Bibles in ancient languages
Old translations
Modern translations

Biblia Hebraica Stuttgartiensia 1 Samuel 2

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַתִּתְפַּלֵּ֤ל חַנָּה֙ וַתֹּאמַ֔ר עָלַ֤ץ לִבִּי֙ בַּֽיהוָ֔ה רָ֥מָה קַרְנִ֖י בַּֽיהוָ֑ה רָ֤חַב פִּי֙ עַל־אֹ֣ויְבַ֔י כִּ֥י שָׂמַ֖חְתִּי בִּישׁוּעָתֶֽךָ׃

waţi̇ţĕpȧlé֤̇l ẖaná̇h֙ waţò̇ʼma֔r ʻála֤ẕ libi̇y֙ bȧֽyhwá֔h rá֥máh qarĕni֖y bȧֽyhwá֑h rá֤ẖab pi̇y֙ ʻal־ʼò֣wyĕba֔y ki֥̇y şá̂ma֖ẖĕţi̇y bi̇yş̌ẇʻáţeֽká׃

2
אֵין־קָדֹ֥ושׁ כַּיהוָ֖ה כִּ֣י אֵ֣ין בִּלְתֶּ֑ךָ וְאֵ֥ין צ֖וּר כֵּאלֹהֵֽינוּ׃

ʼéyn־qádò֥wş̌ kȧyhwá֖h ki֣̇y ʼé֣yn bi̇lĕţė֑ká wĕʼé֥yn ẕ֖ẇr ké̇ʼlòhéֽynẇ׃

3
אַל־תַּרְבּ֤וּ תְדַבְּרוּ֙ גְּבֹהָ֣ה גְבֹהָ֔ה יֵצֵ֥א עָתָ֖ק מִפִּיכֶ֑ם כִּ֣י אֵ֤ל דֵּעֹות֙ יְהוָ֔ה וְלֹא נִתְכְּנ֖וּ עֲלִלֹֽות׃

ʼal־ţȧrĕḃ֤ẇ ţĕdabĕ̇rẇ֙ gĕ̇bòhá֣h gĕbòhá֔h yéẕé֥ʼ ʻáţá֖q mipi̇yke֑m ki֣̇y ʼé֤l dé̇ʻòwţ֙ yĕhwá֔h wĕlòʼ niţĕkĕ̇n֖ẇ ʻàlilòֽwţ׃

4
קֶ֥שֶׁת גִּבֹּרִ֖ים חַתִּ֑ים וְנִכְשָׁלִ֖ים אָ֥זְרוּ חָֽיִל׃

qe֥şěţ gi̇bò̇ri֖ym ẖaţi֑̇ym wĕnikĕşá̌li֖ym ʼá֥zĕrẇ ẖáֽyil׃

5
שְׂבֵעִ֤ים בַּלֶּ֨חֶם֙ נִשְׂכָּ֔רוּ וּרְעֵבִ֖ים חָדֵ֑לּוּ עַד־עֲקָרָה֙ יָלְדָ֣ה שִׁבְעָ֔ה וְרַבַּ֥ת בָּנִ֖ים אֻמְלָֽלָה׃

şĕ̂béʻi֤ym bȧlė֨ẖem֙ nişĕ̂ká̇֔rẇ ẇrĕʻébi֖ym ẖádé֑l̇ẇ ʻad־ʻàqáráh֙ yálĕdá֣h şǐbĕʻá֔h wĕrabȧ֥ţ bá̇ni֖ym ʼumĕláֽláh׃

6
יְהוָ֖ה מֵמִ֣ית וּמְחַיֶּ֑ה מֹורִ֥יד שְׁאֹ֖ול וַיָּֽעַל׃

yĕhwá֖h mémi֣yţ ẇmĕẖayė֑h mòwri֥yd şĕ̌ʼò֖wl wayáֽ̇ʻal׃

7
יְהוָ֖ה מֹורִ֣ישׁ וּמַעֲשִׁ֑יר מַשְׁפִּ֖יל אַף־מְרֹומֵֽם׃

yĕhwá֖h mòwri֣yş̌ ẇmaʻàşǐ֑yr maşĕ̌pi֖̇yl ʼap־mĕròwméֽm׃

8
מֵקִ֨ים מֵעָפָ֜ר דָּ֗ל מֵֽאַשְׁפֹּת֙ יָרִ֣ים אֶבְיֹ֔ון לְהֹושִׁיב֙ עִם־נְדִיבִ֔ים וְכִסֵּ֥א כָבֹ֖וד יַנְחִלֵ֑ם כִּ֤י לַֽיהוָה֙ מְצֻ֣קֵי אֶ֔רֶץ וַיָּ֥שֶׁת עֲלֵיהֶ֖ם תֵּבֵֽל׃

