Bibles en langues anciennes
Traductions anciennes
Traductions modernes

Septante 3 Maccabées 4, 14

Pentateuque
Livres historiques
Écrits poétiques
Livres prophétiques
Chapitre
Versets
1
Πάντῃ δέ, ὅπου προσέπιπτεν τοῦτο τὸ πρόσταγμα, δημοτελὴς συνίστατο τοῖς ἔθνεσιν εὐωχία μετὰ ἀλαλαγμῶν καὶ χαρᾶς ὡς ἂν τῆς προκατεσκιρωμένης αὐτοῖς πάλαι κατὰ διάνοιαν μετὰ παρρησίας νῦν ἐκϕαινομένης ἀπεχθείας.

Pántēi dé, hópou prosépipten toûto tò próstagma, dēmotelḕs synístato toîs éthnesin euōchía metà alalagmō̂n kaì charâs hōs àn tē̂s prokateskirōménēs autoîs pálai katà diánoian metà parrēsías nŷn ekphainoménēs apechtheías.

2
τοῖς δὲ Ιουδαίοις ἄληκτον πένθος ἦν καὶ πανόδυρτος μετὰ δακρύων βοὴ στεναγμοῖς πεπυρωμένης πάντοθεν αὐτῶν τῆς καρδίας ὀλοϕυρομένων τὴν ἀπροσδόκητον ἐξαίϕνης αὐτοῖς ἐπικριθεῖσαν ὀλεθρίαν.

toîs dè Ioudaíois álēkton pénthos ē̂n kaì panódyrtos metà dakrýōn boḕ stenagmoîs pepyrōménēs pántothen autō̂n tē̂s kardías olophyroménōn tḕn aprosdókēton exaíphnēs autoîs epikritheîsan olethrían.

3
τίς νομὸς ἢ πόλις ἢ τίς τὸ σύνολον οἰκητὸς τόπος ἢ τίνες ἀγυιαὶ κοπετοῦ καὶ γόων ἐπ’ αὐτοῖς οὐκ ἐνεπιπλῶντο;

tís nomòs ḕ pólis ḕ tís tò sýnolon oikētòs tópos ḕ tínes agyiaì kopetoû kaì góōn ep’ autoîs ouk enepiplō̂nto?

4
οὕτως γὰρ μετὰ πικρίας ἀνοίκτου ψυχῆς ὑπὸ τῶν κατὰ πόλιν στρατηγῶν ὁμοθυμαδὸν ἐξαπεστέλλοντο ὥστε ἐπὶ ταῖς ἐξάλλοις τιμωρίαις καί τινας τῶν ἐχθρῶν λαμβάνοντας πρὸ τῶν ὀϕθαλμῶν τὸν κοινὸν ἔλεον καὶ λογιζομένους τὴν ἄδηλον τοῦ βίου καταστροϕὴν δακρύειν αὐτῶν τὴν δυσάθλιον ἐξαποστολήν.

hoútōs gàr metà pikrías anoíktou psychē̂s hypò tō̂n katà pólin stratēgō̂n homothymadòn exapestéllonto hṓste epì taîs exállois timōríais kaí tinas tō̂n echthrō̂n lambánontas prò tō̂n ophthalmō̂n tòn koinòn éleon kaì logizoménous tḕn ádēlon toû bíou katastrophḕn dakrýein autō̂n tḕn dysáthlion exapostolḗn.

5
ἤγετο γὰρ γεραιῶν πλῆθος πολιᾷ πεπυκασμένων, τὴν ἐκ τοῦ γήρως νωθρότητα ποδῶν ἐπίκυϕον ἀνατροπῆς ὁρμῇ βιαίας ἁπάσης αἰδοῦς ἄνευ πρὸς ὀξεῖαν καταχρωμένων πορείαν.

ḗgeto gàr geraiō̂n plē̂thos poliā̂i pepykasménōn, tḕn ek toû gḗrōs nōthrótēta podō̂n epíkyphon anatropē̂s hormē̂i biaías hapásēs aidoûs áneu pròs oxeîan katachrōménōn poreían.

6
αἱ δὲ ἄρτι πρὸς βίου κοινωνίαν γαμικὸν ὑπεληλυθυῖαι παστὸν νεάνιδες ἀντὶ τέρψεως μεταλαβοῦσαι γόους καὶ κόνει τὴν μυροβρεχῆ πεϕυρμέναι κόμην, ἀκαλύπτως δὲ ἀγόμεναι θρῆνον ἀνθ’ ὑμεναίων ὁμοθυμαδὸν ἐξῆρχον ὡς ἐσπαραγμέναι σκυλμοῖς ἀλλοεθνέσιν·

hai dè árti pròs bíou koinōnían gamikòn hypelēlythyîai pastòn neánides antì térpseōs metalaboûsai góous kaì kónei tḕn myrobrechē̂ pephyrménai kómēn, akalýptōs dè agómenai thrē̂non anth’ hymenaíōn homothymadòn exē̂rchon hōs esparagménai skylmoîs alloethnésin:

7
δέσμιαι δὲ δημοσίᾳ μέχρι τῆς εἰς τὸ πλοῖον ἐμβολῆς εἵλκοντο μετὰ βίας.

désmiai dè dēmosíāi méchri tē̂s eis tò ploîon embolē̂s heílkonto metà bías.

