Bibles en langues anciennes
Traductions anciennes
Traductions modernes

Biblia Hebraica Stuttgartensia 2 Rois 5

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וְ֠נַעֲמָן שַׂר־צְבָ֨א מֶֽלֶךְ־אֲרָ֜ם הָיָ֣ה אִישׁ֩ גָּדֹ֨ול לִפְנֵ֤י אֲדֹנָיו֙ וּנְשֻׂ֣א פָנִ֔ים כִּֽי־בֹ֛ו נָֽתַן־יְהוָ֥ה תְּשׁוּעָ֖ה לַאֲרָ֑ם וְהָאִ֗ישׁ הָיָ֛ה גִּבֹּ֥ור חַ֖יִל מְצֹרָֽע׃

wĕ֠naʻàmán şâr־ẕĕbá֨ʼ meֽlekĕ־ʼàrá֜m háyá֣h ʼiyş̌֩ gá̇dò֨wl lipĕné֤y ʼàdònáyw֙ ẇnĕşû֣ʼ páni֔ym kiֽ̇y־bò֛w náֽţan־yĕhwá֥h ţĕ̇ş̌ẇʻá֖h laʼàrá֑m wĕháʼi֗yş̌ háyá֛h gi̇bò֥̇wr ẖa֖yil mĕẕòráֽʻ׃

2
וַאֲרָם֙ יָצְא֣וּ גְדוּדִ֔ים וַיִּשְׁבּ֛וּ מֵאֶ֥רֶץ יִשְׂרָאֵ֖ל נַעֲרָ֣ה קְטַנָּ֑ה וַתְּהִ֕י לִפְנֵ֖י אֵ֥שֶׁת נַעֲמָֽן׃

waʼàrám֙ yáẕĕʼ֣ẇ gĕdẇdi֔ym wayi̇şĕ̌ḃ֛ẇ méʼe֥reẕ yişĕ̂ráʼé֖l naʻàrá֣h qĕtaná֑̇h waţĕ̇hi֕y lipĕné֖y ʼé֥şěţ naʻàmáֽn׃

3
וַתֹּ֨אמֶר֙ אֶל־גְּבִרְתָּ֔הּ אַחֲלֵ֣י אֲדֹנִ֔י לִפְנֵ֥י הַנָּבִ֖יא אֲשֶׁ֣ר בְּשֹׁמְרֹ֑ון אָ֛ז יֶאֱסֹ֥ף אֹתֹ֖ו מִצָּרַעְתֹּֽו׃

waţò̇֨ʼmer֙ ʼel־gĕ̇birĕţá̇֔ḣ ʼaẖàlé֣y ʼàdòni֔y lipĕné֥y haná̇bi֖yʼ ʼàşě֣r bĕ̇şò̌mĕrò֑wn ʼá֛z yeʼèsò֥p ʼòţò֖w miẕá̇raʻĕţòֽ̇w׃

4
וַיָּבֹ֕א וַיַּגֵּ֥ד לַאדֹנָ֖יו לֵאמֹ֑ר כָּזֹ֤את וְכָזֹאת֙ דִּבְּרָ֣ה הַֽנַּעֲרָ֔ה אֲשֶׁ֖ר מֵאֶ֥רֶץ יִשְׂרָאֵֽל׃

wayá̇bò֕ʼ wayȧgé֥̇d laʼdòná֖yw léʼmò֑r ká̇zò֤ʼţ wĕkázòʼţ֙ di̇bĕ̇rá֣h haֽnȧʻàrá֔h ʼàşě֖r méʼe֥reẕ yişĕ̂ráʼéֽl׃

