Bibles in ancient languages
Old translations
Modern translations

Biblia Hebraica Stuttgartiensia 1 Kings 15

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּבִשְׁנַת֙ שְׁמֹנֶ֣ה עֶשְׂרֵ֔ה לַמֶּ֖לֶךְ יָרָבְעָ֣ם בֶּן־נְבָ֑ט מָלַ֥ךְ אֲבִיָּ֖ם עַל־יְהוּדָֽה׃

ẇbişĕ̌naţ֙ şĕ̌mòne֣h ʻeşĕ̂ré֔h lamė֖lekĕ yárábĕʻá֣m bėn־nĕbá֑t mála֥kĕ ʼàbiyá֖̇m ʻal־yĕhẇdáֽh׃

2
שָׁלֹ֣שׁ שָׁנִ֔ים מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו מַעֲכָ֖ה בַּת־אֲבִישָׁלֹֽום׃

şá̌lò֣ş̌ şá̌ni֔ym mála֖kĕ bi̇yrẇşá̌liá֑m wĕşé֣̌m ʼimò̇֔w maʻàká֖h bȧţ־ʼàbiyşá̌lòֽwm׃

3
וַיֵּ֕לֶךְ בְּכָל־חַטֹּ֥אות אָבִ֖יו אֲשֶׁר־עָשָׂ֣ה לְפָנָ֑יו וְלֹא־הָיָ֨ה לְבָבֹ֤ו שָׁלֵם֙ עִם־יְהוָ֣ה אֱלֹהָ֔יו כִּלְבַ֖ב דָּוִ֥ד אָבִֽיו׃

wayé̇֕lekĕ bĕ̇kál־ẖatò֥̇ʼwţ ʼábi֖yw ʼàşěr־ʻáşá֣̂h lĕpáná֑yw wĕlòʼ־háyá֨h lĕbábò֤w şá̌lém֙ ʻim־yĕhwá֣h ʼèlòhá֔yw ki̇lĕba֖b dá̇wi֥d ʼábiֽyw׃

4
כִּ֚י לְמַ֣עַן דָּוִ֔ד נָתַן֩ יְהוָ֨ה אֱלֹהָ֥יו לֹ֛ו נִ֖יר בִּירוּשָׁלִָ֑ם לְהָקִ֤ים אֶת־בְּנֹו֙ אַחֲרָ֔יו וּֽלְהַעֲמִ֖יד אֶת־יְרוּשָׁלִָֽם׃

ki֚̇y lĕma֣ʻan dá̇wi֔d náţan֩ yĕhwá֨h ʼèlòhá֥yw lò֛w ni֖yr bi̇yrẇşá̌liá֑m lĕháqi֤ym ʼeţ־bĕ̇nòw֙ ʼaẖàrá֔yw ẇֽlĕhaʻàmi֖yd ʼeţ־yĕrẇşá̌láֽim׃

5
אֲשֶׁ֨ר עָשָׂ֥ה דָוִ֛ד אֶת־הַיָּשָׁ֖ר בְּעֵינֵ֣י יְהוָ֑ה וְלֹֽא־סָ֞ר מִכֹּ֣ל אֲשֶׁר־צִוָּ֗הוּ כֹּ֚ל יְמֵ֣י חַיָּ֔יו רַ֕ק בִּדְבַ֖ר אוּרִיָּ֥ה הַחִתִּֽי׃

ʼàşě֨r ʻáşá֥̂h dáwi֛d ʼeţ־hayá̇şá֖̌r bĕ̇ʻéyné֣y yĕhwá֑h wĕlòֽʼ־sá֞r mikò֣̇l ʼàşěr־ẕiwá̇֗hẇ kò֚̇l yĕmé֣y ẖayá̇֔yw ra֕q bi̇dĕba֖r ʼẇriyá֥̇h haẖiţiֽ̇y׃

