Bibles en langues anciennes
Traductions anciennes
Traductions modernes

Septante Isaïe 23

Pentateuque
Livres historiques
Écrits poétiques
Livres prophétiques
Chapitre
Versets
1
Τὸ ὅραμα Τύρου. ’Ολολύζετε, πλοῖα Καρχηδόνος, ὅτι ἀπώλετο, καὶ οὐκέτι ἔρχονται ἐκ γῆς Κιτιαίων· ἦκται αἰχμάλωτος.

Tò hórama Týrou. ’Ololýzete, ploîa Karchēdónos, hóti apṓleto, kaì oukéti érchontai ek gē̂s Kitiaíōn: ē̂ktai aichmálōtos.

2
τίνι ὅμοιοι γεγόνασιν οἱ ἐνοικοῦντες ἐν τῇ νήσῳ μεταβόλοι Φοινίκης διαπερῶντες τὴν θάλασσαν

tíni hómoioi gegónasin hoi enoikoûntes en tē̂i nḗsōi metabóloi Phoiníkēs diaperō̂ntes tḕn thálassan

3
ἐν ὕδατι πολλῷ, σπέρμα μεταβόλων; ὡς ἀμητοῦ εἰσϕερομένου οἱ μεταβόλοι τῶν ἐθνῶν.

en hýdati pollō̂i, spérma metabólōn? hōs amētoû eispheroménou hoi metabóloi tō̂n ethnō̂n.

4
αἰσχύνθητι, Σιδών, εἶπεν ἡ θάλασσα· ἡ δὲ ἰσχὺς τῆς θαλάσσης εἶπεν Οὐκ ὤδινον οὐδὲ ἔτεκον οὐδὲ ἐξέθρεψα νεανίσκους οὐδὲ ὕψωσα παρθένους.

aischýnthēti, Sidṓn, eîpen hē thálassa: hē dè ischỳs tē̂s thalássēs eîpen Ouk ṓdinon oudè étekon oudè exéthrepsa neanískous oudè hýpsōsa parthénous.

5
ὅταν δὲ ἀκουστὸν γένηται Αἰγύπτῳ, λήμψεται αὐτοὺς ὀδύνη περὶ Τύρου.

hótan dè akoustòn génētai Aigýptōi, lḗmpsetai autoùs odýnē perì Týrou.

6
ἀπέλθατε εἰς Καρχηδόνα, ὀλολύξατε, οἱ ἐνοικοῦντες ἐν τῇ νήσῳ ταύτῃ.

apélthate eis Karchēdóna, ololýxate, hoi enoikoûntes en tē̂i nḗsōi taútēi.

7LXX
οὐχ αὕτη ἦν ὑμῶν ἡ ὕβρις ἡ ἀπ’ ἀρχῆς πρὶν ἢ παραδοθῆναι αὐτήν;

ouch haútē ē̂n hymō̂n hē hýbris hē ap’ archē̂s prìn ḕ paradothē̂nai autḗn?

8
τίς ταῦτα ἐβούλευσεν ἐπὶ Τύρον; μὴ ἥσσων ἐστὶν ἢ οὐκ ἰσχύει; οἱ ἔμποροι αὐτῆς ἔνδοξοι, ἄρχοντες τῆς γῆς.

tís taûta eboúleusen epì Týron? mḕ hḗssōn estìn ḕ ouk ischýei? hoi émporoi autē̂s éndoxoi, árchontes tē̂s gē̂s.

9
κύριος σαβαωθ ἐβουλεύσατο παραλῦσαι πᾶσαν τὴν ὕβριν τῶν ἐνδόξων καὶ ἀτιμάσαι πᾶν ἔνδοξον ἐπὶ τῆς γῆς.

kýrios sabaōth ebouleúsato paralŷsai pâsan tḕn hýbrin tō̂n endóxōn kaì atimásai pân éndoxon epì tē̂s gē̂s.

10LXX
ἐργάζου τὴν γῆν σου, καὶ γὰρ πλοῖα οὐκέτι ἔρχεται ἐκ Καρχηδόνος.

ergázou tḕn gē̂n sou, kaì gàr ploîa oukéti érchetai ek Karchēdónos.