5
וַיֹּ֤אמֶר מֶֽלֶךְ־אֲרָם֙ לֶךְ־בֹּ֔א וְאֶשְׁלְחָ֥ה סֵ֖פֶר אֶל־מֶ֣לֶךְ יִשְׂרָאֵ֑ל וַיֵּלֶךְ֩ וַיִּקַּ֨ח בְּיָדֹ֜ו עֶ֣שֶׂר כִּכְּרֵי־כֶ֗סֶף וְשֵׁ֤שֶׁת אֲלָפִים֙ זָהָ֔ב וְעֶ֖שֶׂר חֲלִיפֹ֥ות בְּגָדִֽים׃

wayò֤̇ʼmer meֽlekĕ־ʼàrám֙ lekĕ־bò̇֔ʼ wĕʼeşĕ̌lĕẖá֥h sé֖per ʼel־me֣lekĕ yişĕ̂ráʼé֑l wayé̇lekĕ֩ wayi̇qȧ֨ẖ bĕ̇yádò֜w ʻe֣şêr ki̇kĕ̇réy־ke֗sep wĕşé֤̌şěţ ʼàlápiym֙ záhá֔b wĕʻe֖şêr ẖàliypò֥wţ bĕ̇gádiֽym׃

6
וַיָּבֵ֣א הַסֵּ֔פֶר אֶל־מֶ֥לֶךְ יִשְׂרָאֵ֖ל לֵאמֹ֑ר וְעַתָּ֗ה כְּבֹ֨וא הַסֵּ֤פֶר הַזֶּה֙ אֵלֶ֔יךָ הִנֵּ֨ה שָׁלַ֤חְתִּי אֵלֶ֨יךָ֙ אֶת־נַעֲמָ֣ן עַבְדִּ֔י וַאֲסַפְתֹּ֖ו מִצָּרַעְתֹּֽו׃

wayá̇bé֣ʼ hasé̇֔per ʼel־me֥lekĕ yişĕ̂ráʼé֖l léʼmò֑r wĕʻaţá̇֗h kĕ̇bò֨wʼ hasé֤̇per hazėh֙ ʼéle֔yká hiné̇֨h şá̌la֤ẖĕţi̇y ʼéle֨yká֙ ʼeţ־naʻàmá֣n ʻabĕdi̇֔y waʼàsapĕţò֖̇w miẕá̇raʻĕţòֽ̇w׃

7
וַיְהִ֡י כִּקְרֹא֩ מֶֽלֶךְ־יִשְׂרָאֵ֨ל אֶת־הַסֵּ֜פֶר וַיִּקְרַ֣ע בְּגָדָ֗יו וַיֹּ֨אמֶר֙ הַאֱלֹהִ֥ים אָ֨נִי֙ לְהָמִ֣ית וּֽלְהַחֲיֹ֔ות כִּֽי־זֶה֙ שֹׁלֵ֣חַ אֵלַ֔י לֶאֱסֹ֥ף אִ֖ישׁ מִצָּֽרַעְתֹּ֑ו כִּ֤י אַךְ־דְּעֽוּ־נָא֙ וּרְא֔וּ כִּֽי־מִתְאַנֶּ֥ה ה֖וּא לִֽי׃

wayĕhi֡y ki̇qĕròʼ֩ meֽlekĕ־yişĕ̂ráʼé֨l ʼeţ־hasé̇֜per wayi̇qĕra֣ʻ bĕ̇gádá֗yw wayò̇֨ʼmer֙ haʼèlòhi֥ym ʼá֨niy֙ lĕhámi֣yţ ẇֽlĕhaẖàyò֔wţ kiֽ̇y־zeh֙ şò̌lé֣ẖa ʼéla֔y leʼèsò֥p ʼi֖yş̌ miẕáֽ̇raʻĕţò֑̇w ki֤̇y ʼakĕ־dĕ̇ʻֽẇ־náʼ֙ ẇrĕʼ֔ẇ kiֽ̇y־miţĕʼanė֥h h֖ẇʼ liֽy׃

