Bibles en langues anciennes
Traductions anciennes
Traductions modernes

Septante Lamentations 4

Pentateuque
Livres historiques
Écrits poétiques
Livres prophétiques
Chapitre
Versets
1
Πῶς ἀμαυρωθήσεται χρυσίον, ἀλλοιωθήσεται τὸ ἀργύριον τὸ ἀγαθόν; ἐξεχύθησαν λίθοι ἅγιοι ἐπ’ ἀρχῆς πασῶν ἐξόδων.

Pō̂s amaurōthḗsetai chrysíon, alloiōthḗsetai tò argýrion tò agathón? exechýthēsan líthoi hágioi ep’ archē̂s pasō̂n exódōn.

2
Υἱοὶ Σιων οἱ τίμιοι οἱ ἐπηρμένοι ἐν χρυσίῳ πῶς ἐλογίσθησαν εἰς ἀγγεῖα ὀστράκινα ἔργα χειρῶν κεραμέως;

Hyioì Siōn hoi tímioi hoi epērménoi en chrysíōi pō̂s elogísthēsan eis angeîa ostrákina érga cheirō̂n keraméōs?

3
Καί γε δράκοντες ἐξέδυσαν μαστούς, ἐθήλασαν σκύμνοι αὐτῶν· θυγατέρες λαοῦ μου εἰς ἀνίατον ὡς στρουθίον ἐν ἐρήμῳ.

Kaí ge drákontes exédysan mastoús, ethḗlasan skýmnoi autō̂n: thygatéres laoû mou eis aníaton hōs strouthíon en erḗmōi.

4
’Εκολλήθη ἡ γλῶσσα θηλάζοντος πρὸς τὸν ϕάρυγγα αὐτοῦ ἐν δίψει· νήπια ᾔτησαν ἄρτον, ὁ διακλῶν οὐκ ἔστιν αὐτοῖς.

’Ekollḗthē hē glō̂ssa thēlázontos pròs tòn phárynga autoû en dípsei: nḗpia ḗitēsan árton, ho diaklō̂n ouk éstin autoîs.

5
Οἱ ἔσθοντες τὰς τρυϕὰς ἠϕανίσθησαν ἐν ταῖς ἐξόδοις, οἱ τιθηνούμενοι ἐπὶ κόκκων περιεβάλοντο κοπρίας.

Hoi ésthontes tàs tryphàs ēphanísthēsan en taîs exódois, hoi tithēnoúmenoi epì kókkōn periebálonto koprías.

6
Καὶ ἐμεγαλύνθη ἀνομία θυγατρὸς λαοῦ μου ὑπὲρ ἀνομίας Σοδομων τῆς κατεστραμμένης ὥσπερ σπουδῇ, καὶ οὐκ ἐπόνεσαν ἐν αὐτῇ χεῖρας.

Kaì emegalýnthē anomía thygatròs laoû mou hypèr anomías Sodomōn tē̂s katestramménēs hṓsper spoudē̂i, kaì ouk epónesan en autē̂i cheîras.

7
’Εκαθαριώθησαν ναζιραῖοι αὐτῆς ὑπὲρ χιόνα, ἔλαμψαν ὑπὲρ γάλα, ἐπυρρώθησαν ὑπὲρ λίθους σαπϕείρου τὸ ἀπόσπασμα αὐτῶν.

’Ekathariṓthēsan naziraîoi autē̂s hypèr chióna, élampsan hypèr gála, epyrrṓthēsan hypèr líthous sappheírou tò apóspasma autō̂n.

8
’Εσκότασεν ὑπὲρ ἀσβόλην τὸ εἶδος αὐτῶν, οὐκ ἐπεγνώσθησαν ἐν ταῖς ἐξόδοις· ἐπάγη δέρμα αὐτῶν ἐπὶ τὰ ὀστέα αὐτῶν, ἐξηράνθησαν, ἐγενήθησαν ὥσπερ ξύλον.

