Bibles en langues anciennes
Traductions anciennes
Traductions modernes

Septante 2 Chroniques 8

Pentateuque
Livres historiques
Écrits poétiques
Livres prophétiques
Chapitre
Versets
1
Καὶ ἐγένετο μετὰ εἴκοσι ἔτη, ἐν οἷς ᾠκοδόμησεν Σαλωμων τὸν οἶκον κυρίου καὶ τὸν οἶκον ἑαυτοῦ,

Kaì egéneto metà eíkosi étē, en hoîs ōikodómēsen Salōmōn tòn oîkon kyríou kaì tòn oîkon heautoû,

2
καὶ τὰς πόλεις, ἃς ἔδωκεν Χιραμ τῷ Σαλωμων, ᾠκοδόμησεν αὐτὰς Σαλωμων καὶ κατῴκισεν ἐκεῖ τοὺς υἱοὺς Ισραηλ.

kaì tàs póleis, hàs édōken Chiram tō̂i Salōmōn, ōikodómēsen autàs Salōmōn kaì katṓikisen ekeî toùs hyioùs Israēl.

3
καὶ ἦλθεν Σαλωμων εἰς Αιμαθ Σωβα καὶ κατίσχυσεν αὐτήν.

kaì ē̂lthen Salōmōn eis Aimath Sōba kaì katíschysen autḗn.

4
καὶ ᾠκοδόμησεν τὴν θεδμορ ἐν τῇ ἐρήμῳ καὶ πάσας τὰς πόλεις τὰς ὀχυράς, ἃς ᾠκοδόμησεν ἐν Ημαθ.

kaì ōikodómēsen tḕn thedmor en tē̂i erḗmōi kaì pásas tàs póleis tàs ochyrás, hàs ōikodómēsen en Ēmath.

5
καὶ ᾠκοδόμησεν τὴν Βαιθωρων τὴν ἄνω καὶ τὴν Βαιθωρων τὴν κάτω, πόλεις ὀχυράς, τείχη, πύλαι καὶ μοχλοί,

kaì ōikodómēsen tḕn Baithōrōn tḕn ánō kaì tḕn Baithōrōn tḕn kátō, póleis ochyrás, teíchē, pýlai kaì mochloí,

6
καὶ τὴν Βααλαθ καὶ πάσας τὰς πόλεις τὰς ὀχυράς, αἳ ἦσαν τῷ Σαλωμων, καὶ πάσας τὰς πόλεις τῶν ἁρμάτων καὶ τὰς πόλεις τῶν ἱππέων καὶ ὅσα ἐπεθύμησεν Σαλωμων κατὰ τὴν ἐπιθυμίαν τοῦ οἰκοδομῆσαι ἐν Ιερουσαλημ καὶ ἐν τῷ Λιβάνῳ καὶ ἐν πάσῃ τῇ βασιλείᾳ αὐτοῦ.

kaì tḕn Baalath kaì pásas tàs póleis tàs ochyrás, haì ē̂san tō̂i Salōmōn, kaì pásas tàs póleis tō̂n harmátōn kaì tàs póleis tō̂n hippéōn kaì hósa epethýmēsen Salōmōn katà tḕn epithymían toû oikodomē̂sai en Ierousalēm kaì en tō̂i Libánōi kaì en pásēi tē̂i basileíāi autoû.

7
πᾶς ὁ λαὸς ὁ καταλειϕθεὶς ἀπὸ τοῦ Χετταίου καὶ τοῦ Αμορραίου καὶ τοῦ Φερεζαίου καὶ τοῦ Ευαίου καὶ τοῦ Ιεβουσαίου, οἳ οὔκ εἰσιν ἐκ τοῦ Ισραηλ –

pâs ho laòs ho kataleiphtheìs apò toû Chettaíou kaì toû Amorraíou kaì toû Pherezaíou kaì toû Euaíou kaì toû Iebousaíou, hoì oúk eisin ek toû Israēl –

8
ἦσαν ἐκ τῶν υἱῶν αὐτῶν τῶν καταλειϕθέντων μετ’ αὐτοὺς ἐν τῇ γῇ, οὓς οὐκ ἐξωλέθρευσαν οἱ υἱοὶ Ισραηλ – , καὶ ἀνήγαγεν αὐτοὺς Σαλωμων εἰς ϕόρον ἕως τῆς ἡμέρας ταύτης.

