Bibles en langues anciennes
Traductions anciennes
Traductions modernes

Septante Ézéchiel 31, 12

Pentateuque
Livres historiques
Écrits poétiques
Livres prophétiques
Chapitre
Versets
1
Καὶ ἐγένετο ἐν τῷ ἑνδεκάτῳ ἔτει ἐν τῷ τρίτῳ μηνὶ μιᾷ τοῦ μηνὸς ἐγένετο λόγος κυρίου πρός με λέγων

Kaì egéneto en tō̂i hendekátōi étei en tō̂i trítōi mēnì miā̂i toû mēnòs egéneto lógos kyríou prós me légōn

2
Υἱὲ ἀνθρώπου, εἰπὸν πρὸς Φαραω βασιλέα Αἰγύπτου καὶ τῷ πλήθει αὐτοῦ Τίνι ὡμοίωσας σεαυτὸν ἐν τῷ ὕψει σου;

Hyiè anthrṓpou, eipòn pròs Pharaō basiléa Aigýptou kaì tō̂i plḗthei autoû Tíni hōmoíōsas seautòn en tō̂i hýpsei sou?

3
ἰδοὺ Ασσουρ κυπάρισσος ἐν τῷ Λιβάνῳ καὶ καλὸς ταῖς παραϕυάσιν καὶ ὑψηλὸς τῷ μεγέθει, εἰς μέσον νεϕελῶν ἐγένετο ἡ ἀρχὴ αὐτοῦ·

idoù Assour kypárissos en tō̂i Libánōi kaì kalòs taîs paraphyásin kaì hypsēlòs tō̂i megéthei, eis méson nephelō̂n egéneto hē archḕ autoû:

4
ὕδωρ ἐξέθρεψεν αὐτόν, ἡ ἄβυσσος ὕψωσεν αὐτόν, τοὺς ποταμοὺς αὐτῆς ἤγαγεν κύκλῳ τῶν ϕυτῶν αὐτοῦ καὶ τὰ συστέματα αὐτῆς ἐξαπέστειλεν εἰς πάντα τὰ ξύλα τοῦ πεδίου.

hýdōr exéthrepsen autón, hē ábyssos hýpsōsen autón, toùs potamoùs autē̂s ḗgagen kýklōi tō̂n phytō̂n autoû kaì tà systémata autē̂s exapésteilen eis pánta tà xýla toû pedíou.

5
ἕνεκεν τούτου ὑψώθη τὸ μέγεθος αὐτοῦ παρὰ πάντα τὰ ξύλα τοῦ πεδίου, καὶ ἐπλατύνθησαν οἱ κλάδοι αὐτοῦ ἀϕ’ ὕδατος πολλοῦ.

héneken toútou hypsṓthē tò mégethos autoû parà pánta tà xýla toû pedíou, kaì eplatýnthēsan hoi kládoi autoû aph’ hýdatos polloû.

6
ἐν ταῖς παραϕυάσιν αὐτοῦ ἐνόσσευσαν πάντα τὰ πετεινὰ τοῦ οὐρανοῦ, καὶ ὑποκάτω τῶν κλάδων αὐτοῦ ἐγεννῶσαν πάντα τὰ θηρία τοῦ πεδίου, ἐν τῇ σκιᾷ αὐτοῦ κατῴκησεν πᾶν πλῆθος ἐθνῶν.

en taîs paraphyásin autoû enósseusan pánta tà peteinà toû ouranoû, kaì hypokátō tō̂n kládōn autoû egennō̂san pánta tà thēría toû pedíou, en tē̂i skiā̂i autoû katṓikēsen pân plē̂thos ethnō̂n.

7
καὶ ἐγένετο καλὸς ἐν τῷ ὕψει αὐτοῦ διὰ τὸ πλῆθος τῶν κλάδων αὐτοῦ, ὅτι ἐγενήθησαν αἱ ῥίζαι αὐτοῦ εἰς ὕδωρ πολύ.

kaì egéneto kalòs en tō̂i hýpsei autoû dià tò plē̂thos tō̂n kládōn autoû, hóti egenḗthēsan hai rhízai autoû eis hýdōr polý.