’Eskótasen hypèr asbólēn tò eîdos autō̂n, ouk epegnṓsthēsan en taîs exódois: epágē dérma autō̂n epì tà ostéa autō̂n, exēránthēsan, egenḗthēsan hṓsper xýlon.

9
Καλοὶ ἦσαν οἱ τραυματίαι ῥομϕαίας ἢ οἱ τραυματίαι λιμοῦ· ἐπορεύθησαν ἐκκεκεντημένοι ἀπὸ γενημάτων ἀγρῶν.

Kaloì ē̂san hoi traumatíai rhomphaías ḕ hoi traumatíai limoû: eporeúthēsan ekkekentēménoi apò genēmátōn agrō̂n.

10
Χεῖρες γυναικῶν οἰκτιρμόνων ἥψησαν τὰ παιδία αὐτῶν, ἐγενήθησαν εἰς βρῶσιν αὐταῖς ἐν τῷ συντρίμματι τῆς θυγατρὸς λαοῦ μου.

Cheîres gynaikō̂n oiktirmónōn hḗpsēsan tà paidía autō̂n, egenḗthēsan eis brō̂sin autaîs en tō̂i syntrímmati tē̂s thygatròs laoû mou.

11
Συνετέλεσεν κύριος θυμὸν αὐτοῦ, ἐξέχεεν θυμὸν ὀργῆς αὐτοῦ καὶ ἀνῆψεν πῦρ ἐν Σιων, καὶ κατέϕαγεν τὰ θεμέλια αὐτῆς.

Synetélesen kýrios thymòn autoû, exécheen thymòn orgē̂s autoû kaì anē̂psen pŷr en Siōn, kaì katéphagen tà themélia autē̂s.

12
Οὐκ ἐπίστευσαν βασιλεῖς γῆς, πάντες οἱ κατοικοῦντες τὴν οἰκουμένην, ὅτι εἰσελεύσεται ἐχθρὸς καὶ ἐκθλίβων διὰ τῶν πυλῶν Ιερουσαλημ.

Ouk epísteusan basileîs gē̂s, pántes hoi katoikoûntes tḕn oikouménēn, hóti eiseleúsetai echthròs kaì ekthlíbōn dià tō̂n pylō̂n Ierousalēm.

13
’Εξ ἁμαρτιῶν προϕητῶν αὐτῆς, ἀδικιῶν ἱερέων αὐτῆς τῶν ἐκχεόντων αἷμα δίκαιον ἐν μέσῳ αὐτῆς.

’Ex hamartiō̂n prophētō̂n autē̂s, adikiō̂n hieréōn autē̂s tō̂n ekcheóntōn haîma díkaion en mésōi autē̂s.

14
’Εσαλεύθησαν ἐγρήγοροι αὐτῆς ἐν ταῖς ἐξόδοις, ἐμολύνθησαν ἐν αἵματι· ἐν τῷ μὴ δύνασθαι αὐτοὺς ἥψαντο ἐνδυμάτων αὐτῶν.

’Esaleúthēsan egrḗgoroi autē̂s en taîs exódois, emolýnthēsan en haímati: en tō̂i mḕ dýnasthai autoùs hḗpsanto endymátōn autō̂n.

15
’Απόστητε ἀκαθάρτων – καλέσατε αὐτούς – ἀπόστητε ἀπόστητε, μὴ ἅπτεσθε, ὅτι ἀνήϕθησαν καί γε ἐσαλεύθησαν· εἴπατε ἐν τοῖς ἔθνεσιν Οὐ μὴ προσθῶσιν τοῦ παροικεῖν.

’Apóstēte akathártōn – kalésate autoús – apóstēte apóstēte, mḕ háptesthe, hóti anḗphthēsan kaí ge esaleúthēsan: eípate en toîs éthnesin Ou mḕ prosthō̂sin toû paroikeîn.

