Bibles en langues anciennes
Traductions anciennes
Traductions modernes

Septante Ézéchiel 1, 9

Pentateuque
Livres historiques
Écrits poétiques
Livres prophétiques
Chapitre
Versets
1
Καὶ ἐγένετο ἐν τῷ τριακοστῷ ἔτει ἐν τῷ τετάρτῳ μηνὶ πέμπτῃ τοῦ μηνὸς καὶ ἐγὼ ἤμην ἐν μέσῳ τῆς αἰχμαλωσίας ἐπὶ τοῦ ποταμοῦ τοῦ Χοβαρ, καὶ ἠνοίχθησαν οἱ οὐρανοί, καὶ εἶδον ὁράσεις θεοῦ·

Kaì egéneto en tō̂i triakostō̂i étei en tō̂i tetártōi mēnì pémptēi toû mēnòs kaì egṑ ḗmēn en mésōi tē̂s aichmalōsías epì toû potamoû toû Chobar, kaì ēnoíchthēsan hoi ouranoí, kaì eîdon horáseis theoû:

2
πέμπτῃ τοῦ μηνός (τοῦτο τὸ ἔτος τὸ πέμπτον τῆς αἰχμαλωσίας τοῦ βασιλέως Ιωακιμ)

pémptēi toû mēnós (toûto tò étos tò pémpton tē̂s aichmalōsías toû basiléōs Iōakim)

3
καὶ ἐγένετο λόγος κυρίου πρὸς Ιεζεκιηλ υἱὸν Βουζι τὸν ἱερέα ἐν γῇ Χαλδαίων ἐπὶ τοῦ ποταμοῦ τοῦ Χοβαρ· καὶ ἐγένετο ἐπ’ ἐμὲ χεὶρ κυρίου,

kaì egéneto lógos kyríou pròs Iezekiēl hyiòn Bouzi tòn hieréa en gē̂i Chaldaíōn epì toû potamoû toû Chobar: kaì egéneto ep’ emè cheìr kyríou,

4
καὶ εἶδον καὶ ἰδοὺ πνεῦμα ἐξαῖρον ἤρχετο ἀπὸ βορρᾶ, καὶ νεϕέλη μεγάλη ἐν αὐτῷ, καὶ ϕέγγος κύκλῳ αὐτοῦ καὶ πῦρ ἐξαστράπτον, καὶ ἐν τῷ μέσῳ αὐτοῦ ὡς ὅρασις ἠλέκτρου ἐν μέσῳ τοῦ πυρὸς καὶ ϕέγγος ἐν αὐτῷ.

kaì eîdon kaì idoù pneûma exaîron ḗrcheto apò borrâ, kaì nephélē megálē en autō̂i, kaì phéngos kýklōi autoû kaì pŷr exastrápton, kaì en tō̂i mésōi autoû hōs hórasis ēléktrou en mésōi toû pyròs kaì phéngos en autō̂i.

5
καὶ ἐν τῷ μέσῳ ὡς ὁμοίωμα τεσσάρων ζῴων· καὶ αὕτη ἡ ὅρασις αὐτῶν· ὁμοίωμα ἀνθρώπου ἐπ’ αὐτοῖς,

kaì en tō̂i mésōi hōs homoíōma tessárōn zṓiōn: kaì haútē hē hórasis autō̂n: homoíōma anthrṓpou ep’ autoîs,

6
καὶ τέσσαρα πρόσωπα τῷ ἑνί, καὶ τέσσαρες πτέρυγες τῷ ἑνί.

kaì téssara prósōpa tō̂i hení, kaì téssares ptéryges tō̂i hení.

7
καὶ τὰ σκέλη αὐτῶν ὀρθά, καὶ πτερωτοὶ οἱ πόδες αὐτῶν, καὶ σπινθῆρες ὡς ἐξαστράπτων χαλκός, καὶ ἐλαϕραὶ αἱ πτέρυγες αὐτῶν.

kaì tà skélē autō̂n orthá, kaì pterōtoì hoi pódes autō̂n, kaì spinthē̂res hōs exastráptōn chalkós, kaì elaphraì hai ptéryges autō̂n.

8
καὶ χεὶρ ἀνθρώπου ὑποκάτωθεν τῶν πτερύγων αὐτῶν ἐπὶ τὰ τέσσαρα μέρη αὐτῶν· καὶ τὰ πρόσωπα αὐτῶν τῶν τεσσάρων

kaì cheìr anthrṓpou hypokátōthen tō̂n pterýgōn autō̂n epì tà téssara mérē autō̂n: kaì tà prósōpa autō̂n tō̂n tessárōn

9
οὐκ ἐπεστρέϕοντο ἐν τῷ βαδίζειν αὐτά, ἕκαστον κατέναντι τοῦ προσώπου αὐτῶν ἐπορεύοντο.

ouk epestréphonto en tō̂i badízein autá, hékaston katénanti toû prosṓpou autō̂n eporeúonto.

