Bibles en langues anciennes
Traductions anciennes
Traductions modernes

Septante Siracide 31, 19

Pentateuque
Livres historiques
Écrits poétiques
Livres prophétiques
Chapitre
Versets
1
’Αγρυπνία πλούτου ἐκτήκει σάρκας, καὶ ἡ μέριμνα αὐτοῦ ἀϕιστᾷ ὕπνον.

’Agrypnía ploútou ektḗkei sárkas, kaì hē mérimna autoû aphistā̂i hýpnon.

2
μέριμνα ἀγρυπνίας ἀποστήσει νυσταγμόν, καὶ ἀρρώστημα βαρὺ ἐκνήψει ὕπνον.

mérimna agrypnías apostḗsei nystagmón, kaì arrṓstēma barỳ eknḗpsei hýpnon.

3
ἐκοπίασεν πλούσιος ἐν συναγωγῇ χρημάτων καὶ ἐν τῇ ἀναπαύσει ἐμπίμπλαται τῶν τρυϕημάτων αὐτοῦ.

ekopíasen ploúsios en synagōgē̂i chrēmátōn kaì en tē̂i anapaúsei empímplatai tō̂n tryphēmátōn autoû.

4
ἐκοπίασεν πτωχὸς ἐν ἐλαττώσει βίου καὶ ἐν τῇ ἀναπαύσει ἐπιδεὴς γίνεται.

ekopíasen ptōchòs en elattṓsei bíou kaì en tē̂i anapaúsei epideḕs gínetai.

5
‘Ο ἀγαπῶν χρυσίον οὐ δικαιωθήσεται, καὶ ὁ διώκων διάϕορα ἐν αὐτοῖς πλανηθήσεται.

‘O agapō̂n chrysíon ou dikaiōthḗsetai, kaì ho diṓkōn diáphora en autoîs planēthḗsetai.

6
πολλοὶ ἐδόθησαν εἰς πτῶμα χάριν χρυσίου, καὶ ἐγενήθη ἡ ἀπώλεια αὐτῶν κατὰ πρόσωπον αὐτῶν.

polloì edóthēsan eis ptō̂ma chárin chrysíou, kaì egenḗthē hē apṓleia autō̂n katà prósōpon autō̂n.

7
ξύλον προσκόμματός ἐστιν τοῖς ἐνθουσιάζουσιν αὐτῷ, καὶ πᾶς ἄϕρων ἁλώσεται ἐν αὐτῷ.

xýlon proskómmatós estin toîs enthousiázousin autō̂i, kaì pâs áphrōn halṓsetai en autō̂i.

8
μακάριος πλούσιος, ὃς εὑρέθη ἄμωμος καὶ ὃς ὀπίσω χρυσίου οὐκ ἐπορεύθη·

makários ploúsios, hòs heuréthē ámōmos kaì hòs opísō chrysíou ouk eporeúthē:

9
τίς ἐστιν; καὶ μακαριοῦμεν αὐτόν· ἐποίησεν γὰρ θαυμάσια ἐν λαῷ αὐτοῦ.

tís estin? kaì makarioûmen autón: epoíēsen gàr thaumásia en laō̂i autoû.

10
τίς ἐδοκιμάσθη ἐν αὐτῷ καὶ ἐτελειώθη; καὶ ἔσται αὐτῷ εἰς καύχησιν. τίς ἐδύνατο παραβῆναι καὶ οὐ παρέβη, καὶ ποιῆσαι κακὰ καὶ οὐκ ἐποίησεν;

tís edokimásthē en autō̂i kaì eteleiṓthē? kaì éstai autō̂i eis kaúchēsin. tís edýnato parabē̂nai kaì ou parébē, kaì poiē̂sai kakà kaì ouk epoíēsen?