méqi֨ym méʻápá֜r dá̇֗l méֽʼaşĕ̌pò̇ţ֙ yári֣ym ʼebĕyò֔wn lĕhòwşǐyb֙ ʻim־nĕdiybi֔ym wĕkisé֥̇ʼ kábò֖wd yanĕẖilé֑m ki֤̇y laֽyhwáh֙ mĕẕu֣qéy ʼe֔reẕ wayá֥̇şěţ ʻàléyhe֖m ţé̇béֽl׃

9
רַגְלֵ֤י חֲסִידֹו יִשְׁמֹ֔ר וּרְשָׁעִ֖ים בַּחֹ֣שֶׁךְ יִדָּ֑מּוּ כִּֽי־לֹ֥א בְכֹ֖חַ יִגְבַּר־אִֽישׁ׃

ragĕlé֤y ẖàsiydòw yişĕ̌mò֔r ẇrĕşá̌ʻi֖ym bȧẖò֣şěkĕ yidá֑̇ṁẇ kiֽ̇y־lò֥ʼ bĕkò֖ẖa yigĕbȧr־ʼiֽyş̌׃

10
יְהוָ֞ה יֵחַ֣תּוּ מְרִיבֹו עָלֹו בַּשָּׁמַ֣יִם יַרְעֵ֔ם יְהוָ֖ה יָדִ֣ין אַפְסֵי־אָ֑רֶץ וְיִתֶּן־עֹ֣ז לְמַלְכֹּ֔ו וְיָרֵ֖ם קֶ֥רֶן מְשִׁיחֹֽו׃ פ

yĕhwá֞h yéẖa֣ţ̇ẇ mĕriybòw ʻálòw bȧşá̇̌ma֣yim yarĕʻé֔m yĕhwá֖h yádi֣yn ʼapĕséy־ʼá֑reẕ wĕyiţėn־ʻò֣z lĕmalĕkò̇֔w wĕyáré֖m qe֥ren mĕşǐyẖòֽw׃ p

11
וַיֵּ֧לֶךְ אֶלְקָנָ֛ה הָרָמָ֖תָה עַל־בֵּיתֹ֑ו וְהַנַּ֗עַר הָיָ֤ה מְשָׁרֵת֙ אֶת־יְהוָ֔ה אֶת־פְּנֵ֖י עֵלִ֥י הַכֹּהֵֽן׃

wayé֧̇lekĕ ʼelĕqáná֛h hárámá֖ţáh ʻal־bé̇yţò֑w wĕhanȧ֗ʻar háyá֤h mĕşá̌réţ֙ ʼeţ־yĕhwá֔h ʼeţ־pĕ̇né֖y ʻéli֥y hakò̇héֽn׃

12
וּבְנֵ֥י עֵלִ֖י בְּנֵ֣י בְלִיָּ֑עַל לֹ֥א יָדְע֖וּ אֶת־יְהוָֽה׃

ẇbĕné֥y ʻéli֖y bĕ̇né֣y bĕliyá֑̇ʻal lò֥ʼ yádĕʻ֖ẇ ʼeţ־yĕhwáֽh׃

13
וּמִשְׁפַּ֥ט הַכֹּהֲנִ֖ים אֶת־הָעָ֑ם כָּל־אִ֞ישׁ זֹבֵ֣חַ זֶ֗בַח וּבָ֨א נַ֤עַר הַכֹּהֵן֙ כְּבַשֵּׁ֣ל הַבָּשָׂ֔ר וְהַמַּזְלֵ֛ג שְׁלֹ֥שׁ־הַשִּׁנַּ֖יִם בְּיָדֹֽו׃

ẇmişĕ̌pȧ֥t hakò̇hàni֖ym ʼeţ־háʻá֑m ká̇l־ʼi֞yş̌ zòbé֣ẖa ze֗baẖ ẇbá֨ʼ na֤ʻar hakò̇hén֙ kĕ̇başé֣̇̌l habá̇şá̂֔r wĕhamȧzĕlé֛g şĕ̌lò֥ş̌־haşi̇̌nȧ֖yim bĕ̇yádòֽw׃

