Bibles in ancient languages
Old translations
Modern translations

Biblia Hebraica Stuttgartiensia 1 Samuel 4

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וַיְהִ֥י דְבַר־שְׁמוּאֵ֖ל לְכָל־יִשְׂרָאֵ֑ל וַיֵּצֵ֣א יִשְׂרָאֵל֩ לִקְרַ֨את פְּלִשְׁתִּ֜ים לַמִּלְחָמָ֗ה וַֽיַּחֲנוּ֙ עַל־הָאֶ֣בֶן הָעֵ֔זֶר וּפְלִשְׁתִּ֖ים חָנ֥וּ בַאֲפֵֽק׃

wayĕhi֥y dĕbar־şĕ̌mẇʼé֖l lĕkál־yişĕ̂ráʼé֑l wayé̇ẕé֣ʼ yişĕ̂ráʼél֩ liqĕra֨ʼţ pĕ̇lişĕ̌ţi̇֜ym lami̇lĕẖámá֗h waֽyȧẖànẇ֙ ʻal־háʼe֣ben háʻé֔zer ẇpĕlişĕ̌ţi֖̇ym ẖán֥ẇ baʼàpéֽq׃

2
וַיַּעַרְכ֨וּ פְלִשְׁתִּ֜ים לִקְרַ֣את יִשְׂרָאֵ֗ל וַתִּטֹּשׁ֙ הַמִּלְחָמָ֔ה וַיִּנָּ֥גֶף יִשְׂרָאֵ֖ל לִפְנֵ֣י פְלִשְׁתִּ֑ים וַיַּכּ֤וּ בַמַּֽעֲרָכָה֙ בַּשָּׂדֶ֔ה כְּאַרְבַּ֥עַת אֲלָפִ֖ים אִֽישׁ׃

wayȧʻarĕk֨ẇ pĕlişĕ̌ţi̇֜ym liqĕra֣ʼţ yişĕ̂ráʼé֗l waţi̇tò̇ş̌֙ hami̇lĕẖámá֔h wayi̇ná֥̇gep yişĕ̂ráʼé֖l lipĕné֣y pĕlişĕ̌ţi֑̇ym wayȧk֤̇ẇ bamȧֽʻàrákáh֙ bȧşá̇̂de֔h kĕ̇ʼarĕbȧ֥ʻaţ ʼàlápi֖ym ʼiֽyş̌׃

3
וַיָּבֹ֣א הָעָם֮ אֶל־הַֽמַּחֲנֶה֒ וַיֹּֽאמְרוּ֙ זִקְנֵ֣י יִשְׂרָאֵ֔ל לָ֣מָּה נְגָפָ֧נוּ יְהוָ֛ה הַיֹּ֖ום לִפְנֵ֣י פְלִשְׁתִּ֑ים נִקְחָ֧ה אֵלֵ֣ינוּ מִשִּׁלֹ֗ה אֶת־אֲרֹון֙ בְּרִ֣ית יְהוָ֔ה וְיָבֹ֣א בְקִרְבֵּ֔נוּ וְיֹשִׁעֵ֖נוּ מִכַּ֥ף אֹיְבֵֽינוּ׃

wayá̇bò֣ʼ háʻám֮ ʼel־haֽmȧẖàneh֒ wayòֽ̇ʼmĕrẇ֙ ziqĕné֣y yişĕ̂ráʼé֔l lá֣má̇h nĕgápá֧nẇ yĕhwá֛h hayò֖̇wm lipĕné֣y pĕlişĕ̌ţi֑̇ym niqĕẖá֧h ʼélé֣ynẇ mişi̇̌lò֗h ʼeţ־ʼàròwn֙ bĕ̇ri֣yţ yĕhwá֔h wĕyábò֣ʼ bĕqirĕbé̇֔nẇ wĕyòşǐʻé֖nẇ mikȧ֥p ʼòyĕbéֽynẇ׃