ē̂san ek tō̂n hyiō̂n autō̂n tō̂n kataleiphthéntōn met’ autoùs en tē̂i gē̂i, hoùs ouk exōléthreusan hoi hyioì Israēl – , kaì anḗgagen autoùs Salōmōn eis phóron héōs tē̂s hēméras taútēs.

9
καὶ ἐκ τῶν υἱῶν Ισραηλ οὐκ ἔδωκεν Σαλωμων εἰς παῖδας τῇ βασιλείᾳ αὐτοῦ, ὅτι αὐτοὶ ἄνδρες πολεμισταὶ καὶ ἄρχοντες καὶ δυνατοὶ καὶ ἄρχοντες ἁρμάτων καὶ ἱππέων.

kaì ek tō̂n hyiō̂n Israēl ouk édōken Salōmōn eis paîdas tē̂i basileíāi autoû, hóti autoì ándres polemistaì kaì árchontes kaì dynatoì kaì árchontes harmátōn kaì hippéōn.

10
καὶ οὗτοι ἄρχοντες τῶν προστατῶν βασιλέως Σαλωμων· πεντήκοντα καὶ διακόσιοι ἐργοδιωκτοῦντες ἐν τῷ λαῷ.

kaì hoûtoi árchontes tō̂n prostatō̂n basiléōs Salōmōn: pentḗkonta kaì diakósioi ergodiōktoûntes en tō̂i laō̂i.

11
Καὶ τὴν θυγατέρα Φαραω Σαλωμων ἀνήγαγεν ἐκ πόλεως Δαυιδ εἰς τὸν οἶκον, ὃν ᾠκοδόμησεν αὐτῇ, ὅτι εἶπεν Οὐ κατοικήσει ἡ γυνή μου ἐν πόλει Δαυιδ τοῦ βασιλέως Ισραηλ, ὅτι ἅγιός ἐστιν οὗ εἰσῆλθεν ἐκεῖ κιβωτὸς κυρίου.

Kaì tḕn thygatéra Pharaō Salōmōn anḗgagen ek póleōs Dauid eis tòn oîkon, hòn ōikodómēsen autē̂i, hóti eîpen Ou katoikḗsei hē gynḗ mou en pólei Dauid toû basiléōs Israēl, hóti hágiós estin hoû eisē̂lthen ekeî kibōtòs kyríou.

12
Τότε ἀνήνεγκεν Σαλωμων ὁλοκαυτώματα τῷ κυρίῳ ἐπὶ τὸ θυσιαστήριον, ὃ ᾠκοδόμησεν ἀπέναντι τοῦ ναοῦ,

Tóte anḗnenken Salōmōn holokautṓmata tō̂i kyríōi epì tò thysiastḗrion, hò ōikodómēsen apénanti toû naoû,

13
καὶ κατὰ τὸν λόγον ἡμέρας ἐν ἡμέρᾳ τοῦ ἀναϕέρειν κατὰ τὰς ἐντολὰς Μωυσῆ ἐν τοῖς σαββάτοις καὶ ἐν τοῖς μησὶν καὶ ἐν ταῖς ἑορταῖς τρεῖς καιροὺς τοῦ ἐνιαυτοῦ, ἐν τῇ ἑορτῇ τῶν ἀζύμων καὶ ἐν τῇ ἑορτῇ τῶν ἑβδομάδων καὶ ἐν τῇ ἑορτῇ τῶν σκηνῶν.

kaì katà tòn lógon hēméras en hēmérāi toû anaphérein katà tàs entolàs Mōysē̂ en toîs sabbátois kaì en toîs mēsìn kaì en taîs heortaîs treîs kairoùs toû eniautoû, en tē̂i heortē̂i tō̂n azýmōn kaì en tē̂i heortē̂i tō̂n hebdomádōn kaì en tē̂i heortē̂i tō̂n skēnō̂n.