8
וַיְהִ֞י כִּשְׁמֹ֣עַ׀ אֱלִישָׁ֣ע אִישׁ־הָאֱלֹהִ֗ים כִּֽי־קָרַ֤ע מֶֽלֶךְ־יִשְׂרָאֵל֙ אֶת־בְּגָדָ֔יו וַיִּשְׁלַח֙ אֶל־הַמֶּ֣לֶךְ לֵאמֹ֔ר לָ֥מָּה קָרַ֖עְתָּ בְּגָדֶ֑יךָ יָבֹֽא־נָ֣א אֵלַ֔י וְיֵדַ֕ע כִּ֛י יֵ֥שׁ נָבִ֖יא בְּיִשְׂרָאֵֽל׃

wayĕhi֞y ki̇şĕ̌mò֣ʻa׀ ʼèliyşá֣̌ʻ ʼiyş̌־háʼèlòhi֗ym kiֽ̇y־qára֤ʻ meֽlekĕ־yişĕ̂ráʼél֙ ʼeţ־bĕ̇gádá֔yw wayi̇şĕ̌laẖ֙ ʼel־hamė֣lekĕ léʼmò֔r lá֥má̇h qára֖ʻĕţá̇ bĕ̇gáde֑yká yábòֽʼ־ná֣ʼ ʼéla֔y wĕyéda֕ʻ ki֛̇y yé֥ş̌ nábi֖yʼ bĕ̇yişĕ̂ráʼéֽl׃

9
וַיָּבֹ֥א נַעֲמָ֖ן בְּסוּסֹו וּבְרִכְבֹּ֑ו וַיַּעֲמֹ֥ד פֶּֽתַח־הַבַּ֖יִת לֶאֱלִישָֽׁע׃

wayá̇bò֥ʼ naʻàmá֖n bĕ̇sẇsòw ẇbĕrikĕbò֑̇w wayȧʻàmò֥d pėֽţaẖ־habȧ֖yiţ leʼèliyşáֽ̌ʻ׃

10
וַיִּשְׁלַ֥ח אֵלָ֛יו אֱלִישָׁ֖ע מַלְאָ֣ךְ לֵאמֹ֑ר הָלֹ֗וךְ וְרָחַצְתָּ֤ שֶֽׁבַע־פְּעָמִים֙ בַּיַּרְדֵּ֔ן וְיָשֹׁ֧ב בְּשָׂרְךָ֛ לְךָ֖ וּטְהָֽר׃

wayi̇şĕ̌la֥ẖ ʼélá֛yw ʼèliyşá֖̌ʻ malĕʼá֣kĕ léʼmò֑r hálò֗wkĕ wĕráẖaẕĕţá֤̇ şěֽbaʻ־pĕ̇ʻámiym֙ bȧyȧrĕdé̇֔n wĕyáşò֧̌b bĕ̇şá̂rĕká֛ lĕká֖ ẇtĕháֽr׃

11
וַיִּקְצֹ֥ף נַעֲמָ֖ן וַיֵּלַ֑ךְ וַיֹּאמֶר֩ הִנֵּ֨ה אָמַ֜רְתִּי אֵלַ֣י׀ יֵצֵ֣א יָצֹ֗וא וְעָמַד֙ וְקָרָא֙ בְּשֵׁם־יְהוָ֣ה אֱלֹהָ֔יו וְהֵנִ֥יף יָדֹ֛ו אֶל־הַמָּקֹ֖ום וְאָסַ֥ף הַמְּצֹרָֽע׃

wayi̇qĕẕò֥p naʻàmá֖n wayé̇la֑kĕ wayò̇ʼmer֩ hiné̇֨h ʼáma֜rĕţi̇y ʼéla֣y׀ yéẕé֣ʼ yáẕò֗wʼ wĕʻámad֙ wĕqáráʼ֙ bĕ̇şé̌m־yĕhwá֣h ʼèlòhá֔yw wĕhéni֥yp yádò֛w ʼel־hamá̇qò֖wm wĕʼása֥p hamĕ̇ẕòráֽʻ׃

12
הֲלֹ֡א טֹוב֩ אֲבָנָה וּפַרְפַּ֜ר נַהֲרֹ֣ות דַּמֶּ֗שֶׂק מִכֹּל֙ מֵימֵ֣י יִשְׂרָאֵ֔ל הֲלֹֽא־אֶרְחַ֥ץ בָּהֶ֖ם וְטָהָ֑רְתִּי וַיִּ֖פֶן וַיֵּ֥לֶךְ בְּחֵמָֽה׃

hàlò֡ʼ tòwb֩ ʼàbánáh ẇparĕpȧ֜r nahàrò֣wţ dȧmė֗şêq mikò̇l֙ méymé֣y yişĕ̂ráʼé֔l hàlòֽʼ־ʼerĕẖa֥ẕ bá̇he֖m wĕtáhá֑rĕţi̇y wayi֖̇pen wayé֥̇lekĕ bĕ̇ẖémáֽh׃

