הַכֹּ֥ל הֶ֨בֶל֙ וּרְע֣וּת ר֔וּחַ וְאֵ֥ין יִתְרֹ֖ון תַּ֥חַת הַשָּֽׁמֶשׁ׃

ẇpáni֣yţiֽy ʼàni֗y bĕ̇kál־maʻàşây֙ şěֽʻáş֣̂ẇ yáda֔y ẇbeֽʻámá֖l şěʻáma֣lĕţi̇y laʻàşò֑̂wţ wĕhiné̇֨h hakò֥̇l he֨bel֙ ẇrĕʻ֣ẇţ r֔ẇẖa wĕʼé֥yn yiţĕrò֖wn ţȧ֥ẖaţ haşáֽ̇̌meş̌׃

12
וּפָנִ֤יתִֽי אֲנִי֙ לִרְאֹ֣ות חָכְמָ֔ה וְהֹולֵלֹ֖ות וְסִכְל֑וּת כִּ֣י׀ מֶ֣ה הָאָדָ֗ם שֶׁיָּבֹוא֙ אַחֲרֵ֣י הַמֶּ֔לֶךְ אֵ֥ת אֲשֶׁר־כְּבָ֖ר עָשֽׂוּהוּ׃

ẇpáni֤yţiֽy ʼàniy֙ lirĕʼò֣wţ ẖákĕmá֔h wĕhòwlélò֖wţ wĕsikĕl֑ẇţ ki֣̇y׀ me֣h háʼádá֗m şěyá̇bòwʼ֙ ʼaẖàré֣y hamė֔lekĕ ʼé֥ţ ʼàşěr־kĕ̇bá֖r ʻáşֽ̂ẇhẇ׃

13
וְרָאִ֣יתִי אָ֔נִי שֶׁיֵּ֥שׁ יִתְרֹ֛ון לַֽחָכְמָ֖ה מִן־הַסִּכְל֑וּת כִּֽיתְרֹ֥ון הָאֹ֖ור מִן־הַחֹֽשֶׁךְ׃

wĕráʼi֣yţiy ʼá֔niy şěyé֥̇ş̌ yiţĕrò֛wn laֽẖákĕmá֖h min־hasi̇kĕl֑ẇţ kiֽ̇yţĕrò֥wn háʼò֖wr min־haẖòֽşěkĕ׃

14
הֶֽחָכָם֙ עֵינָ֣יו בְּרֹאשֹׁ֔ו וְהַכְּסִ֖יל בַּחֹ֣שֶׁךְ הֹולֵ֑ךְ וְיָדַ֣עְתִּי גַם־אָ֔נִי שֶׁמִּקְרֶ֥ה אֶחָ֖ד יִקְרֶ֥ה אֶת־כֻּלָּֽם׃

heֽẖákám֙ ʻéyná֣yw bĕ̇ròʼşò̌֔w wĕhakĕ̇si֖yl bȧẖò֣şěkĕ hòwlé֑kĕ wĕyáda֣ʻĕţi̇y gam־ʼá֔niy şěmi̇qĕre֥h ʼeẖá֖d yiqĕre֥h ʼeţ־ku̇láֽ̇m׃

15
וְאָמַ֨רְתִּֽי אֲנִ֜י בְּלִבִּ֗י כְּמִקְרֵ֤ה הַכְּסִיל֙ גַּם־אֲנִ֣י יִקְרֵ֔נִי וְלָ֧מָּה חָכַ֛מְתִּי אֲנִ֖י אָ֣ז יֹותֵ֑ר וְדִבַּ֣רְתִּי בְלִבִּ֔י שֶׁגַּם־זֶ֖ה הָֽבֶל׃

wĕʼáma֨rĕţiֽ̇y ʼàni֜y bĕ̇libi̇֗y kĕ̇miqĕré֤h hakĕ̇siyl֙ gȧm־ʼàni֣y yiqĕré֔niy wĕlá֧má̇h ẖáka֛mĕţi̇y ʼàni֖y ʼá֣z yòwţé֑r wĕdibȧ֣rĕţi̇y bĕlibi̇֔y şěgȧm־ze֖h háֽbel׃