11
ἡ δὲ χείρ σου οὐκέτι ἰσχύει κατὰ θάλασσαν, ἡ παροξύνουσα βασιλεῖς· κύριος σαβαωθ ἐνετείλατο περὶ Χανααν ἀπολέσαι αὐτῆς τὴν ἰσχύν.

hē dè cheír sou oukéti ischýei katà thálassan, hē paroxýnousa basileîs: kýrios sabaōth eneteílato perì Chanaan apolésai autē̂s tḕn ischýn.

12
καὶ ἐροῦσιν Οὐκέτι μὴ προσθῆτε τοῦ ὑβρίζειν καὶ ἀδικεῖν τὴν θυγατέρα Σιδῶνος· καὶ ἐὰν ἀπέλθῃς εἰς Κιτιεῖς, οὐδὲ ἐκεῖ σοι ἀνάπαυσις ἔσται·

kaì eroûsin Oukéti mḕ prosthē̂te toû hybrízein kaì adikeîn tḕn thygatéra Sidō̂nos: kaì eàn apélthēis eis Kitieîs, oudè ekeî soi anápausis éstai:

13LXX
καὶ εἰς γῆν Χαλδαίων, καὶ αὕτη ἠρήμωται ἀπὸ τῶν ’Ασσυρίων, οὐδὲ ἐκεῖ σοι ἀνάπαυσις ἔσται, ὅτι ὁ τοῖχος αὐτῆς πέπτωκεν.

kaì eis gē̂n Chaldaíōn, kaì haútē ērḗmōtai apò tō̂n ’Assyríōn, oudè ekeî soi anápausis éstai, hóti ho toîchos autē̂s péptōken.

14
ὀλολύζετε, πλοῖα Καρχηδόνος, ὅτι ἀπώλετο τὸ ὀχύρωμα ὑμῶν.

ololýzete, ploîa Karchēdónos, hóti apṓleto tò ochýrōma hymō̂n.

15
καὶ ἔσται ἐν τῇ ἡμέρᾳ ἐκείνῃ καταλειϕθήσεται Τύρος ἔτη ἑβδομήκοντα ὡς χρόνος βασιλέως, ὡς χρόνος ἀνθρώπου· καὶ ἔσται μετὰ ἑβδομήκοντα ἔτη ἔσται Τύρος ὡς ᾆσμα πόρνης

kaì éstai en tē̂i hēmérāi ekeínēi kataleiphthḗsetai Týros étē hebdomḗkonta hōs chrónos basiléōs, hōs chrónos anthrṓpou: kaì éstai metà hebdomḗkonta étē éstai Týros hōs ā̂isma pórnēs

16
Λαβὲ κιθάραν, ῥέμβευσον πόλεις, πόρνη ἐπιλελησμένη· καλῶς κιθάρισον, πολλὰ ᾆσον, ἵνα σου μνεία γένηται.

Labè kitháran, rhémbeuson póleis, pórnē epilelēsménē: kalō̂s kithárison, pollà ā̂ison, hína sou mneía génētai.

17
καὶ ἔσται μετὰ ἑβδομήκοντα ἔτη ἐπισκοπὴν ποιήσει ὁ θεὸς Τύρου, καὶ πάλιν ἀποκατασταθήσεται εἰς τὸ ἀρχαῖον καὶ ἔσται ἐμπόριον πάσαις ταῖς βασιλείαις τῆς οἰκουμένης.

kaì éstai metà hebdomḗkonta étē episkopḕn poiḗsei ho theòs Týrou, kaì pálin apokatastathḗsetai eis tò archaîon kaì éstai empórion pásais taîs basileíais tē̂s oikouménēs.

18
καὶ ἔσται αὐτῆς ἡ ἐμπορία καὶ ὁ μισθὸς ἅγιον τῷ κυρίῳ· οὐκ αὐτοῖς συναχθήσεται, ἀλλὰ τοῖς κατοικοῦσιν ἔναντι κυρίου πᾶσα ἡ ἐμπορία αὐτῆς ϕαγεῖν καὶ πιεῖν καὶ ἐμπλησθῆναι εἰς συμβολὴν μνημόσυνον ἔναντι κυρίου.

kaì éstai autē̂s hē emporía kaì ho misthòs hágion tō̂i kyríōi: ouk autoîs synachthḗsetai, allà toîs katoikoûsin énanti kyríou pâsa hē emporía autē̂s phageîn kaì pieîn kaì emplēsthē̂nai eis symbolḕn mnēmósynon énanti kyríou.

Cette valeur n'est pas valide.