13
וַיִּגְּשׁ֣וּ עֲבָדָיו֮ וַיְדַבְּר֣וּ אֵלָיו֒ וַיֹּאמְר֗וּ אָבִי֙ דָּבָ֣ר גָּדֹ֗ול הַנָּבִ֛יא דִּבֶּ֥ר אֵלֶ֖יךָ הֲלֹ֣וא תַעֲשֶׂ֑ה וְאַ֛ף כִּֽי־אָמַ֥ר אֵלֶ֖יךָ רְחַ֥ץ וּטְהָֽר׃

wayi̇gĕ̇ş֣̌ẇ ʻàbádáyw֮ wayĕdabĕ̇r֣ẇ ʼéláyw֒ wayò̇ʼmĕr֗ẇ ʼábiy֙ dá̇bá֣r gá̇dò֗wl haná̇bi֛yʼ di̇bė֥r ʼéle֖yká hàlò֣wʼ ţaʻàşê֑h wĕʼa֛p kiֽ̇y־ʼáma֥r ʼéle֖yká rĕẖa֥ẕ ẇtĕháֽr׃

14
וַיֵּ֗רֶד וַיִּטְבֹּ֤ל בַּיַּרְדֵּן֙ שֶׁ֣בַע פְּעָמִ֔ים כִּדְבַ֖ר אִ֣ישׁ הָאֱלֹהִ֑ים וַיָּ֣שָׁב בְּשָׂרֹ֗ו כִּבְשַׂ֛ר נַ֥עַר קָטֹ֖ן וַיִּטְהָֽר׃

wayé̇֗red wayi̇tĕbò֤̇l bȧyȧrĕdé̇n֙ şě֣baʻ pĕ̇ʻámi֔ym ki̇dĕba֖r ʼi֣yş̌ háʼèlòhi֑ym wayá֣̇şá̌b bĕ̇şá̂rò֗w ki̇bĕşâ֛r na֥ʻar qátò֖n wayi̇tĕháֽr׃

15
וַיָּשָׁב֩ אֶל־אִ֨ישׁ הָאֱלֹהִ֜ים ה֣וּא וְכָֽל־מַחֲנֵ֗הוּ וַיָּבֹא֮ וַיַּעֲמֹ֣ד לְפָנָיו֒ וַיֹּ֗אמֶר הִנֵּה־נָ֤א יָדַ֨עְתִּי֙ כִּ֣י אֵ֤ין אֱלֹהִים֙ בְּכָל־הָאָ֔רֶץ כִּ֖י אִם־בְּיִשְׂרָאֵ֑ל וְעַתָּ֛ה קַח־נָ֥א בְרָכָ֖ה מֵאֵ֥ת עַבְדֶּֽךָ׃

wayá̇şá̌b֩ ʼel־ʼi֨yş̌ háʼèlòhi֜ym h֣ẇʼ wĕkáֽl־maẖàné֗hẇ wayá̇bòʼ֮ wayȧʻàmò֣d lĕpánáyw֒ wayò̇֗ʼmer hiné̇h־ná֤ʼ yáda֨ʻĕţi̇y֙ ki֣̇y ʼé֤yn ʼèlòhiym֙ bĕ̇kál־háʼá֔reẕ ki֖̇y ʼim־bĕ̇yişĕ̂ráʼé֑l wĕʻaţá֛̇h qaẖ־ná֥ʼ bĕráká֖h méʼé֥ţ ʻabĕdėֽká׃