4
וַיִּשְׁלַ֤ח הָעָם֙ שִׁלֹ֔ה וַיִּשְׂא֣וּ מִשָּׁ֗ם אֵ֣ת אֲרֹ֧ון בְּרִית־יְהוָ֛ה צְבָאֹ֖ות יֹשֵׁ֣ב הַכְּרֻבִ֑ים וְשָׁ֞ם שְׁנֵ֣י בְנֵֽי־עֵלִ֗י עִם־אֲרֹון֙ בְּרִ֣ית הָאֱלֹהִ֔ים חָפְנִ֖י וּפִֽינְחָֽס׃

wayi̇şĕ̌la֤ẖ háʻám֙ şǐlò֔h wayi̇şĕ̂ʼ֣ẇ mişá̇̌֗m ʼé֣ţ ʼàrò֧wn bĕ̇riyţ־yĕhwá֛h ẕĕbáʼò֖wţ yòşé֣̌b hakĕ̇rubi֑ym wĕşá̌֞m şĕ̌né֣y bĕnéֽy־ʻéli֗y ʻim־ʼàròwn֙ bĕ̇ri֣yţ háʼèlòhi֔ym ẖápĕni֖y ẇpiֽynĕẖáֽs׃

5
וַיְהִ֗י כְּבֹ֨וא אֲרֹ֤ון בְּרִית־יְהוָה֙ אֶל־הַֽמַּחֲנֶ֔ה וַיָּרִ֥עוּ כָל־יִשְׂרָאֵ֖ל תְּרוּעָ֣ה גְדֹולָ֑ה וַתֵּהֹ֖ם הָאָֽרֶץ׃

wayĕhi֗y kĕ̇bò֨wʼ ʼàrò֤wn bĕ̇riyţ־yĕhwáh֙ ʼel־haֽmȧẖàne֔h wayá̇ri֥ʻẇ kál־yişĕ̂ráʼé֖l ţĕ̇rẇʻá֣h gĕdòwlá֑h waţé̇hò֖m háʼáֽreẕ׃

6
וַיִּשְׁמְע֤וּ פְלִשְׁתִּים֙ אֶת־קֹ֣ול הַתְּרוּעָ֔ה וַיֹּ֣אמְר֔וּ מֶ֠ה קֹ֣ול הַתְּרוּעָ֧ה הַגְּדֹולָ֛ה הַזֹּ֖את בְּמַחֲנֵ֣ה הָעִבְרִ֑ים וַיֵּ֣דְע֔וּ כִּ֚י אֲרֹ֣ון יְהוָ֔ה בָּ֖א אֶל־הַֽמַּחֲנֶֽה׃

wayi̇şĕ̌mĕʻ֤ẇ pĕlişĕ̌ţi̇ym֙ ʼeţ־qò֣wl haţĕ̇rẇʻá֔h wayò֣̇ʼmĕr֔ẇ me֠h qò֣wl haţĕ̇rẇʻá֧h hagĕ̇dòwlá֛h hazò֖̇ʼţ bĕ̇maẖàné֣h háʻibĕri֑ym wayé֣̇dĕʻ֔ẇ ki֚̇y ʼàrò֣wn yĕhwá֔h bá֖̇ʼ ʼel־haֽmȧẖàneֽh׃

7
וַיִּֽרְאוּ֙ הַפְּלִשְׁתִּ֔ים כִּ֣י אָמְר֔וּ בָּ֥א אֱלֹהִ֖ים אֶל־הַֽמַּחֲנֶ֑ה וַיֹּאמְרוּ֙ אֹ֣וי לָ֔נוּ כִּ֣י לֹ֥א הָיְתָ֛ה כָּזֹ֖את אֶתְמֹ֥ול שִׁלְשֹֽׁם׃

wayiֽ̇rĕʼẇ֙ hapĕ̇lişĕ̌ţi̇֔ym ki֣̇y ʼámĕr֔ẇ bá֥̇ʼ ʼèlòhi֖ym ʼel־haֽmȧẖàne֑h wayò̇ʼmĕrẇ֙ ʼò֣wy lá֔nẇ ki֣̇y lò֥ʼ háyĕţá֛h ká̇zò֖ʼţ ʼeţĕmò֥wl şǐlĕşòֽ̌m׃

8
אֹ֣וי לָ֔נוּ מִ֣י יַצִּילֵ֔נוּ מִיַּ֛ד הָאֱלֹהִ֥ים הָאַדִּירִ֖ים הָאֵ֑לֶּה אֵ֧לֶּה הֵ֣ם הָאֱלֹהִ֗ים הַמַּכִּ֧ים אֶת־מִצְרַ֛יִם בְּכָל־מַכָּ֖ה בַּמִּדְבָּֽר׃

