Bibles en langues anciennes
Traductions anciennes
Traductions modernes

Biblia Hebraica Stuttgartensia Ruth 4

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וּבֹ֨עַז עָלָ֣ה הַשַּׁעַר֮ וַיֵּ֣שֶׁב שָׁם֒ וְהִנֵּ֨ה הַגֹּאֵ֤ל עֹבֵר֙ אֲשֶׁ֣ר דִּבֶּר־בֹּ֔עַז וַיֹּ֛אמֶר ס֥וּרָה שְׁבָה־פֹּ֖ה פְּלֹנִ֣י אַלְמֹנִ֑י וַיָּ֖סַר וַיֵּשֵֽׁב׃

ẇbò֨ʻaz ʻálá֣h haşȧ̌ʻar֮ wayé֣̇şěb şá̌m֒ wĕhiné̇֨h hagò̇ʼé֤l ʻòbér֙ ʼàşě֣r di̇bėr־bò̇֔ʻaz wayò֛̇ʼmer s֥ẇráh şĕ̌báh־pò֖̇h pĕ̇lòni֣y ʼalĕmòni֑y wayá֖̇sar wayé̇şéֽ̌b׃

2
וַיִּקַּ֞ח עֲשָׂרָ֧ה אֲנָשִׁ֛ים מִזִּקְנֵ֥י הָעִ֖יר וַיֹּ֣אמֶר שְׁבוּ־פֹ֑ה וַיֵּשֵֽׁבוּ׃

wayi̇qȧ֞ẖ ʻàşá̂rá֧h ʼànáşǐ֛ym mizi̇qĕné֥y háʻi֖yr wayò֣̇ʼmer şĕ̌bẇ־pò֑h wayé̇şéֽ̌bẇ׃

3
וַיֹּ֨אמֶר֙ לַגֹּאֵ֔ל חֶלְקַת֙ הַשָּׂדֶ֔ה אֲשֶׁ֥ר לְאָחִ֖ינוּ לֶאֱלִימֶ֑לֶךְ מָכְרָ֣ה נָעֳמִ֔י הַשָּׁ֖בָה מִשְּׂדֵ֥ה מֹואָֽב׃

wayò̇֨ʼmer֙ lagò̇ʼé֔l ẖelĕqaţ֙ haşá̇̂de֔h ʼàşě֥r lĕʼáẖi֖ynẇ leʼèliyme֑lekĕ mákĕrá֣h náʻomi֔y haşá֖̇̌báh mişĕ̇̂dé֥h mòwʼáֽb׃

4
וַאֲנִ֨י אָמַ֜רְתִּי אֶגְלֶ֧ה אָזְנְךָ֣ לֵאמֹ֗ר קְ֠נֵה נֶ֥גֶד הַֽיֹּשְׁבִים֮ וְנֶ֣גֶד זִקְנֵ֣י עַמִּי֒ אִם־תִּגְאַל֙ גְּאָ֔ל וְאִם־לֹ֨א יִגְאַ֜ל הַגִּ֣ידָה לִּ֗י וְאֵדַע כִּ֣י אֵ֤ין זוּלָֽתְךָ֙ לִגְאֹ֔ול וְאָנֹכִ֖י אַחֲרֶ֑יךָ וַיֹּ֖אמֶר אָנֹכִ֥י אֶגְאָֽל׃

waʼàni֨y ʼáma֜rĕţi̇y ʼegĕle֧h ʼázĕnĕká֣ léʼmò֗r qĕ֠néh ne֥ged haֽyò̇şĕ̌biym֮ wĕne֣ged ziqĕné֣y ʻami̇y֒ ʼim־ţi̇gĕʼal֙ gĕ̇ʼá֔l wĕʼim־lò֨ʼ yigĕʼa֜l hagi֣̇ydáh li̇֗y wĕʼédaʻ ki֣̇y ʼé֤yn zẇláֽţĕká֙ ligĕʼò֔wl wĕʼánòki֖y ʼaẖàre֑yká wayò֖̇ʼmer ʼánòki֥y ʼegĕʼáֽl׃

5
וַיֹּ֣אמֶר בֹּ֔עַז בְּיֹום־קְנֹותְךָ֥ הַשָּׂדֶ֖ה מִיַּ֣ד נָעֳמִ֑י וּ֠מֵאֵת ר֣וּת הַמֹּואֲבִיָּ֤ה אֵֽשֶׁת־הַמֵּת֙ קָנִיתִי לְהָקִ֥ים שֵׁם־הַמֵּ֖ת עַל־נַחֲלָתֹֽו׃

wayò֣̇ʼmer bò̇֔ʻaz bĕ̇yòwm־qĕnòwţĕká֥ haşá̇̂de֖h miyȧ֣d náʻomi֑y ẇ֠méʼéţ r֣ẇţ hamò̇wʼàbiyá֤̇h ʼéֽşěţ־hamé̇ţ֙ qániyţiy lĕháqi֥ym şé̌m־hamé֖̇ţ ʻal־naẖàláţòֽw׃