8
οἵ τε τούτων συνζυγεῖς βρόχοις ἀντὶ στεϕέων τοὺς αὐχένας περιπεπλεγμένοι μετὰ ἀκμαίας νεανικῆς ἡλικίας ἀντὶ εὐωχίας καὶ νεωτερικῆς ῥᾳθυμίας τὰς ἐπιλοίπους τῶν γάμων ἡμέρας ἐν θρήνοις διῆγον παρὰ πόδας ἤδη τὸν ᾅδην ὁρῶντες κείμενον.

hoí te toútōn synzygeîs bróchois antì stephéōn toùs auchénas peripeplegménoi metà akmaías neanikē̂s hēlikías antì euōchías kaì neōterikē̂s rhāithymías tàs epiloípous tō̂n gámōn hēméras en thrḗnois diē̂gon parà pódas ḗdē tòn hā́idēn horō̂ntes keímenon.

9
κατήχθησαν δὲ θηρίων τρόπον ἀγόμενοι σιδηροδέσμοις ἀνάγκαις, οἱ μὲν τοῖς ζυγοῖς τῶν πλοίων προσηλωμένοι τοὺς τραχήλους, οἱ δὲ τοὺς πόδας ἀρρήκτοις κατησϕαλισμένοι πέδαις,

katḗchthēsan dè thēríōn trópon agómenoi sidērodésmois anánkais, hoi mèn toîs zygoîs tō̂n ploíōn prosēlōménoi toùs trachḗlous, hoi dè toùs pódas arrḗktois katēsphalisménoi pédais,

10
ἔτι καὶ τῷ καθύπερθε πυκνῷ σανιδώματι διακειμένῳ, ὅπως πάντοθεν ἐσκοτισμένοι τοὺς ὀϕθαλμοὺς ἀγωγὴν ἐπιβούλων ἐν παντὶ τῷ κατάπλῳ λαμβάνωσιν.

éti kaì tō̂i kathýperthe pyknō̂i sanidṓmati diakeiménōi, hópōs pántothen eskotisménoi toùs ophthalmoùs agōgḕn epiboúlōn en pantì tō̂i katáplōi lambánōsin.

11
Τούτων δὲ ἐπὶ τὴν λεγομένην Σχεδίαν ἀχθέντων καὶ τοῦ παράπλου περανθέντος, καθὼς ἦν δεδογματισμένον τῷ βασιλεῖ, προσέταξεν αὐτοὺς ἐν τῷ πρὸ τῆς πόλεως ἱπποδρόμῳ παρεμβαλεῖν ἀπλάτῳ καθεστῶτι περιμέτρῳ καὶ πρὸς παραδειγματισμὸν ἄγαν εὐκαιροτάτῳ καθεστῶτι πᾶσι τοῖς καταπορευομένοις εἰς τὴν πόλιν καὶ τοῖς ἐκ τούτων εἰς τὴν χώραν στελλομένοις πρὸς ἐκδημίαν πρὸς τὸ μηδὲ ταῖς δυνάμεσιν αὐτοῦ κοινωνεῖν μηδὲ τὸ σύνολον καταξιῶσαι περιβόλων.

Toútōn dè epì tḕn legoménēn Schedían achthéntōn kaì toû paráplou peranthéntos, kathṑs ē̂n dedogmatisménon tō̂i basileî, prosétaxen autoùs en tō̂i prò tē̂s póleōs hippodrómōi parembaleîn aplátōi kathestō̂ti perimétrōi kaì pròs paradeigmatismòn ágan eukairotátōi kathestō̂ti pâsi toîs kataporeuoménois eis tḕn pólin kaì toîs ek toútōn eis tḕn chṓran stelloménois pròs ekdēmían pròs tò mēdè taîs dynámesin autoû koinōneîn mēdè tò sýnolon kataxiō̂sai peribólōn.

12
ὡς δὲ τοῦτο ἐγενήθη, ἀκούσας τοὺς ἐκ τῆς πόλεως ὁμοεθνεῖς κρυβῇ ἐκπορευομένους πυκνότερον ἀποδύρεσθαι τὴν ἀκλεῆ τῶν ἀδελϕῶν ταλαιπωρίαν

hōs dè toûto egenḗthē, akoúsas toùs ek tē̂s póleōs homoethneîs krybē̂i ekporeuoménous pyknóteron apodýresthai tḕn akleē̂ tō̂n adelphō̂n talaipōrían

13
διοργισθεὶς προσέταξεν καὶ τούτοις ὁμοῦ τὸν αὐτὸν τρόπον ἐπιμελῶς ὡς ἐκείνοις ποιῆσαι μὴ λειπομένοις κατὰ μηδένα τρόπον τῆς ἐκείνων τιμωρίας,

diorgistheìs prosétaxen kaì toútois homoû tòn autòn trópon epimelō̂s hōs ekeínois poiē̂sai mḕ leipoménois katà mēdéna trópon tē̂s ekeínōn timōrías,

