Bibles en langues anciennes
Traductions anciennes
Traductions modernes

Biblia Hebraica Stuttgartensia Ézéchiel 12

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

2
בֶּן־אָדָ֕ם בְּתֹ֥וךְ בֵּית־הַמֶּ֖רִי אַתָּ֣ה יֹשֵׁ֑ב אֲשֶׁ֣ר עֵינַיִם֩ לָהֶ֨ם לִרְאֹ֜ות וְלֹ֣א רָא֗וּ אָזְנַ֨יִם לָהֶ֤ם לִשְׁמֹ֨עַ֙ וְלֹ֣א שָׁמֵ֔עוּ כִּ֛י בֵּ֥ית מְרִ֖י הֵֽם׃

bėn־ʼádá֕m bĕ̇ţò֥wkĕ bé̇yţ־hamė֖riy ʼaţá֣̇h yòşé֑̌b ʼàşě֣r ʻéynayim֩ láhe֨m lirĕʼò֜wţ wĕlò֣ʼ ráʼ֗ẇ ʼázĕna֨yim láhe֤m lişĕ̌mò֨ʻa֙ wĕlò֣ʼ şá̌mé֔ʻẇ ki֛̇y bé֥̇yţ mĕri֖y héֽm׃

3
וְאַתָּ֣ה בֶן־אָדָ֗ם עֲשֵׂ֤ה לְךָ֙ כְּלֵ֣י גֹולָ֔ה וּגְלֵ֥ה יֹומָ֖ם לְעֵֽינֵיהֶ֑ם וְגָלִ֨יתָ מִמְּקֹומְךָ֜ אֶל־מָקֹ֤ום אַחֵר֙ לְעֵ֣ינֵיהֶ֔ם אוּלַ֣י יִרְא֔וּ כִּ֛י בֵּ֥ית מְרִ֖י הֵֽמָּה׃

wĕʼaţá֣̇h ben־ʼádá֗m ʻàşé֤̂h lĕká֙ kĕ̇lé֣y gòwlá֔h ẇgĕlé֥h yòwmá֖m lĕʻéֽynéyhe֑m wĕgáli֨yţá mimĕ̇qòwmĕká֜ ʼel־máqò֤wm ʼaẖér֙ lĕʻé֣ynéyhe֔m ʼẇla֣y yirĕʼ֔ẇ ki֛̇y bé֥̇yţ mĕri֖y héֽmá̇h׃

4
וְהֹוצֵאתָ֨ כֵלֶ֜יךָ כִּכְלֵ֥י גֹולָ֛ה יֹומָ֖ם לְעֵֽינֵיהֶ֑ם וְאַתָּ֗ה תֵּצֵ֤א בָעֶ֨רֶב֙ לְעֵ֣ינֵיהֶ֔ם כְּמֹוצָאֵ֖י גֹּולָֽה׃

wĕhòwẕéʼţá֨ kéle֜yká ki̇kĕlé֥y gòwlá֛h yòwmá֖m lĕʻéֽynéyhe֑m wĕʼaţá̇֗h ţé̇ẕé֤ʼ báʻe֨reb֙ lĕʻé֣ynéyhe֔m kĕ̇mòwẕáʼé֖y gò̇wláֽh׃

5
לְעֵינֵיהֶ֖ם חֲתָר־לְךָ֣ בַקִּ֑יר וְהֹוצֵאתָ֖ בֹּֽו׃

lĕʻéynéyhe֖m ẖàţár־lĕká֣ baqi֑̇yr wĕhòwẕéʼţá֖ bòֽ̇w׃

6
לְעֵ֨ינֵיהֶ֜ם עַל־כָּתֵ֤ף תִּשָּׂא֙ בָּעֲלָטָ֣ה תֹוצִ֔יא פָּנֶ֣יךָ תְכַסֶּ֔ה וְלֹ֥א תִרְאֶ֖ה אֶת־הָאָ֑רֶץ כִּֽי־מֹופֵ֥ת נְתַתִּ֖יךָ לְבֵ֥ית יִשְׂרָאֵֽל׃

lĕʻé֨ynéyhe֜m ʻal־ká̇ţé֤p ţi̇şá̇̂ʼ֙ bá̇ʻàlátá֣h ţòwẕi֔yʼ pá̇ne֣yká ţĕkasė֔h wĕlò֥ʼ ţirĕʼe֖h ʼeţ־háʼá֑reẕ kiֽ̇y־mòwpé֥ţ nĕţaţi֖̇yká lĕbé֥yţ yişĕ̂ráʼéֽl׃