6
וַיֹּ֣אמֶר הַגֹּאֵ֗ל לֹ֤א אוּכַל֙ לִגְאֹול לִ֔י פֶּן־אַשְׁחִ֖ית אֶת־נַחֲלָתִ֑י גְּאַל־לְךָ֤ אַתָּה֙ אֶת־גְּאֻלָּתִ֔י כִּ֥י לֹא־אוּכַ֖ל לִגְאֹֽל׃

wayò֣̇ʼmer hagò̇ʼé֗l lò֤ʼ ʼẇkal֙ ligĕʼòwl li֔y pėn־ʼaşĕ̌ẖi֖yţ ʼeţ־naẖàláţi֑y gĕ̇ʼal־lĕká֤ ʼaţá̇h֙ ʼeţ־gĕ̇ʼulá̇ţi֔y ki֥̇y lòʼ־ʼẇka֖l ligĕʼòֽl׃

7
וְזֹאת֩ לְפָנִ֨ים בְּיִשְׂרָאֵ֜ל עַל־הַגְּאוּלָּ֤ה וְעַל־הַתְּמוּרָה֙ לְקַיֵּ֣ם כָּל־דָּבָ֔ר שָׁלַ֥ף אִ֛ישׁ נַעֲלֹ֖ו וְנָתַ֣ן לְרֵעֵ֑הוּ וְזֹ֥את הַתְּעוּדָ֖ה בְּיִשְׂרָאֵֽל׃

wĕzòʼţ֩ lĕpáni֨ym bĕ̇yişĕ̂ráʼé֜l ʻal־hagĕ̇ʼẇlá֤̇h wĕʻal־haţĕ̇mẇráh֙ lĕqayé֣̇m ká̇l־dá̇bá֔r şá̌la֥p ʼi֛yş̌ naʻàlò֖w wĕnáţa֣n lĕréʻé֑hẇ wĕzò֥ʼţ haţĕ̇ʻẇdá֖h bĕ̇yişĕ̂ráʼéֽl׃

8
וַיֹּ֧אמֶר הַגֹּאֵ֛ל לְבֹ֖עַז קְנֵה־לָ֑ךְ וַיִּשְׁלֹ֖ף נַעֲלֹֽו׃

wayò֧̇ʼmer hagò̇ʼé֛l lĕbò֖ʻaz qĕnéh־lá֑kĕ wayi̇şĕ̌lò֖p naʻàlòֽw׃

9
וַיֹּאמֶר֩ בֹּ֨עַז לַזְּקֵנִ֜ים וְכָל־הָעָ֗ם עֵדִ֤ים אַתֶּם֙ הַיֹּ֔ום כִּ֤י קָנִ֨יתִי֙ אֶת־כָּל־אֲשֶׁ֣ר לֶֽאֱלִימֶ֔לֶךְ וְאֵ֛ת כָּל־אֲשֶׁ֥ר לְכִלְיֹ֖ון וּמַחְלֹ֑ון מִיַּ֖ד נָעֳמִֽי׃

wayò̇ʼmer֩ bò̇֨ʻaz lazĕ̇qéni֜ym wĕkál־háʻá֗m ʻédi֤ym ʼaţėm֙ hayò̇֔wm ki֤̇y qáni֨yţiy֙ ʼeţ־ká̇l־ʼàşě֣r leֽʼèliyme֔lekĕ wĕʼé֛ţ ká̇l־ʼàşě֥r lĕkilĕyò֖wn ẇmaẖĕlò֑wn miyȧ֖d náʻomiֽy׃

10
וְגַ֣ם אֶת־ר֣וּת הַמֹּאֲבִיָּה֩ אֵ֨שֶׁת מַחְלֹ֜ון קָנִ֧יתִי לִ֣י לְאִשָּׁ֗ה לְהָקִ֤ים שֵׁם־הַמֵּת֙ עַל־נַ֣חֲלָתֹ֔ו וְלֹא־יִכָּרֵ֧ת שֵׁם־הַמֵּ֛ת מֵעִ֥ם אֶחָ֖יו וּמִשַּׁ֣עַר מְקֹומֹ֑ו עֵדִ֥ים אַתֶּ֖ם הַיֹּֽום׃

wĕga֣m ʼeţ־r֣ẇţ hamò̇ʼàbiyá̇h֩ ʼé֨şěţ maẖĕlò֜wn qáni֧yţiy li֣y lĕʼişá̇̌֗h lĕháqi֤ym şé̌m־hamé̇ţ֙ ʻal־na֣ẖàláţò֔w wĕlòʼ־yiká̇ré֧ţ şé̌m־hamé֛̇ţ méʻi֥m ʼeẖá֖yw ẇmişȧ֣̌ʻar mĕqòwmò֑w ʻédi֥ym ʼaţė֖m hayòֽ̇wm׃

