Bibles en langues anciennes
Traductions anciennes
Traductions modernes

Septante Esdras-Néhémie 6, 13

Pentateuque
Livres historiques
Écrits poétiques
Livres prophétiques
Chapitre
Versets
1
Τότε Δαρεῖος ὁ βασιλεὺς ἔθηκεν γνώμην καὶ ἐπεσκέψατο ἐν ταῖς βιβλιοθήκαις, ὅπου ἡ γάζα κεῖται ἐν Βαβυλῶνι.

Tóte Dareîos ho basileùs éthēken gnṓmēn kaì epesképsato en taîs bibliothḗkais, hópou hē gáza keîtai en Babylō̂ni.

2
καὶ εὑρέθη ἐν πόλει ἐν τῇ βάρει τῆς Μήδων πόλεως κεϕαλὶς μία, καὶ τοῦτο ἦν γεγραμμένον ἐν αὐτῇ Ὑπόμνημα·

kaì heuréthē en pólei en tē̂i bárei tē̂s Mḗdōn póleōs kephalìs mía, kaì toûto ē̂n gegramménon en autē̂i Hypómnēma:

3
ἐν ἔτει πρώτῳ Κύρου βασιλέως Κῦρος ὁ βασιλεὺς ἔθηκεν γνώμην περὶ οἴκου τοῦ θεοῦ τοῦ ἐν Ιερουσαλημ· οἶκος οἰκοδομηθήτω καὶ τόπος, οὗ θυσιάζουσιν τὰ θυσιάσματα· καὶ ἔθηκεν ἔπαρμα ὕψος πήχεις ἑξήκοντα, πλάτος αὐτοῦ πήχεων ἑξήκοντα·

en étei prṓtōi Kýrou basiléōs Kŷros ho basileùs éthēken gnṓmēn perì oíkou toû theoû toû en Ierousalēm: oîkos oikodomēthḗtō kaì tópos, hoû thysiázousin tà thysiásmata: kaì éthēken éparma hýpsos pḗcheis hexḗkonta, plátos autoû pḗcheōn hexḗkonta:

4
καὶ δόμοι λίθινοι κραταιοὶ τρεῖς, καὶ δόμος ξύλινος εἷς· καὶ ἡ δαπάνη ἐξ οἴκου τοῦ βασιλέως δοθήσεται·

kaì dómoi líthinoi krataioì treîs, kaì dómos xýlinos heîs: kaì hē dapánē ex oíkou toû basiléōs dothḗsetai:

5
καὶ τὰ σκεύη οἴκου τοῦ θεοῦ τὰ ἀργυρᾶ καὶ τὰ χρυσᾶ, ἃ Ναβουχοδονοσορ ἐξήνεγκεν ἀπὸ οἴκου τοῦ ἐν Ιερουσαλημ καὶ ἐκόμισεν εἰς Βαβυλῶνα, καὶ δοθήτω καὶ ἀπελθάτω εἰς τὸν ναὸν τὸν ἐν Ιερουσαλημ ἐπὶ τόπου, οὗ ἐτέθη ἐν οἴκῳ τοῦ θεοῦ.

kaì tà skeúē oíkou toû theoû tà argyrâ kaì tà chrysâ, hà Nabouchodonosor exḗnenken apò oíkou toû en Ierousalēm kaì ekómisen eis Babylō̂na, kaì dothḗtō kaì apelthátō eis tòn naòn tòn en Ierousalēm epì tópou, hoû etéthē en oíkōi toû theoû.