7
וָאַ֣עַשׂ כֵּן֮ כַּאֲשֶׁ֣ר צֻוֵּיתִי֒ כֵּ֠לַי הֹוצֵ֜אתִי כִּכְלֵ֤י גֹולָה֙ יֹומָ֔ם וּבָעֶ֛רֶב חָתַֽרְתִּי־לִ֥י בַקִּ֖יר בְּיָ֑ד בָּעֲלָטָ֥ה הֹוצֵ֛אתִי עַל־כָּתֵ֥ף נָשָׂ֖אתִי לְעֵינֵיהֶֽם׃ פ

wáʼa֣ʻaş̂ ké̇n֮ kȧʼàşě֣r ẕuwé̇yţiy֒ ké̇֠lay hòwẕé֜ʼţiy ki̇kĕlé֤y gòwláh֙ yòwmá֔m ẇbáʻe֛reb ẖáţaֽrĕţi̇y־li֥y baqi֖̇yr bĕ̇yá֑d bá̇ʻàlátá֥h hòwẕé֛ʼţiy ʻal־ká̇ţé֥p náşá֖̂ʼţiy lĕʻéynéyheֽm׃ p

8
וַיְהִ֧י דְבַר־יְהוָ֛ה אֵלַ֖י בַּבֹּ֥קֶר לֵאמֹֽר׃

wayĕhi֧y dĕbar־yĕhwá֛h ʼéla֖y bȧbò֥̇qer léʼmòֽr׃

9
בֶּן־אָדָ֕ם הֲלֹ֨א אָמְר֥וּ אֵלֶ֛יךָ בֵּ֥ית יִשְׂרָאֵ֖ל בֵּ֣ית הַמֶּ֑רִי מָ֖ה אַתָּ֥ה עֹשֶֽׂה׃

bėn־ʼádá֕m hàlò֨ʼ ʼámĕr֥ẇ ʼéle֛yká bé֥̇yţ yişĕ̂ráʼé֖l bé֣̇yţ hamė֑riy má֖h ʼaţá֥̇h ʻòşêֽh׃

10
אֱמֹ֣ר אֲלֵיהֶ֔ם כֹּ֥ה אָמַ֖ר אֲדֹנָ֣י יְהֹוִ֑ה הַנָּשִׂ֞יא הַמַּשָּׂ֤א הַזֶּה֙ בִּיר֣וּשָׁלַ֔ם וְכָל־בֵּ֥ית יִשְׂרָאֵ֖ל אֲשֶׁר־הֵ֥מָּה בְתֹוכָֽם׃

ʼèmò֣r ʼàléyhe֔m kò֥̇h ʼáma֖r ʼàdòná֣y yĕhòwi֑h haná̇şî֞yʼ hamȧşá֤̇̂ʼ hazėh֙ bi̇yr֣ẇşá̌la֔m wĕkál־bé֥̇yţ yişĕ̂ráʼé֖l ʼàşěr־hé֥má̇h bĕţòwkáֽm׃

11
אֱמֹ֖ר אֲנִ֣י מֹֽופֶתְכֶ֑ם כַּאֲשֶׁ֣ר עָשִׂ֗יתִי כֵּ֚ן יֵעָשֶׂ֣ה לָהֶ֔ם בַּגֹּולָ֥ה בַשְּׁבִ֖י יֵלֵֽכוּ׃

ʼèmò֖r ʼàni֣y mòֽwpeţĕke֑m kȧʼàşě֣r ʻáşî֗yţiy ké֚̇n yéʻáşê֣h láhe֔m bȧgò̇wlá֥h başĕ̇̌bi֖y yéléֽkẇ׃