11
וַיֹּ֨אמְר֜וּ כָּל־הָעָ֧ם אֲשֶׁר־בַּשַּׁ֛עַר וְהַזְּקֵנִ֖ים עֵדִ֑ים יִתֵּן֩ יְהוָ֨ה אֶֽת־הָאִשָּׁ֜ה הַבָּאָ֣ה אֶל־בֵּיתֶ֗ךָ כְּרָחֵ֤ל׀ וּכְלֵאָה֙ אֲשֶׁ֨ר בָּנ֤וּ שְׁתֵּיהֶם֙ אֶת־בֵּ֣ית יִשְׂרָאֵ֔ל וַעֲשֵׂה־חַ֣יִל בְּאֶפְרָ֔תָה וּקְרָא־שֵׁ֖ם בְּבֵ֥ית לָֽחֶם׃

wayò̇֨ʼmĕr֜ẇ ká̇l־háʻá֧m ʼàşěr־bȧşȧ֛̌ʻar wĕhazĕ̇qéni֖ym ʻédi֑ym yiţé̇n֩ yĕhwá֨h ʼeֽţ־háʼişá̇̌֜h habá̇ʼá֣h ʼel־bé̇yţe֗ká kĕ̇ráẖé֤l׀ ẇkĕléʼáh֙ ʼàşě֨r bá̇n֤ẇ şĕ̌ţé̇yhem֙ ʼeţ־bé֣̇yţ yişĕ̂ráʼé֔l waʻàşé̂h־ẖa֣yil bĕ̇ʼepĕrá֔ţáh ẇqĕráʼ־şé֖̌m bĕ̇bé֥yţ láֽẖem׃

12
וִיהִ֤י בֵֽיתְךָ֙ כְּבֵ֣ית פֶּ֔רֶץ אֲשֶׁר־יָלְדָ֥ה תָמָ֖ר לִֽיהוּדָ֑ה מִן־הַזֶּ֗רַע אֲשֶׁ֨ר יִתֵּ֤ן יְהוָה֙ לְךָ֔ מִן־הַֽנַּעֲרָ֖ה הַזֹּֽאת׃

wiyhi֤y béֽyţĕká֙ kĕ̇bé֣yţ pė֔reẕ ʼàşěr־yálĕdá֥h ţámá֖r liֽyhẇdá֑h min־hazė֗raʻ ʼàşě֨r yiţé֤̇n yĕhwáh֙ lĕká֔ min־haֽnȧʻàrá֖h hazòֽ̇ʼţ׃

13
וַיִּקַּ֨ח בֹּ֤עַז אֶת־רוּת֙ וַתְּהִי־לֹ֣ו לְאִשָּׁ֔ה וַיָּבֹ֖א אֵלֶ֑יהָ וַיִּתֵּ֨ן יְהוָ֥ה לָ֛הּ הֵרָיֹ֖ון וַתֵּ֥לֶד בֵּֽן׃

wayi̇qȧ֨ẖ bò֤̇ʻaz ʼeţ־rẇţ֙ waţĕ̇hiy־lò֣w lĕʼişá̇̌֔h wayá̇bò֖ʼ ʼéle֑yhá wayi̇ţé̇֨n yĕhwá֥h lá֛ḣ héráyò֖wn waţé֥̇led béֽ̇n׃

14
וַתֹּאמַ֤רְנָה הַנָּשִׁים֙ אֶֽל־נָעֳמִ֔י בָּר֣וּךְ יְהוָ֔ה אֲ֠שֶׁר לֹ֣א הִשְׁבִּ֥ית לָ֛ךְ גֹּאֵ֖ל הַיֹּ֑ום וְיִקָּרֵ֥א שְׁמֹ֖ו בְּיִשְׂרָאֵֽל׃

waţò̇ʼma֤rĕnáh haná̇şǐym֙ ʼeֽl־náʻomi֔y bá̇r֣ẇkĕ yĕhwá֔h ʼà֠şěr lò֣ʼ hişĕ̌bi֥̇yţ lá֛kĕ gò̇ʼé֖l hayò֑̇wm wĕyiqá̇ré֥ʼ şĕ̌mò֖w bĕ̇yişĕ̂ráʼéֽl׃

