Bibles en langues anciennes
Traductions anciennes
Traductions modernes

Septante Psaumes 98

Pentateuque
Livres historiques
Écrits poétiques
Livres prophétiques
Chapitre
Versets
1
Ψαλμὸς τῷ Δαυιδ. ‘Ο κύριος ἐβασίλευσεν, ὀργιζέσθωσαν λαοί· ὁ καθήμενος ἐπὶ τῶν χερουβιν, σαλευθήτω ἡ γῆ.

Psalmòs tō̂i Dauid. ‘O kýrios ebasíleusen, orgizésthōsan laoí: ho kathḗmenos epì tō̂n cheroubin, saleuthḗtō hē gē̂.

2
κύριος ἐν Σιων μέγας καὶ ὑψηλός ἐστιν ἐπὶ πάντας τοὺς λαούς·

kýrios en Siōn mégas kaì hypsēlós estin epì pántas toùs laoús:

3
ἐξομολογησάσθωσαν τῷ ὀνόματί σου τῷ μεγάλῳ, ὅτι ϕοβερὸν καὶ ἅγιόν ἐστιν.

exomologēsásthōsan tō̂i onómatí sou tō̂i megálōi, hóti phoberòn kaì hágión estin.

4
καὶ τιμὴ βασιλέως κρίσιν ἀγαπᾷ· σὺ ἡτοίμασας εὐθύτητας, κρίσιν καὶ δικαιοσύνην ἐν Ιακωβ σὺ ἐποίησας.

kaì timḕ basiléōs krísin agapā̂i: sỳ hētoímasas euthýtētas, krísin kaì dikaiosýnēn en Iakōb sỳ epoíēsas.

5
ὑψοῦτε κύριον τὸν θεὸν ἡμῶν καὶ προσκυνεῖτε τῷ ὑποποδίῳ τῶν ποδῶν αὐτοῦ, ὅτι ἅγιός ἐστιν.

hypsoûte kýrion tòn theòn hēmō̂n kaì proskyneîte tō̂i hypopodíōi tō̂n podō̂n autoû, hóti hágiós estin.

6
Μωυσῆς καὶ Ααρων ἐν τοῖς ἱερεῦσιν αὐτοῦ, καὶ Σαμουηλ ἐν τοῖς ἐπικαλουμένοις τὸ ὄνομα αὐτοῦ· ἐπεκαλοῦντο τὸν κύριον, καὶ αὐτὸς ἐπήκουσεν αὐτῶν,

Mōysē̂s kaì Aarōn en toîs hiereûsin autoû, kaì Samouēl en toîs epikalouménois tò ónoma autoû: epekaloûnto tòn kýrion, kaì autòs epḗkousen autō̂n,

7
ἐν στύλῳ νεϕέλης ἐλάλει πρὸς αὐτούς· ἐϕύλασσον τὰ μαρτύρια αὐτοῦ καὶ τὰ προστάγματα, ἃ ἔδωκεν αὐτοῖς.

en stýlōi nephélēs elálei pròs autoús: ephýlasson tà martýria autoû kaì tà prostágmata, hà édōken autoîs.

8
κύριε ὁ θεὸς ἡμῶν, σὺ ἐπήκουες αὐτῶν· ὁ θεός, σὺ εὐίλατος ἐγίνου αὐτοῖς καὶ ἐκδικῶν ἐπὶ πάντα τὰ ἐπιτηδεύματα αὐτῶν.

kýrie ho theòs hēmō̂n, sỳ epḗkoues autō̂n: ho theós, sỳ euílatos egínou autoîs kaì ekdikō̂n epì pánta tà epitēdeúmata autō̂n.

9
ὑψοῦτε κύριον τὸν θεὸν ἡμῶν καὶ προσκυνεῖτε εἰς ὄρος ἅγιον αὐτοῦ, ὅτι ἅγιος κύριος ὁ θεὸς ἡμῶν.

hypsoûte kýrion tòn theòn hēmō̂n kaì proskyneîte eis óros hágion autoû, hóti hágios kýrios ho theòs hēmō̂n.