6
וּמִלְחָמָ֨ה הָיְתָ֧ה בֵין־רְחַבְעָ֛ם וּבֵ֥ין יָרָבְעָ֖ם כָּל־יְמֵ֥י חַיָּֽיו׃

ẇmilĕẖámá֨h háyĕţá֧h béyn־rĕẖabĕʻá֛m ẇbé֥yn yárábĕʻá֖m ká̇l־yĕmé֥y ẖayáֽ̇yw׃

7
וְיֶ֨תֶר דִּבְרֵ֤י אֲבִיָּם֙ וְכָל־אֲשֶׁ֣ר עָשָׂ֔ה הֲלֹֽוא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה וּמִלְחָמָ֥ה הָיְתָ֛ה בֵּ֥ין אֲבִיָּ֖ם וּבֵ֥ין יָרָבְעָֽם׃

wĕye֨ţer di̇bĕré֤y ʼàbiyá̇m֙ wĕkál־ʼàşě֣r ʻáşá̂֔h hàlòֽwʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֣y yĕhẇdá֑h ẇmilĕẖámá֥h háyĕţá֛h bé֥̇yn ʼàbiyá֖̇m ẇbé֥yn yárábĕʻáֽm׃

8
וַיִּשְׁכַּ֤ב אֲבִיָּם֙ עִם־אֲבֹתָ֔יו וַיִּקְבְּר֥וּ אֹתֹ֖ו בְּעִ֣יר דָּוִ֑ד וַיִּמְלֹ֛ךְ אָסָ֥א בְנֹ֖ו תַּחְתָּֽיו׃ פ

wayi̇şĕ̌kȧ֤b ʼàbiyá̇m֙ ʻim־ʼàbòţá֔yw wayi̇qĕbĕ̇r֥ẇ ʼòţò֖w bĕ̇ʻi֣yr dá̇wi֑d wayi̇mĕlò֛kĕ ʼásá֥ʼ bĕnò֖w ţȧẖĕţáֽ̇yw׃ p

9
וּבִשְׁנַ֣ת עֶשְׂרִ֔ים לְיָרָבְעָ֖ם מֶ֣לֶךְ יִשְׂרָאֵ֑ל מָלַ֥ךְ אָסָ֖א מֶ֥לֶךְ יְהוּדָֽה׃

ẇbişĕ̌na֣ţ ʻeşĕ̂ri֔ym lĕyárábĕʻá֖m me֣lekĕ yişĕ̂ráʼé֑l mála֥kĕ ʼásá֖ʼ me֥lekĕ yĕhẇdáֽh׃

10
וְאַרְבָּעִ֤ים וְאַחַת֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו מַעֲכָ֖ה בַּת־אֲבִישָׁלֹֽום׃

wĕʼarĕbá̇ʻi֤ym wĕʼaẖaţ֙ şá̌ná֔h mála֖kĕ bi̇yrẇşá̌liá֑m wĕşé֣̌m ʼimò̇֔w maʻàká֖h bȧţ־ʼàbiyşá̌lòֽwm׃

11
וַיַּ֧עַשׂ אָסָ֛א הַיָּשָׁ֖ר בְּעֵינֵ֣י יְהוָ֑ה כְּדָוִ֖ד אָבִֽיו׃

wayȧ֧ʻaş̂ ʼásá֛ʼ hayá̇şá֖̌r bĕ̇ʻéyné֣y yĕhwá֑h kĕ̇dáwi֖d ʼábiֽyw׃

12
וַיַּעֲבֵ֥ר הַקְּדֵשִׁ֖ים מִן־הָאָ֑רֶץ וַיָּ֨סַר֙ אֶת־כָּל־הַגִּלֻּלִ֔ים אֲשֶׁ֥ר עָשׂ֖וּ אֲבֹתָֽיו׃

wayȧʻàbé֥r haqĕ̇déşǐ֖ym min־háʼá֑reẕ wayá̇֨sar֙ ʼeţ־ká̇l־hagi̇lu̇li֔ym ʼàşě֥r ʻáş֖̂ẇ ʼàbòţáֽyw׃