16
כִּי֩ אֵ֨ין זִכְרֹ֧ון לֶחָכָ֛ם עִֽם־הַכְּסִ֖יל לְעֹולָ֑ם בְּשֶׁכְּבָ֞ר הַיָּמִ֤ים הַבָּאִים֙ הַכֹּ֣ל נִשְׁכָּ֔ח וְאֵ֛יךְ יָמ֥וּת הֶחָכָ֖ם עִֽם־הַכְּסִֽיל׃

ki̇y֩ ʼé֨yn zikĕrò֧wn leẖáká֛m ʻiֽm־hakĕ̇si֖yl lĕʻòwlá֑m bĕ̇şěkĕ̇bá֞r hayá̇mi֤ym habá̇ʼiym֙ hakò֣̇l nişĕ̌ká̇֔ẖ wĕʼé֛ykĕ yám֥ẇţ heẖáká֖m ʻiֽm־hakĕ̇siֽyl׃

17
וְשָׂנֵ֨אתִי֙ אֶת־הַ֣חַיִּ֔ים כִּ֣י רַ֤ע עָלַי֙ הַֽמַּעֲשֶׂ֔ה שֶׁנַּעֲשָׂ֖ה תַּ֣חַת הַשָּׁ֑מֶשׁ כִּֽי־הַכֹּ֥ל הֶ֖בֶל וּרְע֥וּת רֽוּחַ׃

wĕşá̂né֨ʼţiy֙ ʼeţ־ha֣ẖayi̇֔ym ki֣̇y ra֤ʻ ʻálay֙ haֽmȧʻàşê֔h şěnȧʻàşá֖̂h ţȧ֣ẖaţ haşá֑̇̌meş̌ kiֽ̇y־hakò֥̇l he֖bel ẇrĕʻ֥ẇţ rֽẇẖa׃

18
וְשָׂנֵ֤אתִֽי אֲנִי֙ אֶת־כָּל־עֲמָלִ֔י שֶׁאֲנִ֥י עָמֵ֖ל תַּ֣חַת הַשָּׁ֑מֶשׁ שֶׁ֣אַנִּיחֶ֔נּוּ לָאָדָ֖ם שֶׁיִּהְיֶ֥ה אַחֲרָֽי׃

wĕşá̂né֤ʼţiֽy ʼàniy֙ ʼeţ־ká̇l־ʻàmáli֔y şěʼàni֥y ʻámé֖l ţȧ֣ẖaţ haşá֑̇̌meş̌ şě֣ʼani̇yẖe֔ṅẇ láʼádá֖m şěyi̇hĕye֥h ʼaẖàráֽy׃

19
וּמִ֣י יֹודֵ֗עַ הֶֽחָכָ֤ם יִהְיֶה֙ אֹ֣ו סָכָ֔ל וְיִשְׁלַט֙ בְּכָל־עֲמָלִ֔י שֶֽׁעָמַ֥לְתִּי וְשֶׁחָכַ֖מְתִּי תַּ֣חַת הַשָּׁ֑מֶשׁ גַּם־זֶ֖ה הָֽבֶל׃

ẇmi֣y yòwdé֗ʻa heֽẖáká֤m yihĕyeh֙ ʼò֣w sáká֔l wĕyişĕ̌lat֙ bĕ̇kál־ʻàmáli֔y şěֽʻáma֥lĕţi̇y wĕşěẖáka֖mĕţi̇y ţȧ֣ẖaţ haşá֑̇̌meş̌ gȧm־ze֖h háֽbel׃

20
וְסַבֹּ֥ותִֽי אֲנִ֖י לְיַאֵ֣שׁ אֶת־לִבִּ֑י עַ֚ל כָּל־הֶ֣עָמָ֔ל שֶׁעָמַ֖לְתִּי תַּ֥חַת הַשָּֽׁמֶשׁ׃

wĕsabò֥̇wţiֽy ʼàni֖y lĕyaʼé֣ş̌ ʼeţ־libi֑̇y ʻa֚l ká̇l־he֣ʻámá֔l şěʻáma֖lĕţi̇y ţȧ֥ẖaţ haşáֽ̇̌meş̌׃