14
ἀπογραϕῆναι δὲ πᾶν τὸ ϕῦλον ἐξ ὀνόματος, οὐκ εἰς τὴν ἔμπροσθεν βραχεῖ προδεδηλωμένην τῶν ἔργων κατάπονον λατρείαν, στρεβλωθέντας δὲ ταῖς παρηγγελμέναις αἰκίαις τὸ τέλος ἀϕανίσαι μιᾶς ὑπὸ καιρὸν ἡμέρας.

apographē̂nai dè pân tò phŷlon ex onómatos, ouk eis tḕn émprosthen bracheî prodedēlōménēn tō̂n érgōn katáponon latreían, streblōthéntas dè taîs parēngelménais aikíais tò télos aphanísai miâs hypò kairòn hēméras.

15
ἐγίνετο μὲν οὖν ἡ τούτων ἀπογραϕὴ μετὰ πικρᾶς σπουδῆς καὶ ϕιλοτίμου προσεδρείας ἀπὸ ἀνατολῶν ἡλίου μέχρι δυσμῶν ἀνήνυτον λαμβάνουσα τὸ τέλος ἐπὶ ἡμέρας τεσσαράκοντα.

egíneto mèn oûn hē toútōn apographḕ metà pikrâs spoudē̂s kaì philotímou prosedreías apò anatolō̂n hēlíou méchri dysmō̂n anḗnyton lambánousa tò télos epì hēméras tessarákonta.

16
Μεγάλως δὲ καὶ διηνεκῶς ὁ βασιλεὺς χαρᾷ πεπληρωμένος συμπόσια ἐπὶ πάντων τῶν εἰδώλων συνιστάμενος πεπλανημένῃ πόρρω τῆς ἀληθείας ϕρενὶ καὶ βεβήλῳ στόματι τὰ μὲν κωϕὰ καὶ μὴ δυνάμενα αὐτοῖς λαλεῖν ἢ ἀρήγειν ἐπαινῶν, εἰς δὲ τὸν μέγιστον θεὸν τὰ μὴ καθήκοντα λαλῶν.

Megálōs dè kaì diēnekō̂s ho basileùs charā̂i peplērōménos sympósia epì pántōn tō̂n eidṓlōn synistámenos peplanēménēi pórrō tē̂s alētheías phrenì kaì bebḗlōi stómati tà mèn kōphà kaì mḕ dynámena autoîs laleîn ḕ arḗgein epainō̂n, eis dè tòn mégiston theòn tà mḕ kathḗkonta lalō̂n.

17
μετὰ δὲ τὸ προειρημένον τοῦ χρόνου διάστημα προσηνέγκαντο οἱ γραμματεῖς τῷ βασιλεῖ μηκέτι ἰσχύειν τὴν τῶν Ιουδαίων ἀπογραϕὴν ποιεῖσθαι διὰ τὴν ἀμέτρητον αὐτῶν πληθὺν

metà dè tò proeirēménon toû chrónou diástēma prosēnénkanto hoi grammateîs tō̂i basileî mēkéti ischýein tḕn tō̂n Ioudaíōn apographḕn poieîsthai dià tḕn amétrēton autō̂n plēthỳn

18
καίπερ ὄντων ἔτι κατὰ τὴν χώραν τῶν πλειόνων, τῶν μὲν κατὰ τὰς οἰκίας ἔτι συνεστηκότων, τῶν δὲ καὶ κατὰ τόπον, ὡς ἀδυνάτου καθεστῶτος πᾶσιν τοῖς ἐπ’ Αἴγυπτον στρατηγοῖς.

kaíper óntōn éti katà tḕn chṓran tō̂n pleiónōn, tō̂n mèn katà tàs oikías éti synestēkótōn, tō̂n dè kaì katà tópon, hōs adynátou kathestō̂tos pâsin toîs ep’ Aígypton stratēgoîs.

19
ἀπειλήσαντος δὲ αὐτοῖς σκληρότερον ὡς δεδωροκοπημένοις εἰς μηχανὴν τῆς ἐκϕυγῆς συνέβη σαϕῶς αὐτὸν περὶ τούτου πιστωθῆναι

apeilḗsantos dè autoîs sklēróteron hōs dedōrokopēménois eis mēchanḕn tē̂s ekphygē̂s synébē saphō̂s autòn perì toútou pistōthē̂nai

20
λεγόντων μετὰ ἀποδείξεως καὶ τὴν χαρτηρίαν ἤδη καὶ τοὺς γραϕικοὺς καλάμους, ἐν οἷς ἐχρῶντο, ἐκλελοιπέναι.

legóntōn metà apodeíxeōs kaì tḕn chartērían ḗdē kaì toùs graphikoùs kalámous, en hoîs echrō̂nto, ekleloipénai.

21
τοῦτο δὲ ἦν ἐνέργεια τῆς τοῦ βοηθοῦντος τοῖς Ιουδαίοις ἐξ οὐρανοῦ προνοίας ἀνικήτου.

toûto dè ē̂n enérgeia tē̂s toû boēthoûntos toîs Ioudaíois ex ouranoû pronoías anikḗtou.