13
וְגַ֣ם׀ אֶת־מַעֲכָ֣ה אִמֹּ֗ו וַיְסִרֶ֨הָ֙ מִגְּבִירָ֔ה אֲשֶׁר־עָשְׂתָ֥ה מִפְלֶ֖צֶת לָאֲשֵׁרָ֑ה וַיִּכְרֹ֤ת אָסָא֙ אֶת־מִפְלַצְתָּ֔הּ וַיִּשְׂרֹ֖ף בְּנַ֥חַל קִדְרֹֽון׃

wĕga֣m׀ ʼeţ־maʻàká֣h ʼimò̇֗w wayĕsire֨há֙ migĕ̇biyrá֔h ʼàşěr־ʻáşĕ̂ţá֥h mipĕle֖ẕeţ láʼàşé̌rá֑h wayi̇kĕrò֤ţ ʼásáʼ֙ ʼeţ־mipĕlaẕĕţá̇֔ḣ wayi̇şĕ̂rò֖p bĕ̇na֥ẖal qidĕròֽwn׃

14
וְהַבָּמֹ֖ות לֹא־סָ֑רוּ רַ֣ק לְבַב־אָסָ֗א הָיָ֥ה שָׁלֵ֛ם עִם־יְהוָ֖ה כָּל־יָמָֽיו׃

wĕhabá̇mò֖wţ lòʼ־sá֑rẇ ra֣q lĕbab־ʼásá֗ʼ háyá֥h şá̌lé֛m ʻim־yĕhwá֖h ká̇l־yámáֽyw׃

15
וַיָּבֵא֙ אֶת־קָדְשֵׁ֣י אָבִ֔יו וְקָדְשֹׁו בֵּ֣ית יְהוָ֑ה כֶּ֥סֶף וְזָהָ֖ב וְכֵלִֽים׃

wayá̇béʼ֙ ʼeţ־qádĕşé֣̌y ʼábi֔yw wĕqádĕşò̌w bé֣̇yţ yĕhwá֑h kė֥sep wĕzáhá֖b wĕkéliֽym׃

16
וּמִלְחָמָ֨ה הָיְתָ֜ה בֵּ֣ין אָסָ֗א וּבֵ֛ין בַּעְשָׁ֥א מֶֽלֶךְ־יִשְׂרָאֵ֖ל כָּל־יְמֵיהֶֽם׃

ẇmilĕẖámá֨h háyĕţá֜h bé֣̇yn ʼásá֗ʼ ẇbé֛yn bȧʻĕşá֥̌ʼ meֽlekĕ־yişĕ̂ráʼé֖l ká̇l־yĕméyheֽm׃

17
וַיַּ֨עַל בַּעְשָׁ֤א מֶֽלֶךְ־יִשְׂרָאֵל֙ עַל־יְהוּדָ֔ה וַיִּ֖בֶן אֶת־הָרָמָ֑ה לְבִלְתִּ֗י תֵּ֚ת יֹצֵ֣א וָבָ֔א לְאָסָ֖א מֶ֥לֶךְ יְהוּדָֽה׃

wayȧ֨ʻal bȧʻĕşá֤̌ʼ meֽlekĕ־yişĕ̂ráʼél֙ ʻal־yĕhẇdá֔h wayi֖̇ben ʼeţ־hárámá֑h lĕbilĕţi̇֗y ţé֚̇ţ yòẕé֣ʼ wábá֔ʼ lĕʼásá֖ʼ me֥lekĕ yĕhẇdáֽh׃