12
וְהַנָּשִׂ֨יא אֲשֶׁר־בְּתֹוכָ֜ם אֶל־כָּתֵ֤ף יִשָּׂא֙ בָּעֲלָטָ֣ה וְיֵצֵ֔א בַּקִּ֥יר יַחְתְּר֖וּ לְהֹ֣וצִיא בֹ֑ו פָּנָ֣יו יְכַסֶּ֔ה יַ֗עַן אֲשֶׁ֨ר לֹא־יִרְאֶ֥ה לַעַ֣יִן ה֖וּא אֶת־הָאָֽרֶץ׃

wĕhaná̇şî֨yʼ ʼàşěr־bĕ̇ţòwká֜m ʼel־ká̇ţé֤p yişá̇̂ʼ֙ bá̇ʻàlátá֣h wĕyéẕé֔ʼ bȧqi֥̇yr yaẖĕţĕ̇r֖ẇ lĕhò֣wẕiyʼ bò֑w pá̇ná֣yw yĕkasė֔h ya֗ʻan ʼàşě֨r lòʼ־yirĕʼe֥h laʻa֣yin h֖ẇʼ ʼeţ־háʼáֽreẕ׃

13
וּפָרַשְׂתִּ֤י אֶת־רִשְׁתִּי֙ עָלָ֔יו וְנִתְפַּ֖שׂ בִּמְצֽוּדָתִ֑י וְהֵבֵאתִ֨י אֹתֹ֤ו בָבֶ֨לָה֙ אֶ֣רֶץ כַּשְׂדִּ֔ים וְאֹותָ֥הּ לֹֽא־יִרְאֶ֖ה וְשָׁ֥ם יָמֽוּת׃

ẇpáraşĕ̂ţi֤̇y ʼeţ־rişĕ̌ţi̇y֙ ʻálá֔yw wĕniţĕpȧ֖ş̂ bi̇mĕẕֽẇdáţi֑y wĕhébéʼţi֨y ʼòţò֤w bábe֨láh֙ ʼe֣reẕ kȧşĕ̂di̇֔ym wĕʼòwţá֥ḣ lòֽʼ־yirĕʼe֖h wĕşá֥̌m yámֽẇţ׃

14
וְכֹל֩ אֲשֶׁ֨ר סְבִיבֹתָ֥יו עֶזְרֹה וְכָל־אֲגַפָּ֖יו אֱזָרֶ֣ה לְכָל־ר֑וּחַ וְחֶ֖רֶב אָרִ֥יק אַחֲרֵיהֶֽם׃

wĕkòl֩ ʼàşě֨r sĕbiybòţá֥yw ʻezĕròh wĕkál־ʼàgapá֖̇yw ʼèzáre֣h lĕkál־r֑ẇẖa wĕẖe֖reb ʼári֥yq ʼaẖàréyheֽm׃

15
וְיָדְע֖וּ כִּֽי־אֲנִ֣י יְהוָ֑ה בַּהֲפִיצִ֤י אֹותָם֙ בַּגֹּויִ֔ם וְזֵרִיתִ֥י אֹותָ֖ם בָּאֲרָצֹֽות׃

wĕyádĕʻ֖ẇ kiֽ̇y־ʼàni֣y yĕhwá֑h bȧhàpiyẕi֤y ʼòwţám֙ bȧgò̇wyi֔m wĕzériyţi֥y ʼòwţá֖m bá̇ʼàráẕòֽwţ׃

16
וְהֹותַרְתִּ֤י מֵהֶם֙ אַנְשֵׁ֣י מִסְפָּ֔ר מֵחֶ֖רֶב מֵרָעָ֣ב וּמִדָּ֑בֶר לְמַ֨עַן יְסַפְּר֜וּ אֶת־כָּל־תֹּועֲבֹֽותֵיהֶ֗ם בַּגֹּויִם֙ אֲשֶׁר־בָּ֣אוּ שָׁ֔ם וְיָדְע֖וּ כִּֽי־אֲנִ֥י יְהוָֽה׃ פ

wĕhòwţarĕţi֤̇y méhem֙ ʼanĕşé֣̌y misĕpá̇֔r méẖe֖reb méráʻá֣b ẇmidá֑̇ber lĕma֨ʻan yĕsapĕ̇r֜ẇ ʼeţ־ká̇l־ţò̇wʻàbòֽwţéyhe֗m bȧgò̇wyim֙ ʼàşěr־bá֣̇ʼẇ şá̌֔m wĕyádĕʻ֖ẇ kiֽ̇y־ʼàni֥y yĕhwáֽh׃ p