15
וְהָ֤יָה לָךְ֙ לְמֵשִׁ֣יב נֶ֔פֶשׁ וּלְכַלְכֵּ֖ל אֶת־שֵׂיבָתֵ֑ךְ כִּ֣י כַלָּתֵ֤ךְ אֲֽשֶׁר־אֲהֵבַ֨תֶךְ֙ יְלָדַ֔תּוּ אֲשֶׁר־הִיא֙ טֹ֣ובָה לָ֔ךְ מִשִּׁבְעָ֖ה בָּנִֽים׃

wĕhá֤yáh lákĕ֙ lĕméşǐ֣yb ne֔peş̌ ẇlĕkalĕké֖̇l ʼeţ־şé̂ybáţé֑kĕ ki֣̇y kalá̇ţé֤kĕ ʼàֽşěr־ʼàhéba֨ţekĕ֙ yĕláda֔ţ̇ẇ ʼàşěr־hiyʼ֙ tò֣wbáh lá֔kĕ mişi̇̌bĕʻá֖h bá̇niֽym׃

16
וַתִּקַּ֨ח נָעֳמִ֤י אֶת־הַיֶּ֨לֶד֙ וַתְּשִׁתֵ֣הוּ בְחֵיקָ֔הּ וַתְּהִי־לֹ֖ו לְאֹמֶֽנֶת׃

waţi̇qȧ֨ẖ náʻomi֤y ʼeţ־hayė֨led֙ waţĕ̇şǐţé֣hẇ bĕẖéyqá֔ḣ waţĕ̇hiy־lò֖w lĕʼòmeֽneţ׃

17
וַתִּקְרֶאנָה֩ לֹ֨ו הַשְּׁכֵנֹ֥ות שֵׁם֙ לֵאמֹ֔ר יֻלַּד־בֵּ֖ן לְנָעֳמִ֑י וַתִּקְרֶ֤אנָֽה שְׁמֹו֙ עֹובֵ֔ד ה֥וּא אֲבִי־יִשַׁ֖י אֲבִ֥י דָוִֽד׃ פ

waţi̇qĕreʼnáh֩ lò֨w haşĕ̇̌kénò֥wţ şé̌m֙ léʼmò֔r yulȧd־bé֖̇n lĕnáʻomi֑y waţi̇qĕre֤ʼnáֽh şĕ̌mòw֙ ʻòwbé֔d h֥ẇʼ ʼàbiy־yişǎ֖y ʼàbi֥y dáwiֽd׃ p

18
וְאֵ֨לֶּה֙ תֹּולְדֹ֣ות פָּ֔רֶץ פֶּ֖רֶץ הֹולִ֥יד אֶת־חֶצְרֹֽון׃

wĕʼé֨lėh֙ ţò̇wlĕdò֣wţ pá̇֔reẕ pė֖reẕ hòwli֥yd ʼeţ־ẖeẕĕròֽwn׃

19
וְחֶצְרֹון֙ הֹולִ֣יד אֶת־רָ֔ם וְרָ֖ם הֹולִ֥יד אֶת־עַמִּֽינָדָֽב׃

wĕẖeẕĕròwn֙ hòwli֣yd ʼeţ־rá֔m wĕrá֖m hòwli֥yd ʼeţ־ʻamiֽ̇ynádáֽb׃

20
וְעַמִּֽינָדָב֙ הֹולִ֣יד אֶת־נַחְשֹׁ֔ון וְנַחְשֹׁ֖ון הֹולִ֥יד אֶת־שַׂלְמָֽה׃

wĕʻamiֽ̇ynádáb֙ hòwli֣yd ʼeţ־naẖĕşò̌֔wn wĕnaẖĕşò֖̌wn hòwli֥yd ʼeţ־şâlĕmáֽh׃

21
וְשַׂלְמֹון֙ הֹולִ֣יד אֶת־בֹּ֔עַז וּבֹ֖עַז הֹולִ֥יד אֶת־עֹובֵֽד׃

wĕşâlĕmòwn֙ hòwli֣yd ʼeţ־bò̇֔ʻaz ẇbò֖ʻaz hòwli֥yd ʼeţ־ʻòwbéֽd׃

22
וְעֹבֵד֙ הֹולִ֣יד אֶת־יִשָׁ֔י וְיִשַׁ֖י הֹולִ֥יד אֶת־דָּוִֽד׃

wĕʻòbéd֙ hòwli֣yd ʼeţ־yişá̌֔y wĕyişǎ֖y hòwli֥yd ʼeţ־dá̇wiֽd׃