ʼò֣wy lá֔nẇ mi֣y yaẕi̇ylé֔nẇ miyȧ֛d háʼèlòhi֥ym háʼadi̇yri֖ym háʼé֑lėh ʼé֧lėh hé֣m háʼèlòhi֗ym hamȧki֧̇ym ʼeţ־miẕĕra֛yim bĕ̇kál־maká֖̇h bȧmi̇dĕbáֽ̇r׃

9
הִֽתְחַזְּק֞וּ וִֽהְי֤וּ לַֽאֲנָשִׁים֙ פְּלִשְׁתִּ֔ים פֶּ֚ן תַּעַבְד֣וּ לָעִבְרִ֔ים כַּאֲשֶׁ֥ר עָבְד֖וּ לָכֶ֑ם וִהְיִיתֶ֥ם לַאֲנָשִׁ֖ים וְנִלְחַמְתֶּֽם׃

hiֽţĕẖazĕ̇q֞ẇ wiֽhĕy֤ẇ laֽʼànáşǐym֙ pĕ̇lişĕ̌ţi̇֔ym pė֚n ţȧʻabĕd֣ẇ láʻibĕri֔ym kȧʼàşě֥r ʻábĕd֖ẇ láke֑m wihĕyiyţe֥m laʼànáşǐ֖ym wĕnilĕẖamĕţėֽm׃

10
וַיִּלָּחֲמ֣וּ פְלִשְׁתִּ֗ים וַיִּנָּ֤גֶף יִשְׂרָאֵל֙ וַיָּנֻ֨סוּ֙ אִ֣ישׁ לְאֹהָלָ֔יו וַתְּהִ֥י הַמַּכָּ֖ה גְּדֹולָ֣ה מְאֹ֑ד וַיִּפֹּל֙ מִיִּשְׂרָאֵ֔ל שְׁלֹשִׁ֥ים אֶ֖לֶף רַגְלִֽי׃

wayi̇lá̇ẖàm֣ẇ pĕlişĕ̌ţi̇֗ym wayi̇ná֤̇gep yişĕ̂ráʼél֙ wayá̇nu֨sẇ֙ ʼi֣yş̌ lĕʼòhálá֔yw waţĕ̇hi֥y hamȧká֖̇h gĕ̇dòwlá֣h mĕʼò֑d wayi̇pò̇l֙ miyi̇şĕ̂ráʼé֔l şĕ̌lòşǐ֥ym ʼe֖lep ragĕliֽy׃

11
וַאֲרֹ֥ון אֱלֹהִ֖ים נִלְקָ֑ח וּשְׁנֵ֤י בְנֵֽי־עֵלִי֙ מֵ֔תוּ חָפְנִ֖י וּפִֽינְחָֽס׃

waʼàrò֥wn ʼèlòhi֖ym nilĕqá֑ẖ ẇşĕ̌né֤y bĕnéֽy־ʻéliy֙ mé֔ţẇ ẖápĕni֖y ẇpiֽynĕẖáֽs׃

12
וַיָּ֤רָץ אִישׁ־בִּנְיָמִן֙ מֵהַמַּ֣עֲרָכָ֔ה וַיָּבֹ֥א שִׁלֹ֖ה בַּיֹּ֣ום הַה֑וּא וּמַדָּ֣יו קְרֻעִ֔ים וַאֲדָמָ֖ה עַל־רֹאשֹֽׁו׃

wayá֤̇ráẕ ʼiyş̌־bi̇nĕyámin֙ méhamȧ֣ʻàráká֔h wayá̇bò֥ʼ şǐlò֖h bȧyò֣̇wm hah֑ẇʼ ẇmadá֣̇yw qĕruʻi֔ym waʼàdámá֖h ʻal־ròʼşòֽ̌w׃

13
וַיָּבֹ֗וא וְהִנֵּ֣ה עֵ֠לִי יֹשֵׁ֨ב עַֽל־הַכִּסֵּ֜א יַךְ דֶּ֨רֶךְ֙ מְצַפֶּ֔ה כִּֽי־הָיָ֤ה לִבֹּו֙ חָרֵ֔ד עַ֖ל אֲרֹ֣ון הָאֱלֹהִ֑ים וְהָאִ֗ישׁ בָּ֚א לְהַגִּ֣יד בָּעִ֔יר וַתִּזְעַ֖ק כָּל־הָעִֽיר׃

wayá̇bò֗wʼ wĕhiné֣̇h ʻé֠liy yòşé̌֨b ʻaֽl־haki̇sé̇֜ʼ yakĕ dė֨rekĕ֙ mĕẕapė֔h kiֽ̇y־háyá֤h libò̇w֙ ẖáré֔d ʻa֖l ʼàrò֣wn háʼèlòhi֑ym wĕháʼi֗yş̌ bá֚̇ʼ lĕhagi֣̇yd bá̇ʻi֔yr waţi̇zĕʻa֖q ká̇l־háʻiֽyr׃