11
στερεωθήσεται τὰ ἀγαθὰ αὐτοῦ, καὶ τὰς ἐλεημοσύνας αὐτοῦ ἐκδιηγήσεται ἐκκλησία.

stereōthḗsetai tà agathà autoû, kaì tàs eleēmosýnas autoû ekdiēgḗsetai ekklēsía.

12
’Επὶ τραπέζης μεγάλης ἐκάθισας; μὴ ἀνοίξῃς ἐπ’ αὐτῆς ϕάρυγγά σου καὶ μὴ εἴπῃς Πολλά γε τὰ ἐπ’ αὐτῆς·

’Epì trapézēs megálēs ekáthisas? mḕ anoíxēis ep’ autē̂s pháryngá sou kaì mḕ eípēis Pollá ge tà ep’ autē̂s:

13
μνήσθητι ὅτι κακὸν ὀϕθαλμὸς πονηρός. πονηρότερον ὀϕθαλμοῦ τί ἔκτισται; διὰ τοῦτο ἀπὸ παντὸς προσώπου δακρύει.

mnḗsthēti hóti kakòn ophthalmòs ponērós. ponēróteron ophthalmoû tí éktistai? dià toûto apò pantòs prosṓpou dakrýei.

14
οὗ ἐὰν ἐπιβλέψῃ, μὴ ἐκτείνῃς χεῖρα καὶ μὴ συνθλίβου αὐτῷ ἐν τρυβλίῳ.

hoû eàn epiblépsēi, mḕ ekteínēis cheîra kaì mḕ synthlíbou autō̂i en tryblíōi.

15
νόει τὰ τοῦ πλησίον ἐκ σεαυτοῦ καὶ ἐπὶ παντὶ πράγματι διανοοῦ.

nóei tà toû plēsíon ek seautoû kaì epì pantì prágmati dianooû.

16
ϕάγε ὡς ἄνθρωπος τὰ παρακείμενά σοι καὶ μὴ διαμασῶ, μὴ μισηθῇς.

pháge hōs ánthrōpos tà parakeímená soi kaì mḕ diamasō̂, mḕ misēthē̂is.

17
παῦσαι πρῶτος χάριν παιδείας καὶ μὴ ἀπληστεύου, μήποτε προσκόψῃς·

paûsai prō̂tos chárin paideías kaì mḕ aplēsteúou, mḗpote proskópsēis:

18
καὶ εἰ ἀνὰ μέσον πλειόνων ἐκάθισας, πρότερος αὐτῶν μὴ ἐκτείνῃς τὴν χεῖρά σου.

kaì ei anà méson pleiónōn ekáthisas, próteros autō̂n mḕ ekteínēis tḕn cheîrá sou.

19
‘Ως ἱκανὸν ἀνθρώπῳ πεπαιδευμένῳ τὸ ὀλίγον, καὶ ἐπὶ τῆς κοίτης αὐτοῦ οὐκ ἀσθμαίνει.

‘Ōs hikanòn anthrṓpōi pepaideuménōi tò olígon, kaì epì tē̂s koítēs autoû ouk asthmaínei.

20
ὕπνος ὑγιείας ἐπὶ ἐντέρῳ μετρίῳ· ἀνέστη πρωί, καὶ ἡ ψυχὴ αὐτοῦ μετ’ αὐτοῦ. πόνος ἀγρυπνίας καὶ χολέρας καὶ στρόϕος μετὰ ἀνδρὸς ἀπλήστου·

hýpnos hygieías epì entérōi metríōi: anéstē prōí, kaì hē psychḕ autoû met’ autoû. pónos agrypnías kaì choléras kaì stróphos metà andròs aplḗstou:

21
καὶ εἰ ἐβιάσθης ἐν ἐδέσμασιν, ἀνάστα ἔμεσον πόρρω, καὶ ἀναπαύσῃ.

kaì ei ebiásthēs en edésmasin, anásta émeson pórrō, kaì anapaúsēi.