18
וַיִּקַּ֣ח אָ֠סָא אֶת־כָּל־הַכֶּ֨סֶף וְהַזָּהָ֜ב הַֽנֹּותָרִ֣ים׀ בְּאֹוצְרֹ֣ות בֵּית־יְהוָ֗ה וְאֶת־אֹֽוצְרֹות֙ בֵּ֣ית מֶלֶךְ וַֽיִּתְּנֵ֖ם בְּיַד־עֲבָדָ֑יו וַיִּשְׁלָחֵ֞ם הַמֶּ֣לֶךְ אָסָ֗א אֶל־בֶּן־֠הֲדַד בֶּן־טַבְרִמֹּ֤ן בֶּן־חֶזְיֹון֙ מֶ֣לֶךְ אֲרָ֔ם הַיֹּשֵׁ֥ב בְּדַמֶּ֖שֶׂק לֵאמֹֽר׃

wayi̇qȧ֣ẖ ʼá֠sáʼ ʼeţ־ká̇l־hakė֨sep wĕhazá̇há֜b haֽnò̇wţári֣ym׀ bĕ̇ʼòwẕĕrò֣wţ bé̇yţ־yĕhwá֗h wĕʼeţ־ʼòֽwẕĕròwţ֙ bé֣̇yţ melekĕ waֽyi̇ţĕ̇né֖m bĕ̇yad־ʻàbádá֑yw wayi̇şĕ̌láẖé֞m hamė֣lekĕ ʼásá֗ʼ ʼel־bėn־֠hàdad bėn־tabĕrimò֤̇n bėn־ẖezĕyòwn֙ me֣lekĕ ʼàrá֔m hayò̇şé֥̌b bĕ̇damė֖şêq léʼmòֽr׃

19
בְּרִית֙ בֵּינִ֣י וּבֵינֶ֔ךָ בֵּ֥ין אָבִ֖י וּבֵ֣ין אָבִ֑יךָ הִנֵּה֩ שָׁלַ֨חְתִּֽי לְךָ֥ שֹׁ֨חַד֙ כֶּ֣סֶף וְזָהָ֔ב לֵ֣ךְ הָפֵ֗רָה אֶת־בְּרִֽיתְךָ֙ אֶת־בַּעְשָׁ֣א מֶֽלֶךְ־יִשְׂרָאֵ֔ל וְיַעֲלֶ֖ה מֵעָלָֽי׃

bĕ̇riyţ֙ bé̇yni֣y ẇbéyne֔ká bé֥̇yn ʼábi֖y ẇbé֣yn ʼábi֑yká hiné̇h֩ şá̌la֨ẖĕţiֽ̇y lĕká֥ şò̌֨ẖad֙ kė֣sep wĕzáhá֔b lé֣kĕ hápé֗ráh ʼeţ־bĕ̇riֽyţĕká֙ ʼeţ־bȧʻĕşá֣̌ʼ meֽlekĕ־yişĕ̂ráʼé֔l wĕyaʻàle֖h méʻáláֽy׃

20
וַיִּשְׁמַ֨ע בֶּן־הֲדַ֜ד אֶל־הַמֶּ֣לֶךְ אָסָ֗א וַ֠יִּשְׁלַח אֶת־שָׂרֵ֨י הַחֲיָלִ֤ים אֲשֶׁר־לֹו֙ עַל־עָרֵ֣י יִשְׂרָאֵ֔ל וַיַּךְ֙ אֶת־עִיֹּ֣ון וְאֶת־דָּ֔ן וְאֵ֖ת אָבֵ֣ל בֵּֽית־מַעֲכָ֑ה וְאֵת֙ כָּל־כִּנְרֹ֔ות עַ֖ל כָּל־אֶ֥רֶץ נַפְתָּלִֽי׃

wayi̇şĕ̌ma֨ʻ bėn־hàda֜d ʼel־hamė֣lekĕ ʼásá֗ʼ wa֠yi̇şĕ̌laẖ ʼeţ־şá̂ré֨y haẖàyáli֤ym ʼàşěr־lòw֙ ʻal־ʻáré֣y yişĕ̂ráʼé֔l wayȧkĕ֙ ʼeţ־ʻiyò֣̇wn wĕʼeţ־dá̇֔n wĕʼé֖ţ ʼábé֣l béֽ̇yţ־maʻàká֑h wĕʼéţ֙ ká̇l־ki̇nĕrò֔wţ ʻa֖l ká̇l־ʼe֥reẕ napĕţá̇liֽy׃