16
וַיֹּ֕אמֶר חַי־יְהוָ֛ה אֲשֶׁר־עָמַ֥דְתִּי לְפָנָ֖יו אִם־אֶקָּ֑ח וַיִּפְצַר־בֹּ֥ו לָקַ֖חַת וַיְמָאֵֽן׃

wayò̇֕ʼmer ẖay־yĕhwá֛h ʼàşěr־ʻáma֥dĕţi̇y lĕpáná֖yw ʼim־ʼeqá֑̇ẖ wayi̇pĕẕar־bò֥̇w láqa֖ẖaţ wayĕmáʼéֽn׃

17
וַיֹּאמֶר֮ נַעֲמָן֒ וָלֹ֕א יֻתַּן־נָ֣א לְעַבְדְּךָ֔ מַשָּׂ֥א צֶֽמֶד־פְּרָדִ֖ים אֲדָמָ֑ה כִּ֡י לֹֽוא־יַעֲשֶׂה֩ עֹ֨וד עַבְדְּךָ֜ עֹלָ֤ה וָזֶ֨בַח֙ לֵאלֹהִ֣ים אֲחֵרִ֔ים כִּ֖י אִם־לַיהוָֽה׃

wayò̇ʼmer֮ naʻàmán֒ wálò֕ʼ yuţȧn־ná֣ʼ lĕʻabĕdĕ̇ká֔ maşá֥̇̂ʼ ẕeֽmed־pĕ̇rádi֖ym ʼàdámá֑h ki̇֡y lòֽwʼ־yaʻàşêh֩ ʻò֨wd ʻabĕdĕ̇ká֜ ʻòlá֤h wáze֨baẖ֙ léʼlòhi֣ym ʼàẖéri֔ym ki֖̇y ʼim־layhwáֽh׃

18
לַדָּבָ֣ר הַזֶּ֔ה יִסְלַ֥ח יְהוָ֖ה לְעַבְדֶּ֑ךָ בְּבֹ֣וא אֲדֹנִ֣י בֵית־רִמֹּון֩ לְהִשְׁתַּחֲוֹ֨ת שָׁ֜מָּה וְה֣וּא׀ נִשְׁעָ֣ן עַל־יָדִ֗י וְהִֽשְׁתַּחֲוֵ֨יתִי֙ בֵּ֣ית רִמֹּ֔ן בְּהִשְׁתַּחֲוָיָ֨תִי֙ בֵּ֣ית רִמֹּ֔ן יִסְלַח־נא יְהוָ֥ה לְעַבְדְּךָ֖ בַּדָּבָ֥ר הַזֶּֽה׃

ladá̇bá֣r hazė֔h yisĕla֥ẖ yĕhwá֖h lĕʻabĕdė֑ká bĕ̇bò֣wʼ ʼàdòni֣y béyţ־rimò̇wn֩ lĕhişĕ̌ţȧẖàwò֨ţ şá̌֜má̇h wĕh֣ẇʼ׀ nişĕ̌ʻá֣n ʻal־yádi֗y wĕhiֽşĕ̌ţȧẖàwé֨yţiy֙ bé֣̇yţ rimò̇֔n bĕ̇hişĕ̌ţȧẖàwáyá֨ţiy֙ bé֣̇yţ rimò̇֔n yisĕlaẖ־nʼ yĕhwá֥h lĕʻabĕdĕ̇ká֖ bȧdá̇bá֥r hazėֽh׃

19
וַיֹּ֥אמֶר לֹ֖ו לֵ֣ךְ לְשָׁלֹ֑ום וַיֵּ֥לֶךְ מֵאִתֹּ֖ו כִּבְרַת־אָֽרֶץ׃ ס

wayò֥̇ʼmer lò֖w lé֣kĕ lĕşá̌lò֑wm wayé֥̇lekĕ méʼiţò֖̇w ki̇bĕraţ־ʼáֽreẕ׃ s

20
וַיֹּ֣אמֶר גֵּיחֲזִ֗י נַעַר֮ אֱלִישָׁ֣ע אִישׁ־הָאֱלֹהִים֒ הִנֵּ֣ה׀ חָשַׂ֣ךְ אֲדֹנִ֗י אֶֽת־נַעֲמָ֤ן הָֽאֲרַמִּי֙ הַזֶּ֔ה מִקַּ֥חַת מִיָּדֹ֖ו אֵ֣ת אֲשֶׁר־הֵבִ֑יא חַי־יְהוָה֙ כִּֽי־אִם־רַ֣צְתִּי אַחֲרָ֔יו וְלָקַחְתִּ֥י מֵאִתֹּ֖ו מְאֽוּמָה׃