14
καὶ ἔστησεν κατὰ τὴν κρίσιν Δαυιδ τὰς διαιρέσεις τῶν ἱερέων κατὰ τὰς λειτουργίας αὐτῶν, καὶ οἱ Λευῖται ἐπὶ τὰς ϕυλακὰς αὐτῶν τοῦ αἰνεῖν καὶ λειτουργεῖν κατέναντι τῶν ἱερέων κατὰ τὸν λόγον ἡμέρας ἐν τῇ ἡμέρᾳ, καὶ οἱ πυλωροὶ κατὰ τὰς διαιρέσεις αὐτῶν εἰς πύλην καὶ πύλην, ὅτι οὕτως ἐντολαὶ Δαυιδ ἀνθρώπου τοῦ θεοῦ·

kaì éstēsen katà tḕn krísin Dauid tàs diairéseis tō̂n hieréōn katà tàs leitourgías autō̂n, kaì hoi Leuîtai epì tàs phylakàs autō̂n toû aineîn kaì leitourgeîn katénanti tō̂n hieréōn katà tòn lógon hēméras en tē̂i hēmérāi, kaì hoi pylōroì katà tàs diairéseis autō̂n eis pýlēn kaì pýlēn, hóti hoútōs entolaì Dauid anthrṓpou toû theoû:

15
οὐ παρῆλθον τὰς ἐντολὰς τοῦ βασιλέως περὶ τῶν ἱερέων καὶ τῶν Λευιτῶν εἰς πάντα λόγον καὶ εἰς τοὺς θησαυρούς.

ou parē̂lthon tàs entolàs toû basiléōs perì tō̂n hieréōn kaì tō̂n Leuitō̂n eis pánta lógon kaì eis toùs thēsauroús.

16
καὶ ἡτοιμάσθη πᾶσα ἡ ἐργασία ἀϕ’ ἧς ἡμέρας ἐθεμελιώθη ἕως οὗ ἐτελείωσεν Σαλωμων τὸν οἶκον κυρίου.

kaì hētoimásthē pâsa hē ergasía aph’ hē̂s hēméras ethemeliṓthē héōs hoû eteleíōsen Salōmōn tòn oîkon kyríou.

17
Τότε ᾤχετο Σαλωμων εἰς Γασιωνγαβερ καὶ εἰς τὴν Αιλαθ τὴν παραθαλασσίαν ἐν γῇ Ιδουμαίᾳ.

Tóte ṓicheto Salōmōn eis Gasiōn'gaber kaì eis tḕn Ailath tḕn parathalassían en gē̂i Idoumaíāi.

18
καὶ ἀπέστειλεν Χιραμ ἐν χειρὶ παίδων αὐτοῦ πλοῖα καὶ παῖδας εἰδότας θάλασσαν, καὶ ᾤχοντο μετὰ τῶν παίδων Σαλωμων εἰς Σωϕιρα καὶ ἔλαβον ἐκεῖθεν τετρακόσια καὶ πεντήκοντα τάλαντα χρυσίου καὶ ἦλθον πρὸς τὸν βασιλέα Σαλωμων.

kaì apésteilen Chiram en cheirì paídōn autoû ploîa kaì paîdas eidótas thálassan, kaì ṓichonto metà tō̂n paídōn Salōmōn eis Sōphira kaì élabon ekeîthen tetrakósia kaì pentḗkonta tálanta chrysíou kaì ē̂lthon pròs tòn basiléa Salōmōn.