10
καὶ ὁμοίωσις τῶν προσώπων αὐτῶν· πρόσωπον ἀνθρώπου καὶ πρόσωπον λέοντος ἐκ δεξιῶν τοῖς τέσσαρσιν καὶ πρόσωπον μόσχου ἐξ ἀριστερῶν τοῖς τέσσαρσιν καὶ πρόσωπον ἀετοῦ τοῖς τέσσαρσιν.

kaì homoíōsis tō̂n prosṓpōn autō̂n: prósōpon anthrṓpou kaì prósōpon léontos ek dexiō̂n toîs téssarsin kaì prósōpon móschou ex aristerō̂n toîs téssarsin kaì prósōpon aetoû toîs téssarsin.

11
καὶ αἱ πτέρυγες αὐτῶν ἐκτεταμέναι ἄνωθεν τοῖς τέσσαρσιν, ἑκατέρῳ δύο συνεζευγμέναι πρὸς ἀλλήλας, καὶ δύο ἐπεκάλυπτον ἐπάνω τοῦ σώματος αὐτῶν.

kaì hai ptéryges autō̂n ektetaménai ánōthen toîs téssarsin, hekatérōi dýo synezeugménai pròs allḗlas, kaì dýo epekálypton epánō toû sṓmatos autō̂n.

12
καὶ ἑκάτερον κατὰ πρόσωπον αὐτοῦ ἐπορεύετο· οὗ ἂν ἦν τὸ πνεῦμα πορευόμενον, ἐπορεύοντο καὶ οὐκ ἐπέστρεϕον.

kaì hekáteron katà prósōpon autoû eporeúeto: hoû àn ē̂n tò pneûma poreuómenon, eporeúonto kaì ouk epéstrephon.

13
καὶ ἐν μέσῳ τῶν ζῴων ὅρασις ὡς ἀνθράκων πυρὸς καιομένων, ὡς ὄψις λαμπάδων συστρεϕομένων ἀνὰ μέσον τῶν ζῴων καὶ ϕέγγος τοῦ πυρός, καὶ ἐκ τοῦ πυρὸς ἐξεπορεύετο ἀστραπή.

kaì en mésōi tō̂n zṓiōn hórasis hōs anthrákōn pyròs kaioménōn, hōs ópsis lampádōn systrephoménōn anà méson tō̂n zṓiōn kaì phéngos toû pyrós, kaì ek toû pyròs exeporeúeto astrapḗ.

15
καὶ εἶδον καὶ ἰδοὺ τροχὸς εἷς ἐπὶ τῆς γῆς ἐχόμενος τῶν ζῴων τοῖς τέσσαρσιν·

kaì eîdon kaì idoù trochòs heîs epì tē̂s gē̂s echómenos tō̂n zṓiōn toîs téssarsin:

16
καὶ τὸ εἶδος τῶν τροχῶν ὡς εἶδος θαρσις, καὶ ὁμοίωμα ἓν τοῖς τέσσαρσιν, καὶ τὸ ἔργον αὐτῶν ἦν καθὼς ἂν εἴη τροχὸς ἐν τροχῷ.

kaì tò eîdos tō̂n trochō̂n hōs eîdos tharsis, kaì homoíōma hèn toîs téssarsin, kaì tò érgon autō̂n ē̂n kathṑs àn eíē trochòs en trochō̂i.

17
ἐπὶ τὰ τέσσαρα μέρη αὐτῶν ἐπορεύοντο, οὐκ ἐπέστρεϕον ἐν τῷ πορεύεσθαι αὐτὰ

epì tà téssara mérē autō̂n eporeúonto, ouk epéstrephon en tō̂i poreúesthai autà

18
οὐδ’ οἱ νῶτοι αὐτῶν, καὶ ὕψος ἦν αὐτοῖς· καὶ εἶδον αὐτά, καὶ οἱ νῶτοι αὐτῶν πλήρεις ὀϕθαλμῶν κυκλόθεν τοῖς τέσσαρσιν.

oud’ hoi nō̂toi autō̂n, kaì hýpsos ē̂n autoîs: kaì eîdon autá, kaì hoi nō̂toi autō̂n plḗreis ophthalmō̂n kyklóthen toîs téssarsin.

19
καὶ ἐν τῷ πορεύεσθαι τὰ ζῷα ἐπορεύοντο οἱ τροχοὶ ἐχόμενοι αὐτῶν, καὶ ἐν τῷ ἐξαίρειν τὰ ζῷα ἀπὸ τῆς γῆς ἐξῄροντο οἱ τροχοί.

kaì en tō̂i poreúesthai tà zō̂ia eporeúonto hoi trochoì echómenoi autō̂n, kaì en tō̂i exaírein tà zō̂ia apò tē̂s gē̂s exḗironto hoi trochoí.

20
οὗ ἂν ἦν ἡ νεϕέλη, ἐκεῖ τὸ πνεῦμα τοῦ πορεύεσθαι· ἐπορεύοντο τὰ ζῷα καὶ οἱ τροχοὶ καὶ ἐξῄροντο σὺν αὐτοῖς, διότι πνεῦμα ζωῆς ἦν ἐν τοῖς τροχοῖς.

hoû àn ē̂n hē nephélē, ekeî tò pneûma toû poreúesthai: eporeúonto tà zō̂ia kaì hoi trochoì kaì exḗironto sỳn autoîs, dióti pneûma zōē̂s ē̂n en toîs trochoîs.