14
וְהִכָּ֨ה בַכִּיֹּ֜ור אֹ֣ו בַדּ֗וּד אֹ֤ו בַקַּלַּ֨חַת֙ אֹ֣ו בַפָּר֔וּר כֹּ֚ל אֲשֶׁ֣ר יַעֲלֶ֣ה הַמַּזְלֵ֔ג יִקַּ֥ח הַכֹּהֵ֖ן בֹּ֑ו כָּ֚כָה יַעֲשׂ֣וּ לְכָל־יִשְׂרָאֵ֔ל הַבָּאִ֥ים שָׁ֖ם בְּשִׁלֹֽה׃

wĕhiká̇֨h baki̇yò̇֜wr ʼò֣w baḋ֗ẇd ʼò֤w baqȧlȧ֨ẖaţ֙ ʼò֣w bapá̇r֔ẇr kò֚̇l ʼàşě֣r yaʻàle֣h hamȧzĕlé֔g yiqȧ֥ẖ hakò̇hé֖n bò֑̇w ká֚̇káh yaʻàş֣̂ẇ lĕkál־yişĕ̂ráʼé֔l habá̇ʼi֥ym şá֖̌m bĕ̇şǐlòֽh׃

15
גַּם֮ בְּטֶרֶם֮ יַקְטִר֣וּן אֶת־הַחֵלֶב֒ וּבָ֣א׀ נַ֣עַר הַכֹּהֵ֗ן וְאָמַר֙ לָאִ֣ישׁ הַזֹּבֵ֔חַ תְּנָ֣ה בָשָׂ֔ר לִצְלֹ֖ות לַכֹּהֵ֑ן וְלֹֽא־יִקַּ֧ח מִמְּךָ֛ בָּשָׂ֥ר מְבֻשָּׁ֖ל כִּ֥י אִם־חָֽי׃

gȧm֮ bĕ̇terem֮ yaqĕtir֣ẇn ʼeţ־haẖéleb֒ ẇbá֣ʼ׀ na֣ʻar hakò̇hé֗n wĕʼámar֙ láʼi֣yş̌ hazò̇bé֔ẖa ţĕ̇ná֣h báşá̂֔r liẕĕlò֖wţ lakò̇hé֑n wĕlòֽʼ־yiqȧ֧ẖ mimĕ̇ká֛ bá̇şá֥̂r mĕbuşá֖̇̌l ki֥̇y ʼim־ẖáֽy׃

16
וַיֹּ֨אמֶר אֵלָ֜יו הָאִ֗ישׁ קַטֵּ֨ר יַקְטִיר֤וּן כַּיֹּום֙ הַחֵ֔לֶב וְקַ֨ח־לְךָ֔ כַּאֲשֶׁ֥ר תְּאַוֶּ֖ה נַפְשֶׁ֑ךָ וְאָמַ֥ר׀ לֹו כִּ֚י עַתָּ֣ה תִתֵּ֔ן וְאִם־לֹ֖א לָקַ֥חְתִּי בְחָזְקָֽה׃

wayò̇֨ʼmer ʼélá֜yw háʼi֗yş̌ qaté̇֨r yaqĕtiyr֤ẇn kȧyò̇wm֙ haẖé֔leb wĕqa֨ẖ־lĕká֔ kȧʼàşě֥r ţĕ̇ʼawė֖h napĕşě֑ká wĕʼáma֥r׀ lòw ki֚̇y ʻaţá֣̇h ţiţé̇֔n wĕʼim־lò֖ʼ láqa֥ẖĕţi̇y bĕẖázĕqáֽh׃

17
וַתְּהִ֨י חַטַּ֧את הַנְּעָרִ֛ים גְּדֹולָ֥ה מְאֹ֖ד אֶת־פְּנֵ֣י יְהוָ֑ה כִּ֤י נִֽאֲצוּ֙ הָֽאֲנָשִׁ֔ים אֵ֖ת מִנְחַ֥ת יְהוָֽה׃

waţĕ̇hi֨y ẖatȧ֧ʼţ hanĕ̇ʻári֛ym gĕ̇dòwlá֥h mĕʼò֖d ʼeţ־pĕ̇né֣y yĕhwá֑h ki֤̇y niֽʼàẕẇ֙ háֽʼànáşǐ֔ym ʼé֖ţ minĕẖa֥ţ yĕhwáֽh׃