21
וַֽיְהִי֙ כִּשְׁמֹ֣עַ בַּעְשָׁ֔א וַיֶּחְדַּ֕ל מִבְּנֹ֖ות אֶת־הָֽרָמָ֑ה וַיֵּ֖שֶׁב בְּתִרְצָֽה׃

waֽyĕhiy֙ ki̇şĕ̌mò֣ʻa bȧʻĕşá̌֔ʼ wayėẖĕdȧ֕l mibĕ̇nò֖wţ ʼeţ־háֽrámá֑h wayé֖̇şěb bĕ̇ţirĕẕáֽh׃

22
וְהַמֶּ֨לֶךְ אָסָ֜א הִשְׁמִ֤יעַ אֶת־כָּל־יְהוּדָה֙ אֵ֣ין נָקִ֔י וַיִּשְׂא֞וּ אֶת־אַבְנֵ֤י הָֽרָמָה֙ וְאֶת־עֵצֶ֔יהָ אֲשֶׁ֥ר בָּנָ֖ה בַּעְשָׁ֑א וַיִּ֤בֶן בָּם֙ הַמֶּ֣לֶךְ אָסָ֔א אֶת־גֶּ֥בַע בִּנְיָמִ֖ן וְאֶת־הַמִּצְפָּֽה׃

wĕhamė֨lekĕ ʼásá֜ʼ hişĕ̌mi֤yʻa ʼeţ־ká̇l־yĕhẇdáh֙ ʼé֣yn náqi֔y wayi̇şĕ̂ʼ֞ẇ ʼeţ־ʼabĕné֤y háֽrámáh֙ wĕʼeţ־ʻéẕe֔yhá ʼàşě֥r bá̇ná֖h bȧʻĕşá֑̌ʼ wayi֤̇ben bá̇m֙ hamė֣lekĕ ʼásá֔ʼ ʼeţ־gė֥baʻ bi̇nĕyámi֖n wĕʼeţ־hami̇ẕĕpáֽ̇h׃

23
וְיֶ֣תֶר כָּל־דִּבְרֵֽי־אָ֠סָא וְכָל־גְּב֨וּרָתֹ֜ו וְכָל־אֲשֶׁ֣ר עָשָׂ֗ה וְהֶֽעָרִים֙ אֲשֶׁ֣ר בָּנָ֔ה הֲלֹֽא־הֵ֣מָּה כְתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה רַ֚ק לְעֵ֣ת זִקְנָתֹ֔ו חָלָ֖ה אֶת־רַגְלָֽיו׃

wĕye֣ţer ká̇l־di̇bĕréֽy־ʼá֠sáʼ wĕkál־gĕ̇b֨ẇráţò֜w wĕkál־ʼàşě֣r ʻáşá̂֗h wĕheֽʻáriym֙ ʼàşě֣r bá̇ná֔h hàlòֽʼ־hé֣má̇h kĕţẇbi֗ym ʻal־sé֛per di̇bĕré֥y hayá̇mi֖ym lĕmalĕké֣y yĕhẇdá֑h ra֚q lĕʻé֣ţ ziqĕnáţò֔w ẖálá֖h ʼeţ־ragĕláֽyw׃

24
וַיִּשְׁכַּ֤ב אָסָא֙ עִם־אֲבֹתָ֔יו וַיִּקָּבֵר֙ עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ יְהֹושָׁפָ֥ט בְּנֹ֖ו תַּחְתָּֽיו׃ פ

wayi̇şĕ̌kȧ֤b ʼásáʼ֙ ʻim־ʼàbòţá֔yw wayi̇qá̇bér֙ ʻim־ʼàbòţá֔yw bĕ̇ʻi֖yr dá̇wi֣d ʼábi֑yw wayi̇mĕlò֛kĕ yĕhòwşá̌pá֥t bĕ̇nò֖w ţȧẖĕţáֽ̇yw׃ p

