Bibles en langues anciennes
Traductions anciennes
Traductions modernes

Septante Isaïe 53, 7

Pentateuque
Livres historiques
Écrits poétiques
Livres prophétiques
Chapitre
Versets
1
κύριε, τίς ἐπίστευσεν τῇ ἀκοῇ ἡμῶν; καὶ ὁ βραχίων κυρίου τίνι ἀπεκαλύϕθη;

kýrie, tís epísteusen tē̂i akoē̂i hēmō̂n? kaì ho brachíōn kyríou tíni apekalýphthē?

2
ἀνηγγείλαμεν ἐναντίον αὐτοῦ ὡς παιδίον, ὡς ῥίζα ἐν γῇ διψώσῃ, οὐκ ἔστιν εἶδος αὐτῷ οὐδὲ δόξα· καὶ εἴδομεν αὐτόν, καὶ οὐκ εἶχεν εἶδος οὐδὲ κάλλος·

anēngeílamen enantíon autoû hōs paidíon, hōs rhíza en gē̂i dipsṓsēi, ouk éstin eîdos autō̂i oudè dóxa: kaì eídomen autón, kaì ouk eîchen eîdos oudè kállos:

3
ἀλλὰ τὸ εἶδος αὐτοῦ ἄτιμον ἐκλεῖπον παρὰ πάντας ἀνθρώπους, ἄνθρωπος ἐν πληγῇ ὢν καὶ εἰδὼς ϕέρειν μαλακίαν, ὅτι ἀπέστραπται τὸ πρόσωπον αὐτοῦ, ἠτιμάσθη καὶ οὐκ ἐλογίσθη.

allà tò eîdos autoû átimon ekleîpon parà pántas anthrṓpous, ánthrōpos en plēgē̂i ṑn kaì eidṑs phérein malakían, hóti apéstraptai tò prósōpon autoû, ētimásthē kaì ouk elogísthē.

4
οὗτος τὰς ἁμαρτίας ἡμῶν ϕέρει καὶ περὶ ἡμῶν ὀδυνᾶται, καὶ ἡμεῖς ἐλογισάμεθα αὐτὸν εἶναι ἐν πόνῳ καὶ ἐν πληγῇ καὶ ἐν κακώσει.

hoûtos tàs hamartías hēmō̂n phérei kaì perì hēmō̂n odynâtai, kaì hēmeîs elogisámetha autòn eînai en pónōi kaì en plēgē̂i kaì en kakṓsei.

5
αὐτὸς δὲ ἐτραυματίσθη διὰ τὰς ἀνομίας ἡμῶν καὶ μεμαλάκισται διὰ τὰς ἁμαρτίας ἡμῶν· παιδεία εἰρήνης ἡμῶν ἐπ’ αὐτόν, τῷ μώλωπι αὐτοῦ ἡμεῖς ἰάθημεν.

autòs dè etraumatísthē dià tàs anomías hēmō̂n kaì memalákistai dià tàs hamartías hēmō̂n: paideía eirḗnēs hēmō̂n ep’ autón, tō̂i mṓlōpi autoû hēmeîs iáthēmen.

6
πάντες ὡς πρόβατα ἐπλανήθημεν, ἄνθρωπος τῇ ὁδῷ αὐτοῦ ἐπλανήθη· καὶ κύριος παρέδωκεν αὐτὸν ταῖς ἁμαρτίαις ἡμῶν.

pántes hōs próbata eplanḗthēmen, ánthrōpos tē̂i hodō̂i autoû eplanḗthē: kaì kýrios parédōken autòn taîs hamartíais hēmō̂n.

7
καὶ αὐτὸς διὰ τὸ κεκακῶσθαι οὐκ ἀνοίγει τὸ στόμα· ὡς πρόβατον ἐπὶ σϕαγὴν ἤχθη καὶ ὡς ἀμνὸς ἐναντίον τοῦ κείροντος αὐτὸν ἄϕωνος οὕτως οὐκ ἀνοίγει τὸ στόμα αὐτοῦ.

kaì autòs dià tò kekakō̂sthai ouk anoígei tò stóma: hōs próbaton epì sphagḕn ḗchthē kaì hōs amnòs enantíon toû keírontos autòn áphōnos hoútōs ouk anoígei tò stóma autoû.

8
ἐν τῇ ταπεινώσει ἡ κρίσις αὐτοῦ ἤρθη· τὴν γενεὰν αὐτοῦ τίς διηγήσεται; ὅτι αἴρεται ἀπὸ τῆς γῆς ἡ ζωὴ αὐτοῦ, ἀπὸ τῶν ἀνομιῶν τοῦ λαοῦ μου ἤχθη εἰς θάνατον.

en tē̂i tapeinṓsei hē krísis autoû ḗrthē: tḕn geneàn autoû tís diēgḗsetai? hóti aíretai apò tē̂s gē̂s hē zōḕ autoû, apò tō̂n anomiō̂n toû laoû mou ḗchthē eis thánaton.

9
καὶ δώσω τοὺς πονηροὺς ἀντὶ τῆς ταϕῆς αὐτοῦ καὶ τοὺς πλουσίους ἀντὶ τοῦ θανάτου αὐτοῦ· ὅτι ἀνομίαν οὐκ ἐποίησεν, οὐδὲ εὑρέθη δόλος ἐν τῷ στόματι αὐτοῦ.

kaì dṓsō toùs ponēroùs antì tē̂s taphē̂s autoû kaì toùs plousíous antì toû thanátou autoû: hóti anomían ouk epoíēsen, oudè heuréthē dólos en tō̂i stómati autoû.

10
καὶ κύριος βούλεται καθαρίσαι αὐτὸν τῆς πληγῆς· ἐὰν δῶτε περὶ ἁμαρτίας, ἡ ψυχὴ ὑμῶν ὄψεται σπέρμα μακρόβιον· καὶ βούλεται κύριος ἀϕελεῖν

kaì kýrios boúletai katharísai autòn tē̂s plēgē̂s: eàn dō̂te perì hamartías, hē psychḕ hymō̂n ópsetai spérma makróbion: kaì boúletai kýrios apheleîn

11
ἀπὸ τοῦ πόνου τῆς ψυχῆς αὐτοῦ, δεῖξαι αὐτῷ ϕῶς καὶ πλάσαι τῇ συνέσει, δικαιῶσαι δίκαιον εὖ δουλεύοντα πολλοῖς, καὶ τὰς ἁμαρτίας αὐτῶν αὐτὸς ἀνοίσει.

apò toû pónou tē̂s psychē̂s autoû, deîxai autō̂i phō̂s kaì plásai tē̂i synései, dikaiō̂sai díkaion eû douleúonta polloîs, kaì tàs hamartías autō̂n autòs anoísei.

12
διὰ τοῦτο αὐτὸς κληρονομήσει πολλοὺς καὶ τῶν ἰσχυρῶν μεριεῖ σκῦλα, ἀνθ’ ὧν παρεδόθη εἰς θάνατον ἡ ψυχὴ αὐτοῦ, καὶ ἐν τοῖς ἀνόμοις ἐλογίσθη· καὶ αὐτὸς ἁμαρτίας πολλῶν ἀνήνεγκεν καὶ διὰ τὰς ἁμαρτίας αὐτῶν παρεδόθη.

dià toûto autòs klēronomḗsei polloùs kaì tō̂n ischyrō̂n merieî skŷla, anth’ hō̂n paredóthē eis thánaton hē psychḕ autoû, kaì en toîs anómois elogísthē: kaì autòs hamartías pollō̂n anḗnenken kaì dià tàs hamartías autō̂n paredóthē.