18
וּשְׁמוּאֵ֕ל מְשָׁרֵ֖ת אֶת־פְּנֵ֣י יְהוָ֑ה נַ֕עַר חָג֖וּר אֵפֹ֥וד בָּֽד׃

ẇşĕ̌mẇʼé֕l mĕşá̌ré֖ţ ʼeţ־pĕ̇né֣y yĕhwá֑h na֕ʻar ẖág֖ẇr ʼépò֥wd báֽ̇d׃

19
וּמְעִ֤יל קָטֹן֙ תַּעֲשֶׂה־לֹּ֣ו אִמֹּ֔ו וְהַעַלְתָ֥ה לֹ֖ו מִיָּמִ֣ים׀ יָמִ֑ימָה בַּֽעֲלֹותָהּ֙ אֶת־אִישָׁ֔הּ לִזְבֹּ֖חַ אֶת־זֶ֥בַח הַיָּמִֽים׃

ẇmĕʻi֤yl qátòn֙ ţȧʻàşêh־lò֣̇w ʼimò̇֔w wĕhaʻalĕţá֥h lò֖w miyá̇mi֣ym׀ yámi֑ymáh bȧֽʻàlòwţáḣ֙ ʼeţ־ʼiyşá̌֔ḣ lizĕbò֖̇ẖa ʼeţ־ze֥baẖ hayá̇miֽym׃

20
וּבֵרַ֨ךְ עֵלִ֜י אֶת־אֶלְקָנָ֣ה וְאֶת־אִשְׁתֹּ֗ו וְאָמַר֙ יָשֵׂם֩ יְהוָ֨ה לְךָ֥ זֶ֨רַע֙ מִן־הָאִשָּׁ֣ה הַזֹּ֔את תַּ֚חַת הַשְּׁאֵלָ֔ה אֲשֶׁ֥ר שָׁאַ֖ל לַֽיהוָ֑ה וְהָלְכ֖וּ לִמְקֹמֹֽו׃

ẇbéra֨kĕ ʻéli֜y ʼeţ־ʼelĕqáná֣h wĕʼeţ־ʼişĕ̌ţò̇֗w wĕʼámar֙ yáşé̂m֩ yĕhwá֨h lĕká֥ ze֨raʻ֙ min־háʼişá֣̇̌h hazò̇֔ʼţ ţȧ֚ẖaţ haşĕ̇̌ʼélá֔h ʼàşě֥r şá̌ʼa֖l laֽyhwá֑h wĕhálĕk֖ẇ limĕqòmòֽw׃

21
כִּֽי־פָקַ֤ד יְהוָה֙ אֶת־חַנָּ֔ה וַתַּ֛הַר וַתֵּ֥לֶד שְׁלֹשָֽׁה־בָנִ֖ים וּשְׁתֵּ֣י בָנֹ֑ות וַיִּגְדַּ֛ל הַנַּ֥עַר שְׁמוּאֵ֖ל עִם־יְהוָֽה׃ ס

kiֽ̇y־páqa֤d yĕhwáh֙ ʼeţ־ẖaná̇֔h waţȧ֛har waţé֥̇led şĕ̌lòşáֽ̌h־báni֖ym ẇşĕ̌ţé֣̇y bánò֑wţ wayi̇gĕdȧ֛l hanȧ֥ʻar şĕ̌mẇʼé֖l ʻim־yĕhwáֽh׃ s

22
וְעֵלִ֖י זָקֵ֣ן מְאֹ֑ד וְשָׁמַ֗ע אֵת֩ כָּל־אֲשֶׁ֨ר יַעֲשׂ֤וּן בָּנָיו֙ לְכָל־יִשְׂרָאֵ֔ל וְאֵ֤ת אֲשֶֽׁר־יִשְׁכְּבוּן֙ אֶת־הַנָּשִׁ֔ים הַצֹּ֣בְאֹ֔ות פֶּ֖תַח אֹ֥הֶל מֹועֵֽד׃

wĕʻéli֖y záqé֣n mĕʼò֑d wĕşá̌ma֗ʻ ʼéţ֩ ká̇l־ʼàşě֨r yaʻàş֤̂ẇn bá̇náyw֙ lĕkál־yişĕ̂ráʼé֔l wĕʼé֤ţ ʼàşěֽr־yişĕ̌kĕ̇bẇn֙ ʼeţ־haná̇şǐ֔ym haẕò֣̇bĕʼò֔wţ pė֖ţaẖ ʼò֥hel mòwʻéֽd׃