6
νῦν δώσετε, ἔπαρχοι πέραν τοῦ ποταμοῦ Σαθαρβουζανα καὶ οἱ σύνδουλοι αὐτῶν Αϕαρσαχαῖοι οἱ ἐν πέρα τοῦ ποταμοῦ, μακρὰν ὄντες ἐκεῖθεν

nŷn dṓsete, éparchoi péran toû potamoû Satharbouzana kaì hoi sýndouloi autō̂n Apharsachaîoi hoi en péra toû potamoû, makràn óntes ekeîthen

7
ἄϕετε τὸ ἔργον οἴκου τοῦ θεοῦ· οἱ ἀϕηγούμενοι τῶν Ιουδαίων καὶ οἱ πρεσβύτεροι τῶν Ιουδαίων οἶκον τοῦ θεοῦ ἐκεῖνον οἰκοδομείτωσαν ἐπὶ τοῦ τόπου αὐτοῦ.

áphete tò érgon oíkou toû theoû: hoi aphēgoúmenoi tō̂n Ioudaíōn kaì hoi presbýteroi tō̂n Ioudaíōn oîkon toû theoû ekeînon oikodomeítōsan epì toû tópou autoû.

8
καὶ ἀπ’ ἐμοῦ ἐτέθη γνώμη μήποτέ τι ποιήσητε μετὰ τῶν πρεσβυτέρων τῶν Ιουδαίων τοῦ οἰκοδομῆσαι οἶκον τοῦ θεοῦ ἐκεῖνον· καὶ ἀπὸ ὑπαρχόντων βασιλέως τῶν ϕόρων πέραν τοῦ ποταμοῦ ἐπιμελῶς δαπάνη ἔστω διδομένη τοῖς ἀνδράσιν ἐκείνοις τὸ μὴ καταργηθῆναι·

kaì ap’ emoû etéthē gnṓmē mḗpoté ti poiḗsēte metà tō̂n presbytérōn tō̂n Ioudaíōn toû oikodomē̂sai oîkon toû theoû ekeînon: kaì apò hyparchóntōn basiléōs tō̂n phórōn péran toû potamoû epimelō̂s dapánē éstō didoménē toîs andrásin ekeínois tò mḕ katargēthē̂nai:

9
καὶ ὃ ἂν ὑστέρημα, καὶ υἱοὺς βοῶν καὶ κριῶν καὶ ἀμνοὺς εἰς ὁλοκαυτώσεις τῷ θεῷ τοῦ οὐρανοῦ, πυρούς, ἅλας, οἶνον, ἔλαιον, κατὰ τὸ ῥῆμα τῶν ἱερέων τῶν ἐν Ιερουσαλημ ἔστω διδόμενον αὐτοῖς ἡμέραν ἐν ἡμέρᾳ, ὃ ἐὰν αἰτήσωσιν,

kaì hò àn hystérēma, kaì hyioùs boō̂n kaì kriō̂n kaì amnoùs eis holokautṓseis tō̂i theō̂i toû ouranoû, pyroús, hálas, oînon, élaion, katà tò rhē̂ma tō̂n hieréōn tō̂n en Ierousalēm éstō didómenon autoîs hēméran en hēmérāi, hò eàn aitḗsōsin,

10
ἵνα ὦσιν προσϕέροντες εὐωδίας τῷ θεῷ τοῦ οὐρανοῦ καὶ προσεύχωνται εἰς ζωὴν τοῦ βασιλέως καὶ τῶν υἱῶν αὐτοῦ.

hína ō̂sin prosphérontes euōdías tō̂i theō̂i toû ouranoû kaì proseúchōntai eis zōḕn toû basiléōs kaì tō̂n hyiō̂n autoû.

11
καὶ ἀπ’ ἐμοῦ ἐτέθη γνώμη ὅτι πᾶς ἄνθρωπος, ὃς ἀλλάξει τὸ ῥῆμα τοῦτο, καθαιρεθήσεται ξύλον ἐκ τῆς οἰκίας αὐτοῦ καὶ ὠρθωμένος παγήσεται ἐπ’ αὐτοῦ, καὶ ὁ οἶκος αὐτοῦ τὸ κατ’ ἐμὲ ποιηθήσεται.

kaì ap’ emoû etéthē gnṓmē hóti pâs ánthrōpos, hòs alláxei tò rhē̂ma toûto, kathairethḗsetai xýlon ek tē̂s oikías autoû kaì ōrthōménos pagḗsetai ep’ autoû, kaì ho oîkos autoû tò kat’ emè poiēthḗsetai.

