Bibles en langues anciennes
Traductions anciennes
Traductions modernes

Septante Psaumes de Salomon 11

Pentateuque
Livres historiques
Écrits poétiques
Livres prophétiques
Chapitre
Versets
0
Τῷ Σαλωμων· εἰς προσδοκίαν.

Tō̂i Salōmōn: eis prosdokían.

1
Σαλπίσατε ἐν Σιων ἐν σάλπιγγι σημασίας ἁγίων, κηρύξατε ἐν Ιερουσαλημ ϕωνὴν εὐαγγελιζομένου· ὅτι ἠλέησεν ὁ θεὸς Ισραηλ ἐν τῇ ἐπισκοπῇ αὐτῶν.

Salpísate en Siōn en sálpingi sēmasías hagíōn, kērýxate en Ierousalēm phōnḕn euangelizoménou: hóti ēléēsen ho theòs Israēl en tē̂i episkopē̂i autō̂n.

2
στῆθι, Ιερουσαλημ, ἐϕ’ ὑψηλοῦ καὶ ἰδὲ τὰ τέκνα σου ἀπὸ ἀνατολῶν καὶ δυσμῶν συνηγμένα εἰς ἅπαξ ὑπὸ κυρίου.

stē̂thi, Ierousalēm, eph’ hypsēloû kaì idè tà tékna sou apò anatolō̂n kaì dysmō̂n synēgména eis hápax hypò kyríou.

3
ἀπὸ βορρᾶ ἔρχονται τῇ εὐϕροσύνῃ τοῦ θεοῦ αὐτῶν, ἐκ νήσων μακρόθεν συνήγαγεν αὐτοὺς ὁ θεός.

apò borrâ érchontai tē̂i euphrosýnēi toû theoû autō̂n, ek nḗsōn makróthen synḗgagen autoùs ho theós.

4
ὄρη ὑψηλὰ ἐταπείνωσεν εἰς ὁμαλισμὸν αὐτοῖς, οἱ βουνοὶ ἐϕύγοσαν ἀπὸ εἰσόδου αὐτῶν·

órē hypsēlà etapeínōsen eis homalismòn autoîs, hoi bounoì ephýgosan apò eisódou autō̂n:

5
οἱ δρυμοὶ ἐσκίασαν αὐτοῖς ἐν τῇ παρόδῳ αὐτῶν, πᾶν ξύλον εὐωδίας ἀνέτειλεν αὐτοῖς ὁ θεός,

hoi drymoì eskíasan autoîs en tē̂i paródōi autō̂n, pân xýlon euōdías anéteilen autoîs ho theós,

6
ἵνα παρέλθῃ Ισραηλ ἐν ἐπισκοπῇ δόξης θεοῦ αὐτῶν.

hína parélthēi Israēl en episkopē̂i dóxēs theoû autō̂n.

7
῎Ενδυσαι, Ιερουσαλημ, τὰ ἱμάτια τῆς δόξης σου, ἑτοίμασον τὴν στολὴν τοῦ ἁγιάσματός σου· ὅτι ὁ θεὸς ἐλάλησεν ἀγαθὰ Ισραηλ εἰς τὸν αἰῶνα καὶ ἔτι.

῎Endysai, Ierousalēm, tà himátia tē̂s dóxēs sou, hetoímason tḕn stolḕn toû hagiásmatós sou: hóti ho theòs elálēsen agathà Israēl eis tòn aiō̂na kaì éti.

8
ποιήσαι κύριος ἃ ἐλάλησεν ἐπὶ Ισραηλ καὶ Ιερουσαλημ, ἀναστήσαι κύριος τὸν Ισραηλ ἐν ὀνόματι δόξης αὐτοῦ·

poiḗsai kýrios hà elálēsen epì Israēl kaì Ierousalēm, anastḗsai kýrios tòn Israēl en onómati dóxēs autoû:

9
τοῦ κυρίου τὸ ἔλεος ἐπὶ τὸν Ισραηλ εἰς τὸν αἰῶνα καὶ ἔτι.

toû kyríou tò éleos epì tòn Israēl eis tòn aiō̂na kaì éti.