8
κυπάρισσοι τοιαῦται οὐκ ἐγενήθησαν ἐν τῷ παραδείσῳ τοῦ θεοῦ, καὶ πίτυες οὐχ ὅμοιαι ταῖς παραϕυάσιν αὐτοῦ, καὶ ἐλάται οὐκ ἐγένοντο ὅμοιαι τοῖς κλάδοις αὐτοῦ· πᾶν ξύλον ἐν τῷ παραδείσῳ τοῦ θεοῦ οὐχ ὡμοιώθη αὐτῷ ἐν τῷ κάλλει αὐτοῦ

kypárissoi toiaûtai ouk egenḗthēsan en tō̂i paradeísōi toû theoû, kaì pítyes ouch hómoiai taîs paraphyásin autoû, kaì elátai ouk egénonto hómoiai toîs kládois autoû: pân xýlon en tō̂i paradeísōi toû theoû ouch hōmoiṓthē autō̂i en tō̂i kállei autoû

9
διὰ τὸ πλῆθος τῶν κλάδων αὐτοῦ, καὶ ἐζήλωσεν αὐτὸν τὰ ξύλα τοῦ παραδείσου τῆς τρυϕῆς τοῦ θεοῦ.

dià tò plē̂thos tō̂n kládōn autoû, kaì ezḗlōsen autòn tà xýla toû paradeísou tē̂s tryphē̂s toû theoû.

10
διὰ τοῦτο τάδε λέγει κύριος ’Ανθ’ ὧν ἐγένου μέγας τῷ μεγέθει καὶ ἔδωκας τὴν ἀρχήν σου εἰς μέσον νεϕελῶν, καὶ εἶδον ἐν τῷ ὑψωθῆναι αὐτόν,

dià toûto táde légei kýrios ’Anth’ hō̂n egénou mégas tō̂i megéthei kaì édōkas tḕn archḗn sou eis méson nephelō̂n, kaì eîdon en tō̂i hypsōthē̂nai autón,

11
καὶ παρέδωκα αὐτὸν εἰς χεῖρας ἄρχοντος ἐθνῶν, καὶ ἐποίησεν τὴν ἀπώλειαν αὐτοῦ.

kaì parédōka autòn eis cheîras árchontos ethnō̂n, kaì epoíēsen tḕn apṓleian autoû.

12
καὶ ἐξωλέθρευσαν αὐτὸν ἀλλότριοι λοιμοὶ ἀπὸ ἐθνῶν καὶ κατέβαλον αὐτὸν ἐπὶ τῶν ὀρέων, ἐν πάσαις ταῖς ϕάραγξιν ἔπεσαν οἱ κλάδοι αὐτοῦ, καὶ συνετρίβη τὰ στελέχη αὐτοῦ ἐν παντὶ πεδίῳ τῆς γῆς, καὶ κατέβησαν ἀπὸ τῆς σκέπης αὐτῶν πάντες οἱ λαοὶ τῶν ἐθνῶν καὶ ἠδάϕισαν αὐτόν.

kaì exōléthreusan autòn allótrioi loimoì apò ethnō̂n kaì katébalon autòn epì tō̂n oréōn, en pásais taîs pháranxin épesan hoi kládoi autoû, kaì synetríbē tà steléchē autoû en pantì pedíōi tē̂s gē̂s, kaì katébēsan apò tē̂s sképēs autō̂n pántes hoi laoì tō̂n ethnō̂n kaì ēdáphisan autón.

13
ἐπὶ τὴν πτῶσιν αὐτοῦ ἀνεπαύσαντο πάντα τὰ πετεινὰ τοῦ οὐρανοῦ, καὶ ἐπὶ τὰ στελέχη αὐτοῦ ἐγένοντο πάντα τὰ θηρία τοῦ ἀγροῦ,

epì tḕn ptō̂sin autoû anepaúsanto pánta tà peteinà toû ouranoû, kaì epì tà steléchē autoû egénonto pánta tà thēría toû agroû,

14
ὅπως μὴ ὑψωθῶσιν ἐν τῷ μεγέθει αὐτῶν πάντα τὰ ξύλα τὰ ἐν τῷ ὕδατι· καὶ οὐκ ἔδωκαν τὴν ἀρχὴν αὐτῶν εἰς μέσον νεϕελῶν καὶ οὐκ ἔστησαν ἐν τῷ ὕψει αὐτῶν πρὸς αὐτὰ πάντες οἱ πίνοντες ὕδωρ, πάντες ἐδόθησαν εἰς θάνατον εἰς γῆς βάθος ἐν μέσῳ υἱῶν ἀνθρώπων πρὸς καταβαίνοντας εἰς βόθρον.