17
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

18
בֶּן־אָדָ֕ם לַחְמְךָ֖ בְּרַ֣עַשׁ תֹּאכֵ֑ל וּמֵימֶ֕יךָ בְּרָגְזָ֥ה וּבִדְאָגָ֖ה תִּשְׁתֶּֽה׃

bėn־ʼádá֕m laẖĕmĕká֖ bĕ̇ra֣ʻaş̌ ţò̇ʼké֑l ẇméyme֕yká bĕ̇rágĕzá֥h ẇbidĕʼágá֖h ţi̇şĕ̌ţėֽh׃

19
וְאָמַרְתָּ֣ אֶל־עַ֣ם הָאָ֡רֶץ כֹּֽה־אָמַר֩ אֲדֹנָ֨י יְהוִ֜ה לְיֹושְׁבֵ֤י יְרוּשָׁלִַ֨ם֙ אֶל־אַדְמַ֣ת יִשְׂרָאֵ֔ל לַחְמָם֙ בִּדְאָגָ֣ה יֹאכֵ֔לוּ וּמֵֽימֵיהֶ֖ם בְּשִׁמָּמֹ֣ון יִשְׁתּ֑וּ לְמַ֜עַן תֵּשַׁ֤ם אַרְצָהּ֙ מִמְּלֹאָ֔הּ מֵחֲמַ֖ס כָּֽל־הַיֹּשְׁבִ֥ים בָּֽהּ׃

wĕʼámarĕţá֣̇ ʼel־ʻa֣m háʼá֡reẕ kòֽ̇h־ʼámar֩ ʼàdòná֨y yĕhwi֜h lĕyòwşĕ̌bé֤y yĕrẇşá̌lia֨m֙ ʼel־ʼadĕma֣ţ yişĕ̂ráʼé֔l laẖĕmám֙ bi̇dĕʼágá֣h yòʼké֔lẇ ẇméֽyméyhe֖m bĕ̇şǐmá̇mò֣wn yişĕ̌ţ֑̇ẇ lĕma֜ʻan ţé̇şǎ֤m ʼarĕẕáḣ֙ mimĕ̇lòʼá֔ḣ méẖàma֖s káֽ̇l־hayò̇şĕ̌bi֥ym báֽ̇ḣ׃

20
וְהֶעָרִ֤ים הַנֹּֽושָׁבֹות֙ תֶּחֱרַ֔בְנָה וְהָאָ֖רֶץ שְׁמָמָ֣ה תִֽהְיֶ֑ה וִֽידַעְתֶּ֖ם כִּֽי־אֲנִ֥י יְהוָֽה׃ פ

wĕheʻári֤ym hanòֽ̇wşá̌bòwţ֙ ţėẖèra֔bĕnáh wĕháʼá֖reẕ şĕ̌mámá֣h ţiֽhĕye֑h wiֽydaʻĕţė֖m kiֽ̇y־ʼàni֥y yĕhwáֽh׃ p

21
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

22
בֶּן־אָדָ֗ם מָֽה־הַמָּשָׁ֤ל הַזֶּה֙ לָכֶ֔ם עַל־אַדְמַ֥ת יִשְׂרָאֵ֖ל לֵאמֹ֑ר יַֽאַרְכוּ֙ הַיָּמִ֔ים וְאָבַ֖ד כָּל־חָזֹֽון׃

bėn־ʼádá֗m máֽh־hamá̇şá֤̌l hazėh֙ láke֔m ʻal־ʼadĕma֥ţ yişĕ̂ráʼé֖l léʼmò֑r yaֽʼarĕkẇ֙ hayá̇mi֔ym wĕʼába֖d ká̇l־ẖázòֽwn׃

23
לָכֵ֞ן אֱמֹ֣ר אֲלֵיהֶ֗ם כֹּֽה־אָמַר֮ אֲדֹנָ֣י יְהוִה֒ הִשְׁבַּ֨תִּי֙ אֶת־הַמָּשָׁ֣ל הַזֶּ֔ה וְלֹֽא־יִמְשְׁל֥וּ אֹתֹ֛ו עֹ֖וד בְּיִשְׂרָאֵ֑ל כִּ֚י אִם־דַּבֵּ֣ר אֲלֵיהֶ֔ם קָֽרְבוּ֙ הַיָּמִ֔ים וּדְבַ֖ר כָּל־חָזֹֽון׃

láké֞n ʼèmò֣r ʼàléyhe֗m kòֽ̇h־ʼámar֮ ʼàdòná֣y yĕhwih֒ hişĕ̌bȧ֨ţi̇y֙ ʼeţ־hamá̇şá֣̌l hazė֔h wĕlòֽʼ־yimĕşĕ̌l֥ẇ ʼòţò֛w ʻò֖wd bĕ̇yişĕ̂ráʼé֑l ki֚̇y ʼim־dȧbé֣̇r ʼàléyhe֔m qáֽrĕbẇ֙ hayá̇mi֔ym ẇdĕba֖r ká̇l־ẖázòֽwn׃