21
ἐν τῷ πορεύεσθαι αὐτὰ ἐπορεύοντο καὶ ἐν τῷ ἑστάναι αὐτὰ εἱστήκεισαν καὶ ἐν τῷ ἐξαίρειν αὐτὰ ἀπὸ τῆς γῆς ἐξῄροντο σὺν αὐτοῖς, ὅτι πνεῦμα ζωῆς ἦν ἐν τοῖς τροχοῖς.

en tō̂i poreúesthai autà eporeúonto kaì en tō̂i hestánai autà heistḗkeisan kaì en tō̂i exaírein autà apò tē̂s gē̂s exḗironto sỳn autoîs, hóti pneûma zōē̂s ē̂n en toîs trochoîs.

22
καὶ ὁμοίωμα ὑπὲρ κεϕαλῆς αὐτοῖς τῶν ζῴων ὡσεὶ στερέωμα ὡς ὅρασις κρυστάλλου ἐκτεταμένον ἐπὶ τῶν πτερύγων αὐτῶν ἐπάνωθεν·

kaì homoíōma hypèr kephalē̂s autoîs tō̂n zṓiōn hōseì steréōma hōs hórasis krystállou ektetaménon epì tō̂n pterýgōn autō̂n epánōthen:

23
καὶ ὑποκάτω τοῦ στερεώματος αἱ πτέρυγες αὐτῶν ἐκτεταμέναι, πτερυσσόμεναι ἑτέρα τῇ ἑτέρᾳ, ἑκάστῳ δύο συνεζευγμέναι ἐπικαλύπτουσαι τὰ σώματα αὐτῶν.

kaì hypokátō toû stereṓmatos hai ptéryges autō̂n ektetaménai, pteryssómenai hetéra tē̂i hetérāi, hekástōi dýo synezeugménai epikalýptousai tà sṓmata autō̂n.

24
καὶ ἤκουον τὴν ϕωνὴν τῶν πτερύγων αὐτῶν ἐν τῷ πορεύεσθαι αὐτὰ ὡς ϕωνὴν ὕδατος πολλοῦ· καὶ ἐν τῷ ἑστάναι αὐτὰ κατέπαυον αἱ πτέρυγες αὐτῶν.

kaì ḗkouon tḕn phōnḕn tō̂n pterýgōn autō̂n en tō̂i poreúesthai autà hōs phōnḕn hýdatos polloû: kaì en tō̂i hestánai autà katépauon hai ptéryges autō̂n.

25
καὶ ἰδοὺ ϕωνὴ ὑπεράνωθεν τοῦ στερεώματος τοῦ ὄντος ὑπὲρ κεϕαλῆς αὐτῶν.

kaì idoù phōnḕ hyperánōthen toû stereṓmatos toû óntos hypèr kephalē̂s autō̂n.

26
ὡς ὅρασις λίθου σαπϕείρου ὁμοίωμα θρόνου ἐπ’ αὐτοῦ, καὶ ἐπὶ τοῦ ὁμοιώματος τοῦ θρόνου ὁμοίωμα ὡς εἶδος ἀνθρώπου ἄνωθεν.

hōs hórasis líthou sappheírou homoíōma thrónou ep’ autoû, kaì epì toû homoiṓmatos toû thrónou homoíōma hōs eîdos anthrṓpou ánōthen.

27
καὶ εἶδον ὡς ὄψιν ἠλέκτρου ἀπὸ ὁράσεως ὀσϕύος καὶ ἐπάνω, καὶ ἀπὸ ὁράσεως ὀσϕύος καὶ ἕως κάτω εἶδον ὡς ὅρασιν πυρὸς καὶ τὸ ϕέγγος αὐτοῦ κύκλῳ.

kaì eîdon hōs ópsin ēléktrou apò horáseōs osphýos kaì epánō, kaì apò horáseōs osphýos kaì héōs kátō eîdon hōs hórasin pyròs kaì tò phéngos autoû kýklōi.

28
ὡς ὅρασις τόξου, ὅταν ᾖ ἐν τῇ νεϕέλῃ ἐν ἡμέρᾳ ὑετοῦ, οὕτως ἡ στάσις τοῦ ϕέγγους κυκλόθεν. αὕτη ἡ ὅρασις ὁμοιώματος δόξης κυρίου· καὶ εἶδον καὶ πίπτω ἐπὶ πρόσωπόν μου καὶ ἤκουσα ϕωνὴν λαλοῦντος.

hōs hórasis tóxou, hótan ē̂i en tē̂i nephélēi en hēmérāi hyetoû, hoútōs hē stásis toû phéngous kyklóthen. haútē hē hórasis homoiṓmatos dóxēs kyríou: kaì eîdon kaì píptō epì prósōpón mou kaì ḗkousa phōnḕn laloûntos.