21
כִּי־יֵ֣שׁ אָדָ֗ם שֶׁעֲמָלֹ֛ו בְּחָכְמָ֥ה וּבְדַ֖עַת וּבְכִשְׁרֹ֑ון וּלְאָדָ֞ם שֶׁלֹּ֤א עָֽמַל־בֹּו֙ יִתְּנֶ֣נּוּ חֶלְקֹ֔ו גַּם־זֶ֥ה הֶ֖בֶל וְרָעָ֥ה רַבָּֽה׃

ki̇y־yé֣ş̌ ʼádá֗m şěʻàmálò֛w bĕ̇ẖákĕmá֥h ẇbĕda֖ʻaţ ẇbĕkişĕ̌rò֑wn ẇlĕʼádá֞m şělò֤̇ʼ ʻáֽmal־bò̇w֙ yiţĕ̇ne֣ṅẇ ẖelĕqò֔w gȧm־ze֥h he֖bel wĕráʻá֥h rabáֽ̇h׃

22
כִּ֠י מֶֽה־הֹוֶ֤ה לָֽאָדָם֙ בְּכָל־עֲמָלֹ֔ו וּבְרַעְיֹ֖ון לִבֹּ֑ו שֶׁה֥וּא עָמֵ֖ל תַּ֥חַת הַשָּֽׁמֶשׁ׃

ki̇֠y meֽh־hòwe֤h láֽʼádám֙ bĕ̇kál־ʻàmálò֔w ẇbĕraʻĕyò֖wn libò֑̇w şěh֥ẇʼ ʻámé֖l ţȧ֥ẖaţ haşáֽ̇̌meş̌׃

23
כִּ֧י כָל־יָמָ֣יו מַכְאֹבִ֗ים וָכַ֨עַס֙ עִנְיָנֹ֔ו גַּם־בַּלַּ֖יְלָה לֹא־שָׁכַ֣ב לִבֹּ֑ו גַּם־זֶ֖ה הֶ֥בֶל הֽוּא׃

ki֧̇y kál־yámá֣yw makĕʼòbi֗ym wáka֨ʻas֙ ʻinĕyánò֔w gȧm־bȧlȧ֖yĕláh lòʼ־şá̌ka֣b libò֑̇w gȧm־ze֖h he֥bel hֽẇʼ׃

24
אֵֽין־טֹ֤וב בָּאָדָם֙ שֶׁיֹּאכַ֣ל וְשָׁתָ֔ה וְהֶרְאָ֧ה אֶת־נַפְשֹׁ֛ו טֹ֖וב בַּעֲמָלֹ֑ו גַּם־זֹה֙ רָאִ֣יתִי אָ֔נִי כִּ֛י מִיַּ֥ד הָאֱלֹהִ֖ים הִֽיא׃

ʼéֽyn־tò֤wb bá̇ʼádám֙ şěyò̇ʼka֣l wĕşá̌ţá֔h wĕherĕʼá֧h ʼeţ־napĕşò֛̌w tò֖wb bȧʻàmálò֑w gȧm־zòh֙ ráʼi֣yţiy ʼá֔niy ki֛̇y miyȧ֥d háʼèlòhi֖ym hiֽyʼ׃

25
כִּ֣י מִ֥י יֹאכַ֛ל וּמִ֥י יָח֖וּשׁ ח֥וּץ מִמֶּֽנִּי׃

ki֣̇y mi֥y yòʼka֛l ẇmi֥y yáẖ֖ẇş̌ ẖ֥ẇẕ mimėֽni̇y׃

26
כִּ֤י לְאָדָם֙ שֶׁטֹּ֣וב לְפָנָ֔יו נָתַ֛ן חָכְמָ֥ה וְדַ֖עַת וְשִׂמְחָ֑ה וְלַחֹוטֶא֩ נָתַ֨ן עִנְיָ֜ן לֶאֱסֹ֣וף וְלִכְנֹ֗וס לָתֵת֙ לְטֹוב֙ לִפְנֵ֣י הָֽאֱלֹהִ֔ים גַּם־זֶ֥ה הֶ֖בֶל וּרְע֥וּת רֽוּחַ׃

ki֤̇y lĕʼádám֙ şětò֣̇wb lĕpáná֔yw náţa֛n ẖákĕmá֥h wĕda֖ʻaţ wĕşîmĕẖá֑h wĕlaẖòwteʼ֩ náţa֨n ʻinĕyá֜n leʼèsò֣wp wĕlikĕnò֗ws láţéţ֙ lĕtòwb֙ lipĕné֣y háֽʼèlòhi֔ym gȧm־ze֥h he֖bel ẇrĕʻ֥ẇţ rֽẇẖa׃