12
καὶ ὁ θεός, οὗ κατασκηνοῖ τὸ ὄνομα ἐκεῖ, καταστρέψει πάντα βασιλέα καὶ λαόν, ὃς ἐκτενεῖ τὴν χεῖρα αὐτοῦ ἀλλάξαι ἢ ἀϕανίσαι τὸν οἶκον τοῦ θεοῦ ἐκεῖνον τὸν ἐν Ιερουσαλημ. ἐγὼ Δαρεῖος ἔθηκα γνώμην· ἐπιμελῶς ἔσται.

kaì ho theós, hoû kataskēnoî tò ónoma ekeî, katastrépsei pánta basiléa kaì laón, hòs ekteneî tḕn cheîra autoû alláxai ḕ aphanísai tòn oîkon toû theoû ekeînon tòn en Ierousalēm. egṑ Dareîos éthēka gnṓmēn: epimelō̂s éstai.

13
Τότε θανθαναι ἔπαρχος πέραν τοῦ ποταμοῦ, Σαθαρβουζανα καὶ οἱ σύνδουλοι αὐτοῦ πρὸς ὃ ἀπέστειλεν Δαρεῖος ὁ βασιλεὺς οὕτως ἐποίησαν ἐπιμελῶς.

Tóte thanthanai éparchos péran toû potamoû, Satharbouzana kaì hoi sýndouloi autoû pròs hò apésteilen Dareîos ho basileùs hoútōs epoíēsan epimelō̂s.

14
καὶ οἱ πρεσβύτεροι τῶν Ιουδαίων ᾠκοδομοῦσαν καὶ οἱ Λευῖται ἐν προϕητείᾳ Αγγαιου τοῦ προϕήτου καὶ Ζαχαριου υἱοῦ Αδδω καὶ ἀνῳκοδόμησαν καὶ κατηρτίσαντο ἀπὸ γνώμης θεοῦ Ισραηλ καὶ ἀπὸ γνώμης Κύρου καὶ Δαρείου καὶ Αρθασασθα βασιλέων Περσῶν.

kaì hoi presbýteroi tō̂n Ioudaíōn ōikodomoûsan kaì hoi Leuîtai en prophēteíāi Angaiou toû prophḗtou kaì Zachariou hyioû Addō kaì anōikodómēsan kaì katērtísanto apò gnṓmēs theoû Israēl kaì apò gnṓmēs Kýrou kaì Dareíou kaì Arthasastha basiléōn Persō̂n.

15
καὶ ἐτέλεσαν τὸν οἶκον τοῦτον ἕως ἡμέρας τρίτης μηνὸς Αδαρ, ὅ ἐστιν ἔτος ἕκτον τῇ βασιλείᾳ Δαρείου τοῦ βασιλέως.

kaì etélesan tòn oîkon toûton héōs hēméras trítēs mēnòs Adar, hó estin étos hékton tē̂i basileíāi Dareíou toû basiléōs.

16
καὶ ἐποίησαν οἱ υἱοὶ Ισραηλ, οἱ ἱερεῖς καὶ οἱ Λευῖται καὶ οἱ κατάλοιποι υἱῶν ἀποικεσίας, ἐγκαίνια τοῦ οἴκου τοῦ θεοῦ ἐν εὐϕροσύνῃ.

kaì epoíēsan hoi hyioì Israēl, hoi hiereîs kaì hoi Leuîtai kaì hoi katáloipoi hyiō̂n apoikesías, enkaínia toû oíkou toû theoû en euphrosýnēi.