23
וַיֹּ֣אמֶר לָהֶ֔ם לָ֥מָּה תַעֲשׂ֖וּן כַּדְּבָרִ֣ים הָאֵ֑לֶּה אֲשֶׁ֨ר אָנֹכִ֤י שֹׁמֵ֨עַ֙ אֶת־דִּבְרֵיכֶ֣ם רָעִ֔ים מֵאֵ֖ת כָּל־הָעָ֥ם אֵֽלֶּה׃

wayò֣̇ʼmer láhe֔m lá֥má̇h ţaʻàş֖̂ẇn kȧdĕ̇bári֣ym háʼé֑lėh ʼàşě֨r ʼánòki֤y şò̌mé֨ʻa֙ ʼeţ־di̇bĕréyke֣m ráʻi֔ym méʼé֖ţ ká̇l־háʻá֥m ʼéֽlėh׃

24
אַ֖ל בָּנָ֑י כִּ֠י לֹֽוא־טֹובָ֤ה הַשְּׁמֻעָה֙ אֲשֶׁ֣ר אָנֹכִ֣י שֹׁמֵ֔עַ מַעֲבִרִ֖ים עַם־יְהוָֽה׃

ʼa֖l bá̇ná֑y ki̇֠y lòֽwʼ־tòwbá֤h haşĕ̇̌muʻáh֙ ʼàşě֣r ʼánòki֣y şò̌mé֔ʻa maʻàbiri֖ym ʻam־yĕhwáֽh׃

25
אִם־יֶחֱטָ֨א אִ֤ישׁ לְאִישׁ֙ וּפִֽלְלֹ֣ו אֱלֹהִ֔ים וְאִ֤ם לַֽיהוָה֙ יֶֽחֱטָא־אִ֔ישׁ מִ֖י יִתְפַּלֶּל־לֹ֑ו וְלֹ֤א יִשְׁמְעוּ֙ לְקֹ֣ול אֲבִיהֶ֔ם כִּֽי־חָפֵ֥ץ יְהוָ֖ה לַהֲמִיתָֽם׃

ʼim־yeẖètá֨ʼ ʼi֤yş̌ lĕʼiyş̌֙ ẇpiֽlĕlò֣w ʼèlòhi֔ym wĕʼi֤m laֽyhwáh֙ yeֽẖètáʼ־ʼi֔yş̌ mi֖y yiţĕpȧlėl־lò֑w wĕlò֤ʼ yişĕ̌mĕʻẇ֙ lĕqò֣wl ʼàbiyhe֔m kiֽ̇y־ẖápé֥ẕ yĕhwá֖h lahàmiyţáֽm׃

26
וְהַנַּ֣עַר שְׁמוּאֵ֔ל הֹלֵ֥ךְ וְגָדֵ֖ל וָטֹ֑וב גַּ֚ם עִם־יְהוָ֔ה וְגַ֖ם עִם־אֲנָשִֽׁים׃ ס

wĕhanȧ֣ʻar şĕ̌mẇʼé֔l hòlé֥kĕ wĕgádé֖l wátò֑wb gȧ֚m ʻim־yĕhwá֔h wĕga֖m ʻim־ʼànáşǐֽym׃ s

27
וַיָּבֹ֥א אִישׁ־אֱלֹהִ֖ים אֶל־עֵלִ֑י וַיֹּ֣אמֶר אֵלָ֗יו כֹּ֚ה אָמַ֣ר יְהוָ֔ה הֲנִגְלֹ֤ה נִגְלֵ֨יתִי֙ אֶל־בֵּ֣ית אָבִ֔יךָ בִּֽהְיֹותָ֥ם בְּמִצְרַ֖יִם לְבֵ֥ית פַּרְעֹֽה׃

wayá̇bò֥ʼ ʼiyş̌־ʼèlòhi֖ym ʼel־ʻéli֑y wayò֣̇ʼmer ʼélá֗yw kò֚̇h ʼáma֣r yĕhwá֔h hànigĕlò֤h nigĕlé֨yţiy֙ ʼel־bé֣̇yţ ʼábi֔yká biֽ̇hĕyòwţá֥m bĕ̇miẕĕra֖yim lĕbé֥yţ pȧrĕʻòֽh׃