25
וְנָדָ֣ב בֶּן־יָרָבְעָ֗ם מָלַךְ֙ עַל־יִשְׂרָאֵ֔ל בִּשְׁנַ֣ת שְׁתַּ֔יִם לְאָסָ֖א מֶ֣לֶךְ יְהוּדָ֑ה וַיִּמְלֹ֥ךְ עַל־יִשְׂרָאֵ֖ל שְׁנָתָֽיִם׃

wĕnádá֣b bėn־yárábĕʻá֗m málakĕ֙ ʻal־yişĕ̂ráʼé֔l bi̇şĕ̌na֣ţ şĕ̌ţȧ֔yim lĕʼásá֖ʼ me֣lekĕ yĕhẇdá֑h wayi̇mĕlò֥kĕ ʻal־yişĕ̂ráʼé֖l şĕ̌náţáֽyim׃

26
וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֨לֶךְ֙ בְּדֶ֣רֶךְ אָבִ֔יו וּ֨בְחַטָּאתֹ֔ו אֲשֶׁ֥ר הֶחֱטִ֖יא אֶת־יִשְׂרָאֵֽל׃

wayȧ֥ʻaş̂ hára֖ʻ bĕ̇ʻéyné֣y yĕhwá֑h wayé̇֨lekĕ֙ bĕ̇de֣rekĕ ʼábi֔yw ẇ֨bĕẖatá̇ʼţò֔w ʼàşě֥r heẖèti֖yʼ ʼeţ־yişĕ̂ráʼéֽl׃

27
וַיִּקְשֹׁ֨ר עָלָ֜יו בַּעְשָׁ֤א בֶן־אֲחִיָּה֙ לְבֵ֣ית יִשָּׂשכָ֔ר וַיַּכֵּ֣הוּ בַעְשָׁ֔א בְּגִבְּתֹ֖ון אֲשֶׁ֣ר לַפְּלִשְׁתִּ֑ים וְנָדָב֙ וְכָל־יִשְׂרָאֵ֔ל צָרִ֖ים עַֽל־גִּבְּתֹֽון׃

wayi̇qĕşò̌֨r ʻálá֜yw bȧʻĕşá֤̌ʼ ben־ʼàẖiyá̇h֙ lĕbé֣yţ yişá̇̂şká֔r wayȧké֣̇hẇ baʻĕşá̌֔ʼ bĕ̇gibĕ̇ţò֖wn ʼàşě֣r lapĕ̇lişĕ̌ţi֑̇ym wĕnádáb֙ wĕkál־yişĕ̂ráʼé֔l ẕári֖ym ʻaֽl־gi̇bĕ̇ţòֽwn׃

28
וַיְמִתֵ֣הוּ בַעְשָׁ֔א בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְ תַּחְתָּֽיו׃

wayĕmiţé֣hẇ baʻĕşá̌֔ʼ bi̇şĕ̌na֣ţ şá̌lò֔ş̌ lĕʼásá֖ʼ me֣lekĕ yĕhẇdá֑h wayi̇mĕlò֖kĕ ţȧẖĕţáֽ̇yw׃

29
וַיְהִ֣י כְמָלְכֹ֗ו הִכָּה֙ אֶת־כָּל־בֵּ֣ית יָרָבְעָ֔ם לֹֽא־הִשְׁאִ֧יר כָּל־נְשָׁמָ֛ה לְיָרָבְעָ֖ם עַד־הִשְׁמִדֹ֑ו כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַד־עַבְדֹּ֖ו אֲחִיָּ֥ה הַשִּׁילֹנִֽי׃

wayĕhi֣y kĕmálĕkò֗w hiká̇h֙ ʼeţ־ká̇l־bé֣̇yţ yárábĕʻá֔m lòֽʼ־hişĕ̌ʼi֧yr ká̇l־nĕşá̌má֛h lĕyárábĕʻá֖m ʻad־hişĕ̌midò֑w ki̇dĕba֣r yĕhwá֔h ʼàşě֣r di̇bė֔r bĕ̇yad־ʻabĕdò֖̇w ʼàẖiyá֥̇h haşi̇̌ylòniֽy׃