17
καὶ προσήνεγκαν εἰς τὰ ἐγκαίνια τοῦ οἴκου τοῦ θεοῦ μόσχους ἑκατόν, κριοὺς διακοσίους, ἀμνοὺς τετρακοσίους, χιμάρους αἰγῶν περὶ ἁμαρτίας ὑπὲρ παντὸς Ισραηλ δώδεκα εἰς ἀριθμὸν ϕυλῶν Ισραηλ.

kaì prosḗnenkan eis tà enkaínia toû oíkou toû theoû móschous hekatón, krioùs diakosíous, amnoùs tetrakosíous, chimárous aigō̂n perì hamartías hypèr pantòs Israēl dṓdeka eis arithmòn phylō̂n Israēl.

18
καὶ ἔστησαν τοὺς ἱερεῖς ἐν διαιρέσεσιν αὐτῶν καὶ τοὺς Λευίτας ἐν μερισμοῖς αὐτῶν ἐπὶ δουλείᾳ θεοῦ τοῦ ἐν Ιερουσαλημ κατὰ τὴν γραϕὴν βιβλίου Μωυσῆ.

kaì éstēsan toùs hiereîs en diairésesin autō̂n kaì toùs Leuítas en merismoîs autō̂n epì douleíāi theoû toû en Ierousalēm katà tḕn graphḕn biblíou Mōysē̂.

19
Καὶ ἐποίησαν οἱ υἱοὶ τῆς ἀποικεσίας τὸ πασχα τῇ τεσσαρεσκαιδεκάτῃ τοῦ μηνὸς τοῦ πρώτου.

Kaì epoíēsan hoi hyioì tē̂s apoikesías tò pascha tē̂i tessareskaidekátēi toû mēnòs toû prṓtou.

20
ὅτι ἐκαθαρίσθησαν οἱ ἱερεῖς καὶ οἱ Λευῖται ἕως εἷς πάντες καθαροὶ καὶ ἔσϕαξαν τὸ πασχα τοῖς πᾶσιν υἱοῖς τῆς ἀποικεσίας καὶ τοῖς ἀδελϕοῖς αὐτῶν τοῖς ἱερεῦσιν καὶ ἑαυτοῖς.

hóti ekatharísthēsan hoi hiereîs kaì hoi Leuîtai héōs heîs pántes katharoì kaì ésphaxan tò pascha toîs pâsin hyioîs tē̂s apoikesías kaì toîs adelphoîs autō̂n toîs hiereûsin kaì heautoîs.

21
καὶ ἔϕαγον οἱ υἱοὶ Ισραηλ τὸ πασχα, οἱ ἀπὸ τῆς ἀποικεσίας καὶ πᾶς ὁ χωριζόμενος τῆς ἀκαθαρσίας ἐθνῶν τῆς γῆς πρὸς αὐτοὺς τοῦ ἐκζητῆσαι κύριον θεὸν Ισραηλ.

kaì éphagon hoi hyioì Israēl tò pascha, hoi apò tē̂s apoikesías kaì pâs ho chōrizómenos tē̂s akatharsías ethnō̂n tē̂s gē̂s pròs autoùs toû ekzētē̂sai kýrion theòn Israēl.

22
καὶ ἐποίησαν τὴν ἑορτὴν τῶν ἀζύμων ἑπτὰ ἡμέρας ἐν εὐϕροσύνῃ, ὅτι εὔϕρανεν αὐτοὺς κύριος καὶ ἐπέστρεψεν καρδίαν βασιλέως Ασσουρ ἐπ’ αὐτοὺς κραταιῶσαι τὰς χεῖρας αὐτῶν ἐν ἔργοις οἴκου τοῦ θεοῦ Ισραηλ.

kaì epoíēsan tḕn heortḕn tō̂n azýmōn heptà hēméras en euphrosýnēi, hóti eúphranen autoùs kýrios kaì epéstrepsen kardían basiléōs Assour ep’ autoùs krataiō̂sai tàs cheîras autō̂n en érgois oíkou toû theoû Israēl.