28
וּבָחֹ֣ר אֹ֠תֹו מִכָּל־שִׁבְטֵ֨י יִשְׂרָאֵ֥ל לִי֙ לְכֹהֵ֔ן לַעֲלֹ֣ות עַֽל־מִזְבְּחִ֗י לְהַקְטִ֥יר קְטֹ֛רֶת לָשֵׂ֥את אֵפֹ֖וד לְפָנָ֑י וָֽאֶתְּנָה֙ לְבֵ֣ית אָבִ֔יךָ אֶת־כָּל־אִשֵּׁ֖י בְּנֵ֥י יִשְׂרָאֵֽל׃

ẇbáẖò֣r ʼò֠ţòw miká̇l־şǐbĕté֨y yişĕ̂ráʼé֥l liy֙ lĕkòhé֔n laʻàlò֣wţ ʻaֽl־mizĕbĕ̇ẖi֗y lĕhaqĕti֥yr qĕtò֛reţ láşé֥̂ʼţ ʼépò֖wd lĕpáná֑y wáֽʼeţĕ̇náh֙ lĕbé֣yţ ʼábi֔yká ʼeţ־ká̇l־ʼişé֖̇̌y bĕ̇né֥y yişĕ̂ráʼéֽl׃

29
לָ֣מָּה תִבְעֲט֗וּ בְּזִבְחִי֙ וּבְמִנְחָתִ֔י אֲשֶׁ֥ר צִוִּ֖יתִי מָעֹ֑ון וַתְּכַבֵּ֤ד אֶת־בָּנֶ֨יךָ֙ מִמֶּ֔נִּי לְהַבְרִֽיאֲכֶ֗ם מֵרֵאשִׁ֛ית כָּל־מִנְחַ֥ת יִשְׂרָאֵ֖ל לְעַמִּֽי׃

lá֣má̇h ţibĕʻàt֗ẇ bĕ̇zibĕẖiy֙ ẇbĕminĕẖáţi֔y ʼàşě֥r ẕiwi֖̇yţiy máʻò֑wn waţĕ̇kabé֤̇d ʼeţ־bá̇ne֨yká֙ mimė֔ni̇y lĕhabĕriֽyʼàke֗m méréʼşǐ֛yţ ká̇l־minĕẖa֥ţ yişĕ̂ráʼé֖l lĕʻamiֽ̇y׃

30
לָכֵ֗ן נְאֻם־יְהוָה֮ אֱלֹהֵ֣י יִשְׂרָאֵל֒ אָמֹ֣ור אָמַ֔רְתִּי בֵּֽיתְךָ֙ וּבֵ֣ית אָבִ֔יךָ יִתְהַלְּכ֥וּ לְפָנַ֖י עַד־עֹולָ֑ם וְעַתָּ֤ה נְאֻם־יְהוָה֙ חָלִ֣ילָה לִּ֔י כִּֽי־מְכַבְּדַ֥י אֲכַבֵּ֖ד וּבֹזַ֥י יֵקָֽלּוּ׃

láké֗n nĕʼum־yĕhwáh֮ ʼèlòhé֣y yişĕ̂ráʼél֒ ʼámò֣wr ʼáma֔rĕţi̇y béֽ̇yţĕká֙ ẇbé֣yţ ʼábi֔yká yiţĕhalĕ̇k֥ẇ lĕpána֖y ʻad־ʻòwlá֑m wĕʻaţá֤̇h nĕʼum־yĕhwáh֙ ẖáli֣yláh li̇֔y kiֽ̇y־mĕkabĕ̇da֥y ʼàkabé֖̇d ẇbòza֥y yéqáֽl̇ẇ׃

31
הִנֵּה֙ יָמִ֣ים בָּאִ֔ים וְגָֽדַעְתִּי֙ אֶת־זְרֹ֣עֲךָ֔ וְאֶת־זְרֹ֖עַ בֵּ֣ית אָבִ֑יךָ מִֽהְיֹ֥ות זָקֵ֖ן בְּבֵיתֶֽךָ׃

hiné̇h֙ yámi֣ym bá̇ʼi֔ym wĕgáֽdaʻĕţi̇y֙ ʼeţ־zĕrò֣ʻàká֔ wĕʼeţ־zĕrò֖ʻa bé֣̇yţ ʼábi֑yká miֽhĕyò֥wţ záqé֖n bĕ̇béyţeֽká׃

