Bibles en langues anciennes
Traductions anciennes
Traductions modernes

Biblia Hebraica Stuttgartiensia Lamentations 5

Torah
Prophètes antérieurs (Neviim Rishonim)
Écrits
Prophètes postérieurs (Neviim Aharonim)
Chapitre
Versets
1
זְכֹ֤ר יְהוָה֙ מֶֽה־הָ֣יָה לָ֔נוּ הַבֵּיט וּרְאֵ֥ה אֶת־חֶרְפָּתֵֽנוּ׃

zĕkò֤r yĕhwáh֙ meֽh־há֣yáh lá֔nẇ habé̇yt ẇrĕʼé֥h ʼeţ־ẖerĕpá̇ţéֽnẇ׃

2
נַחֲלָתֵ֨נוּ֙ נֶֽהֶפְכָ֣ה לְזָרִ֔ים בָּתֵּ֖ינוּ לְנָכְרִֽים׃

naẖàláţé֨nẇ֙ neֽhepĕká֣h lĕzári֔ym bá̇ţé֖̇ynẇ lĕnákĕriֽym׃

3
יְתֹומִ֤ים הָיִ֨ינוּ֙ אֵין אָ֔ב אִמֹּתֵ֖ינוּ כְּאַלְמָנֹֽות׃

yĕţòwmi֤ym háyi֨ynẇ֙ ʼéyn ʼá֔b ʼimò̇ţé֖ynẇ kĕ̇ʼalĕmánòֽwţ׃

4
מֵימֵ֨ינוּ֙ בְּכֶ֣סֶף שָׁתִ֔ינוּ עֵצֵ֖ינוּ בִּמְחִ֥יר יָבֹֽאוּ׃

méymé֨ynẇ֙ bĕ̇ke֣sep şá̌ţi֔ynẇ ʻéẕé֖ynẇ bi̇mĕẖi֥yr yábòֽʼẇ׃

5
עַ֤ל צַוָּארֵ֨נוּ֙ נִרְדָּ֔פְנוּ יָגַ֖עְנוּ לֹא הֽוּנַֽח־לָֽנוּ׃

ʻa֤l ẕawá̇ʼré֨nẇ֙ nirĕdá̇֔pĕnẇ yága֖ʻĕnẇ lòʼ hֽẇnaֽẖ־láֽnẇ׃

6
מִצְרַ֨יִם֙ נָתַ֣נּוּ יָ֔ד אַשּׁ֖וּר לִשְׂבֹּ֥עַֽ לָֽחֶם׃

miẕĕra֨yim֙ náţa֣ṅẇ yá֔d ʼaş֖̇̌ẇr lişĕ̂bò֥̇ʻaֽ láֽẖem׃

7
אֲבֹתֵ֤ינוּ חָֽטְאוּ֙ אֵינָם אֲנַחְנוּ עֲוֹנֹתֵיהֶ֥ם סָבָֽלְנוּ׃

ʼàbòţé֤ynẇ ẖáֽtĕʼẇ֙ ʼéynám ʼànaẖĕnẇ ʻàwònòţéyhe֥m sábáֽlĕnẇ׃

8
עֲבָדִים֙ מָ֣שְׁלוּ בָ֔נוּ פֹּרֵ֖ק אֵ֥ין מִיָּדָֽם׃

ʻàbádiym֙ má֣şĕ̌lẇ bá֔nẇ pò̇ré֖q ʼé֥yn miyá̇dáֽm׃

9
בְּנַפְשֵׁ֨נוּ֙ נָבִ֣יא לַחְמֵ֔נוּ מִפְּנֵ֖י חֶ֥רֶב הַמִּדְבָּֽר׃

bĕ̇napĕşé̌֨nẇ֙ nábi֣yʼ laẖĕmé֔nẇ mipĕ̇né֖y ẖe֥reb hami̇dĕbáֽ̇r׃

10
עֹורֵ֨נוּ֙ כְּתַנּ֣וּר נִכְמָ֔רוּ מִפְּנֵ֖י זַלְעֲפֹ֥ות רָעָֽב׃

ʻòwré֨nẇ֙ kĕ̇ţaṅ֣ẇr nikĕmá֔rẇ mipĕ̇né֖y zalĕʻàpò֥wţ ráʻáֽb׃

11