14
וַיִּשְׁמַ֤ע עֵלִי֙ אֶת־קֹ֣ול הַצְּעָקָ֔ה וַיֹּ֕אמֶר מֶ֛ה קֹ֥ול הֶהָמֹ֖ון הַזֶּ֑ה וְהָאִ֣ישׁ מִהַ֔ר וַיָּבֹ֖א וַיַּגֵּ֥ד לְעֵלִֽי׃

wayi̇şĕ̌ma֤ʻ ʻéliy֙ ʼeţ־qò֣wl haẕĕ̇ʻáqá֔h wayò̇֕ʼmer me֛h qò֥wl hehámò֖wn hazė֑h wĕháʼi֣yş̌ miha֔r wayá̇bò֖ʼ wayȧgé֥̇d lĕʻéliֽy׃

15
וְעֵלִ֕י בֶּן־תִּשְׁעִ֥ים וּשְׁמֹנֶ֖ה שָׁנָ֑ה וְעֵינָ֣יו קָ֔מָה וְלֹ֥א יָכֹ֖ול לִרְאֹֽות׃

wĕʻéli֕y bėn־ţi̇şĕ̌ʻi֥ym ẇşĕ̌mòne֖h şá̌ná֑h wĕʻéyná֣yw qá֔máh wĕlò֥ʼ yákò֖wl lirĕʼòֽwţ׃

16
וַיֹּ֨אמֶר הָאִ֜ישׁ אֶל־עֵלִ֗י אָֽנֹכִי֙ הַבָּ֣א מִן־הַמַּעֲרָכָ֔ה וַאֲנִ֕י מִן־הַמַּעֲרָכָ֖ה נַ֣סְתִּי הַיֹּ֑ום וַיֹּ֛אמֶר מֶֽה־הָיָ֥ה הַדָּבָ֖ר בְּנִֽי׃

wayò̇֨ʼmer háʼi֜yş̌ ʼel־ʻéli֗y ʼáֽnòkiy֙ habá֣̇ʼ min־hamȧʻàráká֔h waʼàni֕y min־hamȧʻàráká֖h na֣sĕţi̇y hayò֑̇wm wayò֛̇ʼmer meֽh־háyá֥h hadá̇bá֖r bĕ̇niֽy׃

17
וַיַּ֨עַן הַֽמְבַשֵּׂ֜ר וַיֹּ֗אמֶר נָ֤ס יִשְׂרָאֵל֙ לִפְנֵ֣י פְלִשְׁתִּ֔ים וְגַ֛ם מַגֵּפָ֥ה גְדֹולָ֖ה הָיְתָ֣ה בָעָ֑ם וְגַם־שְׁנֵ֨י בָנֶ֜יךָ מֵ֗תוּ חָפְנִי֙ וּפִ֣ינְחָ֔ס וַאֲרֹ֥ון הָאֱלֹהִ֖ים נִלְקָֽחָה׃ פ

wayȧ֨ʻan haֽmĕbaşé̇̂֜r wayò̇֗ʼmer ná֤s yişĕ̂ráʼél֙ lipĕné֣y pĕlişĕ̌ţi̇֔ym wĕga֛m magé̇pá֥h gĕdòwlá֖h háyĕţá֣h báʻá֑m wĕgam־şĕ̌né֨y báne֜yká mé֗ţẇ ẖápĕniy֙ ẇpi֣ynĕẖá֔s waʼàrò֥wn háʼèlòhi֖ym nilĕqáֽẖáh׃ p