wayò֣̇ʼmer gé̇yẖàzi֗y naʻar֮ ʼèliyşá֣̌ʻ ʼiyş̌־háʼèlòhiym֒ hiné֣̇h׀ ẖáşâ֣kĕ ʼàdòni֗y ʼeֽţ־naʻàmá֤n háֽʼàrami̇y֙ hazė֔h miqȧ֥ẖaţ miyá̇dò֖w ʼé֣ţ ʼàşěr־hébi֑yʼ ẖay־yĕhwáh֙ kiֽ̇y־ʼim־ra֣ẕĕţi̇y ʼaẖàrá֔yw wĕláqaẖĕţi֥̇y méʼiţò֖̇w mĕʼֽẇmáh׃

21
וַיִּרְדֹּ֥ף גֵּיחֲזִ֖י אַחֲרֵ֣י נַֽעֲמָ֑ן וַיִּרְאֶ֤ה נַֽעֲמָן֙ רָ֣ץ אַחֲרָ֔יו וַיִּפֹּ֞ל מֵעַ֧ל הַמֶּרְכָּבָ֛ה לִקְרָאתֹ֖ו וַיֹּ֥אמֶר הֲשָׁלֹֽום׃

wayi̇rĕdò֥̇p gé̇yẖàzi֖y ʼaẖàré֣y naֽʻàmá֑n wayi̇rĕʼe֤h naֽʻàmán֙ rá֣ẕ ʼaẖàrá֔yw wayi̇pò̇֞l méʻa֧l hamėrĕká̇bá֛h liqĕráʼţò֖w wayò֥̇ʼmer hàşá̌lòֽwm׃

22
וַיֹּ֣אמֶר׀ שָׁלֹ֗ום אֲדֹנִי֮ שְׁלָחַ֣נִי לֵאמֹר֒ הִנֵּ֣ה עַתָּ֡ה זֶ֠ה בָּ֣אוּ אֵלַ֧י שְׁנֵֽי־נְעָרִ֛ים מֵהַ֥ר אֶפְרַ֖יִם מִבְּנֵ֣י הַנְּבִיאִ֑ים תְּנָה־נָּ֤א לָהֶם֙ כִּכַּר־כֶּ֔סֶף וּשְׁתֵּ֖י חֲלִפֹ֥ות בְּגָדִֽים׃

wayò֣̇ʼmer׀ şá̌lò֗wm ʼàdòniy֮ şĕ̌láẖa֣niy léʼmòr֒ hiné֣̇h ʻaţá̇֡h ze֠h bá֣̇ʼẇ ʼéla֧y şĕ̌néֽy־nĕʻári֛ym méha֥r ʼepĕra֖yim mibĕ̇né֣y hanĕ̇biyʼi֑ym ţĕ̇náh־ná֤̇ʼ láhem֙ ki̇kȧr־kė֔sep ẇşĕ̌ţé֖̇y ẖàlipò֥wţ bĕ̇gádiֽym׃

23
וַיֹּ֣אמֶר נַעֲמָ֔ן הֹואֵ֖ל קַ֣ח כִּכָּרָ֑יִם וַיִּפְרָץ־בֹּ֗ו וַיָּצַר֩ כִּכְּרַ֨יִם כֶּ֜סֶף בִּשְׁנֵ֣י חֲרִטִ֗ים וּשְׁתֵּי֙ חֲלִפֹ֣ות בְּגָדִ֔ים וַיִּתֵּן֙ אֶל־שְׁנֵ֣י נְעָרָ֔יו וַיִּשְׂא֖וּ לְפָנָֽיו׃

wayò֣̇ʼmer naʻàmá֔n hòwʼé֖l qa֣ẖ ki̇ká̇rá֑yim wayi̇pĕráẕ־bò̇֗w wayá̇ẕar֩ ki̇kĕ̇ra֨yim kė֜sep bi̇şĕ̌né֣y ẖàriti֗ym ẇşĕ̌ţé̇y֙ ẖàlipò֣wţ bĕ̇gádi֔ym wayi̇ţé̇n֙ ʼel־şĕ̌né֣y nĕʻárá֔yw wayi̇şĕ̂ʼ֖ẇ lĕpánáֽyw׃