22
ἄκουσόν μου, τέκνον, καὶ μὴ ἐξουδενήσῃς με, καὶ ἐπ’ ἐσχάτων εὑρήσεις τοὺς λόγους μου· ἐν πᾶσι τοῖς ἔργοις σου γίνου ἐντρεχής, καὶ πᾶν ἀρρώστημα οὐ μή σοι ἀπαντήσῃ.

ákousón mou, téknon, kaì mḕ exoudenḗsēis me, kaì ep’ eschátōn heurḗseis toùs lógous mou: en pâsi toîs érgois sou gínou entrechḗs, kaì pân arrṓstēma ou mḗ soi apantḗsēi.

23
λαμπρὸν ἐπ’ ἄρτοις εὐλογήσει χείλη, καὶ ἡ μαρτυρία τῆς καλλονῆς αὐτοῦ πιστή.

lampròn ep’ ártois eulogḗsei cheílē, kaì hē martyría tē̂s kallonē̂s autoû pistḗ.

24
πονηρῷ ἐπ’ ἄρτῳ διαγογγύσει πόλις, καὶ ἡ μαρτυρία τῆς πονηρίας αὐτοῦ ἀκριβής.

ponērō̂i ep’ ártōi diagongýsei pólis, kaì hē martyría tē̂s ponērías autoû akribḗs.

25
’Εν οἴνῳ μὴ ἀνδρίζου· πολλοὺς γὰρ ἀπώλεσεν ὁ οἶνος.

’En oínōi mḕ andrízou: polloùs gàr apṓlesen ho oînos.

26
κάμινος δοκιμάζει στόμωμα ἐν βαϕῇ, οὕτως οἶνος καρδίας ἐν μάχῃ ὑπερηϕάνων.

káminos dokimázei stómōma en baphē̂i, hoútōs oînos kardías en máchēi hyperēphánōn.

27
ἔϕισον ζωῆς οἶνος ἀνθρώποις, ἐὰν πίνῃς αὐτὸν ἐν μέτρῳ αὐτοῦ. τίς ζωὴ ἐλασσουμένῳ οἴνῳ; καὶ αὐτὸς ἔκτισται εἰς εὐϕροσύνην ἀνθρώποις.

éphison zōē̂s oînos anthrṓpois, eàn pínēis autòn en métrōi autoû. tís zōḕ elassouménōi oínōi? kaì autòs éktistai eis euphrosýnēn anthrṓpois.

28
ἀγαλλίαμα καρδίας καὶ εὐϕροσύνη ψυχῆς οἶνος πινόμενος ἐν καιρῷ αὐτάρκης·

agallíama kardías kaì euphrosýnē psychē̂s oînos pinómenos en kairō̂i autárkēs:

29
πικρία ψυχῆς οἶνος πινόμενος πολὺς ἐν ἐρεθισμῷ καὶ ἀντιπτώματι.

pikría psychē̂s oînos pinómenos polỳs en erethismō̂i kaì antiptṓmati.

30
πληθύνει μέθη θυμὸν ἄϕρονος εἰς πρόσκομμα ἐλαττῶν ἰσχὺν καὶ προσποιῶν τραύματα.

plēthýnei méthē thymòn áphronos eis próskomma elattō̂n ischỳn kaì prospoiō̂n traúmata.

31
ἐν συμποσίῳ οἴνου μὴ ἐλέγξῃς τὸν πλησίον καὶ μὴ ἐξουθενήσῃς αὐτὸν ἐν εὐϕροσύνῃ αὐτοῦ· λόγον ὀνειδισμοῦ μὴ εἴπῃς αὐτῷ καὶ μὴ αὐτὸν θλίψῃς ἐν ἀπαιτήσει.

en symposíōi oínou mḕ elénxēis tòn plēsíon kaì mḕ exouthenḗsēis autòn en euphrosýnēi autoû: lógon oneidismoû mḕ eípēis autō̂i kaì mḕ autòn thlípsēis en apaitḗsei.