נָשִׁים֙ בְּצִיֹּ֣ון עִנּ֔וּ בְּתֻלֹ֖ת בְּעָרֵ֥י יְהוּדָֽה׃

náşǐym֙ bĕ̇ẕiyò֣̇wn ʻiṅ֔ẇ bĕ̇ţulò֖ţ bĕ̇ʻáré֥y yĕhẇdáֽh׃

12
שָׂרִים֙ בְּיָדָ֣ם נִתְל֔וּ פְּנֵ֥י זְקֵנִ֖ים לֹ֥א נֶהְדָּֽרוּ׃

şá̂riym֙ bĕ̇yádá֣m niţĕl֔ẇ pĕ̇né֥y zĕqéni֖ym lò֥ʼ nehĕdáֽ̇rẇ׃

13
בַּחוּרִים֙ טְחֹ֣ון נָשָׂ֔אוּ וּנְעָרִ֖ים בָּעֵ֥ץ כָּשָֽׁלוּ׃

bȧẖẇriym֙ tĕẖò֣wn náşá̂֔ʼẇ ẇnĕʻári֖ym bá̇ʻé֥ẕ ká̇şáֽ̌lẇ׃

14
זְקֵנִים֙ מִשַּׁ֣עַר שָׁבָ֔תוּ בַּחוּרִ֖ים מִנְּגִינָתָֽם׃

zĕqéniym֙ mişȧ֣̌ʻar şá̌bá֔ţẇ bȧẖẇri֖ym minĕ̇giynáţáֽm׃

15
שָׁבַת֙ מְשֹׂ֣ושׂ לִבֵּ֔נוּ נֶהְפַּ֥ךְ לְאֵ֖בֶל מְחֹלֵֽנוּ׃

şá̌baţ֙ mĕşò֣̂wş̂ libé̇֔nẇ nehĕpȧ֥kĕ lĕʼé֖bel mĕẖòléֽnẇ׃

16
נָֽפְלָה֙ עֲטֶ֣רֶת רֹאשֵׁ֔נוּ אֹֽוי־נָ֥א לָ֖נוּ כִּ֥י חָטָֽאנוּ׃

náֽpĕláh֙ ʻàte֣reţ ròʼşé̌֔nẇ ʼòֽwy־ná֥ʼ lá֖nẇ ki֥̇y ẖátáֽʼnẇ׃

17
עַל־זֶ֗ה הָיָ֤ה דָוֶה֙ לִבֵּ֔נוּ עַל־אֵ֖לֶּה חָשְׁכ֥וּ עֵינֵֽינוּ׃

ʻal־ze֗h háyá֤h dáweh֙ libé̇֔nẇ ʻal־ʼé֖lėh ẖáşĕ̌k֥ẇ ʻéynéֽynẇ׃

18
עַ֤ל הַר־צִיֹּון֙ שֶׁשָּׁמֵ֔ם שׁוּעָלִ֖ים הִלְּכוּ־בֹֽו׃ פ

ʻa֤l har־ẕiyò̇wn֙ şěşá̇̌mé֔m ş̌ẇʻáli֖ym hilĕ̇kẇ־bòֽw׃ p

19
אַתָּ֤ה יְהוָה֙ לְעֹולָ֣ם תֵּשֵׁ֔ב כִּסְאֲךָ֖ לְדֹ֥ר וָדֹֽור׃

ʼaţá֤̇h yĕhwáh֙ lĕʻòwlá֣m ţé̇şé̌֔b ki̇sĕʼàká֖ lĕdò֥r wádòֽwr׃

20
לָ֤מָּה לָנֶ֨צַח֙ תִּשְׁכָּחֵ֔נוּ תַּֽעַזְבֵ֖נוּ לְאֹ֥רֶךְ יָמִֽים׃

lá֤má̇h láne֨ẕaẖ֙ ţi̇şĕ̌ká̇ẖé֔nẇ ţȧֽʻazĕbé֖nẇ lĕʼò֥rekĕ yámiֽym׃

21
הֲשִׁיבֵ֨נוּ יְהוָ֤ה׀ אֵלֶ֨יךָ֙ וְנָשׁוּב חַדֵּ֥שׁ יָמֵ֖ינוּ כְּקֶֽדֶם׃

hàşǐybé֨nẇ yĕhwá֤h׀ ʼéle֨yká֙ wĕnáş̌ẇb ẖadé֥̇ş̌ yámé֖ynẇ kĕ̇qeֽdem׃

22
כִּ֚י אִם־מָאֹ֣ס מְאַסְתָּ֔נוּ קָצַ֥פְתָּ עָלֵ֖ינוּ עַד־מְאֹֽד׃

ki֚̇y ʼim־máʼò֣s mĕʼasĕţá̇֔nẇ qáẕa֥pĕţá̇ ʻálé֖ynẇ ʻad־mĕʼòֽd׃