16
Πρόσωπον κυρίου μερὶς αὐτῶν, οὐ προσθήσει ἐπιβλέψαι αὐτοῖς· πρόσωπον ἱερέων οὐκ ἔλαβον, πρεσβύτας οὐκ ἠλέησαν.

Prósōpon kyríou merìs autō̂n, ou prosthḗsei epiblépsai autoîs: prósōpon hieréōn ouk élabon, presbýtas ouk ēléēsan.

17
῎Ετι ὄντων ἡμῶν ἐξέλιπον οἱ ὀϕθαλμοὶ ἡμῶν εἰς τὴν βοήθειαν ἡμῶν μάταια· ἀποσκοπευόντων ἡμῶν ἀπεσκοπεύσαμεν εἰς ἔθνος οὐ σῷζον.

῎Eti óntōn hēmō̂n exélipon hoi ophthalmoì hēmō̂n eis tḕn boḗtheian hēmō̂n mátaia: aposkopeuóntōn hēmō̂n apeskopeúsamen eis éthnos ou sō̂izon.

18
’Εθηρεύσαμεν μικροὺς ἡμῶν τοῦ μὴ πορεύεσθαι ἐν ταῖς πλατείαις ἡμῶν· ἤγγικεν ὁ καιρὸς ἡμῶν, ἐπληρώθησαν αἱ ἡμέραι ἡμῶν, πάρεστιν ὁ καιρὸς ἡμῶν.

’Ethēreúsamen mikroùs hēmō̂n toû mḕ poreúesthai en taîs plateíais hēmō̂n: ḗngiken ho kairòs hēmō̂n, eplērṓthēsan hai hēmérai hēmō̂n, párestin ho kairòs hēmō̂n.

19
Κοῦϕοι ἐγένοντο οἱ διώκοντες ἡμᾶς ὑπὲρ ἀετοὺς οὐρανοῦ, ἐπὶ τῶν ὀρέων ἐξήϕθησαν, ἐν ἐρήμῳ ἐνήδρευσαν ἡμᾶς.

Koûphoi egénonto hoi diṓkontes hēmâs hypèr aetoùs ouranoû, epì tō̂n oréōn exḗphthēsan, en erḗmōi enḗdreusan hēmâs.

20
Πνεῦμα προσώπου ἡμῶν χριστὸς κυρίου συνελήμϕθη ἐν ταῖς διαϕθοραῖς αὐτῶν, οὗ εἴπαμεν ’Εν τῇ σκιᾷ αὐτοῦ ζησόμεθα ἐν τοῖς ἔθνεσιν.

Pneûma prosṓpou hēmō̂n christòs kyríou synelḗmphthē en taîs diaphthoraîs autō̂n, hoû eípamen ’En tē̂i skiā̂i autoû zēsómetha en toîs éthnesin.

21
Χαῖρε καὶ εὐϕραίνου, θύγατερ Ιδουμαίας ἡ κατοικοῦσα ἐπὶ γῆς· καί γε ἐπὶ σὲ διελεύσεται τὸ ποτήριον κυρίου, καὶ μεθυσθήσῃ καὶ ἀποχεεῖς.

Chaîre kaì euphraínou, thýgater Idoumaías hē katoikoûsa epì gē̂s: kaí ge epì sè dieleúsetai tò potḗrion kyríou, kaì methysthḗsēi kaì apocheeîs.

22
’Εξέλιπεν ἡ ἀνομία σου, θύγατερ Σιων· οὐ προσθήσει ἔτι ἀποικίσαι σε. ἐπεσκέψατο ἀνομίας σου, θύγατερ Εδωμ· ἀπεκάλυψεν ἐπὶ τὰ ἀσεβήματά σου.

’Exélipen hē anomía sou, thýgater Siōn: ou prosthḗsei éti apoikísai se. epesképsato anomías sou, thýgater Edōm: apekálypsen epì tà asebḗmatá sou.