hópōs mḕ hypsōthō̂sin en tō̂i megéthei autō̂n pánta tà xýla tà en tō̂i hýdati: kaì ouk édōkan tḕn archḕn autō̂n eis méson nephelō̂n kaì ouk éstēsan en tō̂i hýpsei autō̂n pròs autà pántes hoi pínontes hýdōr, pántes edóthēsan eis thánaton eis gē̂s báthos en mésōi hyiō̂n anthrṓpōn pròs katabaínontas eis bóthron.

15
τάδε λέγει κύριος κύριος ’Εν ᾗ ἡμέρᾳ κατέβη εἰς ᾅδου, ἐπένθησεν αὐτὸν ἡ ἄβυσσος, καὶ ἐπέστησα τοὺς ποταμοὺς αὐτῆς καὶ ἐκώλυσα πλῆθος ὕδατος, καὶ ἐσκότασεν ἐπ’ αὐτὸν ὁ Λίβανος, πάντα τὰ ξύλα τοῦ πεδίου ἐπ’ αὐτῷ ἐξελύθησαν.

táde légei kýrios kýrios ’En hē̂i hēmérāi katébē eis hā́idou, epénthēsen autòn hē ábyssos, kaì epéstēsa toùs potamoùs autē̂s kaì ekṓlysa plē̂thos hýdatos, kaì eskótasen ep’ autòn ho Líbanos, pánta tà xýla toû pedíou ep’ autō̂i exelýthēsan.

16
ἀπὸ τῆς ϕωνῆς τῆς πτώσεως αὐτοῦ ἐσείσθησαν τὰ ἔθνη, ὅτε κατεβίβαζον αὐτὸν εἰς ᾅδου μετὰ τῶν καταβαινόντων εἰς λάκκον, καὶ παρεκάλουν αὐτὸν ἐν γῇ πάντα τὰ ξύλα τῆς τρυϕῆς καὶ τὰ ἐκλεκτὰ τοῦ Λιβάνου, πάντα τὰ πίνοντα ὕδωρ.

apò tē̂s phōnē̂s tē̂s ptṓseōs autoû eseísthēsan tà éthnē, hóte katebíbazon autòn eis hā́idou metà tō̂n katabainóntōn eis lákkon, kaì parekáloun autòn en gē̂i pánta tà xýla tē̂s tryphē̂s kaì tà eklektà toû Libánou, pánta tà pínonta hýdōr.

17
καὶ γὰρ αὐτοὶ κατέβησαν μετ’ αὐτοῦ εἰς ᾅδου ἐν τοῖς τραυματίαις ἀπὸ μαχαίρας, καὶ τὸ σπέρμα αὐτοῦ, οἱ κατοικοῦντες ὑπὸ τὴν σκέπην αὐτοῦ, ἐν μέσῳ τῆς ζωῆς αὐτῶν ἀπώλοντο.

kaì gàr autoì katébēsan met’ autoû eis hā́idou en toîs traumatíais apò machaíras, kaì tò spérma autoû, hoi katoikoûntes hypò tḕn sképēn autoû, en mésōi tē̂s zōē̂s autō̂n apṓlonto.

18
τίνι ὡμοιώθης; κατάβηθι καὶ καταβιβάσθητι μετὰ τῶν ξύλων τῆς τρυϕῆς εἰς γῆς βάθος· ἐν μέσῳ ἀπεριτμήτων κοιμηθήσῃ μετὰ τραυματιῶν μαχαίρας. οὕτως Φαραω καὶ τὸ πλῆθος τῆς ἰσχύος αὐτοῦ, λέγει κύριος κύριος.

tíni hōmoiṓthēs? katábēthi kaì katabibásthēti metà tō̂n xýlōn tē̂s tryphē̂s eis gē̂s báthos: en mésōi aperitmḗtōn koimēthḗsēi metà traumatiō̂n machaíras. hoútōs Pharaō kaì tò plē̂thos tē̂s ischýos autoû, légei kýrios kýrios.