24
כִּ֠י לֹ֣א יִֽהְיֶ֥ה עֹ֛וד כָּל־חֲזֹ֥ון שָׁ֖וְא וּמִקְסַ֣ם חָלָ֑ק בְּתֹ֖וךְ בֵּ֥ית יִשְׂרָאֵֽל׃

ki̇֠y lò֣ʼ yiֽhĕye֥h ʻò֛wd ká̇l־ẖàzò֥wn şá֖̌wĕʼ ẇmiqĕsa֣m ẖálá֑q bĕ̇ţò֖wkĕ bé֥̇yţ yişĕ̂ráʼéֽl׃

25
כִּ֣י׀ אֲנִ֣י יְהוָ֗ה אֲדַבֵּר֙ אֵת֩ אֲשֶׁ֨ר אֲדַבֵּ֤ר דָּבָר֙ וְיֵ֣עָשֶׂ֔ה לֹ֥א תִמָּשֵׁ֖ךְ עֹ֑וד כִּ֣י בִֽימֵיכֶ֞ם בֵּ֣ית הַמֶּ֗רִי אֲדַבֵּ֤ר דָּבָר֙ וַעֲשִׂיתִ֔יו נְאֻ֖ם אֲדֹנָ֥י יְהוִֽה׃ פ

ki֣̇y׀ ʼàni֣y yĕhwá֗h ʼàdabé̇r֙ ʼéţ֩ ʼàşě֨r ʼàdabé֤̇r dá̇bár֙ wĕyé֣ʻáşê֔h lò֥ʼ ţimá̇şé֖̌kĕ ʻò֑wd ki֣̇y biֽyméyke֞m bé֣̇yţ hamė֗riy ʼàdabé֤̇r dá̇bár֙ waʻàşîyţi֔yw nĕʼu֖m ʼàdòná֥y yĕhwiֽh׃ p

26
וַיְהִ֥י דְבַר־יְהוָ֖ה אֵלַ֥י לֵאמֹֽר׃

wayĕhi֥y dĕbar־yĕhwá֖h ʼéla֥y léʼmòֽr׃

27
בֶּן־אָדָ֗ם הִנֵּ֤ה בֵֽית־יִשְׂרָאֵל֙ אֹֽמְרִ֔ים הֶחָזֹ֛ון אֲשֶׁר־ה֥וּא חֹזֶ֖ה לְיָמִ֣ים רַבִּ֑ים וּלְעִתִּ֥ים רְחֹוקֹ֖ות ה֥וּא נִבָּֽא׃

bėn־ʼádá֗m hiné֤̇h béֽyţ־yişĕ̂ráʼél֙ ʼòֽmĕri֔ym heẖázò֛wn ʼàşěr־h֥ẇʼ ẖòze֖h lĕyámi֣ym rabi֑̇ym ẇlĕʻiţi֥̇ym rĕẖòwqò֖wţ h֥ẇʼ nibáֽ̇ʼ׃

28
לָכֵ֞ן אֱמֹ֣ר אֲלֵיהֶ֗ם כֹּ֤ה אָמַר֙ אֲדֹנָ֣י יְהוִ֔ה לֹא־תִמָּשֵׁ֥ךְ עֹ֖וד כָּל־דְּבָרָ֑י אֲשֶׁ֨ר אֲדַבֵּ֤ר דָּבָר֙ וְיֵ֣עָשֶׂ֔ה נְאֻ֖ם אֲדֹנָ֥י יְהוִֽה׃ ס

láké֞n ʼèmò֣r ʼàléyhe֗m kò֤̇h ʼámar֙ ʼàdòná֣y yĕhwi֔h lòʼ־ţimá̇şé֥̌kĕ ʻò֖wd ká̇l־dĕ̇bárá֑y ʼàşě֨r ʼàdabé֤̇r dá̇bár֙ wĕyé֣ʻáşê֔h nĕʼu֖m ʼàdòná֥y yĕhwiֽh׃ s