30
עַל־חַטֹּ֤אות יָרָבְעָם֙ אֲשֶׁ֣ר חָטָ֔א וַאֲשֶׁ֥ר הֶחֱטִ֖יא אֶת־יִשְׂרָאֵ֑ל בְּכַעְסֹ֕ו אֲשֶׁ֣ר הִכְעִ֔יס אֶת־יְהוָ֖ה אֱלֹהֵ֥י יִשְׂרָאֵֽל׃

ʻal־ẖatò֤̇ʼwţ yárábĕʻám֙ ʼàşě֣r ẖátá֔ʼ waʼàşě֥r heẖèti֖yʼ ʼeţ־yişĕ̂ráʼé֑l bĕ̇kaʻĕsò֕w ʼàşě֣r hikĕʻi֔ys ʼeţ־yĕhwá֖h ʼèlòhé֥y yişĕ̂ráʼéֽl׃

31
וְיֶ֛תֶר דִּבְרֵ֥י נָדָ֖ב וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

wĕye֛ţer di̇bĕré֥y nádá֖b wĕkál־ʼàşě֣r ʻáşá֑̂h hàlòʼ־hé֣m kĕ̇ţẇbi֗ym ʻal־sé֛per di̇bĕré֥y hayá̇mi֖ym lĕmalĕké֥y yişĕ̂ráʼéֽl׃

32
וּמִלְחָמָ֨ה הָיְתָ֜ה בֵּ֣ין אָסָ֗א וּבֵ֛ין בַּעְשָׁ֥א מֶֽלֶךְ־יִשְׂרָאֵ֖ל כָּל־יְמֵיהֶֽם׃ פ

ẇmilĕẖámá֨h háyĕţá֜h bé֣̇yn ʼásá֗ʼ ẇbé֛yn bȧʻĕşá֥̌ʼ meֽlekĕ־yişĕ̂ráʼé֖l ká̇l־yĕméyheֽm׃ p

33
בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה מָ֠לַךְ בַּעְשָׁ֨א בֶן־אֲחִיָּ֤ה עַל־כָּל־יִשְׂרָאֵל֙ בְּתִרְצָ֔ה עֶשְׂרִ֥ים וְאַרְבַּ֖ע שָׁנָֽה׃

bi̇şĕ̌na֣ţ şá̌lò֔ş̌ lĕʼásá֖ʼ me֣lekĕ yĕhẇdá֑h má֠lakĕ bȧʻĕşá̌֨ʼ ben־ʼàẖiyá֤̇h ʻal־ká̇l־yişĕ̂ráʼél֙ bĕ̇ţirĕẕá֔h ʻeşĕ̂ri֥ym wĕʼarĕbȧ֖ʻ şá̌náֽh׃

34
וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֨לֶךְ֙ בְּדֶ֣רֶךְ יָרָבְעָ֔ם וּ֨בְחַטָּאתֹ֔ו אֲשֶׁ֥ר הֶחֱטִ֖יא אֶת־יִשְׂרָאֵֽל׃ ס

wayȧ֥ʻaş̂ hára֖ʻ bĕ̇ʻéyné֣y yĕhwá֑h wayé̇֨lekĕ֙ bĕ̇de֣rekĕ yárábĕʻá֔m ẇ֨bĕẖatá̇ʼţò֔w ʼàşě֥r heẖèti֖yʼ ʼeţ־yişĕ̂ráʼéֽl׃ s