18
וַיְהִ֞י כְּהַזְכִּירֹ֣ו׀ אֶת־אֲרֹ֣ון הָאֱלֹהִ֗ים וַיִּפֹּ֣ל מֵֽעַל־הַ֠כִּסֵּא אֲחֹ֨רַנִּ֜ית בְּעַ֣ד׀ יַ֣ד הַשַּׁ֗עַר וַתִּשָּׁבֵ֤ר מַפְרַקְתֹּו֙ וַיָּמֹ֔ת כִּֽי־זָקֵ֥ן הָאִ֖ישׁ וְכָבֵ֑ד וְה֛וּא שָׁפַ֥ט אֶת־יִשְׂרָאֵ֖ל אַרְבָּעִ֥ים שָׁנָֽה׃

wayĕhi֞y kĕ̇hazĕki̇yrò֣w׀ ʼeţ־ʼàrò֣wn háʼèlòhi֗ym wayi̇pò֣̇l méֽʻal־ha֠ki̇sé̇ʼ ʼàẖò֨rani̇֜yţ bĕ̇ʻa֣d׀ ya֣d haşȧ̌֗ʻar waţi̇şá̇̌bé֤r mapĕraqĕţò̇w֙ wayá̇mò֔ţ kiֽ̇y־záqé֥n háʼi֖yş̌ wĕkábé֑d wĕh֛ẇʼ şá̌pa֥t ʼeţ־yişĕ̂ráʼé֖l ʼarĕbá̇ʻi֥ym şá̌náֽh׃

19
וְכַלָּתֹ֣ו אֵֽשֶׁת־פִּינְחָס֮ הָרָ֣ה לָלַת֒ וַתִּשְׁמַ֣ע אֶת־הַשְּׁמֻעָ֔ה אֶל־הִלָּקַח֙ אֲרֹ֣ון הָאֱלֹהִ֔ים וּמֵ֥ת חָמִ֖יהָ וְאִישָׁ֑הּ וַתִּכְרַ֣ע וַתֵּ֔לֶד כִּֽי־נֶהֶפְכ֥וּ עָלֶ֖יהָ צִרֶֽיהָ׃

wĕkalá̇ţò֣w ʼéֽşěţ־pi̇ynĕẖás֮ hárá֣h lálaţ֒ waţi̇şĕ̌ma֣ʻ ʼeţ־haşĕ̇̌muʻá֔h ʼel־hilá̇qaẖ֙ ʼàrò֣wn háʼèlòhi֔ym ẇmé֥ţ ẖámi֖yhá wĕʼiyşá֑̌ḣ waţi̇kĕra֣ʻ waţé̇֔led kiֽ̇y־nehepĕk֥ẇ ʻále֖yhá ẕireֽyhá׃

20
וּכְעֵ֣ת מוּתָ֗הּ וַתְּדַבֵּ֨רְנָה֙ הַנִּצָּבֹ֣ות עָלֶ֔יהָ אַל־תִּֽירְאִ֖י כִּ֣י בֵ֣ן יָלָ֑דְתְּ וְלֹ֥א עָנְתָ֖ה וְלֹא־שָׁ֥תָה לִבָּֽהּ׃

ẇkĕʻé֣ţ mẇţá֗ḣ waţĕ̇dabé̇֨rĕnáh֙ hani̇ẕá̇bò֣wţ ʻále֔yhá ʼal־ţiֽ̇yrĕʼi֖y ki֣̇y bé֣n yálá֑dĕţĕ̇ wĕlò֥ʼ ʻánĕţá֖h wĕlòʼ־şá֥̌ţáh libáֽ̇ḣ׃

21
וַתִּקְרָ֣א לַנַּ֗עַר אִֽי־כָבֹוד֙ לֵאמֹ֔ר גָּלָ֥ה כָבֹ֖וד מִיִּשְׂרָאֵ֑ל אֶל־הִלָּקַח֙ אֲרֹ֣ון הָאֱלֹהִ֔ים וְאֶל־חָמִ֖יהָ וְאִישָֽׁהּ׃

waţi̇qĕrá֣ʼ lanȧ֗ʻar ʼiֽy־kábòwd֙ léʼmò֔r gá̇lá֥h kábò֖wd miyi̇şĕ̂ráʼé֑l ʼel־hilá̇qaẖ֙ ʼàrò֣wn háʼèlòhi֔ym wĕʼel־ẖámi֖yhá wĕʼiyşáֽ̌ḣ׃

22
וַתֹּ֕אמֶר גָּלָ֥ה כָבֹ֖וד מִיִּשְׂרָאֵ֑ל כִּ֥י נִלְקַ֖ח אֲרֹ֥ון הָאֱלֹהִֽים׃ פ

waţò̇֕ʼmer gá̇lá֥h kábò֖wd miyi̇şĕ̂ráʼé֑l ki֥̇y nilĕqa֖ẖ ʼàrò֥wn háʼèlòhiֽym׃ p