24
וַיָּבֹא֙ אֶל־הָעֹ֔פֶל וַיִּקַּ֥ח מִיָּדָ֖ם וַיִּפְקֹ֣ד בַּבָּ֑יִת וַיְשַׁלַּ֥ח אֶת־הָאֲנָשִׁ֖ים וַיֵּלֵֽכוּ׃

wayá̇bòʼ֙ ʼel־háʻò֔pel wayi̇qȧ֥ẖ miyá̇dá֖m wayi̇pĕqò֣d bȧbá֑̇yiţ wayĕşǎlȧ֥ẖ ʼeţ־háʼànáşǐ֖ym wayé̇léֽkẇ׃

25
וְהוּא־בָא֙ וַיַּעֲמֹ֣ד אֶל־אֲדֹנָ֔יו וַיֹּ֤אמֶר אֵלָיו֙ אֱלִישָׁ֔ע מֵאָן גֵּחֲזִ֑י וַיֹּ֕אמֶר לֹֽא־הָלַ֥ךְ עַבְדְּךָ֖ אָ֥נֶה וָאָֽנָה׃

wĕhẇʼ־báʼ֙ wayȧʻàmò֣d ʼel־ʼàdòná֔yw wayò֤̇ʼmer ʼéláyw֙ ʼèliyşá̌֔ʻ méʼán gé̇ẖàzi֑y wayò̇֕ʼmer lòֽʼ־hála֥kĕ ʻabĕdĕ̇ká֖ ʼá֥neh wáʼáֽnáh׃

26
וַיֹּ֤אמֶר אֵלָיו֙ לֹא־לִבִּ֣י הָלַ֔ךְ כַּאֲשֶׁ֧ר הָֽפַךְ־אִ֛ישׁ מֵעַ֥ל מֶרְכַּבְתֹּ֖ו לִקְרָאתֶ֑ךָ הַעֵ֞ת לָקַ֤חַת אֶת־הַכֶּ֨סֶף֙ וְלָקַ֣חַת בְּגָדִ֔ים וְזֵיתִ֤ים וּכְרָמִים֙ וְצֹ֣אן וּבָקָ֔ר וַעֲבָדִ֖ים וּשְׁפָחֹֽות׃

wayò֤̇ʼmer ʼéláyw֙ lòʼ־libi֣̇y hála֔kĕ kȧʼàşě֧r háֽpakĕ־ʼi֛yş̌ méʻa֥l merĕkȧbĕţò֖̇w liqĕráʼţe֑ká haʻé֞ţ láqa֤ẖaţ ʼeţ־hakė֨sep֙ wĕláqa֣ẖaţ bĕ̇gádi֔ym wĕzéyţi֤ym ẇkĕrámiym֙ wĕẕò֣ʼn ẇbáqá֔r waʻàbádi֖ym ẇşĕ̌páẖòֽwţ׃

27
וְצָרַ֤עַת נַֽעֲמָן֙ תִּֽדְבַּק־בְּךָ֔ וּֽבְזַרְעֲךָ לְעֹולָ֑ם וַיֵּצֵ֥א מִלְּפָנָ֖יו מְצֹרָ֥ע כַּשָּֽׁלֶג׃ ס

wĕẕára֤ʻaţ naֽʻàmán֙ ţiֽ̇dĕbȧq־bĕ̇ká֔ ẇֽbĕzarĕʻàká lĕʻòwlá֑m wayé̇ẕé֥ʼ milĕ̇páná֖yw mĕẕòrá֥ʻ kȧşáֽ̇̌leg׃ s