32
וְהִבַּטְתָּ֙ צַ֣ר מָעֹ֔ון בְּכֹ֥ל אֲשֶׁר־יֵיטִ֖יב אֶת־יִשְׂרָאֵ֑ל וְלֹֽא־יִהְיֶ֥ה זָקֵ֛ן בְּבֵיתְךָ֖ כָּל־הַיָּמִֽים׃

wĕhibȧtĕţá̇֙ ẕa֣r máʻò֔wn bĕ̇kò֥l ʼàşěr־yéyti֖yb ʼeţ־yişĕ̂ráʼé֑l wĕlòֽʼ־yihĕye֥h záqé֛n bĕ̇béyţĕká֖ ká̇l־hayá̇miֽym׃

33
וְאִ֗ישׁ לֹֽא־אַכְרִ֤ית לְךָ֙ מֵעִ֣ם מִזְבְּחִ֔י לְכַלֹּ֥ות אֶת־עֵינֶ֖יךָ וְלַאֲדִ֣יב אֶת־נַפְשֶׁ֑ךָ וְכָל־מַרְבִּ֥ית בֵּיתְךָ֖ יָמ֥וּתוּ אֲנָשִֽׁים׃

wĕʼi֗yş̌ lòֽʼ־ʼakĕri֤yţ lĕká֙ méʻi֣m mizĕbĕ̇ẖi֔y lĕkalò֥̇wţ ʼeţ־ʻéyne֖yká wĕlaʼàdi֣yb ʼeţ־napĕşě֑ká wĕkál־marĕbi֥̇yţ bé̇yţĕká֖ yám֥ẇţẇ ʼànáşǐֽym׃

34
וְזֶה־לְּךָ֣ הָאֹ֗ות אֲשֶׁ֤ר יָבֹא֙ אֶל־שְׁנֵ֣י בָנֶ֔יךָ אֶל־חָפְנִ֖י וּפִֽינְחָ֑ס בְּיֹ֥ום אֶחָ֖ד יָמ֥וּתוּ שְׁנֵיהֶֽם׃

wĕzeh־lĕ̇ká֣ háʼò֗wţ ʼàşě֤r yábòʼ֙ ʼel־şĕ̌né֣y báne֔yká ʼel־ẖápĕni֖y ẇpiֽynĕẖá֑s bĕ̇yò֥wm ʼeẖá֖d yám֥ẇţẇ şĕ̌néyheֽm׃

35
וַהֲקִימֹתִ֥י לִי֙ כֹּהֵ֣ן נֶאֱמָ֔ן כַּאֲשֶׁ֛ר בִּלְבָבִ֥י וּבְנַפְשִׁ֖י יַעֲשֶׂ֑ה וּבָנִ֤יתִי לֹו֙ בַּ֣יִת נֶאֱמָ֔ן וְהתְהַלֵּ֥ךְ לִפְנֵֽי־מְשִׁיחִ֖י כָּל־הַיָּמִֽים׃

wahàqiymòţi֥y liy֙ kò̇hé֣n neʼèmá֔n kȧʼàşě֛r bi̇lĕbábi֥y ẇbĕnapĕşǐ֖y yaʻàşê֑h ẇbáni֤yţiy lòw֙ bȧ֣yiţ neʼèmá֔n wĕhţĕhalé֥̇kĕ lipĕnéֽy־mĕşǐyẖi֖y ká̇l־hayá̇miֽym׃

36
וְהָיָ֗ה כָּל־הַנֹּותָר֙ בְּבֵ֣יתְךָ֔ יָבֹוא֙ לְהִשְׁתַּחֲוֹ֣ת לֹ֔ו לַאֲגֹ֥ורַת כֶּ֖סֶף וְכִכַּר־לָ֑חֶם וְאָמַ֗ר סְפָחֵ֥נִי נָ֛א אֶל־אַחַ֥ת הַכְּהֻנֹּ֖ות לֶאֱכֹ֥ל פַּת־לָֽחֶם׃ ס

wĕháyá֗h ká̇l־hanò̇wţár֙ bĕ̇bé֣yţĕká֔ yábòwʼ֙ lĕhişĕ̌ţȧẖàwò֣ţ lò֔w laʼàgò֥wraţ kė֖sep wĕkikȧr־lá֑ẖem wĕʼáma֗r sĕpáẖé֥niy ná֛ʼ ʼel־ʼaẖa֥ţ hakĕ̇hunò֖̇wţ leʼèkò֥l pȧţ־láֽẖem׃ s