Bibles en langues anciennes
Traductions anciennes
Traductions modernes

Septante Psaumes 78, 6

Pentateuque
Livres historiques
Écrits poétiques
Livres prophétiques
Chapitre
Versets
1
Ψαλμὸς τῷ Ασαϕ. ‘Ο θεός, ἤλθοσαν ἔθνη εἰς τὴν κληρονομίαν σου, ἐμίαναν τὸν ναὸν τὸν ἅγιόν σου, ἔθεντο Ιερουσαλημ εἰς ὀπωροϕυλάκιον.

Psalmòs tō̂i Asaph. ‘O theós, ḗlthosan éthnē eis tḕn klēronomían sou, emíanan tòn naòn tòn hágión sou, éthento Ierousalēm eis opōrophylákion.

2
ἔθεντο τὰ θνησιμαῖα τῶν δούλων σου βρώματα τοῖς πετεινοῖς τοῦ οὐρανοῦ, τὰς σάρκας τῶν ὁσίων σου τοῖς θηρίοις τῆς γῆς·

éthento tà thnēsimaîa tō̂n doúlōn sou brṓmata toîs peteinoîs toû ouranoû, tàs sárkas tō̂n hosíōn sou toîs thēríois tē̂s gē̂s:

3
ἐξέχεαν τὸ αἷμα αὐτῶν ὡς ὕδωρ κύκλῳ Ιερουσαλημ, καὶ οὐκ ἦν ὁ θάπτων.

exéchean tò haîma autō̂n hōs hýdōr kýklōi Ierousalēm, kaì ouk ē̂n ho tháptōn.

4
ἐγενήθημεν ὄνειδος τοῖς γείτοσιν ἡμῶν, μυκτηρισμὸς καὶ χλευασμὸς τοῖς κύκλῳ ἡμῶν.

egenḗthēmen óneidos toîs geítosin hēmō̂n, myktērismòs kaì chleuasmòs toîs kýklōi hēmō̂n.

5
ἕως πότε, κύριε, ὀργισθήσῃ εἰς τέλος, ἐκκαυθήσεται ὡς πῦρ ὁ ζῆλός σου;

héōs póte, kýrie, orgisthḗsēi eis télos, ekkauthḗsetai hōs pŷr ho zē̂lós sou?

6
ἔκχεον τὴν ὀργήν σου ἐπὶ ἔθνη τὰ μὴ γινώσκοντά σε καὶ ἐπὶ βασιλείας, αἳ τὸ ὄνομά σου οὐκ ἐπεκαλέσαντο,

ékcheon tḕn orgḗn sou epì éthnē tà mḕ ginṓskontá se kaì epì basileías, haì tò ónomá sou ouk epekalésanto,

7
ὅτι κατέϕαγον τὸν Ιακωβ καὶ τὸν τόπον αὐτοῦ ἠρήμωσαν.

hóti katéphagon tòn Iakōb kaì tòn tópon autoû ērḗmōsan.

8
μὴ μνησθῇς ἡμῶν ἀνομιῶν ἀρχαίων· ταχὺ προκαταλαβέτωσαν ἡμᾶς οἱ οἰκτιρμοί σου, ὅτι ἐπτωχεύσαμεν σϕόδρα.

mḕ mnēsthē̂is hēmō̂n anomiō̂n archaíōn: tachỳ prokatalabétōsan hēmâs hoi oiktirmoí sou, hóti eptōcheúsamen sphódra.

9
βοήθησον ἡμῖν, ὁ θεὸς ὁ σωτὴρ ἡμῶν· ἕνεκα τῆς δόξης τοῦ ὀνόματός σου, κύριε, ῥῦσαι ἡμᾶς καὶ ἱλάσθητι ταῖς ἁμαρτίαις ἡμῶν ἕνεκα τοῦ ὀνόματός σου,

boḗthēson hēmîn, ho theòs ho sōtḕr hēmō̂n: héneka tē̂s dóxēs toû onómatós sou, kýrie, rhŷsai hēmâs kaì hilásthēti taîs hamartíais hēmō̂n héneka toû onómatós sou,

10
μήποτε εἴπωσιν τὰ ἔθνη Ποῦ ἐστιν ὁ θεὸς αὐτῶν; καὶ γνωσθήτω ἐν τοῖς ἔθνεσιν ἐνώπιον τῶν ὀϕθαλμῶν ἡμῶν ἡ ἐκδίκησις τοῦ αἵματος τῶν δούλων σου τοῦ ἐκκεχυμένου.

mḗpote eípōsin tà éthnē Poû estin ho theòs autō̂n? kaì gnōsthḗtō en toîs éthnesin enṓpion tō̂n ophthalmō̂n hēmō̂n hē ekdíkēsis toû haímatos tō̂n doúlōn sou toû ekkechyménou.

11
εἰσελθάτω ἐνώπιόν σου ὁ στεναγμὸς τῶν πεπεδημένων, κατὰ τὴν μεγαλωσύνην τοῦ βραχίονός σου περιποίησαι τοὺς υἱοὺς τῶν τεθανατωμένων.

eiselthátō enṓpión sou ho stenagmòs tō̂n pepedēménōn, katà tḕn megalōsýnēn toû brachíonós sou peripoíēsai toùs hyioùs tō̂n tethanatōménōn.

12
ἀπόδος τοῖς γείτοσιν ἡμῶν ἑπταπλασίονα εἰς τὸν κόλπον αὐτῶν τὸν ὀνειδισμὸν αὐτῶν, ὃν ὠνείδισάν σε, κύριε.

apódos toîs geítosin hēmō̂n heptaplasíona eis tòn kólpon autō̂n tòn oneidismòn autō̂n, hòn ōneídisán se, kýrie.

13
ἡμεῖς δὲ λαός σου καὶ πρόβατα τῆς νομῆς σου ἀνθομολογησόμεθά σοι εἰς τὸν αἰῶνα, εἰς γενεὰν καὶ γενεὰν ἐξαγγελοῦμεν τὴν αἴνεσίν σου.

hēmeîs dè laós sou kaì próbata tē̂s nomē̂s sou anthomologēsómethá soi eis tòn aiō̂na, eis geneàn kaì geneàn exangeloûmen tḕn aínesín sou.